𝗖𝗟𝗟 𝗛𝗘𝗔𝗟𝗧𝗛, No. 16, Shin Saw Pu Street Ahlone, Yangon (2026)

26/08/2026

“သက်ရှည်ကျန်းမာ ဘဝလမ်းညွှန် (၈) ချက်” ဆိုတာကတော့ နှလုံးနှင့်သွေးကြောကျန်းမာရေးကို မြှင့်တင်ဖို့နဲ့ ထိန်းသိမ်းဖို့အတွက် မရှိမဖြစ် အရေးကြီးတဲ့ အချက် (၈) ချက် ဖြစ်ပါတယ်။

🍀 ဒီအချက်လေးတွေကို စနစ်တကျ လိုက်နာ လုပ်ဆောင်သွားမယ်ဆိုရင် အသက်ရှည်ရှည်နဲ့ ကျန်းမာတဲ့ လူနေမှုဘဝကို ပိုင်ဆိုင်နိုင်မှာပါ။ ဒါ့အပြင် နှလုံးနဲ့ သွေးကြော ကျန်းမာရေး ကောင်းမွန်နေမယ်ဆိုရင် နှလုံးရောဂါ၊ လေဖြတ်တာ၊ ကင်ဆာရောဂါနဲ့ အသိမှတ်ဉာဏ် ထိခိုက်ချို့ယွင်းတာ အပါအဝင် အခြားသော ကျန်းမာရေး ပြဿနာတွေ ဖြစ်ပွားနိုင်ခြေကိုပါ လျှော့ချပေးနိုင်မှာ ဖြစ်ပါတယ်။ ❤️

သက်ရှည်ကျန်းမာ ဘဝလမ်းညွှန် (၈) ချက်ကတော့ __

(1) ကျန်းမာရေးနှင့် ညီညွတ်စွာ စားသောက်ခြင်း (𝐄𝐚𝐭 𝐛𝐞𝐭𝐭𝐞𝐫 – 𝐂𝐫𝐞𝐚𝐭𝐞 𝐚 𝐡𝐞𝐚𝐥𝐭𝐡𝐲 𝐞𝐚𝐭𝐢𝐧𝐠 𝐩𝐚𝐭𝐭𝐞𝐫𝐧)
(2) တက်ကြွလှုပ်ရှားစွာ နေထိုင်ခြင်း (𝐁𝐞 𝐦𝐨𝐫𝐞 𝐚𝐜𝐭𝐢𝐯𝐞 – 𝐌𝐨𝐯𝐞 𝐦𝐨𝐫𝐞)
(3) ဆေးလိပ်ဖြတ်ခြင်း (𝐐𝐮𝐢𝐭 𝐭𝐨𝐛𝐚𝐜𝐜𝐨)
(4) အိပ်ရေးဝအောင် အိပ်ခြင်း (𝐆𝐞𝐭 𝐡𝐞𝐚𝐥𝐭𝐡𝐲 𝐬𝐥𝐞𝐞𝐩)
(5) ကိုယ်အလေးချိန်ထိန်းသိမ်းခြင်း (𝐌𝐚𝐧𝐚𝐠𝐞 𝐰𝐞𝐢𝐠𝐡𝐭)
(6) သွေးတွင်းကိုလက်စထရော ထိန်းသိမ်းခြင်း (𝐂𝐨𝐧𝐭𝐫𝐨𝐥 𝐜𝐡𝐨𝐥𝐞𝐬𝐭𝐞𝐫𝐨𝐥)
(7) သွေးတွင်းသကြားဓာတ် ထိန်းသိမ်းခြင်း (𝐌𝐚𝐧𝐚𝐠𝐞 𝐛𝐥𝐨𝐨𝐝 𝐬𝐮𝐠𝐚𝐫)
(8) သွေးပေါင်ချိန် ထိန်းသိမ်းခြင်း (𝐌𝐚𝐧𝐚𝐠𝐞 𝐛𝐥𝐨𝐨𝐝 𝐩𝐫𝐞𝐬𝐬𝐮𝐫𝐞) တို့ဖြစ်ပါတယ်။

“ Life’s Essential 8 (သက်ရှည်ကျန်းမာ ဘဝလမ်းညွှန် (၈) ချက်)အကြောင်း” အကျယ်တဝင့် ပိုမိုသိရှိနိုင်စေဖို့ 👉 “𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

’sEssential8
#သက်ရှည်ကျန်းမာဘဝလမ်းညွှန်၈ချက်

24/08/2026

လက်ရှိလူထုအတွင်း ပြင်းထန်ဝမ်းပျက်ဝမ်းလျှောရောဂါ ကူးစက်မှုများ အဖြစ်များနေတာကြောင့် မိမိနှင့် မိသားစုရဲ့ ကျန်းမာရေးကို ကာကွယ်စောင့်ရှောက်နိုင်ဖို့ အစားအသောက်သန့်ရှင်းရေးကို အထူးဂရုစိုက်ကြဖို့ လိုအပ်ပါတယ်။

𝐂𝐋𝐋 𝐇𝐄𝐀𝐋𝐓𝐇 မှ မျှဝေပေးထားခဲ့ပြီးဖြစ်တဲ့ __ “အိမ်တွင် နေ့စဉ် အစားအသောက်များ ပြင်ဆင်ချက်ပြုတ်ရာမှာ ဘေးအန္တရာယ်ကင်းရှင်းပြီး ကျန်းမာရေးနဲ့ ညီညွတ်စေရန် 𝐃𝐫. 𝐊𝐡𝐢𝐧 𝐌𝐚𝐫 𝐂𝐡𝐨 (Chief, Division of Clinical Nutrition) ပြောပြပေးထားတဲ့ အစားအသောက်ဘေးကင်းရေးဆိုင်ရာ လမ်းညွှန်ချက်များ” ကို အားလုံးကြည့်ရှုနိုင်အောင် ပြန်လည်ဖော်ပြပေးလိုက်ပါတယ်။

