𝑵𝒐𝑶𝒏𝒆-𝑾𝒆𝒍𝒍𝒔𝒑𝒓𝒊𝒏𝒈 𝑪𝒐𝒖𝒏𝒔𝒆𝒍𝒍𝒊𝒏𝒈

22/07/2026

“ 𝑼𝒏𝒕𝒊𝒍 𝒚𝒐𝒖 𝒎𝒂𝒌𝒆 𝒕𝒉𝒆 𝒖𝒏𝒄𝒐𝒏𝒔𝒄𝒊𝒐𝒖𝒔 𝒄𝒐𝒏𝒔𝒄𝒊𝒐𝒖𝒔, 𝒊𝒕 𝒘𝒊𝒍𝒍 𝒅𝒊𝒓𝒆𝒄𝒕 𝒚𝒐𝒖𝒓 𝒍𝒊𝒇𝒆 𝒂𝒏𝒅 𝒚𝒐𝒖 𝒘𝒊𝒍𝒍 𝒄𝒂𝒍𝒍 𝒇𝒂𝒕𝒆."

𝑪𝒂𝒓𝒍 𝑱𝒖𝒏𝒈

💔"ငါကတော့ ဘယ်တော့မှ အချစ်ရေးမှာ ကံမကောင်းပါဘူး"

💵“ငါ့မှာငွေကြေးနဲ့ပတ်သက်ပြီး ခက်ခဲလိုက်တာ ကံမကောင်းဘူး”

"ငါ့အလုပ်ရှင်တွေက ဘာလို့ အမြဲတမ်း တစ်ပုံစံတည်း ဖြစ်နေရတာလဲ"

ℹ️"ငါ့ဘဝကတော့ ကံကြမ္မာက နှိပ်စက်လွန်းပါတယ်..." စတဲ့…စတဲ့ …

🗣️စကားမျိုးတွေကို ကျွန်မတို့မကြာခဏပြောဖူးကြမယ်ထင်ပါတယ် ဒါမှမဟုတ် ဘေးနားကလူတွေ ပြောတာလည်း ကြားဖူးကြမှာပါ။ 𝑪𝒂𝒓𝒍 𝑱𝒖𝒏𝒈 ကတော့ ဒါနဲ့ပတ်သက်ပြီး စကားတစ်ခွန်း ပြောခဲ့ဖူးတယ်။ "မသိစိတ်ကို သိစိတ်အဖြစ် မပြောင်းလဲနိုင်သရွေ့၊ အဲဒီမသိစိတ်ကပဲ မင်းရဲ့ဘဝကို မောင်းနှင်နေလိမ့်မယ်၊ ပြီးရင် မင်းက အဲဒါကို ကံကြမ္မာလို့ ခေါ်လိမ့်မယ်" တဲ့။

ဒါက ဘာကိုပြောတာလဲဆိုတော့ ကျွန်မတို့ရဲ့ဘဝတွေမှာ လူမှုရေး မိသားစုအရေး အဆင်မပြေမှုတွေ ကြုံတဲ့အခါ ဒီအဆင်မပြေမှုတွေကို 𝒄𝒐𝒏𝒔𝒄𝒊𝒐𝒖𝒔ကလက်မခံနိုင်တဲ့အခါ 𝒓𝒆𝒍𝒊𝒈𝒊𝒐𝒏 , 𝒔𝒐𝒄𝒊𝒂𝒍 𝒏𝒐𝒓𝒎𝒔 & 𝒄𝒖𝒍𝒕𝒖𝒓𝒆 တွေကနေမှတဆင့် ကျမတို့ရဲ့ 𝒖𝒏𝒄𝒐𝒏𝒔𝒄𝒊𝒐𝒖𝒔 ကိုရောက်သွားတတ်ပါတယ်။

ငိုချင်ရက်နဲ့မငိုလိုက်ရတဲ့ အခိုက်အတန့်တွေ ၊ ဒေါသထွက်နေသားနဲ့ ရှောင်လိုက်ရတဲ့ အခြေအနေတွေကနေ မသိစိတ်ထဲ့ကို ဖိနှိပ်လိုက်ရတဲ့ ကိုယ့်ရဲ့ စိတ်ခံစားချက်တွေ အများကြီးလည်းရှိခဲ့ကြမှာပါပဲဖြစ်ပါတယ်။

ဥပမာ - ငယ်စဉ်မှာ မိဘတွေမကြာခဏ ကွာရှင်းတာ အိမ်တွင်းရန်ပွဲတွေ အဆင်မပြေမှုတွေကြောင့် ကြီးလာတဲ့ကလေးတယောက်ရဲ့ ရင်ထဲမှာ သူ့ရဲ့သိစိတ်က ငါ အရွယ်ရောက်ရင်တော့ သာယာဖြောင့်ဖြူးတဲ့ အချစ်ရေး၊ အိမ်ထောင်ရေးတစ်ခုကို တည်ဆောက်မယ်" လို့ အမြဲတွေးနေကောင်းတွေးနေပေမယ့် မိဘတွေရဲ့ ပြဿနာတွေနာကျင်မှုတွေကြောင့် သူ့ရဲ့ မသိစိတ်ထဲမှာ "အချစ်ဆိုတာ နာကျင်စရာပဲ၊ တစ်နေ့ကျရင် သူလည်း ငါ့ကို ထားခဲ့မှာပဲ" ဆိုတဲ့ ကြောက်စိတ်နဲ့ ဒဏ်ရာတွေ ကိန်းအောင်းနေတတ်ပါတယ်။ သူရဲ့ အချစ်ရေးတစ်ခု စလိုက်တိုင်း "မသိစိတ်" က နောက်ကွယ်ကနေ ကြိုးကိုင်ပြီး ဆုံးဖြတ်ချက်တွေ ချပစ်တော့တာပါပဲ။ ချစ်သူက ဖုန်းခေါ်တာ နည်းနည်းလေး နောက်ကျတာနဲ့တင် မသိစိတ်က ပေါက်ကွဲတတ်တဲ့ ဒေါသတွေကို ထုတ်ပေးလိုက်တော့တာပါပဲ။

တချို့တွေကလည်း တဖက်ကဘယ်လောက်ဆိုးဆိုး 𝒓𝒆𝒅 𝒇𝒍𝒂𝒈 🚩 ဖြစ်နေရင်တောင် ကိုယ့်ရဲ့ခံစားချက်တွေကိုဖိနှိပ်ပြီး ဇွတ်အတင်းကိုယ့်ဘက်ကကောင်းနေကြတတ်ကြပါတယ် နောက်တနည်းအနေနဲ့ အဆင်မပြေမှုတွေကိုမလိုချင်ဘူးလို့ ဘယ်လောက်ပဲဆိုဆို ကိုယ်တိုင်ရဲ့ အပြုအမူတွေကတဖက်ကမခံနိုင်လောက်တဲ့ အခြေအနေကိုပဲမသိစိတ်ကိုယ်တိုင်ကပဲဖန်တီးပြီး ပြဿနာဖြစ်အောင် ဝေးကွာအောင်တွန်းပို့နေတတ်ပါသေးတယ်။

🌱 ကျွန်မတို့တွေ အဆင်မပြေမှုတွေ ကြုံလာတိုင်း အခြားသူကို ပုံချ အပြစ်တင်တာ၊ ကိုယ့်ကိုယ်ကိုယ် ကာကွယ်ဖို့ပဲ ကြိုးစားနေကြတာထက်...

