mental heal

Call Directions Contact the practice

mental heal Home where you feel loved, appreciated & safe - Your Mental Health Service It was hosted by Myanmar Young Entrepreneur Association (MYEA) and EWC2020.

About Us

“mental heal” is a social enterprise for delivering effective mental health awareness and online/offline counseling/therapy services to university students and white-collar workers. We connect the people who need mental care with the right and trusted professionals including counselors, psychologists, psychiatrists, career, and life coaches who understand and guide them through completely confidential individual sessions. Counseling and therapy services that we currently offer are ‘PTSD, OCD, Depression, Anxiety, Stress Management, Anger Management, Relationship, Emotional Wellness, and Career’ mainly. Success Stories

We received the “Honorable Mention Award” from Myanmar Youth Technopreneurship Development Program (MYTDP) held by Myanmar Computer Federation (MCF) and MPT. In August 2020, our team also participated in the Entrepreneurship World Cup 2020 and achieved as the “National Shortlisted Applicant”.

မိသားစုမှာ အလတ်ဖြစ်လို့ အားလုံးကို နားလည်ပေးရပေမယ့် ကိုယ့်ကို ဘယ်သူနားလည်ပေးမလဲ"အကြီးမို့လို့ ဦးစားပေးရမယ်၊ အငယ်မို့လို့...
27/09/2026

မိသားစုမှာ အလတ်ဖြစ်လို့ အားလုံးကို နားလည်ပေးရပေမယ့် ကိုယ့်ကို ဘယ်သူနားလည်ပေးမလဲ

"အကြီးမို့လို့ ဦးစားပေးရမယ်၊ အငယ်မို့လို့ လိုချင်တာအားလုံးရမယ်..."

ဒီလိုနဲ့ အလတ်ဖြစ်တဲ့ ကိုယ်ကတော့ အမြဲတမ်း ကြားထဲကနေ နားလည်ပေးသူ၊ အလိုက်သိပေးသူအဖြစ်ပဲ နေခဲ့ရပါလား။ အလတ်ဆိုရင် အလယ်မှာ လပ်ပြီးကျန်ခဲ့ရတယ် ဆိုတဲ့ အနောက်မှာ ကိုယ့်ခံစားချက်တွေကို အမြဲ မြိုသိပ်ထားရတာ ပင်ပန်းလာတတ်ပါတယ်။

မိသားစု မွေးချင်းတွေထဲမှာ အလတ်တွေ ကြုံတွေ့ရလေ့ရှိတာတွေကတော့

▫️ဘာကိစ္စမဆို ကိုယ်ပဲ အမြဲ အလျှော့ပေးလိုက်ရတာများတာ
▫️ကိုယ့်ရဲ့ လိုအပ်ချက်နဲ့ ခံစားချက်တွေကို မိသားစုက မမြင်ရသလို လျှစ်လျူရှုခံရတာ
▫️မိသားစုမှာ ကိုယ်က သီးခြားဖြစ်နေပြီး အရေးမပါဘူးလို့ ခံစားရတာ
▫️စိတ်ထဲ မကျေနပ်ပေမဲ့ ငြင်းပယ်ဖို့ ခက်ခဲပြီး အရာရာကို ခေါင်းငြိမ့်လက်ခံနေတာတွေပါ။

ဒါတွေကို "Middle Child Syndrome" လို့ ခေါ်လေ့ရှိကြပြီး မိသားစုရဲ့ ဂရုစိုက်မှုက အကြီးဆုံးနဲ့ အငယ်ဆုံးဆီ ဦးတည်သွားလေ့ရှိတာကြောင့် အလတ်တွေဟာ ကြားဝင်ညှိနှိုင်းပေးသူ၊ အလိုက်သိသူအဖြစ် မသိစိတ်က ပုံသွင်းခံလိုက်ရတာဖြစ်ပါတယ်။

ဒီလို အခြေအနေတွေဟာ အရွယ်ရောက်လာပြီး လုပ်ငန်းခွင်ဝင်တဲ့အခါ၊ Relationship တွေတည်ဆောက်ရတဲ့အခါမျိုးမှာ သက်ရောက်မှုတွေ ရှိလာနိုင်ပါတယ်။

လုပ်ငန်းခွင်ထဲမှာ တစ်ခုခု အဆင်မပြေရင်တောင် ကိုယ်တိုင် ရင်ဆိုင်ဖြေရှင်းဖို့ထက် ငြိမ်ခံနေမိတာ၊ သို့မဟုတ် ပြဿနာမဖြစ်အောင် ကိုယ်ပဲ အမြဲ လိုက်လျောပေးမိတာမျိုး ဖြစ်တတ်ပါတယ်။

ဘေးလူတွေရဲ့ အသိအမှတ်ပြုမှုကို လိုချင်တာကြောင့် ကိုယ့်အတိုင်းအတာထက်ပိုပြီး ကူညီမိတာ၊ ငြင်းဖို့ အားနာနေတာမျိုးကြောင့် People Pleaser ဖြစ်လာပါတယ်။ ကိုယ့်ရဲ့ ကြိုးစားမှုတွေကို ဘယ်သူမှ သတိမထားမိဘူးလို့ ခံစားရတဲ့အခါ မိမိကိုယ်ကို ယုံကြည်မှု နည်းပါးလာတတ်ပါတယ်။

ကိုယ့်ကို ဘယ်သူမှ ကူညီမှာ မဟုတ်ဘူး ဆိုတဲ့ အတွေးကြောင့် အခက်အခဲကြုံရင်တောင် တခြားသူကို အကူအညီမတောင်းဘဲ တစ်ယောက်တည်း ဒိုင်ခံဖြေရှင်းတတ်ပါတယ်။

ဒီလိုလေးတွေ ခံစားနေရပြီဆိုရင် ကိုယ့်ကိုယ်ကို ပြန်လည်စောင့်ရှောက်ဖို့၊ နားလည်ပေးဖို့က အရေးကြီးပါတယ်။

▫️"မရဘူး/အဆင်မပြေဘူး" လို့ ငြင်းဆိုဖို့ လေ့ကျင့်ပါ။ အမြဲတမ်း အလိုက်သိပေးနေရတာက တာဝန် မဟုတ်ပါဘူး။
▫️ကိုယ့်ရဲ့ လိုအပ်ချက်ကို ပွင့်ပွင့်လင်းလင်း ပြောပါ။ ငါလည်း ဒီလို ခံစားရတယ်ဆိုတာမျိုးကို တိတိကျကျ ထုတ်ဖော်ပြောဆိုဖို့ လိုအပ်ပါတယ်။

အမြဲတမ်း အားလုံးကို နားလည်ပေးနေရလို့ မောပန်းနေပြီဆိုရင် ခံစားချက်တွေကို ဝေဖန်အကဲဖြတ်ခြင်းမရှိဘဲ လုံခြုံစွာ နားထောင်ပေးမယ့် Professional counselor နဲ့ တိုင်ပင်ဆွေးနွေးနိုင်ပါတယ်။
mental heal ရဲ့ Page Chat Box မှာ "Counselling" လို့ ပို့ပြီး ရင်ဖွင့်ဆွေးနွေးနိုင်ပါတယ်နော်။

အိမ်မှာ ပြဿနာတိုင်း ကိုယ်ကပဲ နားလည်ပေးနေရသလား ❓အိမ်မှာ တစ်ယောက်နဲ့တစ်ယောက် စကားများပြီဆိုရင် ဘယ်သူမှားလဲ၊ ဘယ်သူစခဲ့လဲဆို...
26/09/2026

အိမ်မှာ ပြဿနာတိုင်း ကိုယ်ကပဲ နားလည်ပေးနေရသလား ❓

အိမ်မှာ တစ်ယောက်နဲ့တစ်ယောက် စကားများပြီဆိုရင် ဘယ်သူမှားလဲ၊ ဘယ်သူစခဲ့လဲဆိုတာထက်

“တော်တော့… ဒီကိစ္စကို ဒီမှာပဲ ရပ်လိုက်ရအောင်ပါ”
“အမေ/အဖေ စိတ်မကောင်းဖြစ်မှာစိုးလို့…”
“ငါပဲ နည်းနည်းလျှော့ပေးလိုက်မယ်…” ဆိုပြီး ကိုယ်ကပဲ အမြဲနားလည်ပေး၊ ညှိပေး၊ တောင်းပန်ပေးနေရတာပဲ ဖြစ်နေလား။

တစ်ခါတလေ ကိုယ်ကလည်း စိတ်ဆိုးတယ်၊
ပြောတာတွေ မခံနိုင်ဘူးဆိုရင်တောင် အိမ်မှာ အားလုံးအဆင်ပြေဖို့ဆိုရင် ကိုယ်ပဲ ထပ်ပြီး နားလည်ပေးရမယ်လို့ ခံစားနေရတတ်တယ်။

နောက်ဆုံးတော့ ပြဿနာက ပြီးသွားပေမယ့်
ကိုယ့်ရင်ထဲမှာ မပြီးသေးပဲ ကျန်နေတတ်ပါတယ်။
ဘာကြောင့် ဒီလိုဖြစ်လာတာလဲ?
မိသားစုတိုင်းမှာ တစ်ခါတလေ ပြဿနာဖြစ်ရင် ညှိပေးတဲ့သူ၊ အားလုံးစိတ်အေးအောင် ထိန်းပေးတဲ့သူ ဆိုတဲ့ အခန်းကဏ္ဍမျိုး ယူထားပေးရတဲ့သူက အမြဲတမ်းလိုလို ကိုယ်ပဲဖြစ်နေလို့ပါ။

အထူးသဖြင့် အရင်ကတည်းက အိမ်ထဲကလူတွေရဲ့ စိတ်အခြေအနေကို သတိထားပြီး ပြဿနာမကြီးအောင် ကိုယ်က ဝင်ညှိပေးခဲ့ရတာများလာရင် “အားလုံးအဆင်ပြေဖို့ ငါကပဲ ထိန်းရမယ်”
ဆိုတဲ့ပုံစံက အလေ့အကျင့်လို ဖြစ်လာနိုင်ပါတယ်။
တစ်ဖက်မှာလည်း အိမ်မှာ ပဋိပက္ခများလာလေလေ
တစ်ယောက်ရဲ့ stress က တခြားမိသားစုဝင်တွေဆီကိုပါ သက်ရောက်နိုင်ပါတယ်။ ဒါကြောင့် ကိုယ်က နားလည်ပေးနိုင်တာနဲ့ အရာအားလုံးကို ကိုယ်တစ်ယောက်တည်း တာဝန်ယူရမယ်ဆိုတာ မတူပါဘူး။

