Ziwa Thukha Cancer & Specialist Clinic

26/10/2024

24/02/2023

ရင်သားအကြိတ်

ရင်သားအကြိတ်ဟာရင်သားကင်ဆာရဲ့ရှေ့ပြေးလက္ခဏာတစ်ခုဖြစ်ပေမဲ့ ရင်သားမှာတွေ့ရှိရတဲ့ ​အကြိတ်တိုင်းဟာ ရင်သားကင်ဆာမဟုတ်ပဲ
ကင်ဆာမဟုတ်တဲ့ သာမန်အကြိတ် အဆီကြိတ် နို့ရည်ကြိတ် စတဲ့ တခြားရောဂါများလည်းဖြစ်ပေါ်နိုင်ပါတယ်

ရင်သားကင်ဆာမဟုတ်တဲ့ အကြိတ်တွေထဲမှာ အဖြစ်အများဆုံးကတော့ fibroadenoma breast or breast mouse လို့ ခေါ်တဲ့ အကျိတ်ပဲ ဖြစ်ပါတယ် သူကတော့ ငယ်ရွယ်တဲ့အသက်အပိုင်းအခြားမှာဖြစ်လေ့ရှိပြီးတော့ ကင်ဆာအကျိတ်နဲ့ မတူပဲ စမ်းကြည့်တဲ့အခါမှာ ရွေ့လျားလေ့ရှိတဲ့အကြိတ်ဖြစ်ပါတယ်
ရင်သားကင်ဆာအဖြစ်ပြောင်းလဲသွားနိုင်ခြင်းရာခိုင်နှုန်း နည်းပါးတဲ့အပြင် ခွဲစိတ်ပြီးပျောက်ကင်းအောင်ကုသလို့ရပါတယ်

နောက်အကျိတ်တစ်မျိုးဖြစ်တဲ့ fibroadenosis ကတော့ အသက်၄၀ပတ်လည် သက်လတ်ပိုင်းအမျိုးသမီးတွေမှာအဖြစ်များပြီးတော့ အထူး
သဖြင့် ရာသီမတိုင်ခင် ရင်သားတင်းတာ နာတာမျိုးရှိတတ်ပါတယ်

ကလေးနို့တိုက်မိခင်တွေမှာ တစ်ကိုယ်ရည်သန့်ရှင်းမှုအားနည်းတဲ့အခါ ဖြစ်လေ့ရှိတဲ့ breast abscess ကတော့ ရင်သားအကြိတ်အပြင် ပိုးဝင်ခြင်းလက္ခဏာတွေပါပူးတွဲရှိနေမှာဖြစ်ပါတယ်

ကင်ဆာမဟုတ်တဲ့အကြိတ်တွေအကြောင်း ပြီးတဲ့နောက်မှာ ရင်သားကင်ဆာအကြောင်းကိုဆက်ပြီးဖော်ပြသွားပါမယ်

ရင်သားကင်ဆာဖြစ်​စေ တဲ့အကြောင်းရင်းတွေကတော့
၁. အသက်အရွယ်
၂. အီစထရိုဂျင် မဟော်မုန်း၏ ကာလရှည်လှုံ့ဆော်ခံရခြင်း
( သန္ဓေတားဆေးသုံးစွဲခြင်း
ရာသီစလာချိန်စော၍ သွေးဆုံးချိန်နောက်ကျခြင်း
အိမ်ထောင်မပြုခြင်း
ကလေးအရေအတွက်နည်းခြင်း
ကလေးနို့မတိုက်ခြင်း အစရှိသဖြင့်..)
၃. မိခင် အစ်မ ညီမ စသဖြင့် ဆွေမျိုးထဲတွင် ရင်သားကင်ဆာ ခံစားရသူရှိခြင်း
၄. ယခင်က ရင်သားကင်ဆာရောဂါအခံ သို့မဟုတ် ရင်သားအကြိတ်ရှိခဲ့ဖူးခြင်း
၅. ဟော်မုန်းကုသမှုခံယူခြင်း
၆. ရောဂါအခံကြောင့် ဓာတ်ရောင်ခြည်ကုသမှုခံယူထားခြင်း
၇. အဝလွန်ခြင်း
၈. အရက်သောက်သုံးခြင်း
၉. ဆေးလိပ်သောက်ခြင်းတို့ပဲ ဖြစ်ပါတယ်

ရှေ့တစ်ပတ်မှာဖော်ပြခဲ့တဲ့စစ်ဆေးမှုများဟာ ရင်သားကင်ဆာကိုအတည်ပြုပေးတဲ့အပြင်
ကုသမှုအတွက် ကင်ဆာအဆင့်ခွဲခြင်းကိုတစ်ခါတည်းပြုလုပ်ပါတယ်
ကင်ဆာအဆင့်ကို
၁. အကြိတ်ရဲ့အရွယ်အစား
၂. ချိုင်းကြားအတွင်းရှိ ပြန်ရည်ကြိတ်များဆီသို့ပျံ့နှံ့ခြင်းရှိမရှိ
၃. တခြားကိုယ်တွင်းကလီစာများသို့ပျံ့နှံ့ခြင်း
ရှိမရှိ အစရှိတာတွေနဲ့ သတ်မှတ်လေ့ရှိပါတယ်

ကုသမှုအနေနဲ့ကတော့
၁. ခွဲစိတ်ကုသခြင်း
၂. ဓာတ်ရောင်ခြည်ဖြင့်ကုသခြင်း
၃. ကင်ဆာဆေးသွင်းကုသခြင်း
၄. ဟော်မုန်းဆေးများဖြင့် ကုသခြင်း ဆိုပြီး
လေးမျိုးရှိပါတယ်

ရင်သားကင်ဆာဟာ စောစောသိပြီး စောစောကုနိုင်ရင် အသက်ရှင်ဖို့
အခွင့်အလမ်းများတဲ့အတွက်ကြောင့်ဆရာဝန်နဲ့ သေသေချာချာဆွေးနွေးကုသသင့်ပါတယ်
မကြောက်ပါနဲ့
အချိန်မဖြုန်းပါနဲ့
ဆေးမြီးတိုတွေနဲ့မစမ်းသပ်ပါနဲ့

အကယ်၍ မိမိမှာ အဖုအကြိတ်မရှိသေးဘူးဆိုရင်လည်း တစ်လတစ်ခါ ကိုယ်တိုင်စမ်းသပ်ခြင်း
တစ်နှစ်တစ်ခါ mammogramရိုက်၍စစ်ဆေးခြင်းများနဲ့ကြိုတင်ကာကွယ်လို့ရနိုင်ပါတယ်

အမျိုးသမီးထုအတွက် အန္တရာယ်တစ်ခုအနေနဲ့ ရပ်တည်နေတဲ့ ရင်သားကင်ဆာဘေးမှလွတ်မြောက်နိုင်ဖို့ မိမိခန္ဓာကိုယ်ကိုဂရုတစိုက်စစ်ဆေးဖို့တိုက်တွန်းလိုပါတယ်

30/01/2023

Acute Abdominal Pain
(ပြင်းထန်သော ဗိုက်အောင့်ခြင်း/နာခြင်း)
************************************

ဗိုက်အောင့်ခြင်းကိုတော့ လူတိုင်းခံစားဖူးကြမှာအမှန်ပါ။ ဗိုက်အောင့်ခြင်း ၊ နာခြင်းကို ဖြစ်ပေါ်စေသောအကြောင်းအရင်းများစွာရှိပါသည်။

ပထမဆုံး ဝမ်းဗိုက်ကို အပိုင်း (9) ပိုင်းခွဲ​ခြားထားပါတယ် ။ ဝမ်းဗိုက်၏ မည်သည့်အပိုင်း နာကျင်ခြင်း ၊ အောင့်ခြင်းဖြစ်လျှင် မည်သည့်ရောဂါများကြောင့်ဖြစ်ကြောင်း ဆွေးနွေးကြမည်။

