Sakura Hospital

Sakura Hospital Sakura hospital, one of the most historic private hospitals in Myanmar, was opened since 1st Jan,1998 We can also arrange for specialists on call service.

Sakura hospital, one of the most historic private hospitals in Myanmar, was opened since 1st January 1998. Our hospital is the 10th storey building with underground basement that can accommodate over 100 beds for our admission customers. The building is located at No.23, Shin Saw Pu Road, Sanchaung Township, Yangon. From 2009 March, Sakura hospital is being run by the new owner. Starting from 2009

, we have been upgrading and investing both materials and personnel to reach international level. We are providing multidisciplinary medical care services not only with modern day medical technologies and equipments but also with excellent and prompt treatments. We always take care of our customers with well-experienced and trained medical doctors, nurses and also with expert professional staffs in every respective department. We always focus on our customers’ well-being and delightfulness.

ခါးနာခြင်းဟာ လူတော်တော်များများခံစားရလေ့ရှိတဲ့ ကျန်းမာရေးပြဿနာတွေထဲက တစ်ခုဖြစ်ပါတယ်။ အချို့လူတွေမှာ အချိန်ကြာကြာထိုင်ရခြ...
30/05/2026

ခါးနာခြင်းဟာ လူတော်တော်များများခံစားရလေ့ရှိတဲ့ ကျန်းမာရေးပြဿနာတွေထဲက တစ်ခုဖြစ်ပါတယ်။ အချို့လူတွေမှာ အချိန်ကြာကြာထိုင်ရခြင်း၊ အလေးအပင်မခြင်း သို့မဟုတ် အလုပ်ပင်ပန်းခြင်းကြောင့် ခဏတာခါးနာတတ်ပြီး အနားယူလိုက်တဲ့အခါ သက်သာသွားတတ်ပါတယ် ☘️

ဒါပေမယ့် “ခါးနာတာပဲ၊ အနားယူလိုက်ရင်ပဲ ကောင်းသွားမယ်” လို့ အမြဲယူဆထားရင်တော့ မှားသွားမှာပါ။ အချို့ခါးနာမှုတွေဟာ ကြွက်သားတင်းတာ၊ ညောင်းညာတာကြောင့်ဖြစ်လို့ အနားယူလိုက်ရင်သက်သာသွားနိုင် ပေမဲ့ အချို့အခြေအနေတွေမှာတော့ အာရုံကြော၊ ကျောရိုး သို့မဟုတ် အခြားရောဂါတစ်ခုခုကြောင့် ဖြစ်နေနိုင်တဲ့အတွက် ဂရုစိုက်သင့်ပါတယ် ❗️

ဘာကြောင့် ခါးနာရသလဲ?
ခါးနာခြင်းဖြစ်စေတဲ့ အကြောင်းအရင်းတွေ များစွာရှိပြီး များသောအားဖြင့် အောက်ပါအကြောင်းအရင်းတွေ ကြောင့်ဖြစ်နိုင်ပါတယ်

👉🏼 အချိန်ကြာကြာထိုင်ခြင်း

👉🏼 ထိုင်သည့် ကိုယ်နေဟန်ထားမမှန်ခြင်း

👉🏼 အလေးအပင်မမှန်ကန်စွာမခြင်း

👉🏼 ကြွက်သားနှင့် အရွတ်တင်းခြင်း

👉🏼 ကျောရိုးဆစ်အကြားအပြား (disc) ပြဿနာများ

👉🏼 အာရုံကြောဖိမိခြင်း

👉🏼 အသက်အရွယ်ကြောင့် ကျောရိုးဆစ်များ ယိုယွင်းလာခြင်း
စတဲ့အကြောင်းအရင်းတွေကြောင့် ဖြစ်နိုင်ပါတယ်။

အနားယူတာက အမြဲအကောင်းဆုံးနည်းလား?
ခါးနာတဲ့အခါ ခဏတာအနားယူခြင်းက သက်သာစေနိုင်ပေမယ့် အချိန်ကြာကြာ လှုပ်ရှားမှုမလုပ်ဘဲ အိပ်ယာထဲပဲလှဲနေတာကတော့ မကောင်းပါဘူး။ အကြောင်းရင်းကတော့ ကိုယ်လက်လှုပ်ရှားမှုလုံးဝမရှိတော့တဲ့ အခါမှာ ကြွက်သားတွေ ပိုအားနည်းသွားနိုင်ပြီး ခါးနာမှု ပိုကြာရှည်သွားနိုင်ပါတယ်။ ဒါကြောင့် အများအားဖြင့် ပေါ့ပါးတဲ့နေ့စဉ်လှုပ်ရှားမှုတွေကို တဖြည်းဖြည်း ပြန်လုပ်ပေးတာက ပိုအကျိုးရှိတတ်ပါတယ် ✅

ဘယ်လိုအခြေအနေတွေဆို မပေါ့ဆသင့်ဘူးလဲ?
အောက်ပါလက္ခဏာတွေရှိရင်တော့ ခါးနာတာကို အနားယူရုံနဲ့ မထားဘဲ ဆရာဝန်နှင့် ပြသစစ်ဆေးဖို့ လိုအပ်ပါပြီ

⚠️ ခါးနာမှု ၂ ပတ်မှ ၄ ပတ်အထိ မသက်သာခြင်း

⚠️ ခြေထောက်ထိ ထုံခြင်း၊ စူးခြင်း သို့မဟုတ် နာကျင်ခြင်း

⚠️ လမ်းလျှောက်ရခက်ခြင်း

⚠️ ဆီး/ဝမ်းထိန်းရခက်ခြင်း

⚠️ ဖျားခြင်း သို့မဟုတ် ကိုယ်အလေးချိန်ကျခြင်းနှင့် တွဲဖြစ်ခြင်း

⚠️ ထိခိုက်ဒဏ်ရာရပြီးနောက် ခါးနာခြင်း

ဒီလိုအခြေအနေတွေက ကျောရိုးဆစ်၊ အာရုံကြော သို့မဟုတ် အခြားရောဂါအခြေအနေတွေနဲ့ ဆက်စပ်နေနိုင်တာကြောင့် အရိုးအကြောဆိုင်ရာဆရာဝန်ကြီးတွေနဲ့ အမြန်ဆုံးပြသပြီး လိုအပ်တဲ့စစ်ဆေးမှု၊ ကုသမှုတွေ ခံယူဖို့အရေးကြီးပါတယ် ❗️

ခါးနာခြင်းကို ဘယ်လိုကာကွယ်နိုင်မလဲ?
ခါးနာခြင်းက နေ့စဥ်သွားလာလှုပ်ရှားမှုကို အများကြီးအနှောင့်အယှက်ပေးနိုင်တဲ့အတွက် မဖြစ်ခင်တည်းက ကြိုတင်ကာကွယ်တာအကောင်းဆုံး ဖြစ်ပါတယ်။ ဒါ့ကြောင့်ခါးနာဝေဒနာမခံစားရစေဖို့ အောက်ပါအချက်တွေ ကိုလိုက်နာသင့်ပါတယ် ⬇️

