What are the opening hours?

Monday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 10:00 - 17:00

https://www.facebook.com/106621095578835/

Future Plus Education, Yangon (2026)

17/05/2026

မိဘတော်တော်များများက ကလေးတွေကို သင်္ချာ (Maths) နဲ့ သိပ္ပံ (Science) မှာ အမှတ်ကောင်းစေချင်လို့ ပုစ္ဆာအများကြီး အတင်းတွက်ခိုင်းတာ၊ သီအိုရီနဲ့ ပုံသေနည်းတွေ အလွတ်ကျက်ခိုင်းတာမျိုး လုပ်မိတတ်ကြပါတယ်။

ဒါပေမဲ့ အခြေခံသဘောတရား ကို အနှစ်သာရရှိရှိ နားမလည်ထားရင် ကလေးက စာမေးပွဲခန်းထဲမှာ ပုစ္ဆာအလှည့်အပြောင်းလေးတွေ့တာနဲ့၊ ဒါမှမဟုတ် မေးခွန်းအသစ်လေး မြင်တာနဲ့ လန့်သွားပြီး ယုံကြည်မှုပါ ကျသွားတတ်ပါတယ်။

ဒါကြောင့် မေမေတို့ ဖေဖေတို့အနေနဲ့ အိမ်မှာ ဒါလေးတွေ ကူညီပေးနိုင်ပါတယ် 👇

အလွတ်ကျက်တာထက် "ဘာလို့လဲ" ကို အသားပေးပါ 🧠 : သင်္ချာပုံသေနည်းတွေ၊ သိပ္ပံအဖြေတွေကို အလွတ်အော်ကျက်ခိုင်းမယ့်အစား "ဒါက ဘာလို့ ဒီလိုအဖြေထွက်လာတာလဲ" ဆိုတဲ့ အကြောင်းအရင်းကို ကလေးရဲ့ နေ့စဉ်ဘဝထဲက အရာတွေနဲ့ နှိုင်းယှဉ်ပြီး မြင်သာအောင် ပြောပြပေးပါ။

မှားတာကို မဆူပါနဲ့၊ အတူတူ စမ်းသပ်ပါ ❌🧪 : ပုစ္ဆာတွက်လို့မှားတာပဲဖြစ်ဖြစ်၊ လျှောက်ဆော့လို့ ပျက်စီးသွားတာပဲဖြစ်ဖြစ် ဆူမယ့်အစား "ဘယ်နားမှာ အယူအဆ လွဲသွားလဲ" ဆိုတာကို အတူတူ ပြန်ရှာပေးပါ။ ဒါမှ ကလေးက နောက်တစ်ခါ အမှားလုပ်မိမှာကို မကြောက်ဘဲ အသစ်အသစ်တွေကို ဆက်ပြီး စမ်းသပ်တွက်ချက်ရဲမှာပါ။

ပတ်ဝန်းကျင်ကနေ လက်တွေ့သင်ယူပါ 🌳🔢 : အိမ်က မီးဖိုချောင်ထဲမှာ ပစ္စည်းတွေ အလေးချိန် ချိန်တာ၊ အရေအတွက် ရေတွက်တာတွေကနေ Maths အခြေခံ ကို လေ့ကျင့်ပေးနိုင်ပြီး၊ ရေခဲတုံးလေးတွေ အရည်ပျော်တာ၊ အပင်လေးတွေ ကြီးထွားလာတာကို စူးစမ်းခိုင်းတာကနေ Science အခြေခံ ကို တည်ဆောက်ပေးနိုင်ပါတယ်။

သင်္ချာနဲ့ သိပ္ပံရဲ့ အခြေခံအုတ်မြစ်သာ ခိုင်မာသွားရင် ကလေးက စာသင်ရတာကို ကြောက်စရာလို့ မမြင်တော့ဘဲ လုံးဝ ယုံကြည်မှုအပြည့်နဲ့ ကိုယ်တိုင်တွေးခေါ်နိုင်တဲ့ ဆရာကြီးပေါက်စလေးတွေ ဖြစ်လာမှာပါ။✨

15/05/2026

Monday မှာ ရှင်းပြခဲ့တဲ့ Place Value (နေရာတန်ဖိုး) အကြောင်းလေးကို မှတ်မိကြဦးမယ် ထင်ပါတယ်။

ကိန်းဂဏန်းတွေဟာ သူတို့ရှိနေတဲ့ "နေရာ" ပေါ်မူတည်ပြီး "တန်ဖိုး" ကွဲပြားသွားတတ်တာကို ကလေးတွေ တကယ်နားလည်ရဲ့လားဆိုတာ ဒီနေ့ Quiz လေးနဲ့ အတူတူ စမ်းသပ်ကြည့်ရအောင်။

❓ Friday Quiz (မေးခွန်း)

"3,742 ထဲမှာ နံပါတ် (7) ရဲ့ တန်ဖိုး (Value) က ဘယ်လောက်လဲ?"

