Thrive Together

05/08/2026

စိတ်ကျန်းမာရေးအတွက် အကူအညီရယူတော့မယ်ဆိုရင် "Counselling ယူရမလား၊ Consultation ပဲ ယူရမလား" ဆိုပြီး ဇဝေဇဝါ ဖြစ်ဖူးပါသလား?

ဒီနှစ်ခုလုံးဟာ မိမိရဲ့ စိတ်ပိုင်းဆိုင်ရာကို သက်သာရာရဖို့ ကူညီပေးတာ မှန်ပေမယ့် ဖြတ်သန်းရတဲ့ပုံစံနဲ့ ရည်ရွယ်ချက် မတူကြပါဘူး။

➡️ Consultation ဆိုတာ ဘာလဲ?
လက်ရှိ ကြုံတွေ့နေရတဲ့ ပြဿနာတစ်ခုအတွက် တိုတိုတောင်းတောင်း အကြံဉာဏ် သို့မဟုတ် လမ်းညွှန်ချက် ရယူခြင်းပါ။ အများအားဖြင့် ၁ ကြိမ် သို့မဟုတ် ၂ ကြိမ်ခန့် စကားပြောရုံဖြင့် ပြီးစီးနိုင်ပါတယ်။
"ငါ ဒီပြဿနာကို ဘယ်လို ဖြေရှင်းရမလဲ"
"ဒီလိုအခြေအနေမှာ ဘယ်လိုဆုံးဖြတ်ချက်ချရမလဲ" ဆိုတဲ့ ရည်ရွယ်ချက်မျိုးအတွက် သင့်တော်ပါတယ်။

ဥပမာ: အလုပ်ခွင်မှာ Stress အရမ်းများနေလို့ ရေတို ဖြေရှင်းနည်း မေးတာ ဒါမှမဟုတ် ဒီ အကြောင်းအရာအတွက် Counselling ဆက်ယူဖို့ လိုမလို အကဲဖြတ်စိစစ်တာမျိုးပါ။

➡️ Counselling ဆိုတာ ဘာလဲ?
မိမိရဲ့ ခံစားချက်၊ အတွေးအခေါ် ၊ အမူအကျင့်၊ စိတ်ဒဏ်ရာတွေကို နက်နက်ရှိုင်းရှိုင်း အတူတကွ ပူးပေါင်း အဖြေရှာပေးတာပါ။ သီတင်းပတ်အနည်းငယ်မှ လပေါင်းများစွာအထိ Session များ ခွဲပြီး ပုံမှန်တွေ့ဆုံရပါတယ်။ ဘေးကင်းလုံခြုံတဲ့ ပတ်ဝန်းကျင်မှာ Counsellor နဲ့ အတူတူ မိမိရဲ့ စိတ်ပိုင်းဆိုင်ရာ ကျန်းမာရေးနဲ့ ကိုယ်တိုင် ပြောင်းလဲတိုးတက်မှုကို တည်ဆောက်ရတာဖြစ်ပါတယ်။

✨ ဘယ်ဟာကို ရွေးချယ်သင့်သလဲ?

မိမိအတွက် တိကျတဲ့ မေးခွန်းနဲ့ လမ်းညွှန်ချက်ပဲ လိုအပ်တယ်ဆိုရင် Consultation ကို ရွေးချယ်နိုင်ပြီး မိမိရဲ့ စိတ်ပိုင်းဆိုင်ရာကို သေချာ နားလည်ပြီး အနာဂတ်အတွက် စနစ်တကျ ပြောင်းလဲချင်တယ်ဆိုရင်တော့ Counselling က အကောင်းဆုံး ဖြစ်ပါတယ်။

👉 မိမိစိတ်ကျန်းမာရေးအတွက် ဘယ်ဟာက ပိုပြီး သင့်တော်မလဲဆိုတာကိုသိချင်ရင် Thrive Together ရဲ့ Messenger ၊ Viber ကနေလည်း လာရောက်မေးမြန်းနိုင်ပါတယ်နော်။

02/08/2026

မနေ့က Movie Reflection Workshop လေး ပြုလုပ်ခဲ့တဲ့ ပုံရိပ်လေးတွေ ဖြစ်ပါတယ်။

ဒီ Workshop လေး ဖြစ်မြောက်အောင် ကူညီအားဖြည့်ပေးခဲ့သလို ရုပ်ရှင်ကြည့်ရခြင်းရဲ့ အနှစ်သာရနဲ့ ရည်ရွယ်ချက်တွေကို မျှဝေပြောပြပေးခဲ့တဲ့ ဆရာ လူသာမန် ကိုလည်း အထူးပဲ ကျေးဇူးတင်ရှိပါတယ်။