𝐅𝐨𝐨𝐝 𝐒𝐚𝐟𝐞𝐭𝐲 𝐑𝐞𝐠𝐮𝐥𝐚𝐭𝐢𝐨𝐧𝐬
အစားအစာဘေးကင်းရေး ‘သန့်၊ ခွဲ၊ ချက်၊ အေး’ အမြဲတွေး
ကြည့်ရှုရန်-https://youtu.be/S3BcUbLLWIk?si=eiqcl2WTVtqSsJQo

𝐂𝐨𝐨𝐤𝐢𝐧𝐠 𝐟𝐨𝐨𝐝 𝐭𝐨 𝐬𝐚𝐟𝐞 𝐭𝐞𝐦𝐩𝐞𝐫𝐚𝐭𝐮𝐫𝐞
ကျန်းမာရေးအတွက် အပူချိန်မှန်နဲ့ချက်
ကြည့်ရှုရန်-https://youtu.be/Uh9x6JOgZn8?si=75cnWZCnRalVMObt

𝐏𝐫𝐨𝐩𝐞𝐫 𝐟𝐨𝐨𝐝 𝐬𝐭𝐨𝐫𝐚𝐠𝐞 𝐭𝐞𝐜𝐡𝐧𝐢𝐪𝐮𝐞𝐬
ဘေးကင်းကျန်းမာဖို့ရာ အစားအသောက် ဘယ်လိုသိမ်းမှာ
ကြည့်ရှုရန်-https://youtu.be/F74mD8-k0Wg?si=T4p_e8Cqz7WHqWmA

အစားအသောက်သန့်ရှင်းရေးဟာ ကျန်းမာရေးအပေါ် များစွာသက်ရောက်မှုရှိတာကြောင့် နေ့စဉ် ပြင်ဆင်ချက်ပြုတ်ရာမှာ ဒီအချက်လေးတွေကို အမြဲသတိရပြီး အစားအသောက် သန့်ရှင်းဘေးကင်းရေးအတွက် လိုက်နာကြဖို့ တိုက်တွန်းလိုက်ပါတယ်။ အားလုံးပဲ ရောဂါဘယ ကင်းဝေးပြီး ကျန်းမာကြပါစေ။ 🌿

22/08/2026

အရိုး၊ အကြော၊ အဆစ် ကျန်းမာရေးအကြောင်း သိကောင်းစရာ (အပိုင်း - ၁) 🦴✨

ကမ္ဘာတစ်ဝန်း လူဦးရေ (၁.၇) ဘီလီယံခန့်နဲ့ မြန်မာနိုင်ငံမှာလည်း နာကျင်မှုဝေဒနာနဲ့ ကုသမှုခံယူနေသူများထဲမှ (၇၀) ရာခိုင်နှုန်းကျော်ဟာ အရိုး၊ အကြော၊ အဆစ်ဆိုင်ရာ ရောဂါတစ်ခုခုကြောင့် နာကျင်မှုဝေဒနာခံစားနေရတာကို တွေ့ရပါတယ်။

ယခု အပိုင်း-၁ ဗီဒီယိုလေးမှာတော့ “အရိုးခွဲစိတ် အထူးကုဆရာဝန်ကြီး 𝐏𝐫𝐨𝐟𝐞𝐬𝐬𝐨𝐫 𝐃𝐫. 𝐌𝐲𝐢𝐧𝐭 𝐓𝐡𝐚𝐮𝐧𝐠” က အရိုး၊ အကြော၊ အဆစ် နာကျင်မှု ဘယ်လောက် အဖြစ်များနေသလဲ ဆိုတာနဲ့ပတ်သပြီး ပြောပြပေးထားပါတယ်။ 👨‍⚕️

နောက်ထပ်အပိုင်းဆက်တွေမှာလည်း ဘယ်လိုလူတွေမှာ ဒီလို အရိုးအကြောအဆစ်ရောဂါတွေ ဖြစ်လေ့ဖြစ်ထရှိတယ်၊ ဘာကြောင့် အရိုး၊ အကြော၊ အဆစ်ဆိုင်ရာ ပြဿနာတွေဖြစ်နေကြလဲနဲ့ ကြိုတင်ကာကွယ်ရန် နည်းလမ်းများ၊ ဘယ်လိုအခြေအနေမျိုးမှာ ဆရာဝန်နဲ့ ပြသတိုင်ပင် ကုသသင့်သလဲ __ စတဲ့အကြောင်းအရာတွေကို ဆရာကြီးက ဆက်လက် မျှဝေပေးသွားမှာဖြစ်ပါတယ်။

ဒါကြောင့် အရိုး၊ အကြော၊ အဆစ်ကျန်းမာရေးအတွက် အသိပညာကောင်းတွေ ရရှိနိုင်မယ့် နောက်ထပ်အပိုင်းဆက်တွေကိုလည်း စောင့်မျှော်ကြည့်ရှုပေးကြပါဦးနော်။ 💙

ပါမောက္ခ ဒေါက်တာမြင့်သောင်း (အရိုးခွဲစိတ် အထူးကုဆရာဝန်ကြီး) နှင့် ပြသတိုင်ပင်ဆွေးနွေးလိုပါက 𝐂𝐋𝐋 𝐇𝐄𝐀𝐋𝐓𝐇 𝐒𝐡𝐢𝐧 𝐒𝐚𝐰 𝐏𝐮 𝐂𝐥𝐢𝐧𝐢𝐜 တွင် ဗုဒ္ဓဟူးနေ့ နံနက် ၉:၀၀ နာရီ မှ နေ့လယ် ၁၂:၀၀ နာရီအထိ လာရောက်ပြသနိုင်ပါတယ်။ 🏥

21/08/2026

💊 𝐀𝐧𝐭𝐚𝐜𝐢𝐝𝐬 ဆိုတာ အစာအိမ်ထဲမှာရှိတဲ့ အက်စစ်ဓာတ်ကို ပြန်လည်တိုက်ဖျက်ပေးပြီး အစာမကြေတာနဲ့ ရင်ပူတာတွေကို သက်သာစေတဲ့ ဆေးဝါးဖြစ်ပါတယ်။ ဒီဆေးတွေကို ဆေးရည် ဒါမှမဟုတ် ဝါးစားရတဲ့ ဆေးပြားတွေအဖြစ် သောက်သုံးနိုင်ပြီး ဆရာဝန်ညွှန်ကြားချက် ဆေးစာမလိုဘဲ ဆေးဆိုင်တွေမှာ အလွယ်တကူ ဝယ်ယူရရှိနိုင်ပါတယ်။
⁣⁣⁣⁣⁣⁣⁣⁣⁣⁣⁣⁣⁣__________________________

