01/06/2026
သားခေတ်ဇွဲသာ သက်သာ နေကောင်း လို့ ဒီနေ့ ကျောင်းကြီး စတက်ပါတယ် မိတ်ဆွေတို့ရေ
စိတ်ပူပြီး သတင်းမေးကြတဲ့ မိတ်ဆွေတို့ ရေ
ကျေးဇူးပါနော်😇😇😇
ဖအေ ဆရာဝန် တယောက်အနေနဲ့ မိဘ အမြင် ဆေးပညာအမြင်နဲ့ ကိုယ့်မိတ်ဆွေ အတွက် ဒီပို့စ်လေး ရေးလိုက်ရပါတယ် ။
သားက ညဖက်လက်ဖျံရေး နှစ်ချောင်လုံး ကျိုး
Both bone fractures forearm ကို
Manipulation Under Anesthesia ( မေ့ဆေး နဲ့ ပြန်လည် တည့်မတ်ပေးခြင်း ) ကို
POP under C arm ( လက်ဖျံ ကို ကြည့်တဲ့ CT စက် ရဲ့ အောက်မှာ ကျောက်ပတ်တီးစီး ပေးတာပါ )
သားရဲ့ လက်ဖျံရိုးအကြီး radius က ထပ်ပိုင်းကျိုးလုနီးပါး မို့ ဒီအတိုင်း ဖိချ ကျောက်ပတ်တီး စီးရင် လက်က ကောက်သွားနိုင်တာရယ်
တအား နာ မှာရယ် ကြောင့်
Prof ဆရာကြီး ဒေါက်တာကျော်သူထွန်းက သေချာရှင်းပြပေးပါတယ်
ပြီးတော့ အပေါ်က ကုသမှု ကိုရွေးချယ်ခဲ့တာပါ ။
ဆရာ့ ကိုလဲ အထူးကျေးဇူးတင်ပါတယ် ။
ဒါနဲ့ fb နဲ့ TikTok မှာ နံမည်ကြီး လူကြည့်များတဲ့ ဗမာဆရာကြီး တပါး တောင် မျက်စိထဲ ပြေးမြင်ပါတယ်။
☹️သူရဲ့ video တွေမှာကလေးတွေများ အော်ဟစ်နေတာပါပဲ။ (သူ့အရပ်နဲ့ သူ့ဇတ် ဆိုတာ ရှိလို့ အပြစ်ပြောတာ မဟုတ်ရပါဘူး)
ကိုယ်များ သားတော်မောင် နာနေတာ မကြည့်ရက်လို့ မျက်ရည် တရွဲရွဲ နဲ့ ကွယ်ရမှာ ကြိတ်ငို လိုက် ကိစ္စတွေ လိုက်လုပ် လိုက် လုပ်နေခဲ့ရတာ။
သား နာလို့ငိုနေတာ မကြည့်ရက်တဲ့ မိဘ အနေနဲ့ ပြောပြတာပါ ဗျ။
😊အဲ့ဒါနဲ့ ဆရာကြီး ဒေါက်တာ ကျော်သူထွန်းက
ဆရာရေ မြောက်ဉက္ကလာ ဆေးရုံ သွားလိုက် အဲ့ အတိုင်း ကုသပေးလိမ့်မယ်
ကျွန်တော် တပည့်တွေ ဖုန်းလှမ်းဆက်ပြီး လုပ်ခိုင်းလိုက်မယ် ပိုက်ဆံ မကုန်ဘူး ဆရာဝန်အချင်းချင်းဆိုတော့ မကုန်ဘဲနဲ့လဲ ပြီးပါတယ်။
မဟုတ်တာ ဆရာရယ် ကုန်ပါစေ
ဝိတိုရိယ မှာပဲ လုပ်လိုက်မယ် ။ ကုန်ချင်သလောက်သာ ကုန်ပါစေ
(အဲ့စကား ပြောလိုက်တဲ့ အချိန်မှာ ကိုယ့်မျက်စိနဲ့ အတွေးထဲ စဝင်လာတာက ကျွန်တော့် အဖေ ကိုပါပဲ
အဖေရယ် အားနာ လိုက်တာ😌)
အဲ့တာနဲ့ ဆရာကြီး မေ့ဆေးဆရာဝန်တွေ နဲ့ လှမ်းချိတ်ပြီး အဲ့ည ၉:၃၀ မှာ ခွဲခန်း စဝင်ရပါတယ်။