👉 "ငါကိုယ်တိုင်ရော မသိစိတ်ရဲ့ မောင်းနှင်မှုနဲ့ ဘယ်အခြေအနေထိ ရောက်နေပြီလဲ?"
👉 "အဆင်မပြေမှုတိုင်းကို 'ကံကြမ္မာကြောင့်' လို့ ဘယ်နှစ်ခါများ လွှဲချခဲ့ပြီးပြီလဲ?" ဆိုတာ ပြန်ဆန်းစစ်ဖို့ လိုပါတယ်။
တကယ်တမ်းတော့ ပြဿနာ အတော်များများဟာ ကိုယ့်ရဲ့ 𝑼𝒏𝒄𝒐𝒏𝒔𝒄𝒊𝒐𝒖𝒔 ထဲမှာ အတင်းသွတ်သွင်း ဖိနှိပ်ထားပြီး ဘယ်တော့မှ အသိအမှတ်မပြုခဲ့တဲ့ စိတ်ခံစားချက်တွေကြောင့်ပဲ ဖြစ်ပါတယ် 🗝️။

ကိုယ်ရဲ့ ကံကြမ္မာကို ကိုယ်တိုင်ပြောင်းလဲဖို့ ကိုယ့်ကိုကိုယ် 𝒂𝒘𝒂𝒓𝒆𝒏𝒆𝒔𝒔 ရှိရှိနားလည်လက်ခံဖို့ ဒီနေ့ကစပြီး ပြောင်းလဲမယ်ဆိုတဲ့လမ်းမှာအခက်အခဲတစုံတရာရှိရင် ကျမတို့နဲ့အတူသွားဖို့ဖိတ်ခေါ်ပါရစေရှင်။

16/07/2026

🧩  𝑭𝒓𝒂𝒈𝒎𝒆𝒏𝒕𝒂𝒕𝒊𝒐𝒏🤯

😥 နေ့စဉ်ဘဝထဲမှာ ကိုယ် ဘာလုပ်နေလဲ၊ "ကိုယ်ဘာဖြစ်ချင်နေတာလဲ" ဆိုတာကို ကိုယ့်ကိုယ်ကိုယ် ပြန်မသိတော့ဘဲ စိတ်အဆက်အစပ်တွေ ပြတ်တောက်နေတာ 👇အာရုံက ၅ မိနစ်တစ်ခါ ပျံ့နေတာ အလုပ်တစ်ခု လုပ်နေရင်း ဖုန်းလေးခဏကိုင်မိတယ်၊ Notification တက်လာလို့ တစ်ချက်ဝင်ကြည့်တယ်၊ အဲဒါနဲ့တင် ပြီးရမယ့်အလုပ်က မပြီးတော့ဘဲ အာရုံလွင့်ပြီး ဖုန်းကိုလက်ကမချမိတာ reels တွေထဲမှာလည်ပြီး လုပ်လက်စတွေပြန် Focus လို့မရတော့တာ ။

🧠ခေါင်းထဲမှာ အတွေးပေါင်းစုံ ဗြောင်းဆန်နေပြီး ဘယ်တစ်ခုကို အရင်လုပ်ရမလဲ မသိတော့တာ၊ စိတ်ပူစရာတွေ တစ်ပြိုင်နက် ဝင်လာတာမျိုး အတွေးတွေ အရမ်းများပြီး စုစည်းမရတာ

🤯 အလုပ်ခွင်မှာ တစ်မျိုး၊ လူမှုရေးမှာ တစ်မျိုး၊ Social Media ပေါ်မှာ တစ်မျိုးနဲ့ ပုံစံမျိုးစုံ လိုက်လုပ်နေရလို့ နေရာအလိုက် ပုံစံတွေ အရမ်းပြောင်းနေတာ နောက်ဆုံး "ငါ့ရဲ့ တကယ့် ပင်ကိုယ်စရိုက်အစစ် (True Self) က ဘာလဲ" ဆိုတာ ပျောက်ဆုံးသလို ခံစားရတာ။

🛑ဒီလိုအခြေအနေကို Psychology မှာတော့ Fragmentation ဖြစ်တယ်လို့ဆိုပါတယ် Overwhelming ဖြစ်လို့ အရာရာက အလွန်အမင်း များပြားလွန်းလို့ စိတ်ဖိစီးမှုတွေ၊ တာဝန်တွေ၊ တွေးတောစရာတွေက ကိုယ်မခံနိုင်လောက်အောင် တစ်ပြိုင်နက် များလာတဲ့အခါ စိတ်က ကိုယ့်ကိုယ်ကိုယ် ကာကွယ်ဖို့အတွက် အလိုအလျောက် "အပိုင်းပိုင်း ခွဲပစ်လိုက်တာ" မျိုးပါ။

ℹ️ယနေ့ခေတ်မှာ Information Overload (သတင်းအချက်အလက်တွေ များလွန်းလိုတစ်နေ့တာလုံး ဖုန်းပွတ်ရင်း မလိုအပ်တဲ့ အချက်အလက်တွေ၊ တခြားသူတွေရဲ့ ဘဝတွေကို အဆက်မပြတ် မြင်နေရတဲ့အခါ ကိုယ့်စိတ်က မချေဖျက်နိုင်တော့ဘဲ ဖရိုဖရဲ ဖြစ်လာတဲ့အခါ အပြင်ပန်းကြည့်ရင် အားလုံးအဆင်ပြေနေပုံရပေမဲ့ အတွင်းထဲမှာတော့ ကိုယ့်ကိုယ်ကိုယ် အပိုင်းပိုင်း ကွဲအက်နေသလို ခံစားရပြီး ခေါင်းထဲမှာတင်မကဘဲ ရင်ဘတ်ထဲမှာပါ တကယ့်ကို နာကျင်အထီးကျန်ရတဲ့ ခံစားချက်မျိုး ဖြစ်လာတတ်ပါတယ်။ ဒါဟာ သာမာန်စိတ်ညစ်တာထက် ပိုနက်ရှိုင်းလာပါတယ်။

🪞မှန်ထဲမှာ ကိုယ့်မျက်နှာကိုယ် ပြန်ကြည့်နေပေမဲ့ "ဒါ တကယ်ပဲ ငါလား" ဆိုပြီး မေးခွန်းထုတ်လာရတယ်။ ပတ်ဝန်းကျင်နဲ့ အဆင်ပြေအောင် မျက်နှာဖုံးတွေ အထပ်ထပ် စွပ်ထားရလွန်းလို့ ကိုယ့်ရဲ့ True Self (စစ်မှန်တဲ့ ကိုယ်ပိုင်စရိုက်) က ဘယ်နားမှာ ပျောက်ဆုံးနေမှန်း မသိတော့တဲ့ ခံစားချက်တွေဖြစ်လာပါတယ်။

😶‍🌫️ လူတွေအများကြီးကြားထဲမှာ ရှိနေရင်တောင်မှ ကိုယ့်စိတ်က သူတို့နဲ့ တစ်သားတည်း မရှိဘဲ ကွဲထွက်နေသလို ခံစားရတယ်။ ဘယ်သူမှ ကိုယ့်ကို နားမလည်နိုင်တော့ဘူးဆိုတဲ့ အထီးကျန်စိတ်က ရင်ထဲမှာ အမြဲ လွှမ်းမိုးနေတတ်ပါတယ်။