💜 ထိုင်နေချိန် ကိုယ်နေဟန်ထားမှန်အောင် ဂရုစိုက်ပါ

💜 အချိန်ကြာကြာ မထိုင်ဘဲ ခဏခဏထလှုပ်ရှားပါ

💜 ကိုယ်လက်လှုပ်ရှားမှု ပုံမှန်လုပ်ပါ

💜 ခါးနှင့် ဗိုက်ကြွက်သားများ သန်မာစေသော လေ့ကျင့်ခန်းများ ပြုလုပ်ပါ

💜 အလေးအပင်မချိန် မှန်ကန်သောပုံစံဖြင့် မပါ

💜 ကိုယ်အလေးချိန် ထိန်းညှိပါ

=======================================================
“သင့်မိသားစုကျန်းမာရေးအတွက် စိတ်ချရသည်မှာ ဆာကူရာ”
🏥 Address: No (21/23), Shin Saw Pu Road, Sanchaung Township, Yangon
🗺️ Maps: https://maps.app.goo.gl/AgzDWSyExj77hvKWA
☎️ Phone: 01 7512668/69 (Hotline), 09424405952/53, 09 965121864/65
✉️ Mail: [email protected]
🖥️ Website: sakurahospital.com.mm
-health


✨☂Monsoon Special Medical Check-up Promotion ☂✨အေးမြတဲ့ မိုးစက်လေးတွေနဲ့အတူ ဆာကူရာဆေးရုံကြီးရဲ့ Monsoon Special Promotio...
27/05/2026

✨☂Monsoon Special Medical Check-up Promotion ☂✨

အေးမြတဲ့ မိုးစက်လေးတွေနဲ့အတူ ဆာကူရာဆေးရုံကြီးရဲ့ Monsoon Special Promotion ကြီး ရောက်ရှိလာပါပြီနော် 🎉🎉

🌸နှစ်စဉ် ပုံမှန်ကျန်းမာရေးစစ်ဆေးမှုကြောင့် အန္တရာယ်ရှိပြီးအဖြစ်များသော ရောဂါများ၊ နာတာရှည်ရောဂါများနှင့် လက္ခဏာမပြတတ်သော ရောဂါများကို စောစောစီးစီးရှာဖွေတွေ့ရှိပြီး လိုအပ်တဲ့ဆေးကုသမှုကို အချိန်မီရရှိနိုင်မှာ ဖြစ်ပါတယ်

Monsoon Special Promotion အနေနဲ့ မိဘပြည်သူများအတွက် ကျန်းမာရေးစစ်ဆေးမှု အစီအစဉ်များကို ဇွန်လ ၁ ရက်နေ့မှ ဇွန်လ ၃၀ ရက်နေ့အထိ Up to 30% အထိအထူးစျေးနှုန်းများနဲ့ စစ်ဆေးနိုင်မှာမို့ လာရောက်စစ်ဆေးကြဖို့ ဖိိတ်ခေါ်လိုက်ပါတယ်ရှင့် 🪅🪅

ဆာကူရာဆေးရုံကြီးရဲ့ မိုးရာသီအထူးအစီအစဉ်မှာ ရွေးချယ်စစ်ဆေးနိုင်မဲ့ ကျန်းမာရေးစစ်ဆေးမှုအစီအစဉ် များကတော့

✅အခြေခံကျန်းမာရေးစစ်ဆေးမှုများပါဝင်တဲ့ Basic Package 👍

✅အသက် ၄၀ အောက်လူငယ်နှင့်လူလတ်ပိုင်းများအတွက်သင့်တော်တဲ့ Gold Package 🟡

✅အသက် ၄၀ အထက်လူကြီးပိုင်းများ စစ်ဆေးသင့်တဲ့ Diamond Package 💎

✅အသက် ၄၅ နှစ်အထက်ရှိသူများ၊ မျိုးရိုးထဲမှာ ကင်ဆာရောဂါဖြစ်ပွားဖူးသူများ စစ်ဆေးသင့်တဲ့ Cancer Package များ ⚠

✅ဆီးချိုသွေးချိုရောဂါကို အချိန်မှီစစ်ဆေးသိရှိပြီးကုသမှုခံယူနိုင်စေဖို့အတွက် Diabetes Package 🩸

✅ အသည်းကျန်းမာရေးနဲ့ပတ်သက်ပြီး လိုအပ်တာတွေစစ်ဆေးသိရှိနိုင်ဖို့အတွက် Liver Package 🔍

✅နှလုံးသွေးကြောကျဉ်းခြင်းနဲ့ နှလုံးပြဿနာအမျိုးမျိုးအတွက် Ordinary Cardiac Package/ Executive Cardiac Package ❤

✅အလုပ်မဝင်ခင် ကျန်းမာရေးအကြိုစစ်ဆေးလိုသူများအတွက် Pre-employment Package 👨💼

✅လက်ထပ်ခါနီး ဇနီးမောင်နှံများအတွက် 💑 Pre-marital Package

စတဲ့ကျန်းမာရေးစစ်ဆေးမှုတွေ စုံစုံလင်လင်ပါဝင်မှာဖြစ်ပါတယ်ရှင့်

ကျန်းမာရေးစစ်ဆေးလိုသော လူကြီးမင်းများအနေဖြင့် ဆာကူရာဆေးရုံ၊ Wellness Centre သို့ နေ့စဉ် ပိတ်ရက်မရှိ မနက် ၈ နာရီခွဲမှ ညနေ ၄ နာရီခွဲအတွင်းလာရောက်စစ်ဆေးနိုင်ပါတယ်ရှင့်။ ဝန်ဆောင်မှုပိုမိုအဆင်ပြေချောမွေ့စေရန်အတွက် 09-793437200 သို့တစ်ရက်ကြိုတင်ဆက်သွယ်ပြီး ဘိုကင်တင်ပေးဖို့ မေတ္တာရပ်ခံလိုပါတယ်ရှင့် 🤗

(ကျန်းမာရေးစစ်ဆေးမှု အစီအစဉ်တစ်မျိုးခြင်း၏ဈေးနှုန်းနှင့် ပါဝင်သော အသေးစိတ်အချက်အလက်များကို comment တွင် ကြည့်ရှုလေ့လာနိုင်ပါတယ်ရှင့်👇)
--------------------------------------------------------------------------------------------
“သင့်မိသားစု ကျန်းမာရေးအတွက် စိတ်ချရသည်မှာ ဆာကူရာ”
⏰Sakura Hospital, Wellness Centre - နေ့စဉ် မနက် ၈:၃၀ နာရီ မှ ညနေ ၄:၀၀ နာရီ
☎ဆက်သွယ်ရန် - 09 793437200
🏥လိပ်စာ - အမှတ် ၂၁/၂၃၊ ရှင်စောပုလမ်း၊ စမ်းချောင်း၊ ရန်ကုန်မြို့

သွေးကြောထဲမှာစီးဆင်းနေတဲ့သွေးတွေ သွေးကြောနံရံတွေအပေါ်သက်ရောက်နေတဲ့ဖိအားကိုသွေးပေါင်ချိန်လို့ခေါ်ပါတယ်။ သွေးပေါင်ချိန်ပုံ...
23/05/2026

