Tarot By Karrot

18/04/2026

April 25 လောက်အထိ ညနေ ၆:၀၀ နောက်ပိုင်း ရတနသုတ်၊ မေတ္တသုတ်၊ ခန္ဓသုတ်၊ ဝဋ္ဋသုတ် ၊ မဟာသမယသုတ် နာယူပါ (သို့မဟုတ်)ပူဇော်ပါ

အချိန်ရရင်တော့ ပရိတ်ကြီး ၁၁သုတ်လုံးနှင့် မဟာသမယသုတ် နာယူပါ (သို့မဟုတ်) ပူဇော်ပါ

တစ်ထိုင်ထဲအပြီးလားတို့ အချိန်မှန်နေရာမှန်လားတို့မေးနိုင်လို့ ဖြေခဲ့ပါမယ်
အဆင်ပြေသလို နိုင်သလို အေးဆေးပူဇော်ပါ
တစ်ထိုင်ထဲအပြီးရယ် အချိန်တိကျရယ်လို့မမြင်ထားပါ မကြားထားပါ
အေးဆေးပူဇော်ပါ
သောကမများပဲပူဇော်ပါ
မှီပါ့ မလား ကျော်သွားပလား တွေ သောကမများပါနဲ့
ရက်ခြားသွားတယ်ရလားတို့
ကျော်ကုန်တယ်မေ့ကုန်တယ်ရလားတို့ပူမနေပါနဲ့နော်
စိတ်လေးအေးချမ်းနေဖို့အဓိကပါ

နောက်ပိုင်းရက်တွေကတော့ သဘော
ကျွန်မပြောဖို့မြင်လိုက်တဲ့အချိန်ကာလက April 25 ထိ
နောက်ရက်တွေကမိမိတို့ဆင်ပြေသလိုပါ
ကုသိုလ်မှာ သတ်မှတ်ချက်မရှိပါဘူး

ဒီနေ့ကတော့ ပြောဖို့အကြောင်းဖန်လာလို့ မြင်တဲ့အတိုင်းရေးတင်တာပါ

ကလေး ၉ နှစ်လောက်အထိ ကျန်းမာရေးဂရုစိုက်ပါ
တိလေးတွေ ကျန်းမာရေးဂရုစိုက်ပါ အဓိကက ကြောင်၊ ခွေး၊ ငှက်

ဥတုနဲ့အာဟာရမညီညွတ်တာကြောင့် ရုပ်ထိတာမျိုးသတိထားရမယ်မြင်တာပါ

Ss ရိုက်ခြင်း၊ တဆင့်ကူးခြင်း၊ Shareတဲ့အခါ ခေါင်းစဉ်မှာစာအကုန်ပြန်ကူးတင်ခြင်းသည်းခံပါရှင်

မေးခွန်းလေးတွေမဖြေပါဘူး
Page Cbကိုစာပို့ရင် Julyလကုန်ထိ ဖွင့်မဖတ်ပါဘူး
Messenger Apps ဖုန်းထဲမထားထားပါဘူး Delete လုပ်ထားပါတယ်

အတတ်နိုင်ဆုံးပြည့်စုံအောင်ရေးထားပါတယ်

ချမ်းမြေ့ပါစေရှင်
TBK🐰🥕

18/04/2026

“ အုအုအရင်လိုကတ်ပြန်ကိုင်တာမြင်ချင်တာ “ ဆိုတာမျိုးများ ဖြစ်ခဲ့တာရှိလားဟင်

ဒီဖက်မှာ အဲဒါကြီး ပေါ်ပေါ်နေတာ ဒီ ၂ပတ်လောက်အတွင်း

ဒီလိုပဲမေးကြည့်တာပါ

ခုတော့ရေပုံးကိုင်ရေဆော့ခဲ့လို့ ကိုက်ခဲနေလို့ဆေးသောက်ငြိမ်ကုပ်နေရ😁

ချစ်တဲ့🫶🏽
အု🐰🥕

17/04/2026

မင်္ဂလာနှစ်သစ်ပါ

ချမ်းမြေ့ပါစေရှင်

သတိရတယ်နော်အားလုံး

ချစ်တဲ့🫶🏽
အု🐰🥕

14/04/2026

Happy Thingyan to you all☺️

နောက်နှစ်ဆို ၄၀ ပါ
ခုထိရေဆော့တုန်းပါပဲ

အုအုကငယ်ထဲက တစ်ယောက်ထဲလဲရေဆော့တယ်
အဖွဲ့လိုက်ဆိုလည်း အဖွဲ့ကိုပျော်အောင် စနောက်နေတဲ့သူမျိုး
Organizerလည်းတခါတလေလုပ်လေ့ရှိပါတယ်

တခါတလေ တစ်ယောက်ထဲအပင်တွေလေတိုက်တာငေးနေရတာကြိုက်တယ်

တခါတလေ သထုံလမ်းမှာလမ်းလျှောက်ရင်းသစ်ပင်ကြီးတွေမော့ကြည့် သစ်ပင်နံ့တွေရှုရင်းလမ်းလျှောက်ရတာကြိုက်တယ်

တစ်ယောက်ထဲနေရတဲ့အရသာကိုတော့အကြိုက်ဆုံးပါပဲ

ငယ်တုန်းကပုံလေးတွေတင်လိုက်ပါတယ်အမှတ်တရ
အဲ့တုန်းက ဆံပင်ရှည်လေး ပိန်ပိန်လေး

13/04/2026

မင်္ဂလာသကြင်္န်အခါသမယပါရှင်

ဒီတလောTBKမိသားစုဆိုပြီးလှူဖြစ်တဲ့အလှူလေးတချို့ပြောပြပါမယ်
ထပ်တူကုသိုလ်ရရှိပါစေရှင်

🌳 Walk for Peace က သံဃာတော်များ Aprilလတွင် Sri Lanka က Buddha Relic and Bodhi Tree ပင့်ဆောင်ခရီးစဉ်အတွက် 100 USD ပါဝင်လှူထားပါတယ်Shwe Wine+TBK Familyပါ
ဧပြီမတိုင်မီထဲကပါဝင်လှူဒါန်းပြီးဖြစ်ပါတယ်
ခုမှပို့စ်တင်တာပါ
အလှူငွေရောက်အောင်ပါရမီဖြည့်ကူညီပေးတာအုအုအစ်မအရင်းပါ
Sri Lanka ခရီးအကြောင်းမူရင်းလင့်ကိုComment မှာကူးပြထားပါမယ်
အသေးစိတ်သိချင်ဖတ်လို့ရအောင်ပါ

🌳 ဇမ္ဗူမာန်အောင်စေတီတော်နှင့်မှော်ဘီဘိုးဘိုးကြီးဘက်စုံပြုပြင်ရန်အတွက် ရွှေဝိုင်း+ TBKမိသားစု မှ11,000 လှူဒါန်းထားပါတယ်ရှင်

🌳 ပုဂံမြို့သစ် တာမဏီသိမ်တော်ကျောင်းတိုက်တွင် သကြင်္န်စတုဒိသာတွင် ရွှေဝိုင်း+TBKမိသားစု မှ 100,000 ပါဝင်လှူဒါန်းထားပါတယ်ရှင်

အကြိုနေ့ - မုန့်လက်ဆောင်း
အကျနေ့ - မုန့်လုံးရေပေါ်
အကြတ်နေ့ - နို့စိမ်းခေါက်ဆွဲ သို့မဟုတ် အုန်းနို့ခေါက်ဆွဲ
အတက်နေ့ - မုန့်ဟင်းခါး
နှစ်ဆန်းတစ်ရက်နေ့ - ကြာဆံချက် ပါ