(1) Right Hypochrondriac Region

• Cholecystitis
(သည်းခြေအိတ်ရောင်ခြင်း)
• Cholangitis
( သည်းခြေရည်ပို့ပြွန်ရောင်ခြင်း)
• Pneumonia
(အဆုတ်ရောင်ရောဂါ)
• Empysema
(ပြည်အိတ်တည်ခြင်း)
• Pleurisy/ Pleurodynia
(အဆုတ်ဖုံးအုပ်ထားသော
အလွှာများရောင်ခြင်း)
• Hepatitis
(အသည်းရောင်ရောဂါ)
• Subdiaphragmatic abscess
(ရင်ဝမ်းတွင်းကြွက်သား နှင့်
အသည်းကြားတွင် ပြည်တည်နာ)
• Budd- Clairi Syndrome
(အသည်းဆီသို့ စီးဆင်းသော သွေး
ပြန်ကြောများကျဥ်းပြီးပိတ်ဆို့ခြင်း)

(2) Epigastric Region

• Peptic Ulcer Disease
(အစာအိမ်အနာဖြစ်ခြင်း)
• Gastritis
(အစာအိမ်အမှေးပါးရောင်ခြင်း)
• Pancreatitis
(ပန်ကရိယက်ရောင်ခြင်း)
• Myocardial Infraction
(နှလုံးကြွက်သားပုပ်ခြင်း)
• Pericarditis
(နှလုံးကြွက်သားရောင်ခြင်း)
• Ruptured Aortic Aneurysm
(သွေးကြောအတွင်း ပူဖောင်းကဲ့သို့
အကြိတ်များကြောင့် သွေးကြော
ပေါက်ခြင်း)

(3) Left Hypochondriac Region

• Splenic Infract
( သရက်ရွက် ပုပ်ခြင်း)
• Splenic Rupture
(သရက်ရွက်ပေါက်ခြင်း)
• Splenic Abscess
( သရက်ရွက်ပြည်တည်နာဖြစ်)
• Gastritis
(အစာအိမ်ရောင်ခြင်း)
• Gastric Ulcer
(အစာအိမ်အနာ)
• Pancreatitis
(ပန်ကရိယက်ရောင်ခြင်း)
• Subdiaphragmatic Abscess
(ရင်ဝမ်းတွင်းကြွက်သားနှင့်
အသည်းကြား ပြည်တည်နာဖြစ်)

(4) Right iliac Region

• Appendicitis
(အူအတက်ရောင်ခြင်း)
• Salpingitis
( သားဥပို့ပြွန်ရောင်ခြင်း)
• Inguinal Hernia
(အူကျခြင်း)
• Ectopic Pregnancy
(သားအိမ်ပြင်ပ သန္ဓေတည်ခြင်း)
• Nephrolithiasis
(ဆီးကျောက်တည်ခြင်း)
• Typhlitis
(အူမကြီး၏ ပထမဆုံးအပိုင်း
ရောင်ခြင်း)

(5) Left iliac Region

• Diverticulitis
(အူအတွင်း အိတ်ငယ်များရောင်)
• Ectopic Pregnancy
(သားအိမ်ပြင်ပ သန္ဓေတည်ခြင်း)
• Inginal Hernia
(အူကျခြင်း)
• Salpingitis
(သားဥပြွန်ရောင်ခြင်း)

(6) Right Lumbar Region

• Injury of Spine, muscle, tendon
and ligments
(ခါး၊ ကြွက်သား၊ အရွတ်များ
ထိခိုက်မိခြင်း)
• Kidney Stone
(ကျောက်ကပ်ကျောက်တည်ခြင်း)
• Appendicitis
(အူအတက်ရောင်ခြင်း)

(7) Left Lumbar Region

• Kidney Stone
(ကျောက်ကပ်ကျောက်တည်ခြင်း)
• Injury of Spine, muscle, tendon
and ligments
(ခါး၊ ကြွက်သား၊ အရွတ်များ
ထိခိုက်ခြင်း)

(8) Umbilical Region

• Gastroenteritis
( အစာအိမ်နှင့် အူလမ်းကြောင်း
ရောင်ခြင်း)
• Early Appendicitis
(အူအတက်ရောင်ခြင်း)
• Bowel Obstruction
(အူပိတ်ခြင်း)
• Ruptured Aortic Aneurysm
(သွေးကြောအတွင်း ပူဖောင်းကဲ့သို့
အကြိတ်များကြောင့်သွေးကြော
ပေါက်ခြင်း)

(9) Hypogastric Region

• Menstrual Cramp
(ရာသီလာသောနာကျင်မှု)
• Hernia
(အူကျခြင်း)
• Kidney Stone
(ကျောက်ကပ်ကျောက်တည်ခြင်း)

အဲ့ဒါဆိုရင် ဗိုက်ရဲ့ မည်သည့်နေရာနာလျှင် ဘာရောဂါဖြစ်နိုင်သည်ကို သိပြီးပြီ။ သိထားသင့်တာလေးတွေဆက်ပြောမယ်။

(1) Inflammation (ရောင်ခြင်း)

ရောင်ရမ်းခြင်းဟာဆိုရင် ဝမ်းဗိုက်ကို အချိန်နှင့်အမျှ တဖြည်းဖြည်းပိုပြီး နာကျင်လာစေပြီး အနီးအနားတစ်ဝိုက်နေရာများပါ နာကျင်မှုကူးစက်စေပါသည်။ ဝမ်းဗိုက်အား လက်ဖြင့်စမ်းကြည့်လျှင် အလျော့အတင်းမရှိ မာတင်းတင်းကြီဖြစ်နေပါမည်။

(2) Perforation (ပေါက်ခြင်း)

ဝမ်းဗိုက်အတွင်း တစ်နေရာရာပေါက်သွားမည်ဆိုလျှင် နာကျင်မှုကို ရုတ်တရက်ပြင်းထန်စွာခံစားရမည်ဖြစ်ပါသည်။

(3) Obstruction (ပိတ်ဆို့ခြင်း)

ဝမ်းဗိုက်အတွင်း တစ်နေရာရာပိတ်ဆို့မှုဖြစ်ပေါ်လျှင် တွန့်လိမ် လူးလွန့်နေပြီး မနေနိုင်မထိုင်နိုင်ဖြစ်နေပါမည်။

Investigation
*****************

ဘာတွေစစ်ဆေးရမလဲ။

(1) Complete Blood Count(CBC)
(2) Urine Routine & Microscopy
(R.M. E)
(3) BUN, Blood Glucose & Serum
Bilirubin
(4) Serum Amylase
(5) Plain X Ray Abdomen
(6) Barium
(7) Contrast E***a
(8) USG (Ultrasound)
(9) Laproscopy
(10) Radioisotopic Hepatobiliary
Iminodiacetic Acid Scans
(11) CT Abdomen