A. (7)
B. (70)
C. (700)
D. (7,000)

အဖြေမှန်ကို ✨ Comment ✨ မှာ ရေးပေးခဲ့ပါဦးနော်

15/05/2026

သင့်ကလေးမှာ "Map, Tool & Compass" ရှိရဲ့လား? 🗺🔧🧭

ပြီးခဲ့တဲ့အပတ်က တင်ပေးခဲ့တဲ့ Map, Tool & Compass အကြောင်းကို မှတ်မိကြဦးမယ် ထင်ပါတယ်။ နေ့စဉ်နဲ့အမျှ နည်းပညာတွေ တိုးတက်နေတဲ့ခေတ်မှာ ကလေးတစ်ယောက်က ပညာရပ်တစ်ခုတည်းမှာပဲ ကျွမ်းကျင်နေရုံနဲ့ မပြီးပါဘူး။ အရင်က post မှာတော့ ဒီ Skill (၃) ခုက ကလေးတစ်ယောက်ရဲ့ ဘဝအတွက် ဘယ်လောက်အရေးကြီးကြောင်း ပြောပြခဲ့ပြီးပြီဆိုတော့ ဒီတစ်ခါမှာ ဖေဖေမေမေတို အိမ်မှာတင် လက်တွေ့လေ့ကျင့်ပေးလိုရမယ့် နည်းလမ်းလေးတွေကို မျှဝေပေးချင်ပါတယ်။ ✨

၁။ မြေပုံ (Map - English) ကို စတင်အသုံးပြုခြင်း 🗺
မြေပုံလို တင်စားထားတဲ့ English ဘာသာစကားဟာ ကမ္ဘာကြီးကို ပတ်ကြည့်ဖို လမ်းပြပေးနိုင်ပါတယ်။

ဘယ်လိုလေ့ကျင့်ပေးမလဲ?
ကလေးနဲ့အတူ ပုံပြင်ဖတ်တဲ့အခါ ဒါမှမဟုတ် ကာတွန်းကြည့်တဲ့အခါမှာ ဇာတ်ကောင်လေးတွေရဲ့ အခြေအနေကို အင်္ဂလိပ်လို စကားလုံးလေးတွေ (ဥပမာ- Left, Right, Next, Finally) သုံးပြီး ပြန်ပြောခိုင်းကြည့်ပါ။ အဲ့ဒီအခါ ဘာသာစကားဟာ စာမေးပွဲဖြေဖိုတင်မဟုတ်ဘဲ လက်တွေ့ဘဝမှာ ဆက်သွယ်ပြောဆိုဖို အသုံးဝင်တဲ့ "Map" တစ်ခု ဖြစ်မှန်း သူတို နားလည်လာပါလိမ့်မယ်။

၂။ ကိရိယာ (Tool - Math) ကို လက်တွေ့ကိုင်တွယ်ခြင်း 🔧
သင်္ချာဘာသာရပ်ဟာ ပြဿနာတွေကို ဖြေရှင်းပေးနိုင်တဲ့ အစွမ်းထက် "Tool" တစ်ခုပါ။

ဘယ်လိုလေ့ကျင့်ပေးမလဲ?
ဈေးဝယ်ထွက်တဲ့အခါ ဒါမှမဟုတ် အိမ်မှာ ဟင်းချက်တဲ့အခါမျိုးမှာ "ဒီပစ္စည်းက ဘယ်လောက်လဲ? ပိုက်ဆံပြန်အမ်း ဘယ်လောက်ရမလဲ?" ဆိုတာမျိုး ကလေးကို ကိုယ်တိုင်တွက်ချက်ခိုင်းပါ။ ထိုအခါ သင်္ချာဟာ ဂဏန်းတွေပေါင်းရုံတင်မဟုတ်ဘဲ ပြဿနာတွေကို ဖြေရှင်းပေးနိုင်တဲ့ "Tool" တစ်ခု ဖြစ်မှန်း ကလေးက သိသွားပါလိမ့်မယ်။

၃။ သံလိုက်အိမ်မြှောင် (Compass - Science) နဲ့ လမ်းညွှန်ခြင်း 🧭
သိပ္ပံဘာသာရပ်ဟာ အမှားအမှန်ကို ဝေဖန်ပိုင်းခြားပြီး လမ်းကြောင်းမှန်ကို လမ်းညွှန်ပေးတဲ့ "Compass" နဲ့ တူပါတယ်။

