What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

Global Food Safety Institute, 589-B, Thihathu Street, Qtr 11, South Okkapala, Yangon (2026)

24/05/2026

Maslow's Hierarchy of Needs ကိုသိကြလား။

Career အစပိုင်းမှာ ခေါင်းငုံ့ပြီးရုန်းကန်ရတာ ဘာမှမဖြစ်ဘူး။ အောက်လည်းကျို့နိုင်တယ်၊ သည်းလည်းခံနိုင်တယ်။ ဘဝကနည်းနည်းအဆင်ပြေသလို ဖြစ်လာတဲ့အခါ စိတ်ခံစားမှုတွေကမတူတော့ဘူး။ အရင်က သည်းခံနိုင်ခဲ့တာတွေက အခုအခါစိတ်အနှောင့်အယှက်ဖြစ်လာတယ်။ အရင်က အဓိပ္ပါယ်ရှိတဲ့အရာတွေက အခုအဓိပ္ပါယ်မရှိသလိုဖြစ်လာတယ်။

တစ်ချို့လူတွေက အဲဒီလိုအချိန်မှာ အရင်နဲ့မတူတော့ဘဲ မောက်မာလာတာမျိုး၊ အထက်ကို ပိုပိုပြီးတက်ချင်တာမျိုးတွေလည်း ဖြစ်နိုင်တယ်။ ပစ္စည်းတွေပိုမက်မောလာသလိုမျိုးလည်း ဖြစ်တတ်တယ်။ လောဘကပ်သွားပြီး ငွေတွေ၊ ရာထူးတွေနောက် မဆုံးနိုင်အောင် လိုက်ရင်းကျန်းမာရေးနဲ့ မိသားစုကို လစ်လျှူရှုလာတာတွေလည်း မြင်ဘူးကြမှာပါ။

အသက်ကြီးလာတဲ့အခါ မိသားစုလိုအပ်ချက်တွေကပြောင်းလာတယ်- ဥပမာ မိဘကိုပြုစုဖို့လိုလာတယ်၊ ဒါမှမဟုတ် သားသမီးတွေကိုဂရုစိုက်ဖို့လိုလာတယ်။ ဒီလို ဘဝလိုအပ်ချက်တွေပြောင်းလာတဲ့အခါ Career နဲ့ Family ကြားမှာ လွန်ဆွဲတာမျိုး၊ ဒီ့ထက်ပိုပြီးနက်ရှိုင်းတဲ့ အလုပ်တော့လုပ်နေတယ် ရင်ထဲမှာ ဘာလိုနေမှန်းမသိဘူး။ ပျော်လည်းမပျော်၊ ဝမ်းလည်းမနည်းနဲ့ ဘာမှန်းကို မသိဘူးဆိုတဲ့အချိန်မျိုး လူတိုင်းမှာရှိနိုင်တယ်။

ကျွန်မအတွက်တော့ Maslow's Hierarchy of Needs အယူအဆကိုသိရတာ အပေါ်မှာပြောခဲ့တဲ့ Struggle တွေကိုလည်းနားလည်ပြီး ကိုယ့်ဘဝကိုလည်း ရှင်းကနဲ လင်းကနဲ ကိုဖြစ်သွားတာပါပဲ။ ပါတ်ဝန်းကျင်ကကိုယ့်ကိုဖြစ်စေချင်တာတွေ၊ ရုပ်ပိုင်းဆိုင်ရာ ပြည့်စုံမှုတွေထဲမှာ တဝဲလည်လည်ဖြစ်မနေဘဲ ကိုယ့်လမ်းကိုယ်ဖေါက်ချင်တဲ့သူတွေအတွက် ဒီ Mental Model က အထောက်အကူပြုမယ်ထင်ပါတယ်။
(2019) လောက်က ရေးဖြစ်တာလေးက အဲဒီအချိန်ထက် အခုအခြေအနေနဲ့ ပိုကိုက်ညီနေလို့ ပြန်မျှဝေချင်ပါတယ်။ eBook ကို ဒီလင့်ကနေ ရယူနိုင်ပါတယ်။

https://drive.google.com/drive/folders/1F_qrLmZvrRfcFZ9ia5XEZCq1eS-o6b0M?usp=drive_link

