25/08/2026
Gaslighting ခံရတာများရင် တကယ် Yuu သွားတာတွေရှိတယ်နော်။ စိတ်မမှန်တဲ့ပုံဖြစ်အောင်လုပ် အိပ်ဆေးထိုးပြီး စိတ်ကျန်းမာရေးဆေးရုံသွားပို့ထားတာမျိုးတွေ။
"နင် စိတ်ထင်လို့ နေမှာပါ"
"ဒီလောက်လေးနဲ့ ဘာလို့ sensitive ဖြစ်နေတာလဲ"
"နင် ရူးများရူးနေတာလား"
"ဘာလို့ အပိုတွေလုပ်နေတာလဲ"
ဒီလိုမျိုး လူတစ်ယောက်ရဲ့ စိတ်ခံစားချက်နဲ့ အမှန်တရားကို ဝေဝါးတွေဝေသွားစေတဲ့ စကားတွေကို ကြားဖူးကြမယ် ထင်ပါတယ်။ ဒါကို Gaslighting လုပ်တယ်လို့ ခေါ်ပါတယ်။
✅ "Gaslighting" ဆိုတာ နားလည်လွယ်အောင် ပြောရရင် လူတစ်ယောက်ရဲ့ စိတ်ခံစားချက်တွေကို ဝေဝါးသွားအောင် စိတ်ပိုင်းဆိုင်ရာ လှည့်စားခြယ်လှယ်တဲ့ Psychological Manipulation တစ်မျိုးပဲ ဖြစ်ပါတယ်။
✔️ Gaslighting ဆိုတဲ့ စကားလုံးဟာ ၁၉၄၄ ခုနှစ်လောက်က ထွက်ရှိခဲ့တဲ့ "Gas Light" ဆိုတဲ့ ရုပ်ရှင်ကနေ ဆင်းသက်လာတဲ့ စကားလုံး ဖြစ်ပါတယ်။
✔️ အဲဒီဇာတ်လမ်းထဲမှာ ခင်ပွန်းဖြစ်သူက အိမ်ထဲက ဓာတ်ငွေ့မီးအိမ် (Gas light) တွေကို မှိန်ပစ်လိုက်ပြီး ဇနီးဖြစ်သူက "မီးအိမ်တွေ မှိန်သွားတယ်" လို့ ပြောလာတဲ့အခါ "မင်းစိတ်ထင်လို့နေမှာပါ၊ မီးအိမ်တွေက ပုံမှန်ပါပဲ" လို့ ထပ်ခါထပ်ခါ ငြင်းဆိုရင်း ဇနီးဖြစ်သူကို စိတ်ရူးပေါက်နေပြီလို့ ထင်အောင် Emotional Abuse လုပ်ခဲ့တဲ့ ဇာတ်လမ်းကနေ Gaslightingဆိုတဲ့ စကားလုံး ပေါ်ပေါက်လာခဲ့တာ ဖြစ်ပါတယ်။
🚩 Gaslighting ရဲ့ လက္ခဏာတွေက ဘာတွေလဲ?
Gaslighting လုပ်သူ အများစုဟာ ဒီနည်းလမ်းတွေကို အသုံးပြုပြီး တစ်ဖက်သူကို Emotional Abuse လုပ်တတ်ကြပါတယ်။
✅ ဘာမှမဖြစ်ခဲ့သလို အတင်းငြင်းဆန်ခြင်း
သေသေချာချာ ဖြစ်ပျက်ခဲ့တဲ့ အရာတစ်ခုကို "ငါ အဲဒါမျိုး လုံးဝ မပြောခဲ့ဘူး / မလုပ်ခဲ့ဘူး" လို့ အတင်းကြီး ငြင်းဆန်တတ်ကြပါတယ်။
✅ ခံစားချက်တွေကို အပြစ်တင်ခြင်း
သူတို့ကြောင့် တစ်ဖက်သူမှာ အဆင်မပြေဖြစ်သွားရတာကို "နင်က လျှောက်တွေးပြီး ခံစားနေတာ"၊ "အသေးအဖွဲလေးကို ပုံကြီးချဲ့မနေနဲ့" လို့ ပြောပြီး ခံစားချက်ကို အဖတ်မလုပ်တာမျိုးတွေ လုပ်တတ်ပါတယ်။
✅ အပြစ်ပုံချခြင်း
ပြဿနာတစ်ခုခု ဖြစ်တဲ့အခါ သူတို့ရဲ့ အပြစ်ကို တခြားသူကြောင့်လို့ ပုံချတတ်ကြပါတယ်။ "နင်ကိုယ်တိုင်က ဒီလိုမလုပ်ရင် ငါလည်း ဒီလိုလုပ်မှာ မဟုတ်ဘူး" ဆိုပြီး ကိုယ့်အပြစ်ကို သူများဆီ ပုံချတတ်ပါတယ်။
✅ ကိုယ့်ကိုယ်ကိုယ် သံသယဝင်အောင် လုပ်ခြင်း