သွေးကြောထဲမှာစီးဆင်းနေတဲ့သွေးတွေ သွေးကြောနံရံတွေအပေါ်သက်ရောက်နေတဲ့ဖိအားကိုသွေးပေါင်ချိန်လို့ခေါ်ပါတယ်။ သွေးပေါင်ချိန်ပုံမှန်ထက်များနေခြင်းက သွေးကြောနံရံတွေပျက်စီးစေပြီး ကိုယ်တွင်းကလီစာတွေကိုပါ ဖြည်းဖြည်းချင်းယိုယွင်းစေနိုင်တဲ့အတွက် အန္တရာယ်အရမ်များတဲ့ ကျန်းမာရေး ပြဿနာတစ်ခုဖြစ်ပါတယ်။ ဒါ့ကြောင့် ကိုယ့်ရဲ့သွေးပေါင်ချိန်ပုံမှန်ပမာဏအတွင်းရှိ မရှိကို မှန်မှန်တိုင်းတာပေး သင့်ပါတယ်။ တိုးတက်လာတဲ့နည်းပညာကြောင့် ကိုယ့်အိမ်မှာတင်မိနစ်ပိုင်းအတွင်းသွေးပေါင်ချိန် တိုင်းတာပေး နိုင်တဲ့စက်တွေပေါ်လာပါပြီ။ မှန်ကန်တဲ့သွေးပေါင်ချိန်အဖြေရရှိအောင် သွေးပေါင်ချိန်တိုင်းတာတဲ့အခါမှာ သိထားရမဲ့အချက်လေးတွေ ပြောပြပေးပ့ါမယ် 💜💜

✅ ပြင်ဆင်ပါ
သွေးပေါင်ချိန်မတိုင်းခင် မိနစ် ၃၀ လောက်အလိုတည်းက ဆေးလိပ်သောက်ခြင်း၊ အရက်သောက် ခြင်း၊ ကော်ဖီလိုကဖိန်းဓာတ်ပါတဲ့သောက်စရာများသောက်သုံးခြင်း၊ လေ့ကျင့်ခန်းလုပ်ခြင်း၊ ရေချိုးခြင်း စတာတွေမပြုလုပ်ပါနဲ့။ မတိုင်းခင် ၅ မိနစ်အလိုမှာ အပေါ့အပါးသွားစရာရှိတာသွားပြီး ထိုင်ခုံမှာသက်တောင့် သက်သာထိုင်နေပါ

✅ အနေအထားမှန်မှန်ထိုင်ပါ
နောက်မှီပါထိုင်ခုံမှာ နောက်ကျောမတ်မတ် ထိုင်ပါ။ ခြေထောက်ချိတ်မထိုင်ပါနဲ့။ ခြေဖဝါး ၂ ဖက်ကိုလည်းကြမ်းပြင်မှာချထားပါ။ သွေးပေါင်ချိန်တိုင်းမဲ့လက်ကို နှလုံးအမြင့်လောက်မှာထားပါ။ လက်ကိုစားပွဲပေါ်တင်ပြီးတိုင်းလို့လည်းရပါတယ်။ သွေးပေါင်ချိန်လက်ပတ်ကို တံတောင်ဆစ်အပေါ် ၁လက်မ (ဒါမှမဟုတ်) ၂လက်မ လောက်မှာပတ်ပြီးတိုင်းတာရပါမယ်

✅ အချိန်မှန်မှန်တိုင်းပါ
တိုင်းတာရရှိတဲ့သွေးပေါင်ချိန်အဖြေတွေကို နှိုင်းယှဉ်ကြည့်ဖို့လိုအပ်ပါတယ်။ ဒါ့ကြောင့်သွေးပေါင်ချိန်တိုင်းတာချိန်က အမြဲပုံသေဖြစ်သင့်ပါတယ်။ မနက်ပိုင်းဖြစ်စေ ညနေပိုင်းဖြစ်စေ ကိုယ်အဆင်ပြေမဲ့အချိန်တစ်ခုခုကိုရွေးပြီးနေ့စဉ်တိုင်းတာသင့်ပါတယ်

✅ တစ်ကြိမ်တည်းမတိုင်းပါနဲ့ - သွေးပေါင်ချိန်တစ်ကြိမ်တိုင်းပြီးရင် တစ်မိနစ်လောက်ခြားပြီး နောက်တစ်ခါထပ်တိုင်းပါ။ တစ်ခါတိုင်းရင် အနည်းဆုံး (၂)ကြိမ် (ဒါမှမဟုတ်) (၃)ကြိမ်လောက်တိုင်းပြီး ပျမ်းမျှအဖြေကိုယူမှ အနီးစပ်ဆုံးအဖြေကိုရရှိမှာဖြစ်ပါတယ်။

ဒီလိုအဆင့်တွေအတိုင်း နည်းလမ်းမှန်မှန်ပြင်ဆင်ပြီးတိုင်းတာမှသာ အမှန်ကန်ဆုံးသွေးပေါင်ချိန်အဖြေကို ရရှိမှာဖြစ်ပါတယ်။ သွေးပေါင်ချိန်တိုင်းတဲ့အခါ အပေါ်သွေး ၁၂၀/ အောက်သွေး ၈၀ နဲ့ အပေါ်သွေး ၉၀/အောက်သွေး ၆၀ ကြားရလဒ်ကို ပုံမှန်လို့ မှတ်ယူနိုင်ပါတယ်။ ဒီပမာဏတွေထက်များနေရင် ၅ မိနစ်လောက်စောင့်ပြီး ပြန်တိုင်းကြည့်ပါ။ သွေးပေါင်ချိန်တိုင်းတာတိုင်းမှာ အဖြေဟာ အပေါ်သွေး ၁၄၀/ အောက်သွေး ၉၀ အထက်ရောက်ရှိနေရင် သွေးတိုးရောဂါရှိနေပြီလို့ မှတ်ယူနိုင်ပါတယ်။ ဒါဆိုရင်တော့ သွေးတွင်းဖိအားမြင့်နေပြီး သွေးကြောတွေရော ကိုယ်တွင်းအင်္ဂါတွေအပေါ် ဖိအားသက်ရောက်နေပြီဖြစ်လို့ ဆရာဝန်နဲ့ ပြသဆွေးနွေးသင့်ပြီဖြစ်ပါတယ် ⚠️⚠️
=======================================================
“သင့်မိသားစုကျန်းမာရေးအတွက် စိတ်ချရသည်မှာ ဆာကူရာ”
🏥 Address: No (21/23), Shin Saw Pu Road, Sanchaung Township, Yangon
🗺️ Maps: https://maps.app.goo.gl/AgzDWSyExj77hvKWA
☎️ Phone: 01 7512668/69 (Hotline), 09424405952/53, 09 965121864/65
✉️ Mail: [email protected]
🖥️ Website: sakurahospital.com.mm
-pressure


မကြာသေးမီက အာဖရိကဒေသရှိ ကွန်ဂိုနိုင်ငံ (Democratic Republic of the Congo) နှင့် ယူဂန်ဒါနိုင်ငံ (Uganda) နိုင်ငံတွေမှာ အီ...
21/05/2026