ချမ်းမြေ့ပါစေရှင်
ကုသိုလ်များဆထက်ထမ်းပိုးပြုလုပ်နိုင်ပါစေ ပွါးများနိုင်ပါစေရှင်

ချစ်တဲ့🫶🏽
အုအု🐰🥕

13/04/2026

ကျိုက်က္ကလော့ဘုရားမှာ ငါးစာကျွေး၊ ငါးလွှတ်ကုသိုလ်
April 7,2026

ဆိုင်ကအန်တီနဲ့ အစ်ကိုကအတော်လေးကူညီဖော်ရွေပါတယ်

ငါးစာအသားတု ၁ထုတ် 5,000နဲ့ နှစ်ထုတ် - 10,000 (ကိုယ်ပိုင်ငွေ)

ငါး 11ကောင် 1,000နဲ့ တစ်ကန်လုံး197 ကောင် - 18,000( ကိုယ်ရတဲ့ဉာဏ်ပူဇော်ခ သို့မဟုတ် အများကငါး/အကောင်ဇီဝိတဒါနအတွက်လွှဲထားတာ )
အတိကျတွက်ရင်တော့ 17,909.090909

အန်တီ့ကိုကန်တော့တာ - 12,000(ကိုယ်ပိုင်ငွေ)

ကျွန်မမှာ ဇီဝိတဒါနသီးသန့်ဆိုပြီး 160,000ဥထားတာရှိတယ်
အဲ့160,000က ဖြစ်နိုင်တာက တခါတလေကျွန်မဟောဖို့အကြောင်းရှိလို့ တစ်ခါဟော စတိဉာဏ်ပူဇော်ခ 1,000တို့ 3,000တို့နဲ့ဟောထားတာလေးတွေ
အလုပ်စားပွဲက ဉာဏ်ပူဇော်ခကန်တော့ထိုးတဲ့ဖန်ခွက်ကြီးထဲထည့်ထားတာ
လျှံလာတော့တစ်ခေါက်ပိုက်ဆံတွေစုရေတွက်လိုက်တာ
ရတာကို အမျိုးသားကိုသိမ်းခိုင်းထားတာ
ဇီဝိတဒါနမှာသုံးမယ်ပေါ့ ဘာကောင်ကယ်ကယ်

နောက်တစ်ခု အဲ့ 160,000ဖြစ်နိုင်တာက ရေးတေးတေးမြင်တာက လွန်ခဲ့တဲ့ ၂ နှစ်လောက်က ချစ်ပရိတ်သတ်ကZoomပွဲမှာငါးလွှတ်ဖို့ ဝိုင်းလှူဖူးသလိုပဲ
ကျွန်မအထင်အဲဒါကတစ်ကြောလွှတ်ပြီးပြီ အကြီးကောင်ကြီးတွေ
ဒါပေမဲ့ပရိတ်သတ်ဝိုင်းလွှဲလှူတဲ့ပိုက်ဆံများလားဆိုပြီးလဲတွေးမိနေတာ

ခေါင်းတွေဟာအတော်ကို မမှတ်နိုင်တော့တာ

160,000 ဇီဝိတဒါန ဒါပဲမှတ်မိတယ်
ကိုယ့်ငွေလား အများကောင်းမှုလားမသိတော့ဘူးရယ်

အကယ်လ်ို့ အဲဒီ ကိုယ်ဥထားတဲ့160,000က ကိုယ့်ဉာဏ်ပူဇော်ခမဟုတ်ပဲ ပရိတ်သတ်ဝိုင်းပေးထားတဲ့အကောင်လွှတ်ကုသိုလ်ဆို တကယ်ကျတာ 17,909 ပေမဲ့ 18,000ပေးလိုက်ကြောင်း
91 ကျပ်ပိုပေးလိုက်ပါကြောင်း အသိပေးတာပါ
နားလည်ပေးပါနော် အကြွေကလည်းခက် ကိုယ်ကလဲ တခုခုဆိုကိုယ့်ဖက်ကပဲ ပိုပေးချင်တာ
တဖက်က ငွေလျှော့ပေးတာမျိုးဆို အရမ်းကိုအားနာတတ်တာ
ပေးချင်းပေးကိုယ်ပဲပိုပေးသူဆိုတာကိုယ့်စိတ်ပါ
လူရင်းတွေသိပါတယ်
ကိုယ်က သူများကိုယ့်ကိုပေးထားတာဆိုစာရင်းအရမ်းတိကျသူပါ အလုပ်လဲတိကျသူပါ
ဒီငွေကိုအကောင်ကယ်တာသုံးမယ်ဆို အကောင်ကယ်တာပဲသုံးချင်တာ
91 ကျပ်ပိုပေးတာငွေပေးငွေယူလွယ်အောင်ပိုပေးလိုက်တာ အကောင်အတွက်မဟုတ်ဘူး
အဲဒါကို ရှင်းကိုပြချင်တာ
ကိုယ့်ကိုယ်ပိုင်ငွေဆိုရင်ခေါင်းမစားဘူး လုပ်ချင်တိုင်းကိုလုပ်တာ
အဲဒါလေး အသိပေးတာပါ
အများကောင်းမှုဆိုအခြေနေအရလုပ်လိုက်ရတဲ့ အကြွေကိစ္စလေးတွေတောင်ပြန်ရှင်းပြအသိပေးရမှ စိတ်ကလိပ်ပြာသန့်တာပါ
ဒီ91 ကျပ်ကို မရှင်းပြမချင်း ကုက္ကုစ္စဖြစ်နေလို့ ပို့စ်တင်ရှင်းပြတာပါ
မဟုတ်ရင် တေရင် 91ကျပ်စွဲပြီးသန်းမကြီးဖြစ်နေမှာစိုးလို့😁

ဟုတ်ကဲ့ ကျွန်မ OCDအုအုပါ😁

အလစ်တဲလေးလွတ်နေပေမဲ့ အချိန်မကျသေးလို့ ပေးမသိသေးတဲ့ အများကြီးတော်တာလေးတွေလဲရှိပါသေးကြောင်း

TBKဆိုသည်မှာလည်း ဟောနေတာထက် ကိုယ့်ပရိတ်သတ်ကိုကြည့်နေရတာသဘောကျတာမျိုး

များသောအားဖြင့်လူတွေက ဆရာရွေးတယ်
ကိုယ်ကကျ လူရွေးတယ်

ကျွန်မတကယ့်ထဲထဲဝင်ဝင်အလုပ်စစ်စစ်တွေလုပ်ရင်က ငွေကြေးထက်ကိုယ့်ဖြစ်တည်မှုအကုန်နားလည်တဲ့လူနည်းနည်းလေးနဲ့ပဲ ထိထိရောက်ရောက်အလုပ်လုပ်သွားမဲ့သူမျိုးပါ

ငွေကအရမ်းအရေးကြီးမနေပါဘူး
သေရင်အကုန်ပြာဖြစ်မှာ
ပရိတ်သတ်ကို လက်တစ်လုံးခြားလေးတွေလုပ်မိလို့အကြွေးတင်ပြီး သံသရာကျွေးလိုက်ဆပ်ရတဲ့ဆရာမျိုးမဖြစ်အောင်ပဲ အဖက်ဖက်ကကိုယ့်သီလထိန်းပါတယ်

