Orchid Fertility Clinic

26/09/2026

"မျှော်လင့်ခြင်းရဲ့ လမ်းကလေးမှာ မောပန်းနေပြီလား…" 🌸

လတိုင်း လတိုင်း Test Kit လေးပေါ်မှာ မျဉ်းနှစ်ကြောင်း ပေါ်လာမလားဆိုပြီး ရင်ခုန်စွာနဲ့ စောင့်မျှော်ခဲ့ရတဲ့ စက္ကန့်တွေ…

မျှော်လင့်ထားသလို ဖြစ်မလာတဲ့အခါ တိတ်တဆိတ် ဝမ်းနည်းခဲ့ရတဲ့ ရာသီသွေးလာတဲ့ ရက်တွေ…

"သတင်းကောင်း မရသေးဘူးလား" ဆိုတဲ့ အနီးဝန်းကျင်ရဲ့ စေတနာစကားတွေကို ပြုံးပြပြီး ကြိတ်မှိတ် ကြံ့ကြံ့ခံခဲ့ရတဲ့ ခံစားချက်တွေ…

ဒါတွေကို မေမေတို့နဲ့အတူ အခြားသော အမျိုးသမီးများစွာလည်း ကြိတ်မှိတ် ခံစားနေကြရတာပါ။ သင် တစ်ယောက်တည်း မဟုတ်ပါဘူးနော်။ ❤️

ရင်သွေးလေးတစ်ယောက်ကို ပိုင်ဆိုင်ရဖို့ဆိုတာ အချို့အတွက် လွယ်ကူနိုင်ပေမဲ့၊ အချို့အတွက်တော့ စိတ်ရှည်မှု၊ ပေးဆပ်မှုနဲ့ သီးခံခြင်းများစွာနဲ့ တည်ဆောက်ရတဲ့ ခရီးတစ်ခု ဖြစ်နေတတ်ပါတယ်။

✅နားလည်ပေးနိုင်တဲ့ ခင်ပွန်းနဲ့အတူ စိတ်ဓာတ်မကျပဲမိမိကိုယ်ကို သေချာဂရုစိုက်ပါ—

✅စိတ်ဖိစီးမှုတွေကို တတ်နိုင်သမျှ လျှော့ချပါ။ စိတ်ဖိစီးမှုက သန္ဓေတည်ဖို့ ခက်ခဲစေတဲ့ အဓိကအကြောင်းရင်းတစ်ခုပါ။

✅ခန္ဓာကိုယ်အတွက် လိုအပ်တဲ့ အာဟာရကို မျှတစွာ စားသုံးပါ။

✅လိုအပ်ရင် အထူးကုဆရာဝန်နဲ့ သေချာတိုင်ပင်ပြီး စစ်ဆေးကုသမှုတွေ ခံယူပါ။

ကလေးဆိုတာ စိတ်ဆန္ဒနဲ့တင်မကဘဲ အချိန်အခါနဲ့ ကံဇာတာ အကျိုးပေးမှုလည်း လိုအပ်တဲ့ ပဟေဠိတစ်ခုပါ။ မိမိကိုယ်ကို အပြစ်တင်တာမျိုး၊ အားငယ်တာမျိုး လုံးဝမလုပ်ပါနဲ့။

သင်ဟာ ခိုင်မာတဲ့ မေတ္တာတံခါးကို ဖွင့်လှစ်ထားပြီးသား မိခင်ကောင်းတစ်ယောက်ပါ။ ရင်သွေးလေးက သင့်ဆီလာဖို့ လမ်းပျောက်နေတာ မဟုတ်ပါဘူး၊ အကောင်းဆုံးသော အချိန်တစ်ခုကို စောင့်ဆိုင်းနေတာပါနော်✨

ဒီနေ့မှာပဲ စိတ်ကို ပေါ့ပါးစွာထားပြီး မိမိကိုယ်ကို ပွေ့ဖက်လိုက်ပါ။ မကြာမီရက်များမှာ ရင်သွေးလေးရဲ့ သတင်းကောင်းနဲ့အတူ မေမေတို့ရဲ့ အပြုံးတွေကို မြင်တွေ့ရပါစေကြောင်း အမှန်ကန်ဆုံး ဆုမွန်ကောင်း တောင်းပေးလိုက်ပါတယ်နော်။ 👶👶💕