22/05/2026

Authority မရှိဘဲ Influence လုပ်နိုင်ဖို့
နည်းလမ်း ၅ - Manager ရဲ့ ပြဿနာတွေကိုလည်း ဖြေရှင်းပေးပါ။

ဒီနောက်ဆုံး နည်းလမ်းက အရေးကြီးဆုံးပါ။ ဒါပေမယ့် QC ပညာရှင် တော်တော်များများက သတိမထားမိတဲ့ နည်းလမ်းပါ။

Manager တစ်ဦးက Office မှာ ထိုင်ပြီး မိတ်ဆွေရဲ့ Career အကြောင်းကို တွေးနေတာ မဟုတ်ပါဘူး။ သူက သူ့ ပြဿနာတွေ ရှိနေတယ်။ သူရဲ့ Boss က သူ့ကို ဖိအား ပေးနေတယ်။ သူရဲ့ KPI တွေ ပြည့်ဖို့ ကြိုးစားနေတယ်။ သူရဲ့ မိသားစုကိစ္စတွေ ရှိတယ်။ သူ့အတွက်သူ Career Move လုပ်ဖို့လည်း တွေးနေတယ်။

QC ပညာရှင် တော်တော်များများက Manager ဆီ သွားတိုင်း သူ့ဆီကနေ ပိုက်ဆံ၊ Equipment, Authority, Approval တွေ တောင်းကြတယ်။ Manager ရှုထောင့်ကကြည့်ရင် မိတ်ဆွေက သူ့ Resource ကို စုပ်ယူနေတဲ့သူ ဖြစ်လာတယ်။ ၆ လ၊ ၁၂ လ ကြာတဲ့အခါ Manager က မိတ်ဆွေကို ရှောင်လာတယ်။

အဲဒီလိုဖြစ်မယ့်အစား Manager ရဲ့ ပြဿနာတွေကို ဖြေရှင်းပေးတဲ့သူ ဖြစ်လာအောင် ကြိုးစားပါ။

ဥပမာ ပြောပြပါမယ်။ မိတ်ဆွေရဲ့ Quality Manager က ၂ လကြာတဲ့ Audit တစ်ခု ရှိနေတယ်။ သူ Stress များနေတယ်။ မိတ်ဆွေက သူ့ဆီသွားပြီး "ကျမ Audit Preparation အတွက် ဘာ ကူညီပေးနိုင်လဲ" လို့ မေးကြည့်ပါ။ "Documentation Review တာဝန်တချို့ ကျမ ယူနိုင်ပါတယ်။ Pre-Audit Checklist လည်း ကျမ ပြင်ဆင်ပေးနိုင်ပါတယ်" လို့ ပြောပါ။

၂ လ အကြာ Audit အောင်မြင်ရင် Quality Manager က မိတ်ဆွေကို မမေ့ပါဘူး။ နောက်တစ်ခါ Promotion Slot ပွင့်လာရင် မိတ်ဆွေက သူ့ စိတ်ထဲက ပထမ ၃ ဦးစာရင်းထဲ ဝင်နေပါပြီ။

ဒါက Politics မဟုတ်ပါဘူး။ Career က ဒီလို တည်ဆောက်လာတာ ဖြစ်တယ်။ မိတ်ဆွေက Manager ရဲ့ engergy တွေကို မခိုးယူဘဲ၊ မိတ်ဆွေ ရှိနေတဲ့ Position မှာ Manager ကို ပိုကောင်းအောင် လုပ်ပေးနိုင်တဲ့သူ ဖြစ်လာရင် Career က အလိုလို တိုးတက်လာပါတယ်။

ဒီနည်းလမ်းနဲ့ ပတ်သက်လို့ သတိထားရမယ့် တစ်ခု ရှိပါတယ်။ Manager ရဲ့ ပြဿနာတွေကို ဖြေရှင်းပေးတာ ဆိုတဲ့ စကားက Manager ကို ပြောတာတိုင်း လိုက်လုပ်ပေးပါလို့ မဆိုလိုပါဘူး။ Manager က Spec ထဲ မဝင်တဲ့ Batch ကို Release လုပ်ပါ လို့ ပြောရင် "ဟုတ်ကဲ့ပါ Manager" လို့ ဆိုပြီး လိုက်လုပ်တာ မဟုတ်ပါ။ Audit Stress, Customer Complaint Trend, Production Throughput Issue အစရှိတဲ့ Manager ရဲ့ ပြဿနာတွေကို ဂရုစိုက်ပြီး ပါဝင်ကူညီဖြေရှင်းပေးတာ ဖြစ်တယ်။