ဒီလိုအခြေအနေကြာလာရင် စိတ်ပိုင်းဆိုင်ရာမှာ
✔️အမြဲတမ်း စိတ်တင်းကျပ်နေသလို ခံစားရတာ

✔️ကိုယ့်ခံစားချက်ကို နောက်ဆုံးမှ ထားမိတာ

✔️“ငါပဲ မှားတာလား” ဆိုပြီး ကိုယ့်ကိုယ်ကို ပြန်အပြစ်တင်မိတာ

✔️စိတ်ပင်ပန်းပြီး ဘာမှမလုပ်ချင်တော့တာ
မျိုးတွေ ဖြစ်လာနိုင်ပါတယ်။

ခန္ဓာကိုယ်ဘက်မှာလည်း stress တွေဝင်လာတဲ့အခါ ခေါင်းကိုက်ခြင်း၊ ပင်ပန်းနွမ်းနယ်ခြင်း၊ အိပ်စက်မှုပြောင်းလဲခြင်း၊ အစာအိမ်/ဗိုက်မအီမသာဖြစ်ခြင်း စတဲ့ physical symptoms တွေ တွေ့ရနိုင်ပါတယ်။

ကိုယ့်ကိုယ်ကို ဒီလိုပြန်ပြီးသုံးသပ်ကြည့်ပါ ✨

1️⃣ “ဒါက ငါ့တာဝန်လား?” လို့ ကိုယ့်ကိုယ်ကို ပြန်မေးပါ။
အိမ်ကလူနှစ်ယောက် ပြဿနာဖြစ်တာတိုင်း
ကိုယ်က ဖြေရှင်းပေးရမယ်ဆိုတာ မဟုတ်ပါဘူး။
နားလည်ပေးနိုင်တယ်။�ဒါပေမယ့် အားလုံးကို ကိုယ်ကလိုက်ဖြေရှင်းပေးစရာ မလိုပါဘူး။

2️⃣ ပြဿနာတိုင်းထဲ ဝင်မညှိခင် ခဏရပ်ပါ။
အသက်ရှူတာ၊ ခဏအပြင်ထွက်တာ၊ ရေသောက်တာ၊
ယုံကြည်ရတဲ့သူတစ်ယောက်ကို ပြောပြတာလိုမျိုး
ကိုယ့် nervous system ကို အရင်ငြိမ်အောင်လုပ်ပေးပါ။

ပြဿနာဆိုတာ ငါတစ်ယောက်တည်း ဖြေရှင်းပေးရမယ့်အရာတော့ မဟုတ်ဘူးဆိုတာ ကို သတိပြန်ကပ်ပြီး ဆုံးဖြတ်ကြည့်သင့်ပါတယ်။

အဲ့လိုလုပ်တာက အိမ်ကလူတွေကို နားမလည်တော့တာ မဟုတ်ဘဲ သူတို့ကို နားလည်ပေးရင်းနဲ့
ကိုယ့်ကိုယ်ကိုလည်း ပြန်နားလည်ပေးတတ်လာတာပါ။
အိမ်မှာ အမြဲတမ်း “အားလုံးအဆင်ပြေဖို့” ကြိုးစားနေရတာကြောင့် ကိုယ့်စိတ်ထဲမှာ ဘာတွေဖြစ်နေတယ်ဆိုတာတောင် မသိတော့ဘူးဆိုရင် ကိုယ့်ခံစားချက်ကို တစ်ယောက်ယောက်ကို ရင်ဖွင့်တိုင်ပင်တာ counseling ယူတာမျိုးတွေ လုပ်ကြည့်နိုင်ပါတယ်။ mental heal မှာလည်း ဆွေးနွေးမှုများ ရယူနိုင်တဲ့အတွက် “counseling” လို့ပေးပို့ပြီး service များအကြောင်းအသေးစိတ်မေးမြန်းနိုင်ပါတယ်ရှင့်။

အတူတူ ကုစားကြစို့ … mental heal နှင့်အတူ။✨

Social media မှာ အဆင်ပြေနေသလို တင်နေပေမယ့်ညဘက်မှာ ဘယ်သူ့ကိုမှ မပြောနိုင်တဲ့အခါ… 🌙⚡️နေ့ခင်းဘက်မှာတော့ ပုံတွေတင်တယ်၊ Story...
25/09/2026

Social media မှာ အဆင်ပြေနေသလို တင်နေပေမယ့်
ညဘက်မှာ ဘယ်သူ့ကိုမှ မပြောနိုင်တဲ့အခါ… 🌙⚡️

နေ့ခင်းဘက်မှာတော့ ပုံတွေတင်တယ်၊ Story တင်တယ် ရယ်ရယ်မောမော “အဆင်ပြေနေသလိုမျိုးလည်း ပြောနိုင်တယ်။

ဒါပေမယ့် ညဘက်ရောက်တဲ့အခါ
ဖုန်းကြည့်နေရင်းနဲ့ပဲ ကိုယ့်စိတ်ထဲကအကြောင်းကို တကယ်ပြောလို့ရမယ့်သူ တစ်ယောက်မှ မရှိသလို ခံစားလာရတယ်။

“ဒီနေ့ ငါအဆင်ပြေမနေဘူး” လို့ ပြောလိုက်
ရင် နားထောင်ပေးမယ့်သူ ရှိပါ့မလား လို့ တွေးမိပြီး တကယ်လည်းပြောဖို့ ခက်ခဲနေတာတွေ ရှိတတ်တယ်။တစ်ခါတလေမှာလူတွေနဲ့မဆက်သွယ်ချင်လို့ မဟုတ်ဘဲ ကိုယ့်ခံစားချက်တွေကို ပြောလိုက်ရင်

အားနည်းတယ်လို့ ထင်ခံရမှာ…
အနှောင့်အယှက်ဖြစ်မှာ…
နားမလည်ပေးမှာ ဒါမှမဟုတ်
ကိုယ့်ပြဿနာကို သေးသေးလေးလို့ ပြောခံရမှာ ကို ကြောက်လို့ မပြောဖြစ်တာလည်း ဖြစ်နိုင်တယ်။
တချို့ကတော့ အမြဲတမ်း “strong one” ဖြစ်နေခဲ့လို့
သူများကို နားထောင်ပေးတတ်ပေမယ့် ကိုယ်တိုင်အကူအညီတောင်းဖို့ မကျွမ်းကျင်တော့တာ ဖြစ်နိုင်တယ်။

Social media က လူတွေနဲ့ ဆက်သွယ်နိုင်အောင် ကူညီပေးနိုင်ပေမယ့် online connection ရှိနေတာနဲ့ emotional connection ရှိနေတာက အမြဲတမ်း တူမနေပါဘူး။

အထူးသဖြင့် သူများရဲ့ဘဝတွေကိုပဲ ကြည့်နေပြီး ကိုယ့်ခံစားချက်တွေကို တစ်ယောက်တည်း ထိန်းထားရတဲ့အခါ အထီးကျန်မှုက ပိုသိသာလာနိုင်ပါတယ်။
စိတ်ထဲမှာပဲ အားလုံးကို သိမ်းထားရတာကြာလာရင်
“ငါ့ကို ဘယ်သူမှ နားမလည်ဘူး”
“ပြောလည်း ဘာမှထူးမှာမဟုတ်ဘူး”
ဆိုတဲ့အတွေးတွေ ပိုများလာနိုင်တယ်။

လူတွေနဲ့ အဆက်အသွယ်နည်းလာပြီး တစ်ယောက်တည်းဖြစ်နေသလို ခံစားရတာ ကြာလာရင်

🪫 depression ဖြစ်တာ၊ anxiety နဲ့ stress တွေ ပိုများလာနိုင်တယ်။

🪫 အိပ်မပျော်တာ၊ အမြဲပင်ပန်းနေတာမျိုး ဖြစ်လာနိုင်တယ်။

🪫 နေ့စဉ်အလုပ်တွေကို အာရုံစိုက်လုပ်ဆောင်ရတာလည်း ခက်လာနိုင်တယ်။

🪫 အထီးကျန်မှုက အချိန်ကြာကြာ ဆက်ဖြစ်နေမယ်ဆိုရင် နှလုံးသွေးကြောရောဂါ၊ stroke စတဲ့ ကျန်းမာရေးပြဿနာတွေရဲ့ risk တွေပါ ပိုမြင့်လာနိုင်တယ်။

ဒီလိုတွေဖြစ်လာရင် ကိုယ့်ကိုယ်ကို ဘယ်လိုပြန်ထိန်းရမလဲ ❓

☪️ “အဆင်ပြေပါတယ်” ဆိုတဲ့ mask ကို အနည်းဆုံး လူတစ်ယောက်ရှေ့မှာ ဖြုတ်ကြည့်ပါ။
အရာအားလုံးကို တစ်ခါတည်း မပြောရပါဘူး။
“ဒီနေ့ စိတ်နည်းနည်းပင်ပန်းနေတယ်”
“အခုတလော တစ်ယောက်တည်းနေသလို ခံစားနေရတယ်”
ဆိုတာလောက်ကနေ စပြောလို့ရပါတယ်။

☪️Online မှာ connection ရှာနေတာထက် real connection တစ်ခုကို ပြန်တည်ဆောက်ကြည့်ပါ။
ကိုယ့်အပေါ် စစ်မှန်တဲ့ခင်မင်မှုနဲ့ အမြဲရှိပေးခဲ့ပေမယ့် မပြောဖြစ်တာကြာနေတဲ့သူတစ်ယောက်ရှိရင်
“နင်အဆင်ပြေလား?” လို့ စကားစကြည့်ပါ။
တစ်ခါတလေ စိတ်သက်သာလာဖို့ဆိုတာ ကိုယ့်စိတ်ကို တစ်ယောက်တည်း ပြင်ဆင်ဖို့ကြိုးစားနေတာထက်၊ ကိုယ်ယုံကြည်ရတဲ့လူတစ်ယောက်နဲ့ ပြန်စကားပြောတာကနေ စတင်နိုင်ပါတယ်။

