စွမ်းရည်လင်း တိုင်းရင်းဆေးဝါးထုတ်လုပ်ရေးနှင့် တိုင်းရင်းဆေးကုခန်း

03/09/2026

ဖျာပုံ ၊ ဇလွန် ၊ ဓနုဖြူ ၊ ဟင်္သာတ ၊ မွန်ပြည်နယ် ပေါင်မြို့ ၊ ရန်ကုန်တွင်း တောင်ဒဂုံ ၊ စမ်းချောင်း ၊ ဗဟန်း ၊ အင်းစိန် ☺️☺️☺️
စွမ်းရည်လင်းတိုင်းရင်းဆေးတိုက်မှထုတ်လုပ်သော ဆေးဝါးများကို ယုံကြည်စွာ ဝယ်ယူအားပေးပါသော မိဘပြည်သူတစ်ဦးတစ်ယောက်ချင်းစီကို ကျေးဇူးအထူးတင်ပါတယ်ရှင့် ❤️
#စွမ်းရည်လင်း
#မြန်မာ့တိုင်းရင်းဆေး

21/08/2026

အရင်တခါ page မှာတင်ထားဖူးတာလေးပါ ပြန်လည်မျှဝေပေးခြင်းပါရှင့် ......
မိုးရွာပြီဆိုတာနဲ့ တွဲပါလာတဲ့
#ဝမ်းပျက်ဝမ်း‌လျှောရောဂါ
‌ဂရုပြုသတိထားရမယ့် ဆောင်ရန် ရှောင်ရန်များကို ဝေမျှပေးချင်ပါတယ်.......
မိုးရာသီမှာ အစားအစာနဲ့ ရေသန့်ရှင်းမှု အားနည်းတာတွေကြောင့် ဝမ်းပျက်ဝမ်းလျှောအဖြစ်များကြပါတယ်
ဝမ်းပျက်ဝမ်းလျှောတယ်ဆိုတဲ့နေရာမှာ နေ့စဉ်သွားနေသလို ပုံမှန်ဝမ်းသွားခြင်းမျိုးမဟုတ်ဘဲ အကြိမ်ရေများစွာသွားတာ၊ ဝမ်းအရည်တွေ သွားနေပြီဆိုရင် ဝမ်းလျှောနေပြီလို့ သတ်မှတ်လို့ရပါတယ်နော် ။
ဝမ်း‌လျှောတာအပြင် ဝမ်းကိုက်တာ ၊ ကာလဝမ်းရောဂါတွေပါ တွဲဖြစ်တတ်ကြပါတယ် ခြေအေးဝမ်းရောင်ဆိုတာလည်း ကြားဖူးကြမယ်လို့ထင်ပါတယ်နော် ခြေထောက်ရေစိုတာ အချိန်ကြာသွားတဲ့အခါ စားထားတဲ့အစာတွေဟာ ခြေဖျက်မှုကောင်းစွာမရှိတော့ဘဲ အစာမကြေ ဗိုက်ပွတာမျိုးဖြစ်ပြီးဝမ်းပျက်ဝမ်းလျှောတဲ့အထိ ဖြစ်နိုင်လို့ ဒီအချက်က်ိုလည်း မိုးတွင်းမှာ ဂရုပြုကြဖို့ အကြံပေးလိုက်ပါတယ် ။
ဝမ်းလျှောတာရဲ့ နောက်ဆက်တွဲက ဘာတွေလဲ ?