📆မနေ့က လုပ်ခဲ့တဲ့အရာ၊ အခု လုပ်နေတဲ့အရာတွေက ကိုယ်နဲ့မဆိုင်သလိုမျိုး၊ ဘဝကြီးက ရုပ်ရှင်တစ်ကားကို ဘေးကနေ ထိုင်ကြည့်နေရသလိုမျိုး စိတ်နဲ့ခန္ဓာ အဆက်အစပ်မရှိဘဲ လွင့်မျောနေတတ်ပါတယ်။

🥵 ရေရှည်မှာ (Chronic Distraction) လိုခေါ်တဲ့ အလုပ်တစ်ခုကို ပြီးအောင်လုပ်ဖို့ နေနေသာသာ၊ စာတစ်ကြောင်း ဖတ်ဖို့တောင် စိတ်ကို စုစည်းလို့ မရတော့ပါဘူး။ အတွေးတွေက ဖရိုဖရဲ ဖြစ်နေတဲ့အတွက် အမြဲတမ်း မေ့လွယ်တာ၊ ဆုံးဖြတ်ချက် မချနိုင်တာတွေ ဖြစ်လာပါတယ်။

💔ကွဲအက်နေတဲ့ စိတ်အပိုင်းအစတွေကို နေ့စဉ်ဘဝမှာ အတင်းလိုက်စုပြီး "အဆင်ပြေချင်ယောင် ဆောင်နေရတာ" ဟာ energy တွေ အလွန်ကုန်ခမ်းစေပါတယ်။ ဒါကြောင့် အမြဲတမ်း ပင်ပန်းနွမ်းနယ်နေပြီး Burnout အဆင့်ထိ လျင်မြန်စွာ ရောက်သွားတတ်လာပါတယ်။

🥖စိတ်က တစ်သားတည်း (Whole) ဖြစ်မနေဘဲ အမြဲတမ်း ဖရိုဖရဲ ဖြစ်နေတဲ့အခါ စိုးရိမ်ပူပန်စိတ် (Anxiety) တွေ တားမရဆီးမရ ဝင်လာပြီး၊ ရေရှည်မှာ စိတ်ဓာတ်ကျတဲ့အထိ ဆိုးကျိုးတွေရှိလာနိုင်ပါတယ်။

🏠ဒီလိုအခြေအနေ စိတ်တွေ Fragment ဖြစ်နေပြီဆိုရင်ကွဲအက်နေတယ်လို့ ခံစားရတဲ့အခါ ကိုယ့်ကိုယ်ကိုယ် အပြစ်မတင်ပါနဲ့။ ဒါဟာ ကျွန်မတို့ရဲ့ စိတ်အခြေအနေတွေ အားနည်းလို့ မဟုတ်ပါဘူး။ စိတ်က ဒဏ်ရာတွေ၊ စိုးရိမ်ပူပန်မှုတွေကို မခံမရပ်နိုင်အောင် ကြုံတွေ့ခဲ့ရလို့ ခဏတာ လွင့်စဉ်သွားတာပဲ ဖြစ်ပါတယ်။ကွဲသွားတဲ့ မှန်စတွေကို ဖြည်းဖြည်းချင်း ပြန်ကောက်ပြီး စုစည်းသလို စိတ်ကိုလည်းပြန်လည်စုစည်းလို့ ရပါတယ်။ဒီအခြေအနေမှာ ကိုယ့်ကိုကိုယ်တယောက်ထဲဖြစ်နေပြီလို့မတွေးပဲစိတ်ကို တစ်သားတည်း ပြန်ဖြစ်အောင် ကုစားပေးဖို့ ကိုယ့်ရဲ့ စိတ်ခံစားချက်တွေကို ငြင်းပယ်မထားဘဲ အသိအမှတ်ပြု လက်ခံပေးနိုင်တဲ့ လုံခြုံနွေးထွေးတဲ့ safe space လေးတခုအဖြစ် ကျွန်မတို့ရှိနေပေးပါတယ် ✨

Su Su Hlaing

31/12/2025

05/10/2025

သီတင်းကျွတ်လပြည့်နေ့ အဘိဓမ္မာအခါတော်နေ့မှာ

🌸 ကြံစည်သမျှ လုပ်ကိုင်သမျှသောအရာတွေအောင်မြင်ပြီးရည်မှန်းချက်တွေပြည့်စုံပါစေ။

🌸ဥစ္စာစီးပွါးများဆထက်တပိုးတိုးတက်ပါစေ

🌸 ချစ်ခင်နှစ်သက်သောသူများနဲ့ဆုံးဆည်းနိုင်ပြီး မုန်းသောသူများကို ဂရုဏာထားနိုင်ပါစေ

🌸 ကွဲကွာနေသူများအမြန်ဆုံးပြည်လည်ဆုံဆည်းကြပါစေ

🌸အများအကျိုးအတွက် ကောင်းဖို့ရည်ရွယ်ပြီးလုပ်ကိုင်နေသမျှတွေအမြန်ဆုံးပြည့်ကြပါစေ

🌸ကျေးဇူးရှိဖူးသော မိဘ ဆရာ နဲ့ ကျေးဇူးရှင်များကိုကျေးဇူးဆပ်နိုင်သူများဖြစ်ပါစေ။

ကျွန်မတို့ NoOne Team မှဆုတောင်းပေးပါတယ်။

19/08/2025

𝐸𝑣𝑒𝑟𝑦 𝐽𝑜𝑢𝑟𝑛𝑒𝑦 𝑏𝑒𝑔𝑖𝑛𝑠 𝑎𝑡 ℎ𝑜𝑚𝑒 .

👩‍🍼လူတိုင်းကစမွေးဖွားချိန်ကထဲကမိသားစု အိမ်ဆိုတဲ့ အသိုက်အမြုံကနေ သင်ယူရင်း တဖြည်းဖြည်းအရွယ်ရောက်လာကြတယ် လူမပြောနဲ့ တိရိစ္ဆာန်လေးတွေတောင် အသိုက်အမြုံကနေပဲ မိခင်ရဲ့ သင်ကြားပြသမှုတွေကနေဆင့် ကြီးပျင်းခဲ့ကြတာပဲဖြစ်ပါတယ်။

🏡ကျွန်မတို့ရဲ့ ဘဝတွေက အိမ်ဆိုတဲ့နေရာကနေပဲစပြီး အိမ်ဆိုတဲ့နေရာမှာပဲလမ်းဆုံးကြတယ်။ အိမ်တခုကနေ နောက်ထပ်အိမ်တွေ ကမ္ဘာမြောက်ခြမ်း တောင်ခြမ်း ဘယ်နေရာဖြစ်ဖြစ် ဆင့်ပွါးတည်ဆောက်နေကြတာပဲဖြစ်ပါတယ်။