21/09/2026

One of the proud moments of a fertility center…🥰🥳
😍ART (IVF/IUI/TI) နည်းပညာတွေ‌ရဲ့အကူအညီနဲ့ ကိုယ်ဝန်ရရှိအောင်မြင်ခဲ့ကြတဲ့ ဖေဖေမေမေတို့ကို ဝမ်းသာတဲ့ အနေနဲ့ အမှတ်တရ Congratulations gift လေးပေးရတဲ့ပျော်စရာအခိုက်အတန့်လေးဟာ Fertility Center တစ်ခုအတွက်ဂုဏ်ယူစရာကြည်နူးစရာအချိန်လေးပဲဖြစ်ပါတယ်….
ဆရာမကြီးရဲ့လက်ဆောင်လေးရရှိသွားကြတဲ့စုံတွဲတွေရဲ့အမှတ်တရပုံရိပ်လေးတွေကိုအားလုံးထပ်တူဝမ်းသာပျော်ရွှင်ရအောင်ဝေမျှလိုက်ပါတယ်….🥰🥳
☘️ချစ်ခြင်းမေတ္တာတွေနဲ့အတူ ကြံ့ခိုင်တဲ့ဇွဲနဲ့ မိသားစုဘဝလေးရအောင် ကြိုးစားခဲ့တဲ့ ဇနီးမောင်နှံ အတွက် တန်ဖိုးမကြီးပေမယ့် ဂုဏ်ယူဝမ်းမြောက်မှု အမှတ်တရလက်ဆောင်လေး ပါ။ လက်ဆောင်မရသေးတဲ့ဖေဖေမေမေတို့လဲအားမလျှော့တမ်းဆက်ကြိုးစားကြပါနော်….☺️

08/09/2026

🥹ကိုယ်ဝန်ရှိ/မရှိ ဆီးစစ်ရတဲ့နေ့ဆိုတာ အိမ်ထောင်ရှင်တွေအတွက်စာမေးပွဲအောင်စာရင်းကြည့်ရသလိုရင်ခုန်စိတ်လှုပ်ရှားရတဲ့နေ့ပါပဲ အထူးသဖြင့်သားသမီးရဖို့ခက်ခဲနေလို့ ART နည်းပညာတွေရဲ့အကူအညီနဲ့ကြိုးစားနေရတဲ့စုံတွဲတွေမှာပေါ့……

😔IUI တစ်ကြိမ်လုပ်ပြီးတိုင်းဆီးစစ်ရမယ့်ရက်ကိုရင်ခုန်စွာစောင့်ရ နှစ်ကြောင်းမပေါ်ရင်အားလျော့ ရာသီပြန်လာရင်စိတ်ဓာတ်ကျရတဲ့ ကာလတွေပါပဲ….

ဒါပေမယ့် အားပြန်တင်းရင်းတစ်ကြိမ်ပြီးတစ်ကြိမ်ကြိုးစားကြည့်ရင်တော့တစ်ချိန်မှာပျော်ရွှင်ရတဲ့ရက်ဆိုတာသေချာပေါက်ရောက်လာပါတယ်နော်…..

🍀IUI သုံးကြိမ်မြောက်မှာမှ စာမေးပွဲအောင်သွားတဲ့စုံတွဲလေးဆိုရင်ဘယ်လောက်တောင်ဝမ်းသာရလိမ့်မလဲ…

✅ဒီစုံတွဲလေးကတော့ ဇွဲမလျော့တမ်းကြိုးစားမှုရဲ့သက်သေအဖြစ် ၃ကြိမ်မြောက် IUI လုပ်အပြီးမှာ မြင်ချင်လွန်းလှတဲ့ ဆီးနှစ်ကြောင်းပေါ်တာလေးကိုမြင်ခွင့်ရခဲ့ပါပြီ……🥰

ဒါကြောင့်ကြိုးစားနေဆဲဖေဖေမေမေတို့လဲအားမလျှော့တမ်း ဆက်ပြီးကြိုးစားကြပါနော် ပင်ပန်းရင်အနားယူပြီး အားပြည့်ရင်ပြန်ကြိုးစားကြဖို့ Orchid Fertility Clinic ကနေနွေးထွေးစွာကြိုဆိုလျက်ပါ…..

26/08/2026

သားသမီးရဖို့ ခက်ခဲနေတဲ့ ဇနီးမောင်နှံတွေအနေနဲ့ ဘာဆေးစစ်ချက်တွေ အဓိကလုပ်သင့်သလဲ? 👶🩺

ကလေးရယူဖို့ ကြိုးစားနေပေမဲ့ အဆင်မပြေဖြစ်နေရင် စိတ်ဓာတ်မကျပါနဲ့။ ကလေးမရနိုင်ခြင်းဟာ အမျိုးသမီးကြောင့်ရော အမျိုးသားကြောင့်ပါ ဖြစ်နိုင်တာမို့ နှစ်ယောက်စလုံး စနစ်တကျ ဆေးစစ်မှုယူဖို့ လိုအပ်ပါတယ်။