29/01/2023

23/01/2023

နောက်ပိုင်း ထပ်ဖတ်ရတဲ့ စာတွေအရ ဆန်မှာ ဖွံ့ဖြိုးကြီးထွားဖို့ niacin ဆိုတဲ့ဓာတ် သိပ်မပါဘူးတဲ့။ ဒါကြောင့် ဟိုးအရင်ရာစုနှစ်တွေမှာ ဆန်ချည့်ပဲစားတဲ့ အရှေ့တိုင်းသားဟာ ဂျုံချည့်ပဲစားတဲ့ကောင်‌တွေလောက် မထွားခဲ့တာတဲ့။ (ခု‌ခေတ်အရှေ့တိုင်းသားတွေကျ ဆန်ရော ဂျုံရော အကုန်စားပြီကိုး၊ ပေါင်မုန့် ခေါက်ဆွဲတို့က နေ့စဉ်စားတဲ့အစာ ဖြစ်လာတာကိုး)။ ကိုယ်စာသင်ဖူးတဲ့အထဲ အနှံတွေနဲ့ ပတ်သက်ပြီး အထူးပြုလေ့လာထားတဲ့ chemical engineer အကိုကြီးတယောက် ပြောဖူးတာတော့
maize -> rice -> wheat -> malt တဲ့။ အာဟာရပါဝင်မှုနှုန်းက။ ဒီတော့ ဂျုံက ဆန်ထက် အာဟာရနဲ့ micronutrients ပါဝင်မှု ပိုများတယ်။ ဒီတော့ ဗမာပီပီ နေ့စဉ်စားဖြစ်တဲ့ ထမင်းလည်းကျွေးသလို ဂျုံနဲ့လုပ်တဲ့ အစားအသောက်တွေလည်း နေ့စဉ်မဟုတ်တောင် နေ့စဉ်နီးပါး ကျွေးဖို့သင့်တယ်။ ဂျုံဆိုတဲ့အထဲ ဖြူအောင်ဖွတ်ထားတဲ့ နုအောင်ဖွတ်ထားတဲ့ ဂျုံထက်စာရင် အာဟာရဆုံးရှုံးမှု သိပ်မရှိတဲ့ wholemeal ဆို ပိုကောင်းတာပေါ့။ ဒါလေးက တခြားကလေးမေမေတွေပါ သတိထားမိအောင် ကြုံလို့ပြောပြတာပါ။ ထမင်းစားနည်းတယ် ထမင်းသိပ်မစားဘူးလို့ စိတ်ပူနေမယ့်အစား ပေါင်မုန့်ကြမ်းကျွေး၊ ကလေးစားလို့ရတဲ့ ခေါက်ဆွဲကျွေး၊ အသားနဲ့ အသီးအရွက် များများကျွေးရင် ထမင်းမကြိုက်လည်း ရပါတယ်။

အောက်ကပို့စ်ကတော့ personal account မှာ တင်ထားတဲ့စာလေး memory မှာ ပြန်တက်လာလို့ပါ။ အခုတော့ အသက်ခြောက်နှစ်တစ်လမှာ အရပ်က သုံးပေကိုး၊ ပေါင်ချိန်က ငါးဆယ့်လေး။

(23.01.2023)

တီးပိုအသက် နှစ်နှစ်နဲ့ တစ်လ။
အရပ်က နှစ်နှစ်ပြည့်ခါနီးကတည်းက နှစ်ပေကိုးလက်မက မတက်သေးဘူး။ အာမေက သူ့ကို အရပ်ပုမှာစိုးတဲ့သူဆိုတော့ အိမ်နံရံမှာ ပေကြိုးနဲ့ အမှတ်လေးတွေလုပ်ထားပြီး တိုင်းရတာအမော။

Genes က ပုရင် ပုမှာပဲ genes က ရှည်ရင် ရှည်မှာပဲ ပူမနေနဲ့တို့ ပုပုရှည်ရှည် ပိန်ပိန်၀၀ ကျန်းမာဖို့အဓိကပဲတို့ ပြောကြပေမယ့် ကျန်းမာခြင်းနဲ့ အရပ်ရှည်ခြင်းဆိုတာ တွဲဖက်၍မသင့်သောအရာများမှ မဟုတ်တာ။ ကျန်းလည်ကျန်းမာ အရပ်လည်းရှည်တော့ ပိုမကောင်းဘူးလား ဒီလိုတွေးတာ။ အရပ်ရှည်တော့ ဘာထူးလို့တုန်း အရပ်ပုတော့ ဘာဖြစ်တုန်း ကိုယ့်ကလေးကိ်ုယ် unconditionally ချစ်ဖို့ပဲလို့ တချို့ကဆိုကြမယ်။ ကိုယ်တွေးတာကျ သူအသက်ကြီးလာလို့ တခုခုလုပ်ချင်တဲ့အခါ အရပ်ပုလို့လုပ်ခွင့်မရတာမျိုး ဖြစ်မှာစိုးလို့၊ သူ့ဖာသူ genes ကြောင့်သာ ပုချင်ပု၊ သူအရပ်ရှည်မယ့်အရွယ်မှာ ကိုယ်ဖြည့်ဆည်းပေးတာ လိုအပ်သွားလို့ မပြည့်စုံလို့ ပုရတာဆိုတာ မဖြစ်စေချင်လို့။ ဒါနဲ့ပဲ တီးပိုအရပ်ရှည်ရေး တို့အရေးဆို စိတ်ထဲတေးထားလိုက်တာပေါ့။ စိတ်ထဲပဲတေးတာပါ။ သူများကိုပြောရင် အခုမှကလေးလေးပဲရှိသေးတာ အပိုတွေလုပ်တယ်လို့ ထင်မစိုးလို့။

အဲ့မှာ စာတွေရှာဖတ်၊ အာဟာရပညာရှင်နဲ့ ဆွေးနွေး၊ အာဟာရဆရာ၀န်တွေရေးတာလည်းဖတ်ပြီး ဝါးတီးကိစ္စကို အဓိကစဉ်းစားဖြစ်တယ်။ gene က ကိုယ်ပြင်လို့မှမရတာ။ ကိုယ်လုပ်ပေးလို့ရတာက ဝါးတီးနဲ့ လေ့ကျင့်ခန်းပဲ။ လေ့ကျင့်ခန်းဆိုတာတော့ အဆန်းမဟုတ်ပါဘူး။ သူ့ဖာသူပြေးလွှားခုန်ပေါက်ဆော့နေတာပါပဲ။ အချိန်တန် ရေကူးလေးဘာလေး သင်ပေးရုံပေါ့။ အဲ ဝါးတီးကိစ္စကတော့ အတော်အလုပ်ရှုပ်တယ်။

ဗိုက်နဲ့ကတည်းက အစားမရှောင်ဘူး၊ အကုန်စားတယ်။ အကုန်စားတယ်ဆိုပေမယ့် ကော်ဖီရှောင် လက်ဖက်ရည်လျှော့ energy drinks တွေဖြတ်တော့ လုပ်ရတာပေါ့။ ကလေးမွေးပြီးတော့လည်း အသီးအရွက် အသားငါး အစုံစား၊ energy drinks ဆက်ရှောင်၊ ကော်ဖီလက်ဖက်ရည်လျှော့နဲ့ပဲ ခြောက်လအထိ အမေနို့ချည်းတိုက်ရတော့ ကိုယ်၀န်ဆောင်အားဆေးဆက်သောက်၊ နို့တိုက်မိခင်သောက်တဲ့ နို့မှုန့်တွေသောက်နဲ့ အလုပ်ရှုပ်ခဲ့ရတာ။ အဲ့တုန်းကတော့ ငါသောက်နေရတာ အတော်အလုပ်ရှုပ်တယ် ကလေးကို တိုက်ရိုက်ကျွေးလို့ရတဲ့အရွယ် သူ့ချည်းသေချာလုပ်ကျွေးလိုက်ရင် ပိုကောင်းမယ်လို့ ထင်ခဲ့မိတာကိုး။ စိတ်ကူးနဲ့လက်တွေ့ ကွာခြားချက်။

ခြောက်လပြည့်ပြီး ဖြည့်စွက်စာစကျွေးတော့လည်း အဆင်ပြေသေးတယ်။ အားဖြည့်ဆန်ကို အသီးအရွက် အသားငါး နီစိမ်းဝါဘာညာဘာညာလုပ်ကျွေး၊ အသီးအနှံတွေ puree လုပ်ကျွေး။ သူက အကုန်စားတယ် အစားကျွေးရမခက်၊ ထောပတ်သီးလိုဟာကို ဒီအတိုင်းစားတော့ အံမယ်လေး၀မ်းသာလိုက်တာဆိုတာ။ ထောပတ်သီးရာသီမယ် ထောပတ်သီးကို နေ့တိုင်းကျွေးတာ။ အသား/ငါးဆို သူတစ်ယောက်တည်းအတွက် ဆန်ပြုတ်ပြုတ်တာကို တစ်နေ့တစ်ဆယ်သား။ ပိုတာက ကိစ္စမရှိဘူး သူစားနေရင်း ကုန်သွားလို့ မလောက်လို့မဖြစ်ဘူးဆိုတဲ့မူနဲ့ အခုထိ ဘာကျွေးကျွေး ပိုလုပ်တယ် ပိုချက်တယ်။ အဲ့တုန်းက အသားငါးလည်း ကြိတ်ချေကျွေးတော့ အများကြီးတွေစားတယ်။ ကလေးကထွားတယ်ဘာညာပြောရင် လူကောင်၀တာ တစ်တုတ်နေတာ ပါးဖောင်းတာကို စိတ်မ၀င်စားဘူး အရပ်ရှည်တယ်ပြောရင် သဘောကျတယ်။