ဘယ်လိုလေ့ကျင့်ပေးမလဲ?
ပတ်ဝန်းကျင်က အပြောင်းအလဲတွေကို သတိထားမိအောင် မေးခွန်းထုတ်ပေးပါ။ "ရေခဲက ဘာလို အရည်ပျော်သွားတာလဲ?" "အပင်လေးတွေက ဘာလို နေရောင်ရှိတဲ့ဘက်ကို လှည့်နေတာလဲ?" ဆိုတဲ့ မေးခွန်းမျိုးတွေကို အဖြေတန်းမပေးဘဲ "အတူတူ စဉ်းစားကြည့်ရအောင်" လို လမ်းစဖော်ပေးပါ။ ဒါဟာ ကလေးရဲ့ စူးစမ်းရှာဖွေလိုစိတ်နဲ့ ဝေဖန်ပိုင်းခြားနိုင်စွမ်းကို နှိးဆွပေးတာ ဖြစ်ပါတယ်။

ကလေးတစ်ယောက်ရဲ့ သင်ယူမှုဟာ "စူးစမ်းချင်စိတ်" ကနေ စတင်ပါတယ်။ သူတိုမေးတဲ့ မေးခွန်းတွေကို စိတ်ရှည်လက်ရှည် နားထောင်ပေးပြီး အဖြေရှာတတ်အောင် လမ်းပြပေးခြင်းက အကောင်းဆုံးသော လက်ဆောင်ပါပဲ။ 🎁

ဒီ Skill (၃) ခုသာ ဟန်ချက်ညီညီ ရှိနေမယ်ဆိုရင် သင့်ကလေးဟာ ဘယ်နေရာရောက်ရောက် လမ်းမပျောက်ဘဲ အောင်မြင်တဲ့သူတစ်ယောက် ဖြစ်လာမှာ အသေအချာပါပဲ။ 💜💛

13/05/2026

ပတ်ဝန်းကျင်မှာရှိတဲ့ အရာတွေဟာ သက်ရှိလား၊ သက်မဲ့လား? 🧬

ပတ်ဝန်းကျင်က အရာဝတ္ထုတွေကို သက်ရှိ (Living things) နဲ့ သက်မဲ့ (Non-living things) ဆိုပြီး (၂) မျိုး ခွဲခြားနိုင်ပါတယ်နော်။ 🧐

ဒါဆို "ဘာကြောင့် သက်ရှိလို့ ခေါ်တာလဲ?" အတူတူ ကြည့်ရအောင်။ ✨

✅ သက်ရှိ (Living Things) တွေရဲ့ ထူးခြားချက် (၅) ချက် -

1️⃣ Growth: အချိန်ကြာလာတာနဲ့အမျှ ပိုမိုကြီးထွားလာပါတယ်။
2️⃣ Nutrition: အသက်ရှင်ဖို့ အာဟာရနဲ့ ရေ လိုအပ်ပါတယ်။
3️⃣ Movement: ကိုယ်တိုင် လှုပ်ရှားနိုင်စွမ်း ရှိပါတယ်။
4️⃣ Reproduction: မျိုးဆက်သစ်တွေ ထပ်မံပွားများနိုင်ပါတယ်။
5️⃣ Respiration: အသက်ရှူပြီး စွမ်းအင် ထုတ်လုပ်ပါတယ်။

❌ သက်မဲ့ (Non-living Things) တွေကတော့ - အပေါ်က အချက်တွေကို မလုပ်ဆောင်နိုင်တဲ့ အရာတွေ ဖြစ်ပါတယ် (ဥပမာ - ကျောက်ခဲ၊ စာအုပ်)။

❓ ဒီနေ့အတွက် မေးခွန်းလေး (Question)

"ဒါဆို သစ်ပင် (A Tree)" က သက်ရှိလား၊ သက်မဲ့လား?

အဖြေကို သိရင် Comment မှာ ရေးပေးခဲ့ရုံတင်မကဘဲ အပေါ်က အချက် (၅) ချက်ထဲက ဘယ်အချက်တွေနဲ့ ကိုက်ညီလဲဆိုတာပါ "ဘာကြောင့်လဲ" ဆိုပြီး တွေးပြီး ဖြေပေးခဲ့ဦးနော်! 👇

📍 Future Plus Education (သင်္ချာအပြင် သိပ္ပံဘာသာရပ်သစ်များ တိုးချဲ့ဖွင့်လှစ်ထားသည့် အတန်းများအကြောင်း စုံစမ်းရန် 09 696 232 212, 09 757 770 230, 09 885 121 230 ကို ဆက်သွယ်စုံစမ်းမေးမြန်း နိုင်သလို Page Messenger မှလည်း ဆက်သွယ်နိုင်ပါသည်)