Social media ကို ကိုယ့်ခံစားချက်ကို ဖုံးကွယ်ဖို့ အသုံးမပြုမိအောင် သတိထားပါ။ကိုယ့်ဘဝက online မှာ ပြသထားတာထက် ပိုအရေးကြီးပါတယ်။ပြီးတော့ ဒီလိုအထီးကျန်မှု၊ စိတ်ကျမှု၊ anxiety တွေက နေ့စဉ်ဘဝကို ဆက်တိုက်ထိခိုက်လာတာ၊ ဒါမှမဟုတ် ကိုယ့်ကိုယ်ကို ထိခိုက်စေချင်တဲ့အတွေးတွေ ပါလာတာမျိုးရှိရင် တစ်ယောက်တည်း မခံထားဘဲ mental-health professional ဆီက အကူအညီရယူတာက ပိုလုံခြုံပါတယ်။

Social media မှာ လူတွေအများကြီးရှိနေတာနဲ့ ကိုယ့်စိတ်ထဲမှာ တစ်ယောက်တည်းဖြစ်နေတာက မတူပါဘူး။
တစ်ခါတလေ ကိုယ်လိုအပ်တာက
“Like” တစ်ခုမဟုတ်နေဘဲ ကိုယ့်အကြောင်းကို အဆုံးထိနားထောင်ပေးမယ့် connection တစ်ခုဖြစ်နိုင်ပါတယ်။

လူတွေနဲ့ ပြန်ချိတ်ဆက်ဖို့တောင် ခက်နေပြီး အဆင်မပြေဖြစ်နေတာတွေကို တစ်ယောက်တည်း ရင်ဆိုင်နေရတယ်ဆိုရင် ပျော်ရွှင်တဲ့နေ့ရက်တွေကို ဖြတ်သန်းနိုင်ဖို့ mental heal ကလည်း အတူတူရှိနေမှာ ဖြစ်တဲ့အတွက် counseling နဲ့ပတ်သတ်ပြီး service များကို စုံစမ်းချင်ရင် “counseling” လို့ပေးပို့ပြီး အသေးစိတ် မေးမြန်းနိုင်ပါတယ်ရှင့်။

အတူတူ ကုစားကြစို့ … mental heal နှင့်အတူ။ ✨

ညနေတစ်ခုမှာ သူငယ်ချင်းဆီက message လေးတစ်စောင် ရောက်လာတယ်။"ငါမရှိတော့လည်း ဘယ်သူမှ သတိရမှာ မဟုတ်ပါဘူး" တဲ့။ဟာသလား၊ တကယ်လား...
23/09/2026

ညနေတစ်ခုမှာ သူငယ်ချင်းဆီက message လေးတစ်စောင် ရောက်လာတယ်။
"ငါမရှိတော့လည်း ဘယ်သူမှ သတိရမှာ မဟုတ်ပါဘူး" တဲ့။
ဟာသလား၊ တကယ်လား မသေချာဘူး။ ဘာပြန်ပြောရမလဲ မသိဘူး။
ဒီလို အချိန်မျိုးမှာ ကျွန်မတို့ရဲ့ တုံ့ပြန်မှုလေးတစ်ခုက တစ်ယောက်ရဲ့ ဘဝကို ပြောင်းလဲပေးနိုင်ပါတယ်။ စက်တင်ဘာလဟာ Su***de Prevention Awareness Month ဖြစ်ပါတယ်။ ကိုယ့်အသက်ကိုယ် အဆုံးစီရင်ခြင်းဟာ ကာကွယ်လို့ရနိုင်တဲ့ အရာပါ။ လက္ခဏာတွေကို သိထားရင် အချိန်မီ ကူညီနိုင်ပါတယ်။

သတိထားရမယ့် လက္ခဏာလေးတွေ
🔺 သေချင်တယ်၊ မရှိချင်တော့ဘူးလို့ ပြောလာခြင်း
"ငါမရှိတော့ရင် ပိုကောင်းမှာ"၊ "ငါက အားလုံးအတွက် ဝန်ထုပ်ဝန်ပိုးပဲ" လိုမျိုး စကားတွေ ပြောလာတတ်ပါတယ်။ ဟာသလို ပြောတာဖြစ်ဖြစ်၊ social media မှာ ရေးတာဖြစ်ဖြစ် အလေးအနက် ထားသင့်ပါတယ်။
🔺 မျှော်လင့်ချက်မဲ့နေခြင်း
"ဘာမှ ပြောင်းလဲလာမှာ မဟုတ်ဘူး"၊ "ထွက်ပေါက်မရှိတော့ဘူး" လို့ ခံစားနေတတ်ပါတယ်။
🔺 လူတွေနဲ့ ဝေးရာကို ရှောင်နေခြင်း
မိသားစု၊ သူငယ်ချင်းတွေနဲ့ ဆက်သွယ်မှု လျော့လာတာ၊ အရင်က ကြိုက်ခဲ့တဲ့ အရာတွေကို စိတ်မဝင်စားတော့တာမျိုး ဖြစ်တတ်ပါတယ်။
🔺 နှုတ်ဆက်သလို ပြုမူလာခြင်း
ကိုယ့်ပစ္စည်းတွေကို တခြားသူတွေကို ပေးတာ၊ ကျေးဇူးတင်စကား၊ တောင်းပန်စကားတွေကို ပုံမှန်မဟုတ်ဘဲ ပြောလာတာမျိုး ဖြစ်တတ်ပါတယ်။
🔺 ရုတ်တရက် အေးဆေးတည်ငြိမ်သွားခြင်း
အကြာကြီး စိတ်ဓာတ်ကျနေရာကနေ အကြောင်းမရှိဘဲ ရုတ်တရက် အေးဆေးသွားတာက တစ်ခါတလေ ဆုံးဖြတ်ချက်တစ်ခု ချပြီးသွားလို့ ဖြစ်နိုင်ပါတယ်။
🔺 နေ့စဉ်ပုံစံတွေ သိသိသာသာ ပြောင်းလဲခြင်း
အိပ်စက်မှု၊ အစားအသောက် ပြောင်းလဲတာ၊ အရက်နဲ့ မူးယစ်ဆေးဝါး ပိုသုံးလာတာ၊ အန္တရာယ်များတဲ့ အရာတွေကို ဂရုမစိုက်ဘဲ လုပ်လာတာမျိုး ဖြစ်တတ်ပါတယ်။

🌱 ဘာကြောင့် ဖြစ်တတ်သလဲ
အကြောင်းရင်း တစ်ခုတည်းကြောင့် ဖြစ်တာ မဟုတ်ပါဘူး။ အချက်တွေ များစွာ ပေါင်းစပ်ပြီး ဖြစ်တတ်ပါတယ်။

🔹 စိတ်ကျန်းမာရေး အခြေအနေများ Depression၊ Bipolar Disorder၊ Trauma နဲ့ အရက်/မူးယစ်ဆေးဝါး စွဲလမ်းမှုတွေက ဖြစ်နိုင်ခြေကို မြင့်စေပါတယ်။
🔹 ဘဝရဲ့ ဆုံးရှုံးမှုကြီးများ ချစ်ရသူ ဆုံးပါးတာ၊ လမ်းခွဲရတာ၊ အလုပ်ပြုတ်တာ၊ ငွေကြေးအခက်အခဲ ကြုံရတာမျိုးတွေ ပါဝင်ပါတယ်။
🔹 အထီးကျန်မှုနဲ့ ပြောင်းရွှေ့နေထိုင်ရခြင်း အိမ်နဲ့ဝေးရာမှာ တစ်ယောက်တည်း ရုန်းကန်နေရတာ၊ ဖွင့်ပြောစရာလူ မရှိတာက ဖိအားကို ပိုကြီးစေပါတယ်။
🔹 ယခင်က ကြိုးစားခဲ့ဖူးခြင်း အရင်က ကိုယ့်ကိုယ်ကို ထိခိုက်အောင် ကြိုးစားခဲ့ဖူးသူတွေမှာ ဖြစ်နိုင်ခြေ ပိုများပါတယ်။
🔹 ရေရှည်နာမကျန်းမှုနဲ့ နာကျင်မှု ကုမရနိုင်ဘူးလို့ ခံစားရတဲ့ ကိုယ်ခန္ဓာ ဝေဒနာတွေလည်း ပါဝင်နိုင်ပါတယ်။

ဒါဟာ စိတ်ဓာတ်ပျော့လို့၊ အာရုံစိုက်ခံချင်လို့ ဖြစ်တာ မဟုတ်ပါဘူး။ ခံစားရတဲ့ နာကျင်မှုက ခံနိုင်ရည်ထက် ကျော်လွန်သွားတဲ့ အခြေအနေပါ။
💬 အထင်မှားတတ်တာလေးတွေ
❌ "မေးလိုက်ရင် အဲ့ဒီအတွေး ပိုဖြစ်လာမယ်"
✅ မေးမြန်းတာက ဖွင့်ပြောခွင့်ရလို့ စိတ်သက်သာရာ ရတတ်ပါတယ်။
❌ "ပြောနေတဲ့သူက တကယ် မလုပ်ပါဘူး"
✅ ကိုယ့်အသက်ကိုယ် အဆုံးစီရင်သူ အများစုဟာ အရင်ကတည်းက တစ်နည်းနည်းနဲ့ လက္ခဏာ ပြခဲ့ကြပါတယ်။
💡 စိုးရိမ်ရတဲ့သူတစ်ယောက် ရှိနေရင် လုပ်ပေးနိုင်တာလေးတွေ
✔️ တိုက်ရိုက် မေးကြည့်ပါ။ ညင်ညင်သာသာ မေးကြည့်ပါ။
✔️ အကဲမဖြတ်ဘဲ နားထောင်ပေးပါ။ အကြံဉာဏ်ပေးဖို့ထက် နားထောင်ပေးတာက ပိုအရေးကြီးပါတယ်။ "မင်းခံစားရတာကို ငါနားလည်ချင်တယ်" ဆိုတဲ့ စကားလေးက အများကြီး အားဖြစ်စေပါတယ်။
✔️ တစ်ယောက်တည်း မထားခဲ့ပါနဲ့။ Professional အကူအညီ ရအောင် အတူတူ ချိတ်ဆက်ပေးပြီး နောက်ရက်တွေမှာလည်း ပြန်မေးပေးပါ။
🆘 အန္တရာယ် ရှိနေပြီဆိုရင်
တစ်ယောက်တည်း မနေပါနဲ့။ ယုံကြည်ရသူတစ်ယောက်ကို ချက်ချင်း ပြောပြပါ။ အနီးဆုံး ဆေးရုံ ဒါမှမဟုတ် အရေးပေါ်ဌာနကို ချက်ချင်း သွားပါ။
🤍
ဒီအပိုင်းကတော့ တစ်ယောက်တည်း မဖြေရှင်းနိုင်ပါဘူး..ကိုယ့်ကိုယ်ကို အဆုံးစီရင်ချင်တဲ့ အတွေးတွေ ရှိနေရင် ဒါဟာ ကိုယ့်အပြစ် မဟုတ်ပါဘူး။ အခုခံစားနေရတဲ့ နာကျင်မှုက ထာဝရ မဟုတ်ပါဘူး။ ကုသမှုနဲ့ အကူအညီ ရရင် သက်သာလာနိုင်ပါတယ်။
စိတ်ကျန်းမာရေး ပညာရှင်တွေရဲ့ အကူအညီ၊ ယုံကြည်ရသူတွေရဲ့ ထောက်ပံ့မှုနဲ့အတူ ဒီလမ်းကို ဖြတ်ကျော်နိုင်ပါတယ်။