ကိုယ့်ရဲ့ ခံစားချက်တွေ၊ အတွေးတွေနဲ့၊ မှတ်ဉာဏ်တွေကပဲ မှားနေသလို ခံစားရအောင်၊ ကိုယ့်ကိုယ်ကိုယ် ပြန်ပြီး သံသယဝင်အောင် လုပ်တတ်ပါတယ်။ ဥပမာ- "နင်ရူးများ ရူးနေလား၊ နင်မှတ်မိတာကိုက မှားနေတာ၊ အဲ့ဒါက အဲ့လို မဖြစ်ခဲ့ပါဘူး။ ငါအဲ့ဒီလို မပြောခဲ့ပါဘူး" ဆိုပြီး ပြောတာမျိုးတွေပေါ့။
💔 Gaslight လုပ်ခံရသူတွေမှာ ကြုံတွေ့ရတဲ့ စိတ်ပိုင်းဆိုင်ရာ ရိုက်ခတ်မှုများ
Gaslighting ဟာ အစမှာ မသိသာပေမဲ့ ရေရှည်မှာ စိတ်ကျန်းမာရေးကို ထိခိုက်စေလာနိုင်ပါတယ်။
✅ မိမိကိုယ်မိမိ မယုံကြည်တော့ခြင်း
ကိုယ့်ရဲ့ ခံစားချက်၊ အတွေး၊ အယူအဆ၊ ဆုံးဖြတ်ချက်နဲ့ memoryတွေကို ကိုယ်တိုင် ပြန်မယုံတော့ဘဲ အမြဲတမ်း သံသယဝင်နေတတ်ပါတယ်။
✅ တောင်းပန်လွန်းခြင်း
ကိုယ့်မှာ အပြစ်မရှိရင်တောင် ပြဿနာတစ်ခု ပြီးသွားအောင် အမြဲတမ်း ကိုယ်ကချည်း စတောင်းပန်နေမိပါတယ်။
✅ စိတ်ဓာတ်ကျခြင်းနှင့် စိုးရိမ်စိတ် လွန်ကဲခြင်း
အမြဲတမ်း စိတ်ဖိစီးမှု ခံနေရပြီး ကိုယ့်ကိုယ်ကိုယ် တန်ဖိုးမရှိဘူးလို့ ခံစားလာရပါတယ်။
🛡️ Gaslighting ထောင်ချောက်ကနေ ဘယ်လို ရုန်းထွက်မလဲ?
သတိထားရမှာက Gaslighting ဟာ အချစ်ရေး/အိမ်ထောင်ရေးတွေမှာသာမက လုပ်ငန်းခွင်၊ မိသားစုနဲ့ သူငယ်ချင်းဆက်ဆံရေးတွေမှာပါ ဖြစ်တတ်တယ်ဆိုတာကို သတိထားဖို့ လိုပါတယ်။
✅ သူများပြောတိုင်း မယုံပါနဲ့
ကိုယ်ခံစားရတာတွေ၊ ကိုယ် မှတ်မိနေတာတွေဟာ အမှန်တရားပါ။ အခြားသူတစ်ယောက်က gaslight လုပ်ရုံနဲ့ ကိုယ်ခံစားရတာတွေက အဓိပ္ပာယ် မရှိတော့တာ မဟုတ်ပါဘူး။
✅ သူတို့နဲ့ ပြိုင်မငြင်းပါနဲ့
Gaslight လုပ်သူနဲ့ ကိုယ်ရဲ့ အမှန်တရားအတွက် အပြန်အလှန် ငြင်းခုံမနေပါနဲ့။ ကိုယ်ပဲ အားကုန်ပါတယ်။
✅ Boundary သေချာချထားပါ
ကိုယ့်ကို သူတို့ စိတ်ပိုင်းဆိုင်ရာ ခြယ်လှယ်ခွင့် မရအောင် ပြတ်ပြတ်သားသား စည်းချထားပါ။
✅ Professional အကူအညီရယူပါ
Gaslighting ကနေ ကိုယ်တိုင် ရုန်းမထွက်နိုင်လို့၊ Emotional Abuse လုပ်ခံရလို့ စိတ်ပိုင်းဆိုင်ရာ ထိခိုက်နာကျင်လာရလို့ ဆိုရင်တော့ ကိုယ့်ကို အမှန်တကယ် ကူညီပေးနိုင်တဲ့ စိတ်ကျန်းမာရေး ပညာရှင် များနဲ့ ဆွေးနွေးအဖြေရှာကြည့်ဖို့ လိုအပ်ပါတယ်။
▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။
▪️ August တစ်လလုံး Telegram Channel ကို Join ထားတဲ့သူများအတွက် Consultation Session အားလုံးကို 10% OFF ဖြင့် ရယူနိုင်မဲ့ အထူးအခွင့်အရေးလည်း ရှိတဲ့အတွက် Telegram လေး Join ထားပေးပါဦးနော်။
https://t.me/HeptaMentalHealth
▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။
🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။