🧑‍🧑‍🧒‍🧒လူတယောက်ကမွေးလာတယ် သူရဲ့ 𝑖𝑛𝑖𝑡𝑖𝑎𝑙 𝑓𝑎𝑚𝑖𝑙𝑦 ကနေပဲ လောကအကြောင်း ဘဝအကြောင်းသင်ယူကြတယ်။ နောက်ထပ် သူတို့ရဲ့ ကိုယ်ပိုင် 𝑓𝑎𝑚𝑖𝑙𝑦 တွေ တည်ဆောက်ကြတယ် အဲ့ဒီ့အခါမှာလည်း 𝑖𝑛𝑖𝑡𝑖𝑎𝑙 𝑓𝑎𝑚𝑖𝑙𝑦 ကရထားတဲ့ 𝑟𝑒𝑠𝑜𝑢𝑟𝑐𝑒 တွေအတိုင်းပဲ ကိုယ်ပိုင် 𝑓𝑎𝑚𝑖𝑙𝑦 ကို ပြန်ပြီးသူတို့ ကြုံခဲ့ရတဲ့ 𝑒𝑥𝑝𝑒𝑟𝑖𝑒𝑛𝑐𝑒𝑠 တွေ 𝑏𝑒𝑙𝑖𝑒𝑓𝑠 တွေ 𝑡𝑟𝑎𝑢𝑚𝑎 တွေကို လက်ဆင့်ကမ်း သင်ကြားပေးကြတယ်။ လောကရဲ့ပညာတွေကအပြင်ကသင်ကြားလို့ရပေမယ့် 𝑖𝑛𝑖𝑡𝑖𝑎𝑙 𝑠𝑡𝑎𝑡𝑒 မှာကြုံရတာတွေကတော့ ပြောင်းလဲဖို့ ခဲယဉ်းကြပါတယ်။

👶သားသမီးတွေငယ်စဉ်မှာ မိဘတွေဆီက “ချစ်ခြင်းမေတ္တာနဲ့ လုံခြုံနွေးထွေးမှုဂရုစိုက်စောင့်ရှောက်မှု”ကိုလိုချင်ကြတယ်။ မိဘတွေကလည်း သူတို့မိဘဆီကနေ “ချစ်ခြင်းမေတ္တာနဲ့ လုံခြုံနွေးထွေးမှုဂရုစိုက်စောင့်ရှောက်မှု” ကိုပဲလိုချင်ကြတယ်။ ဒါတင်ပဲလားဆိုတော့ မဟုတ်ပြန်ဘူး အတူနေလူကြီးတွေဆီကနေလည်း ကလေးတွေက သူတို့ကို ချစ်ခင်ဂရုစိုက်မှုကိုလိုချင်ကြပြန်တယ်။

💖ဒီလိုနဲ့ ကျွန်မတို့တွေက ကျွန်မတို့ငယ်စဉ်ကမရခဲ့တဲ့ ချစ်ခြင်းမေတ္တာ လုံခြုံနွေးထွေးမှု နဲ့ ဂရုစိုက်မှုဆိုတာတွေကို 𝐺𝑒𝑛𝑒𝑟𝑎𝑡𝑖𝑜𝑛𝑎𝑙 အဆင့်ဆင့်လိုချင်ခဲ့ကြပါတယ်။ဒါတွေကို မရတဲ့အခါ ကျွန်မတို့ရဲ့ချစ်ခြင်းကနေမုန်းခြင်းတွေဆီရောက်လာကြပါတော့တယ်။ မိဘ မိသားစု သွေးခြင်းတွေ ဆီကရတဲ့ အမုန်း နဲ့ ပြစ်တင်ခံရတာတွေအသိအမှတ်ပြုမခံရတာတွေကနေ ကျွန်မတို့ကြီးပြင်းလာတဲ့တလျှောက် တစိမ်းတွေဆီကနေပါ ရဖို့ 𝑢𝑛𝑐𝑜𝑛𝑠𝑐𝑖𝑜𝑢𝑠𝑙𝑦 ကြိုးစားနေကြတော့တာပဲဖြစ်ပါတယ်။

👫ကိုယ်ရွေးချယ်တဲ့ 𝑙𝑖𝑓𝑒 𝑝𝑎𝑟𝑡𝑛𝑒𝑟 ဆီကနေ အဖေနဲ့တူတဲ့ လုံခြုံမှုတွေ အမေနဲ့တူတဲ့ ပြုစုမှုတွေ အပြင် အဖေ/အမေဆီကလုံလောက်အောင်မရခဲ့တာတွေကို မသိစိတ်ကရော သိစိတ်ကရောမျှော်လင့်ခဲ့ကြတယ်။ ကိုယ့်ရဲ့ 𝑝𝑎𝑟𝑡𝑛𝑒𝑟 တွေကလည်း သူတို့ရဲ့မိဘတွေ အသိုင်းအဝိုင်းတွေဆီကနေ သူတို့အတွက်မလုံလောက်ခဲ့တဲ့အရာတွေအပေါ် ပြန်တောင်းဆိုနေကြတာက်ို သတိမထားမိတတ်ကြပဲ 𝑅𝑒𝑙𝑎𝑡𝑖𝑜𝑛𝑠ℎ𝑖𝑝 𝑖𝑠𝑠𝑢𝑒 တွေဖြစ်လာကြပါတယ်။

💖🧑‍🧑‍🧒‍🧒𝑇𝑒𝑎𝑐ℎ𝑒𝑟 ဒေါ်သိင်္ဂီလွင် အမြဲပြောသလို “ 𝑅𝑒𝑙𝑎𝑡𝑖𝑜𝑛𝑠ℎ𝑖𝑝 နဲ့ ဖြစ်တဲ့အရာတွေကို 𝑟𝑒𝑙𝑎𝑡𝑖𝑜𝑛𝑠ℎ𝑖𝑝 နဲ့ပဲရှင်းရတယ် “ ဆိုတဲ့အတိုင်း ဘဝရဲ့ 𝑡𝑟𝑎𝑢𝑚𝑎 , 𝑃𝑎𝑖𝑛𝑓𝑢𝑙 𝑚𝑜𝑚𝑒𝑛𝑡𝑠 တွေအကုန်လုံးက မိသားစုကနေပဲ အခြေတည် ဖြစ်လာခဲ့ရတာတွေဖြစ်ပါတယ်။ ကိုယ့်ရဲ့ မိဘ ညီအစ်ကိုမောင်နှမ အတူကြီးပြင်းခဲ့ရတဲ့သူတွေဆီကနေပဲ ပျော်ရွှင်စရာတွေရော နာကျင်မှုတွေရော ဘဝအတွေ့အကြုံတွေကိုပါသင်ယူလာခဲ့ရလို့ ကျွန်မတို့ရဲ့ စိတ်မှာဖြစ်ပေါ်လာတဲ့ခံစားချက်တွေ နာကျင်မှုတွေကို မိသားစုကနေ ရတဲ့ ခံစားချက်တွေကို ကိုယ့်ကိုကိုယ်ပြန်ကြည့်ပြီး မိသားစုအချင်းချင်းကနေပဲ ကိုယ်အဆင်မပြေတဲ့အရာတွေကို နောက်တလှမ်းဆုတ်ပြီး ကိုယ့်ဘက်ကစပြောင်းလဲလို့ ကိုယ့်ကိုကိုယ်နဲ့ မိသားစုကို မေတ္တာ ဂရုဏာနဲ့ ပြေလည်အောင်​စပြီး ဖြေရှင်းနိုင်ဖို့လိုပါတယ်။

🏡မိသားစုနဲ့ ကိုယ့်ကိုကိုယ်တောင်အဆင်မပြေ မေတ္တာ ဂရုဏာမထားနိုင်ရင် 𝑇ℎ𝑒𝑟𝑎𝑝𝑖𝑠𝑡 တယောက် ℎ𝑒𝑎𝑙𝑒𝑟 တယောက်အနေနဲ့ တခြားသူတွေရဲ့ 𝑡𝑟𝑎𝑢𝑚𝑎 တွေ 𝑝𝑎𝑖𝑛 တွေကိုနားထောင်ပေးနိုင်ရဲ့လားဆိုတာမသေချာနိုင်ပါဘူး။