တက်ရောက်သူ တစ်ဦးချင်းစီတိုင်းကိုလည်း အထူးကျေးဇူးတင်ပါတယ်။
Workshop အပြီးမှာ အပြန်အလှန် ချိတ်ဆက်မိကြတဲ့ Networking အချိန်လေးတွေကနေလည်း အကျိုးကျေးဇူးကောင်းတွေ ရရှိသွားကြလိမ့်မယ်လို့ ယုံကြည်ပါတယ်။

နောင်လာမယ့် Thrive Together ရဲ့ Workshop တွေမှာလည်း အတူတကွ ပါဝင်ဆုံစည်းဖို့ ဖိတ်ခေါ်လိုက်ရပါတယ်။

30/07/2026

"သူများကို ကူညီချင်တယ်..."
"သူများတွေကို ပျော်စေချင်တယ်..."
"ချစ်ရတဲ့သူတွေကို စောင့်ရှောက်ချင်တယ်..."

ဒါဟာ သိပ်ကို လှပတဲ့ စေတနာတစ်ခုလို့ ပြောလို့ရပါတယ်။ ကိုယ့်ပတ်ဝန်းကျင် မှောင်နေချိန်မှာ တခြားသူတွေအတွက် အလင်းရောင်လေးတစ်ခု ပေးနိုင်တဲ့ မီးအိမ်လေးတစ်လုံးဖြစ်ချင်ကြတာ သဘာဝပါပဲ။

ဒါပေမဲ့ ခဏလောက် စဉ်းစားကြည့်ဖူးလား...

"ငါ့ရဲ့ မီးအိမ်လေးမှာရော ဆီကျန်သေးရဲ့လား" ဆိုတာကိုပါ။

မီးအိမ်တစ်လုံးဟာ တခြားသူတွေကို အလင်းပေးနိုင်ဖို့အတွက် သူ့မှာ ဆီဖြည့်ထားဖို့ နဲ့ မီးတောက်က လင်းနေဖို့ လိုပါတယ်။ ဆီကုန်ပြီး အမှောင်ကျနေတဲ့ မီးအိမ်တစ်လုံးဟာ ဘယ်သူ့ကိုမှ အလင်းမပေးနိုင်သလို မီးတောက်က အားနည်းနေရင်လည်း ပတ်ဝန်းကျင်ကို ထွန်းလင်းပေးနိုင်မှာ မဟုတ်ပါဘူး။ ကိုယ့်ရဲ့မီးအိမ်လေးက အလင်းရောင်ရှိနေမှ တခြားသူကို အလင်းပေးနိုင်မှာပါ။

ဒါကြောင့် ဒီနေ့ပဲ ကိုယ့်မီးအိမ်‌လေးကို ဆီဖြည့်ပါ။

👉 ငြင်းဆန်သင့်တာကို ငြင်းပါ။

👉 နားနားနေနေ နေပါ။ အလုပ်တွေ၊ တာဝန်တွေကြားမှာ ကိုယ့်ကိုယ်ကိုယ် နားချိန်ပေးဖို့ မမေ့ပါနဲ့။

👉 ကိုယ့်ကိုယ်ကိုယ် ပြန်မေးကြည့်ပါ။
"ဒီနေ့ ငါ့စိတ်လေး အဆင်ပြေရဲ့လား" ဆိုပြီး မကြာခဏ ဂရုစိုက်ကြည့်ပေးပါ။

တခြားသူတွေကို မကူညီခင် ကိုယ့်ကိုယ်ကိုယ် အရင်ဂရုစိုက်‌ပေးပါ။
Self-care ဆိုတာ တစ်ကိုယ်ကောင်းဆန်တာ မဟုတ်ပါဘူး။ ကိုယ့်ကိုယ်ကိုယ်ထက် တခြားသူကို ဦးစားပေးရမယ်ဆိုတဲ့အတွေးနဲ့ ကိုယ့်ကိုယ်ကိုယ် ပစ်ပယ်ထားလိုက်ရင် တစ်နေ့မှာ ကိုယ်တိုင် Burnout ဖြစ်ပြီး စွမ်းအင်တွေ ကုန်ခမ်းသွားပါလိမ့်မယ်။

☘️ ကိုယ်တိုင်စိတ်ချမ်းသာ စိတ်တည်ငြိမ်နေမှ တခြားသူကို နွေးထွေးတဲ့မေတ္တာ ပေးနိုင်မယ်။

☘️ ကိုယ်တိုင်ကြံ့ခိုင်နေမှ တခြားသူ လဲကျချိန်မှာ အားကိုးရာ ပခုံးတစ်ဖက် ဖြစ်ပေးနိုင်မယ်။

☘️ ကိုယ့်ရဲ့ မီးအိမ်လေးထွန်းလင်းနေမှ ပတ်ဝန်းကျင်ရဲ့ အမှောင်ကို ဖြိုခွင်းပေးနိုင်မယ်။

