10/06/2026
#တောင်တန်းသာသနာပြု ဆရာတော်ထံမှ "
ပဌာန်း ရေလမ်း ပန်းလမ်း အလင်းလမ်း ပူဇော်နည်း
🌼🌼🌼🌼🌼🌼🌼🌼🌼🌼🌼🌼
ပဌာန်း ရေလမ်း ပန်းလမ်း အလင်းလမ်း ဖြင့်
ပူဇော်ရန်အတွက်ပြင်ဆင်ခြင်း
----------------------------------------------------------
(၁) ရေဖန်ခွက် (၂၄) ခွက်
(၂) ဆီမီးတိုင် (၂၄) တိုင်
(၃) ဆူးမပါသော ပန်း / ပွင့်ဖတ် များ
- သင့်တော်ရာစားပွဲတွင်
ရေဖန်ခွက် ၂၄ ခွက်ကို မိမိနှစ်သက်သလိုစီပြီး
ကြားထဲတွင် ပန်းလေးများ/ပွင့်ဖတ်များ လှပအောင်စီ
ပူဇော်ပါ 🙏
- ဆီမီး ၂၄ တိုင်ကိုလည်း အဆင်ပြေသလို
ကြည်ညိုဖွယ် ထွန်းပါ 🙏
- ရေဖန်ခွက်ထဲ ရေသွန်းလောင်းထည့်ချိန်
မိမိစိတ်တွင်းရွတ်ရွတ် နှုတ်တက်ရွတ်ရွတ်
ပဋ္ဌာန်း၂၄ပစ္စည်းကို တစ်ခွက်ချင်းပေါ်
ရေသွန်းလောင်း ထည့်ရင်း
(ဟေတုပစ္စယော မှ အဝိဂတပစ္စယော) ထိ ပူဇော်ပါ 🙏
-ပဋ္ဌာန်း(၂၄)ပစ္စည်းနှင့် ဖန်ခွက် ၂၄ခွက်
အတိအကျစစ်ပြီးသလို
ပဋ္ဌာန်းအကျဉ်း ၂၄ ကြိမ်ပူဇော်ပြီး ဖြစ်ပါမယ် 🙏
***ရွတ်ဖတ် ပူဇော်ရန်အတွက် ***
(၁) နတ်ပင့်
(၂) ပဋ္ဌာန်း ၂၄ ခေါက် အကျဉ်း (ရေသွန်းလောင်း ထည့်စဉ်)
(၃) "ပစ္စယနိဒ္ဒေသ'' အကျယ် ၁ ခေါက်
(၄) "သံဗုဒ္ဓေ" ၂၄ ခေါက်
(၅) မေတ္တာသုတ် ၁ ခေါက်
(၆) မေတ္တာပို့
(၇) လိုရာဆုတောင်း
(၈) အမျှဝေ
(၉) နတ်ပို့
*** နတ်ပင့်ရန် ***
#လောကစောင့်ကြပ် နတ်များအပေါင်းတို့၊
(အရပ်ဋ္ဌာန-မိမိပူဇော်သောနေရာ)သို့ ပဋ္ဌာန်းရေလမ်း ပန်းလမ်း အလင်းလမ်း လှူဒါန်းရန် လာကြပါကုန်လော့ 🙏
#တောစောင့်နတ်၊ တောင်စောင့်နတ်အပေါင်း၊ မြို့စောင့်နတ်၊ ရွာစောင့်နတ်အပေါင်း၊ ရုက္ခစိုး၊ ဘုမ္မစိုး၊ အာကာသစိုး နတ်အပေါင်းတို့ ပဋ္ဌာန်းရေလမ်းပန်းလမ်း အလင်းလမ်းလှူဒါန်းရန် လာကြပါကုန်လော့ 🙏