ချစ်တဲ့🫶🏽
အု🐰🥕

11/04/2026

ညနေ ယိုးဒယားဟင်းချိုနဲ့ ထမင်းစားတုန်း ရုတ်တရက်ကြားတာပြောပြမယ်
ရေးရင်းမြင်တာရှိလဲထပ်တိုးရေးပေးမယ်

အကြီးစားမဟုတ်သော ကိစ္စလေးတွေတချို့ကြုံရတတ်
ဥပမာ -
တံခါးလက်ညပ်တာမျိုးလေးတွေ
ပမာဏ မများသောငွေမှားလွှဲမိတာလေးတွေ
တစ်ခုခုမှာ တစ်နေပြီးအဖြေစောင့်ရလို့စိတ်မရှည်ရတာမျိုးလေးတွေ
ကျင်ခနဲ ဓာတ်လိုက်မှုအသေးစားလေးတွေ ( ရေစိုနေတဲ့လက်ပါမြင်လိုက်တယ် )
အဲလိုလေးတွေ April 19တချို့ 21 ထိ ဖြစ်တတ်လို့သတိထားပေးပါ
လှေကား ၂ထစ်၃ထစ်ဖပ်ခနဲမြင်ရတယ်
ဖုန်းကြည့် ဖုန်းပြောရင်း လောလောလောလောတွေ ဆင်းတာတက်တာမလုပ်ပါနဲ့
သတိထားပါ
အထူးသဖြင့် ခြေသည်းရှည်ထားသောသူများ သတိထားပါ

ဒီဟောကိန်းကို April 26ထိလို့သဘောထားပါ ဟောကိန်းသက်တမ်းပေါ့

ဝစကြာဂါထာပူဇော်ပါဟုမြင်ပါတယ်

သိရမဲ့သူကသူ့သူသိပါလိမ့်မယ်လို့ကြားပါတယ်

ကိုယ်ကတော့ဟိုးရှေးယခင်ထဲကပူဇော်ဖြစ်ပါတယ်

ဝစကြာဂါထာလို့ရှာကြည့်ပါ တွေ့ပါလိမ့်မယ်

အချိန် အကြိမ် နေရာ ဒေသ ကန့်သတ်ချက်မရှိပါ

လွတ်လပ်စွာရှဲနိုင်ပါတယ်
Screenshotရိုက်ခြင်း၊ တဆင့်ကူးတင်ခြင်း၊ ရှဲရင်ခေါင်းစဉ်မှာစာအကုန်ကူးတင်ခြင်း ခွင့်မပြုပါ

မေးခွန်းလေးတွေမဖြေပါဘူးရှင်

TBK🐰🥕

10/04/2026

🙏🙏🙏

အတွေးပုံကြီးချဲ့ခြင်းနဲ့ ဗုဒ္ဓစိတ်ပညာ

လူသားတွေရဲ့ အတွေးတွေဟာ ပုံကြီးချဲ့လေ့ ရှိတတ်ပါတယ်။ �
လူတို့ရဲ့ သိမြင်မှုဖြစ်စဉ် (Human Cognition) ကို လေ့လာရာမှာ ရှေးဟောင်းဒဿနကျမ်းစာများဖြစ်စေ၊ ခေတ်သစ်သိပ္ပံနည်းကျ စိတ်ပညာဖြစ်စေ ၎င်းတို့ရဲ့ သီးခြားလွတ်လပ်တဲ့ ရှုထောင့်အသီးသီးက တင်ပြချက်တွေ ရှိကြပါတယ်။

မဓုပိဏ္ဍိကသုတ် (MN 18) မှာ ပါရှိတဲ့ စိတ်ရဲ့ အလုပ်လုပ်ပုံ အဆင့်ဆင့်နဲ့ Cognitive Psychology ရဲ့ သီအိုရီတွေကို နှိုင်းယှဉ်ကြည့်ခြင်းဖြင့် လူ့စိတ်ရဲ့ ရှုပ်ထွေးတဲ့ သဘာဝကို ပိုမိုထင်ရှားစွာ မြင်တွေ့နိုင်ပါတယ်။

ဒီသုတ်မှာပြောထားတဲ့ စိတ်ဖြစ်စဉ်ကို အပိုင်း အပိုင်းနဲ့ ခွဲကြည့်လို့ရပါတယ်။

၁။ အာရုံခံစားမှုမှ အချက်အလက် စတင်လက်ခံခြင်း (Sensory Input)

စိတ်ပညာမှာ Sensation လို့ ခေါ်တဲ့ အာရုံခံစားမှု အဆင့်ဟာ ပြင်ပက လှုံ့ဆော်မှု (Stimulus) တွေကို အာရုံခံအင်္ဂါတွေက ဖမ်းယူတာ ဖြစ်ပါတယ်။ မဓုပိဏ္ဍိကသုတ်မှာ မျက်စိနဲ့ အဆင်း (ရူပ) ဆုံတွေ့တဲ့အခါ "မြင်သိစိတ်" (ဝိညာဏ်) ဖြစ်ပေါ်လာတယ်လို့ ဆိုပါတယ်။

ဒီအချက် သုံးခု ပေါင်းစုံသွားတာကို "ဖဿ" (Contact) လို့ ခေါ်ပါတယ်။

စိတ်ပညာရှုထောင့်က ကြည့်ရင်တော့ ပြင်ပက အလင်းလှိုင်း ဒါမှမဟုတ် အသံလှိုင်းတွေကို ဦးနှောက်က နားလည်နိုင်တဲ့ အချက်အလက် (Neural signals) အဖြစ် ပြောင်းလဲလိုက်တဲ့ အဆင့်ပဲ ဖြစ်ပါတယ်။
ဒီအဆင့်မှာတော့ အချက်အလက်တွေဟာ အရှိအတိုင်း (Raw Data) ပဲ ရှိနေပါသေးတယ်။

၂။ ခံစားချက်နဲ့ အဓိပ္ပာယ်ဖွင့်ဆိုခြင်း (Affective Appraisal & Categorization)
အချက်အလက်တွေ စိတ်ထဲ ရောက်လာပြီဆိုတာနဲ့ Cognitive Processing လို့ ခေါ်တဲ့ အချက်အလက် စီမံခန့်ခွဲမှု အဆင့်ကို ကူးပြောင်းသွားပါတယ်။ ဒီနေရာမှာ "ဝေဒနာ" နဲ့ "သညာ" တို့က အဓိက အလုပ်လုပ်ကြပါတယ်။

♨️ဝေဒနာ (Affective Appraisal): ရရှိလာတဲ့ အာရုံအပေါ်မှာ စိတ်က ချက်ချင်း တုံ့ပြန်လိုက်ပါတယ်။ သာယာတယ်၊ မသာယာဘူး ဒါမှမဟုတ် ဘာမှမထူးခြားဘူးလို့ ခံစားလိုက်တာပါ။ စိတ်ပညာမှာတော့ ဒါကို Primary Appraisal လို့ ခေါ်ပြီး အာရုံတစ်ခုဟာ ကိုယ့်အတွက် အကျိုးရှိလား၊ ဘေးဖြစ်မလားဆိုတာကို စက္ကန့်ပိုင်းအတွင်း ဆုံးဖြတ်လိုက်တာ ဖြစ်ပါတယ်။