ဝမ်းအရည် အကြိမ်များစွာသွားခြင်းကြောင့် ခန္ဓာရည်မှာ ရေဓာတ်နဲ့ ဓာတ်ဆားဓာတ်တွေ ဆုံးရှုံးသွားပါတယ် ရေဓာတ်ဆုံးရှုံးခြင်းကြောင့် မျက်တွင်းချိုင့်ဝင်တာ ၊ ရေငတ်တာ ၊ ဆီးနည်းသွားတာ၊ ဆီးအရောင်ရင့်တာ ၊ အာခံတွင်းခြောက်တာ ၊ မူးဝေတာ ၊ကြွက်တက်တာ ၊ ခြေကုန်လက်ပန်းကျတာ ၊ အသက်ရှူမြန်လာတာမျိုးတွေဖြစ်လာတတ်ပါတယ်
ဒါတွေအမြန်သက်သာဖို့
#ရေများများသောက်ပေးပါ
သီးစုံဓာတ်ဆားမဟုတ်ဘဲ ရိုးရိုးဓာတ်ဆားရည် အဓိကသောက်ပေးပါ အုန်းစိမ်းရည် သောက်ပေးနိုင်ပါတယ် သန့်ရှင်းသောရေ၊ ရေကျက်အေး သောက်ပေးပါ စွပ်ပြုတ် ဆန်ပြုတ်လိုမျိုး သောက်ပြီး ရေဓာတ်ပြန်ဖြည့်ပေးပါ
ဓာတ် ရှောင်ပါ
ကဖင်းပါတဲ့ သောက်စရာ စားစရာတွေက ဆီးခဏခဏသွားစေလို့ ရေဓာတ်ဆုံးရှုံးခြင်းကို ပိုဆိုးစေနိုင်ပါတယ်
ဒါကြောင့် caffeine ပါတဲ့ ကော်ဖီ၊ လက်ဖက်ရည်၊ လက်ဖက် ၊ ချောကလက် စတဲ့ အစားအစာတွေကို မစားပါနှင့်
#လေပွစာများရှောင်ပါ
လေပွစာတွေကို စားသုံးခြင်းဖြင့် အစာအိမ်နဲ့အူတွေက လှုံ့ဆော်မှုပိုလုပ်ရပါတယ် အဲ့အခါ ဝမ်းလျှောခြင်းကို ပိုမိုဆိုးဝါးစေပါတယ် လေပွစာများဖြစ်တဲ့ ထမင်းကြော်၊ ပဲအမျိုးမျိုး၊ ကောက်ညှင်း၊ ဆီကြော်စာများ၊ ဟင်းသီးဟင်းရွက် အစိမ်းများကို ဝမ်းပျက်နေတဲ့အချိန် မစားပါနဲ့နော်
#သန့်ရှင်းလတ်ဆတ်သောအစားအစာများ၊ ကြေကျက်လွယ် ပျော့ပျောင်းသောအစားအစာများ၊ အာဟာရဖြစ်သော အစားအစာများကိုသာ နည်းနည်းနဲ့ မကြာခဏ စားပေးပါ
ယင်နားစာများ၊ မသန့်ရှင်းသော အစာများ၊ လက်လုပ်ချဉ်များ၊ ပူလွန်း စပ်လွန်းသော အစားအစာများ မစားပါနှင့်
#လက်ကိုဆပ်ပြာဖြင့်မကြာခဏဆေးကြောသန့်စင်ပါ