ဒါကြောင့် တခြားသူတွေကိုထွန်းလင်းပေးမယ့် မီးအိမ်လေး မဖြစ်ခင် ဒီနေ့မှာ ကိုယ့်မီးအိမ်လေးကို ပျော်ရွှင်ခြင်းတွေ၊ အနားယူခြင်းတွေနဲ့ အရင်ဆုံး ဆီဖြည့်ပေးလိုက်ပါဦးနော်။

24/07/2026

Thrive Together နဲ့ Yangon School of Social Work တို့ ပူးပေါင်းပြီး နယ်ပယ်ပေါင်းစုံက မတူညီတဲ့ လူငယ်တွေအတွက် "Movie Reflection Workshop" လေးကို ကျင်းပသွားတော့မှာ ဖြစ်ပါတယ်။
အခုတစ်ခေါက်မှာ ဘယ်လို Movie မျိုးကို အတူတူကြည့်ရှုရင်း ရင်ဖွင့်စကားတွေ ပြောကြမလဲဆိုတာကတော့ တကယ့်ကို စိတ်ဝင်စားစရာကောင်းနေမှာပါ။

ဒီ Workshop လေးကို ဘယ်သူတွေ တက်ရောက်သင့်လဲ?
🌿 ကိုယ့်ကိုယ်ကိုယ် အချိန်ပေးဖို့ (Me-Time) လိုအပ်နေသူများ

🎬 အပန်းဖြေ ရုပ်ရှင်ကြည့်ရင်း စိတ်ပိုင်းဆိုင်ရာ ခရီးတိုလေး ထွက်ချင်သူများ

🤍 ရင်ထဲ ပိတ်မိနေတဲ့ ခံစားချက်တွေကို လုံခြုံတဲ့ နေရာလေးတစ်ခုမှာ လွတ်လပ်စွာ ဖွင့်ထုတ်ချင်သူများ

💭 ကိုယ်တိုင် ဖော်ပြရခက်နေတဲ့ စိတ်အခြေအနေကို ရုပ်ရှင်ကတစ်ဆင့် ပြန်လည်ဖော်ထုတ် အဖြေရှာချင်သူတွေ တက်ရောက်သင့်ပါတယ်။

နယ်ပယ်ပေါင်းစုံက မတူညီတဲ့ လူငယ်တွေ တက်ရောက်ကြမှာဖြစ်လို့ နွေးထွေးတဲ့အမြင်တွေကို ဖလှယ်ရင်း ကောင်းမွန်တဲ့ Networking အခွင့်အလမ်းတွေကိုလည်း ရရှိစေမှာမို့ တက်ရောက်ဖို့ တိုက်တွန်းပါရစေနော်။

📅 နေ့ရက်: 1.8.2026 (Saturday)
⏰ အချိန်: 2:00 PM – 4:00 PM
📍 နေရာ: 521 (B), 3rd Floor, Shwe Gone Plaza, Shwe Gone Daing Road, Bahan Township, Yangon

ဒီ Workshop အတွက် သတ်မှတ်ထားတဲ့ Registration Fee မရှိပါဘူး။ ဒါပေမဲ့ လူငယ်တွေအနေနဲ့ "မိမိ တတ်နိုင်သလောက် ပမာဏဖြင့် ပါဝင်အားဖြည့်ခြင်း" ဆိုတဲ့ တန်ဖိုးရှိတဲ့ အလေ့အကျင့်ကောင်းလေးကို အတူတူ ဖော်ဆောင်ချင်တာကြောင့် "Pay What You Can" အစီအစဉ်လေးအဖြစ် ထည့်သွင်းပေးထားပါတယ်။ 💛

ဒီ Workshop လေးကို စိတ်ဝင်စားလို့ တက်ရောက်ချင်တယ်ဆိုရင်တော့ အောက်ပါ Link ကတစ်ဆင့် Form ဖြည့်ပြီး အမြန်ဆုံး စာရင်းပေးသွင်းနိုင်ပါပြီ။ 👇

https://docs.google.com/forms/d/e/1FAIpQLScb9REDPokQYZKMjlCWyozpDttCUMSMOfc_pY736gLM0XuVWQ/viewform?usp=publish-editor

" ရုပ်ရှင်ကြည့်ရင်း စိတ်ပိုင်းဆိုင်ရာခရီးတိုလေးထွက်ကြည့်ရအောင် "