အဲ့အရွယ်ကနေ တဖြည်းဖြည်း ဒီအရွယ်ရောက်လာတော့ အသားငါး ကျွေးရခက်လိုက်တာဆိုတာ။ ထမင်းဖြူချည်းဆို ဘယ်တော့မှမငြင်း မထွေးထုတ်။ ဟင်းကျ ကြိုက်မှစားတယ်။ မကြိုက်ရင်ထွေး။ ကြိုက်တဲ့ဟင်းလည်း တစ်လုတ်စာထဲ portion များသွားရင်ထွေး။ ကိုယ်ကျွေးချင်တာက အသားငါး 50 - ထမင်း 25 - အသီးအရွက် 25 အဲ့လိုနှုန်းကျွေးချင်တာ။ အခုက ထမင်းထဲ မသိသာတဲ့ပမာဏပဲ အသားကိုထည့်လို့ရတယ်။ သိသာပြီဆိုထွေးရော။ မဝါးနိုင်လို့မဟုတ် ငါးလည်းထွေးတာပဲ။ အသီးအရွက်လည်း ကြော်တာဆိုသိပ်မစား soup လုပ်ထားရင်တော့သောက်တယ်။ သူကြိုက်တာ အစားများတာတွေက carbohydrates ချည်းပဲ။ ထမင်းကို အာလူးကြော်နဲ့စားတယ်ဆိုတာမျိုး ကိုယ်သိပ်စိတ်ညစ်တာ။ အဲဒါကြောင့် oriental house ခဏခဏသွားဖြစ်တာ။ အသားစားနည်းတဲ့နေ့ အာလူးနဲ့ထမင်းပဲ စားတဲ့နေ့ဆို နောက်နေ့ dim sum သွားစားပြီ။ အဲ့မှာအသားတို့ ပုဇွန်တို့ စားဖြစ်တာကိုး။ အစားမရွေးစေချင်ရင် ငယ်ငယ်ကတည်းက အစုံကျွေးရတယ်ဘာညာ စာထဲမှာသာပါတာ။ အစုံကျွေးခဲ့လည်း ရွေးတာကရွေးတာပါပဲ။ အရင်ရာသီက နေ့တိုင်းစားတဲ့ ထောပတ်သီးကို ဒီရာသီမှာပြန်ကျွေးတော့ ဘယ်လိုကျွေးကျွေး ဘာနဲ့ကျွေးကျွေး မစားတော့တာလေ။ သူကြိုက်တာဆိုလို့ ဒိန်ချဉ်ပဲရှိတယ်။ နောက်ပြီး မဟုတ်တာတွေသိပ်စားချင်တယ်။ မနေ့က သူ့အဖွားစားဖို့ပြုတ်တဲ့ instant ခေါက်ဆွဲပြုတ်ကို တောင်းစားတာ တစ်ပန်းကန်လုံးကုန်သွားလို့ ရင်ကျိုးရပြီးပြီ။ အမေရောအဖေရော အပြင်ထွက်ရမှာမို့ သူ့အတွက် နွားနို့ multigrain flakes စတော်ဘယ်ရီတွေ သေချာပြင်ပြီး သူ့အဖွားလက်အပ်ခဲ့တာကို ခေါက်ဆွဲပြုတ်ကို တောင်းစားတာ။ လူကြီးအတွက်တောင် မသင့်တာကိုလေ။ စိတ်တွေလည်းညစ်ရတယ်။ ကိုယ်အသုံးမကျလို့ ကိုယ်ကျူရှင်မဖျက်ဘဲ အပြင်ထွက်မိလို့လို့ပဲ ကိုယ့်ကိုယ်ကိုယ်အပြစ်တင်ပါတယ်လေ။ နောက်ဆိုရင်တော့ လုံး၀မကျွေးရ စာရင်း ထုတ်ထားရမလိုပဲ။ energy drinks, instant ခေါက်ဆွဲ၊ ကော်ဖီ၊ လက်ဖက်ရည် စသဖြင့်ပေါ့။

ကလေးဘ၀မှာ အစားအသောက်ဟာ အရေးကြီးမှန်းလည်းသိတယ်၊ လုပ်ပေးနိုင် ကျွေးနိုင်စွမ်းလည်းရှိတယ်ဆိုရင်တောင် မစားတာကျတော့ ဘယ်လိုလုပ်ရမယ်မသိဘူး။ ဒီလိုပြောလို့ ထမင်းကျွေးရခက်သလားဆိုတော့လည်း မဟုတ်ပြန်ဘူး။ ထမင်းကျွေးရမခက်ဘဲ ဟင်းကျွေးရခက်နေတဲ့ပြဿ နာပေါ့။ နောက်ပြီး သူ့ကိုအားမရတာက တစ်နပ်စာပမာဏ နည်းသေးတယ်ထင်တာ။ တကယ်ကုန်ကြလား မကုန်ကြလားတော့မသိ နိုင်ငံခြားက ကလေးတွေ toddler meals လို့ ရှာလိုက်ရင် တစ်နပ်စာကို အများကြီးပြင်ထားတာပဲရော်။ ကိုယ့်သားစားတာရဲ့ နှစ်ဆမကဘူးလိုပဲ။ အဲသလိုတွေ တကယ်ကုန်ကြသလား ငါ့ကလေးက ဘာလို့မကုန်တာလဲဆို အားမရဖြစ်ရသေးတယ်။ နောက်ပြီး သူက မနက်စာ နေ့လယ်စာ ညစာ meal အကြီးသုံးနပ်အပြင် ညနေစာ ဒိန်ချဉ်နဲ့ အသီးလောက်ပဲစားဖြစ်တော့ တစ်နေ့လေးခါပဲစားတာ။ အာဟာရဆရာ၀န်တွေက meal သုံးနပ် snacktime သုံးခါ ကျွေးသင့်သတဲ့။ အဲဒါဆို ဘယ်အချိန်သွားကျွေးရမတုန်း သူ့ဗိုက်က အဲ့လေးနပ်နဲ့တင် ပြည့်နေပြီ။ အဲဒါလည်း အားမရဘူး။ သူ့အမေဆို ဒီလောက်မကြာခဏစားနိုင်တာ။ 🤣🤣