အဓိက စစ်ဆေးသင့်တဲ့ အရေးကြီး ဆေးစစ်ချက်များ -
👨 အမျိုးသားများအတွက် စစ်ဆေးရန်:
* သုတ်ပိုး စစ်ဆေးခြင်း (Semen Analysis): သုတ်ပိုး အရေအတွက်၊ ကူးခတ်နိုင်စွမ်း (Motility) နှင့် ပုံစံ မှန်မမှန် (Morphology) တို့ကို စစ်ဆေးခြင်း။

👩 အမျိုးသမီးများအတွက် စစ်ဆေးရန်:
* မျိုးဥအိမ် လုပ်ဆောင်ချက်နှင့် ဟော်မုန်း စစ်ဆေးခြင်း (Hormonal Profile & AMH Test): AMH၊ FSH၊ LH၊ Thyroid နှင့် Prolactin ဟော်မုန်းများကို စစ်ဆေးပြီး မျိုးဥအရည်အသွေးနှင့် ကျန်ရှိသည့် မျိုးဥပမာဏကို ကြည့်ခြင်း။

* တီဗီဓာတ်မှန်ရိုက်ခြင်း (Pelvic Ultrasound): သားအိမ် ပုံစံ၊ သားအိမ်နံရံ အထူအပါးနှင့် မျိုးဥအိမ်တွင် အရည်အိတ် (PCOS/Cysts) ရှိမရှိ စစ်ဆေးခြင်း။

* သားအိမ်နှင့် ပြွန်လမ်းကြောင်း ဓာတ်မှန်ရိုက်ခြင်း (HSG - Hysterosalpingography): မျိုးဥပြွန်လမ်းကြောင်း ပိတ်နေသလား ဆိုတာကို သားအိမ်အတွင်း ဆေးသွင်း၍ ဓာတ်မှန်ရိုက် စစ်ဆေးခြင်း။

တစ်ချို့တွေမှာအကြောင်းမယ်မယ်ရရမရှိပဲကလေးရဖိ့ခက်ခဲနေတာမျိုးလဲရှိတတ်တာမို့အချိန်ဆွဲမနေဘဲ မီးယပ်နှင့် သားဖွားအထူးကု သို့မဟုတ် Fertility Specialist အထူးကုဆရာဝန်ကြီးများနဲ့ စောစီးစွာ တိုင်ပင်ဆွေးနွေးတာက အမြန်ဆုံး အဖြေရှာနိုင်မယ့် နည်းလမ်းကောင်းဖြစ်ပါတယ်။ ❤️

ဒါကြောင့်ရင်သွေးရတနာပိုင်ဆိုင်ချင်တဲ့ဖေဖေမေမေတို့ရေ Orchid Fertility Clinic မှာကျွမ်းကျင်တဲ့ Fertility Specialist ဆရာဝန်ကြီးနဲ့လာရောက်တိုင်ပင်ဆွေးနွေးကြည့်ပြီး သင့်တော်တဲ့နည်းလမ်းနဲ့အတူတကွကြိုးစားကြည့်ကြပါစို့နော်….

Orchid Fertility Clinic, No (57) ,Orchid Condo, Ahlone Street, Ahlone Township, Yangon
09409099336,09406099337


#ကလေးရရှိရေး

17/08/2026

10/08/2026

သားအိမ်အသားလုံး (Uterine Fibroid) နဲ့ အမျိုးသမီးများ၏ သားသမီးရရှိနိုင်စွမ်း (Female Fertility) ဆက်စပ်မှု 🌸

အမျိုးသမီးတော်တော်များများမှာ သားအိမ်အသားလုံးရှိနေတတ်ကြပြီး "သားအိမ်မှာ အသားလုံးရှိရင် ကလေးမရနိုင်တော့ဘူးလား" ဆိုပြီး စိုးရိမ်လေ့ရှိကြပါတယ်။ အမှန်တော့ အကျိတ်တိုင်းက ကလေးရဖို့ကို မတားဆီးပါဘူး။ အဓိကက အကျိတ်ရဲ့ တည်နေရာ၊ အရွယ်အစားနဲ့ အရေအတွက် အပေါ်မှာ မူတည်ပါတယ်။

📍 သားအိမ်အသားလုံး၏ တည်နေရာ (၃) မျိုးနှင့် ကလေးရရှိနိုင်စွမ်း

* သားအိမ်အတွင်းနံရံအသားလုံး (Submucosal Fibroids): သားအိမ်အတွင်းဘက် (Cavity) ထဲအထိ ပြူထွက်နေတဲ့ အသားလုံးမျိုးဖြစ်ပါတယ်။ ကလေးရရှိနိုင်စွမ်းကို အထိခိုက်ဆုံးအသားလုံးအမျိုးအစားဖြစ်ပါတယ်။

သန္ဓေသား သားအိမ်တွင်းမှာ လာရောက်တွယ်ကပ်ဖို့ ခက်ခဲစေခြင်း သို့မဟုတ် ကိုယ်ဝန်ပျက်ကျခြင်းကို ဖြစ်စေနိုင်ပါတယ်။