23/07/2026

ကိုယ့်ရဲ့ဖြစ်တည်မှုအစစ်အမှန်ကိုပြန်လည်ရှာဖွေကြည့်ဖို့
ကိုယ့်ရဲ့အတွင်းစိတ်ကိုပြန်လည်ဆန်းစစ်ဖို့
ကိုယ့်ရဲ့ အစိတ်အပိုင်းလေးတွေကို ပြန်လည်စုစည်းဖို့... '' Pieces of Me ” Workshop လေး စတင်ဖို့ ၃ ရက်ပဲ လိုပါတော့တယ်
မိမိကိုယ်ကို အချိန်ပေးပြီး စိတ်ခွန်အား ပြန်လည်ဖြည့်တင်းချင်သူများအတွက် သီးသန့် ပြုလုပ်ပေးထားတဲ့ Workshop လေး ဖြစ်ပါတယ်။
မိမိရဲ့ ဖြစ်တည်မှုကို ပြန်လည်ရှာဖွေမယ့်နေရာလေးမှာ ပါဝင်ဖို့ ဒီနေ့ပဲ စာရင်းသွင်းလိုက်ပါနော်

လူတွေရှေ့မှာ အမြဲအဆင်ပြေနေ‌အောင်နေပေမယ့် အဲနောက်ကွယ်မှာ.......

တိတ်တိတ်လေး ဝှက်ထားရတဲ့ ကြောက်ရွံ့မှုတွေ၊ ဝမ်းနည်းမှုတွေ

အခက်အခဲတွေကြားထဲကနေ အတင်းရင့်ကျက်ပေးခဲ့ရတဲ့ စိတ်အခြေအနေတွေ

အားလုံးကို ခဏလောက် မေ့ပစ်ပြီး အရှိအတိုင်း လွတ်လွတ်လပ်လပ် နေပစ်လိုက်ချင်တဲ့ စိတ်ဆန္ဒတွေ...

ဒါတွေဟာ တကယ်တော့ ကိုယ့်ရဲ့ မတူညီတဲ့ Selves (စိတ်ပုံရိပ်များ) တွေပဲဖြစ်ပါတယ်။ဒီအစိတ်အပိုင်းတစ်ခုခုကို ဖိနှိပ်ထားရတဲ့အခါ ဒါမှမဟုတ် တစ်ခုခုကပဲ အလွန်အမင်း လွှမ်းမိုးနေတဲ့အခါ ကျွန်မတို့ရဲ့ ဖြစ်တည်မှုအစစ်အမှန်တွေ ပျောက်ဆုံးလာတတ်ပါတယ်။

"Pieces of Me" Workshop မှာတော့...
မိမိရဲ့ Selves တွေကို အတူတူ ရှာဖွေရင်း ပတ်ဝန်းကျင်ရဲ့ မျှော်လင့်ချက်တွေကြားထဲမှာ ဘယ်နားမှာ ထားခဲ့မိမှန်းမသိတော့တဲ့ ကိုယ့်ရဲ့ဖြစ်တည်မှုအစစ်အမှန်ကို ပြန်လည်ရှာဖွေကြည့်ကြမှာပါ။

ဘယ်သူ့ရဲ့ ဝေဖန်မှုမှမရှိတဲ့၊ စိတ်လုံခြုံမှုအပြည့်ရှိတဲ့ နေရာလေး တစ်ခုမှာ ကိုယ့်ရဲ့ အတွင်းစိတ်ကို ပြန်လည်ဆန်းစစ် ရှာဖွေကြည့်ဖို့ ဖိတ်ခေါ်အပ်ပါတယ်။

ရက်စွဲ။ 26.7.2026 (Sunday)
အချိန် 1:00 pm - 3:00 pm
နေရာ ၂၁၈ (A)၊ ဓမ္မသုခကျောင်းလမ်း၊ လှိုင်မြို့နယ် (သံလမ်းမှတ်တိုင်အနီး)

ပါဝင်သူဦးရေ ကန့်သတ်ထားပါသဖြင့် အောက်ပါ Link တွင် စာရင်းသွင်းပေးပါရန်
https://docs.google.com/forms/d/e/1FAIpQLSfvd3_6y0NgQ9UPovHLi5yEUZcxlz6ZcADRDfcjNkJXVNHdPQ/viewform?usp=publish-editor

ယခု Workshop အတွက် အခကြေးငွေ သတ်မှတ်ထားခြင်းမရှိပါ။ သို့သော် အမှန်တကယ် တက်ရောက်နိုင်မည့်သူများအတွက် နေရာလစ်ဟင်းမှုမဖြစ်စေရန် ကတိကဝတ် (Commitment Fee) အနေဖြင့် ၁၀,၀၀၀ ကျပ် ကောက်ခံသွားပါမည်။

🎁 Special Program (အထူးအစီအစဉ်)

Workshop တက်ရောက်လာသူများထဲမှ မိမိတို့ရဲ့ စိတ်ပိုင်းဆိုင်ရာ အခက်အခဲများကို သီးသန့်ဆွေးနွေးတိုင်ပင်ချင်သူများအတွက် Workshop အပြီးတွင် Counselor များမှ မိနစ် (၃၀) စီ အခမဲ့ (Walk-in Free Consultation) ဆွေးနွေးပေးသွားမည့် အစီအစဉ်လည်း ပါဝင်ပါသည်။