21/05/2026

Authority မရှိဘဲ Influence လုပ်နိုင်ဖို့
နည်းလမ်း ၄ - အောင်မြင်မှု သေးသေးလေးတွေနဲ့ ယုံကြည်မှု တည်ဆောက်ပါ။

ဒီနည်းလမ်းကိုတော့ မိတ်ဆွေ စိတ်ရှည်ဖို့ လိုပါတယ်။
QC ပညာရှင်တွေက "စနစ် တစ်ခုလုံး ပြင်မယ်" "FSMS ထူထောင်မယ်" "Culture ပြောင်းမယ်" ဆိုတဲ့ ကြီးကြီးမားမား ရည်မှန်းချက်တွေ ထားကြတယ်။ Career အရတော့ ကောင်းပါတယ်။ ဒါပေမယ့် ဒီရည်မှန်းချက်တွေက လုပ်ပိုင်ခွင့် မရှိတဲ့ Position ကနေ မစတင်နိုင်ပါ။

အလုပ်ဖြစ်တဲ့ နည်းလမ်းက သေးသေးလေးတွေ ကစတယ်။ ၂ ပတ် နဲ့ ပြီးနိုင်တဲ့ အလုပ်တွေ။ Budget သိပ်မလိုတဲ့ အလုပ်တွေ။ မိတ်ဆွေ ကိုယ်တိုင် ဦးဆောင်လုပ်နိုင်တဲ့ အလုပ်တွေ။
ဥပမာ - "လက်ဆေးနည်း Poster တစ်ခု ထုတ်ပြီး ဝန်ထမ်းအိမ်သာရှေ့မှာ ကပ်ထား" ဆိုတဲ့ အလုပ်က ၃ ရက်နဲ့ ပြီးနိုင်တယ်။ Print Cost ထောင်ဂဏန်းပဲ ကုန်တယ်။ Manager ဆီက ၁ မိနစ် Approval ပဲ လိုတယ်။ ဒါပေမယ့် ၁ လအကြာ မိတ်ဆွေက "ဝန်ထမ်းတွေ လက်ဆေးနည်း Poster ကပ်ပြီးတဲ့နောက် Hand Swab Test က Pass Rate က ၇၀% ကနေ ၉၂% တိုးလာပါတယ်" လို့ တင်ပြလို့ ရတယ်။

ဒါက သေးငယ်တဲ့ အောင်မြင်မှု တစ်ခုပါ။ ဒါပေမယ့် Manager ဆီမှာ မိတ်ဆွေရဲ့ Track Record ထဲ တစ်ခု ထပ်ဖြည့်ပေးတယ်။ "မိတ်ဆွေက လာပြောရင် ပြဿနာပဲယူလာတဲ့သူမဟုတ်ဘူး၊ အဖြေလည်းပါတယ်၊ အဲဒီအဖြေကိုလည်း အဆုံးထိလုပ်တယ်။ တကယ် ပြောင်းလဲနိုင်တဲ့သူ" ဆိုတဲ့ Image ဖြည်းဖြည်း တည်ဆောက်လာတယ်။

ဒီလို သေးငယ်တဲ့ အောင်မြင်မှု ၂-၃ ခု စုပြီးတဲ့ နောက်မှ ပိုကြီးတဲ့ အလုပ်တစ်ခု အဆိုပြုပါ။ "ကျမက Hand Hygiene Project က အလုပ်ဖြစ်ခဲ့ပါတယ်။ အခု Drying Process Optimization တစ်ခု လုပ်ချင်ပါတယ်။ Budget ၂ သိန်း ၅ သောင်း လိုပါမယ်" လို့။ ဒီစကားကို ပထမနေ့ကတည်းက ပြောရင် သေချာပေါက် အငြင်းခံရမယ်။ ဒါပေမယ့် Track Record ၂-၃ ခု ရှိပြီးတဲ့နောက်မှ ပြောရင် Approval ရဖို့ ပိုလွယ်တယ်။ (ရကိုရမယ်လို့ မပြောသေးဘူးနော်။)