တစ်ယောက်ချင်းစီ Counseling Session ယူချင်ရင် mental heal Page chat box မှာ "Counseling" လို့ တစ်ခုတည်း ပို့ထားလိုက်ရုံပါပဲ။ mental heal မှာ ကျွမ်းကျင်ပြီး အတွေ့အကြုံရှိတဲ့ therapist, psychiatrist များ ရှိပါတယ်ရှင်။

‼️ ဒီပို့စ်က ဗဟုသုတအတွက်သာ ဖြစ်ပြီး ရောဂါရှာဖွေ သတ်မှတ်ချက် မဟုတ်ပါဘူး။ ကိုယ်တိုင် ဒါမှမဟုတ် ကိုယ့်ပတ်ဝန်းကျင်က တစ်ယောက်ယောက်အတွက် စိုးရိမ်ရရင် သိနားလည်တဲ့ ဆရာ၊ ဆရာမများနဲ့ ဆွေးနွေးဖို့ အကြံပြုပါရစေရှင့်။ ‼️

***dePreventionMonth #စိတ်ကျန်းမာရေး

ကိုယ့်ခံစားချက်တွေကို ပြောပြဖို့ ဘာလို့ ခက်ခဲနေရတာလဲစိတ်ထဲမှာ ဝမ်းနည်းပူဆွေးရတာ၊ အဆင်မပြေတာ၊ ဒေါသထွက်တာတွေ စတဲ့ ခံစားချက...
21/09/2026

ကိုယ့်ခံစားချက်တွေကို ပြောပြဖို့ ဘာလို့ ခက်ခဲနေရတာလဲ

စိတ်ထဲမှာ ဝမ်းနည်းပူဆွေးရတာ၊ အဆင်မပြေတာ၊ ဒေါသထွက်တာတွေ စတဲ့ ခံစားချက်တွေ ပြည့်နှက်နေပေမဲ့ နှုတ်ကနေ ဘာမှ ထုတ်မပြောနိုင်ဘဲ အမြဲမြိုသိပ်ထားမိ‌နေလား။ အဆင်ပြေပါတယ်လို့ပဲ ဟန်ဆောင်ပြောနေရင်း စိတ်ထဲမှာ ပိုပြီး မွန်းကြပ်လာရတာကို ခံစားဖူးကြမှာပါ။

ဒီလိုမျိုး ခံစားချက်တွေကို ထုတ်ပြောဖို့ခက်ခဲနေရတာက -
▫️ကိုယ့်ခံစားချက်ကို သေချာ နာမည်တပ် မပြောပြတတ်တာ
▫️ပြောလိုက်ရင် သူတစ်ပါးကို ဝန်ထုတ်ဝန်ပိုး ဖြစ်စေမလားလို့ စိုးရိမ်မိနေတာ
▫️ပြောပြပြီးမှ ငြင်းပယ်ခံရမှာ သို့မဟုတ် လှောင်ပြောင်ခံရမှာ ကြောက်နေမိတာ
▫️ကိုယ့်ခံစားချက်ကို တခြားသူကို ထုတ်ပြတာက အားနည်းချက်တစ်ခုလို့ ထင်မြင်နေတာတွေကြောင့်ပါ။

🎐 ဒီလို အနုတ်လက္ခဏာဆောင်တဲ့ ခံစားချက်တွေကို ကြာရှည် ပိတ်လှောင်ထားတဲ့အခါ ထိန်းချုပ်မရအောင် စိတ်ဓာတ်ကျတာ၊ စိုးရိမ်စိတ်တွေပိုများလာတာ သို့မဟုတ် ရုတ်တရက် ဒေါသထွက်ပြီး ပေါက်ကွဲတာမျိုး ဖြစ်လာနိုင်ပါတယ်။

🎐 ကိုယ့်ခံစားချက်ကို မပြောပြတဲ့အခါ တစ်ဖက်လူက ကိုယ့်ကို နားလည်ရခက်လာပြီး ချစ်ရသူတွေကြားမှာ ပိုမို ဝေးကွာသွားစေနိုင်ပါတယ်။

စိတ်ထဲက ခံစားချက်တွေကို ထုတ်ပြောချင်ပေမဲ့ ပြောမထွက်ဘူးဖြစ်နေရင်

🎐 ဒီလို မြိုသိပ်ထားရတာ အဆင်မပြေဘူး လို့ ယေဘုယျ မတွေးဘဲ "ငါ အခု ဝမ်းနည်းနေတာ" သို့မဟုတ် "ငါ အခု ဒေါသထွက်နေတာ" လို့ ကိုယ့်ခံစားချက်ကို တိတိကျကျ နာမည်တပ်ကြည့်ပါ။

🎐 တခြားသူကို ထုတ်မပြောနိုင်သေးရင်တောင် စာရွက်တစ်ရွက်မှာ ခေါင်းထဲဝင်လာတဲ့ ခံစားချက် အားလုံးကို ဘာမှ တားဆီးမထားဘဲ ၅ မိနစ်စာ အလွတ်လိုက် ချရေးကြည့်ပါ။

ဒီလို ခံစားချက်တွေကို အမြဲ မြိုသိပ်ထားရတဲ့ အလေ့အကျင့်ဆိုးကို ကိုယ်တိုင် ပြောင်းလဲဖို့ဆိုတာ မလွယ်ကူပါဘူး။ ကိုယ့်ခံစားချက်တွေကို အကဲဖြတ်ခြင်းမရှိဘဲ လုံခြုံစွာ နားထောင်ပေးနိုင်မဲ့သူရဲ့ ကူညီပံ့ပိုးမှု လိုအပ်ပါတယ်။

ရင်ထဲက အခက်အခဲတွေကို တစ်ယောက်တည်း ကြိတ်မှိတ်ခံစားနေရရင် ဝေဖန်ခြင်းမျိုးမရှိဘဲ နွေးထွေးစွာ ရင်ဖွင့်ဆွေးနွေးလို့ရမဲ့ Counselor တွေ mental heal မှာ ရှိပါတယ်။ mental heal ရဲ့ Page Chat Box မှာ Counselling လို့ ပို့လိုက်ပါနော်။

အတူတူ ကုစားကြစို့ ... mental heal နှင့်အတူ ✨

စကားများပြီးတိုင်း ကိုယ်က အရင် တောင်းပန်နေရသလား ❓ဆက်ဆံရေးတစ်ခု မပြိုကွဲသွားအောင် ကိုယ့်ဘက်ကဘဲ အလျှော့ပေးပြီး အမြဲ တောင်း...
20/09/2026

စကားများပြီးတိုင်း ကိုယ်က အရင် တောင်းပန်နေရသလား ❓

ဆက်ဆံရေးတစ်ခု မပြိုကွဲသွားအောင် ကိုယ့်ဘက်ကဘဲ အလျှော့ပေးပြီး အမြဲ တောင်းပန်နေရတာတွေက တစ်ခါတစ်လေတော့ စိတ်ထဲမှာ အရမ်းမွန်းကြပ်ရတယ်။

အစပိုင်းမှာတော့ ဒါက အချစ်ကြောင့် (ဒါမှမဟုတ်) ဆက်ဆံရေးအပေါ် တန်ဖိုးထားလို့ အလျှော့ပေးတာပါပဲ ဆိုပြီး ကိုယ့်ကိုကိုယ် နှစ်သိမ့်တတ်ကြပါတယ်။
ဒါပေမယ့် ထက်ခါတလဲလဲဖြစ်လာတဲ့အခါ ကိုယ်အလျှော့ပေးတဲ့အရာက သူတို့အတွက် အားနည်းချက်တစ်ခုလို ဖြစ်လာတယ်။

ဒီလိုအခြေအနေမျိုးမှာ ရေရှည်ဆက်သွားဖို့ဆိုတာ ကိုယ့်အတွက်တော့ စိတ်ပိုင်းဆိုင်ရာရော၊ ရုပ်ပိုင်းဆိုင်ရာမှာပါ ပင်ပန်းဆင်းရဲစေပါတယ်။ အမြဲတမ်း တစ်ဖက်တည်းကပဲ ခံစားရပြီး မမျှတတဲ့ ဆက်ဆံရေးပုံစံကြီးကနေ ဘယ်လို ရုန်းထွက်ရမလဲ ဆိုတာကို ဆက်ပြီး ရှင်းပြပေးပါမယ်နော်။

ဘာကြောင့် ကိုယ်ကပဲ အရင်တောင်းပန်နေရတာလဲ ❓

⚜️ ဆက်ဆံရေးကို ပိုတန်ဖိုးထားလို့

အချို့သူတွေက ပြဿနာအကြီးအကျယ်ဖြစ်တာထက် ဆက်ဆံရေးပြိုကွဲသွားတာကို ပိုမလိုလားကြပါဘူး။ ဒါကြောင့် အနိုင်အရှုံးထက် ငြိမ်းချမ်းရေးကို ဦးစားပေးတဲ့အတွက် အရင်ဆုံး တောင်းပန်တတ်ကြပါတယ်။