မကြာသေးမီက အာဖရိကဒေသရှိ ကွန်ဂိုနိုင်ငံ (Democratic Republic of the Congo) နှင့် ယူဂန်ဒါနိုင်ငံ (Uganda) နိုင်ငံတွေမှာ အီဘိုလာရောဂါ ပြန်လည်ဖြစ်ပွားနေတဲ့အတွက် ကမ္ဘာ့ကျန်းမာရေးအဖွဲ့ကြီး (WHO) မှ အီဘိုလာရောဂါကို အပြည်ပြည်ဆိုင်ရာ ပြည်သူ့ကျန်းမာရေးအရေးပေါ်အခြေအနေအဖြစ် သတ်မှတ်ကြေညာခဲ့ပါသည်။ အီဘိုလာရောဂါဟာ ကူးစက်ခံရပါက ရောဂါပြင်းထန်ပြီး သေဆုံးနှုန်းမြင့်တဲ့ ဗိုင်းရပ်စ်ရောဂါတစ်မျိုးဖြစ်ပါတယ်။ ဒါ့အပြင် လူတစ်ယောက်ကနေတစ်ယောက်ကူးစက်နိုင်တဲ့အတွက် ကမ္ဘာတစ်ဝှမ်းတွင် အထူးစောင့်ကြည့်လေ့ရှိတဲ့ ကူးစက်ရောဂါတွေထဲက တစ်ခုဖြစ်ပါတယ် 🦠 ⚠️

အီဘိုလာရောဂါကို ပထမဆုံး ၁၉၇၆ ခုနှစ်တုန်းက အာဖရိကတိုက်မှာ တွေ့ရှိခဲ့ပြီး အချိန်ကာလတစ်ခုကြာတိုင်း အစုလိုက်အပြုံလိုက်ကူးစက်မှု ဖြစ်ပွားလေ့ရှိပါတယ်။ အချို့ဖြစ်ပွားမှုတွေမှာ ရောဂါကူးစက်ခံရရင် သေဆုံးနိုင်ခြေ ၅၀% ကျော်အထိ မြင့်မားတာကိုတွေ့ရှိရပါတယ် ‼️

အီဘိုလာရောဂါပိုးဘယ်လိုကူးစက်သလဲ❓
အီဘိုလာဗိုင်းရပ်စ်ဟာ ရောဂါရှိသူရဲ့

⚠️ သွေး

⚠️ အန်ခြင်း၊ ဝမ်းလျှောခြင်းမှထွက်သော ခန္ဓာကိုယ်အရည်များ

⚠️ ချွေး၊ တံတွေး

⚠️ အသုံးပြုသော အဝတ်အစား၊ အိပ်ယာ၊ ဆေးပစ္စည်းများ စတဲ့တကိုယ်ရည်ပစ္စည်းများကို တိုက်ရိုက်ထိတွေ့ကိုယ်တွယ်မိရာကနေတဆင့် ကူးစက်နိုင်ပါတယ်။

ဒါ့အပြင် ရောဂါပိုးရှိတဲ့ တောရိုင်းတိရစ္ဆာန်တွေ (ဥပမာ - လင်းနို့၊ မျောက်) နဲ့ ထိတွေ့မိရင်လည်း ကူးစက်နိုင်ပါတယ် 🦇 🐒

သတိထားသင့်သော လက္ခဏာများ ‼️
ရောဂါရဲ့ အစောပိုင်းလက္ခဏာတွေဟာ အခြားဗိုင်းရပ်စ်ရောဂါတွေနဲ့ ဆင်တူနေတတ်ပြီး များသောအားဖြင့် ပြသလေ့ရှိတဲ့ လက္ခဏာတွေကတော့ 👉🏼

❗️ဖျားခြင်း

❗️ခေါင်းကိုက်ခြင်း

❗️လည်ချောင်းနာခြင်း

❗️ကြွက်သားနာကျင်ခြင်း

❗️အားနည်းနွမ်းနယ်ခြင်းတို့ဖြစ်ပါတယ်။

ရောဂါဆိုးရွားလာရင်တော့ 👉🏼

⛔️ အန်ခြင်း

⛔️ဝမ်းလျှောခြင်း

⛔️ ဗိုက်နာခြင်း

⛔️ အရေပြားအဖုများ

⛔️ အတွင်း/အပြင် သွေးယိုခြင်း စတဲ့လက္ခဏာတွေခံစားရမှာဖြစ်ပါတယ်။

Ebola ကို ဘယ်လိုကာကွယ်နိုင်မလဲ❓
အီဘိုလာရောဂါဟာ ဗိုင်းရပ်စ်ဖြစ်ပေမဲ့ ကိုဗစ်လို လေထဲကတဆင့်ကူးစက်တာ မဟုတ်ပဲ လူလူချင်းထိတွေ့ မှကူးစက်နိုင်ခြင်း၊ ရောဂါလက္ခဏာမပြတဲ့အစောပိုင်းအဆင့်မှာ ကူးစက်ခံရနိုင်ခြေနည်းပါးခြင်း စတဲ့အချက် တွေကြောင့် ယေဘူယျအားဖြင့် ရောဂါကိုကာကွယ်ဖို့လွယ်ကူပါတယ်။ ရောဂါကူးစက်မှုကနေ ကာကွယ်ဖို့လုပ်ရမှာတွေကတော့ 👉🏼

✅ လက်ကို ဆပ်ပြာနှင့် မကြာခဏဆေးကြောပါ

✅ ဖျားနာနေသူရဲ့ သွေးနှင့် ခန္ဓာကိုယ်အရည်တွေကို တိုက်ရိုက်မထိတွေ့ပါနှင့်

✅ မသန့်ရှင်းသော medical equipment များ အသုံးမပြုပါနှင့်

✅ တောရိုင်းတိရစ္ဆာန်များနှင့် ထိတွေ့မှု လျှော့ချပါ

✅ ရောဂါကူးစက်မှုဖြစ်ပွားနေသော ဒေသများသို့ သွားလာပါက ကျန်းမာရေးညွှန်ကြားချက်များ လိုက်နာပါ

အီဘိုလာရောဂါဟာ ပြင်းထန်တဲ့ ကူးစက်ရောဂါဖြစ်ပေမဲ့ ကျန်းမာရေးအသိပညာရှိခြင်း၊ ကူးစက်နည်းများကို သိရှိထားခြင်းနှင့် ရောဂါကာကွယ်ရေးအချက်တွေကို လိုက်နာခြင်းဖြင့် ရောဂါပျံ့နှံ့မှုကို လျှော့ချနိုင်မှာဖြစ်ပါတယ် 💜💜
=======================================================
“သင့်မိသားစုကျန်းမာရေးအတွက် စိတ်ချရသည်မှာ ဆာကူရာ”
🏥 Address: No (21/23), Shin Saw Pu Road, Sanchaung Township, Yangon
🗺️ Maps: https://maps.app.goo.gl/AgzDWSyExj77hvKWA
☎️ Phone: 01 7512668/69 (Hotline), 09424405952/53, 09 965121864/65
✉️ Mail: [email protected]
🖥️ Website: sakurahospital.com.mm