♻️သညာ (Categorization): ဒီအဆင့်မှာတော့ မှတ်ဉာဏ်ဟောင်းတွေကို အသုံးချပါတယ်။ မြင်တွေ့နေရတာကို မိမိ သိရှိပြီးသား အရာတွေနဲ့ တိုက်ဆိုင်စစ်ဆေးပြီး "ဒါကတော့ ဘာပဲ" လို့ အမည်တပ် (Labeling) လိုက်တာ ဖြစ်ပါတယ်။ ဒါကို စိတ်ပညာမှာ Schemas တွေနဲ့ အချက်အလက်ကို အနက်ဖွင့်ခြင်းလို့ ဆိုနိုင်ပါတယ်။

စိတ်ပညာအရ Top-Down Processing ဆိုတာ မိမိမှာ ရှိပြီးသား အသိပညာ၊ အတွေ့အကြုံနဲ့ မျှော်လင့်ချက်တွေ (Prior Knowledge/Schemas) ကို သုံးပြီး ရရှိလာတဲ့ အချက်အလက်ကို အဓိပ္ပာယ်ဖွင့်ဆိုတာ ဖြစ်ပါတယ်။
သညာ ရဲ့ အလုပ်က အာရုံတစ်ခုကို "ဒါဟာ ဘာပဲ" လို့ အမျိုးအစားခွဲခြား (Categorize) တာပါ။

🐍 ဥပမာ- မှောင်ရိပ်ထဲမှာ ခပ်ကွေးကွေး အရာတစ်ခုကို မြင်လိုက်တဲ့အခါ မိမိရဲ့ မှတ်ဉာဏ်ဟောင်းထဲမှာ "မြွေ" ဆိုတဲ့ ကြောက်စရာ အသိရှိနေရင် အဲဒီအရာကို "မြွေ" လို့ ချက်ချင်း အမည်တပ်လိုက်တာမျိုး ဖြစ်ပါတယ်။ ဒါဟာ အရှိအတိုင်းကို မြင်တာထက် မိမိစိတ်ထဲက အချက်အလက်ဟောင်းတွေနဲ့ ပုံဖော်လိုက်တာ ဖြစ်လို့ သညာဟာ Top-Down Processing ရဲ့ အစဦးအဆင့်လို့ ဆိုနိုင်ပါတယ်။

၃။ ပပဉ္စ - အတွေးနယ်ချဲ့ခြင်းနှင့် ပုံဖျက်ခြင်း (Mental Proliferation)

မဓုပိဏ္ဍိကသုတ်ရဲ့ အရေးအကြီးဆုံး အချက်ကတော့ ဒီအဆင့်မှာ ရှိပါတယ်။ အာရုံကို မှတ်သားပြီးတဲ့နောက် "ဝိတက်" (Thinking) လို့ ခေါ်တဲ့ ကြံစည်မှု စတင်ပါတယ်။ အဲဒီကနေတစ်ဆင့် "ပပဉ္စ" (Papañca) လို့ ခေါ်တဲ့ အလွန်အကျွံ နယ်ချဲ့တွေးတောခြင်း ဖြစ်စဉ်ကို ကူးပြောင်းသွားပါတယ်။

ပပဉ္စ ကျတော့ သညာထက် ပိုပြီး နက်ရှိုင်းတဲ့ Advanced Top-Down Processing ဖြစ်သွားပါတယ်။ သူကတော့ အမည်တပ်ရုံတင် မဟုတ်ဘဲ မိမိရဲ့ အလိုဆန္ဒ (တဏှာ)၊ အစွဲအလမ်း (ဒိဋ္ဌိ) နဲ့ အတ္တ (မာန) တွေပါ ထည့်သွင်းပြီး အဆမတန် ချဲ့ကားလိုက်တာ ဖြစ်ပါတယ်။

🔥ပပဉ္စ ဝင်လာတဲ့အခါ Reality (အရှိတရား) နဲ့ အဝေးကြီးကို ရောက်သွားပါတော့တယ်။

ဥပမာ- စောစောက "မြွေ" လို့ မှတ်သားမိတဲ့အဆင့် (သညာ) ကနေ "ဒီမြွေက ငါ့ကို ကိုက်တော့မှာပဲ"၊ "ငါတော့ သေရချေရဲ့"၊ "ငါ့မိသားစုတွေ ဘယ်လိုလုပ်မလဲ" ဆိုပြီး အတိတ်၊ အနာဂတ်တွေကိုပါ ဆွဲဆန့်ပြီး ပုံကြီးချဲ့လိုက်တာမျိုးပါ။

⚠စိတ်ပညာအရ ပြောရရင်တော့ ဒါဟာ မိမိရဲ့ Subjective Biases (ပုဂ္ဂလဓိဋ္ဌာန် ဘက်လိုက်မှုများ) က အရှိတရားကို လွှမ်းမိုးသွားတဲ့ အဆင့်ပဲ ဖြစ်ပါတယ်။

စိတ်ပညာမှာတော့ ဒီအဆင့်ကို Cognitive Distortion (သိမြင်မှုဆိုင်ရာ ပုံဖျက်ခြင်း) နဲ့ Rumination (အတွေးနယ်ချဲ့ခြင်း) လို့ ခေါ်ဆိုနိုင်ပါတယ်။

စိတ်ဟာ အရှိတရားကို အခြေခံပြီး တွေးတောတာထက် မိမိရဲ့ အလိုဆန္ဒ၊ အစွဲအလမ်းနဲ့ "ငါ" ဆိုတဲ့ အတ္တဗဟိုပြု ဘက်လိုက်မှုတွေကို ထည့်သွင်းကာ အဆမတန် ပွားလိုက်တာ ဖြစ်ပါတယ်။

နေ့စဉ်ဘဝထဲက ပပဉ္စ ကြောင့် ဒုက္ခဖြစ်စေသော လက်တွေ့ဥပမာတွေကို​ ကြည့်နိုင်ပါတယ်။

နေ့စဉ်ဘဝမှာ ဖြစ်ပျက်နေတဲ့ စိတ်ဆင်းရဲမှု အတော်များများဟာ အပြင်လောကက ဖြစ်ရပ်တွေကြောင့်ထက် ကိုယ့်စိတ်ထဲက နယ်ချဲ့လိုက်တဲ့ ပပဉ္စတရားတွေကြောင့် ဖြစ်တာ များပါတယ်။

ဥပမာ - Messenger မှာ စာပို့ထားသော်လည်း Online ရှိနေရက်နှင့် Seen မပြတဲ့အဖြစ်မျိုးဆိုပါစို့ …

ဒီအဖြစ်မှာ ….

🛑 အရှိတရား (Reality) က Messenger မှာ စာပို့ထားတယ်။ တစ်ဖက်လူက Online တက်နေပေမယ့် ကိုယ့်စာကို Seen မပြသေးဘူး။ (ဒါဟာ အမှန်တကယ် ဖြစ်ပျက်နေတဲ့ Raw Data သက်သက်ပဲ ဖြစ်ပါတယ်။)

♻️သညာ (Perception) ရဲ့ အလုပ်လုပ်ပုံကတော့ “သူ စာမဖတ်သေးဘူး" လို့ မှတ်သားလိုက်ပါတယ်။ ဒီနေရာမှာ မိမိမှာ ရှိပြီးသား အသိဟောင်း (Schema) ဖြစ်တဲ့ "Online ရှိရင် စာဖတ်ရမယ်" ဆိုတဲ့ ယူဆချက်နဲ့ တိုက်ဆိုင်စစ်ဆေးမှုတွေ ကို ဝိတက်နဲ့အတူ နောက်ကနေ ဆက်တိုက်လိုက်လုပ်ပါတယ်။