💞 "အိမ်"ဆိုတာ ဘဝရဲ့ပထမဆုံးအတန်းပြခန်းဖြစ်သလို၊ နောက်ဆုံးအနားယူစရာနေရာလည်းဖြစ်ပါတယ်။မိသားစုဆိုတဲ့အသိုက်ထဲက ကျွန်မတို့ရဲ့အနာတရတွေ၊ မပြည့်စုံမှုတွေကို မေတ္တာနဲ့ဖြေဖျောက်ပြီး ကိုယ့်ရဲ့အိမ်သစ်ကို ငြိမ်းချမ်းတဲ့အခြေခံနဲ့ တည်ဆောက်နိုင်ကြပါစေ။

🏡 "အိမ်"ဆိုတာ ခရီးစဉ်ရဲ့အစဖြစ်သလို၊ ပြန်ကိုပြန်ရမယ့်အဆုံးသတ်တခုလည်းဖြစ်ပါတယ်။

#𝑏𝑖𝑔𝑑𝑖𝑝𝑝𝑒𝑟
#𝑆𝑆𝐻

#𝐺𝑒𝑛𝑒𝑟𝑎𝑡𝑖𝑜𝑛𝑎𝑙𝐻𝑒𝑎𝑙𝑖𝑛𝑔

27/07/2025

Client တစ်ယောက်က Counseling Session တွေမှာ ကိုယ်ဘာလိုချင်တာလဲ recovery လား discovery လားဆိုတာကို ဆရာမ ဒေါ်သိင်္ဂီလွင်ရဲ့ Live ကိုနားထောင်တဲ့ အချိန် ကျမရင်ထဲ စွဲကျန်ခဲ့တဲ့ စကားလုံး ၂ ခုမှာ ကိုယ်ဖာသာ ဆက်ပြီး အဓိပ္ပါယ်တွေဖွင့်နေမိတယ်။

ကျမကတော့ လက်တလောခံစားနေရတဲ့ ခံစားချက်တွေကို ဆေးသိပ်ပေးရုံနဲ့ ခဏတာ သက်သာတဲ့ recovery ကိုသဘောမကျဘူး။ ကျမကိုယ်တိုင်ဒီခံစားချက်က ဘယ်ကလာတာလဲဆိုတာကို ထဲထဲဝင်ဝင် အဲ့ဒီထဲမှာနေပြီးရှာဖွေရတာကိုသဘောကျတယ်။ အဲ့လိုရှာဖွေရင်းနဲ့မှ ကိုယ်ရဲ့ပျောက်ဆုံးနေတဲ့အစိတ်အပိုင်းလေးတစ်ခုကိုပြန်တွေ့ရသလိုဖြစ်ပြီး ဝမ်းသာအားရ ထွေးပိုက်လိုက်ရတဲ့ ခံစားချက်လေးက ကိုယ့်ရဲ့လိုနေတဲ့ကွက်လပ်ကလေးတစ်ခုပြည့်သွားသလိုခံစားရသလို အဲ့အစိတ်အပိုင်းလေးကလည်း သူ့နေရာသူပြန်ရောက်လာတဲ့ အတွက် အလိုလို recovery ဖြစ်သွားတယ်လို့ခံစားရတယ်။

အဲ့ဒါကြောင့် ကိုယ်လတ်လောခံစားနေရတဲ့ ခံစားချက်လေးတွေကနေတဆင့် counseling session လေးတွေယူပြီး ကိုယ့်ကိုယ်ကို ပြန်လည်ရှာဖွေချင်တယ်ဆိုရင် မိတ်ဆွေတို့ရဲ့ journey မှာကျမတို့အတူတူရှိပေးချင်ပါတယ်။

Counselor
Thet Lail Khaing

ဆရာမဒေါ်သိင်္ဂီလွင်ရဲ့ Live 👇

https://www.facebook.com/share/v/19Y3M6SDLy/?mibextid=wwXIfr

25/07/2025

တစ်ရက်ရုံးမှာ သူဌေးမက “အသက်ရေ ငါနင့်ကို ငါ့သားအကြောင်းပြောပြရဦးမယ်…”
“အေးပြောပါဦး ငါလည်းနားထောင်ချင်တယ်…”
သူ့သားလေးက ကျမအဲ့ရုံးရောက်ပြီးမှ မွေးတာအခု ၁၃ နှစ်ရှိနေပြီဆိုတော့ ရုံးအမြဲလာနေကျတွေ့နေကြတော့ဖြစ်တော့ အဲ့ကလေးအကြောင်းလေးက စိတ်ဝင်စားဖို့ကောင်းတယ်။

“ ငါ့သားကျောင်းက ပြန်လာတော့ ငါ့ကိုပြောပြတာ သူ့သူငယ်ချင်းတွေက နေရှင်နယ်ဒေးပွဲမှာ မပါရလို့ငိုကြတယ်တဲ့ သားလည်းမပါဘူး သားတော့ မငိုချင်ဘူး သူတို့ဘာလို့ငိုကြတာလဲမသိဘူး… ငါကပြောလိုက်တယ်.. အရွေးမခံရတော့ ငိုရမှာပေါ့..အဲ့ဒါငါ့သားက သားတော့ အရွေးမခံချင်ဘူး အရွေးခံရရင် နေပူကြီးထဲသွားရမှာ တနေကုန်နေပူထဲရပ်နေရမှာ အရမ်းပင်ပန်းတယ် သားတော့ အိမ်မှာနေရတာကြိုက်တယ်တဲ့.... ငါ့သားဘယ်လိုတွေတွေးလဲမသိဘူး.. ငါတို့ငယ်ငယ်တုန်းကဆို အရွေးခံချင်တာ ပါချင်တာ… အဲ့ဒါငါလည်း ပြောလိုက်တယ်.. အရွေးခံရတယ်ဆိုတာ တော်လို့ရွေးတာ တော်တဲ့သူတွေပဲ choose လုပ်ခံရတာ အရွေးမခံရတာ မတော်လို့မရွေးတာလို့ပြောလိုက်တယ်.. နင်မှတ်မိသေးလား သူ primary အတန်းမှာတုန်းက အတန်းကပွဲမှာ တခြားသူတွေ မင်းသားမင်းသမီးလုပ်ဖို့ ရွေးကြတယ် ငါ့သားက monster 👹 လုပ်ဖို့ရွေးလာတယ်၊ ငါက ဘာလို့ monster ရွေးတာလဲ တခြား character ရွေးပါလားဆိုတော့ monster ပဲကြိုက်တယ် မွန်းစတားက လူတွေကိုရိုက်လို့ရတယ်တဲ့ ငါ့မှာသူ့ကိုပြောပြရသေးတယ် လူတွေကိုမရိုက်ရဘူးနော် လူဆိုးတွေ မွန်းစတားတွေဆိုတာ မကောင်းဘူး ရုပ်ရှင်တွေထဲကြည့်ပါလား နောက်ဆုံးမှာသူတို့ပဲရှုံးနိမ့်ပြီးသေရတာတွေ့လားဆိုပြီး ငါပြောထားရတယ်….”