19/05/2026

*** သူနာပြုအကူဝန်ထမ်းခေါ်ယူခြင်း***

1) အခြေခံပညာအထက်တန်းအဆင့်ပြီးမြောက်သော ပညာအရည်အချင်းရှိရမည်။
2) အခြေခံသူနာပြုစုနည်း အတွေ့အကြုံရှိလျင် ဦးစားပေးပါမည်။
3) ကျန်းမာကြံ့ခိုင်ပြီး အအေးဒဏ်ခံနိုင်ရမည်။
4) အကျင့်စာရိတ္တ ကောင်းမွန်ရမည်။
5) Duty roster အတိုင်း လုပ်ကိုင်နိုင်ရမည်။
6) ဆက်ဆံရေးပြေပြစ်ကောင်းမွန်စွာဖြင့် ရေရှည်လုပ်ကိုင်နိုင်သူအား ဦးစားပေး၍ လက်တွဲခေါ်ယူလိုပါသည်။

အထက်ပါရာထူးအား လျှောက်ထားရန် စိတ်ဝင်စားသူများသည်
-သက်ဆိုင်ရာပညာရေးအထောက်အထားမိတ္တူ
-မှတ်ပုံတင်မိတ္တူ
-သန်းခေါင်စာရင်းမိတ္တူ
-(၃)လအတွင်းရိုက်ထားသော ဓာတ်ပုံ(၃)ပုံတို့နှင့်အတူ

အမှတ်(၂၁/၂၃)၊ရှင်စောပုလမ်း၊စမ်းချောင်းမြို့နယ်။ ဆာကူရာဆေးရုံ HR ဌာနသို့ လာရောက်လျှောက်ထားနိုင်ပါသည်။
အသေးစိတ်စုံစမ်းလိုပါက ဖုန်းနံပါတ် 01-7-512668 (Hot Line) Ext: 21201 (သို့မဟုတ်) 09-979867283 သို့ ဆက်သွယ်စုံစမ်းမေးမြန်းနိုင်ပါသည်။

❤️ ကမ္ဘာ့သွေးတိုးရောဂါကာကွယ်ရေးနေ့ ❤️❤️ World Hypertension Day ❤️သွေးတိုးရောဂါဟာ ကမ္ဘာတစ်ဝှမ်းမှာ အဖြစ်များဆုံး နာတာရှည်...
17/05/2026

❤️ ကမ္ဘာ့သွေးတိုးရောဂါကာကွယ်ရေးနေ့ ❤️
❤️ World Hypertension Day ❤️

သွေးတိုးရောဂါဟာ ကမ္ဘာတစ်ဝှမ်းမှာ အဖြစ်များဆုံး နာတာရှည်ရောဂါများထဲမှ တစ်ခုဖြစ်ပြီး လူအများစုအတွက် အစောပိုင်းအဆင့်မှာ ထင်ရှားတဲ့လက္ခဏာများ ပြသလေ့မရှိတာကြောင့် “တိတ်တဆိတ်အန္တရာယ်ပေးသော ရောဂါ” လို့တောင် ခေါ်ကြပါတယ်။ အချို့လူတွေဟာ သွေးပေါင်ချိန်တက်နေပေမဲ့ မသိရှိဘဲ နှစ်နဲ့ချီနေထိုင်နေတတ်ကြပြီး ရောဂါလက္ခဏာ ဆိုးရွားလာချိန်မှသာ ခေါင်းကိုက်ခြင်း၊ မူးဝေခြင်း (ဒါမှမဟုတ်) အခြားနောက်ဆက်တွဲရောဂါတွေ ခံစားရမှ ရောဂါဖြစ်နေမှန်း သိရှိရတတ်တာကိုတွေ့ရပါတယ်။ ဒါ့ကြောင့် သွေးတိုးရောဂါဟာ အလွန်အန္တရာယ်များတဲ့ရောဂါတစ်ခုဖြစ်ပြီး အချိန်မီမထိန်းချုပ်နိုင်ရင် နှလုံး၊ ဦးနှောက်၊ ကျောက်ကပ်နှင့် သွေးကြောစတဲ့အစိတ်အပိုင်းတွေကို ထိခိုက်စေနိုင်ပြီး အသက်အန္တရာယ်ရှိတဲ့ နောက်ဆက်တွဲပြဿနာတွေ ဖြစ်စေနိုင်ပါတယ်။

သွေးတိုးရောဂါဖြစ်နိုင်ခြေ မြင့်စေသော အကြောင်းအရင်းများ
⚠️ ဆားနှင့် အငန်ဓာတ်များသော အစားအစာများ စားသုံးခြင်း
⚠️ ကိုယ်လက်လှုပ်ရှားမှုနည်းခြင်း
⚠️ ကိုယ်အလေးချိန်များခြင်း
⚠️ ဆေးလိပ်သောက်ခြင်း
⚠️ အရက်အလွန်အကျွံသောက်သုံးခြင်း
⚠️ စိတ်ဖိစီးမှုများခြင်း
⚠️ မိသားစုမျိုးရိုးရှိခြင်း
⚠️ အသက်အရွယ်မြင့်လာခြင်း

သတိထားသင့်သော လက္ခဏာများ
သွေးတိုးရောဂါမှာ အများအားဖြင့် လက္ခဏာမပြတတ်ပေမယ့် အချို့လူတွေမှာအောက်ပါ လက္ခဏာတွေခံစားရတတ်ပါတယ် 👉
❗ခေါင်းကိုက်ခြင်း
❗မူးဝေခြင်း
❗နှလုံးခုန်မြန်ခြင်း
❗မောပန်းလွယ်ခြင်း
❗အသက်ရှူမဝခြင်း
❗မျက်စိမှုန်ဝါးခြင်း
❗နှာခေါင်းသွေးယိုခြင်း
တို့ကို တွေ့ရနိုင်ပါတယ်။
သို့သော် လက္ခဏာမရှိဘဲလည်း သွေးတိုးနေနိုင်တာကြောင့် ပုံမှန်သွေးပေါင်ချိန်စစ်ဆေးခြင်း က အရေးကြီးဆုံးဖြစ်ပါတယ် ✅✅

သွေးတိုးရောဂါကို ဘယ်လိုကာကွယ်နိုင်မလဲ❓
သွေးတိုးရောဂါကို ကာကွယ်ရန်နှင့် ထိန်းချုပ်ရန်အတွက် 👉
💜 ဆားလျှော့စားပါ
💜 ဟင်းသီးဟင်းရွက်နှင့် သစ်သီးများ ပိုမိုစားသုံးပါ
💜 ကိုယ်လက်လှုပ်ရှားမှု ပုံမှန်ပြုလုပ်ပါ
💜 ကိုယ်အလေးချိန် ထိန်းညှိပါ
💜 ဆေးလိပ်နှင့် အရက်ကို ရှောင်ကြဉ်ပါ
💜 စိတ်ဖိစီးမှု လျှော့ချပါ
💜 သွေးပေါင်ချိန် ပုံမှန်တိုင်းတာစစ်ဆေးပါ

ဘယ်သူတွေ ပိုဂရုစိုက်သင့်သလဲ 🩺
အောက်ပါအခြေအနေရှိသူများသည် သွေးတိုးရောဂါဖြစ်နိုင်ခြေ ပိုများနိုင်သောကြောင့် ပုံမှန်စစ်ဆေးသင့်ပါတယ် 👉
🔺အသက် ၄၀ နှစ်အထက်သူများ
🔺အဝလွန်သူများ
🔺ဆီးချိုရောဂါရှိသူများ
🔺နှလုံးရောဂါရှိသူများ
🔺မိသားစုတွင် သွေးတိုးရောဂါရှိသူများ