📋 သုံးစွဲရန်လိုအပ်သော ရောဂါနှင့်အခြေအနေများ

အမေရိကန် အစားအသောက်နှင့် ဆေးဝါးကွပ်ကဲရေး ဗဟိုဌာန (𝐔𝐒 𝐅𝐃𝐀) က 𝐀𝐧𝐭𝐚𝐜𝐢𝐝𝐬 ဆေးဝါးတွေကို အပျော့စား ရင်ပူခြင်းနဲ့ အစာမကြေခြင်းကဲ့သို့ ရောဂါလက္ခဏာတွေကို ကုသဖို့အတွက် အတည်ပြုထားပါတယ်။ အပျော့စား ရင်ပူခြင်း၊ အစာမကြေခြင်းဆိုတာ နေ့စဉ်ဖြစ်ပွားနေတာမျိုး မဟုတ်ဘဲ တစ်ခါတစ်ရံ သို့မဟုတ် ရံဖန်ရံခါမှ ဖြစ်ပွားတာမျိုးကို ဆိုလိုတာပါ။ အစာမကြေတာ၊ ရင်ပူတာ (အထူးသဖြင့် အစာစားပြီးနောက် သို့မဟုတ် ညဘက်မှာ ခံစားရတာ) အပြင် ပါးစပ်ထဲမှာ အက်ဆစ်အရသာ သို့မဟုတ် ချဉ်တဲ့အရသာ ခံစားရတာ၊ ဗိုက်ပြည့်အင့်တာ၊ လေပွတာနဲ့ သာမန်ဗိုက်အောင့်ဗိုက်နာ ဖြစ်တာတွေကိုလည်း သက်သာစေနိုင်ပါတယ်။

ဒါ့အပြင် 𝐀𝐧𝐭𝐚𝐜𝐢𝐝𝐬 ဆေးတွေဟာ စားချဉ်ပြန်ရောဂါ (𝐆𝐄𝐑𝐃)၊ အစာအိမ်ရောင်ခြင်း (𝐆𝐚𝐬𝐭𝐫𝐢𝐭𝐢𝐬) နဲ့ အစာအိမ်အနာများ (𝐒𝐭𝐨𝐦𝐚𝐜𝐡 𝐮𝐥𝐜𝐞𝐫𝐬) တို့ရဲ့ ရောဂါလက္ခဏာတွေကို နာရီအနည်းငယ်အတွင်း လျင်မြန်စွာ သက်သာသွားအောင် ကူညီပေးပါတယ်။ သို့သော် ဒီဆေးတွေဟာ ရောဂါလက္ခဏာဖြစ်ရတဲ့ အခြေခံအကြောင်းရင်းကို ကုသပေးတာ မဟုတ်တဲ့အတွက် ရေရှည်သောက်သုံးဖို့တော့ အကြံပြုထားခြင်း မရှိပါဘူး။
⁣⁣⁣⁣⁣⁣⁣⁣⁣⁣⁣⁣⁣__________________________

⚠️ သတိပြုသင့်သည့် အချက်များ ⚠️

Antacids ဆေးဝါးတွေဟာ လူအများစုအတွက် ဘေးကင်းစွာ သောက်သုံးနိုင်ပေမဲ့ အောက်ပါအခြေအနေရှိသူတွေအနေနဲ့ ဆရာဝန်ညွှန်ကြားချက်နဲ့မှသာ သောက်သုံးသင့်ပါတယ်။👨‍⚕️

● ကိုယ်ဝန်ဆောင်နှင့် နို့တိုက်မိခင်များ – ပါဝင်ပစ္စည်း အမျိုးအစားပေါ် မူတည်ပြီး ဘေးကင်းမှု ကွာခြားနိုင်တာကြောင့် ဖြစ်ပါတယ်။
● အသက် (၁၂) နှစ်အောက် ကလေးငယ်များ
● အသည်းရောဂါ သို့မဟုတ် ကျောက်ကပ်ရောဂါ ရှိသူများ
● နှလုံးလုပ်ငန်း ထိခိုက်ပျက်စီးခြင်း သို့မဟုတ် သွေးတိုးရောဂါ ရှိသူများ – အထူးသဖြင့် ဆိုဒီယမ်ဓာတ် မြင့်မားစွာပါဝင်တဲ့ 𝐀𝐧𝐭𝐚𝐜𝐢𝐝𝐬 အမျိုးအစားတွေဟာ ခန္ဓာကိုယ်ထဲမှာ အရည်စုပုံမှုကို ဖြစ်စေနိုင်တာကြောင့် ဖြစ်ပါတယ်။
● အခြားဆေးဝါးများ သောက်သုံးနေရသူများ – 𝐀𝐧𝐭𝐚𝐜𝐢𝐝𝐬 တွေဟာ အခြားဆေးဝါးတွေ (ဥပမာ – ပဋိဇီဝဆေးများ၊ သံဓာတ်ဖြည့်ဆေးများ) ရဲ့ စုပ်ယူမှုကို သိသိသာသာ ထိခိုက်စေနိုင်ပါတယ်။ ဒါကြောင့် 𝐀𝐧𝐭𝐚𝐜𝐢𝐝𝐬 သောက်ပြီးနောက် (၂ – ၄) နာရီအတွင်း အခြားဆေးဝါးများ မသောက်သုံးဖို့ လိုအပ်ပါတယ်။
● 𝐀𝐬𝐩𝐢𝐫𝐢𝐧 (အက်စပရင်) ပါဝင်သော 𝐀𝐧𝐭𝐚𝐜𝐢𝐝𝐬 များ – သွေးခဲခြင်း၊ နှလုံးသွေးကြောကျဉ်းခြင်း၊ လေဖြတ်ခြင်း၊ ရင်ပူဗိုက်အောင့်ခြင်းတို့မှာ အသုံးပြုလေ့ရှိတဲ့ 𝐀𝐬𝐩𝐢𝐫𝐢𝐧 ပါဝင်သည့် 𝐀𝐧𝐭𝐚𝐜𝐢𝐝𝐬 အချို့ဟာ အစာအိမ်အတွင်း သွေးယိုစိမ့်မှုဖြစ်နိုင်ခြေကို မြင့်တက်စေနိုင်ပါတယ်။ ⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣⁣__________________________