* သားအိမ်ကြွက်သားနံရံအတွင်းအသားလုံး(Intramural Fibroids): သားအိမ်ရဲ့ ကြွက်သားအလွှာအတွင်းမှာ တည်ရှိပါတယ်။ အရွယ်အစား ၅ စင်တီမီတာထက် ကြီးမားပါက သားအိမ်ပုံစံကို ပျက်ယွင်းစေပြီး သားဥပြွန် (Fallopian tubes) တွေကို ပိတ်ဆို့တာမျိုး ဖြစ်စေနိုင်ပါတယ်။

* သားအိမ်အပြင်ဘက်နံရံအသားလုံး (Subserosal Fibroids): သားအိမ်ရဲ့ အပြင်ဘက်အလွှာမှာ တည်ရှိတာဖြစ်ပြီး ကလေးရရှိနိုင်စွမ်းအပေါ် ပုံမှန်အားဖြင့် သက်ရောက်မှု အနည်းဆုံး သို့မဟုတ် လုံးဝမရှိသလောက်ပါပဲ။

💡 Fibroid က ကလေးရရှိဖို့ ဘယ်လိုမျိုး အဟန့်အတား ဖြစ်စေတာလဲ။
* သန္ဓေသားတွယ်ကပ်မှုကို နှောင့်ယှက်ခြင်း: သားအိမ်အတွင်းထဲမှာ အသားလုံးရှိနေရင် သန္ဓေသား သားအိမ်နံရံမှာ တွယ်ကပ်ဖို့ နေရာမရဖြစ်တတ်ပါတယ်။
* သားဥပြွန် ပိတ်ဆို့ခြင်း: အသားလုံးက သားဥပြွန်အဝနားမှာ ရှိနေရင် သုတ်ပိုးနဲ့ မမျိုးဥ ဆုံတွေ့ဖို့ ခက်ခဲသွားစေပါတယ်။

* သားအိမ်အတွင်း သွေးလှည့်ပတ်မှု ပြောင်းလဲခြင်း: သန္ဓေသား ကြီးထွားဖို့ လိုအပ်တဲ့ သွေးထောက်ပံ့မှုကို လျော့နည်းစေနိုင်ပါတယ်။

🩺 ဘယ်အချိန်မှာ ဆရာဝန်နဲ့ ပြသသင့်သလဲ။
* အပြင်းအထန် ဗိုက်အောက်ပိုင်းအောင့်ခြင်း သို့မဟုတ် ရာသီလာစဉ် အလွန်အမင်း နာကျင်ခြင်း

* ရာသီသွေး အလွန်အမင်း ဆင်းခြင်း သို့မဟုတ် ရက်ရှည်ဆင်းခြင်း

* ကလေးယူဖို့ ၁ နှစ်ထက်မက ကြိုးစားသော်လည်း ကလေးမရနိုင်သေးခြင်း

✨ သတင်းကောင်းတစ်ခုကတော့ အသားလုံးရှိတိုင်း ခွဲစိတ်စရာမလိုသလို၊ လိုအပ်ပါကလည်း ဆေးဝါး ကုသမှုများ သို့မဟုတ် မှန်ပြောင်းဖြင့် အသားလုံးထုတ်ကုသခြင်း (Minimally Invasive Surgery) တို့ဖြင့် အောင်မြင်စွာ ကုသပြီး သဘာဝအတိုင်း ကိုယ်ဝန်ဆောင်နိုင်ကြသူများစွာ ရှိပါတယ်။

အကယ်၍ သင့်မှာ ဒါမှမဟုတ် သင့်မိတ်ဆွေမှာ ဒီလိုလက္ခဏာတွေရှိနေရင် မစိုးရိမ်ဘဲ အမျိုးသမီးမီးယပ်အထူးကု ဆရာဝန်နဲ့ စောစီးစွာ တိုင်ပင်ဆွေးနွေးကြည့်ကြဖို့ တိုက်တွန်းပါရစေ။ 💕