⚜️ ပြဿနာဖြစ်ရတာကို မနှစ်သက်လို့

စကားများတာ၊ Silent Treatment ဖြစ်ရမှာကို စိတ်ဖိစီးစေတဲ့အတွက် ပြဿနာမဖြစ်အောင် တောင်းပန်လိုက်ကြတယ်။

⚜️ အပြစ်တင်ခံရမှာ ကြောက်လို့

ကိုယ်က မမှားရင်တောင် တစ်ဖက်လူရဲ့ ဒေါသ၊ မကျေနပ်ချက်တွေ နဲ့ ရင်ဆိုင်ရမယ့်အစား ကိုယ်ကပဲ တောင်းပန်လိုက်ရင် အကုန် အဆင်ပြေသွားမယ်ထင်လို့ ကိုယ်ကဘဲ တောင်းပန်ကြတယ်။

ဒီလိုပုံစံက ဆက်ဆံရေးအပေါ် ဘယ်လို သက်ရောက်မှုရှိနိုင်လဲဆိုတော့ -

📉 Balance မဖြစ်ခြင်း
အမြဲတမ်း ကိုယ်ကပဲ တောင်းပန်နေရတဲ့အခါ တစ်ဖက်လူက ပိုပြီး အခွင့်ထူးခံ ဖြစ်လာပြီး ကိုယ့်ရဲ့ခံစားချက်တွေကို တန်ဖိုးမထားတော့တာမျိုး ဖြစ်လာတတ်ပါတယ်။

📉 ရင်ထဲမှာ မကျေနပ်ချက်တွေ စုပုံလာခြင်း
အပြင်ပန်းမှာ ပြေလည်သွားသလို ထင်ရပေမဲ့ ကိုယ့်ဘက်က အနစ်နာခံပြီး တောင်းပန်ရတဲ့အခါ ရင်ထဲမှာ ဒဏ်ရာတွေ စုပုံလာပြီး အခန့်မသင့်ရင် နေဋက်ထပ် ပြဿနာ ကြီးကြီးမားမားတွေ ဖြစ်နိုင်ပါတယ်။

📉 ကိုယ့်တန်ဖိုးကိုယ် လျှော့တွက်မိခြင်း
"ငါကပဲ အမြဲမှားနေတာလား"၊ "ငါ့မှာ တန်ဖိုးမရှိဘူးလား" ဆိုတဲ့ အတွေးတွေ ဝင်လာပြီး ကိုယ့်ရဲ့ ယုံကြည်မှုကို ထိခိုက်စေပါတယ်။

ဒါဆိုရင် ကိုယ့်ဘက်က မမှားဘဲ အမြဲ တောင်းပန်တတ်တဲ့ အကျင့်ကို ဘယ်လို ပြုပြင်ရမလဲ ❓

✅ Understanding the Value of Apology

တောင်းပန်တယ်ဆိုတာ အမှန်တကယ်တော့ ကိုယ့်ဘက်က အမှားလုပ်မိမှသာ တောင်းပန်သင့်တာပါ။ အကြောင်းပြချက်မရှိဘဲ အလိုလိုနေရင်း တောင်းပန်နေတာက ဆက်ဆံရေးကို ပိုဆိုးစေပါတယ်။

✅ Open Communication
စကားများပြီး စိတ်တည်ငြိမ်သွားတဲ့အခါ ပြဿနာ အရင်းအမြစ် နဲ့ ကိုယ်ရဲ့ ခံစားချက်တွေကို ပွင့်ပွင့်လင်းလင်း ပြောသင့်ပါတယ်၌

✅ Set Boundaries
တချို့ကိစ္စတွေမှာ ကိုယ့်က အမှန်တရားဘက်မှာ ရပ်တည်ဖို့ ဝန်မလေးပါနဲ့။ အချိန်ယူပြီး အေးအေးဆေးဆေး ဆွေးနွေးကြည့်သင့်ပါတယ်။

ဆက်ဆံရေးတစ်ခုမှာ တစ်ဖက် နဲ့ တစ်ဖက် အပြန်အလှန် နားလည်မှု၊ လေးစားမှုတွေ နဲ့ တည်ဆောက်ရတာမျိုးပါ။ အမြဲတမ်း ကိုယ့်ဘက်က အရှုံးပေး၊ တောင်းပန်နေရတာတွေက ကျန်းမာတဲ့ ဆက်ဆံရေးတစ်ခု မဟုတ်ဘူးဆို သတိထားဖို့ လိုအပ်ပါတယ်။

ဒီလို မကျန်းမာတဲ့ ဆက်ဆံရေးပုံစံတွေကြောင့် ကိုယ့်ရဲ့ စိတ်ကျန်းမာရေး ထိခိုက်လာတာ၊ မွန်းကျပ်လာတာတွေ ခံစားနေရတယ်ဆိုရင် တစ်ယောက်တည်း ရုန်းကန်မနေပါနဲ့တော့နော်။ ကျွန်မတို့ရဲ့ mental heal page ရဲ့ Counselling Service မှာ ကျွမ်းကျင်ပညာရှင်တွေ နဲ့ အတူ ဆွေးနွေးတိုင်ပင်လို့ ရနေပါပြီနော်။ 🤍

👉 အသေးစိတ်သိရှိလိုပါက Page Messenger မှတစ်ဆင့် ဆက်သွယ်စုံစမ်းနိုင်ပါတယ်ရှင်။

‎အတူတူ ကုစားကြစို့...mental heal နှင့်အတူ ✨

‎
‎
‎
‎

နာကျင်နေရက်နဲ့ ဘာလို့ မစွန့်လွှတ်နိုင်တာလဲ ညဘက် ငိုရင်း အိပ်ပျော်သွားတယ်။ သူငယ်ချင်းတွေကလည်း "ထားခဲ့လိုက်ပါတော့" လို့ ပြ...
18/09/2026

နာကျင်နေရက်နဲ့ ဘာလို့ မစွန့်လွှတ်နိုင်တာလဲ
ညဘက် ငိုရင်း အိပ်ပျော်သွားတယ်။ သူငယ်ချင်းတွေကလည်း "ထားခဲ့လိုက်ပါတော့" လို့ ပြောကြတယ်။ ကိုယ်တိုင်လည်း သိပါတယ်။
ဒါပေမယ့် သူက "sorry" လို့ message လေးတစ်စောင် ပို့လိုက်တာနဲ့ ပြန်ပြီး ခွင့်လွှတ်မိပြန်တယ်။

နာကျင်ရမှန်း သိရက်နဲ့ ထွက်မလာနိုင်လို့ ကိုယ့်ကိုယ်ကို အပြစ်တင်နေမိသလား။ ဒါဟာ စိတ်ဓာတ်ပျော့လို့၊ မိုက်လို့ မဟုတ်ပါဘူး။ နာကျင်စေတဲ့ ဆက်ဆံရေးကနေ ထွက်ဖို့ ခက်ခဲရတာမှာ နားလည်လို့ရတဲ့ အကြောင်းရင်းတွေ ရှိပါတယ်။

ဒီလို ခံစားနေရတတ်ပါတယ်
🔺 ခွဲဖို့ ဆုံးဖြတ်ပြီးတိုင်း ပြန်ပြန်ဆက်မိခြင်း
"ဒီတစ်ခါတော့ တကယ်ပြတ်မယ်" လို့ ခဏခဏ ဆုံးဖြတ်ပေမယ့် နောက်ဆုံးမှာ ပြန်ဆက်မိနေတတ်ပါတယ်။

🔺 ကောင်းခဲ့တဲ့ အချိန်လေးတွေကိုပဲ ဆုပ်ကိုင်ထားခြင်း
နာကျင်ရတဲ့ အချိန်တွေ ပိုများနေပေမယ့် အစပိုင်းက ချစ်စရာကောင်းခဲ့တဲ့ သူ့ပုံစံလေးကိုပဲ ပြန်ပြန်တမ်းတနေတတ်ပါတယ်။

🔺 သူ့အပြုအမူအတွက် ဆင်ခြေရှာပေးနေခြင်း
"သူ အလုပ်ပင်ပန်းလို့ပါ"၊ "ငါ့အပြစ်လည်း ပါလို့ပါ" ဆိုပြီး သူ့အစား ကိုယ်က အကြောင်းပြချက် ရှာပေးနေတတ်ပါတယ်။

🔺 သူ့စိတ်ကို ထိခိုက်မှာစိုးလို့ အမြဲ သတိထားနေရခြင်း
ဘာပြောရမလဲ၊ ဘာလုပ်ရမလဲ အမြဲ ချိန်ဆနေရတယ်။ ကိုယ့်ရဲ့ လိုအပ်ချက်တွေကို ပြောဖို့ မဝံ့တော့ပါဘူး။

🔺 သူမရှိရင် မနေနိုင်ဘူးလို့ ခံစားရခြင်း
နာကျင်ရပေမယ့် သူမရှိတဲ့ ဘဝကို မမြင်ယောင်နိုင်ဘဲ ကြောက်လန့်နေတတ်ပါတယ်။

🔺 ကိုယ့်ကိုယ်ကို ယုံကြည်မှု လျော့လာခြင်း
"ငါ့ကို ဒီထက်ကောင်းတဲ့သူ ဘယ်သူမှ ချစ်မှာ မဟုတ်ဘူး" လို့ ထင်လာတတ်ပါတယ်။

🌱 ဘာကြောင့် ထွက်ဖို့ ခက်ခဲရတာလဲ
🔹 ကောင်းလိုက်၊ ဆိုးလိုက် ဖြစ်နေတဲ့ ပုံစံ
တစ်ခါ နာကျင်စေပြီး နောက်တစ်ခါ အရမ်းချစ်ပြတဲ့အခါ ဦးနှောက်က အဲ့ဒီ ကောင်းတဲ့အချိန်လေးကို ပိုပြီး စောင့်မျှော်လာပါတယ်။ ဒါကြောင့် ချည်နှောင်မှုက ပိုခိုင်မာလာတတ်ပါတယ်။