ဒီနည်းလမ်းရဲ့ အရေးကြီးတဲ့ အချက်က အောင်မြင်မှု သေးသေးလေးတွေကိုတောင် မှတ်တမ်းတင်ထားဖို့ပါ။ "ဒါ ကျမ မလုပ်ခင်က Hand Swab Pass Rate ၇၀% ပါ။ လုပ်ပြီးနောက် ၉၂% ပါ" ဆိုတဲ့ Before/After Number တွေ၊ Photo တွေ၊ Evidance တွေက မိတ်ဆွေရဲ့ နောက်လာမယ့် Career Step အတွက် Currency တွေပါ။

20/05/2026

Authority မရှိဘဲ Influence လုပ်နိုင်ဖို့
နည်းလမ်း ၃ - သက်ဆိုင်ရာဌာနအတွက် အရေးပါတဲ့စကားလုံးများနဲ့ ပြောပါ။

ဒီနည်းလမ်းကို နားလည်ဖို့ နည်းနည်း အချိန်ယူရပါတယ်။
QC ပညာရှင်တွေက Quality ဘာသာစကားကို ပြောတယ်။ Spec, Tolerance, Variation, Non-conformance, CAPA, Root Cause စတဲ့ စကားလုံးတွေ။ Production က ဒီစကားလုံးတွေကို သိပ်နားမလည်ဘူး။ နားလည်ရင်တောင် ဂရုစိုက်တာ နည်းတယ်။

Production က ဂရုစိုက်တဲ့ ဘာသာစကားက မတူပါဘူး။ Throughput, Downtime, Rework Cost, Customer Delivery, Production Schedule စတဲ့စကားလုံးတွေက Production အတွက် အရေးပါတဲ့စကားလုံးတွေဖြစ်ပါတယ်။

ဥပမာ ပြောပါမယ်။
QC ဖက်က ပြောတဲ့ စကား - "ဒီ Batch က Spec ထဲ မဝင်ပါဘူး။ Critical Limit ထက် ပိုနေတယ်။ Hold ထားသင့်တယ်။"
Production ဖက်က မြင်တဲ့ အမြင် - "QC ကလူက အလုပ်ပိုတွေလုပ်နေပြန်ပြီ၊ နှောင့်နှေးအောင်လုပ်နေတာ။"

ဒီနေမှာ ဘယ်သူက မှားနေသလဲ လို့စဥ်းစားရမှာ မဟုတ်ပါဘူး။ နှစ်ဖက်စလုံး မှန်ကြတယ်။ ဒါပေမယ့် နှစ်ဖက်စလုံး မတူတဲ့ ဘာသာစကားနဲ့ ပြောနေကြတယ်။ နှစ်ဖက်လုံး နားလည်ဖို့ ခက်တယ်။
အခုဒီစကားကို Production ဖက်က နားလည်တဲ့ ဘာသာစကားနဲ့ ပြောကြည့်ပါ။

အပြည့်အစုံကို Viber Community မှာဆက်ဖတ်ဖို့ ဖိတ်ခေါ်ပါတယ်။
https://invite.viber.com/?g2=AQAN0TMVdLzkyFMKxGBn3caFZTP7YSXqe8p78%2BeviuZY7imCSf4%2FojTXM27yiUQ1

20/05/2026

နည်းလမ်း ၂ - တစ်ကြိမ်ထဲပြဿနာ မဟုတ်ဘဲ ထပ်ခါထပ်ခါဖြစ်တဲ့ Pattern ကို တင်ပြပါ။

ဒါက ပထမနည်းလမ်းနဲ့ ဆက်စပ်နေတဲ့ နည်းလမ်းပါ။
QC ပညာရှင်တော်တော်များများက တစ်ခုခုဖြစ်တိုင်း Manager ဆီ ပြေးပြောကြတယ်။ "ဒီနေ့ Batch တစ်ခု Spec ထဲ မဝင်ဘူး" "ဒီနေ့ Equipment တစ်ခု ပျက်နေတယ်" "ဒီနေ့ Inspector တစ်ဦး မလာဘူး"။ ပထမ ၁-၂ ခါတော့ Manager က နားထောင်တယ်။ ၁၀ ခါ အခါ ၂၀ ဖြစ်လာတဲ့အခါ Manager က မိတ်ဆွေကို ပြဿနာ ရှာတဲ့သူ အဖြစ် မြင်လာတယ်။ နောက်ဆုံး မိတ်ဆွေရဲ့ အဖိုးတန် feedback တွေကို ဒီဖက်နားကဝင်၊ ဟိုဖက်နားကထွက်လို့ပဲ သဘောထားတော့တယ်။