#အစားအစာများကိုသန့်ရှင်းစွာကိုင်တွယ်ချက်ပြုတ်ပါ

အိမ်တွင်းကုထုံးများအနေဖြင့်
ဓာတ်ဆားအလွယ်တကူမရပါက
💦 သကြား ၆ ဆ ၊ ဆား ၁ ဆ ရော၍ ဖျော်သောက်နိုင်ပါတယ်
💦 မာလကာရွက် မနုမရင့်ကို ‌သုံးခွက်တစ်ခွက်တင်ကျိုပြီး သကြားထည့်ကာ သောက်ပေးခြင်းဖြင့် ဝမ်းပျက်ဝမ်းလျှောရောဂါကို သက်သာစေနိုင်ပါတယ်🙏
ဒီကာလအတွက် များစွာ အထောက်အကူပြုမယ်လို့ လည်း ထင်ပါတယ်နော် 🤗
မိုးတွင်းကာလ ဝမ်းပျက်ဝမ်းလျှောရောဂါမှ ကင်းဝေးကြပါစေရှင် 🙏💦⭐
#စွမ်းရည်လင်း
#အထွေထွေရောဂါကုတိုင်းရင်းဆေးခန်း

18/07/2026

ဒီတခါတော့ ကျန်းမာရေးအတွက် အကျိုးများစွာရှိသော တန်ဖိုးကြီး ကညွတ်အကြောင်း ပြောပြပေးသွားမှာ ဖြစ်ပါတယ်။
ကညွတ်ကိုတော့ ကျွန်မတို့ရဲ့ အိမ်ရှင်မတွေ မျိုးစုံကြော်စား ချက်စားကြတာ မျက်မြင်ပါနော်
ကညွတ်တွင် antioxidant များဖြစ်သော vitamin A, folic acid နှင့် အာဟာရဖြစ် အမျှင်ဓာတ်များ များစွာပါဝင်ပါတယ် ၊
ကညွတ်သည် ပိုးမွှားများ ခန္ဓာကိုယ်တွင်း မဝင်အောင်နှင့် ရောဂါမဝင်အောင် ကာကွယ်ပြီး စွမ်းအင်ရရှိအောင် ကူညီနိုင်သော vitamin C နှင့် rutin ဓာတ် အကြွယ်ဝဆုံး အပင်လည်း ဖြစ်ပါတယ် ။
Antioxidant နဲ့ အမျှင်ဓာတ်များစွာပါသောကြောင့် သိုင်းရွိုက် ကျန်းမာရေးအတွက် ကောင်းမွန်စေပါသည် ။
ရောင်ရမ်းမှုတွေကို လျော့ကျစေပါတယ် ၊ အစာခြေစနစ်ကို ကောင်းမွန်စေပါတယ် ။
Asparagine ဓာတ်ပါလို့ ကညွတ်က သဘာဝဆီးဆေးပဲ ဖြစ်ပါတယ် ၊ ဆီးလမ်းကြောင်းပိုးဝင်ခြင်းကိုလည်း ကာကွယ်ပေးနိုင်ပါတယ် ။
ကျောက်ကပ်ကို သန့်စင်ပေးပြီး အဆိပ်အတောက်များ ဖယ်ရှားပေးပါတယ် ။
ကညွတ်သည် insulin အရင်းအမြစ်ဖြစ်သော အကောင်းဆုံး အပင်တစ်မျိုးဖြစ်ပါတယ် ၊ glutathione အများဆုံးပါဝင်လို့ ကင်ဆာဆဲလ်တွေကို တိုက်ဖျက်တဲ့နေရာမှာ များစွာ အကျိုးပြုပေးပါတယ်နော် ။
ကဲ အကျိုးကျေးဇူးတွေ များသလို သတိထားရမယ့် အချက်တွေလည်း ရှိပါတယ် ......
ကညွတ်မှာ purines ဓာတ်တွေ ပါဝင်လို့ uric acid တက်တတ်သောသူများ၊ ဂေါက်ရောဂါရှိသူများ ၊ ‌ဆီးကျောက်တည်သူများကတော့ အနည်းငယ်သာ စားသုံး‌ပေးသင့်ပါတယ်.......
ဒီလောက်ဆိုရင် ကညွတ်အကြောင်း သိကောင်းစရာလေးတွေ ရှောင်ရန်လေးတွေကို အတန်အသင့် သိရှိသွားမယ်လို့ ထင်ပါတယ်ရှင် ။
စာဖတ်သူတို့ရော ကညွတ်ကို ဘယ်လိုတွေလုပ်စားလဲ ? ချက်စားလဲ ? ဝေမျှပေးခဲ့ကြပါဦးရှင့် ......
#ကညွတ်အကြောင်းသိကောင်းစရာ
#စွမ်းရည်လင်း
#တိုင်းရင်းဆေး