👺ပပဉ္စ (Mental Proliferation) ကတော့ ဒီအဆင့်မှာတော့ စိတ်က အရှိတရားကို ကျော်လွန်ပြီး ဇာတ်လမ်းတွေ စတင် ဆင်ပါတော့တယ်။

🫵အတ္တဗဟိုပြုခြင်း: "သူ ငါ့ကို အရေးမစိုက်တော့တာပဲ"၊ "ငါ့စာထက် အရေးကြီးတဲ့သူနဲ့ စကားပြောနေတာလား"၊ "ငါ့ကို တမင် သက်သက် လျစ်လျူရှုထားတာလား"။
🧠အတိတ်နှင့် ဆက်စပ်ခြင်း: "အရင်တစ်ခါကလည်း သူ ဒီလိုပဲ လုပ်ဖူးတယ်"၊ "သူ အရင်လို ငါ့အပေါ် အာရုံမရတော့ဘူးထင်တယ်"။
🫥 အနာဂတ်ကို ကြိုတင်စိုးရိမ်ခြင်း: "ဒီအတိုင်းဆိုရင် ငါတို့ အဆင်မပြေတော့ဘူး"၊ "သူ ငါ့ကို လမ်းခွဲတော့မှာလား"။
စတာတွေ ဆက်တိုက်တွေးပြီး စိတ်ကြောင့်ကြတွေဖြစ်ပါတော့တယ်။

တကယ်တော့ တစ်ဖက်လူက အလုပ်ရှုပ်နေတာ၊ စာပြန်ဖို့ အချိန်မရသေးတာ ဒါမှမဟုတ် Messenger ဖွင့်ထားမိရက်နဲ့ တခြားအလုပ်တစ်ခု လုပ်နေတာမျိုး ဖြစ်နိုင်ပေမယ့်၊ ကိုယ့်ရဲ့ ပပဉ္စကတော့ ကိုယ့်ကို တစ်နေကုန် စိတ်အနှောင့်အယှက် ဖြစ်အောင် လုပ်နေပါတော့တယ်။

နောက်ဥပမာ တစ်ခုအနေနဲ့ လုပ်ငန်းခွင်အစည်းအဝေးတစ်ခုမှာ ကိုယ့်အကြံပြုချက်ကို အထက်လူကြီးက ကျော်သွားတာမျိုး ဆိုပါတော့ ....

🛑 အရှိတရား (Objective Reality) က အစည်းအဝေးမှာ ကိုယ်က အကြံပြုချက်တစ်ခု ပေးလိုက်တယ်။ ဒါပေမဲ့ အထက်လူကြီးက အဲဒီအချက်ကို မှတ်ချက်မပေးဘဲ နောက်တစ်ယောက်ရဲ့ စကားကို ဆက်နားထောင်သွားပါတယ်။ (ဒါဟာ လက်တွေ့ဖြစ်ပျက်နေတဲ့ Raw Data သက်သက်ပဲ ဖြစ်ပါတယ်)။

♻️သညာ (Perception/Schema) ကတော့ “သူ ငါ့စကားကို အရေးမလုပ်ဘူး" လို့ မှတ်သားလိုက်ပါတယ်။ ဒီနေရာမှာ မိမိရဲ့ Schema ဖြစ်တဲ့ "ငါ့အကြံဉာဏ်က ကောင်းတယ်၊ အသိအမှတ်ပြုခံရသင့်တယ်" ဆိုတဲ့ ယူဆချက်နဲ့ တိုက်ဆိုင်စစ်ဆေးပါတော့တယ်။

👺ပပဉ္စ (Mental Proliferation) ဖြစ်တဲ့အခါမှာတော့ စိတ်ဟာ အရှိတရားကို ကျော်လွန်ပြီး အဆမတန် နယ်ချဲ့ပါတော့တယ်။

စိတ်ထဲမှာ ဖြစ်ပေါ်လာနိုင်တဲ့ ပပဉ္စ ဇာတ်လမ်းတွေက -
1. အတ္တဗဟိုပြုခြင်း (Ego-centric Bias): "သူ ငါ့ကို လူရာမသွင်းတာပဲ"၊ "ငါ့ကို အစကတည်းက သူ မကြည်တာ"၊ "သူက ဟိုတစ်ယောက်ကိုပဲ မျက်နှာသာပေးနေတာ"။
2. အတိတ်နှင့် ဆက်စပ်ခြင်း (Past Association): "ပြီးခဲ့တဲ့လက ပရောဂျက်မှာလည်း သူ ငါ့ကို ဒီလိုပဲ လုပ်ခဲ့တယ်"၊ "ငါ့အရည်အချင်းကို သူက အမြဲတမ်း နှိမ်ချင်နေတာ"။
3. အနာဂတ်ကို ကြိုတင်စိုးရိမ်ခြင်း (Catastrophizing): "ဒီအတိုင်းဆိုရင် ငါ့မှာ ရာထူးတက်ဖို့ လမ်းမရှိတော့ဘူး"၊ "ငါ့ကို အလုပ်က ထုတ်ပစ်ဖို့ ကြံနေတာလားမသိဘူး"၊ "ငါ ဒီအလုပ်မှာ ဆက်နေလို့ မဖြစ်တော့ဘူး"။

ဒီလိုမျိုး စိတ်က ဇာတ်လမ်းတွေ ဆင်လိုက်တဲ့အခါ လက်တွေ့မှာ လုပ်ရမယ့် အလုပ်တွေမှာ အာရုံမရှိတော့တာမျိုး
စိတ်ထဲမှာ အာဃာတ ဖြစ်လာပြီး အထက်လူကြီးကို စကားပြောတဲ့အခါ မချေမငံ ဖြစ်လာတာ၊ လုပ်ဖော်ကိုင်ဖက်တွေနဲ့ မပူးပေါင်းတော့တာမျိုးတွေ ဖြစ်လာတတ်ပါတယ်။ နောက်ဆုံး အလုပ်ထွက်ချင်စိတ် ပေါက်အောင်အထိ ပူလောင်စေတာမျိုးအထိလည်း ဖြစ်နိုင်တာပဲ။

ဒီလိုဆိုတော့ ဒုက္ခပေးတာများတဲ့ ပပဉ္စကို ဘယ်လို ကိုင်တွယ်ကြမလဲ...

ဦးဆုံးကတော့

အာရုံခံစားမှုအဆင့်မှာပဲ သတိထားခြင်း (Bare Attention)

အချက်အလက် စတင်ဝင်ရောက်လာတဲ့ "ဖဿ"အဆင့်မှာတင် သတိကပ်ဖို့ ဖြစ်ပါတယ်။

😶‍🌫️Sensation (အာရုံခံစားမှု) မှာ ပြင်ပလှုံ့ဆော်မှုဟာ အာရုံခံအင်္ဂါနဲ့ ဆုံတွေ့ရုံသက်သက်ပဲ ဖြစ်ပါတယ်။
🧘‍♂️သတိနဲ့ ထိန်းချုပ်ခြင်းကို ပြုတဲ့အခါမှာ အာရုံကို "မြင်ကာမတ္တ၊ ကြားကာမတ္တ" အဆင့်မှာတင် ရပ်တန့်ထားခြင်းအားဖြင့် နောက်ဆက်တွဲဖြစ်လာမယ့် အနက်ဖွင့်ဆိုမှု (Perception) တွေဆီကို စိတ်အဟုန် မပါသွားအောင် တားဆီးနိုင်ပါတယ်တ။ ဒါကို စိတ်ပညာမှာတော့ Bottom-up processing ကို အရှိအတိုင်း လက်ခံပြီး Top-down bias တွေ မဝင်အောင် ထိန်းချုပ်တာလို့ ဆိုနိုင်ပါတယ်တ။