ဘာရယ်မဟုတ်ပါဘူး။ မြန်မာနိုင်ငံက အရပ်ပုလာကြတဲ့အကြောင်းရင်းက အာဟာရမပြည့်လို့ဆိုတဲ့ စစ်တမ်းလေးဖတ်မိပြီး လျှောက်ရေးမိတာ။ တိုင်းပြည်ကဆင်းရဲတော့ မစားနိုင်ကြ၊ မစားနိုင်ရုံတင်မက ဆင်းရဲတဲ့အလျောက် မပြည့်မစုံနေရတဲ့အခြေအနေကို ကြာတော့အမှန်ထင်လာ၊ ထမင်းများများ ဟင်းနည်းနည်းစားဆိုပြီး မူကြိုအရွယ်ကတည်းက သင်ကြားခံလာရ၊ ဟင်းစားကြူးတယ်တို့ သားစားကြူးတာ ဘာညာတို့ ဂျင်းထည့်လာကြတော့ စားဖို့ပိုက်ဆံရှိသူတွေတောင် စားရကောင်းမှန်း ကလေးကို ဘယ်လိုကျွေးသင့်မှန်း မသိတာတွေရှိလာ။ ပိုက်ဆံရှိရက် တတ်နိုင်ရက်နဲ့ ကိုယ်၀န်ရှိရင် ဟိုဟာမစားက ဒီဟာမစားရ၊ ကလေးမွေးပြီး နို့တိုက်မိခင်က အသီးအရွက်မစားရ ပဲမစားရ သားကြီးငါးကြီးမစားရ ငါးခြောက်ဖုတ်နဲ့ ဟင်းခါးလေးလောက်ပဲသောက်။ ကလေးဖြည့်စွက်စာကျွေးတော့လည်း သန်ထမှာစိုးလို့ အသားမကျွေးတာတို့ လေနာမှာစိုးလို့ ပဲမကျွေးတာတို့နဲ့ တတ်နိုင်လျက်က မကျွေးကြ ကျွေးရကောင်းမှန်းမသိကြတော့ ကြာတဲ့အခါ မျိုးရိုးနဲ့ချီပြီး ပုကွပိန်လှီသေးညှက်တွေဖြစ်လိုဖြစ်၊ မဟုတ်ကဟုတ်က ဆီကိုရေချိုး ဆေးရိုးမီးလှုံတွေနဲ့ ဂျင်းထည့်တော့ ဆီတွေများများ ဆားတွေများများ အချိုတွေများများစားရင်း ၀တုတ်ပုတ်ပြဲကြီးတွေ (ကိုယ့်လိုပေါ့) ဖြစ်လာ။ လတ်တလောကြည့်ရင်တော့ ချက်ချင်းကောက်မသေတော့ စားလို့ရတယ်ထင်နေတာပေါ့။ နင်တို့တွေ ဒါပဲစားပြီး ကြီးလာတာ ဘာအခုမှ စောင်ကြီးကျယ်တာလဲတို့ ဘိုးဘေးဘီဘင်ကတည်းက ဒါမျိုးစားလာတာ ရှေးထုံးမပယ်နဲ့တို့ ဘယ်လိုပဲပြောပြော ရေရှည်ကိုကြည့်လိုက် တစ်နိုင်ငံလုံးအတိုင်းအတာကိုကြည့်လိုက်ရင် ဒီလိုစားတာက မှန်နေလား မှားနေလား ထွားကျိုင်းလာကြလား သေးကွေးလာကြလား အသက်တွေရှည်လာကြလား တိုလာကြလား မြင်နိုင်တာပဲ။ ကိုယ်ကတော့ ကျန်းမာရေးနဲ့ မသင့်တော်မယ့်ဟာတွေကို စားဖူးပြီး စွဲနေပေမယ့် မူးယစ်ဆေးလိုပေါ့ မစားဖူးသေး မသုံးဖူးသေးတဲ့ ကလေးလေးကိုကျ မသင့်တော်တာတွေ မမြည်းစမ်းစေချင်သေးဘူး။ အကြာကြီးနေရဦးမယ့်လောကမှာ ကြီးထွားမယ့် ဦးနှောက်ဖွံ့ဖြိုးမယ့်အရွယ်ကျော်ရင် စိတ်ကြိုက်စားလို့ရတဲ့ အရသာတွေကို မလိုအပ်သေးဘဲ မစားဖူးစေချင် မစွဲစေချင်သေးဘူး။ အရပ်လည်း ရှည်စေချင် ဉာဏ်လည်းကောင်းစေချင် ကျန်းလည်းကျန်းမာစေချင်တယ်လေနော့။

Julia Metalrose

23/01/2023

Booster Dose ထိုးပြီးကြပြီလား? 💉

#ထိုင်းအစိုးရဆေးရုံ Registration ဖြင့်

Vaccine Certificate ရနိုင်တဲ့ Covid Booster ကို Dr Vaccine က ဝန်ဆောင်မှု ပေးနေပါပြီ🏥🏥🏥🏥

💊Cold-Chain System စိတ်ချရမှု

💉ထိုးနှံပေးသည့် ကျန်းမာရေးဝန်ထမ်း
ဆရာ/သူနာပြုများ၏ ကျွမ်းကျင်မှု

🩺ဆေးမထိုးခင်သေချာစွာ စမ်းသပ်ဆွေးနွေးရှင်းပြမှု

🩹ဆေးထိုးပြီးနောက် သေချာစွာစောင့်ကြည့်ပေးမှု

🛡️ဆေးထိုးနှံခြင်းသက်သေခံကဒ်ပြားတွင်
QR code ပါသည့် Vaccine Certificate နှင့်နိုင်ငံ
တကာခရီးသွားလာနိုင်မှု

🔭ရှေ့ကထိုးနှံခဲ့သည့် အကြိမ်ရေများအား
ပေါင်းစပ်ထည့်သွင်းပေးခြင်း ဝန်ဆောင်မှု

⚓️သင်္ဘောသားများ Yellow Book တံဆိပ်တုံး
ထုနှိပ်ပေးခြင်းဝန်ဆောင်မှု

☎️ကာကွယ်ဆေးနှင့်ပတ်သက်သည့် မေးခွန်းများအား အခမဲ့ဆွေးနွေးဖြေကြားပေးခြင်းဝန်ဆောင်မှု

🧑🏻‍⚕️👨‍⚕️👩‍⚕️အိမ်တိုင်ရာရောက် ဆရာဝန်/သူနာပြု Team ဖြင့်
လာရောက်ထိုးနှံပေးခြင်းဝန်ဆောင်မှု

🦠ဆေးမထိုးမှီ Antibodies Test စစ်ဆေးပေးခြင်း
ဝန်ဆောင်မှု

🔭COVID RDT Test(နှာခေါင်းနှိုက်) စစ်ဆေးပေးခြင်း ဝန်ဆောင်မှု
များကို တနေရာတည်းမှာ ရရှိနိုင်ပါပြီ

🤶Pfizer Kid (၅နှစ်မှ ၁၁နှစ်ကြား)
တစ်ကြိမ်စာ- 130000KS

🤵Pfizer Adult (၁၈ နှစ်နှင့်အထက်)
တစ်ကြိမ်စာ- 100000 Ks

👦Moderna (အသက် ၅နှစ်မှ၁၂နှစ်အထိ)
တစ်ကြိမ်စာ- 90000Ks

💁‍♀️Covishield (အသက် ၁၈နှစ်နှင့်အထက်)
တစ်ကြိမ်စာ- 27000Ks

🏠အိမ်တိုင်ရာရောက်ဝန်ဆောင်မှုများလည်း
ရရှိနိုင်ပါသည်။

✈️အလုပ်အကိုင် အေဂျင်စီ
⚓️သဘောသားများ
🏢ကုမဏ္ဏီများ
🏗️စက်ရုံ/အလုပ်ရုံများ
🏫ကျောင်းများNGO/သံရုံးများအတွက်

Passport No နှင့် QR code ပါဝင်သော International vaccination card များကို ရရှိနိုင်ပါပြီ

⏰⏰⏰
Passport
Phone Number
Address နှင့် အတူ At least 5days Ahead ကြိုပြီး reserve လုပ်ပေးရန် လိုအပ်ပါတယ်နော်

အသေးစိတ် ဆက်သွယ်စုံစမ်းရန်
Page cb သို့ ဆက်သွယ်စုံစမ်းမေးမြန်းနိုင်ပါသည်။

30/12/2022

Covid Antibody ဘာလို့စစ်သင့်လဲ ?
IgG Antibody ထွက်ရင် ကိုယ်ထဲမှာ ကိုဗစ်ပိုးတွေမရှိတော့သလို နောက်သုံးလကနေ ခြောက်လအထိလည်း ကိုဗစ်မကူးနိုင်တော့ပါဘူး။

Antibody ထွက်မထွက်ကို Rapid Antibody Test Kit လေးနဲ့ စစ်လို့ရပါတယ်။ ကိုဗစ်ဖြစ်ပြီးသူများ Antibody ထွက်မထွက်စစ်သင့်ပါတယ်။ အိမ်မှာတင် အလွယ်တကူစစ်လို့ရပါတယ်။