“𝐀𝐧𝐭𝐚𝐜𝐢𝐝𝐬 (အစာအိမ်အက်ဆစ် အာနိသင်ကို ပျက်ပြယ်စေသော ဆေးဝါးများ) အကြောင်း” အကျယ်တဝင့် ပိုမိုသိရှိနိုင်စေဖို့ 👉 “𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

#အစာအိမ်အက်ဆစ်အာနိသင်ကိုပျက်ပြယ်စေသောဆေးဝါးများ

20/08/2026

🚨 ဒီနေ့ကျရောက်တဲ့ 𝙒𝙤𝙧𝙡𝙙 𝙈𝙤𝙨𝙦𝙪𝙞𝙩𝙤 𝘿𝙖𝙮 မှာ မိသားစုကို ခြင်အန္တရာယ်က ကာကွယ်လိုက်ပါ! 🚨

ခြင်ကိုက်ခံရခြင်းဟာ သာမန်ယားယံခြင်းကို ဖြစ်စေရုံတင် မဟုတ်ပါဘူး။ ခြင်တစ်ကောင်ရဲ့ အကိုက်ခံရရုံနဲ့ သွေးလွန်တုပ်ကွေး၊ ငှက်ဖျား၊ ဂျပန်ဦးနှောက်ရောင်နဲ့ ဆင်တုပ်ကွေးစတဲ့ အန္တရာယ်ရှိ ရောဂါတွေ ကူးစက်နိုင်ပါတယ်။ ခြင်အန္တရာယ်မှ အထိရောက်ဆုံး ကာကွယ်နိုင်ဖို့ နည်းလမ်းများကို မျှဝေပေးလိုက်ပါတယ်။

🛡️ ကာကွယ်ရေး နည်းလမ်းများ

● ခြင်အကိုက်မခံရအောင် ကာကွယ်ပါ။ အပြင်ထွက်ပါက အင်္ကျီလက်ရှည်၊ ဘောင်းဘီရှည်များ ဝတ်ဆင်ပါ၊ ခြင်ပြေးလိမ်းဆေး (Mosquito repellent) လိမ်းပါ။
● ညဘက်အိပ်လျှင် ခြင်ထောင် (သို့မဟုတ် ဆေးစိမ်ခြင်ထောင်) ဖြင့် အိပ်ပါ။
● တံခါးနှင့် ပြတင်းပေါက်များတွင် ခြင်လုံဇကာများ တပ်ဆင်ပါ၊ လူကို အန္တရာယ်မဖြစ်စေသော ခြင်ဆေးများ ဖျန်းပါ။
● မိမိအိမ်နှင့် ပတ်ဝန်းကျင်တွင် ခြင်ပေါက်ဖွားမှု မရှိစေရန်နှင့် ပိုးလောက်လန်းများ နှိမ်နင်းရေး နည်းလမ်းများကို စနစ်တကျ လိုက်နာဆောင်ရွက်ပါ။ မိမိအိမ်တွင် ရေဝပ်နိုင်သောနေရာများကို ရှင်းလင်းပါ။
● ကာကွယ်ဆေးများကို ကြိုတင်ထိုးနှံပါ။

သတိရှိရှိ ကာကွယ်လို့ ခြင်ကင်းစင်တဲ့ ပတ်ဝန်းကျင်ကို အတူတကွ ဖန်တီးကြပါစို့။ 🦟🚫

#ကမ္ဘာ့ခြင်နေ့

18/08/2026

🤒 ရာသီတုပ်ကွေးနှင့် တုပ်ကွေးကာကွယ်ဆေးအကြောင်း သိထားသင့်သောအချက်များ 😷

😷 တုပ်ကွေးရောဂါက အဖြစ်များပြီး နှစ်စဉ် ကမ္ဘာပေါ်မှာ လူဦးရေ ဘီလီယံနဲ့ချီပြီး ရောဂါဖြစ်ပွားနေပါတယ်။ ထိုလူတွေထဲက လူ (၃) သန်းမှ (၅) သန်းခန့်က ပြင်းထန်တုပ်ကွေးရောဂါဖြစ်ပြီး (၂.၉) သိန်းမှ (၆.၅) သိန်းခန့်က အသက်ရှူလမ်းကြောင်းဆိုင်ရာ ပြဿနာများကြောင့် နှစ်စဉ် သေဆုံးနေကြပါတယ်။ လူအများစုက တုပ်ကွေးရောဂါဖြစ်ပြီး ရောဂါပြင်းထန်လေ့မရှိဘဲ အချိန်အနည်းငယ်အကြာမှာ အလိုအလျောက် ပျောက်ကင်းသွားကြပေမယ့်လည်း ခုခံအားကျဆင်းသူတွေနဲ့ ရောဂါအခံရှိသူတွေမှာ ပြင်းထန်နိုင်တဲ့အပြင် အသက်အန္တရာယ် ရှိနိုင်ပါတယ်။