နောက်ထပ်တစ်ဆင့်က

သညာရဲ့ ပုံဖျက်မှုကို ဆင်ခြင်ခြင်း (Cognitive Reframing)

အာရုံကို အမည်တပ်လိုက်တဲ့ သညာ အဆင့်ဟာ အမှားပါနိုင်တယ်ဆိုတာကို နားလည်ဖို့ လိုပါတယ်။

♻️သညာ (Schema/Perception)မှာ စိတ်ဟာ အတိတ်မှတ်ဉာဏ်ဟောင်းတွေနဲ့ အာရုံကို အရောင်ဆိုးတတ်ပါတယ်။
💖ဒီအတွက် နှလုံးသွင်းမှန်မှန်နဲ့ ပြန်တည့်ဖို့ ယောနိသောမနသိကာရ လိုပါတယ်။ မိမိရဲ့ မှတ်သားမှုဟာ အမှန်တရား မဟုတ်ဘဲ "ယူဆချက်" တစ်ခုသာ ဖြစ်နိုင်တယ်လို့ သိမြင်ခြင်းအားဖြင့် ပပဉ္စရဲ့ အစပျိုးမှုကို ဖြတ်တောက်နိုင်ပါတယ်တ။ စိတ်ပညာအရတော့ ဒါဟာ မိမိရဲ့ အတွေးအမှား (Cognitive Distortion) ကို ပြန်လည်တည့်မတ်ပေးတဲ့ Cognitive Restructuring ဖြစ်စဉ်ပဲ ဖြစ်ပါတယ်။

နောက်ဆုံးအဆင့်ကတော့

ပပဉ္စကို သိမြင်မှုဖြင့် ဖြတ်တောက်ခြင်း (Metacognitive Awareness)

ပပဉ္စ (Mental Proliferation) ဆိုတာ စိတ်က အချက်အလက်တွေကို အလွန်အကျွံ နယ်ချဲ့ပြီး ဇာတ်လမ်းဆင်လိုက်တာ ဖြစ်ပါတယ်။ ဒါကို ကိုင်တွယ်ဖို့ အထိရောက်ဆုံးနည်းလမ်းကတော့ -

🧘‍♂️🧘‍♂️=Metacognition (မိမိအတွေးကို မိမိသိခြင်း) လိုအပ်ပါတယ်။ စိတ်က ဇာတ်လမ်းတွေ ဆင်နေပြီဆိုတာကို အပြင်ကနေ ကြည့်နေတဲ့သူတစ်ယောက်လို သတိပြုလိုက်တာ ဖြစ်ပါတယ်။

👹ပပဉ္စဟာ တဏှာ (အလိုဆန္ဒ)၊ မာန (အတ္တ) နဲ့ ဒိဋ္ဌိ (အစွဲ) တွေအပေါ်မှာ အခြေခံနေတာမို့၊ ထိုအမြစ်တွေကို ပညာ (Insight)နဲ့ မြင်အောင်ကြည့်လိုက်တဲ့အခါ အတွေးသံသရာ (Rumination) ဟာ အလိုလို ရပ်တန့်သွားပါတယ်။

အလွယ်ဆုံး မှတ်နိုင်တာတော့ သတိနဲ့ အသိ (ပညာ) တို့ ပေါင်းပြီး ရပ်တန့်ရမှာပါ။

ဒီလို နည်းလမ်းတွေနဲ့ စိတ်ကို လေ့ကျင့်ပေးခြင်းအားဖြင့် ပြင်ပလောကရဲ့ ဖြစ်ပျက်မှုတွေကြားမှာ တုန်လှုပ်မှုမရှိဘဲ တည်ငြိမ်အေးချမ်းတဲ့ စိတ်အခြေအနေကို ပိုင်ဆိုင်နိုင်မှာ ဖြစ်ပါတယ်။

နန္ဒာစာရ

05/04/2026

အားလုံးခြေနေဘီလိုရှိလဲ့

အုအုတော့ Jaw Line လေးပြန်ပေါ်မှပဲ ဟောတော့ရင်ကောင်းမလား😁

စတာပါ

သတိရတယ်နော် အားလုံး

ချစ်တဲ့🫶🏽
အု🐰🥕

02/04/2026

ကိုယ်ကတရားစခန်းဝင်ခါနီး စိတ်ရောဂါတွေတတ်နိုင်သလောက်ဖြေရှင်းရတဲ့ဘဝ

ရေချိုးတာဆို ရေချိုးခေါင်းလျှော် ၁၀ မိနစ်
ရေချိုး ၇ မိနစ်
ရေချိုးခန်းထဲdigital clockထည့်ထားတာ
လေ့ကျင့်လာတာ မရှိဘူးဆို ၆ လပဲ

တခေတ်တခါက မိနစ် ၄၀ ကြာတာချိုးရင် ကိုယ်တွေတချို့ဆို ၃ နာရီလောက်ကြာတဲ့သူတောင်ရှိ

ဆိုက်ကိုတစ်သိန်းရှိလဲ မရရအောင်လုပ်မယ်
တက်မရ လက်နဲ့လှော်မယ်ဆိုတာကိုယ်ပဲ

Responsibility OCD ( တာဝန်အယူလွန် တာဝန်အသိလွန်စိတ်ရောဂါ ) လဲအလဲထိုးသလားမမေးနဲ့
အိမ်ကအမေ အသိတွေပြန်ရင် မုန့်တွေပေးတာလက်ဆောင်
သူကအသက်ကြီးသတိအားနည်း
ကိုယ်က အထုတ်တွေက ဒိတ်တွေ လိုက်စစ်တာ
စစ်လေ ရင်တုန်လေ
အသိတွေကတဖန်စစ်ပေးရတဲ့အနေထား

Over estimating of risk behaviourပေါ့

ပြောရရင်ဘဝက ဒူးရင်းသီးပဲ
ပန်းတွေပွင့်ကိုမနေတာ

၅ နှစ်ကလေးလုပ်နိုင်တာ ကိုယ်မလုပ်နိုင်တာအများကြီး
OCD အတွက် Gold standardထဲ Exposure Response Prevention ( ERP ) Therapyပါတယ်
သူကOCDရောဂါကခိုင်းသမျှမလုပ်ပဲအောင့်ရတာ
သာမာန်လူမသိဘူးအဲ့ခံစားချက်

အောင့်တယ်ဆိုတာWe live with discomfort
let the ocd reach the spike and it will fall
We have to suffer and don’t respond to anything till it falls ပဲ

ကိုယ်ကတော့ ERPလုပ်ရတာကို ရင်ကိုခွဲ ဆားနဲ့ပက်သလိုခံရတာလို့ပြောလေ့ရှိတယ်

ပြောချင်တာကလေ

အရမ်းကိုမှ ဂွမ်းနေတာ
ဂွမ်းတဲ့ကြားကကိုမျှ အပီဖြုတ်တာ
ဦးနှောက်က အကန့်လွတ်နေတာ

ဆိုတော့ ကိုယ့်ဇယားနဲ့ကိုယ်အတော်လုံလောက်လျှံကျနေပြီမို့ ဘယ်အပူမှ မသိချင်ပါဘူး
ဘယ်သူ့အကြောင်းကိစ္စမှမသိချင်ပါဘူး