07/07/2026

လက်ချောင်းတောင့်ခြင်း (Trigger Finger)
ယနေ့ခေတ်မှာ အဖြစ်များလာတဲ့ လက်ချောင်းတောင့်ခြင်း ဆိုသည်မှာ လက်ချောင်းဟာ ပုံစံ အနေထားတစ်ခုတည်းအဖြစ် တောင့်နေခြင်းကို ခေါ်ပါတယ် ။ တစ်ချို့ ကွေးရာမှ ဆန့်မရခြင်း၊ ဆန့်ရာမှ ကွေးမရ‌ခြင်းမျိုး ဖြစ်နေတတ်ပါတယ် ။
လက်ချောင်းတောင့်ခြင်း ဘာလို့ဖြစ်သလဲဆိုရင် လက်ချောင်းတွေကို ဝန်းရံထားတဲ့ အရွတ်များ ထိခိုက်ပျက်စီးခြင်းကြောင့် ဖြစ်ပါတယ် ။
ပို၍ဆိုးသော အခြေနေများတွင် nodule အကျိတ်လေးများ ထွက်ပေါ်လာတတ်ပါတယ် ။ ကျွန်မတို့ ဆေးခန်းမှာ လက်မနဲ့ လက်ခလယ် ကွေးဆန့်မရဘဲ နာကျင်နေတဲ့ လူနာတွေကိုတော့ တွေ့ရများပါတယ် .......
🍀 ဘယ်လိုလူတွေမှာ ဖြစ်တာများလဲ ?
- လက်ချောင်းများကို အားစိုက် အသုံးပြုသူများ
ဥပမာ ( ကွန်ပျူတာ typing အမြဲရိုက်နေရသူများ ၊ ဂစ်တာတီးသူများ ၊ ဘောလ်ပင်ကို အားဖြင့်ဖိရေးသူများ၊ ကတ်ကြေးကိုင်/ညှပ် များသူများ ၊ မီးခြစ်ခြစ်များတတ်သူများ၊ ဂိမ်းဆော့သူများ )
- အလေးဆွဲသူများ
- တစ်ချို့ရောဂါများ ( ဆီးချို ၊ သွေးလေးဖက်နာရောဂါရှိသူများ )
🍀 ဘယ်လိုကုသလို့ရလဲ ?
ရောဂါဖြစ်ဖြစ်ချင်း ၁ ပတ်/၂ ပတ် အတွင်း လက်ချောင်းနစ်လျောက် နာတဲ့နေရာကို အဓိကထားပြီး ရေခဲပွတ်ပေးပါ ။
(၁၅ မိနစ်ခန့် ) ဆားရေနွေးစိမ်ပေးပါ ။
ဆေးဆီ နွေးနွေးလိမ်းပေးပါ ။
လက်ချောင်းများကို ကြပ်စည်းပြီး အနားပေးပါ ။
လက်‌ချောင်းလေ့ကျင့်ခန်းများ လုပ်ပေးပါ ။
လက်ချောင်းအကွေးအဆန့်ထိန်းပေးတဲ့ finger splint တပ်ပေးထားပါ ။
ညင်သာစွာ နှိပ်နယ်ပေးပါ ။
ကျွန်မတို့ ဆေးခန်းတွင် လက်ချောင့်တောင့်တင်းနေသော လူနာများအား နာကျင်မှုလျော့နည်းပြီး သက်သာစေရန်
infrared red ray ပေးကုသခြင်း၊
Electrical stimulation ပေး၍ ကုသခြင်း၊ ဆေးစည်းကုသခြင်း၊ အပ်စိုက်ကုထုံးဖြင့် ကုသပေးခြင်းဖြင့် ကုသမှုပေးလျက်ရှိပါတယ်ရှင် ......
#စွမ်းရည်လင်း
#အထွေထွေရောဂါကုတိုင်းရင်းဆေးခန်း
#လက်ချောင်းတောင့်ခြင်း
09795239612, 09420068169

04/07/2026

ဟင်္သာတမြို့နှင့် ဇလွန်မြို့သို့
------>>>>
ဝယ်ယူအားပေးသူတစ်ဦးတစ်ယောက်ချင်းစီကို စွမ်းရည်လင်းမိသားစုမှ ကျေးဇူးအထူးတင်လျက် 🙏

15/06/2026

ဒဏ်ကြောင့် အဆစ်အမျက်များ နာကျင်ကိုက်ခဲခြင်း ၊ ရောင်ခြင်း၊ ဒူးနာ ခါးနာခြင်း၊ အကြောတက်ခြင်း၊ အကြောတောင့်တင်းခြင်း၊ ကြွက်သားများ ရောင်ခြင်း၊ တင်းခြင်း၊ ခြေလက်ထုံကျဉ်ခြင်းတို့ ဖြစ်နေပါသလား .......
စွမ်းရည်လင်းအမှတ်တံဆိပ်
ဒဏ်ကျေလိမ်းဆေးဘူးကိုသာ ဆောင်ထားလိုက်ပါ 🤗