11/05/2026

သင်္ချာဘာသာရပ်မှာ အခြေခံအကျဆုံးနဲ့ အရေးအကြီးဆုံးကတော့ Place Value (ဂဏန်းများ၏ တန်ဖိုး)ပဲဖြစ်ပါတယ်။

ကိန်းဂဏန်းတစ်ခုမှာရှိတဲ့ ဂဏန်းတွေဟာ သူတို့ရှိနေတဲ့ "နေရာ" ပေါ်မူတည်ပြီး တန်ဖိုးတွေ ကွဲပြားသွားပါတယ်။

ဒီ concept ကို ကလေးတစ်ယောက်က နားမလည်ဘူးဆိုရင်
👉 နောက်ပိုင်းမှာ ပေါင်း၊ နှုတ်၊ မြှောက်၊ စား တွေမှာ
👉 အခက်အခဲတွေ ကြုံနိုင်ပါတယ်။

ဒီနေ့မှာတော့ Place Value ကို အလွယ်ကူဆုံးနည်းလမ်းနဲ့ ဥပမာပြပေးလိုက်ပါတယ်။

ဥပမာ - 3,742 ဆိုတဲ့ ကိန်းဂဏန်းမှာ -

3 = Thousands (ထောင်ဂဏန်းနေရာ)

7 = Hundreds (ရာဂဏန်းနေရာ)

4 = Tens (ဆယ်ဂဏန်းနေရာ)

2 = Ones (ခုဂဏန်းနေရာ)

ဒါကြောင့် 7 ဟာ ရာဂဏန်းနေရာမှာ ရှိနေတဲ့အတွက် သူ့ရဲ့ တန်ဖိုးဟာ 700 ဖြစ်ပါတယ်။

🧠 ဒါဆို မိဘများရဲ့ ကလေးရော ဒီမေးခွန်းလေးကိုဖြေနိုင်မလား!

"5,186 ဆိုတဲ့ ကိန်းဂဏန်းမှာ 5 ရဲ့ တန်ဖိုး (Value) က ဘယ်လောက်ဖြစ်မလဲ?" 🤔

အဖြေမှန်ကို သိတဲ့သူလေးတွေက Comment မှာ ရေးပေးသွားခဲ့ဦးနော်! 👇

Future Plus Maths Classes မှာဆိုရင် အခုလို သင်္ချာသဘောတရားတွေကို အလွတ်ကျက်စရာမလိုဘဲ နားလည်လွယ်တဲ့ နည်းလမ်းတွေနဲ့ သင်ကြားပေးနေပါတယ်။

📍 Future Plus Education
(အတန်းများအကြောင်း အသေးစိတ် သိရှိလိုပါက Messenger မှာ စုံစမ်းမေးမြန်းနိုင်ပါတယ်)!

10/05/2026

Happy Mother's Day 💜💛

ကလေးတစ်ယောက်ရဲ့ ဘဝမှာ ပထမဆုံးသော 'ကျောင်း' ဟာ မေမေဖြစ်သလို၊ အကောင်းဆုံးသော 'ဆရာ' ဟာလည်း မေမေ ပဲဖြစ်ပါတယ်။

ယနေ့မေလ (၁၀) ရက်နေ့မှာ ကျရောက်တဲ့ International Mother's Day ရဲ့ သမိုင်းကြောင်းကို သိပြီးကြပြီလား?

ဒီနေ့ဟာ ၁၉၀၈ ခုနှစ်မှာ အမေရိကန်အမျိုးသမီး Anna Jarvis က သူမရဲ့ ကွယ်လွန်သူမိခင်ကို ဂုဏ်ပြုရာကနေ စတင်ခဲ့တာပါ။ ပိုပြီး စိတ်ဝင်စားဖို့ကောင်းတာက သူမရဲ့မိခင်ဟာ "Mothers' Day Work Clubs" ကို တည်ထောင်ပြီး မိခင်တွေကို ကျန်းမာရေးနဲ့ ပညာရေးဆိုင်ရာ အသိပညာတွေ (Education & Hygiene) အမြဲမျှဝေပေးခဲ့သူ ဖြစ်ပါတယ်။

ဒါကြောင့် Mother's Day ဆိုတာ ပန်းစည်းလေးတွေ ပေးရုံတင်မဟုတ်ဘဲ "မိခင်တွေရဲ့ စွမ်းဆောင်ရည်နဲ့ ပညာရေးအင်အား" ကို အသိအမှတ်ပြုတဲ့နေ့လို့လည်း ဆိုနိုင်ပါတယ်။

Future Education Group မှာလည်း ကလေးတွေရဲ့ "Skills over Subjects" ကို ဦးစားပေးသလိုပဲ၊ ကလေးတစ်ယောက်ရဲ့ Critical Thinking နဲ့ သင်ယူလိုစိတ်တွေကို အိမ်မှာတင် အမြဲပျိုးထောင်ပေးနေတဲ့ မေမေတွေရဲ့ အခန်းကဏ္ဍကို အထူးတန်ဖိုးထားပါတယ်။