04/08/2026

⏰ Baby Maker Alert: အချိန်ကိုက်ခြင်းက အောင်မြင်ခြင်းရဲ့ အစပဲနော်! 👶✨

ကလေးယူဖို့ ကြိုးစားနေပေမဲ့ "ဘယ်အချိန်က အကောင်းဆုံးလဲ" ဆိုတာ ဝေခွဲမရ ဖြစ်နေတဲ့ မေမေ၊ ဖေဖေတို့အတွက် သတင်းကောင်းရှိပါတယ်!
ကလေးရဖို့အတွက် ကသာမန်တူတူနေရုံနဲ့တင် မလုံလောက်နေတာမျိုးလဲဖြစ်နိုင်ပါတယ်နော်…..
အဓိက သော့ချက်က TI (Timed In*******se) လို့ခေါ်တဲ့ "အချိန်ကိုက် အတူနေခြင်း" ပဲ ဖြစ်ပါတယ်။ 🎯 😉
🎯 TI (Timed In*******se) ဆိုတာ ဘာလဲ?
TI ဆိုတာ အလွယ်ပြောရရင်တော့ "မျိုးဥကြွေမယ့် အချိန်ကို အတိအကျ တွက်ချက်ပြီး အတူနေခြင်း" ပဲ ဖြစ်ပါတယ်။
ကလေးရဖို့ဆိုတာ သုတ်ပိုးလေးတွေ သားအိမ်ထဲ ရောက်သွားရုံနဲ့ မပြီးသေးဘဲ မမျိုးဥ (Egg) လေးနဲ့ သုတ်ပိုး (S***m) လေးတို့ "ဒိတ် (Date)" လုပ်မယ့် အချိန် အတိအကျ ကို မိအောင် ဖမ်းဖို့ လိုတာပါ။

* မမျိုးဥ (Egg) ရဲ့ အသက်က တိုလွန်းလို့ပါ: မမျိုးဥလေး ထွက်လာပြီးရင် အသက်ရှင်တာ ၁၂ နာရီကနေ ၂၄ နာရီ ပဲ ရှိပါတယ်။

* သုတ်ပိုး (S***m) ကတော့ အကြမ်းခံတယ်: အမျိုးသားတွေရဲ့ သုတ်ပိုးလေးတွေက အမျိုးသမီး ခန္ဓာကိုယ်ထဲမှာ ၃ ရက်ကနေ ၅ ရက် အထိ စောင့်ဆိုင်းနိုင်ပါတယ်။

📢 ဒါကြောင့် သဘောတရားက မမျိုးဥ မထွက်ခင် (သို့) ထွက်တဲ့နေ့မှာ သုတ်ပိုးလေးတွေ အဆင်သင့် ရောက်နေအောင် အချိန်ကိုက် ဖမ်းရတာပါ!

🤔 TI က ဘယ်သူတွေအတွက် သင့်တော်လဲ?
* ✅ အိမ်ထောင်သက် နုသေးတဲ့ စုံတွဲတွေ
* ✅ မျိုးဥကြွေတာ ပုံမှန်မဟုတ်တဲ့ မေမေတို့
* ✅ ဆေးစစ်ချက်အရ နှစ်ယောက်လုံးမှာ အပြစ်ပြောစရာ ကြီးကြီးမားမား ပြဿနာမရှိသူတွေ

✨ TI လုပ်ရင် ဘာတွေထူးခြားမှာလဲ?
* 🍀 သိပ္ပံနည်းကျ တွက်ချက်ခြင်း: ကိုယ့်ဘာသာ ခန့်မှန်းရုံတင် မဟုတ်ဘဲ ဆရာဝန်နဲ့ တိုင်ပင်ပြီး Ultrasound ရိုက်ကာ မျိုးဥအရွယ်အစားကို ကြည့်ပေးမှာဆိုတော့ အခွင့်အရေးက ပိုသေချာသွားတာပေါ့။

* 🍀 ဆေးအကူအညီ: မျိုးဥ ကောင်းကောင်း ကြွေစေဖို့ သောက်ဆေး (သို့) ထိုးဆေးလေးတွေ အကူအညီ ယူလို့ရပါတယ်။

* 🍀 Stress နည်းခြင်း: "ဒီနေ့လား၊ မနက်ဖြန်လား" ဆိုပြီး ခေါင်းစားစရာ မလိုတော့ဘဲ ဆရာဝန် ပေးတဲ့ Schedule အတိုင်း ပျော်ပျော်ရွှင်ရွှင်နဲ့ အေးဆေးလေး ကြိုးစားရုံပါပဲ။ IUI/IVF နည်းလမ်းတွေနဲ့ကြိုးစားနေတုန်းstress တွေများပြီးမအောင်မြင်ကြပေမယ့် စိတ်လေးလျှော့ပြီး ပေါ့ပေါ့ပါးပါးနဲ့ TI နည်းသုံးလိုက်မှအောင်မြင်သွားကြတဲ့စုံတွဲတွေလဲရှိတာမို့ stress တွေအရမ်းများနေရင် ဒီနည်းလမ်းလေးနဲ့ကြိုးစားကြည့်သင့်ပါတယ်နော်…..