22/07/2026

မင်္ဂလာပါ။ Thrive Together ကနေ လစဉ် Mental well-being နဲ့ ပတ်သက်တဲ့ consultation session ကို အခမဲ့ဝန်ဆောင် မှုပေးနေပါတယ်ဆိုတာကို သတင်းစကားပါးချင်လို့ပါ။

Consultation ဆိုတာက Client ပြောပြတဲ့ စိတ်ခံစားချက်တွေ၊ပြသာနာ‌တွေ ပေါ်မူတည်ပြီး

ကိုယ့်ရဲ့စိတ်ကျန်းမာရေးဟာ ဘယ်အခြေအနေဖြစ်နေပြီလဲ? ဘာတွေဆက်လုပ်ရမလဲ? ဆိုတာကို လမ်းညွှန်ပေးတာ ဖြစ်ပါတယ်။

Client ရဲ့ စိတ်ကျန်းမာရေး ပြဿနာတွေ၊ ခံစားချက်တွေ၊ စိတ်ဖိစီးမှုတွေကို တစ်ထိုင် တည်းပျောက်သွားအောင် ဆွေးနွေး‌‌ပေးတာမျိုး မဟုတ်ပါဘူး။

ဒါကြောင့် ကိုယ်ဘာဖြစ်နေလဲ? Counselling လိုအပ်တဲ့ အခြေအနေရောက်နေပြီလား? ဆိုတာကိုသေချာသိချင်တယ်ဆိုရင်တော့ Thrive Together ကနေ စိတ်ကျန်းမာရေးနဲ့ပတ်သက်ပြီးပြုလုပ်ပေးနေတဲ့ free consultation session မှာ အကြံရယူနိုင်ပါတယ်။

ဆွေးနွေးမှုအတွက် (၁)ဦး ကို မိနစ် (၃၀)စာ အခမဲ့ဝန်ဆောင်မှုရယူလို့ရပါပြီ။

16/07/2026

လူတွေရှေ့မှာ အမြဲအဆင်ပြေနေ‌အောင်နေပေမယ့် အဲနောက်ကွယ်မှာ.......

တိတ်တိတ်လေး ဝှက်ထားရတဲ့ ကြောက်ရွံ့မှုတွေ၊ ဝမ်းနည်းမှုတွေ

အခက်အခဲတွေကြားထဲကနေ အတင်းရင့်ကျက်ပေးခဲ့ရတဲ့ စိတ်အခြေအနေတွေ

အားလုံးကို ခဏလောက် မေ့ပစ်ပြီး အရှိအတိုင်း လွတ်လွတ်လပ်လပ် နေပစ်လိုက်ချင်တဲ့ စိတ်ဆန္ဒတွေ...

ဒါတွေဟာ တကယ်တော့ ကိုယ့်ရဲ့ မတူညီတဲ့ Selves (စိတ်ပုံရိပ်များ) တွေပဲဖြစ်ပါတယ်။ဒီအစိတ်အပိုင်းတစ်ခုခုကို ဖိနှိပ်ထားရတဲ့အခါ ဒါမှမဟုတ် တစ်ခုခုကပဲ အလွန်အမင်း လွှမ်းမိုးနေတဲ့အခါ ကျွန်မတို့ရဲ့ ဖြစ်တည်မှုအစစ်အမှန်တွေ ပျောက်ဆုံးလာတတ်ပါတယ်။

"Pieces of Me" Workshop မှာတော့...
မိမိရဲ့ Selves တွေကို အတူတူ ရှာဖွေရင်း ပတ်ဝန်းကျင်ရဲ့ မျှော်လင့်ချက်တွေကြားထဲမှာ ဘယ်နားမှာ ထားခဲ့မိမှန်းမသိတော့တဲ့ ကိုယ့်ရဲ့ဖြစ်တည်မှုအစစ်အမှန်ကို ပြန်လည်ရှာဖွေကြည့်ကြမှာပါ။

ဘယ်သူ့ရဲ့ ဝေဖန်မှုမှမရှိတဲ့၊ စိတ်လုံခြုံမှုအပြည့်ရှိတဲ့ နေရာလေး တစ်ခုမှာ ကိုယ့်ရဲ့ အတွင်းစိတ်ကို ပြန်လည်ဆန်းစစ် ရှာဖွေကြည့်ဖို့ ဖိတ်ခေါ်အပ်ပါတယ်။

ရက်စွဲ။ 26.7.2026 (Sunday)
အချိန် 1:00 pm - 3:00 pm
နေရာ ၂၁၈ (A)၊ ဓမ္မသုခကျောင်းလမ်း၊ လှိုင်မြို့နယ် (သံလမ်းမှတ်တိုင်အနီး)