သမိုင်းမှာ ထင်ရှားတဲ့ ပညာရှင်တော်တော်များများရဲ့ နောက်ကွယ်မှာ အမြော်အမြင်ရှိတဲ့ မိခင်တွေ ရှိခဲ့ကြပါတယ်။ ဥပမာ - ကမ္ဘာကျော် သိပ္ပံပညာရှင်ကြီး Thomas Edison ကို ကျောင်းက နှင်ထုတ်ခံရချိန်မှာ သူ့အမေကပဲ စိတ်ရှည်လက်ရှည် အိမ်မှာတင် သင်ကြားပေးခဲ့လို့ အောင်မြင်ခဲ့တာပါ။

ဒီနေ့ကျရောက်တဲ့ အပြည်ပြည်ဆိုင်ရာ မိခင်များနေ့မှာ...
✅ ကလေးတွေရဲ့ အနာဂတ်အတွက် မှန်ကန်တဲ့ ပညာရေးလမ်းကြောင်းကို ရွေးချယ်ပေးနေတဲ့ မေမေများ
✅ Future ELC နဲ့ Future Plus ကို ယုံကြည်စွာ လက်တွဲပေးထားတဲ့ မေမေများအားလုံးကို
Future Education Group မှ လှိုက်လှဲစွာ ဂုဏ်ပြုအပ်ပါတယ်။

မေမေတို့ရဲ့ အားပေးမှုက သားသားမီးမီးတို့ရဲ့ အနာဂတ်အတွက် အကြီးမားဆုံးသော ခွန်အားပါပဲ။ 💜✨

"Happy Mother's Day to the first teacher and the ultimate mentor of every child!" 💜💛

07/05/2026

"နိုင်ငံတကာအဆင့်မီ Science ဘာသာရပ်ကို မိမိအိမ်ကနေပဲ Year အလိုက် စနစ်တကျ သင်ယူနိုင်မည့် အခွင့်အရေး!" 🚀

International School တွေမှာ သင်ကြားရတဲ့ Cambridge Science ကို စိတ်ဝင်စားပေမယ့်...
📍 နယ်ဝေးမှာရှိနေလို့ သွားရောက်တက်ရောက်ဖို့ အခက်အခဲရှိနေလား?
📍 ကျောင်းကြီးတွေမှာလိုမျိုး Year အလိုက် တစ်ဆင့်ချင်း စနစ်တကျ တက်လှမ်းချင်တာလား?
ဒါဆိုရင်တော့ Future Plus ရဲ့ Cambridge Online Science Classes များက ကျောင်းသားတို့အတွက် အကောင်းဆုံး ရွေးချယ်မှုဖြစ်မှာပါ။ 🧬✨

ဒီအတန်းမှာ ဘာတွေ ထူးခြားမလဲ?

✅ စူးစမ်းလေ့လာမှုကို အခြေခံခြင်း: စာတွေကို အလွတ်ကျက်တာမျိုးမဟုတ်ဘဲ Discussion, Activities နဲ့ Projects တွေကနေတစ်ဆင့် လက်တွေ့ကျကျ လေ့လာရမှာပါ။

✅ ခိုင်မာတဲ့ Foundation ရရှိခြင်း: Cambridge Science ကို စနစ်တကျ သင်ယူထားခြင်းဖြင့် နောက်ပိုင်း Chemistry, Physics နဲ့ Biology ဘာသာရပ်တွေအတွက် အခြေခံကောင်းရမှာဖြစ်လို့ အစိုးရသင်ရိုးတက်နေတဲ့ ကျောင်းသားတွေအတွက်ပါ အထောက်အကူပြုပါတယ်။

✅ စဉ်းစားတွေးခေါ်မှု မြှင့်တင်ခြင်း: မေးခွန်းထုတ်ပြီး အဖြေရှာတတ်တဲ့ အလေ့အကျင့်ကြောင့် Critical Thinking စွမ်းရည်ကို သိသိသာသာ တိုးတက်လာစေမှာပါ။

✅ သက်တောင့်သက်သာ လေ့လာနိုင်ခြင်း: နိုင်ငံတကာအဆင့်မီ သင်ရိုးကို မိမိအိမ်ကနေပဲ အချိန်ကုန်သက်သာစွာနဲ့ လေ့လာနိုင်ပါပြီ။

သင်တန်းအသေးစိတ် (Course Details) 🗓

Mon & Wed - 6:30 pm to 8:00 pm ( Year 5 & Year 8 )

Sat & Sun - 10:00 am to 11:30 am (Year 6 & Year 7)