❗️ မှတ်ချက်လေးတော့ ရှိတယ်နော်…
TI က အကုန်လုံးအတွက်တော့ Magic မဟုတ်ပါဘူး။ တကယ်လို့ သားအိမ်ပြွန် ပိတ်နေတာမျိုး ဒါမှမဟုတ် ဖေဖေ့ဘက်က သုတ်ပိုး အားနည်းတာမျိုး ရှိရင်တော့ တခြား နည်းလမ်းတွေဖြစ်တဲ့ IUI သို့မဟုတ် IVF ကို စဉ်းစားရပါမယ်။

💖 နိဂုံးချုပ် ဆုတောင်း:
အတင်း ဖိအားတွေများပြီး တာဝန်တစ်ခုလို မလုပ်ပါနဲ့နော်! အိမ်ထောင်သည်တိုင်းအတွက် "နှစ်ယောက်ကနေ သုံးယောက်" ဖြစ်လာမယ့်နေ့ရက်လေးတွေ အမြန်ဆုံး ရောက်ရှိလာပါစေကြောင်း ဆုတောင်းပေးလိုက်ပါတယ်ရှင်။ 🩵👶

*******se

25/07/2026

✨ "မျှော်လင့်ချက်တွေ သီးပွင့်လာဖို့ လှမ်းချီနေတဲ့ ခရီးစဉ်တစ်ခု" 🌸

ရင်သွေးရတနာ လိုချင်လွန်းလို့ အချိန်တွေ၊ ငွေကြေးတွေနဲ့ စိတ်ပင်ပန်းမှုတွေကို ရင်းနှီးပြီး ကြိုးစားနေကြရတဲ့ မိဘတွေအတွက် IVF ခရီးစဉ်ဆိုတာ သာမန် ခရီးလမ်းတစ်ခု မဟုတ်ပါဘူး။

နေ့ရက်တိုင်းမှာ ဆေးထိုးရတဲ့ နာကျင်မှု၊ ရလဒ် စောင့်ဆိုင်းရတဲ့ ရင်ခုန်သံတွေနဲ့အတူ "ငါတို့ ရမှာပါ" ဆိုတဲ့ မျှော်လင့်ချက်လေးတစ်ခုနဲ့ ခွန်အားမွေးပြီး လှမ်းချီနေကြရတာပါ။

ဒီနေ့ ဇူလိုင်လ (၂၅) ရက်နေ့မှာ ကျရောက်တဲ့ World IVF Day မှာတော့ ဆေးပညာဆိုင်ရာ တိုးတက်မှုတွေကို ဂုဏ်ပြုရုံတင်မကဘဲ၊ ရဲရင့်စွာ လျှောက်လှမ်းနေကြတဲ့ ဇနီးမောင်နှံတိုင်းရဲ့ ကြိုးစားမှုနဲ့ စိတ်ဓာတ်ကို လေးလေးနက်နက် အသိအမှတ်ပြုလိုက်ပါတယ်။

🔬 IVF (ဖန်ပြွန်သန္ဓေသား) နည်းပညာဆိုတာ ဘာလဲ။

IVF ဆိုတာ သဘာဝအတိုင်း ရင်သွေးရရှိဖို့ ခက်ခဲနေတဲ့ စုံတွဲများအတွက် ခေတ်မီ ဓာတ်ခွဲခန်းနည်းပညာဖြင့် ကူညီပေးတာ ဖြစ်ပါတယ်။ မိခင်ဆီမှ ရင့်မှည့်သော မမျိုးဥနှင့် ဖခင်ဆီမှ အားကောင်းသော သုတ်ပိုးတို့ကို ပြင်ပဓာတ်ခွဲခန်းတွင် စနစ်တကျ ပေါင်းစပ်၍ သန္ဓေအောင်စေပြီး၊ ကျန်းမာသန်စွမ်းသော သန္ဓေသားလောင်းကို မိခင်၏ သားအိမ်အတွင်းသို့ ပြန်လည် ထည့်သွင်းပေးသည့် ခေတ်မီ ဆေးပညာ နည်းလမ်း ဖြစ်ပါတယ်။

🤍 World IVF Day မှသည်...
* IVF နည်းလမ်းဖြင့် မိသားစုအိမ်မက် အကောင်အထည်ပေါ်ခဲ့ပြီး ရင်သွေးလေးတွေကို ပွေ့ဖက်ခွင့်ရရှိသွားကြပြီဖြစ်တဲ့ မိဘများကို ထပ်တူဝမ်းမြောက်ကြောင်း ဂုဏ်ပြုလိုက်ပါတယ်။

* လက်ရှိအချိန်မှာ အားတင်းပြီး ဆက်လက်ကြိုးစားနေကြဆဲ မိဘများ၏ မျှော်လင့်ချက်များလည်း အမြန်ဆုံး သီးပွင့်လာပါစေကြောင်း ဆုမွန်ကောင်းတောင်းပေးလိုက်ပါတယ်။