#မြေစောင့်နတ်၊ ရေစောင့်နတ်၊ သာသနာတော်စောင့်နတ်၊ သမုဒ္ဒရာစောင့်နတ်၊ ၀ဠာဟကနတ်၊ ပဇ္ဇုန်မိုးနတ် စတုလောကပါလနတ်၊ သိကြား၊ ဗြဟ္မာ၊ အသုရာ၊ ယမာ အစရှိသော နတ်ဗြဟ္မာအပေါင်းတို့၊ ပဋ္ဌာန်းရေလမ်းပန်းလမ်း အလင်းလမ်းလှူဒါန်းရန် လာကြပါကုန်လော 🙏
#နဂါး ၊ ဂဠုန် ၊ ဂုမ်ဘာန်၊ ယက္ခက် အစရှိသော သူတော်ကောင်းအပေါင်းတို့ ပဋ္ဌာန်းရေလမ်းပန်းလမ်း အလင်းလမ်းလှူဒါန်းရန် လာကြပါကုန်လော့ 🙏
#၀ိဇ္ဇာ၊ ဇော်ဂျီ တပသီ အစရှိကုန်သော သူတော်ကောင်းအပေါင်းတို့ ပဋ္ဌာန်းရေလမ်းပန်းလမ်း အလင်းလမ်းလှူဒါန်းရန် လာကြပါကုန်လော့ 🙏
#လူအပေါင်း နတ်အပေါင်း ဗြဟ္မာအပေါင်း၊ အပါယ်လေးပါး သတ္တဝါအပေါင်းတို့ ပဋ္ဌာန်းရေလမ်းပန်းလမ်း အလင်းလမ်းလှူဒါန်းရန် ဖိတ်ခေါ်ပါကုန်၏🙏
နတ်ပို့ရန်
******
ဧတ္တာဝတာ စ အမှေဟိ၊ သမ္ဘတံ ပုညသမ္ပဒံ။
သဗ္ဗေဒေဝါ နုမောဒန္တု၊ သဗ္ဗသမ္ပတ္တိ သိဒ္ဓိယာ။
ဒါနံ ဒဒန္တု သဒ္ဓါယ၊ သီလံ ရက္ခန္တု သဗ္ဗဒါ။
ဘာဝနာဘိရတာ ဟောန္တု၊ ဂစ္ဆန္တု ဒေဝတာ ဂတာ။
ဧတ္တာဝတာ စ – သဒ္ဓါစေတနာ ဝေဖြာသန့်ရှင်း ညစ်ကြေးကင်း၍ ထိန်လင်းကျက်သရေ ယုန်စက်ငွေသို့ လက်ဝေစေကြောင်းဖြစ်သော ဤဓမ္မဒေသနာတော်အပေါင်းတို့အား ရွတ်ပွားသရဇ္ဈာယ်၍ မြတ်စွာဘုရားရှင်အား ပူဇော်ရခြင်းဖြင့်၊
အမှေဟိ – အကျွန်ုပ်တို့သည်၊
သဗ္ဗသမ္ပတ္တိ သိဒ္ဓိယာ – အလုံးစုံကုန်သော စည်းစိမ်ချမ်းသာ မင်္ဂလာကျက်သရေတို့နှင့် ပြည့်စုံခြင်းငှာ၊
သမ္ဘတံ – ကောင်းစွာမပြတ် ဆည်းပူးအပ်သော၊
ပုညသမ္ပဒံ – ဖြူစင်သန့်ရှင်း ကုသိုလ်ကောင်းမှုတို့၏ပြည့်စုံခြင်းကို၊
သဗ္ဗေ – ကြွင်းမဲ့ဥဿုံ အလုံးစုံကုန်သော၊
ဒေဝါ – စကြဝဠာအဖြာဖြာမှ ကြွလာသောင်းသောင်း နတ်ဗြဟ္မာအပေါင်းတို့သည်၊
အနုမောဒန္တု – ဝမ်းမြောက်နုမော် သာဓုခေါ်ဆိုနိုင်ကြပါစေကုန်သတည်း။
ဒါနံ – ပေးကမ်းစွန့်ကြဲ နည်းများမဟူ အလှူဒါနကို၊
သဒ္ဓါယ – ကံ, ကံ၏အကျိုးကို ယုံကြည်လျက်၊