Manager က ဘာကြောင့် ဒီလို လုပ်တာလဲ။ ပျင်းလို့ မဟုတ်ဘူး။ ပြဿနာ တစ်ခုချင်းစီအတွက် Solution မရှာနိုင်တော့လို့ပါ။ Manager တိုင်းမှာ Resource အကန့်အသတ်ရှိတယ်။ Time အကန့်အသတ်ရှိတယ်။ မိတ်ဆွေ ပြောလာတဲ့ ပြဿနာတွေက သူဖြေရှင်းဖို့ ၃ နာရီ ၄ နာရီကြာမယ့် ပြဿနာ မဟုတ်ဘဲ ၂ ပတ် ၃ ပတ် ကြာမယ့် ပြဿနာတွေဆိုရင်တော့ Manager က ဘာမှ မလုပ်ဖြစ်ဘဲ ဘေးချထားလိုက်တာ ပိုလွယ်တယ်။

အဲဒါ့ကြောင့် ပြဿနာ တစ်ခုချင်းပြောမယ့်အစား Pattern ကို တင်ပြတာ ပိုထိရောက်ပါတယ်။
Pattern ဆိုတာ ဘာလဲ။ Pattern ဆိုတာ ပြဿနာ တစ်ခုထဲက အကြိမ်များများ ဖြစ်နေတာ၊ ဒါမှမဟုတ် ပြဿနာ မျိုးတူ ၃-၄ ခု ဆက်နွယ်နေတာ ဖြစ်တယ်။

ဥပမာ - "ဒီနေ့ Batch ၁ ခု Spec ထဲ မဝင်ဘူး" ဆိုတဲ့ စကားက ပြဿနာတင်တင်ပြတာပါ။ ဒါပေမယ့် "ပြီးခဲ့တဲ့ ၂ လ အတွင်း Spec ထက် ပိုနေတဲ့ Batch ၈ ခု ရှိခဲ့ပါတယ်။ ၈ ခုစလုံးက Drying Oven နံပါတ် ၂ မှာ ထုတ်တဲ့ Batch တွေပါ။ Oven နံပါတ် ၁ မှာ တစ်ခုမှ မရှိပါဘူး" ဆိုတဲ့ စကားက ပြဿနာ မဟုတ်ဘဲ Pattern တင်ပြတာပါ။ ဒီစကားက Manager ကို Solution ရှာမယ့်ဖက်ကို တွန်းပေးတယ်။ "Oven ၂ မှာ ပြဿနာ ရှိနိုင်တယ်" ဆိုတဲ့ ခန့်မှန်းချက်က ထွက်လာတယ်။
Pattern တင်ပြဖို့ မှတ်တမ်းတွေ လိုတယ်။ ဒါ့ကြောင့် နည်းလမ်း ၁ နဲ့ ၂ က ချိတ်ဆက်နေပါတယ်။..
အပြည့်အစုံကို Viber Community မှာဆက်ဖတ်ဖို့ ဖိတ်ခေါ်ပါတယ်။
https://invite.viber.com/?g2=AQAN0TMVdLzkyFMKxGBn3caFZTP7YSXqe8p78%2BeviuZY7imCSf4%2FojTXM27yiUQ1

18/05/2026

နည်းလမ်း ၁ - မှတ်တမ်းတွေကို မငြိုငြင်ဘဲ စုစည်းထားပါ။

ဒါက ပထမဆုံး နည်းလမ်းပါ။ အလွယ်ဆုံးနည်းလမ်းလည်း ဖြစ်တယ်။ ဒါပေမယ့် QC ပညာရှင်တော်တော်များများက လျှော့တွက်ထားကြတဲ့ နည်းလမ်းပါ။