စေတနာ၊ မေတ္တာ၊ ဂရုစိုက်မှုတွေနဲ့ အဆင့်မြင့် နည်းပညာများ ပေါင်းစပ်ပြီး မိသားစုအိမ်မက်ကို အတူတကွ ပုံဖော်ပေးဖို့ Orchid Fertility Clinic မှ အမြဲတမ်း အသင့်ရှိနေပါတယ်။
ခက်ခဲတဲ့ ခရီးလမ်းကို အတူတကွ ရင်ဆိုင်ကျော်ဖြတ်ဖို့ အသေးစိတ် လာရောက် ဆွေးနွေးတိုင်ပင်နိုင်ပါတယ်ရှင် ✨👶🏻

24/07/2026

🌟 ဒီနေ့ဇူလိုင်လ ၂၄ရက်နေ့ဟာ International Self-care Day ဖြစ်ပါတယ်….

✨ဒီနေ့လေးမှာရင်သွေးလေး ရယူဖို့ ပြင်ဆင်နေတဲ့ မေမေလောင်း လေးတို့အတွက် ကိုယ်ခန္ဓာတင်မကဘဲ စိတ်ဓာတ်ပါ ကျန်းမာရွှင်လန်းနေဖို့က အလွန် အရေးကြီးပါတယ်။ ရင်သွေးယူဖို့ ကြိုးစားနေစဉ်ကာလ (TTC - Trying To Conceive) မှာ မျှော်လင့်ချက်တွေ၊ စိုးရိမ်မှုတွေနဲ့အတူ စိတ်ရောကိုယ်ပါ ပင်ပန်းရတတ်ပါတယ်။

ဒီနေ့မှာ မိမိကိုယ်ကို ချစ်ခင်ဂရုစိုက်ပြီး စိတ်ဓာတ်နဲ့ ခန္ဓာကိုယ်ကို ခွန်အားဖြည့်ပေးနိုင်မယ့် Self-Care နည်းလမ်း (၅) ချက် ကို ဝေမျှပေးလိုက်ပါတယ်။ 💗

1. စိတ်ဖိစီးမှုကို လျှော့ချပါ (Mental Self-Care)
တရားထိုင်ခြင်း သို့မဟုတ် အသက်ပြင်းပြင်းရှူခြင်း: တစ်နေ့ကို (၁၀) မိနစ်မျှ ငြိမ်သက်စွာ အသက်ရှူလေ့ကျင့်ခန်း လုပ်ပေးတာက စိတ်ဖိစီးမှု ဟော်မုန်းတွေကို လျှော့ချပေးပါတယ်။

ဝါသနာပါတာလေးတွေ လုပ်ပါ: စာဖတ်တာ၊ သီချင်းနားထောင်တာ၊ သစ်ပင်စိုက်တာ စတဲ့ မိမိကို ပျော်ရွှင်စေမယ့် ဝါသနာလေးတွေအတွက် အချိန်ပေးပါ။

2. အာဟာရပြည့်ဝအောင် စားသုံးပါ (Physical Self-Care)

ကျန်းမာရေးနဲ့ ညီညွတ်သော အစားအစာများ:
ဖောလစ်အက်ဆစ် (Folic Acid)၊ ဗီတာမင်နဲ့ သံဓာတ် ကြွယ်ဝတဲ့ ဟင်းသီးဟင်းရွက်၊ သစ်သီးဝလံများနှင့် အစေ့အဆန်များကို အဓိက စားသုံးပေးပါ။
ရေလုံလောက်စွာ သောက်ပါ: တစ်နေ့လျှင် ရေ (၈) ခွက်မှ (၁၀) ခွက်အထိ သောက်သုံးပေးခြင်းက ခန္ဓာကိုယ်တွင်း ဒြပ်ပေါင်းတွေကို ဟန်ချက်ညီစေပါတယ်။

ပေါ့ပေါ့ပါးပါး လေ့ကျင့်ခန်းလုပ်ပါ:
ယောဂကျင့်ခြင်း သို့မဟုတ် လမ်းလျှောက်ခြင်းကဲ့သို့ ပေါ့ပါးသော လေ့ကျင့်ခန်းများသည် သွေးလှည့်ပတ်မှုကို ကောင်းမွန်စေပါတယ်။

3. နှစ်ခြိုက်စွာ အနားယူပါ (Rest & Sleep)
အိပ်စက်ချိန် မပျက်ပါစေနဲ့: အနည်းဆုံး တစ်ညလျှင် ၇ နာရီမှ ၈ နာရီအထိ အိပ်စက်ခြင်းက ဟော်မုန်းများ ပုံမှန် လည်ပတ်ဖို့အတွက် အရေးကြီးပါတယ်။

ဖုန်း သို့မဟုတ် စခရင်ကြည့်ချိန် လျှော့ပါ: မအိပ်စက်မီ ၁ နာရီအလိုမှာ ဖုန်းကြည့်ခြင်းကို ရှောင်ကြဉ်ပြီး စိတ်ကို အေးချမ်းစွာ အနားယူစေပါ။