Medical terms လေးတွေ ရှင်းပြပေးတာကလေ
ကျွန်တော့် မိတ်ဆွေတွေရဲ့ ကလေးတွေများလက်ပိုင်းဆိုင်ရာ တခုခု ဖြစ်ရင် ဒီပို့စ်လေးက အကျိုးရှိအောင်လို့ပါ ။
မေ့ဆေးပေးတော့ cannula ထိုးတော့လဲ သားက ကျွန်တော့် ပေါင်ပေါ်မှာ ထိုင်ပြီး ထိုးပေးရတာပါ။
ကျွန်တော့် ဆရာဝန်ဆိုတော့ ခွဲခန်းထဲ လိုက်ဝင်ခိုင်းပါတယ်။
၁၀:၁၅ လောက်မှာ procedure ပြီးပါတယ်။
အဲ့မှာ ကျွန်တော် တယောက်တည်း တိုင်ပတ်တာက
သားတော်မောင် ပြန် မနိူးလာသေးတာပါပဲ။
သားက မွေးရာပါ ASD လေး ပါတော့
မေ့ဆေး ရဲ့ ဘေးထွက်ဆိုးကျိူး အနည်းအပါး ကိုလဲ သိထား တော့ OT coat နဲ့ တိုင်ပတ်ပါလေရော ။
OT monitor တွေက တတီတီ နဲ့ အော် ကိုယ့်မှာ ချွေးပြန် စိတ်ပူ
Little knowledge is too dangerous ပါပဲ ကျွန်တော် သိတာလဲ တီးမိခေါက်မိ လောက်သိတာမို့ပါ
မေ့ဆေး ဆရာဝန်ကြီးကလဲ စိတ်ချရပါတယ်
သား မနိူးမချင်းလာလာကြည့်ပေးတယ်။
OT nurse တွေကလဲ ဂရုစိုက်ရှာပါတယ်။
အဲ့အချိန်မှာ ဆုတောင်းရတာပေါ့
ပြီးခဲ့တဲ့ သကြင်္န် မတိုင်ခင်က သေးမပေါက်နိုင်တဲ့ ကလေး လိင်တံ အရည်ခွံ ပိတ်နေလို့ ပိုက်ဆံကလဲ မတတ်နိုင် ဘယ်ဆေးရုံဆေးခန်း မှာလဲ အဆင်မပြေလို့ ငွေ၁၀ သိန်း လှူပြီး ဆရာ ခိုင်ဇော်ထူး စီ အပ်ပေးခဲ့ ဖူးတယ်
အဲ့အလှူလေး သတိရ အပြန်အလှန် အကျိုးပြုပါစေ ဆိုပြီး ဆုတောင်းရတာပေါ့
သားတော်မောင်က ၁၁:၀၀ မှာ မေ့ဆေးဆရာကြီး ပြုစု လို့ ပြန်နိူးလာပြီး ward ထဲ ပြောင်းလာရပါတယ်။
အိမ်ပြန်ရောက် သားတော်မောင် ဂိမ်းဆော့ စားလိုက်သောက်လိုက်နဲ့ ပျော်နေတာပါပဲ
ကလေး ဆိုတော့ မေ့မေ့ပျောက်ပျောက်ပါပဲ ။
“သား အဲ့နေ့က ဖေဖေ ပေါင်ပေါ်မှာ ဆေးထိုးပြီး သား ဘာတွေ ဖြစ်လဲ ဆိုတာ မှတ်မိလားဆိုတော့။
သား ဘာမှ မသိတော့ဘူးလေ တဲ့ အိပ်ပျော်သွားတာလေ တဲ့။”
ကိုယ်တွေ သာ အသက်ကြီးလာလို့လား မသိ အမှတ်သည်းခြေကြီး တခုခုဆို မေ့လို့ဖျောက်လို့မရ။
သားတော်မောင် ကိုယ်ခြေထောက် ကိုယ်ရပ်တည် နိုင်တဲ့ အထိ ဖေဖေ ဘေးနားမှာ ရှိနေမှာပါ သားရေ။
OT ခွဲခန်းထဲက ဓါတ်ပုံတွေက prof ဆရာဒေါက်တာ ကျော်သူထွန်း ပေးထားတဲ့ ပုံတွေပါ)