ပြဿနာ တစ်ခု မြင်တယ်။ Manager ကို ပြောပြတယ်။ "ကြည့်ဦးမယ်" လို့ ပြန်ဖြေတယ်။ ၁ လ ကြာသွားလည်း ဘာမှ မပြောင်းလဲဘူး။ မိတ်ဆွေက "ပြောလည်း မရဘူး" လို့ စိတ်ပျက်ပြီး ပြောတာတောင် ရပ်လိုက်တယ်။

အဲဒီနေရာမှာ မိတ်ဆွေ မှားသွားတယ်။
တကယ့် Influence ဆိုတာ တစ်ခါပြောလို့ မရတဲ့ ပြဿနာကို နောက်တစ်ခါ ထပ်ပြောတာ မဟုတ်ဘူး။ တစ်ခါ ထပ်ပြောရင် Manager က ပိုစိတ်ပျက်ရုံပါပဲ။ Influence ဆိုတာ ပြဿနာက ဖြစ်ပျက်နေပုံကို တိတ်တိတ်ဆိတ်ဆိတ် မှတ်တမ်းတင်ထားတာပါ။ မှတ်တမ်းတွေ စုလာတာနဲ့အမျှ Influence က ပိုကြီးထွားလာတယ်။

ဥပမာ ပြောရရင် ဒီလိုပါ။ မိတ်ဆွေ Drying Process မှာ Moisture Variation များနေတယ်လို့ ပြီးခဲ့တဲ့အပတ်က ပြောထားတယ်။ Manager က နားမထောင်ဘူး။ မိတ်ဆွေ ဘာ ဆက်လုပ်မလဲ။
ရွေးချယ်စရာ ၂ ခု ရှိတယ်။
..
အပြည့်အစုံကို Viber Community မှာဆက်ဖတ်ဖို့ ဖိတ်ခေါ်ပါတယ်။
https://invite.viber.com/?g2=AQAN0TMVdLzkyFMKxGBn3caFZTP7YSXqe8p78%2BeviuZY7imCSf4%2FojTXM27yiUQ1

18/05/2026

Authority မရှိဘဲ Influence လုပ်နိုင်တဲ့ နည်းလမ်း ၅ ခု

အခန်း ၁ ကနေ ၃ ထိ ဖတ်ပြီးပြီဆိုရင် ဒီစာအုပ်ရဲ့ မူကို နားလည်နေပြီလို့ ထင်ပါတယ်။ Authority တို့ Position တို့ မရှိရင်တောင် Judgment ကို တည်ဆောက်လို့ ရတယ်။ ဒါပေမယ့် Judgment တစ်ခုထဲ ရှိရုံနဲ့ ဘာမှဖြစ်မလာသေးဘူး။ အဲဒီ Judgment ကို တခြားသူတွေ နားလည်အောင်၊ လေးစားအောင်၊ နောက်ဆုံး လိုက်လုပ်အောင် ပြောဆိုဆက်သွယ်တတ်ဖို့ပါ အရေးကြီးတယ်။

ဒါကို ပညာရပ်ဆန်ဆန် ပြောရရင် Influence လို့ ခေါ်ပါတယ်။ မြန်မာစာထဲမှာ ပြောရရင် "လူတွေ နားထောင်အောင် ဘယ်လို ပြောမလဲ" ဆိုတဲ့ ပညာပါ။

ကျမ ကိုယ်တိုင် ဒီပညာကို လေ့လာဖို့ နှစ်တွေ အများကြီး ကြာခဲ့တယ်။ ငယ်ငယ်က Authority ရှိမှ နားထောင်ခိုင်းလို့ရမယ်၊ Title မြင့်မှ စကားကို အလေးအနက်ထားလို့ရမယ်လို့ ထင်ခဲ့တယ်။ ဒါပေမယ့် Corporate Ladder ပေါ် နည်းနည်း တက်လာပြီးတော့ စိတ်ဝင်စားစရာ တစ်ခု သတိထားမိတယ်။ Authority ရှိနေတာတောင် လူတွေ နားမထောင်တဲ့ Manager တွေ ရှိသလို၊ Authority သိပ်မရှိပေမယ့် လူတိုင်း လေးစားနေတဲ့ Supervisor တို့ Line Lead တို့တွေလည်း ရှိနေကြတယ်။ ကွာခြားချက်က Authority မှာ မဟုတ်ပါဘူး။ Influence မှာပါ။