ကျမ သူဌေးမရဲ့ စကားကြားပြီးတဲ့အချိန် “လူကောင်းရောလူဆိုးရော သေကြမှာမဟုတ်ဘူးလားလို့ ကျမပြောလိုက်တာ… အေးဟုတ်တယ် ငါ့သားလည်း အဲ့အတိုင်းပြောတယ်…😁သေတာတော့ ဟုတ်ပါတယ် ဒါပေမယ့် ငါတို့အားလုံးက လူကောင်းပဲလုပ်ရမှာ လူဆိုးလုပ်လို့မရဘူး လူကောင်းကိုပဲလူတွေက လက်ခံကြမှာ အဲ့ဒါကိုငါ့သားကို ငါနားလည်အောင်ပြောထားရတယ်၊ ငါ့သားက ဆရာမတွေနဲ့ လည်း အမြဲဆန့်ကျင်ဘက်တွေလုပ်တာ တခြားကလေးတွေက အကုန် ဆရာ ဆရာမတွေကို follow လုပ်ကြတယ် ငါ့သားကတော့ သူကြိုက်တာသူလုပ်တာများတယ်…”

ကျမက နင်ပြောတာ လူတွေကိုရိုက်တာမကောင်းဘူးဆိုတာတော့ ဟုတ်ပါတယ် ဒါပေမယ့် ငါတို့လူတွေဆီမှာ good ရော bad ရောရှိတာပဲလေ လူတွေက good တွေကြီးပဲ လိုချင်တော့ bad ကိုငါတို့ဘယ်နားသွားထားရမလဲ…. သူနဲ့ ကျမနဲ့ conversation ပြီးသွားတဲ့အချိန် ကျမရဲ့ ရင်ထဲမှာ သီချင်းစာသားလေး တစ်ပုဒ်သတိရသွားတယ်..

“ မှားတဲ့ဘက်မှာ”
🎶ဝလုံးကလေးမှ ဝိုင်းအောင်မရေးနိုင်ခင်ရွှေလင်ဗန်းနဲ့ ထမင်းဆီဆမ်းရယ်အမေဆိုပြလိုက်တော့ ရွှေသားအတိပြီးတဲ့လင်ဗန်းကြီးပဲ မက်မောကာ ငါဟာ လောဘ တက်လာတယ်🎶

🎶ပုခက်တွင်းမှဆင်း မြေကြီးပေါ်နင်းကာစရွှေယုန်လေးနဲ့ ရွှေကျားပုံရယ်
အင်မတန် ကောက်ကျစ်တဲ့
ယုန်ဆိုးလေးကို
သိပ်ပြီး အားကျနေခဲ့တော့
ငါဟာ ကောက်ကျစ် တတ်လာတယ်🎶

🎶ဘိုင်စကုတ် ကြည့်တော့
လူကြမ်း ကိုအံ့ကျော်ကို
အလွန်တရာ နှစ်သက်တတ်ခဲ့တယ်
ငါနံဘေးက ချစ်သူလေးကတောင်
တဖြည်းဖြည်း ငါ့ကိုလန့်ကာ
ကြင်နာတတ်မယ့် တစ်ယောက်ကိုရှာ🎶🎶

ဒီသီချင်းလေးကို ကျမငယ်ငယ်တုန်းက အရမ်းကြိုက်ခဲ့တယ်။ လူတွေပြောကြတဲ့ မှားတဲ့ဘက်ဆိုတာ ကိုယ်လည်း ငယ်ငယ်က မှားတဲ့ဘက်ကို​ရွေးမိမှာ မှားတာတွေလုပ်မိမှာ ကြောက်ခဲ့တယ် အဲ့ဒါတွေလုပ်မိရင်ပဲ ကိုယ်ဖာသာကိုယ် အပြစ်ရှိတယ်လို့ခံစားလာရတယ်။ လူ့အသိုင်းအဝိုင်းက အထင်သေးမှာ ဖယ်ကျဉ်မှာကိုကြောက်ပြီး မျက်နှာဖုံးတွေတပ်ပြီး လူတွေကြားထဲမှာ လူကောင်းလေးတစ်ယောက် လူလိမ္မာလေးတစ်ယောက်ဖြစ်အောင်ကြိုးစားလာခဲ့တာ ကိုယ်ဖာသာကိုယ်တောင် ဘယ်လိုကလေးမျိုးလေးလဲမသိဘူး၊ စောစောကပြောခဲ့တဲ့ ကလေးလေးလို ပြဇာတ်ထဲက လူဆိုးလုပ်ဖို့တောင် သတ္တိတွေမရှိခဲ့ဘူး၊ လူကြီးတွေအကြိုက် ဆရာ ဆရာမတွေ အကြိုက် မိသားစုတွေအကြိုက် မိတ်ဆွေသူငယ်ချင်းတွေအကြိုက်လိုက်ပြီး ကိုယ့်ရဲ့ ဖိနှိပ်ထားခဲ့တဲ့ ပျောက်ဆုံးသွားတဲ့ အခြမ်းကို တစ တစ ပြန်ရှာကြည့်ရင်းမှာ အဲ့ဒီအခြမ်းလေးမှာလည်း ဒေါသထွက်တယ် မနာလိုဘူး လောဘကြီးတယ် လိမ်တယ် အားငယ်တယ် ကြောက်တယ် သိမ်ငယ်တယ် ဆုံးရှုံးသွားမှာ မလုံခြုံမှာ ထားရစ်ခံခဲ့ရမှာ အထီးကျန်မှာ စတဲ့ လူတွေကိုမပြဝံ့တဲ့ အစိတ်အပိုင်းတွေမှာလည်း သူတို့ခံစားချက်တွေက ဘယ်လောက်တောင် legitimate ဖြစ်လဲ ဘယ်လောက်တောင် vulnerable ဖြစ်လဲဆိုတာ တဖြည်းဖြည်းသိလာပြီး ဂရုဏာမေတ္တာလေးနဲ့ အတူတူရှင်သန်နေထိုင်သွားဖို့ လိုအပ်တယ်လို့ခံစားလာရတယ်။

Counselor
Thet Lail Khaing

18/07/2025

“ကျွန်မတို့ဘယ်အချိန်ပြိုလဲကျကြလဲ”

အမျိုးသားပညာဝန် ဆရာဖိုးကျားက “ကျွန်ုပ်အလိမ္မာတိုးသောနေ့တနေ့” ဆိုတဲ့ ဝတ္ထုတိုလေးတပုဒ်ရေးခဲ့တယ်