ကျွန်မသေမဲ့ကိစ္စရှိတောင်စိတ်အေးလက်အေးသေလိုက်ရတာပိုကြိုက်ပါတယ်
“ သေမယ်နော် သတိထား “ ပြောတာ စိတ်အတော်ရှုပ်တတ်ပါတယ်
Anxiety စက်ကို လာအင်ဂျင်နှိုးလိုက်သလိုပါပဲ

ဒါကတော့ခုဖတ်မဲ့စာအုပ်ပါ
လက်ထဲအရောက်ပို့သောချစ်သောအစ်မကိုကျေးဇူးတင်တယ်
သူဟာတခါမှကိုယ့်ကိုအပူမပေးဘူး
အရမ်းအလိုလိုက်တာ
မှာသမျှ မန်းလေးကအကုန်ပို့တာ

ပြောရရင် K Payကနေ သူစိုက်တာပြန်လွှဲရင်ကိုယ်က ရင်တုန်တတ်တယ်
နှမြောတာမဟုတ်
K Pay anxiety

အစ်မသမီးပြန်မပေးပဲဘယ်လောက်ထိပူဆာလို့ရလဲ ဒဲ့မေးလိုက်တယ်
ဖြေတယ် - ၁၀ သိန်းတဲ့
တခါတလေ ကိုယ်ရင်ပူထရင် အစ်မဝယ်သာပေးလိုက်တော့ ဆိုပြီး ပူဆာမို့မေးတာ အေးရော
အမှန်က ကိုယ်ဘယ်လိုလူလဲအစ်မသိတယ်
၁ ကျပ် ၂ ကျပ်ကအစတိကျသူမျိုး
ကိုယ်အခွင့်ရေးမယူတတ်တာလဲသိတယ်
ဒါပေမဲ့ စိတ်လေးအေးမယ်ဆို ညီမလေးကြိုက်တာလုပ်ဆိုတာမျိုး အဲလိုအစ်မ
အဲလိုမိတ်ဆွေမျိုးကိုယ့်မှာရှိတာကံကောင်းခြင်းပါပဲ

ကိုယ်ဂေါက်ရင် ဝင်ကယ်တဲ့အစ်မတွေရှိတယ်
ကိုယ်စတီးတိုင်နဲ့ခေါင်းဆောင့်ရင် ဆွဲသူတွေ
အလုပ်ကနေအိမ်ကိုအလည်လာတုန်း ကိုယ်ပွဲကြမ်းနေလို့ကြမ်းပြင်ထိုင်ချကိုယ့်ဒေါသဆွဲချပေးသူတွေရှိတယ်
ဒါနည်းနည်းပဲပြောပြတာ

ကိုယ့်ကိုနားလည်အနစ်နာခံပေးသူတွေနဲ့ကိုယ်အရမ်းနီးတယ်

လူတိုင်းနဲ့နီးနီးမနေတာက သူတို့လဲသူတို့ဟာသူတို့အလုပ်များနေကြတာ
ကိုယ့်ကိုလဲနားလည်မပေးနိုင်ဘူး
ဒါကြောင့်ကိုယ်ကစလို့ဝေးလိုက်တာပါ

ဘယ်သူ့ပေါ်မှ ငါးပါးသီလမချိုးထားတာမို့ တခါတလေ “ ကျမရောဂါလေးနားလည်ပေးပါနော် “ ပြောရတာတောင် ဇာတ်အတော်နာလာတယ်

ဆီးချိုရှိသူ ဆီးချိုတက်တယ်
သွေးတိုးသူသွေးတက်တယ်
OCD အချိန်တန်ရင် စိတ်တွေပူဂယက်ထတယ်
ဒါပါပဲ
ကိုယ့်ကြောင့်သူများဒုက္ခရောက်အောင်မလုပ်ပါဘူး
ဟို လူတကာကိုလိုက်မွှေတဲ့ လက်ညှိုးလိုက်ထိုးတဲ့ ဆရာကြီးရောဂါ Toxic Narcissistတွေထက်အိုင်တို့အပုံကြီးသာပါတယ်
ဂေါက်ရင်တောင်အေးဆေးဂေါက်တာပါ
သူများကိုမမွှေဘူး

ဒီပို့စ်က တချို့ကိုယ့်ကိုရှောင်ချင်ရှောင်လို့ရအောင်တင်ပေးတာပါ
ကျွန်မနဲ့ပတ်သက်မိရင် အပူဟပ်ခံရနိုင်ပါတယ်
ကျွန်မနဲ့ မရင်းနှီးချင်ပါနဲ့

အားလုံးဒီဖက်က အေးဆေးပါ
ဟန်ဆောင်တာဘာမှရှိမှာမဟုတ်ဘူး
အားနာတာလည်းရှိမှာ မဟုတ်ပါဘူး

ဒီနေ့ထိ ကိုယ့်ဖက်က တွေးမိတိုင်းအမှားမရှိတာမို့ ရှိခဲ့လည်းတောင်းပန်သင့်သူတွေကိုတောင်းပန်ခဲ့တာမို့ လိပ်ပြာအလုံလွန်သူပါ

အသက်ရှုတိုင်းခက်ခဲနေတာကို မသိမှာစိုးလို့ 100 မှာ 5%လောက်ထုတ်ရေးပြတာပါ

တကယ်က ဒီပို့စ်က Personal accountမှာတင်ထားတာပါ လွန်ခဲ့တဲ့တစ်ပတ်အတွင်း
တင်တဲ့ရည်ရွယ်ချက်ကတော့ ကိုယ့်ကိုအရမ်းချစ်ခင်စကားတွေလာပြောပတ်သက်ကြမှာစိုးလို့ပါ
ကျွန်မကို 90% အနည်းဆုံး နားမလည်သူမသိသူတွေနဲ့ ကျွန်မဘယ်Conversationမှ မပြောချင်တာပါ
အကြောင်းတရားတွေ လျှော့ချထားတာ
သင်္ခါရအမှုတွေလျှော့ချထားတာ
ခုက Pageမှာစာနည်းနည်းထပ်တိုးပြီးတင်လိုက်တာပါ

ကိုယ့်အကြောင်းကိုယ်သိလို့လူတွေနဲ့ဝေးဝေးနေ
ကိုယ့်ဝဋ်ကိုယ် ဖျာပေါ်မကျေသရွေ့ဆပ်နေသူ
မထိုင်လဲ လောကဘဝထဲဆပ်နေသူပါ

“ နေကောင်းလား ဘာလုပ်နေလဲ“ မေးရင်တောင် ပြန်ဖြေရတာပင်ပန်းပြီးအတွေးများပါတယ်

တစ်နေ့အဆင်ပြေချိန် လူတွေနဲ့ နှစ်ဖက်အပြန်လှန်စကားပြောမှာပါ
ခုတော့ အကုန်ပိတ်ထားပါတယ်

ကိုယ့်ဒုက္ခနဲ့ကိုယ်တင်၊ 70 ကျော်လူကြီးတွေဂရုစိုက်ရတာနဲ့တင် ၊ ဝု ဂီလာနကြီးကို ကျွန်မခါးနာတဲ့ကြားကချီချီပြီး ဆေးခန်းပို့ ရတာနဲ့ အိမ်မှာ ကြမ်းတိုက် ဗာဟီရလုပ်ရတာနဲ့တင် ပင်ပန်းတာလုံလောက်နေပါပြီ