ပါဝင်သူဦးရေ ကန့်သတ်ထားပါသဖြင့် အောက်ပါ Link တွင် စာရင်းသွင်းပေးပါရန်
https://docs.google.com/forms/d/e/1FAIpQLSfvd3_6y0NgQ9UPovHLi5yEUZcxlz6ZcADRDfcjNkJXVNHdPQ/viewform?usp=publish-editor

ယခု Workshop အတွက် အခကြေးငွေ သတ်မှတ်ထားခြင်းမရှိပါ။ သို့သော် အမှန်တကယ် တက်ရောက်နိုင်မည့်သူများအတွက် နေရာလစ်ဟင်းမှုမဖြစ်စေရန် ကတိကဝတ် (Commitment Fee) အနေဖြင့် ၁၀,၀၀၀ ကျပ် ကောက်ခံသွားပါမည်။

🎁 Special Program (အထူးအစီအစဉ်)

Workshop တက်ရောက်လာသူများထဲမှ မိမိတို့ရဲ့ စိတ်ပိုင်းဆိုင်ရာ အခက်အခဲများကို သီးသန့်ဆွေးနွေးတိုင်ပင်ချင်သူများအတွက် Workshop အပြီးတွင် Counselor များမှ မိနစ် (၃၀) စီ အခမဲ့ (Walk-in Free Consultation) ဆွေးနွေးပေးသွားမည့် အစီအစဉ်လည်း ပါဝင်ပါသည်။

13/07/2026

ကိုယ့်ရဲ့ စိတ်ပိုင်းဆိုင်ရာ၊ကိုယ့်အ‌ကြောင်းတွေ ကို ယုံကြည်ပြီး ပြောပြရမယ့်သူဟာ တကယ်ကော အရည်အချင်း ပြည့်မီရဲ့လား?

ဒါဟာ စိတ်ကျန်းမာရေး ဝန်ဆောင်မှုတစ်ခုခုကို ရယူတော့မယ်ဆိုရင် လူတိုင်းတွေးမိတတ်တဲ့ မေးခွန်းတစ်ခုပါ။ ကျွန်မတို့ Thrive Together အနေနဲ့ Client တွေရဲ့ ယုံကြည်မှုကို အလေးထားတဲ့အတွက် ကျွန်မတို့ရဲ့ Counsellor တွေအားလုံးဟာ Professional Counsellor Pathway လို့ခေါ်တဲ့ စနစ်တကျ လေ့လာသင်ယူမှု လမ်းကြောင်းအတိုင်း လျှောက်လှမ်း‌နေကြပါတယ်။

Professional Counsellor Pathway ဆိုတာ
မြန်မာနိုင်ငံက Counsellor တွေအတွက် လေ့လာသင်ယူမှု နဲ့ လက်တွေ့ အသုံးချမှုအတွေ့အကြုံ အပေါ် မူတည်ပြီး အရည်အချင်းနဲ့ အသိအမှတ်ပြုအဆင့်အတန်းကို တိတိကျကျ သတ်မှတ်ပေးတဲ့‌ နေရာတစ်ခု ဖြစ်ပါတယ်။

Professional Counsellor Pathway member တွေဟာ Trainings တွေ ၊ Clinical Hours တွေ၊ Ongoing Professional Development Points နဲ့ Supervision နာရီတွေကို သက်သေပြရပြီး ဒါတွေကိုလည်း yearly review လုပ်ကြရပါတယ်။

ကျွန်မတို့ Center ရှိ Counsellor များဟာ လက်ရှိမှာလည်း အပတ်စဉ် ပုံမှန် Supervision (ကျွမ်းကျင်သူများရဲ့ စောင့်ကြည့်လမ်းညွှန်မှု) ကို ခံယူနေကြသူများလည်း ဖြစ်သလို Counsellor တစ်ဦးချင်းစီက မိမိတို့ ကျွမ်းကျင်တတ်မြောက်ထားတဲ့နယ်ပယ် အတိုင်းအတာအတွင်းမှာပဲ ကူညီပံ့ပိုးပေးတာကြောင့် ထိခိုက်စေမှုမရှိဘဲ စိတ်ချလုံခြုံမှုကို ပေးနိုင်ပါတယ်။
Counselling Corner Myanmar မှတစ်ဆင့် ACA (Global Engagement Program) နှင့် International Association for Counselling ကဲ့သို့သော နိုင်ငံတကာအဖွဲ့အစည်းများရဲ့ အသိအမှတ်ပြုမှု စံနှုန်းတွေအောက်မှာ ရပ်တည်နေတာ ဖြစ်ပါတယ်။