🛡️ ရာသီတုပ်ကွေးကို ကာကွယ်ဖို့အတွက် နှစ်စဉ် တုပ်ကွေးကာကွယ်ဆေး ရယူထားခြင်းဟာ အထိရောက်ဆုံး နည်းလမ်းတစ်ခု ဖြစ်ပါတယ်။ ကာကွယ်ဆေးက တုပ်ကွေးမဖြစ်အောင် ကာကွယ်ပေးရုံမက တုပ်ကွေးဖြစ်လျှင်လည်း ရောဂါပြင်းထန်မှု၊ သေဆုံးမှုကို လျှော့ချပေးပါတယ်။ တုပ်ကွေးဗိုင်းရပ်စ်ပိုးက အချိန်မရွေး မျိုးဗီဇပြောင်းလဲနိုင်တာကြောင့် ကာကွယ်ဆေးကို တစ်ကြိမ် ရယူရုံနဲ့ မလုံလောက်ဘဲ နှစ်စဉ် မပျက်မကွက် ရယူဖို့ လိုပါတယ်။ ကမ္ဘာ့ကျန်းမာရေးအဖွဲ့ကြီးမှ နှစ်စဉ် တုပ်ကွေးကာကွယ်ဆေးကို အသက် (၆) လအထက် (ကျန်းမာရေးအရ မသင့်တော်သူများမှအပ) လူတိုင်း ရယူသင့်ကြောင်း အကြံပြုထားပါတယ်။

🎥 ယခုဗီဒီယိုတွင် “ရာသီတုပ်ကွေး ကာကွယ်ဆေးအကြောင်း” အချက်အလက်များကို မျှဝေပေးထားတာမို့ ကြည့်ရှုလေ့လာနိုင်ပါတယ်။ ✨
⁣⁣⁣⁣⁣⁣⁣⁣⁣⁣______________________________________

“တုပ်ကွေးရောဂါနဲ့ တုပ်ကွေးကာကွယ်ဆေး” အကြောင်း အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

Disclaimer: This content is for general health education and awareness purposes.

17/08/2026

🚨 အူပိတ်ခြင်းဆိုတာ အစာဟောင်းတွေ၊ အရည်တွေနဲ့ လေတွေဟာ အူလမ်းကြောင်းအတွင်း ပုံမှန်အတိုင်း ဆက်လက်စီးဆင်းလို့မရတော့ဘဲအူလမ်းကြောင်းရဲ့တစ်နေရာရာမှာပိတ်ဆို့နေတာကိုပြောတာပါ။ ဒီလိုဖြစ်တဲ့အခါ ပိတ်ဆို့နေတဲ့နေရာရဲ့ အပေါ်ဘက်မှာ အစာနဲ့ လေတွေ စုပုံလာပြီး အူနံရံကို ဖောင်းကြွလာစေပါတယ်။ အူပိတ်ခြင်းကို အချိန်မီ မကုသဘူးဆိုရင် အူနံရံပေါက်ထွက်တာ ဒါမှမဟုတ် အူပုပ်တာမျိုးအထိ အသက်အန္တရာယ်ရှိတဲ့ နောက်ဆက်တွဲပြဿနာတွေ ဖြစ်လာနိုင်တာမလို့ အရေးပေါ် ကျန်းမာရေးအခြေအနေတစ်ခုအဖြစ် သတ်မှတ်ပါတယ်။🏥
⁣⁣⁣⁣⁣⁣⁣⁣⁣⁣⁣⁣⁣______________________________________

⚠️ ယှဉ်တွဲလာတတ်သောရောဂါလက္ခဏာများ

အူပိတ်သည့်အခါ အောက်ပါလက္ခဏာများကို ခံစားရနိုင်ပါတယ် ___ ဗိုက်အောင့်ခြင်း၊ ဗိုက်ရစ်နာခြင်း၊ ဗိုက်ဖောင်း၍ တင်းခြင်း၊ ပျို့အန်ခြင်း၊ ပြင်းထန်စွာ ဝမ်းချုပ်ခြင်း၊ (အူလမ်းကြောင်း လုံးဝပိတ်သွားပါက ဝမ်းလုံးဝ မသွားခြင်း)၊ ဝမ်းလျှောခြင်း (အူလမ်းကြောင်း တစ်စိတ်တစ်ပိုင်း ပိတ်နေသည့် လက္ခဏာဖြစ်တတ်သည်)၊ လေမလည်ခြင်း၊ အစားအသောက် ပျက်ခြင်း၊ နှလုံးခုန်မြန်ခြင်း၊ ဆီးအရောင်ရင့်ခြင်းနှင့် ရေဓာတ်ခမ်းခြောက်သည့် လက္ခဏာများ
⁣⁣⁣⁣⁣⁣⁣⁣⁣⁣⁣⁣⁣______________________________________

🛡️ အူပိတ်ခြင်း အန္တရာယ်မှ ကင်းဝေးအောင် ဘယ်လို ကာကွယ်ကြမလဲ။

🥦 အမျှင်ဓာတ်ကြွယ်ဝသော အစားအစာများ စားသုံးပါ – ဝမ်းမှန်စေဖို့နဲ့ အူလမ်းကြောင်းထဲ အစာဟောင်းတွေ ပိတ်ဆို့မှုမရှိအောင် ဟင်းသီးဟင်းရွက်နဲ့ သစ်သီးဝလံတွေကို နေ့စဉ် စားပေးသင့်ပါတယ်။

💧 ရေဓာတ်လုံလောက်စွာ ဖြည့်တင်းပါ – အူလမ်းကြောင်း လှုပ်ရှားမှု ကောင်းမွန်စေဖို့နဲ့ ဝမ်းမာတာကို ကာကွယ်ဖို့ တစ်နေ့ကို ရေ (၂) လီတာခန့် ပုံမှန်သောက်ပေးပါ။

🏃‍♂️ ကိုယ်လက်လှုပ်ရှားမှု ပုံမှန်လုပ်ပါ – တစ်နေ့ကို မိနစ် (၃၀) ခန့် လမ်းလျှောက်တာ ဒါမှမဟုတ် ကိုယ်လက်လှုပ်ရှားမှု လုပ်ပေးတာဟာ အူရဲ့ အလိုအလျောက် ညှစ်ထုတ်နိုင်စွမ်းကို တိုးတက်စေပြီး အူလှုပ်ရှားမှု ရပ်တန့်ခြင်း (𝐈𝐥𝐞𝐮𝐬) ကို ကာကွယ်ပေးနိုင်ပါတယ်။