နောက်တစ်ခုက ကျွန်မ ဘယ်လက်ဆောင်မှလက်မခံပါဘူး
Suprise တွေမကြိုက်ပါဘူး

ဥပမာ “ ဒီ Pageက ဆရာမလေးကို ဒီတဲရော့ထုတ်လက်ဆောင်ဝယ်ပေးထားသူရှိပါတယ်
မန်းရှင်းခေါ်ပေးလိုက်ကြပါနော် “ ဆိုတာမျိုးတွေပေါ့
လုံးဝမရပါဘူး

Liveတွေပို့စ်တွေမှာပြောလေ့ရှိပါတယ်
No Supriseပါ

ဘယ်သူနဲ့မှကိုစကားမပြောချင်တာ အလုပ်ပိုတွေမလုပ်ချင်တာပါ

ပြီးရင်ပေးသူက ငွေလေးOnlineက ချေပေးရုံပဲ
ကိုယ်က ကိုယ့်ဒုက္ခနဲ့ကိုယ်
ဘယ်သူကိုယ့်အိမ်ကို ဖုန်းတဂွမ်ဂွမ်ဆက်မလဲ
ဘယ်သူဘယ်တော့ကိုယ့်လူကြီးတွေကိုဖုန်းတဂွမ်ဂွမ်ဆက်မလဲ
ဘယ်သူ့ကို ကိုယ်ထွက်တွေ့ရမှာလဲ
ဘယ်သူ့ကို လမ်းတွေညွှန်ရမလဲ
ဘာမှလုပ်စရာကိုမလိုတာ
အေးရော
အမေက အထိုင်အထ ရုပ်ပျက်တဲ့ထိ နာတာ လမ်းလျှောက်ရင်ထော့နေတာ
အန်လေးကလည်းသူ့ကျန်းမာရေးကလှုပ်လှုပ်
လူကြီးတွေသူတို့ဟာသူတို့ မှာတာသူတို့ကိစ္စ
ကိုယ့်ကိစ္စဘာဝန်ပိုမှကို မပေးချင်တာ
လူ့သက်တမ်းစေ့နေပြီဖြစ်တဲ့ ၇၀ ကျော်တွေကို တရားအားထုတ်တာနဲ့ ကြိုက်တာလေးတွေစားတာကလွဲလို့ ကျွန်မဘာအလုပ်ပိုမှ မပေးချင်ပါဘူး

ဒါကြောင့် ဒီစာကိုဒဲ့ရေးတာပါ

ကျွန်မရည်မှန်းချက်ဆီကျွန်မဘယ်သူ့ကိုမှ အပိုစကားမပြောပဲ တစ်ယောက်ထဲကြိတ်သွားနေပါတယ်
ထိုကာလတွေမှာ ကျွန်မဘယ်ကိစ္စကိုမှ စကားပြောတုံ့ပြန်တော့မှာမဟုတ်ပါဘူး
My strong boundary setting and discipline to myselfပါ

ကျွန်မနဲ့တွေ့ဖူးသူတွေ အလိုလိုငိုကြ စကားတွေပြောကြတာက လူတိုင်းရဲ့စိတ်ဖိစီးမှုကို ကျွန်မကောင်းကောင်းသိတာကို သူတို့သိလို့ပါ
ကျွန်မEnergyကို အပြင်မှာတွေ့ဖူးသူတိုင်းသိပါတယ်
ကျွန်မသူဌေးဖြစ်နည်းပြောတဲ့လမ်းကမဟုတ်ပါဘူး
သင်ကြုံနေရတာ ကျွန်မနားလည်တယ် တော်တော်ကိုသိတယ် လူတွေသင့်ကိုနားမလည်ရင်တောင် ကျွန်မနားလည်တယ်ဆိုတဲ့ ရှုထောင့်ကအလုပ်လုပ်သူပါ
နာဖူးတော့ နာတာသိတယ်
ကျင်ဖူးတော့ ကျင်တာသိတယ်
အောင့်ဖူးတော့ အောင့်တာသိတယ်
ကျွန်မကအဲလိုလူပါ

တချို့ရှိတယ်
ကိုယ်မနာဖူးဘူး
သူများနာကျင်သွားမလားလဲမသိဘူး
လုပ်ပလိုက်ပြောပလိုက်သူတွေ
ဘယ်နယ်ပယ်က ဘယ်လိုအောင်မြင်သူမဆို ဆယ်လီမဆို ကိုယ်ချင်းစာတရားမရှိသူဆို ကျွန်မအထင်ကိုမကြီးတာပါ

စာရှည်ပြီမို့ စာမနားမီလေးပြောရရင်တော့
ကိုယ့်အနီးနား စိတ်ရောဂါရှိသူတွေရှိရင် ကိုယ်ချင်းစာတရားလေးထားတာကုသိုလ်ရပါတယ်
ကိုယ်အဆင်ပြေဖို့လုပ်လိုက်တဲ့အလုပ်ဟာ တခါတလေသူတို့အတွက်ဝန်ထုပ်ဝန်ပိုးဖြစ်သွားစေတတ်ပါတယ်
သူတို့လဲလွယ်ကူမနေပါဘူးလို့ လိပ်ကလေးကကိုယ့်ဖက်ကိုယ်ရက်ပြောရင်း ဒီပို့စ်လေးဒီမှာနားပါမယ်နော်

ကျွန်မအကြောင်း တစေ့တစောင်းရေးတဲ့ ဒီပို့စ်လေးဟာ ကိုယ်နဲ့ထပ်တူအခြေနေမဟုတ်ရင်တောင်မှ သူ့နည်းသူ့ဟန်ခက်ခဲနေသူတွေအတွက် “ ကိုယ်တစ်ယောက်ထဲမဟုတ်ပါလား “ ဆိုတဲ့အတွေးလေးဖြစ်စေနိုင်သလို တချို့ကိုလည်း “ ငါတို့တွေ စိတ်ရောဂါရှိသူတွေ စိတ်ပိုင်းဆိုင်ရာအခက်အခဲရှိသူတွေကို နားလည်မှုနဲ့မေတ္တာစစ်ပေးနိူင်မှပါလေ “ ဆိုတဲ့အတွေးလေးဖြစ်သွားစေနိုင်ပါတယ်
ဒါဆိုရင်ပဲ ကျွန်မလက်ညောင်းရကျိုးနပ်ပါပြီ

Behind every smile is a story you may never know.
Choose kindness.
The world is heavy enough already.

Shareလို့ရပါတယ်
တဆင့်ကူးတင်ခြင်း၊ ရှဲရင်စာအလုံးလိုက် ကူးပြီးခေါင်းစဉ်မှာတင်ခြင်း
Ssရိုက်ခြင်း
ပုံသိမ်းခြင်းခွင့်မပြုပါရှင်

02/04/2026

ခုနက တင်တဲ့ပို့စ် ဒီနေရာလေး Edit လုပ်ပြီးအမှားပြင်ကာအမှန်ပြန်ရေးထားပါတယ်

“ နှလုံးသွင်းမှန်ရင် “ လို့ ပို့စ်မှာရေးမိတာလေးကို “ နှလုံးသွင်းမမှန်ရင် “ ဟု အမှန်ပြန်ရေးထားပါတယ်

စိတ်ကမြန်တော့ ရေးတာလိုအပ်ချက်ဖြစ်သွားတာပါရှင်

တရားနဲ့ပတ်သက်တာမို့ ပို့စ်တင်ပြီး သေချာအသိပေးတာပါ
တရားနဲ့ပတ်သက်ရင် အုအုကအလွဲမှားမခံလို့ပါ

သိတာနဲ့အမှန်ပြန်တင်တာပါရှင်