• Antigen Test Kit နဲ့ မတူတာက Antigen Test က နှာခေါင်းတို့ဖတ်ယူစစ်ရတာဖြစ်ပြီး ကိုဗစ်ပိုးရှိမရှိ စစ်တာပါ။ Test kit မှာ နှစ်ကြောင်းပဲပါပြီး တစ်ကြောင်းပဲပေါ်ရင် -ve (ကိုဗစ်မရှိ)၊ နှစ်ကြောင်းပေါ်ရင် +ve (ကိုဗစ်ရှိ) ပါ။

• Antibody Test Kit ကတော့ သွေးဖောက်စစ်ရတာပါ။ လက်ထိပ်ကို ဆီးချိုစစ်သလို သွေးဖောက်စစ်ပြီး စစ်ရတာပါ။ လိုင်း ၃ လိုင်းပါပြီး ပေါ်တဲ့လိုင်းပေါ်မူတည်ပြီး လက်ရှိ ကိုဗစ်ဖြစ်နေလား။ ပျောက်ပြီးတော့ ကိုဗစ်ကို ကာကွယ်နိုင်တဲ့ Antibody ထွက်နေပြီလားဆိုတာ သိနိုင်ပါတယ်။ အဖြေဘယ်လိုဖတ်ရလဲ ဘယ်လိုသုံးရလဲဆိုတာကိုတော့ အောက်မှာ အသေးစိတ်ရေးပေးထားပါတယ်။

Covid Antibody Test Kit ဆိုတာ ❓
=======================

Covid Antibody Test Kit ဆိုတာ Covid နလံထစ လူနာတွေအနေနဲ့ ကိုဗစ်ဖြစ်ပြီးနောက် ခန္ဓာကိုယ်က ကိုဗစ်ပိုးကို အလိုအလျောက်တုန့်ပြန်တဲ့ ကိုယ်ခံအား Antibody ထွက်မထွက်ကို စစ်ဆေးတာပဲ ဖြစ်ပါတယ်။ ကိုယ့်ကိုယ်ကို စိတ်ရှင်းချင်လို့ပဲဖြစ်ဖြစ် Covid ဖြစ်သွားပြီးနောက် ကိုယ်ခံအားရမရ သိချင်လို့ပဲ ဖြစ်ဖြစ် စစ်ကြည့်နိုင်ပါတယ်။

ဘယ်အချိန်မှာ စစ်သင့်လဲ❓
================

Antibody Test Kit ကို စစ်သင့်တဲ့အချိန်ကတော့ နှာခေါင်းတို့ဖတ်ယူစစ်ရတဲ့ Antigen Test kit နဲ့ စစ်လို့ Covid (+)ve ဖြစ်ပြီး ၁ ပတ်ကနေ ၃ ပတ်ကြားပါ။ Antibody က အစောဆုံး နှစ်ပတ်အကြာမှာ ထွက်တာမလို့ နှစ်ပတ်ကျော်မှ စစ်ရင်တော့ အကောင်းဆုံးပါ။

ဘယ်လို စစ်မလဲ ❓
========

Antibody Test Kit တစ်ခုဝယ်ရင် တစ်ခါသုံးအပ်၊ အရက်ပြန်သုတ်ထားတဲ့ဂွမ်း (Alcohol Pad) ၊ သွေးယူတဲ့ပြွန်တံ၊ ဆေးရည်ဗူး၊ စစ်တဲ့အပြား (Test Kit) ပါပါတယ်။

1. လက်ချောင်းထိပ်ကို အရက်ပြန်ပါတဲ့ဂွမ်းနဲ့သုတ်ပြီး တစ်ခါသုံးအပ်နဲ့ ဆီးချိုစစ်ရင်ဖောက်သလို တစ်ချက်ဖောက်လိုက်ပါ။
2. ပထမဆုံးထွက်တဲ့သွေးကို မသုံးဘဲ သုတ်ပစ်လိုက်ပါ။
3. ညှစ်လို့ ထပ်ထွက်လာတဲ့သွေးကို သွေးယူတဲ့ပြွန်တံနဲ့ ယူလိုက်ပါ။
4. Rapid Test Kit ထဲကို သွေး ၁ စက်ချ ဆေးရည်ဘူးထဲက ဆေးရည်ကို ၂ စက်ချပါ။ တချို့ Test Kit မှာတော့ သွေး ၂ စက် ဆေးရည် ၁ စက် ထည့်ရပါတယ်။ ကိုယ်ဝယ်တဲ့ Test Kit အညွှန်းကို သေချာဖတ်ပါ။
5. အဖြေကို ၁၀ မိနစ်ကနေ ၁၅ မိနစ်အတွင်း ကြည့်လို့ရပါပြီ။
6. စစ်ပြီးသား ပစ္စည်းတွေကို ပါတဲ့ပလတ်စတစ်အိတ်ထဲ သေချာထည့်ပိတ်ပြီးမှ စွန့်ပစ်ပါ။

အဖြေဘယ်လိုဖတ်မလဲ ❓
================

Test Kit မှာ C ရယ် IgG ရယ် IgM ရယ်ဆိုပြီး သုံးနေရာ တွေ့ရပါမယ်။
C က Control ပါ။ စစ်တိုင်း C မှာလိုင်းပေါ်ရပါမယ်။ Covid 19 မှာ Antibody နှစ်မျိုး ရှိပါတယ်။ IgG နဲ့ IgM ပါ။ IgM က ရောဂါပိုးဝင်ပြီးမကြာခင် သွေးထဲမှာပေါ်ပြီး IgG က နောက်ပိုင်းမှပေါ်တာပါ။

🔸C တစ်လိုင်းထဲမှာပဲ ပေါ်နေရင်🔸
C တစ်ခုထဲပေါ်ပြီး IgG ရော IgM ရော မပေါ်ရင် ရောဂါပိုးကူးစက်မခံရသေးတာပါ။ ဒါမှမဟုတ် အရမ်းစောလို့ မပေါ်သေးတာလည်း ဖြစ်နိုင်ပါတယ်။
C ကတော့ ပေါ်ကိုပေါ်ရပါတယ်။ C မပေါ်ရင် စစ်ပုံစစ်နည်းမှားတာ။ ဒါမှမဟုတ် Test kit မကောင်းတာ ဖြစ်နိုင်ပါတယ်။

🔸C ရယ် IgG ရယ် နှစ်လိုင်းပေါ်နေရင်🔸
ကိုဗစ်ဖြစ်ခဲ့ဖူးပြီး ကိုယ်ခံအားထွက်နေတာပါ။ ရောဂါကိုခုခံကာကွယ်နိုင်စွမ်းရှိတဲ့ အဆင့်လို့ ပြောနိုင်ပါပြီ။
ဒီအဖြေဟာ လူတစ်ယောက်အတွက် အကောင်းဆုံးအဖြေလို့တောင် ပြောနိုင်ပါတယ်။ Covid 19 ကို ကိုယ်ခံအားရသွားတဲ့ သူတစ်ယောက်ဖြစ်သွားပြီး အခုလိုပေါ်နေသမျှ ကာလပတ်လုံး Covid 19 ကို ဖြန့်ဝေသူလည်း မဖြစ်နိုင်သလို ကူးစက်သူလည်း မဖြစ်နိုင်တော့ပါဘူး။ IgG က ခြောက်လလောက်အထိ ပေါ်နေနိုင်ပေမဲ့ Antibody ဆိုတာ ကိုယ်မသိလိုက်ဘဲ အချိန်မရွေးပျောက်သွားနိုင်လို့ ဂရုစိုက်တာတော့ အကောင်းဆုံးပါ။

🔸C ရယ် IgM ရယ် နှစ်လိုင်းပေါ်နေရင် 🔸
ကိုဗစ်ရောဂါပိုး ကူးစက်ပြီးခါစဖြစ်လို့ အများကို မကူးစက်အောင် ဘယ်သူနဲ့မှ မတွေ့ဘဲ နှစ်ပတ်ကြာ Isolate လုပ်ရပါမယ်။