သွေးတိုးရောဂါသည် လက္ခဏာမသိသာသော်လည်း ရေရှည်တွင် ကျန်းမာရေးအပေါ် ထိခိုက်မှုများစွာ ဖြစ်စေနိုင်သောကြောင့် မပေါ့ဆသင့်သော ရောဂါတစ်ခုဖြစ်ပါသည် 🔔

ဒါ့ကြောင့် သွေးတိုးရောဂါကိုကာကွယ်ဖို့အတွက် မိမိရဲ့သွေးပေါင်ချိန်ကို ပုံမှန်စစ်ဆေးခြင်း၊ ကျန်းမာရေးနဲ့ညီညွတ်တဲ့အမူအကျင့်များပျိုးထောင်ခြင်း စတဲ့ အလေ့အကျင့်ကောင်းတွေကို စတင်လုုပ်ဆောင်ကြဖို့ တိုက်တွန်းလိုက်ရပါတယ် 💪💪

💮 Controlling Hypertension Together 💮
💮သွေးတိုးရောဂါကို အတူတကွ ထိန်းချုပ်ကြပါစို့💮
=======================================================
“သင့်မိသားစုကျန်းမာရေးအတွက် စိတ်ချရသည်မှာ ဆာကူရာ”
🏥Address: No (21/23), Shin Saw Pu Road, Sanchaung Township, Yangon
📍Maps: https://maps.app.goo.gl/AgzDWSyExj77hvKWA
☎️Phone: 09 455201025 (Endoscopy Department), 01 7512668 (Hotline)
📧Mail: [email protected]
🖥️Website: sakurahospital.com.mm



🦟 သွေးလွန်တုပ်ကွေးရောဂါအကြောင်း 🦟သွေးလွန်တုပ်ကွေး (Dengue Fever) သည် အထူးသဖြင့် မိုးရာသီ၌ ဖြစ်ပွားလေ့ရှိသော ရောဂါတစ်ခုဖြ...
16/05/2026

🦟 သွေးလွန်တုပ်ကွေးရောဂါအကြောင်း 🦟

သွေးလွန်တုပ်ကွေး (Dengue Fever) သည် အထူးသဖြင့် မိုးရာသီ၌ ဖြစ်ပွားလေ့ရှိသော ရောဂါတစ်ခုဖြစ်ပါတယ်။ ခြင်ကိုက်ရာမှတစ်ဆင့် လူတွင်ကူးစက်နိုင်သော ဗိုင်းရပ်စ်ရောဂါဖြစ်ပြီး တစ်ဦးတည်းတွင်တောင် တစ်ကြိမ်ထက်ပို၍ ကူးစက်ခံရနိုင်ပါတယ်။

📌 ကမ္ဘာတစ်ဝှမ်းတွင် နှစ်စဉ် လူဦးရေ သန်း ၄၀၀ ခန့်သည် ဤရောဂါကိုခံစားနေရပါတယ်။

➡️ သွေးလွန်တုပ်ကွေးသည် ဗိုင်းရပ်စ် (Dengue Virus) ၄ မျိုး — Dengue-1, Dengue-2, Dengue-3, Dengue-4 — ကြောင့်ဖြစ်ပွားပြီး၊ ဗိုင်းရပ်စ်ပိုးကို Aedes Aegypti နှင့် Aedes Albopictus ခြင်များက သယ်ဆောင်လာကြပါတယ်။

⚠ တုပ်ကွေးရောဂါ လက္ခဏာများ ⚠

ရောဂါပိုးပါဝင်သော ခြင်ကိုက်ခံရပြီးနောက် ၂ ပတ်အတွင်း လက္ခဏာများ စတင်ပေါ်ပေါက်လာနိုင်ပါတယ်။

🩺 ပုံမှန်တုပ်ကွေးလက္ခဏာများမှာ -

👁 မျက်လုံးအနောက်ဖက်တွင် နာကျင်ခြင်း

💪 ကြွက်သားနှင့် အရိုးအဆစ်များ နာကျင်ခြင်း

🤢 မကြာခဏ ပျို့အန်ခြင်း

🔴 ကိုယ်ခန္ဓာပေါ်တွင် အနီစက်များ ထွက်ပေါ်ခြင်း

🩸 ရောဂါပြင်းထန်လာပါက သွေးလွန်တုပ်ကွေး အဆင့်သို့ ပြောင်းလဲနိုင်ပါတယ်။ ၎င်းအတွက် လက္ခဏာများမှာ -

🤕 ဗိုက်အောင့်ခြင်း

🤮 အဆက်မပြတ်အန်ခြင်း

😤 အသက်ရှူမြန်ခြင်း

🩸 သွားဖုံးနှင့် နှာခေါင်းမှ သွေးယိုခြင်း

😵 ဂဏှာမငြိမ် ဖြစ်ခြင်း

😩 ခန္ဓာကိုယ် နုံးချိ၍ မောပန်းခြင်း

🧱 သွေးအန်ခြင်း၊ ဝမ်းတွင် သွေးပါခြင်း

💧 ရေအလွန်အမင်းငတ်ခြင်း

📍 ထိုသို့ ပြင်းထန်လာပါက အရေးပေါ်ကျန်းမာရေးကုသမှု ချက်ချင်း လုပ်ဆောင်ရန် မဖြစ်မနေလိုအပ်ပါတယ်။

⏳ ရောဂါအလှည့်အပြောင်း ⏳

သွေးလွန်တုပ်ကွေးရောဂါသည် စတင်ဖြစ်ပွားသော ၃ - ၇ ရက်အတွင်း အများအားဖြင့် အန္တရာယ်အရှိဆုံးဖြစ်ပြီး၊ ၇ ရက်ကျော်လျှင် တဖြည်းဖြည်း သက်သာလာနိုင်ပါတယ်။

✅ ဖြစ်ပွားလျှင် ပြုလုပ်ရန် ✅

🛌 လုံလောက်သော အနားယူမှု

💊 ဖျားနာခြင်း၊ ကိုက်ခဲမှုများအတွက် Paracetamol (Acetaminophen) သောက်သုံးခြင်း

🥤 ရေနှင့်ဓာတ်ဆားရည်များကို များများသောက်သုံးခြင်း

🏥 ရောဂါပြင်းထန်လာပါက ဆေးရုံသို့ ချက်ချင်းသွားရောက်ကုသရန်

❗သတိပြုရန် - Aspirin နှင့် Ibuprofen ကဲ့သို့သော ဆေးများကို သုံးခြင်းအား ရှောင်ကြဉ်ရန်လိုအပ်ပါတယ်။

🚫 ကာကွယ်နည်းများ 🛡

ခြင်ကိုက်ခြင်းကတစ်ဆင့် ဗိုင်းရပ်စ်ကူးစက်သောကြောင့် ခြင်များ မရှိအောင်၊ မကိုက်ခံရအောင် ပြုလုပ်ဖို့ အရေးကြီးပါတယ်။

🌿 ခြင်ကင်းရှင်းရေးအတွက် လုပ်ဆောင်ရန်များ:

🧴 ခန္ဓာကိုယ်အပေါ် ခြင်မကိုက်အောင် လိမ်းဆေးလိမ်းခြင်း

👕 အင်္ကျီလက်ရှည်၊ ဘောင်းဘီရှည် ဝတ်ဆင်ခြင်း

🪣 ရေဝပ်နေရာများ (ရေအိုင်/ကန်ငယ်များ) ကို သန့်ရှင်းရေးလုပ်ခြင်း

🚰 မြောင်းများကို ရေစီးရေလာကောင်းအောင် အချိန်မရွေး လုပ်ဆောင်ခြင်း

🧹 အိမ်အနီးအနားရှိ ခြုံနွယ်ပိတ်ပေါင်းများကို သန့်ရှင်းခြင်း

📌 သတိပြုပါ – သွေးလွန်တုပ်ကွေးရောဂါသည် ကာကွယ်နိုင်သော ရောဂါတစ်ခုဖြစ်ပြီး၊ သတိပြုမှုနည်းပါးခြင်းကြောင့် အသက်အန္တရာယ် ရှိနိုင်ပါတယ်။
=======================================================
🌸သင့်မိသားစုကျန်းမာရေးအတွက် စိတ်ချရသည်မှာ ဆာကူရာ🌸
🏥 Address: No (21/23), Shin Saw Pu Road, Sanchaung Township, Yangon
🗺️ Maps: https://maps.app.goo.gl/AgzDWSyExj77hvKWA
Phone: 01 7512668/69 (Hotline), 09 965121864/65, 09 424405952/53
✉️ Mail: [email protected]
🖥️ Website: sakurahospital.com.mm

ကိုယ်ဝန်ဆောင်ချိန်မှာ မိခင်နဲ့ ကလေး ကျန်းမာရေးကို စောင့်ကြည့်နိုင်ဖို့ ပုံမှန်ကိုယ်ဝန်စစ်ဆေးမှုတွေက အရေးကြီးပါတယ်။ အဲဒီထ...
14/05/2026

ကိုယ်ဝန်ဆောင်ချိန်မှာ မိခင်နဲ့ ကလေး ကျန်းမာရေးကို စောင့်ကြည့်နိုင်ဖို့ ပုံမှန်ကိုယ်ဝန်စစ်ဆေးမှုတွေက အရေးကြီးပါတယ်။ အဲဒီထဲမှာ Ultrasound (အသံလှိုင်းတီဗွီဓာတ်မှန်) ရိုက်ကူးစစ်ဆေးခြင်းဟာ ကိုယ်ဝန်ဆောင်စဉ် မိခင်နဲ့ သန္ဓေသားအခြေအနေကို သိရှိနိုင်ဖို့ အလွန်အသုံးဝင်တဲ့ စစ်ဆေးမှုတစ်ခုဖြစ်ပါတယ် 💜💜

Ultrasound ဆိုတာ အသံလှိုင်းကို အသုံးပြုပြီး ကိုယ်ဝန်အတွင်းရှိ သန္ဓေသားရဲ့ အခြေအနေကို ပုံရိပ်အဖြစ် ကြည့်ရှုစစ်ဆေးတဲ့ နည်းလမ်းဖြစ်ပြီး ဓာတ်ရောင်ခြည်မပါဝင်တာကြောင့် ကိုယ်ဝန်ဆောင်မိခင်တွေအတွက် ယေဘုယျအားဖြင့် လုံခြုံစိတ်ချရပါတဲ့စစ်ဆေးနည်းတစ်မျိုးဖြစ်ပါတယ်။
ကိုယ်ဝန်ဆောင်မိခင်များအနေနဲ့ “Ultrasound ကို ဘယ်အချိန်မှာ လုပ်သင့်လဲ” ဆိုတာ သိထားဖို့လည်း အရေးကြီးပါတယ် 🎗️🎗️
________________________________________
📅 ကိုယ်ဝန်ဆောင်စဉ် Ultrasound လုပ်သင့်သော အချိန်များ
🤰 ကိုယ်ဝန်အစောပိုင်း (၆ ပတ်မှ ၉ ပတ်ခန့်)
ကိုယ်ဝန်ရှိကြောင်း စတင်သိရှိချိန်မှာ ပထမဆုံး ultrasound စစ်ဆေးမှုကို ပြုလုပ်လေ့ရှိပါတယ်။
ဒီအချိန်မှာ—
✅ကိုယ်ဝန်အမှန်တကယ်ရှိ/မရှိ အတည်ပြုနိုင်ခြင်း
✅ သန္ဓေသားနှလုံးခုန်သံ စစ်ဆေးနိုင်ခြင်း
✅ ကိုယ်ဝန်သက်တမ်း ခန့်မှန်းနိုင်ခြင်း
✅ သားအိမ်ပြင်ပကိုယ်ဝန် (ectopic pregnancy) ရှိ/မရှိ စစ်ဆေးနိုင်ခြင်း
စတဲ့ အချက်တွေကို သိရှိနိုင်ပါတယ်။

🤰ကိုယ်ဝန်ပထမ ၃ လအတွင်း (၁၁ ပတ်မှ ၁၃ ပတ် + ၆ ရက်)
ဒီအချိန်မှာ fetal development ကို ပိုမိုသေချာစွာ စစ်ဆေးနိုင်ပါတယ်။
စစ်ဆေးနိုင်တဲ့အချက်များ—
✅ သန္ဓေသားဖွံ့ဖြိုးမှု
✅ ကလေးမွေးဖွားမည့်ရက်ကို ပိုမိုတိကျစွာတွက်ချက်ခြင်း
✅ အချို့ chromosome abnormalities အန္တရာယ်များကိုအကဲဖြတ်နိုင်ခြင်း

🤰ကိုယ်ဝန်အလယ်ပိုင်း (၁၈ ပတ်မှ ၂၂ ပတ်)
ဒီအချိန် ultrasound ကို anomaly scan လို့လည်း ခေါ်ပါတယ်။
ကိုယ်ဝန်ဆောင်စဉ် အရေးကြီးဆုံး ultrasound များထဲမှ တစ်ခုဖြစ်ပါတယ်။
ဒီအချိန်မှာ—
✅ သန္ဓေသားရဲ့ ကိုယ်အင်္ဂါဖွဲ့စည်းပုံများ
✅ ဦးနှောက်၊ နှလုံး၊ ကျောရိုး၊ လက်၊ ခြေ
✅ placenta တည်နေရာ
✅ amniotic fluid ပမာဏ
တို့ကို အသေးစိတ် စစ်ဆေးနိုင်ပါတယ်။

🤰ကိုယ်ဝန်နောက်ပိုင်း (၂၈ ပတ်နောက်ပိုင်း)
ကိုယ်ဝန်အခြေအနေအပေါ်မူတည်ပြီး follow-up ultrasound များ လိုအပ်နိုင်ပါတယ်။
ဒီအချိန်မှာ—
✅ ကလေးကြီးထွားနှုန်း
✅ ကလေးအနေအထား
✅ ရေမွှာရည်ပမာဏ
✅ အချင်းအနေအထား
တို့ကို ပြန်လည်စစ်ဆေးနိုင်ပါတယ်။
အထူးသဖြင့် သွေးတိုး၊ ဆီးချိုရောဂါရှိတဲ့ကိုယ်ဝန်ဆောင်မိခင်တွေ၊ အမွှာကိုယ်ဝန်ဆောင်ထားသူတွေနဲ့ သန္ဓေသားကြီးထွားနှုန်းကပုံမှန်ထက်နှေးနေတဲ့အခြေအနေတွေမှာ ပိုပြီး စောင့်ကြည့်စစ်ဆေးဖို့လိုအပ်နိုင်ပါတယ်။