တိုင်းရင်းဆေးဝါးမှတ်ပုံတင်အမှတ် ရရှိထားပြီး တိုင်းရင်းဆေးသမားတော်ကိုယ်တိုင် ဖော်စပ်ထုတ်လုပ်ထားသောကြောင့် ယုံကြည်စိတ်ချစွာ သုံးစွဲနိုင်ပါသည် ။ နယ်မြို့အသီးသီးသို့ ပို့ဆောင်ပေးနေရပြီး စွမ်းရည်လင်းဆေးတိုက်မှ ထုတ်လုပ်သော ဆေးများအားလုံးထဲတွင် လူကြိုက်အများဆုံး ဆေးတစ်လက်ဖြစ်ပါတယ်ရှင့်
သူလေးရဲ့ တစ်မူထူးခြားချက်က ဆေးအနံ့လေးပဲ ဖြစ်ပါတယ် 🤗
သုံးစွဲဖူးသူတိုင်း သိတယ်ဟုတ် 🤗
ဆေးအဆီပုံစံဖြစ်လို့ စေးကပ်မှုမရှိ ပေကျံမှုမရှိဘဲ သုံးစွဲရ အဆင်ပြေပါတယ်နော် 👍
သုံးစွဲဖူးသူတိုင်း ကြိုက်နှစ်သက်ပြီး ရောဂါဝေဒနာများ သက်သာကြတယ်ဆိုလို့ ထုတ်လုပ်သူကျွန်မတို့လည်း အလွန်ဝမ်းသာပီတိဖြစ်ရပါတယ်
ဒီဆေးမှ ဒီဆေးဖြစ်နေကြတဲ့ အစဉ်အမြဲအားပေးသူ မိဘပြည်သူများကိုလည်း ကျေးဇူးအထူးတင်ရှိပါတယ်ရှင် 🙏

ဇက်ကြောထိုးပြီး ခေါင်းမူးခေါင်းကိုက်ဖြစ်ခြင်း၊ ယခုလို ရာသီအကူးအပြောင်းတွင် နှာစေးနှာပိတ်ဖြစ်ခြင်း၊ ကားမူးခြင်းတို့အတွက်လည်း စွမ်းရည်လင်းအမှတ်တံဆိပ် အိတ်ဆောင်
ရှူလိမ်းဆေးပုလင်းလေးပါ ဝယ်ယူရရှိနိုင်ပါကြောင်း သတင်းကောင်းပါးအပ်ပါတယ်ရှင့် ☘️🌿🍃

ဝယ်ယူ သုံးစွဲလိုပါက
စွမ်းရည်လင်း တိုင်းရင်းဆေးတိုက်နှင့် အထွေထွေရောဂါကုတိုင်းရင်းဆေးခန်း
အမှတ် 810- A, သမိုင်း (၈) လမ်း၊ စတုတ္ထဖြတ်၊ အမှတ် (၁) ရပ်ကွက်၊ မရမ်းကုန်းမြို့နယ်၊ ရန်ကုန်မြို့ ။
၀၉ ၇၉၅၂၃၉၆၁၂
၀၉ ၄၂၀၀၆၈၁၆၉
၀၉ ၉၇၆၆၉၉၉၈၃
အခြားမြို့နယ်များသို့လည်း ပို့ဆောင်ပေးနေပါတယ်ရှင့်
ဟယ်လိုလို့သာ ဆက်သွယ်လိုက်ပါနော် 🤗

04/05/2026

အမြဲပို့ပေးနေရပါသော ......
လူကြိုက်များတဲ့ စွမ်းရည်လင်း ရှုလိမ်းဆေးတွေကို အလုံမြို့မှာရှိတဲ့ ' ကျော် ' ဆေးကမ္ဘာဆိုင်မှာလည်း ဝယ်ယူအားပေးနိုင်ပါတယ်နော် ......
"ကျော်" မိသားစုဆေးကမ္ဘာ
အောက်ကြည့်မြင်တိုင်လမ်းမကြီး၊ အလုံမြို့နယ် ။
ဝိုက်တောမှတ်တိုင်

17/04/2026

10/04/2026

ပိတ်ရက်နားနီးတော့ နယ်ကို ယူသွားကြဖို့ အပြေးလေး လာဝယ်ကြတာ ☺️
ဝယ်ယူအားပေးသူ တစ်ဦးချင်းစီကို ကျေးဇူးအထူးတင်ပါတယ်ရှင့် ........
#စွမ်းရည်လင်း
#မြန်မာ့တိုင်းရင်းဆေး