🔸 ၃ လိုင်းလုံးပေါ်နေရင် 🔸
Antibody ထွက်နေပေမဲ့ ရောဂါပိုးရှိနေတုန်း ဖြန့်နိုင်တုန်းမလို့ Isolate လုပ်ပေးရပါမယ်

🔸တစ်လိုင်းမှ မပေါ်ရင် 🔸
သွေးထည့်တာနည်းတာ၊ ဆေးထည့်တာနည်းတာ ဖြစ်နိုင်ပါတယ်။ Test kit error တက်တာလည်းဖြစ်နိုင်လို့ နောက်တစ်ခေါက်ပြန်စစ်ရပါမယ်။

အားလုံးကျန်းမာပြီး ကိုဗစ်ကင်းစင် ပြုံးပျော်ရွှင်နိုင်ကြပါစေနော်

Crd Dr. Nu Myat Theingi Oo

26/12/2022

ကာကွယ်ဆေး booster ထပ်မံထိုးချင်သော မိသားစုဝင်များ/ နိုင်ငံခြားသွားလိုသူ မိဘ ပြည်သူများ အတွက် ကာကွယ်ဆေးကို (၁၄) ယောက်စာထိုးနှံလို့ရနိုင်ပါသေးတယ်ခင်ဗျာ။

27.28.29 (3) ရက် မိမိတို့ ဆေးခန်းမှ ဝန်ထမ်းများအတွက် booster ထိုးပေးရင်း ဆေးပိုလို့ တခါတည်းထိုးပေးခြင်းဖြစ်ပါသည်။

Booster ထိုးထားသူများ နောက်ဆုံး dose သည် ၄-၆ လကျော်ပြီဆိုပါက နောက်တကြိမ်ထပ်မံ ထိုးနှံလို့ရပါတယ်ခင်ဗျာ။

အားလုံးပဲ Happy New Year 2023 မှာ အနာရောဂါကင်းစင်ပျော်ရွှင်ကြပါစေ ခင်ဗျာ 🙏

10/11/2022

“ကင်ဆာတဲ့”လို့ဆိုလိုက်တာနဲ့ လူတိုင်းကထိပ်ကနဲဖြစ်သွားတတ်ကြပါတယ်။
ကိုယ့်မိသားစုဝင်ထဲကင်ဆာဝေဒနာရှင်ရှိလာပြီဆိုရင်သူတို့ကိုသနားခြင်းထက် သူတို့ကိုနားလည်စာနာအားပေးပြီး
လုပ်သင့်တာက ဘာကင်ဆာအမျိုးအစားလဲ ဘယ်လိုနည်းလမ်းနဲ့ကုသရမလဲဆိုတာ နားလည်တတ်ကျွမ်းတဲ့ဆရာဝန်နဲ့ကုသပြသရမှာဖြစ်ပါတယ်။

ကင်ဆာရောဂါဖြစ်လာပြီဆိုရင်လည်း ကုသရတဲ့နည်းလမ်းတွေကလည်းကွာခြားတတ်ပါတယ်။
တစ်ချို့က ခွဲစိတ်မှုတစ်မျိုးပဲလုပ်ဖို့လိုသလို၊
တစ်ချို့ကလည်း ခွဲစိတ်မှုကော၊ကီမိုဆေးကောသွင်းရပါတယ်။
တစ်ချို့ကလည်း ခွဲစိတ်မှုကော၊ကီမိုဆေးကော၊ဓါတ်ရောင်ခြည်ကင်တာပါလုပ်ရပါတယ်။ တစ်ချို့ကလည်းကင်ဆာပစ်မှတ်ထားကုထုံးနဲ့ကုသရသလို တစ်ချို့ကလည်း ကာကွယ်ဆေးပါသော ကင်ဆာကုထုံးနဲ့ကုသရပါတယ်။