ဒါကြောင့်မို့လို့ စိတ်ပင်ပန်းနွမ်းနယ်ပြီး အားကိုးရာတစ်ခု လိုအပ်လာတဲ့အခါ... ကျွန်မတို့ Thrive Together ရဲ့ စနစ်တကျ လေ့ကျင့်ထားတဲ့ Counsellor တွေဆီမှာ စိတ်ချလက်ချနဲ့ ရင်ဖွင့်တိုင်ပင်နိုင်ပါတယ်ရှင်။

06/07/2026

Counselling အခန်းထဲမှာ Counsellor နဲ့ Client ကြား တည်ဆောက်ရတဲ့ ဆက်ဆံရေးကို Therapeutic Relationship လို့ ခေါ်ပါတယ်။ ဒါဟာ အပြင်ဘဝက သူငယ်ချင်းတွေ၊ မိသားစုတွေနဲ့ ရှိတဲ့ ပတ်သက်မှုမျိုးနဲ့လည်း လုံးဝမတူပါဘူး။ ဒီဆက်ဆံရေးရဲ့ ထူးခြားမှုတွေက—

သူငယ်ချင်းအချင်းချင်း ရင်ဖွင့်တဲ့အခါ " အားနာစရာကြီး၊ ငါ့အကြောင်းတွေချည်းပဲ ပြောနေမိတယ်" ဆိုတဲ့ စိတ်မျိုး ဝင်တတ်ပါတယ်။ ဒါပေမယ့် Counselling ခန်းထဲမှာတော့ ဒီအချိန်ဟာ Client အတွက်ပဲ သီးသန့် ဖြစ်ပါတယ်။ ကိုယ့်အကြောင်းတွေကို ပွင့်လင်းစွာ‌ေပြာပြနိုင်ပြီး ကိုယ့် လျှို့ဝှက်ချက်တွေကို အပြင်ကို ဘယ်တော့မှ ပေါက်ကြားမှာမဟုတ်ဘူးဆိုတဲ့ စိတ်ချရမှု (Confidentiality) အပြည့် ရှိနေတဲ့ ဆက်ဆံရေးမျိုး ဖြစ်ပါတယ်။

လူမှုပတ်ဝန်းကျင်မှာ ကိုယ့်ရဲ့ အမှားတွေ၊ အားနည်းချက်တွေကို ပြလိုက်ရင် အကဲဖြတ်ခံရမှာ ၊Judge လုပ်ခံရမှာ ကို ကြောက်ရတတ်ပါတယ်။ ဒီဆက်ဆံရေးမှာတော့ ကိုယ်ဘယ်လောက်ပဲ မှားခဲ့၊ ဘယ်လို အတွေးဆိုးတွေပဲ ရှိခဲ့ Counsellor က အပြစ်မတင်ဘဲ ကိုယ့်ကို လူသားတစ်ယောက်အနေနဲ့ (Unconditional Positive Regard) အနေနဲ့ လက်ခံပေးထားမှာ ဖြစ်ပါတယ်။

ပြီးတော့ ဒီဆက်ဆံရေးက ဒီအတိုင်း စကားတွေပြော အချိန်ဖြုန်းရုံ သက်သက် မဟုတ်ပါဘူး။ ကိုယ့်ရဲ့ စိတ်ဒဏ်ရာတွေ သက်သာဖို့၊ ကိုယ့်ဘဝရဲ့ ရှုပ်ထွေးမှုတွေကို ရှင်းလင်းဖို့ ဆိုတဲ့ တိကျတဲ့ ရည်ရွယ်ချက်တစ်ခုဆီကို ဦးတည်ပြီး နှစ်ယောက် အတူတူ လက်တွဲပြီး လမ်းလျှောက်ကြတဲ့ ပူးပေါင်းဆောင်ရွက်မှု (Collaboration) တစ်ခုလည်း ဖြစ်ပါတယ်။

Therapeutic Relationship ရဲ့ အလှပဆုံး အပိုင်းကတော့ အဆုံးသတ်မှာ Client အနေနဲ့ Counsellor မရှိရင် မဖြစ်ဘူးဆိုတဲ့ မှီခိုစိတ်မျိုး မကျန်ခဲ့စေတာပါပဲ။ ဆွေးနွေးမှုတွေ ပြီးသွားတဲ့အခါ ကိုယ့်ဘဝကို ကိုယ့်ခြေထောက်ပေါ် ပြန်ရပ်တည်နိုင်ပြီး၊ နောက်နောင် ကြုံလာမယ့် အခက်အခဲတွေကိုပါ ကိုယ့်ဘာသာ ရင်ဆိုင်ကျော်ဖြတ်နိုင်တဲ့ စွမ်းအင်မျိုး ရသွားအောင် တည်ဆောက်ပေးတာ ဖြစ်ပါတယ်။