🔹တက်ရောက်နိုင်သည့် Level များ: Year 5,6,7,8

🔹 သင်ကြားမှုပုံစံ: Interactive Zoom Sessions (ဆရာ/ဆရာမများနှင့် တိုက်ရိုက်ဆွေးနွေး သင်ယူရမည်)။

🔹 သင်တန်းကာလ: Year 5 (၈ လ)၊ ကျန် Level များ (၉ လ)။

မှတ်ချက် 📝
ကျောင်းသားသစ်များအတွက် Placement Test အရင်ဖြေဆိုရပါမည်။

ထိရောက်သော သင်ကြားမှုဖြစ်စေရန် တစ်တန်းလျှင် လူဦးရေ ကန့်သတ်ထားပါသည်။

🚚 သင်ရိုးစာအုပ်များကို အိမ်အရောက် ပို့ဆောင်ပေးသွားပါမည်။

📞 အသေးစိတ်စုံစမ်းရန်: Page Messenger (သိုမဟုတ်) အောက်ပါဖုန်းနံပါတ်များသို ဆက်သွယ်နိုင်ပါသည်။
☎️ 09 696 232 212, 09 757 770 230, 09 885 121 230

07/05/2026

"နိုင်ငံတကာအဆင့်မီ Cambridge Maths ကို အိမ်ကနေပဲ Level စုံလင်စွာ တက်ရောက်နိုင်မည့် အခွင့်အရေး!" ✨

Future Plus ရဲ့ Online Maths အတန်းများကို အခုဆိုရင် Year 5 မှ 9 အထိ Level စုံလင်စွာဖြင့် တိုးချဲ့ဖွင့်လှစ်လိုက်ပါပြီ။ 🤩

ဇွန်လမှာ စတင်မယ့် ဒီသင်တန်းတွေက ကလေးတို့ရဲ့ သင်္ချာစွမ်းရည်ကို အခြေခံကစပြီး အဆင့်မြှင့်တင်ပေးသွားမှာပါ။

Future Plus မှာ တက်ရောက်ခြင်းဖြင့် ဘာတွေရရှိမလဲ?

✅ နားလည်မှုကို အခြေခံခြင်း: အလွတ်ကျက်စနစ်မဟုတ်ဘဲ သင်္ချာသဘောတရားတွေကို အခြေခံကစပြီး ပိုင်ပိုင်နိုင်နိုင် နားလည်အောင် သင်ကြားပေးခြင်း။

✅ လက်တွေ့ကျသော စွမ်းရည်များ: အတန်းတွင်း Projects များကြောင့် Problem Solving Skills နှင့် Creative Thinking Skills များ သိသိသာသာ တိုးတက်လာစေခြင်း။

✅ Cambridge Curriculum: နိုင်ငံတကာအဆင့်မီ သင်ရိုးကို အသုံးပြုထားလို့ International ကျောင်းသားများသာမက အစိုးရသင်ရိုးလေ့လာနေသူများအတွက်ပါ များစွာအထောက်အကူပြုခြင်း။

✅ တိုးတက်မှုဆန်းစစ်ခြင်း: တစ်ခန်းပြီးတိုင်း Quiz နှင့် Test များ ဖြေဆိုရမှာဖြစ်လို့ ကလေးရဲ့ တိုးတက်မှုကို အမြဲမပြတ် သိရှိနိုင်ခြင်း။

💻 သင်ကြားမှုပုံစံ: Zoom Application ကိုအသုံးပြုပြီး သင်ကြားရေးအတွေ့အကြုံရှိသော ဆရာ/ဆရာမများနှင့်အတူ Activities & Discussions များဖြင့် တက်ကြွစွာ သင်ယူရမှာပါ။

သင်တန်းအသေးစိတ် (Course Details) 🗓

Mon & Wed - 6:30 pm to 8 pm (Year 6 & Year 7)

Sat & Sun - 10 am to 11:30 am (Year 5 & Year 8)

Sat & Sun - 3:30 pm to 5 pm (Year 9)

🗓 သင်တန်းကာလ (Duration):
Year 5: (၈) လ၊ ကျန် Level များ (၉ လ)။

📝 မှတ်ချက်:
ကျောင်းသားသစ်များ Placement Test ဖြေဆိုရပါမည်။

ထိရောက်သော သင်ကြားမှုဖြစ်စေရန် လူဦးရေ ကန့်သတ်ထားပါသည်။

🚚 သင်ရိုးစာအုပ်များကို အိမ်အရောက် ပို့ဆောင်ပေးပါမည်။

📞 အသေးစိတ်စုံစမ်းရန်: Page Messenger (သို့မဟုတ်) အောက်ပါဖုန်းနံပါတ်များသို့ ဆက်သွယ်နိုင်ပါသည်။ ☎️ 09 696 232 212, 09 757 770 230, 09 885 121 230