ကျွန်မကတော့ကျွန်မအလိမ်ခံရသောနေ့တနေ့ပေါ့ လွန်ခဲ့တဲ့ လက ကျွန်မအလိမ်ခံလိုက်ရတယ်။ မြန်မာပြည်က ရောင်းတဲ့ 𝐨𝐧𝐥𝐢𝐧𝐞 𝐬𝐚𝐥𝐞𝐬 တခုကနေ အိမ်ကိုပစ္စည်းဝယ်ပို့တာ ပိုက်ဆံယူပြီး ကျွန်မကို 𝐛𝐥𝐨𝐜𝐤 သွားတယ်။ ကျွန်မလည်း 𝐩𝐚𝐠𝐞 မှာတွေ့တဲ့ဖုန်းနံပါတ်ကို ဆက်တော့လည်း အဝင် 𝐜𝐚𝐥𝐥 တွေလက်မခံပါဘူးတဲ့။ စပြီးအလိမ်ခံရတော့ကျွန်မဒေါသထွက်တယ်။ သူတို့ 𝐩𝐚𝐠𝐞 ရဲ့ ပုံတွေကို 𝐬𝐜𝐫𝐞𝐞𝐧𝐬𝐡𝐨𝐭 ယူပြီး သူရောင်းတဲ့ပစ္စည်းတွေ ရောင်းသူတွေ စုထားတဲ့ ဂရုတွေမှာတင်တာပေါ့။ တကယ်တမ်းတော့ ကျွန်မ စပြီးပစ္စည်းမှာတဲ့အချိန်မှာ လိမ်မှာလားဆိုပြီး နည်းနည်း မင်္သကာဖြစ်မိပါတယ် ။ ဒါပေမယ့်ကျွန်မရဲ့ ငါလုပ်နိုင်တယ် ငါစီစဉ်မှဖြစ်မယ်ဆိုတဲ့ “𝐀𝐫𝐫𝐨𝐠𝐚𝐧𝐭 ဖြစ်တာရယ်” စျေးသင့်လို့တန်တယ်ဆိုတဲ့ “လောဘရယ် “ တုံး”တယ် “အ”တယ် ဆိုတဲ့အစိတ်အပိုင်းကအားနာပြီး အရင်အခါတွေကလည်း အလိမ်မခံရတော့ ငွေအကြေချေပြီး မှာမိလိုက်တယ်။ တကယ်လည်း ကျွန်မကိုလိမ်သွားပါတယ်။

သူငယ်ချင်းတွေကတော့စကြတာပေါ့ နိုင်ငံခြားမှာနေတဲ့ကျွန်မက မြန်မာနိုင်ငံကလိမ်တာခံရတာပေါ့ဆိုပြီး အလိမ်ခံရပြီးတဲ့နောက်ပိုင်းမှာ ကျွန်မကိုယ်ကိုကျွန်မသိလိုက်ရတာကတော့ ကျွန်မ “တုံးတယ်၊ အ တယ် ၊ မလုပ်တတ်မကိုင်တတ်ဘူး နောက်တခုက ကျွန်မရဲ့လောဘ မာန ငါလုပ်ရင်ရတယ်ဆိုတဲ့ ကျွန်မကိုကျွန်မပြန်ပြီး တွေ့ခဲ့ရတယ်။

အဲ့ဒီ့မှာ “ကျွန်မပြိုလဲတော့တာပါပဲ။”

ဒီလို self personality တွေရှိတာ ကိုယ့်ကိုကိုယ် ရှက်စိတ် သူများ​တွေသိမှာ​ကြောက်တဲ့စိတ်နဲ့ခံစားချက်ကြီးက ရင်ထဲမှာတင်းတင်းကြီးနဲ့ ခံရခက်ပြီး ဒေါသတွေဖြစ်ရတာပါပဲ။ “အ”တယ် “တုံး” တယ် “လောဘကြီးတယ်” ငါလုပ်ရင်ဖြစ်တယ်ဆိုတဲ့ မာန်မာနတွေ ကျွန်မရဲ့ 𝐬𝐞𝐥𝐟 𝐩𝐞𝐫𝐬𝐨𝐧𝐚𝐥𝐢𝐭𝐢𝐞𝐬 ကိုပြန်ရှာတွေ့ရတာ လက်ခံရတာ အရမ်းခက်ခဲပါတယ်။
ကျွန်မတို့တွေ နိစ္စဒူဝ သွားလာလှုပ်ရှားနေကြရင်း ဒီလိုမျိုး ကိုယ့်ရဲ့ မမြင်ချင်လို့ ဖုံးထားတဲ့ အစိတ်အပိုင်းတွေကို ပြန်တွေ့ရတဲ့အခါမှာ ဒီစာကိုဖတ်တဲ့သူလေးတွေရော ဘယ်လိုခံစားချက်တွေဖြစ်ကြလဲ။

ကျွန်မတို့တွေက ငါဆိုတဲ့အစိတ်အပိုင်းမှာ ကျွန်မသူငယ်ချင်း ကိုလင်းလူ 𝐇𝐢𝐠𝐡𝐥𝐢𝐠𝐡𝐭𝐬 လုပ်ခဲ့သလို အဆိုးတွေကိုလက်ခံရတာအရမ်းခက်ပါတယ်။ ငါကလောဘကြီးတယ် ငွေမက်တယ် မာနကြီးတယ် တကိုယ်ကောင်းစိတ်ရှိတယ် အတ္တကြီးတယ် ဆိုတဲ့ ကျွန်မတို့တွေမှာရှိတဲ့ အဲ့ဒီအစိတ်အပိုင်းတွေကို ကျွန်မတို့တွေဘယ်လိုမျိုး လက်ခံကြမလဲ။ အဲ့ဒီအစိတ်အပိုင်းတွေတို့ရဲ့ခံစားချက်လေးတွေ လိုအပ်ချက်လေးတွေက ဘာလေးတွေဖြစ်မလဲဆိုတာ အရင်ဆုံးသိအောင်လုပ်ပြီး သူတို့ကို 𝐞𝐦𝐛𝐫𝐚𝐜𝐞 လုပ်ဖို့ကြိုးစားကြရပါမယ်။ ချက်ခြင်းကြီးလုပ်ဖို့မဖြစ်နိုင်ပဲ 𝐩𝐞𝐫𝐬𝐨𝐧𝐚𝐥 𝐰𝐨𝐫𝐤 / 𝐓𝐡𝐞𝐫𝐚𝐩𝐢𝐬𝐭 𝐬𝐞𝐬𝐬𝐢𝐨𝐧
တွေက​နေတဆင့် ကိုယ့်ကိုကိုယ်ပြန်ရှာပြီး လက်ခံနိုင်အောင်ကြိုးစားရှာ​ဖွေရမှာဖြစ်ပါတယ်။ ရှင်သန်မှုရဲ့ အဓိပ္ပာယ်က “ကိုယ့်ကိုယ်ကို အဆက်တိုက် ပြန်ရှာဖွေပြီး ပိုပြီးပြည့်စုံအောင် တည်ဆောက်နေတဲ့ဖြစ်စဉ်"ပါပဲ။

ဒီလိုလုပ်ဖို့လမ်းမှာခက်ခဲနေတယ်ဆိုရင်တော့ 𝐩𝐞𝐫𝐬𝐨𝐧𝐚𝐥 𝐰𝐨𝐫𝐤 တွေလုပ်ထားတဲ့ 𝐩𝐫𝐨𝐟𝐞𝐬𝐬𝐢𝐨𝐧𝐚𝐥/ 𝐓𝐡𝐞𝐫𝐚𝐩𝐢𝐬𝐭 တွေရဲ့အကူအညီနဲ့ ရှာဖွေကြအောင်ပါ။

09/07/2025

👯‍♀️ကျွန်မငယ်ငယ်က အချစ်ဆုံးသူငယ်ချင်းလေးတယောက်ရှိတယ်။ ကျောင်းပြောင်းပြီး တယောက်ထဲဖြစ်နေတဲ့ကျွန်မကို ပထမဆုံးကူညီသူဖြစ်သလို အိမ်ချင်းလည်းနီးပါတယ် ။ သူနဲ့ကျွန်မ ၅ တန်းကနေ ၉ တန်းအထိ သွားအတူလာအတူစားအတူ စာကြည့်လည်းအတူတူဖြစ်ခဲ့ကြတယ်။

