17/08/2026
🏡အိမ်မှာ နာတာရှည်ရောဂါရှင်တစ်ယောက်ရှိတဲ့အခါ လူနာလိုမျိုး ပင်ပန်းတဲ့သူတစ်ယောက်ရှိပါတယ်။ သူကတော့ “ပြုစုစောင့်ရှောက်သူ” caregiver ပါ။
နာတာရှည်ရောဂါဖြစ်တာကြောင့် နေ့စဉ်ရက်ဆက် အနားယူမှုမရှိဘဲ ပြုစုပေးရတဲ့အခါ ကြာလာတော့ burnout ဖြစ်လာပါတယ်။
🙌🏻Caregiver burnout ဖြစ်စေတဲ့ အဓိက အကြောင်းရင်းတွေကတော့
💠 ကူညီမယ့်သူမရှိဘဲ တစ်ယောက်တည်း နေ့စဉ်ပြုစုပေးရတာ
💠 လူနာရဲ့ တစ်ကိုယ်ရည်ကိစ္စအဝဝကို အစအဆုံး လိုက်လုပ်ပေးရတာ
💠 ကိုယ်နဲ့ မကျွမ်းကျင်တဲ့ ကျန်းမာရေးကိစ္စတွေကို ပြုလုပ်ပေးရတာ (ဥပမာ အင်ဆူလင်ထိုးပေးရတာမျိုး)
💠 တာဝန်ကြီးတယ်လို့ ခံစားရတာ
💠 လူနာအပြင် အိမ်ကိစ္စ၊ ငွေရေးကြေးရေးကိစ္စတွေကိုပါ စီမံရတာ စတာတွေကြောင့် ဖြစ်ပါတယ်။
🙋♀️တကယ်တော့ Caregiver burnout က အဖြစ်များပါတယ်။ ၆၀ရာခိုင်နှုန်းသော ပြုစုစောင့်ရှောက်သူတွေက caregiver burnout ကို ခံစားနေရပါတယ်။ Caregiver burnout ဖြစ်လာတဲ့အခါ ခံစားရတဲ့ လက္ခဏာတွေက
▪️ စိတ်ရောကိုယ်ပါ ပင်ပန်းလာတာ
▪️ ဘယ်သူနဲ့မှ စကားမပြောချင်တာ
▪️ မျှော်လင့်ချက်မဲ့ပြီး ကူရာကယ်ရာမဲ့သလို ခံစားရတာ
▪️ အိပ်မပျော်တာ
▪️ အစားအသောက်ပျက်တာ
▪️ အာရုံစိုက်မရတာ
▪️ မကြာခဏဖျားနာတာ
▪️ စိတ်တိုစိတ်ဆတ်တာတွေ ဖြစ်လာပါတယ်။
Caregiver တွေက သူတို့ကိုယ်သူတို့ burnout ဖြစ်တယ်ဆိုတာကိုတောင် သတိမထားမိကြတော့ပါဘူး။ ကြာလာတဲ့အခါ နောက်ဆက်တွဲအနေနဲ့
▪️ စိတ်ဓာတ်ကျတာ
▪️ စိတ်ဖိစီးမှုများတာ
▪️ စိုးရိမ်စိတ်များတာ
▪️ စိတ်ခံစားချက်တွေကို လူနာအပေါ် ပုံချတာ
▪️ ကိုယ့်ကိုယ်ကို အဆုံးစီရင်ဖို့ ကြိုးစားတာတွေ ဖြစ်လာပါတယ်။
ဒါကြောင့် caregiver burnout က အရေးကြီးပါတယ်။ Burnout ဖြစ်နေပြီဆိုတဲ့အကြောင်းကို သတိထားမိဖို့လိုပါတယ်။
☺️Caregiver burnout ဖြစ်လာတဲ့အခါ ပြုလုပ်သင့်တာတွေက
🔹 အနားယူပါ။ လူနာကို ပြုစုရင်းနဲ့ ကိုယ့်အတွက် ကိုယ်ပိုင်အချိန်အနည်းငယ်ပေးပြီး နားပါ။
🔹 အိပ်ချိန်စားချိန် မှန်အောင် ဂရုစိုက်ပါ။
🔹 အကူအညီတောင်းပါ။ လူနာပြုစုတဲ့အလုပ်ရော၊ အိမ်အလုပ်တွေရော၊ အသက်မွေးဝမ်းကြောင်းအလုပ်တွေရော တာဝန်ယူရတာ များလာပြီဆိုရင် တခြားလူတွေကို တာဝန်ခွဲပေးဖို့ စဉ်းစားပါ။
🔹 စိတ်ကျန်းမာရေးပြဿနာတွေကို ကုသပါ။ Caregiver burnout ကြောင့် စိတ်ဓာတ်ကျတာ၊ စိတ်ဖိစီးတာတွေ ပြင်းထန်လာပြီး နေ့စဉ်ဘဝကို အနှောင့်အယှက်ဖြစ်လာပြီဆိုရင် စိတ်ကျန်းမာရေးဆရာဝန်နဲ့ ပြသပြီး ကုသဖို့ တိုက်တွန်းချင်ပါတယ်။
Caregiver burnout က အဖြစ်များပါတယ်။ တကယ်ပဲ စိတ်ကိုပင်ပန်းစေတာကြောင့် လျစ်လျူမရှုပါနဲ့။ လင်းရောင်ခြည်ဦးဆေးရုံနဲ့ ကုမုဒြာဆေးခန်းမှာ caregiver burnout အပါအဝင် burnout အမျိုးမျိုးကို ဆွေးနွေးကုသပေးနေတာကြောင့် လာရောက်တိုင်ပင်နိုင်ပါတယ်။ ☺️
Lin Yaung Chi Oo Mental Health Hospital & Counselling Center
ကုမုဒြာစိတ်ကျန်းမာရေးဆေးခန်း”
📌အမှတ် (၅၉၈)၊ (၃၆) ရပ်ကွက်၊ မဟာဗန္ဓုလလမ်း၊ မြောက်ဒဂုံမြို့နယ်၊ ရန်ကုန်မြို့။
Google Map : https://maps.app.goo.gl/jFAbnTiZpArqY2dG7...
ဖုန်းနံပါတ် : 09 440 993 993, 09 406 881 133
📌 လင်းရောင်ခြည်ဦး (ရန်ကုန်) : အမှတ် 383, ဗိုလ်သုန်လမ်းနှင့်အောင်ချမ်းသာ 3 လမ်းထိပ်၊ 51 ရပ်ကွက်၊ မြောက်ဒဂုံ။
Google Map : https://maps.app.goo.gl/aNTdH4gBMvBiEBR2A
ဖုန်းနံပါတ် : 09 444 567 811, 09 444 567 822
📌လင်းရောင်ခြည်ဦး (မန္တလေး) : အမှတ်-၄၈, အကွက် ဆ-၉၊ ၇၃လမ်း၊ ၁၀၉ ×၁၁၀ လမ်းကြား၊ မြို့သစ် (၂)ရပ်ကွက်၊ ချမ်းမြသာစည်မြို့နယ်၊မန္တလေးမြို့။
ဖုန်းနံပါတ် : 09 885 773 311, 09 943958638 , 09782040518
Google Map : https://maps.app.goo.gl/DwXHfXFuJmq8wecr7
#လင်းရောင်ခြည်ဦး