01/05/2026

၂၀၂၆ ခုနှစ်၊ မေလ (၁) ရက်နေ့တွင် ကျရောက်သည့် အပြည်ပြည်ဆိုင်ရာ အလုပ်သမားနေ့ တွင် နိုင်ငံတစ်ဝှမ်းလုံး၌ ကာယအား၊ ဉာဏအားဖြင့် ကြိုးပမ်းထမ်းဆောင်နေကြသော အလုပ်သမားထုတစ်ရပ်လုံး၏ ကြိုးပမ်းအားထုတ်မှုများကို Future Education Group မှ လှိုက်လှဲစွာ ဂုဏ်ပြုအပ်ပါသည်။

ပညာရေးနယ်ပယ်တွင်လည်း ကျောင်းသား၊ ကျောင်းသူများ၏ အနာဂတ်အတွက် အသိပညာ ဗဟုသုတများကို မဆုတ်မနစ်သော ဇွဲ၊ လုံ့လတို့ဖြင့် လက်ဆင့်ကမ်း မျှဝေပေးနေကြသည့် ဆရာ၊ ဆရာမများနှင့် ဝန်ထမ်းများအားလုံးကို အထူးပင် ကျေးဇူးတင်ဂုဏ်ပြုအပ်ပါသည်။

ကျောင်းသား၊ မိဘများအားလုံး မင်္ဂလာရှိသော အလုပ်သမားနေ့လေး ဖြစ်ပါစေကြောင်း ဆုမွန်ကောင်း တောင်းပေးလိုက်ပါသည်။

#အလုပ်သမားနေ့

01/05/2026

၂၀၂၆ ခုနှစ်၊ မေလ (၁) ရက်နေ့တွင် ကျရောက်သည့် အပြည်ပြည်ဆိုင်ရာ အလုပ်သမားနေ့ တွင် ကမ္ဘာတစ်ဝှမ်းလုံး၌ ကာယအား၊ ဉာဏအားဖြင့် ကြိုးပမ်းထမ်းဆောင်နေကြသော အလုပ်သမားထုတစ်ရပ်လုံး၏ ကြိုးပမ်းအားထုတ်မှုများကို Future Education Group မှ လှိုက်လှဲစွာ ဂုဏ်ပြုအပ်ပါသည်။ 🙏💛

ပညာရေးနယ်ပယ်တွင်လည်း ကျောင်းသား၊ ကျောင်းသူများ၏ အနာဂတ်အတွက် အသိပညာ ဗဟုသုတများကို မဆုတ်မနစ်သော ဇွဲ၊ လုံ့လတို့ဖြင့် လက်ဆင့်ကမ်း မျှဝေပေးနေကြသည့် ဆရာ၊ ဆရာမများနှင့် ဝန်ထမ်းများအားလုံးကို အထူးပင် ကျေးဇူးတင်ဂုဏ်ပြုအပ်ပါသည်။ 🧑‍🏫

ကျောင်းသား၊ မိဘများအားလုံး မင်္ဂလာရှိသော အလုပ်သမားနေ့လေး ဖြစ်ပါစေကြောင်း ဆုမွန်ကောင်း တောင်းပေးလိုက်ပါသည်။ 🙏💜

#အလုပ်သမားနေ့

30/04/2026

ယနေ့ကျရောက်တဲ့ ကဆုန်လပြည့်နေ့ဟာ ဗုဒ္ဓဘာသာဝင်တို့အတွက် အလွန်အရေးပါတဲ့ နေ့ထူးနေ့မြတ်တစ်ခုဖြစ်ပါတယ်။ ဒါကြောင့်မို့ ကဆုန်လပြည့်နေ့နဲ့ ပတ်သက်ပြီး စိတ်ဝင်စားစရာ ဗဟုသုတတွေကို ပြန်လည်မျှဝေပေးလိုက်ပါတယ်။ 🙏

"ဗျာ၊ ဖွား၊ ပွင့်၊ စံ ဤလေးတန် မှတ်ရန် ဗုဒ္ဓနေ့" ဆိုတဲ့ ကဗျာလေးကို ကြားဖူးပြီးသားဖြစ်မယ်ထင်ပါတယ်။ အဲ့ဒီကဗျာလေးအတိုင်း ဘုရားရှင်နဲ့ ပတ်သက်တဲ့ အဓိကအဖြစ်အပျက် (၄) ခုလုံးဟာ ကဆုန်လပြည့်နေ့မှာပဲ ဖြစ်ပေါ်ခဲ့တာပဲဖြစ်ပါတယ် -