🔹 သူပြောင်းလဲလာမယ်လို့ မျှော်လင့်ခြင်း
"သူ ကတိပေးထားတယ်၊ ပြောင်းမှာပါ" ဆိုတဲ့ မျှော်လင့်ချက်က ထွက်ဖို့ ဆုံးဖြတ်ချက်ကို ရွှေ့ဆိုင်းစေတတ်ပါတယ်။

🔹 ရင်းနှီးခဲ့ပြီးသမျှကို နှမြောခြင်း
"ဒီလောက် အချိန်တွေ ပေးခဲ့ပြီးမှ" ဆိုတဲ့ ခံစားချက်က ဆက်နေဖို့ တွန်းအားပေးတတ်ပါတယ်။

🔹 တစ်ယောက်တည်း ဖြစ်မှာ ကြောက်ခြင်း
အထူးသဖြင့် အိမ်နဲ့ဝေးရာမှာ နေရသူတွေအတွက် သူက တစ်ဦးတည်းသော အားကိုးရာ ဖြစ်နေတတ်ပါတယ်။

🔹 ငယ်ဘဝက မြင်တွေ့ခဲ့ရတဲ့ ဆက်ဆံရေးပုံစံ
ငယ်ငယ်က မြင်ခဲ့ရတဲ့ ဆက်ဆံရေးပုံစံက ကိုယ်လက်ခံနိုင်တဲ့ အချစ်ပုံစံကို လွှမ်းမိုးတတ်ပါတယ်။

🔹 လက်တွေ့ အခက်အခဲများ
ငွေကြေးအရ မှီခိုနေရတာ၊ ကလေးတွေအတွက် စိုးရိမ်တာ၊ "လူတွေ ဘာပြောကြမလဲ" ဆိုတဲ့ မိသားစုနဲ့ လူမှုပတ်ဝန်းကျင် ဖိအားတွေလည်း ပါဝင်ပါတယ်။
ချက်ချင်း မထွက်နိုင်တာဟာ ကိုယ့်အပြစ် မဟုတ်ပါဘူး။ ကိုယ်ဟာ ချစ်ခြင်းမေတ္တာနဲ့ ကြောက်ရွံ့မှုကြားမှာ ပိတ်မိနေတာပါ။

💡 အခုချက်ချင်း လုပ်ကြည့်နိုင်တာလေးတွေ
✔️ ရိုးရိုးသားသား ချရေးကြည့်ပါ။ ဒီဆက်ဆံရေးထဲမှာ ကိုယ် ဘယ်လို ခံစားရလဲ၊ ကောင်းတဲ့ အချိန်နဲ့ နာကျင်ရတဲ့ အချိန် ဘယ်ဟာ ပိုများလဲ ရေးကြည့်ပါ။ စာရွက်ပေါ်မှာ မြင်ရတဲ့အခါ ပိုရှင်းရှင်းလင်းလင်း မြင်လာနိုင်ပါတယ်။
✔️ ယုံကြည်ရသူ တစ်ယောက်ကို ဖွင့်ပြောပါ။ ကိုယ့်ဘေးမှာ ရှိနေပေးမယ့် လူတွေနဲ့ ဆက်သွယ်မှုကို မဖြတ်ပါနဲ့။

🤍 ဒီအပိုင်းကတော့ တစ်ယောက်တည်း မဖြေရှင်းနိုင်တာလား?
ဆက်ဆံရေးထဲက ပုံစံတွေဟာ နက်ရှိုင်းတဲ့ ခံစားချက်တွေနဲ့ ချိတ်ဆက်နေလေ့ ရှိပါတယ်။ Counseling က ဘာကြောင့် ဒီလို ဖြစ်နေလဲဆိုတာ နားလည်အောင်၊ ကိုယ့်တန်ဖိုးကို ပြန်မြင်လာအောင်၊ ကိုယ့်အတွက် အကောင်းဆုံး ဆုံးဖြတ်ချက်ကို ကိုယ့်အရှိန်နဲ့ ချနိုင်အောင် ကူညီပေးနိုင်ပါတယ်။ ဆက်နေမလား၊ ထွက်မလားဆိုတာ ကိုယ့်ဆုံးဖြတ်ချက်ပါ။ အရေးကြီးတာက ရှင်းရှင်းလင်းလင်း မြင်ပြီး ဆုံးဖြတ်နိုင်ဖို့ပါ။

💙 တစ်ယောက်ချင်းစီ Counseling Session ယူပြီး Relationship အခက်အခဲတွေအကြောင်း တိုင်ပင်ချင်ရင် mental heal Page chat box မှာ "Relationship Counseling" လို့ ပို့ထားလိုက်ရုံပါပဲ။ mental heal မှာ ကျွမ်းကျင်ပြီး အတွေ့အကြုံရှိတဲ့ counselor များ ရှိပါတယ်ရှင်။

‼️ ဒီပို့စ်က ဗဟုသုတအတွက်သာ ဖြစ်ပြီး ကိုယ့်ဆက်ဆံရေးကို အကဲဖြတ် သတ်မှတ်ချက် မဟုတ်ပါဘူး။ ဆက်ဆံရေးတိုင်းမှာ အခြေအနေ မတူကြပါဘူး။

"Bipolar Disorder" အကြောင်း သိထားသင့်တာလေးတွေ"Bipolar Disorder" ဆိုတာ စိတ်ခံစားချက်၊ စွမ်းအင်နဲ့ လှုပ်ရှားမှုအဆင့်တွေမှာ...
18/09/2026

"Bipolar Disorder" အကြောင်း သိထားသင့်တာလေးတွေ

"Bipolar Disorder" ဆိုတာ စိတ်ခံစားချက်၊ စွမ်းအင်နဲ့ လှုပ်ရှားမှုအဆင့်တွေမှာ သိသိသာသာ ပြောင်းလဲမှုတွေ ဖြစ်ပေါ်စေနိုင်တဲ့ စိတ်ကျန်းမာရေးအခြေအနေတစ်ခုပါ။ အလွန်အမင်း တက်ကြွနေတဲ့ Manic Episode နဲ့ အလွန်အမင်း စိတ်ဓာတ်ကျနေတဲ့ Depressive Episode တွေ ဖြစ်တတ်ပါတယ်။ Episode တွေကြားမှာ စိတ်ခံစားချက် ပုံမှန်ဖြစ်နေတဲ့ ကာလတွေလည်း ရှိတတ်ပါတယ်။ ဒီအပြောင်းအလဲတွေက ကိုယ့်စိတ်ကြိုက် ထိန်းချုပ်လို့ရတာ မဟုတ်ပါဘူး။

Bipolar Disorder ခံစားနေရသူတွေမှာ ဒီလို လက္ခဏာတွေကို တွေ့ရတတ်ပါတယ်။
🔺 Manic / Hypomanic Episode (ပုံမှန်ထက် အလွန်တက်ကြွခြင်း)
ပုံမှန်ကိုယ်နဲ့ မတူအောင် စွမ်းအင်တွေ ပြည့်လျှံနေတတ်ပါတယ်။ အိပ်ချိန်နည်းနည်းနဲ့လည်း မပင်ပန်းဘဲ တက်ကြွနေတာ၊ စကားများလွန်းတာ၊ အတွေးတွေ အမြန်ပြေးနေတာမျိုး ဖြစ်တတ်ပါတယ်။ ကိုယ့်ကိုယ်ကို အလွန်အထင်ကြီးပြီး ဘာမဆို လုပ်နိုင်တယ်လို့ ခံစားရတတ်ပါတယ်။ ပျော်နေတာချည်းပဲ မဟုတ်ဘဲ စိတ်တိုလွယ်တာ၊ ဒေါသထွက်လွယ်တာမျိုးလည်း ဖြစ်တတ်ပါတယ်။
ပြင်းထန်တဲ့ Mania မှာ အမှန်တကယ်မဟုတ်တဲ့ ယုံကြည်ချက်တွေ (Delusions)၊ မရှိတဲ့အရာတွေကို ကြား/မြင်တာ (Hallucinations) စတဲ့ လက္ခဏာတွေပါ ဖြစ်လာနိုင်ပါတယ်။
တချို့မှာတော့ ဒီလောက်မပြင်းထန်တဲ့ တက်ကြွမှုမျိုးပဲ ဖြစ်တတ်ပါတယ်။ ဒါကြောင့် စိတ်ဓာတ်ကျရောဂါလို့ပဲ ထင်မှတ်မှားတတ်ပါတယ်။ Hypomania က Mania ထက် ပိုမပြင်းထန်တဲ့ အခြေအနေဖြစ်ပြီး လူတစ်ယောက်ရဲ့ ပုံမှန်အလုပ်လုပ်နိုင်မှုကို အပြင်းအထန် မထိခိုက်စေနိုင်ပါဘူး။

🔺 Depressive Episode (အလွန်အမင်း စိတ်ဓာတ်ကျခြင်း)
ဘာမှ လုပ်ချင်စိတ်မရှိတာ၊ အရင်က ဝါသနာပါခဲ့တာတွေတောင် စိတ်မဝင်စားတော့တာ၊ ကိုယ့်ကိုယ်ကို တန်ဖိုးမဲ့သလို ခံစားရတာမျိုး ဖြစ်တတ်ပါတယ်။ ပြင်းထန်ရင် ကိုယ့်ကိုယ်ကို ထိခိုက်စေချင်တဲ့ အတွေးတွေအထိ ဖြစ်တတ်ပါတယ်။

🔺 စိတ်လိုက်မာန်ပါ ဆုံးဖြတ်ချက်များ ချခြင်း
Manic ဖြစ်နေချိန်မှာ နောက်ဆက်တွဲကို မတွေးဘဲ ပိုက်ဆံ အလွန်အကျွံ သုံးမိတာ၊ အလုပ်ကို ရုတ်တရက် ထွက်မိတာ၊ အန္တရာယ်များတဲ့ အရာတွေကို စွန့်စားလုပ်မိတာမျိုး ဖြစ်တတ်ပါတယ်။ ပတ်ဝန်းကျင်က လူတွေ အံ့ဩရတဲ့အထိ အပြုအမူတွေ ပြောင်းလဲသွားတတ်ပါတယ်။