🏥 ဝမ်းဗိုက်ခွဲစိတ်မှု ရာဇဝင်ရှိပါက ဂရုပြုပါ – ယခင်က ဗိုက်ခွဲစိတ်ဖူးသူတွေဟာ အူကပ်ခြင်း (𝐀𝐝𝐡𝐞𝐬𝐢𝐨𝐧𝐬) ဖြစ်နိုင်ခြေ ရှိတာကြောင့် ဗိုက်အောင့်တာ၊ ဝမ်းချုပ်တာ သို့မဟုတ် လေပွတာတွေ ပုံမှန်ထက်ပိုဖြစ်လာရင် ဆရာဝန်နဲ့ သွားရောက်စစ်ဆေးသင့်ပါတယ်။

🚭 ဆေးလိပ်ဖြတ်ပါ – ဆေးလိပ်သောက်ခြင်းဟာ အူလမ်းကြောင်းဆီ သွေးစီးဆင်းမှုကို ထိခိုက်စေနိုင်တဲ့အပြင် ကင်ဆာဖြစ်နိုင်ခြေကိုလည်း မြင့်တက်စေပါတယ်။
⁣⁣⁣⁣⁣⁣⁣⁣⁣⁣⁣⁣⁣______________________________________
“𝐁𝐨𝐰𝐞𝐥 𝐎𝐛𝐬𝐭𝐫𝐮𝐜𝐭𝐢𝐨𝐧 (အူပိတ်ခြင်း) အကြောင်း” အကျယ်တဝင့်ပိုမိုသိရှိနိုင်စေဖို့ 👉 “𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

#အူပိတ်ခြင်း

16/08/2026

🏥 𝗖𝗟𝗟 𝗛𝗘𝗔𝗟𝗧𝗛 𝗠𝘆𝗮 𝗬𝗮𝗱𝗮𝗻𝗮𝗿 𝗣𝗼𝗹𝘆𝗰𝗹𝗶𝗻𝗶𝗰 နှင့် 𝗧𝗮𝗺𝘄𝗲 𝗟𝗮𝘆 𝗖𝗹𝗶𝗻𝗶𝗰 တို့တွင် ခွဲစိတ်အထူးကုဆရာဝန်ကြီးနှင့် ပြသတိုင်ပင်နိုင်ပါပြီ 🩺

မိဘပြည်သူများ၏ ကျန်းမာရေးစောင့်ရှောက်မှုအတွက် အောက်ပါ 𝗖𝗟𝗟 𝗛𝗘𝗔𝗟𝗧𝗛 ဆေးခန်းများတွင် အောက်ဖော်ပြပါ ခွဲစိတ်အထူးကုဆရာဝန်ကြီးနှင့် ကြိုတင်ရက်ချိန်းယူ၍ ပြသတိုင်ပင်ဆွေးနွေးနိုင်ပြီ ဖြစ်ကြောင်း သတင်းကောင်းပါးအပ်ပါသည်။

👨‍⚕️ ပါမောက္ခ ဒေါက်တာသိန်းမြင့် (ခွဲစိတ်အထူးကုဆရာဝန်ကြီး)

ဆေးခန်းအချိန်ဇယားများ

● 𝗠𝘆𝗮 𝗬𝗮𝗱𝗮𝗻𝗮𝗿 𝗣𝗼𝗹𝘆𝗰𝗹𝗶𝗻𝗶𝗰
📅 တနင်္လာ နှင့် သောကြာ - နေ့လယ် ၂:၃၀ နာရီ မှ ညနေ ၄:၀၀ နာရီအထိ

● 𝗧𝗮𝗺𝘄𝗲 𝗟𝗮𝘆 𝗖𝗹𝗶𝗻𝗶𝗰
📅 ကြာသပတေး နှင့် စနေ - ညနေ ၅:၀၀ နာရီ မှ ညနေ ၆:၃၀ နာရီအထိ

ဆေးခန်းသို့ မလာရောက်မီ ကြိုတင်ရက်ချိန်း (Booking) ရယူပေးပါရန် မေတ္တာရပ်ခံအပ်ပါသည်။

ဆက်သွယ်ရန် -

🏥 𝗖𝗟𝗟 𝗛𝗘𝗔𝗟𝗧𝗛 𝗠𝘆𝗮 𝗬𝗮𝗱𝗮𝗻𝗮𝗿 𝗣𝗼𝗹𝘆𝗰𝗹𝗶𝗻𝗶𝗰
📞 ဖုန်းနံပါတ် - 01 838 5700, 09 799 699 112, 09 799 699 113
📍 လိပ်စာ - အမှတ် ၉၁/၉၃၊ အနော်ရထာလမ်း၊ လသာမြို့နယ်၊ ရန်ကုန်မြို့
🕒 ဆေးခန်းဖွင့်လှစ်ချိန် - နေ့စဉ် နံနက် ၆:၃၀ နာရီ မှ ညနေ ၇:၀၀ နာရီအထိ
📧 Email - [email protected]

🏥 𝗖𝗟𝗟 𝗛𝗘𝗔𝗟𝗧𝗛 𝗧𝗮𝗺𝘄𝗲 𝗟𝗮𝘆 𝗖𝗹𝗶𝗻𝗶𝗰
📞 ဖုန်းနံပါတ် - 09 797 197 190, 09 797 197 191
📍 လိပ်စာ - အမှတ် ၁၁၁၊ လေးထောင့်ကန်လမ်း၊ တာမွေလေး၊ တာမွေမြို့နယ်၊ ရန်ကုန်မြို့
🕒 ဆေးခန်းဖွင့်လှစ်ချိန် - နေ့စဉ် နံနက် ၈:၀၀ နာရီ မှ ညနေ ၆:၃၀ နာရီအထိ
📧 Email - [email protected]