😔၁၀ တန်းမှာ အခန်းခြင်းကွဲသွားလို့ သူနဲ့ကျွန်မအခန်းမတူပေမယ့် တချို့ ကျူရှင်တွေမှာ အတူတူတက်ခဲ့ကြရပါတယ် များသောအားဖြင့် သူကမိဘကိုကူပေးရတဲ့ သမီးကြီးဖြစ်တာကြောင့် ငယ်ကထဲက ကျူရှင်မတက်နိုင်ကျောင်းခဏခဏပျက်လို့ သူမလိုက်နိုင်တဲ့စာတွေကိုကျွန်မကပြန်ပြောပြရ ရှင်းပြရပါတယ် အခန်းမတူတော့ သူက ကျွန်မနဲ့အတူစာမကျက်ဖြစ်တော့ပါဘူး သူကတခြားသူငယ်ချင်းတွေနဲ့ ပေါင်းသင်းသွားလာ နေတာကိုကျွန်မအနေနဲ့ ဝမ်းနည်းသလို စိတ်လည်းဆိုးပါတယ် ၁၀ တန်းစာမေးပွဲဖြေမယ့်ရက်တွေကြမှသူကကျွန်မနဲ့အတူစာပြန်လာကျက်ပါတယ် science တွဲမဖြေခင် တရက်ကျောင်းပိတ်တော့ တနေကုန်သူ့ကိုကျွန်မ physics ဘာသာရပ်ကိုရှင်းပြနေခဲ့ပါတယ် သူကနားမလည်သလို စာတွေလည်းမရပါဘူး ည ၁၀ နာရီမှာ ကျွန်မက ကျန်တဲ့ chemistry နဲ့ biology ကိုစာလုံးဝပြန်မနွေးရသေးတော့ သူ့ကိုအိမ်ပြန်ခိုင်းပါတယ်။ သူ မပြန်ပဲစာဆက်ရှင်းနေရင် ကျွန်မလည်းစာမေးပွဲကျနိုင်ပါတယ်။ သူကလုံးဝမပြန်ချင်ပဲ အတင်းငိုပြီး ကျွန်မကိုစာဆက်ရှင်းပြဖို့ ကျွန်မအိမ်ကနေပဲစာမေးပွဲသွားဖြေဖို့ တောင်းပန်ပါတယ်။ ကျွန်မကလည်း သူ့ကိုအတင်းပြန်ခိုင်းပြီး ကျွန်မပြန်မနွှေးရသေးတဲ့စာတွေကို ကျက်ပြီး စာမေးပွဲသွားဖြေပါတယ်။ အဲ့ဒီနှစ်မှာတော့ “ကျမကစာမေးပွဲအောင်ပြီး သူကကျကျန်ခဲ့ပါတယ်” နောက်နှစ်မှာတော့ တနှစ်လုံးသူ့ကိုကျွန်မပဲ guide လုပ်ပေးခဲ့ပြီး သူစာမေးပွဲအောင်ပါတယ်။

👩‍🎓စာမေးပွဲအောင်ပြီးနောက်ပိုင်း သူက B.ed တက်ပြီးကျောင်းဆရာမလေးလုပ် အိမ်ထောင်ကျပြီး ကျွန်မတို့လည်းမတွေ့ဖြစ်ကြတော့ပါဘူး မကြာခင်မှာပဲဆုံးပါးသွားတယ်ဆိုတဲ့ သတင်းကြားရပါတယ် သူအိမ်ထောင်ကျပြီးနောက်ပိုင်းသူဆုံးသွားပြီးနောက်ပိုင်းမှာ သူနဲ့ကျမရဲ့ ငယ်ဘဝအဖြစ်အပျက်တွေမှာ ၁၀ တန်းစာမေးပွဲကအဖြစ်အပျက်က ကျွန်မရဲ့ unconscious ထဲ အပြစ်ရှိတယ်လို့စွဲနေပါတယ် ။ အဲ့ဒီ့တုန်းကတော့ ကျွန်မက ကျွန်မမှန်တယ်လို့ပဲသိစိတ်မှာ ယူဆခဲ့ပေမယ့် ကျွန်မရဲ့မသိစိတ်မှာတော့သူ့ကိုပြန်ခိုင်းလိုက်တာ အပြစ်ရှိတယ်ဆိုတဲ့ခံစားချက် သူစာမေးပွဲကျတာငါကြောင့်ဆိုတာကြီးက ကိန်းအောင်းနေပါတယ်။ အဲ့ဒါကြောင့် နောက်နှစ်တနှစ်လုံးလည်း သူ့ကိုစာကျက်အောင် မရမက guide လုပ်ပေး သူအိမ်အလုပ်လုပ်နေရင်စောင့်ပြီး စာကျက်ခိုင်းနဲ့ ကျွန်မရဲ့အပြစ်ရှိစိတ်ကိုဖြည့်ဆည်းနေပါတော့တယ်။

😟နောက်ပိုင်းသူနဲ့ဝေးသွားပေမယ့် အဲ့ဒီ့အဖြစ်အပျက်ကြောင့် သူငယ်ချင်းတွေနဲ့ပတ်သက်ရင် ကျွန်မကအများအားဖြင့် သူတို့လိုလိုမလိုလို လိုက်ဖြည့်ဆည်း ကျွန်မကိုအကူအညီတောင်းတဲ့ကိစ္စတွေမှာဆို အဖက်ဖက်က perfect ဖြစ်ရအောင်သူတို့လိုတာမလိုတာဂရုမစိုက်ပဲ အတင်းလိုက်လုပ်ပေး တွေဖြစ်နေတတ်ပါတယ် လိုအပ်နေတဲ့ တချို့ကတော့ တကယ်ကို ကျွန်မအကူအညီကြောင့် အဆင်ပြေကြပေမယ့် တချို့ကတော့ ကျွန်မပါဝင်ပတ်သက်တာကသူတို့အတွက်စိတ်ရှုပ်စရာ စိတ်ညစ်စရာတွေဖြစ်ပြီး ကျွန်မကစပ်စုတယ် သိချင်တယ် နေရာတကာပါတယ် မလိုတာကိုလုပ်ပေးတယ် စသည်ဖြင့် relationship မှာပြဿနာတွေဖြစ် ကျွန်မကလည်း ကိုယ်စေတနာနဲ့ လုပ်ပေးလိုက်ရတာတွေမှာ အကောင်းမမြင်နိုင်လို့ drama တွေဖြစ်နဲ့ ဒီ pattern ကြီးကို aware ဖြစ်မနေပဲ အဆင်မပြေခဲ့ပါဘူး။

နောက်ပိုင်းမှာတော့ ကျွန်မရဲ့ personal work တွေ Therapy session တွေကနေမှ ဖြစ်နေတဲ့ ပြဿနာတွေမှာ တဖြည်းဖြည်း ကျွန်မကိုယ်ကျွန်မရှာဖွေရင်း aware ဖြစ်လာပြီး အဲ့ဒီ့တုန်းအဖြစ်အပျက်ကြောင့်ရနေတဲ့ ကျွန်မရဲ့ အပြစ်ရှိစိတ်ကိုပြန်ရှာတွေ့ ကရုဏာထားနိုင်လာပါတယ်။ ကျွန်မရဲ့ proactive ဖြစ်တတ်တဲ့စိတ်ကိုလည်း aware ရှိရှိmanage လုပ်နိုင်တယ်ဆိုတဲ့ နေရာလေးကိုရောက်လာပါတော့တယ်။