Counselling ဆိုတာ တကယ်တော့ အဖြေတစ်ခုကို အလွယ်တကူ ရယူလိုက်ရတာမျိုး မဟုတ်ဘဲ စိတ်ချရတဲ့ လူတစ်ယောက်နဲ့အတူ ကိုယ့်ရဲ့ အတွင်းစိတ်ကို ပြန်လည်ရှာဖွေ တည်ဆောက်ရတဲ့ ခရီးစဉ်တစ်ခု ဖြစ်ပါတယ်။

02/07/2026

Counselling ယူတဲ့အခါ အများစုက "ကျွန်မ ဘာဆက်လုပ်သင့်လဲ လမ်းညွှန်ပေးပါ" ဒါမှမဟုတ် "ကျွန်တော့် ပြဿနာကို ဘယ်လိုဖြေရှင်းရမလဲ အဖြေပေးပါ" ဆိုပြီး မျှော်လင့်ချက်အပြည့်နဲ့ ရောက်လာတတ်ကြပါတယ်။ ဒါဟာ Counselling နဲ့ ပတ်သပ်ပြီး အဖြစ်တတ်ဆုံး အယူအဆအမှားတစ်ခုပဲ ဖြစ်ပါတယ်။

တကယ်တော့ Counsellor ဆိုတာ ကိုယ့်ဘဝကို ဘယ်လိုဖြတ်သန်းရမယ်ဆိုပြီး လမ်းညွှန်ပေးမယ့်သူ မဟုတ်သလို၊ ပြဿနာတွေကို ချက်ချင်းပျောက်သွားအောင် လုပ်ပေးနိုင်တဲ့သူ လည်း မဟုတ်ပါဘူး။

ဒါဆို Counsellor က ဘာလုပ်ပေးတာလဲ?

Counsellor နဲ့ Client ကြားက ဆက်ဆံရေးကို "Therapeutic Relationship"လို့ ခေါ်ပါတယ်။ ဒီဆက်ဆံရေးက သာမန် သူငယ်ချင်းအချင်း ရင်ဖွင့်တာမျိုးနဲ့ လုံးဝမတူပါဘူး။

ဘဝမှာ ဘယ်သူ့ကိုမှ ဖွင့်မပြောရဲတဲ့ အတွေးတွေ၊ အမှားတွေကို ပြောလိုက်ရင်တောင် "ငါ့ကို ရှုတ်ချမလား၊ အပြစ်တင်မလား" ဆိုတဲ့ စိုးရိမ်စိတ် ကင်းကင်းနဲ့ ရင်ဖွင့်နိုင်တဲ့ တစ်ခုတည်းသော နေရာဖြစ်အောင် ဖန်တီးပေးတာဖြစ်သလို အကဲမဖြတ်ခြင်းနဲ့ နားထောင်ပေးတာပါ။

ကိုယ့် ပြဿနာအတွက် အကောင်းဆုံးအဖြေက ကိုယ့်ဆီမှာပဲ ရှိပါတယ်။ ဒါပေမယ့် စိတ်ရှုပ်ထွေးနေချိန်မှာ အဲဒီအဖြေကို မမြင်ရတတ်လို့ ဘေးကနေ မီးအိမ်လေးကိုင်ပြီး အတူတူ လိုက်ရှာပေးတဲ့ အဖော်တစ်ယောက်လိုပဲ ဖြစ်ပါတယ်။

ဆွေးနွေးမှုတွေ ပြီးသွားတဲ့အခါ Counsellor အပေါ် အမြဲမှီခိုမနေဘဲ နောက်နောင် ကြုံလာမယ့် ဘဝရဲ့ အခက်အခဲတွေကို ကိုယ့်ဘာသာ ရင်ဆိုင်ကျော်ဖြတ်နိုင်မယ့် အင်အားမျိုး ရသွားအောင် ပံ့ပိုးပေးတာ ဖြစ်ပါတယ်။

Counselling ဆိုတာ Counsellor တစ်ယောက် တည်းကပဲ ပေးလို့ရတဲ့အရာ မဟုတ်ဘဲ နှစ်ဦးနှစ်ဖက် ယုံကြည်မှုနဲ့ တည်ဆောက်ရတဲ့ ပူးပေါင်းဆောင်ရွက်မှု တစ်ခုပါ။

ဒါကြောင့် ကိုယ့်ဘဝရဲ့ အမှောင်ဆုံး အခိုက်အတန့်တွေမှာ အကဲဖြတ်ခံရမှာကို မကြောက်ဘဲ ကိုယ့်ကိုယ်ကိုယ် ပြန်လည်ကုစားဖို့ အဖော်တစ်ယောက် လိုအပ်တယ်ဆိုရင် Counselling တံခါးကို ရဲရဲ ခေါက်ကြည့်ပါလို့ ပြောပါရစေရှင်။