15/08/2026

🚨 မေးခိုင်ရောဂါ (𝐓𝐞𝐭𝐚𝐧𝐮𝐬) ဆိုတာ 𝐶𝑙𝑜𝑠𝑡𝑟𝑖𝑑𝑖𝑢𝑚 𝑡𝑒𝑡𝑎𝑛𝑖 လို့ခေါ်တဲ့ ဘက်တီးရီးယားပိုးကြောင့် ဖြစ်ပွားရတဲ့ အသက်အန္တရာယ်ရှိသော ရောဂါတစ်ခုဖြစ်ပါတယ်။ အဓိကကတော့ ထိခိုက်ဒဏ်ရာတွေကနေတစ်ဆင့် ခန္ဓာကိုယ်ထဲ ဝင်ရောက်နိုင်ပါတယ်။

ခွဲစိတ်ဒဏ်ရာကဲ့သို့ သန့်ရှင်းပြီး သေးငယ်သော ပြတ်ရှဒဏ်ရာများ (𝐶𝑙𝑒𝑎𝑛, 𝑚𝑖𝑛𝑜𝑟 𝑐𝑢𝑡𝑠) မှလွဲလို့ အခြားမည်သည့်ဒဏ်ရာမဆို မေးခိုင်ရောဂါပိုး ဝင်နိုင်ခြေရှိသော ထိခိုက်ဒဏ်ရာဖြစ်နိုင်ပါတယ်။ မေးခိုင်ရောဂါဟာ သာမန်မျှသာ ထင်ရတဲ့ ဒဏ်ရာမျိုးမှလည်း ဖြစ်ပွားနိုင်ပြီး၊ တစ်ခါတစ်ရံ သိသာထင်ရှားသော ဒဏ်ရာလက္ခဏာ တစ်စုံတစ်ရာမရှိဘဲလည်း ဖြစ်ပွားနိုင်ပါတယ်။
⁣⁣⁣⁣⁣⁣⁣⁣⁣⁣⁣⁣⁣______________________________________

ကျန်းမာရေးစောင့်ရှောက်မှုပေးသူများအနေနဲ့ ဒဏ်ရာပိုးဝင်ခြင်းကို ကာကွယ်ရန်၊ အနာကျက်ခြင်း ကောင်းမွန်စေရန် အောက်ပါ ဒဏ်ရာပြုစုစောင့်ရှောက်ခြင်း နည်းလမ်းအဆင့်ဆင့် (𝑊𝑜𝑢𝑛𝑑 𝐶𝑎𝑟𝑒) ကို ပြုလုပ်နိုင်ပါတယ်။

(၁) သွေးတိတ်အောင်လုပ်ပါ (𝐶𝑜𝑛𝑡𝑟𝑜𝑙 𝐵𝑙𝑒𝑒𝑑𝑖𝑛𝑔) 🩸

● သွေးတိတ်သွားသည်အထိ သန့်ရှင်းတဲ့ အဝတ်၊ ပိုးသတ်ထားတဲ့ ဂွမ်း၊ ပတ်တီးစ သို့မဟုတ် လက်ကို အသုံးပြုပြီး ဒဏ်ရာပေါ်သို့ ခပ်ပြင်းပြင်း တိုက်ရိုက်ဖိပေးထားပါ။
● ဖြစ်နိုင်ရင် ဒဏ်ရာရထားတဲ့ ခန္ဓာကိုယ်အစိတ်အပိုင်းကို အထက်သို့ မြှင့်တင်ပေးထားပါ။

(၂) လက်ကို သန့်ရှင်းအောင်ဆေးကြောပါ (𝐶𝑙𝑒𝑎𝑛 𝐻𝑎𝑛𝑑𝑠) 🧼

● ဒဏ်ရာကို မထိတွေ့မီ သို့မဟုတ် ပတ်တီးမလဲမီ လက်ကို ဆပ်ပြာနဲ့ ရေနဲ့ စင်ကြယ်စွာ ဆေးကြောပါ သို့မဟုတ် အယ်လ်ကိုဟောပါဝင်တဲ့ လက်သန့်ဆေးရည် (𝐻𝑎𝑛𝑑 𝑠𝑎𝑛𝑖𝑡𝑖𝑧𝑒𝑟) ကို အသုံးပြုပါ။

(၃) ဒဏ်ရာကို ရေဆေးပြီး သန့်စင်ပါ (𝑊𝑎𝑠ℎ 𝑎𝑛𝑑 𝐼𝑟𝑟𝑖𝑔𝑎𝑡𝑒 𝑡ℎ𝑒 𝑊𝑜𝑢𝑛𝑑) 💧
● ဒဏ်ရာကို သန့်ရှင်းပြီး စီးဆင်းနေတဲ့ ရေပိုက်ရေ သို့မဟုတ် ပိုးသတ်ထားတဲ့ ဆားရည် (𝑆𝑡𝑒𝑟𝑖𝑙𝑒 𝑠𝑎𝑙𝑖𝑛𝑒) နဲ့ ဆေးချပါ။
● ဒဏ်ရာဘေးပတ်ပတ်လည်ကို နူးညံ့တဲ့ ဆပ်ပြာနဲ့ ရေကိုသုံးပြီး အသာအယာ သန့်စင်ပေးပါ။
● ပွင့်နေတဲ့ ဒဏ်ရာအထဲသို့ ဟိုက်ဒရိုဂျင် ပါအောက်ဆိုဒ် (𝐻𝑦𝑑𝑟𝑜𝑔𝑒𝑛 𝑝𝑒𝑟𝑜𝑥𝑖𝑑𝑒) သို့မဟုတ် အိုင်အိုဒင်း (𝐼𝑜𝑑𝑖𝑛𝑒) ကဲ့သို့ ပြင်းထန်တဲ့ ဓာတုပစ္စည်းများ ထည့်ခြင်းမှ ရှောင်ကြဉ်ပါ။ အကြောင်းကတော့ ၎င်းတို့ဟာ ကောင်းမွန်တဲ့ ဆဲလ်တစ်ရှူးတွေကို ပျက်စီးစေနိုင်တာကြောင့် ဖြစ်ပါတယ်။