🔺 အိပ်စက်မှုပုံစံ သိသိသာသာ ပြောင်းလဲခြင်း
Manic ဖြစ်ချိန်မှာ အိပ်ချိန် သိသိသာသာ လျော့သွားပေမယ့် ပုံမှန်ထက် ပင်ပန်းနွမ်းနယ်မှု နည်းပြီး စွမ်းအင်ပြည့်နေသလို ခံစားရတတ်ပါတယ်။ Depressive ဖြစ်ချိန်မှာတော့ ဘယ်လောက်အိပ်အိပ် မဝသလို ဖြစ်တတ်သလို၊ ညဘက် အိပ်မပျော်တာမျိုးလည်း ဖြစ်တတ်ပါတယ်။

🔺 အာရုံစိုက်ရ ခက်ခဲခြင်း
Depressive ဖြစ်ချိန်မှာ ဘာကိုမှ အာရုံစိုက်လို့ မရတတ်ပါဘူး။ Manic ဖြစ်ချိန်မှာလည်း အတွေးတွေ များလွန်းလို့ တစ်ခုတည်းကို အာရုံစိုက်ဖို့ ခက်ခဲတတ်ပါတယ်။ ဒါကြောင့် အလုပ်နဲ့ ပညာရေးမှာ ထိခိုက်တတ်ပါတယ်။

🔺 Episode တစ်ခုချင်းစီက ရက်နဲ့ချီ၊ ရက်သတ္တပတ်နဲ့ချီ ကြာတတ်ခြင်း
Bipolar ရဲ့ mood episode တွေဟာ သာမန်နေ့စဉ်စိတ်အတက်အကျထက် ပိုမိုပြင်းထန်ပြီး ရက်ပေါင်းများစွာကနေ ရက်သတ္တပတ်များအထိ သို့မဟုတ် ပိုကြာနိုင်ပါတယ်။
သာမန်နေ့စဉ် စိတ်အတက်အကျနဲ့ Bipolar ရဲ့ Mood Episode တွေဟာ မတူပါဘူး။ အရေးကြီးတာက Episode ကြာချိန်တစ်ခုတည်းနဲ့ Bipolar Disorder ရှိ/မရှိ မဆုံးဖြတ်နိုင်တာပါ။ ဆရာဝန်တွေက လက္ခဏာတွေ ဘယ်လောက်ပြင်းထန်သလဲ၊ ဘယ်လောက်ကြာသလဲ၊ ဘယ်လောက်မကြာခဏ ဖြစ်သလဲ၊ အရင်က ဘယ်လိုဖြစ်ခဲ့ဖူးသလဲ စတာတွေကို စုပေါင်းပြီး အကဲဖြတ်ကြပါတယ်။

🌱 ဘာကြောင့် ဖြစ်တတ်သလဲ
Bipolar Disorder ဖြစ်ရတဲ့ အကြောင်းရင်း တစ်ခုတည်း မရှိပါဘူး။ အချက်တွေ ပေါင်းစပ်ပြီး ဖြစ်တတ်ပါတယ်။
🔹 မျိုးရိုးဗီဇ - မိဘ၊ မောင်နှမ တစ်ယောက်ယောက်မှာ Bipolar ရှိခဲ့ရင် ဖြစ်နိုင်ခြေ ပိုများပါတယ်။ ဒါပေမယ့် မိသားစုမှာ ရှိတိုင်း ဖြစ်မှာ မဟုတ်ပါဘူး။
🔹 ဦးနှောက်ရဲ့ လုပ်ဆောင်ပုံ - ဦးနှောက်ရဲ့ ဖွဲ့စည်းပုံ၊ မျိုးရိုးဗီဇနဲ့ အခြား biological factors တွေကလည်း ပါဝင်နိုင်ပါတယ်။
🔹 ဖိအားများတဲ့ ဘဝအဖြစ်အပျက်များ - ချစ်ရသူ ဆုံးပါးတာ၊ လမ်းခွဲရတာ၊ အလုပ်ပြုတ်တာ၊ ရွှေ့ပြောင်းနေထိုင်ရတာလို အပြောင်းအလဲကြီးတွေက ဖြစ်နိုင်ခြေရှိသူတွေမှာ mood episode တွေကို စတင်စေတာ ဒါမှမဟုတ် ပိုဆိုးစေတာ ဖြစ်နိုင်ပါတယ်။
🔹 အိပ်ရေးပျက်ခြင်း - အိပ်ချိန် ပုံမှန်မဟုတ်တာက Episode တွေကို ဖြစ်စေနိုင်၊ ပိုဆိုးစေနိုင်ပါတယ်။
🔹 အရက်နဲ့ မူးယစ်ဆေးဝါး - လက္ခဏာတွေကို ပိုပြင်းထန်စေပြီး ကုသမှုကိုလည်း ခက်ခဲစေတတ်ပါတယ်။

💡 အခုချက်ချင်း လုပ်ကြည့်နိုင်တာလေးတွေ

✔️ နေ့စဉ် Mood နဲ့ အိပ်ချိန်ကို မှတ်ထားကြည့်ပါ။
Mood၊ အိပ်ချိန်၊ Energy Level နဲ့ သိသိသာသာ ပြောင်းလဲတဲ့ အပြုအမူတွေကို မှတ်ထားရင် ဆရာဝန်နဲ့ ဆွေးနွေးတဲ့အခါ အထောက်အကူဖြစ်နိုင်ပါတယ်။
✔️ အိပ်ချိန်၊ နိုးချိန်ကို တတ်နိုင်သမျှ ပုံမှန်ထားပါ။
✔️ အရက်နဲ့ မူးယစ်ဆေးဝါးတွေကို ရှောင်ပါ။
✔️ Mood ဒါမှမဟုတ် အပြုအမူတွေ သိသိသာသာ ပြောင်းလဲလာရင် ကိုယ့်ဘာသာ အကြောင်းရင်းသတ်မှတ်မယ့်အစား Mental Health Professional နဲ့ ဆွေးနွေးပါ။

🤍 ဒီအပိုင်းကတော့ တစ်ယောက်တည်း မဖြေရှင်းနိုင်ပါဘူး
Bipolar Disorder ကို ဆရာဝန်က သတ်မှတ်ပေးတဲ့ ဆေးဝါးကုသမှုနဲ့ Psychotherapy/Therapy တို့ကို အသုံးပြုပြီး ရေရှည်စီမံကုသလေ့ရှိပါတယ်။ လူတစ်ယောက်ချင်းစီအလိုက် ကုသမှုအစီအစဉ် ကွာခြားနိုင်ပါတယ်။ တက်ကြွနေချိန်မှာ "ပြန်ကောင်းသွားပြီ" လို့ ထင်ရလွယ်တာကြောင့် ကုသမှုကို လမ်းတစ်ဝက်မှာ ရပ်လိုက်မိတတ်ပါတယ်။ ဆရာဝန်နဲ့ မတိုင်ပင်ဘဲ ဆေးကို ကိုယ့်ဘာသာ ရပ်တာ၊ လျှော့တာ မလုပ်သင့်ပါဘူး။
Bipolar က ရေရှည် ဂရုစိုက်ရတဲ့ ရောဂါဖြစ်ပေမယ့် စနစ်တကျ ကုသမှု ရရင် ကောင်းကောင်း ထိန်းချုပ်နိုင်ပြီး ပုံမှန်ဘဝကို ဆက်လက် တည်ဆောက်နိုင်ပါတယ်။

ကိုယ့်ကိုယ်ကို ထိခိုက်စေချင်တဲ့ အတွေးတွေ ရှိနေရင်တော့ တစ်ယောက်တည်း မနေဘဲ ယုံကြည်ရသူတစ်ယောက်ကို ချက်ချင်းပြောပြပြီး။ အန္တရာယ်ရှိနေပြီဆိုရင် အနီးဆုံးဆေးရုံ ဒါမှမဟုတ် အရေးပေါ်ဌာနကို ချက်ချင်းဆက်သွယ်ပါ။

တစ်ယောက်ချင်းစီ Counseling Session ယူချင်ရင် mental heal Page chat box မှာ "Bipolar Counseling" လို့ ပို့ထားနိုင်ပါတယ်။။ mental heal မှာ ကျွမ်းကျင်ပြီး အတွေ့အကြုံရှိတဲ့ therapist, psychiatrist များ ရှိပါတယ်ရှင်။

‼️ ဒီပို့စ်က ဗဟုသုတအတွက်သာ ဖြစ်ပြီး ရောဂါရှာဖွေ သတ်မှတ်ချက် မဟုတ်ပါဘူး။ ဒီလက္ခဏာတွေကို ကြည့်ပြီး ကိုယ့်ဘာသာ ရောဂါသတ်မှတ်တာ (self-diagnose) မလုပ်သင့်ပါဘူး။ သံသယရှိရင် သိနားလည်တဲ့ ဆရာ၊ ဆရာမများနဲ့ ဆွေးနွေးဖို့ အကြံပြုပါရစေရှင့်။ ‼️

#စိတ်ကျန်းမာရေး

သူ့ Message တစ်စောင်ကြောင့် Mood ပြောင်းသွားတာ ဘာလို့လဲ ❓တစ်ခါတလေ ကိုယ် ပျော်ရွှင်နေတဲ့ချိန်မှာ ဖုန်းထဲက Message တစ်စောင...
17/09/2026

သူ့ Message တစ်စောင်ကြောင့် Mood ပြောင်းသွားတာ ဘာလို့လဲ ❓

တစ်ခါတလေ ကိုယ် ပျော်ရွှင်နေတဲ့ချိန်မှာ ဖုန်းထဲက Message တစ်စောင်ဝင်လာပြီး ဖတ်လိုက်တာနဲ့ စိတ်တွေ ညစ်သွားတာ၊ ဒေါသထွက်သွားတာ၊ ဒါမှမဟုတ် စိုးရိမ်ပူပန်လာတာမျိုး ကြုံဖူးကြမှာပါ။ ကြီးမားတဲ့ ပြဿနာတွေက ကိုယ့်ကို မထိခိုက်စေဘဲ သာမန် Message လေးတစ်စောင် (ဒါမှမဟုတ်) စကားလုံး တစ်ခွန်းကသာ ကိုယ့်ရဲ့ တစ်နေ့တာ ရွှင်လန်းမှုကို အကုန်ဖျက်ဆီးပစ်နိုင်စွမ်း ရှိပါတယ်။