✨ ၁။ ဗျာ (ဗျာဒိတ်တော်ခံယူတော်မူခြင်း)
မြတ်စွာဘုရားအလောင်းတော် သုမေဓာရှင်ရသေ့သည် ဤဘဒ္ဒကမ္ဘာ၌ လေးဆူမြောက်ဖြစ်သော ဂေါတမအမည်ဖြင့် ဘုရားစစ် ဧကန်ဖြစ်လိမ့်မည်ဟု ဒီပင်္ကရာမြတ်စွာဘုရားထံမှ နိယတဗျာဒိတ်ကို ကဆုန်လပြည့်နေ့တွင် ခံယူခဲ့ပါတယ်။

✨ ၂။ ဖွား (ဖွားမြင်တော်မူခြင်း)
ထို့နောက် မဟာသက္ကရာဇ် ၆၈ ခုနှစ်၊ ကဆုန်လပြည့်နေ့တွင် ဂေါတမဘုရားအလောင်းတော် သိဒ္ဓတ္ထမင်းသားကို ဖွားမြင်တော်မူခဲ့ပါတယ်။

✨ ၃။ ပွင့် (ဘုရားပွင့်တော်မူခြင်း)
မဟာသက္ကရာဇ် ၁၀၃ ခုနှစ်၊ ကဆုန်လပြည့်နေ့တွင် သဗ္ဗညုတဉာဏ်တော်ကို ရရှိပြီး ဘုရားအဖြစ်သို့ ရောက်ရှိတော်မူခဲ့ပါတယ်။

✨ ၄။ စံ (ပရိနိဗ္ဗာန်စံဝင်တော်မူခြင်း)
မဟာသက္ကရာဇ် ၁၄၈ ခု၊ ကဆုန်လပြည့်နေ့တွင် မြတ်စွာဘုရားရှင်သည် ပရိနိဗ္ဗာန် စံဝင်တော်မူခဲ့ပါတယ်။

ဒါကြောင့်မို့ ဗုဒ္ဓမြတ်စွာဘုရားရှင် ဗျာဒိတ်ခံတဲ့နေ့၊ ဖွားမြင်တော်မူတဲ့နေ့၊ ဘုရားဖြစ်တော်မူတဲ့နေ့ နှင့် ပရိနိဗ္ဗာန်စံဝင်တော်မူတဲ့နေ့ စတဲ့ နေ့ရက်တွေအားလုံးဟာ ကဆုန်လပြည့်နေ့မှာပဲ ဖြစ်တာကြောင့်မို့ ကဆုန်လပြည့်နေ့ကို ဗုဒ္ဓဘာသာတွေရဲ့ နေ့ထူးနေ့မြတ်အဖြစ် သတ်မှတ်ထားတာပဲ ဖြစ်ပါတယ်။

ကဆုန်လပြည့်နေ့မှာ ညောင်ရေသွန်းခြင်း၊ ဘုရား၊ ကျောင်းကန်များ သွားရောက်ဖူးမျှော်ခြင်း၊ အလှူဒါနပြုခြင်းများလည်း ပြုလုပ်လေ့ရှိကြပါတယ်။

🌏 စိတ်ဝင်စားဖွယ်ရာ အချက်တစ်ခုကတော့ ကဆုန်လပြည့်နေ့ကို အပြည်ပြည်ဆိုင်ရာ နေ့ထူးနေ့မြတ် (Vesak Universal Holiday) အဖြစ် ကမ္ဘာ့ကုလသမဂ္ဂ (UN) က ၁၉၉၈ ခုနှစ်၊ နိုဝင်ဘာလတွင် တရားဝင် သတ်မှတ်ပေးခဲ့တာပဲ ဖြစ်ပါတယ်။

ယခုလို ဗဟုသုတတွေကို လေ့လာမှတ်သားခြင်းဟာ ကျောင်းစာတင်မကဘဲ ဘက်စုံပညာရေးအတွက် အရေးကြီးတာကြောင့် မိဘ/ကျောင်းသားများအားလုံး ဗဟုသုတရရှိကြမယ်လို့ ယုံကြည်ပါတယ်။ 📖

မင်္ဂလာရှိသော ကဆုန်လပြည့်နေ့လေးမှာ ဘေးရန်ကင်းကွာပြီး ကိုယ်စိတ်နှစ်ဖြာ ရွှင်လန်းချမ်းမြေ့ပါစေကြောင်း Future Education Group မှ ဆုမွန်ကောင်းတောင်းအပ်ပါတယ်။ 🙏✨

#ကဆုန်လပြည့်နေ့
#ဗုဒ္ဓနေ့

Future Plus Education

17/05/2026

15/05/2026

15/05/2026

13/05/2026

11/05/2026

10/05/2026

07/05/2026

07/05/2026

01/05/2026

01/05/2026

30/04/2026

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	10:00 - 17:00