⚠️ ပုံမှန်ချိန်မဟုတ်ဘဲ Ultrasound လုပ်သင့်နိုင်သော အခြေအနေများ
အောက်ပါအခြေအနေတွေရှိရင် ဆရာဝန်အကြံပြုချက်အရ အချိန်မရွေး ultrasound လုပ်ရန် လိုအပ်နိုင်ပါတယ်—
🩺ဗိုက်အောင့်ခြင်း၊ ဗိုက်နာခြင်း
🩺 သွေးဆင်းခြင်း
🩺 သန္ဓေသားလှုပ်ရှားမှု လျော့နည်းခြင်း
🩺 အထူးစောင့်ကြည့်ရန်လိုအပ်သော ကိုယ်ဝန်ဆောင်မှုများ

Ultrasound စစ်ဆေးမှုဟာ ကလေးငယ်က သားလေးလား၊ သမီးလေးလားသိဖို့တစ်ခုတည်းအတွက်သာ မဟုတ်ဘဲ မိခင်နဲ့ သန္ဓေသား ကျန်းမာရေးကို စောင့်ကြည့်ဖို့ အရေးကြီးတဲ့ ကိုယ်ဝန်ဆောင်ကျန်းမာရေးစောင့်ရှောက်မှုရဲ့ တစ်စိတ်တစ်ပိုင်းဖြစ်ပါတယ်။ ဒါကြောင့်ဆရာဝန်ညွှန်ကြားတဲ့အတိုင်း ကိုယ်ဝန်စစ်ဆေးမှုများကို ပုံမှန်ပြုလုပ်ခြင်းက မိခင်နဲ့ ကလေးအတွက် ပိုမိုလုံခြုံစိတ်ချရတဲ့ ကိုယ်ဝန်ဆောင်ကာလကို ရရှိစေမှာဖြစ်ပါတယ် 💜💜
=======================================================
🌸သင့်မိသားစုကျန်းမာရေးအတွက် စိတ်ချရသည်မှာ ဆာကူရာ🌸
🏥 Address: No (21/23), Shin Saw Pu Road, Sanchaung Township, Yangon
🗺️ Maps: https://maps.app.goo.gl/AgzDWSyExj77hvKWA
Phone: 01 7512668/69 (Hotline), 09 965121864/65, 09 424405952/53
✉️ Mail: [email protected]
🖥️ Website: sakurahospital.com.mm



"𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲 𝟐𝟎𝟐𝟔""ကျန်းမာရေးစောင့်ရှောက်မှုကဏ္ဍတွင် ရှေ့တန်းမှအမြဲရှိနေပြီး “Compassion, Care & Commitment...
12/05/2026

"𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲 𝟐𝟎𝟐𝟔"
"ကျန်းမာရေးစောင့်ရှောက်မှုကဏ္ဍတွင် ရှေ့တန်းမှအမြဲရှိနေပြီး “Compassion, Care & Commitment” ဟူသော တာဝန်များနှင့် သူနာပြုများ၏ စိတ်ဓာတ်ကို ဂုဏ်ပြုသည့်အနေဖြင့် ဆာကူရာဆေးရုံ၏ 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲 𝟐𝟎𝟐𝟔 အခမ်းအနားကို ကျင်းပခဲ့ပါသည်။

အခမ်းအနားအတွင်း 𝐂𝐡𝐢𝐞𝐟 𝐍𝐮𝐫𝐬𝐢𝐧𝐠 𝐎𝐟𝐟𝐢𝐜𝐞𝐫 မှ သူနာပြုများ၏ ကြိုးစားအားထုတ်မှုများ၊ လူနာများအပေါ်ထားရှိသည့် စေတနာမေတ္တာများနှင့် ကျန်းမာရေးစောင့်ရှောက်မှုကဏ္ဍတွင် ထမ်းဆောင်နေသည့် အရေးပါသော တာဝန်များကို ကျေးဇူးတင်ဂုဏ်ပြုဖော်ပြရင်း သူနာပြုသစ္စာအဓိဌာန်ရွတ်ဆိုခြင်း၊ "ကရုဏာအလင်း" သီချင်းအား သံပြိုင်သီဆိုဂုဏ်ပြုခြင်း၊ အမှတ်တရကိတ်ခွဲခြင်း၊ ပျော်ရွှင်စွာ Lucky draw နှိုက်ခြင်း၊ Game ကစားခြင်းအစီအစဉ်များကို ကျင်းပပြုလုပ်ခဲ့ကြပါသည်။

ဆာကူရာဆေးရုံအနေဖြင့်လည်း “Nurses are the heartbeat of healthcare” ဟူသော စကားလုံးအတိုင်း လူနာများ၏ ကျန်းမာရေးနှင့် မျှော်လင့်ချက်များကို နေ့စဉ်မပြတ် ထိန်းသိမ်းပေးနေကြသော သူနာပြုအားလုံးအတွက် ဤနေ့သည် ဂုဏ်ယူဝမ်းမြောက်ဖွယ် အမှတ်တရနေ့တစ်နေ့အဖြစ် အထူးကျေးဇူးတင်ဂုဏ်ယူမိပါကြောင်း မှတ်တမ်းတင်အပ်ပါသည်။"



💜 International Nurses Day 💜ကျန်းမာရေးစောင့်ရှောက်မှုလုပ်ငန်း၏ ရှေ့တန်းမှနေ၍ လူနာများအား အမြဲအနီးကပ် ဂရုစိုက်စောင့်ရှောက...
12/05/2026

💜 International Nurses Day 💜

ကျန်းမာရေးစောင့်ရှောက်မှုလုပ်ငန်း၏ ရှေ့တန်းမှနေ၍ လူနာများအား အမြဲအနီးကပ် ဂရုစိုက်စောင့်ရှောက်ပေးနေကြသော သူနာပြုများအားလုံးကို ယနေ့ International Nurses Day တွင် ဆာကူရာဆေးရုံမိသားစုမှ လေးစားစွာဂုဏ်ပြုအပ်ပါသည် 🌸🌸

လူနာများ၏ ကုသမှုခံယူချိန်တွင်သာမက ကုသမှုခံယူပြီးပြန်လည်သက်သာလာချိန်အထိ စိတ်ရှည်မှု၊ စေတနာနှင့် တာဝန်ယူမှုအပြည့်ဖြင့် ပါဝင်လုပ်ကိုင်ပေးနေကြသော သူနာပြုများအားလုံး၏ ကြိုးစားအားထုတ်မှုများအတွက် အထူးကျေးဇူးတင်ရှိပါသည် 🎗️🎗️


Address

21/23 Shin Saw Pu Road , Sanchaung Twp
Yangon
11111

Telephone

+959424405952

Website

Alerts

Be the first to know and let us send you an email when Sakura Hospital posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Sakura Hospital:

Shortcuts

Share

Category