တစ်ဖက်လူကတော့ သာမန်ဘဲ ရေးလိုက်တာ ဖြစ်မှာပါလေ လို့ ကိုယ့်ကိုယ်ကိုယ် ပြန်နှစ်သိမ့်နေရပေမဲ့ ရင်ထဲမှာတော့ ဝမ်းနည်းသလိုနဲ့ ဟာတာတာ ခံစားချက်ကြီး ဖြစ်နေမှာတော့ အသေချာပါပဲနော်။ သူ ငါ့ကို စိတ်ဆိုးနေပြီလား' ၊ 'ငါ့ကို ငြီးငွေ့သွားပြီလား' ဆိုတဲ့ မလုံခြုံမှုတွေ၊ အတွေးပေါင်း တစ်ထောင်နဲ့ ညဘက်တွေအထိ အိပ်မပျော်တော့တာတွေကလည်း ကိုယ်စီမှာ Negativity Bias (အဆိုးမြင်ဘက်ကို ပိုအားသန်တဲ့ ဦးနှောက်သဘာဝ) ကြောင့်လည်း ဖြစ်နိုင်ပါတယ်။

Negativity Bias ဆိုတာ အဆိုးမြင်စေနိုင်မယ့် ကိစ္စတွေကို ဦးနှောက်က ပုံမှန်ထက် အာရုံစိုက် မှတ်မိနေတာပါ။ ဥပမာ - Message ထဲမှာ အထင်မှားစရာ စကားလုံး (ဒါမှမဟုတ်) အပြစ်တင်သလို စကားလုံးပါလာတာနဲ့ ဦးနှောက်က အဲ့ဒါကို အဆိုးမြင်တစ်ခုလို ချက်ချင်း လက်ခံလိုက်ပြီး စိတ် မပျော်ရွှင်တော့တာမျိုး ဖြစ်နိုင်ပါတယ်။ ဒါကြောင့် ဦးနှောက်က မသေချာတဲ့ အဲဒီအဓိပ္ပာယ်ကို ဖြည့်စဉ်းစားရင်း အဆိုးဆုံးဘက်ကို အရင် တွေးမိသွားတတ်ပါတယ်။

တစ်ဖက်လူက ရိုးရိုးသားသား ဒါမှမဟုတ် နောက်ပြောင်ပြီး ရေးလိုက်ပေမယ့် ဖတ်တဲ့သူက အဲ့ဒီအချိန်မှာ သူ့ရဲ့ စိတ်အခြေအနေပေါ်မူတည်ပြီး ခက်ထန်နေသလို၊ ရန်တွေ့နေသလို ထင်မိတတ်ကြပါတယ်။ သူတို့ရဲ့ စကားတွေကြောင့် ကိုယ့်စိတ်ရဲ့ သံသယဖြစ်နေရင် ဘယ်လိုဖြေရှင်းမလဲ ❓

✅ Pause & Breathe

Message ဖတ်ပြီး ချက်ချင်း ဒေါသထွက်တာ၊ စိတ်ပူသွားတာမျိုးက ဖြစ်တတ်ပေမယ့် အတတ်နိုင်ဆုံး စိတ်ကိုလျှော့၊ အဲ့အရာတွေကို ခနမေ့ထားပြီး အသက်ဝဝ ရှူကြည့်ပါနော်။

✅ Assume Positive Intent

တစ်ဖက်လူက ပြောခဲ့တဲ့ စကားတွေကို အဆိုးဘက်က အရင်မတွေးကြည့်ဘဲ အကောင်းဘက်ကနေ တတ်နိုင်သလောက် ဖြည့်တွေးကြည့်ပေးပါ။

✅ Communicate Directly

ကိုယ့်စိတ်ထဲ မတင်မကျဖြစ်နေတဲ့ စကားတွေကို သံသယဖြစ်ပြီး အတွေးလွန်နေမယ့်အစား “ဘာကြောင့်လဲ” ဆိုတာကို မေးကြည့်ပြီး နားလည်မှု ယူကြည့်ပါ။

📍 Message တစ်စောင်ကြောင့် Mood တွေ ရုတ်တရက် ပြောင်းလဲသွားရတာက ကိုယ့်မှာ အားနည်းချက်ရှိလို့ မဟုတ်ဘဲ လူ့ဦးနှောက်မှာ ဖြစ်တတ်တဲ့ Negativity Bias ကြောင့် နဲ့ အတိတ်က စိတ်ဒဏ်ရာတွေကြောင့် ဖြစ်တတ်တဲ့ စိတ်ပိုင်းဆိုင်ရာ တုံ့ပြန်မှုတစ်ခု ဖြစ်ပါတယ်။

👩🏻‍⚕️ တခါတလေကျရင် ဒီလို အသေးအမွှားလေး တွေကနေစလို့ စိတ်ပိုင်းဆိုင်ရာ မလုံခြုံမှုတွေ၊ အဆင်မပြေတဲ့ ဆက်ဆံရေးတွေက တစ်ယောက်တည်း ရုန်းကန်ဖို့ ခက်ခဲလွန်းတတ်ပါတယ်။ အတိတ်က အနာတရတွေနဲ့ Emotional Trigger တွေကြောင့် နေ့စဉ်ဘဝမှာ အမြဲလိုလို စိတ်ဖိစီးနေရတယ်၊ အတွေးပေါင်းများစွာနဲ့ မွန်းကြပ်နေပြီး ဘယ်သူ့ကို ရင်ဖွင့်ရမှန်း မသိဖြစ်နေတယ် ဆိုရင် ကျွန်မတို့ရဲ့ mental heal page ရဲ့ Counseling Services ယူရင်း ဆွေးနွေးတိုင်ပင်လို့ ရပါတယ်ရှင့်။

📮 mental heal page messenger မှာ “relationship counseling” လို့ ပေးပို့ပြီး counseling services အကြောင်း ဆက်သွယ်စုံစမ်းနိုင်ပါပြီရှင့်။
mental heal မှာ ကျွမ်းကျင်ပြီး အတွေ့အကြုံရှိတဲ့ counselor များနဲ့ဆွေးနွေးတိုင်ပင်လို့ ရပါတယ်ရှင့်။

‎အတူတူ ကုစားကြစို့...mental heal နှင့်အတူ ✨

‎
‎
‎
‎

Edit: Application is closed now 💢 mental heal မှာ စိတ်ခံစားချက်ဆိုင်ရာ နှစ်သိမ့်ဆွေးနွေးခြင်းဝန်ဆောင်မှုအတွက် Female Psy...
14/09/2026

Edit: Application is closed now

💢 mental heal မှာ စိတ်ခံစားချက်ဆိုင်ရာ နှစ်သိမ့်ဆွေးနွေးခြင်းဝန်ဆောင်မှုအတွက် Female Psychiatrist/Counselor ခေါ်ယူနေပါတယ်။💢

mental heal မှ စိတ်ပိုင်းဆိုင်ရာပညာရပ်ကိုသိနားလည်ပြီး မတူညီတဲ့အကြောင်းခံတွေကြောင့်တွေ့ကြုံခံစားရတဲ့ စိတ်ပိုင်းဆိုင်ရာပြဿနာများ၊ မိသားစုပြဿနာ၊ ဆက်ဆံရေးပြဿနာနဲ့ စိတ်ရောဂါအမျိုးမျိုးတို့ကို စာနာနားလည်စိတ်ဖြင့် ကူညီဖြေရှင်းပေးပြီး မေတ္တာနဲ့ကုစားပေးနိုင်မယ့် Female Psychiatrist/Counselor နဲ့ အတူတူလက်တွဲဖို့လိုအပ်နေပါတယ်။

Job Title - Counselor or Psychiatrist
Require Position - 2 post
Location - Remote or In-person in Yangon

လျှောက်ထားလိုသူများအနေနဲ့
✅ ကိုယ်ချင်းစာစိတ်ရှိပြီး ကြင်နာတတ်ရမယ်။
✅ သူတစ်ပါးကို ကူညီလိုစိတ်ရှိရမယ်။
✅ counseling ဆိုင်ရာပညာရပ်၊ စိတ်ပညာတို့ကို အဆက်မပြတ်လေ့လာနေသူဖြစ်ရပါမယ်။
✅ စိတ်ပညာ၊ နှစ်သိမ့်ဆွေးနွေးပညာ (Counselling) သို့မဟုတ် နှီးနွှယ်သော ဘာသာရပ်တစ်ခုခုဖြင့် ဘွဲ့ သို့မဟုတ် ဒီပလိုမာ ရရှိထားသူဖြစ်ရမည်။
✅ နှစ်သိမ့်ဆွေးနွေးပေးသူအဖြစ် အတွေ့ကြုံရှိရပါမယ်။
✅ သူတစ်ပါးရဲ့ လျှို့ဝှက်ချက်ကို ထိန်းသိမ်းပေးနိုင်ပြီး counselor တစ်ယောက်ရဲ့ ကျင့်ဝတ်စံနှုန်းများကိုတိတိကျကျလိုက်နာရပါမယ်။
✅ စိတ်ရောဂါစစ်ဆေးမှူ အတွေ့အကြုံရှိသူ၊ Child counseling အတွေ့အကြုံရှိသူဆို ပိုကောင်းပါတယ်။

***မြန်မာနိုင်ငံမှဖြစ်ပြီး ရန်ကုန်မြို့နေထိုင်သူ အမျိုးသမီး Counselor ကို ဦးစားပေးလက်တွဲချင်ပါတယ်။***
Remote postition အတွက် အခြားသူများလည်းလျှောက်ထားနိုင်ပါတယ်။

လျှောက်ထားလိုသူများအနေနဲ့ mental heal email ကို CV form နဲ့ Cover Letter ပို့ပြီးလျှောက်ထားနိုင်ပါတယ်ရှင်။
Email : [email protected]
Deadline - 22 September ( no later than 6:00PM) ဖြစ်ပါတယ်။

Address

Yangon

Opening Hours

Monday 10:00 - 22:00
Tuesday 10:00 - 22:00
Wednesday 10:00 - 22:00
Thursday 10:00 - 22:00
Friday 10:00 - 22:00
Saturday 10:00 - 22:00
Sunday 10:00 - 22:00

Telephone

+959781201762

Website

Alerts

Be the first to know and let us send you an email when mental heal posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to mental heal:

Shortcuts

Share

Category