ဒဒန္တု – ဘဝဘောဂ တောင့်တမရှိ ပကတိစင်ဖြူ ပေးလှူနိုင်ကြပါစေကုန်သတည်း။
သီလံ – စာရိတ္တ ဝါရိတ္တ မြတ်သီလကို၊
ရက္ခန္တု – မကျိုးမပေါက် စောင့်ရှောက်ထိန်းသိမ်းနိုင်ကြပါစေကုန်သတည်း။
ဘာဝနာဘိရတာ – သမထဝိပဿနာ ဘာဝနာ၌ ကောင်းစွာကြိုးပမ်းလျက် ချီးမွမ်းမွေ့လျော်ကြကုန်သည်၊
ဟောန္တု – ဖြစ်ကြပါစေကုန်သတည်း။
အာဂတာ – စကြဝဠာ ကမ္ဘာလောကဓာတ်အရပ်ရပ်မှ ဆိုက်ကပ်ညီညာ ရောက်လာကြကုန်သော၊
ဒေဝတာ – နတ်ဗြဟ္မာအပေါင်းတို့သည်၊
ဂစ္ဆန္တု – သာဓုအနုမောဒနာ ဝမ်းမြောက်စွာလျှင် နှုတ်လျာသံညီး ပြုပြီးလေဘိ မိမိတို့နေရာ ပျော်ဖွယ်ရာရိပ်ခန်း ဘုံဗိမာန်နန်းသို့ စံမြန်းတော်မူနိုင်ကြပါစေကုန်သတည်း။
သာဓု သာဓု သာဓု
----------------------------------------------------------------=
-မြတ်စွာဘုရား ပူဇော်ပြီး လှူဒါန်းပြီး ပြန်စွန့်ချိန်တွင်
ပဋ္ဌာန်းပူဇော်ပြီး ရေများ, ပန်းများအား မိမိ အလိုရှိသလို အသုံးပြုနိုင်ပါတယ်....
(သတ္တဝါအများဝေနေယျာအတွက် ပြန်လှူသလို မိသားစု သောက်သုံးတဲ့ရေအိုးထဲထည့် ပြီး ဘေးအန္တရာယ်ကင်းရန်
အလို့ဌာ သောက်သုံးနိုင်ပါတယ်...
မိသားစုသုံးရေကန်ထဲ ဆပွားရန် အနည်းငယ်ထည့် သုံးစွဲနိုင်ပါတယ်)
😇 အချိန် သိပ်မပေးနိုင်ပါက ရေ ပန်း မီး ပြင်ဆင်နေစဉ်
ပဋ္ဌာန်းအကျဉ်း ကိုမပြတ်ရွတ်ပါ
😇 ပဋ္ဌာန်း ရေလမ်း ပန်းလမ်း အလင်းလမ်း ခင်းခြင်း
ပဋ္ဌာန်းအရှိန်တန်ခိုးနှင့် ဘဝခရီးလမ်း ရေလိုကြည်လင်အေးချမ်းပြီး ဉာဏ်ရည်ထက်မြက်, သာယာတဲ့ဘဝ ခရီးလမ်းကို နေ့စဉ် ဘဝ နေစဉ် ခဏမှာ လျှောက်လှမ်းနိုင်ပါလိမ့်မယ်
နတ်လူသတ္တဝါအားလုံး ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖြာ ကျန်းမာ၊ ချမ်းသာ ကြ ပါ စေ...
မူရင်းရေးသားသူအားလေးစားလျက်
ပြန်လည်မျှဝေပေးခြင်းဖြစ်ပါတယ်🙏