4. စိတ်ခံစားချက်ကို သက်သောင့်သက်သာ ရှိပါစေ (Emotional Care)

လူမှုကွန်ရက် သတင်းများကို ခေတ္တ အနားပေးပါ: အခြားသူတွေရဲ့ ကလေးရရှိကြောင်း သတင်းတွေကြောင့် မိမိစိတ်ကို ဖိစီးမှုဖြစ်စေရင် Social Media မသုံးဘဲ ခေတ္တ အနားယူပါ။

မိမိကိုယ်ကို အပြစ်မတင်ပါနဲ့:
ကလေးရဖို့ အချိန်ယူရတာဟာ သဘာဝကျတဲ့ အရာတစ်ခုဖြစ်လို့ မိမိကိုယ်ကို ဖိအားပေးခြင်း သို့မဟုတ် အပြစ်တင်ခြင်းများ မပြုလုပ်ပါနဲ့။

5. အိမ်ထောင်ဖက်နှင့် နားလည်မှု တည်ဆောက်ပါ (Relationship Care)
ပွင့်လင်းစွာ စကားပြောပါ:
မိမိရဲ့ စိုးရိမ်မှုတွေ၊ စိတ်ခံစားချက်တွေကို အိမ်ထောင်ဖက်ကို ပွင့်လင်းစွာ ဝေမျှပါ။

နှစ်ယောက်အတူ ပျော်ရွှင်စရာ အချိန်ဖန်တီးပါ: ကလေးရယူဖို့ ရည်ရွယ်ချက်တစ်ခုတည်းတင် မဟုတ်ဘဲ ချစ်သူဘဝတုန်းကလို ခရီးထွက်တာ၊ ဒိတ်လုပ်တာမျိုးတွေ ဖန်တီးပါ။

💡ရင်သွေးလေး ရရှိဖို့ ကြိုးစားနေတဲ့ မေမေလောင်းတစ်ယောက်ချင်းစီရဲ့ ကြိုးစားမှုတိုင်းဟာ လေးစားစရာကောင်းပါတယ်။ ဒီနေ့ "International Self Care Day" မှာ မိမိကိုယ်ကို ချစ်ခင်ပါ၊ ဂရုစိုက်ပါ၊
သက်သောင့်သက်သာ အနားယူလိုက်ပါနော်။ ✨🌸

17/07/2026

✨Miracle ဆိုတာဘဝမှာအနဲဆုံးတစ်ကြိမ်တော့ကြုံတွေ့နိုင်တဲ့အရာဆိုတာသက်သေပြသွားတဲ့စုံတွဲလေးပါ….

🤦‍♀️အမျိုးသားက Seaman ဆိုတော့အတူရှိချိန်နဲတဲ့အပြင် Semen analysis လုပ်တဲ့ result ကလဲ သဘာဝနည်း /IUI နည်းတွေနဲ့ ကြိုးစားကြည့်နိုင်တဲ့ပမာဏမဟုတ်နေဘူး😔

ဆရာမကြီး Dr Hnin နဲ့တိုင်ပင်ပြီး ဆရာမကြီးက IVF လုပ်ဖို့ recommend လုပ်ထားတာပါ…

ဒါပေမယ့်တစ်ကြိမ် နှစ်ကြိမ် လောက်တော့ IUI နည်းနဲ့ကြိုးစားကြည့်ချင်သေးတယ် …..💪🏻

မရမှပဲ IVF လုပ်တော့မယ်ဆိုပြီး IUI နဲ့ကြိုးစားလိုက်တာအောင်မြင်သွားပြီးခုဆိုကလေးနှလုံးခုန်နေတာလေးကိုမြင်ခွင့်ကြားခွင့်ရခဲ့ပါပြီ….😍

မျှော်လင့်ချက်နဲပေမယ့်လဲ IUI နည်းနဲ့ကြိုးစားပေးတဲ့ဆရာမကြီး Dr Hnin ကိုလဲကျေးဇူးအများကြီးတင်ပါတယ်ဆိုလာတဲ့ ဖေဖေမေမေတို့အကြောင်းလေးကိုဝေမျှပေးလိုက်ပါတယ်….🩵🩷

ဒါကြောင့်မို့ကလေးလေးရဖို့မျှော်လင့်နေတဲ့ဖေဖေမေမေတို့လဲဇွဲမလျှော့ပဲ ကျွမ်းကျင်တဲ့ဆရာဝန်ကြီးနဲ့သေချာတိုင်ပင်ပြီးကြိုးစားရင် Miracle လေးကတစ်ကြိမ်မှာတော့ကိုယ့်ဆီရောက်ရှိလာမှာပါနော်…..🍀