(၄) အမှိုက် သို့မဟုတ် ဖုန်မှုန့်များကို ဖယ်ရှားပါ (𝑅𝑒𝑚𝑜𝑣𝑒 𝐷𝑒𝑏𝑟𝑖𝑠) 🔍

● ဖုန် သို့မဟုတ် အမှိုက်များ ရှိမရှိ သေချာစွာ စစ်ဆေးပါ။
● မျက်စိနဲ့ မြင်နေရတဲ့ ပြင်ပပစ္စည်းများကို (𝐹𝑜𝑟𝑒𝑖𝑔𝑛 𝑏𝑜𝑑𝑖𝑒𝑠) အယ်လ်ကိုဟောနဲ့ သန့်စင်ထားတဲ့ ဇာဂနာကို အသုံးပြုပြီး အသာအယာ ဆွဲထုတ်ပါ။
● အသားထဲသို့ နက်ရှိုင်းစွာ စိုက်ဝင်နေတဲ့ အရာဝတ္ထုတွေကို ကိုယ်တိုင်ထုတ်ဖို့ မကြိုးစားပါနဲ့၊ ဆေးကုသမှု ချက်ချင်းခံယူပါ။

(၅) ပိုးသတ်ဆေးအာနိသင်ရှိသော လိမ်းဆေးလိမ်းပါ (𝐴𝑝𝑝𝑙𝑦 𝑂𝑖𝑛𝑡𝑚𝑒𝑛𝑡) 🧴

● ဒဏ်ရာမျက်နှာပြင်ကို စိုစွတ်နေစေဖို့၊ အမာရွတ်မထင်စေဖို့နဲ့ ပိုးဝင်ခြင်းမှ ကာကွယ်ဖို့အတွက် ဆရာဝန်ညွှန်ကြားချက်မလိုဘဲ အလွယ်တကူဝယ်ယူနိုင်တဲ့ (𝐎𝐓𝐂) ပိုးသတ်လိမ်းဆေး ကရင်မ် သို့မဟုတ် ဆီမွှေးကို အလွှာပါးပါး လိမ်းပေးပါ။

(၆) ပတ်တီးစည်းပါ (𝐴𝑝𝑝𝑙𝑦 𝑎 𝐷𝑟𝑒𝑠𝑠𝑖𝑛𝑔) 🩹

● ဒဏ်ရာကို ပိုးသတ်ထားပြီး အသားနဲ့ ကပ်မနေစေမယ့် ပတ်တီး သို့မဟုတ် ဂွမ်းစနဲ့ ဖုံးအုပ်ပေးပါ။
● ၎င်းဟာ ထိခိုက်လွယ်တဲ့ တစ်ရှူးတွေကို ဘက်တီးရီးယားတွေနဲ့ ပြင်ပ ပစ္စည်းများရန်မှ ကာကွယ်ပေးပါတယ်။

(၇) ဒဏ်ရာကို ပုံမှန်စောင့်ကြည့်ပြီး ပတ်တီးလဲပေးပါ (𝑀𝑜𝑛𝑖𝑡𝑜𝑟 𝑎𝑛𝑑 𝐶ℎ𝑎𝑛𝑔𝑒 𝑡ℎ𝑒 𝐷𝑟𝑒𝑠𝑠𝑖𝑛𝑔) 🗓️

● ပတ်တီးကို အနည်းဆုံး တစ်နေ့ တစ်ကြိမ် လဲလှယ်ပေးပါ သို့မဟုတ် ပတ်တီးဟာ စိုစွတ်လာရင်၊ ညစ်ပတ်သွားရင် သို့မဟုတ် သွေး၊ ပြည်နဲ့ အရည်ကြည်များ စိုလာရင် ချက်ချင်းလဲပေးပါ။

“မေးခိုင်ရောဂါပိုး ဝင်နိုင်ခြေရှိသော ထိခိုက်ဒဏ်ရာများကို ပြုစုကုသခြင်း” အကြောင်း အကျယ်တဝင့် ပိုမိုသိရှိနိုင်စေဖို့ 👉 “𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

ဖတ်ရှူရန် _
https://www.cllhealth.com/health-library/healthy-lifestyles/600115-tetanus-prone-wound-management-%E1%80%99%E1%80%81%E1%80%84%E1%80%9B%E1%80%82%E1%80%95-%E1%80%9D/

#မေးခိုင်ရောဂါပိုးဝင်နိုင်ခြေရှိသောထိခိုက်ဒဏ်ရာများကိုပြုစုကုသခြင်း

14/08/2026

🩸 ဆီးချိုတိုင်းစက် (𝗚𝗹𝘂𝗰𝗼𝗺𝗲𝘁𝗲𝗿) ကို အိမ်မှာ စနစ်တကျ ဘယ်လိုသုံးကြမလဲ?

သွေးတွင်းသကြားဓာတ်ကို စနစ်တကျ တိုင်းတာမှတ်သားထားခြင်းဟာ ဆီးချိုကို ထိရောက်စွာ ထိန်းသိမ်း ကုသနိုင်ဖို့အတွက် အလွန်အရေးကြီးပါတယ်။

ဆီးချိုတိုင်းစက် (𝗚𝗹𝘂𝗰𝗼𝗺𝗲𝘁𝗲𝗿) ကို စနစ်တကျ သုံးစွဲနည်း၊ သွေးစစ်တဲ့အခါ အဖြေမလွဲအောင် သတိထားရမယ့် အချက်တွေနဲ့ ပုံမှန်ရှိသင့်တဲ့ သွေးတွင်းသကြားဓာတ် ပမာဏတွေအကြောင်းကို ဗီဒီယိုထဲမှာ အသေးစိတ် ရှင်းပြထားပါတယ်။ ❤️

မိမိကျန်းမာရေးအတွက် စနစ်တကျ တိုင်းတာတတ်အောင် ဗီဒီယိုလေးကို အဆုံးထိ ကြည့်ရှုလေ့လာဖို့ မျှဝေပေးလိုက်ပါတယ်။ ✨

#ဆီးချိုတိုင်းစက်

𝗖𝗟𝗟 𝗛𝗘𝗔𝗟𝗧𝗛

26/08/2026

24/08/2026

22/08/2026

21/08/2026

20/08/2026

18/08/2026

17/08/2026

16/08/2026

15/08/2026

14/08/2026

Address

Website

Alerts

Shortcuts

Share

Category

Listing takedown request