13/02/2024
❌''ဒီကိစ္စက သဘာဝမှမဟုတ်တာ သဘာဝကို ဆန့်ကျင့်နေတာလေ''
❌''ပတ်ဝန်းကျင်က ဝိုင်းပြောနေကြတာ မရှက်ဘူးလား''
❌''ဆန္ဒကို သိက္ခာနဲ့ ထိန်းပါ''
❌''အချိန်တန်ရင် ယောက်ျား၊မိန်းမ ယူမှာပါ''
❌''ကလေးယူမှ အသက်ကြီးလာရင် ကိုယ့်ကို စောင့်ရှောက့်ရမယ့်သူရှိမှာပေါ့''
ဒီစကားတွေက LGBT တွေအတွက် မိသားစု၊ ပတ်ဝန်းကျင် အသိုင်းအဝိုင်းက တကြိမ်တခါမက ကြားနေရဲ့ စကားတွေပါ။
ဒီလို လူတယောက်ရဲ့ ဖြစ်တည်မှုကို တိုက်ခိုက်နေတဲ့ စကားတွေ၊ လူတွေကို ပြန်လည်တွန်းထုတ်ဖို့ ခုခံဖို့အတွက် သူတို့ကိုယ်တိုင်က စိတ်ပိုင်းဆိုင်ရာ သန်မာနေဖို့ လိုအပ်သလို သူတို့ရဲ့ ပတ်ဝန်းကျင် (အဓိက မိသားစု) ရဲ့ စိတ်ပိုင်းဆိုင်ရာ ပံ့ပိုးမှု များစွာလိုအပ်ပါတယ်။ 💜
ကျနော်အတွက်တော့ ကျနော်ချစ်တဲ့လူတယောက်ရဲ့ ပျော်ရွှင်မှုက လူတွေအကြောင်းပြနေကြတဲ့ ရှေးရိုးစွဲအယူတွေထက် အများကြီးပိုအရေးပါပါတယ်။
သင့်အတွက်ကရော ❓
ညီအကို၊ မောင်နှမ၊ သားသမီးတွေထဲမှာ LGBT တွေပါခဲ့ရင် သူ့မိသားစုက သူ့ကို လက်မခံနိုင်ဘူးဆိုတဲ့အတွေးနဲ့ သူတို့တွေ သိမ်ငယ်နေရလား။ ဝမ်းနည်းနေလား။ အထီးကျန်နေလား။ ဟုတ်တယ်ဆို သင်ဘာလုပ်ပေးနိုင်မလဲ။
✅သူတို့ကို သင်က ''ချစ်တယ်'' ''သူတို့ ပျော်ရွှင်တာကို မြင်ချင်တယ်'' ဆိုတာကို သူတို့ သိဖို့ အရမ်းအရေးကြီးပါတယ်။ အပေါ်မှာ ပြောခဲ့တဲ့ ပတ်ဝန်းကျင်ရဲ့ ကိုယ်ရေးကိုယ်တာဆိုင်ရာ ထိုးနက်မှုကို ခါးစီးခံဖို့အတွက် သင့်ရဲ့ အားပေးမှုကို သူတို့ အများကြီးလိုအပ်ပါတယ်။ 💪
သူတို့ရဲ့ မိသားစုဝင်တွေကိုယ်တိုင်က သူတို့ကို နားလည်မပေးနိုင်ခြင်း၊ စိတ်ပိုင်းဆိုင်ရာ ဝိုင်းဝန်းထိုးနက်ခြင်း စသဖြင့် နေရာမျိုးတွေမှာ ပါဝင်ခဲ့ရင် စိတ်ဒဏ်ရာ ပိုရစေပြီး စိတ်ကျရောဂါဖြစ်စေကာ ဖြည်မဆယ်နိုင်တဲ့ ဆုံးရှုံးမှုမျိုးတွေနဲ့ ကြုံရတတ်ပါတယ်။
✅ ဒါကြောင့် ချစ်ပေးပါ။ နားလည်ပေးပါ။ ပံ့ပိုးပေးပါ။ သူတို့နောက်မှာ သင်အမြဲရှိနေတယ်ဆိုတဲ့ အတွေးနဲ့ သူတို့ကို ခွန်အားပေးပေးပါ။ သူတို့ဘဝတလျှောက်လုံး သင့်ကို ကျေးဇူးတင်နေမယ်ဆိုတာ ကျနော် ရဲရဲကြီး အာမခံပါတယ်။ ❤
(ကိုယ့်ကိုယ်ကို အဆုံးစီရင်ရန် ကြိုးစားသည့် လူငယ်တွေထဲမှာ LGBT လူငယ်များက သာမန်လူငယ်တယောက်ထက် အကြိမ်ရေ လေးဆ ပိုကြိုးပန်းတတ်ကြတယ်ဟု မှတ်တမ်း အရ သိရှိရပါတယ်။)
ကျနော်တို့ ချစ်တဲ့သူတယောက် ပျော်ရွှင်ပြီး သူ့ဘဝကို အကောင်းဆုံး ရည်တည်နိုင်အောင် ပံ့ပိုးပေးခြင်းကလည်း ချစ်ခြင်းမေတ္တာပဲ မဟုတ်လား ❤🏳️🌈
Photo - Family Online Safety Institute