အဲဒီထဲကမှ ကင်ဆာဆေးစသွင်းမဲ့သူတွေအတွက် သိထားသင့်တဲ့အချက်လေးတွေကိုဝေမျှပေးချင်ပါတယ်။
ကင်ဆာဆေး ပထမဆုံးအကြိမ် စသွင်းတော့မယ့် ဝေဒနာရှင်ကစိတ်တွေပူပန်တတ်ပါတယ်။ “ဒီဆေးသွင်းပြီးရင် ငါနဲ့အဆင်ပြေပါ့မလား Side Effectတွေရှိမလား”ဆိုပြီးပူပန်မှာ ပုံမှန်ပါပဲ။ အဲ့ဒီအတွက် မလိုအပ်တဲ့ စိတ်ပူပန်ရတာတွေ လျော့​ကျအောင် ဒီအချက်လေးတွေကို ဝေဒနာရှင်ရော၊ ဝေဒနာရှင်မိသားစုပါ လိုက်နာပြုမူဆောင်ရွက်သင့်ပါတယ်။
၁။ ဘယ်အချိန်၊ ဘယ်နေရာမှာ ဘယ်လိုသွင်းရမှာလဲဆိုတာ ဝေဒနာရှင်ရော၊ ဝေဒနာရှင်မိသားစုပါကုသပေးမည့်ဆရာဝန်ကိုကြိုမေးထားပါ
ကင်ဆာဆေးသွင်းရာမှာ ကင်ဆာဆဲလ်တွေကို တားဆီးပေးတဲ့ ဆေးအပြင် ကင်ဆာဆေးကြောင့် ခံစားရနိုင်တဲ့ ဘေးထွက်ဆိုးကျိုးများကို သက်သာစေတဲ့ ဆေးဝါးများကိုလည်း ထည့်သွင်းပြင်ဆင်လေ့ရှိပါတယ်။
တချို့ဆေးတွေက မိနစ်ပိုင်းအတွင်း သွင်းလို့ပြီးပေမယ့် တချို့ဆေးတွေကတော့ နာရီနှင့်ချီပြီး ကြာမြင့်နိုင်ပါတယ် ။ ဒါကြောင့် ကင်ဆာဆေးသွင်းတော့မယ်ဆိုရင်_
မိမိ သွင်းမယ့်ဆေးက ဘာအမျိုးအစားလည်း၊
ဘယ်လောက်ကြာမလဲ၊
ဘာတွေခံစားရနိုင်လဲ၊
ဘယ်လိုအခြေအနေမျိုးဆို အရေးပေါ်ကုသမှုခံယူရမလဲ ဆိုတာတွေကို ကြိုမေးထားသင့်ပါတယ်။
၂။ အဖော် ခေါ်ထားပါ
ကင်ဆာဆေးသွင်းမှုများဟာ အချိန်ကာလာကြာညောင်းပြီး တစ်ခါ​တစ်လေမှာ မအီမသာခံစားရတာမျိုးတွေ ရှိနိုင်တဲ့အတွက် မိမိကိုယ် စိတ်ရောကိုယ်ပါ အားပေးနိုင်မယ့် အဖော်ပြုပေးနိုင်မယ့် ကိုယ်ချစ်ရတဲ့ မိသားစု ၊ မိတ်​ဆွေ တစ်ဦးဦးကို အနားမှာ ခေါ်ထားသင့်ပါတယ်။
၃။ ရေများ​များသောက်ပါ
ကင်ဆာဆေးများဟာ ခန္ဓာကိုယ်မှ ရေဓာတ်အများအပြားကို ဆုံးရှုံးစေတဲ့အတွက် ရေများများသောက်ပေးဖို့ လိုပါတယ်။ ရေများများသောက်ခြင်းအားဖြင့် ရေဓာတ်ပြန်လည်းဖြည့်တင်းပေးရုံသာမက ဘေးထွက်ဆိုးကျိုး များဖြစ် တဲ့ ခေါင်းကိုက်ခြင်း၊ နွမ်းနယ်ခြင်းများကိုပါသက်သာစေပါတယ်။
( ခြွင်းချက်အနေနှင့် နှလုံးရောဂါ (သို့) ကျောက်ကပ်ရောဂါရှိသူများအနေနှင့် မိမိသက်ဆိုင်ရာ ဆရာဝန်နှင့် တိုင်ပင်ပြီးမှသာ လိုအပ်သလောက် ရေပမာဏကို သောက်သုံးသင့်ပါတယ်။)
၄။ အစာအများကြီးမစားပါနှင့်
ကင်ဆာဆေးများဟာ အူရဲ့ လှုပ်ရှားမှုများကို နှေးကွေးစေတဲ့အတွက် အစာများဟာ သင့်ခန္ဓာကိုယ်ထဲမှာ ပုံမှန်ထက် အချိန်ပိုမိုကြာမြင့်စွာ ရှိနေမှာ ဖြစ်ပါတယ်။ အဲ့အတွက်ဆေးမသွင်းမီ နာရီပိုင်းအလိုမှာ အမျှင်ဓာတ်
များပြီး ကြေညက်လွယ်တဲ့ အစာနည်းနည်းကို စားပေးပါ။ အမျှင်ဓာတ်များပြီး ကြေညက်လွယ်တဲ့ အစာများကို စားထားခြင်းဖြင့် မူးဝေ၊ အော့အန်ခြင်းနှင့် ဝမ်းချုပ်ခြင်းများကို တတ်နိုင်သလောက် လျော့နည်းစေမှာ ဖြစ်ပါတယ်။
၅။ကောင်းစွာ အနားယူပါ
ပထမဆုံးအကြိမ် ကင်ဆာဆေးသွင်းမှု ခံယူသူများအနေနှင့် ပင်ပန်းနွမ်းနယ်ခြင်းကို အများဆုံး ခံစားရတတ်ပါတယ်။ ပုံမှန် အလုပ်ပင်ပန်းတာမျိုးနှင့် မတူပဲ အိပ်စက်ယုံနှင့် မသက်သာနိုင်တဲ့အတွက် ရက်အနည်းငယ်လောက် အချိန်ယူပြီး ကောင်းစွားအနားယူသင့်ပါတယ်။ ( ခြွင်းချက်အနေနှင့် အဆိုပါ ဘေးထွက်ဆိုးကျိုးများဟာ ခေတ္တသာ ခံစားရမှာဖြစ်ပြီး မကြာခင်ပြန်လည်သက်သာသွားမှာဖြစ်ပါတယ်။)
၆။ ဆေးမသွင်း​မီတိုင်း သွေးစစ်ပါ
ကင်ဆာဆေးမသွင်းမီ ဝေဒနာရှင်ဟာ ကုသမှုကို ခံနိုင်ရည်ရှိ၊မရှိ သိရှိရန်လိုအပ်သည့်အတွက်
သွေးစစ်ခြင်းများကို အရင်ဆုံးပြုလုပ်ရပါမယ်။ သွေးအ​ဖြေများအပေါ် မူတည်ပြီး ဆရာဝန်ကြီးများမှ သက်ဆိုင်ရာကုသမှုများနှင့် နောက်ထပ် ဆေးသွင်းရန် ရက်ချိန်များကို ဆုံးဖြတ်မှာ ဖြစ်ပါတယ်။
၇။ ဆေးသွင်းပြီးပါက ဆေးများ ဆက်သောက်ရပါမယ်
ဆေးသွင်းခြင်းပြီးပါက ဖြစ်ပေါ်လာနိုင်သော ဘေးထွက်ဆိုးကျိုးများကို ကာကွယ်ရန်နှင့် အားအင် ပြန်လည်ဖြည့်တင်းရန်အတွက် လိုအပ်သော ဆေးဝါးများကို ဆရာဝန်ကြီးများက ညွှန်ကြားပေးမှာ ဖြစ်ပြီး ညွှန်ကြားထားတဲ့ အတိုင်း မပြတ်မကွက် သောက်သုံးရမှာ ဖြစ်ပါတယ်။
၈။ မိမိကိုယ်ကို ဆန်းစစ်ခြင်း
ကင်ဆာဆေးသွင်းရာမှ ရရှိနိုင်သော ဘေးထွက်ဆိုးကျိုးများဖြစ်တဲ့ မူးဝေအော့အန်​ခြင်း၊ ဖျားနာခြင်း၊ ဝမ်းသွားခြင်း၊ အနီစက်ထွက်ခြင်း၊ ဆေးသွင်းထားသည့် နေရာအနီးတစ်ဝိုက်တွင် နာကျင်ယောင်ယမ်း ခြင်းများရှိပါက သက်ဆိုင်ရာ ကျန်းမာရေးစောင့်ရှောက်သူများကို အကြောင်းကြားရပါမယ်။ မိမိအိမ်သို့ ပြန်ရောက်သွားသောအခါတွင်လည်း အဆိုပါ လက္ခဏာများခံစားရသလား၊ ခံစားသလားရပါက အကြိမ်မည်မျှခံစားရသလဲ ဆိုတာတွေကိုလည်း မှတ်သားထားခြင်းအားဖြင့် နောက်တစ်ခါ ဆေးကုသမှုခံယူရာတွင် များစွာ အထောက်အပံ့ ဖြစ်နိုင်ပါတယ်။

အဲဒီတော့ လိုက်နာသင့်သည့်အချက်များကိုပြင်ဆင်ရင်း နောက်ထပ်လည်းယခုလိုဗဟုသုတများကို ဝေမျှပေးဦးမှာမို့ကျမတို့ရဲ့ PageကိုLike & Shareလုပ်ပေးသွားပါဦးရှင်။

ကင်ဆာရောဂါကို အောင်မြင်စွာကျော်လွှားနိုင်ကြပါစေ။

&SpecialistClinic

18/08/2022

မိဘပြည်သူများရှင်

COVID ကာကွယ်ဆေးတွေ ထိုးထားပြီး ဆေးအောင်/ မအောင် သိချင်တာ ပဲဖြစ်ဖြစ် ခရီးသွားခါနီး/ နိုင်ငံခြားသွားခါနီးဆေးထပ်ထိုးဖို့ လို/ မလိုရယ် သိချင်တာပဲဖြစ်ဖြစ် COVID Antibody ( IgG/ IgM) Testkits လေးတွေနဲ့ ဇီဝသုခဆေးခန်းမှာ စျေးနှူန်းသက်သာစွာဖြင့် လာရောက်စစ်ဆေးကြည့်လို့ရပါတယ်။

လက်ထိပ်သွေးဖောက်စစ်ဆေး ရုံသာ ဖြစ်ပြီး နာကျင်မှုမရှိပဲ စစ်ဆေးပြီး (၁၅) မိနစ်အတွင်းအဖြေသိရပြီး မှန်ကန်တိကျမှု 99.99 % ရှိပါတယ်ရှင်။

24/07/2022

Take care🙏

မျိုးရိုးဗီဇပြောင်း ကိုဗစ်-၁၉ရောဂါပိုး အိုမီခရွန်နှင့် ၎င်း၏မျိုးစိတ်အသစ်များကိုကာကွယ်ဖို့ ရောဂါကာကွယ်ဆေး အကြိမ်ပြည့်ထိုးနှံလို့ ထပ်ဆောင်းကာကွယ်ဆေးကိုပါထိုးနှံကြစို့

24/07/2022

ကိုဗစ်-၁၉ ရောဂါသည်ပေါ့ဆလို့မရသည့် ရောဂါဖြစ်သည့်အလျှောက် ကြိုတင်ကာကွယ်ရန်အထူးလိုအပ်ပါသဖြင့် မပေါ့ဆသင့်ပါကြောင်း

မျိုးရိုးဗီဇပြောင်း ကိုဗစ်-၁၉ရောဂါပိုး အိုမီခရွန်နှင့် ၎င်း၏မျိုးစိတ်အသစ်များကိုကာကွယ်ဖို့ ရောဂါကာကွယ်ဆေး အကြိမ်ပြည့်ထိုးနှံလို့ ထပ်ဆောင်းကာကွယ်ဆေးကိုပါထိုးနှံကြစို့