နောက်ပို့စ်တွေမှာ ကျမ Career တလျှောက်လုံး လေ့လာခဲ့ရတဲ့ Influence လုပ်နည်း ၅ ခုကို မျှဝေပါမယ်။ ခပ်တိုတိုပဲ ဆိုပေမယ့် တကယ်အလုပ်ဖြစ်တဲ့ နည်းလမ်းတွေ ဖြစ်ပါတယ်။

16/05/2026

မေးခွန်း ၃ ခုကို သီးခြားစီ ရှင်းပြခဲ့ပါတယ်။
ဒါပေမယ့် တကယ့်လက်တွေ့မှာ မေးခွန်းသုံးခုကပူးတွဲသုံးရတဲ့ မေးခွန်းတွေပါ။

မေးခွန်း ၁ - ကျမ တကယ်ဘာသိနေသလဲ?
Test Result က ၁၂.၄% ထွက်တယ် - ဒါ သေချာတယ်။ ဒါပေမယ့် Sample တစ်ခုတည်းကိုပဲ တစ်ခါ Test လုပ်ထားတယ်။ Equipment Calibration က ၂ လ ကြာပြီ။ Inspector က အတွေ့အကြုံ နည်းနည်းရှိပြီးသား။ ဒါ့ကြောင့် Result က မှားဖို့ အလားအလာ နည်းပေမယ့် ၁၀၀% သေချာ မခိုင်လုံသေးဘူး။

မေးခွန်း ၂ - တကယ့် Risk က ဘာလဲ?
ဒီ Batch က Modern Trade Chain ဆီ သွားမယ်လို့ Production Schedule မှာ ရေးထားတယ်။ Modern Trade က Spec Sensitive ဖြစ်တယ်။ Audit Sample စစ်ပြီး တစ်ခုခု တွေ့သွားရင် Brand တစ်ခုလုံး ထိခိုက်နိုင်တယ်။ Risk က ပိုကြီးတယ်။

မေးခွန်း ၃ - ကျမ ဘာတွေ လုပ်နိုင်သေးလဲ?
ပြန် Test လုပ်ဖို့ အချိန် ၃၀ မိနစ်ပဲ ယူမယ်။ ၃ ခါ ပြန် Test လုပ်ပြီး ပျမ်းမျှ ထွက်တာက Spec နဲ့ ဘယ်လောက်ကွာသလဲ ကြည့်မယ်။ Production Manager ကို "ကျမ Release လုပ်ဖို့ ၃၀ မိနစ်ပဲ ထပ်တောင်းပါတယ်။ ပြန် Test ၃ ခါ လုပ်ပြီးမှ Production Manager ကို သေချာတဲ့ Result တင်ပြပေးပါမယ်" လို့ပြောမယ်။

အဲဒါ Judgment လုပ်ငန်းခွင်ထဲမှာ အလုပ်လုပ်တဲ့ ပုံစံပါ။ ဆုံးဖြတ်ချက် မှန်ကန်စေဖို့ မေးခွန်းတွေ ဆက်မေးခြင်း၊ အချိန်နည်းနည်း ထပ်ယူခြင်း၊ ပိုကောင်းတဲ့ Information ရအောင် ကြိုးစားခြင်းတို့ပါဝင်ရပါမယ်။ ..
အပြည့်အစုံကို Viber Community မှာဆက်ဖတ်ဖို့ ဖိတ်ခေါ်ပါတယ်။
https://invite.viber.com/?g2=AQAN0TMVdLzkyFMKxGBn3caFZTP7YSXqe8p78%2BeviuZY7imCSf4%2FojTXM27yiUQ1

15/05/2026

မေးခွန်း ၃ - အခုလောလောဆယ် ကျမ လုပ်ပိုင်ခွင့်ပြင်ပက ဘာတွေ လုပ်နိုင်လဲ။

တတိယ မေးခွန်းက ဒီစာအုပ်ရဲ့ အရေးကြီးဆုံး မေးခွန်းတစ်ခုပါ။ ဂရုစိုက် ဖတ်ပေးပါ။
ပထမ မေးခွန်း နှစ်ခုက "ဆုံးဖြတ်ချက်ချရာမှာ ဘာသိသင့်လဲ" ဆိုတဲ့ မေးခွန်းတွေ ဖြစ်တယ်။ တတိယ မေးခွန်း ကတော့ ပိုကျယ်ပြန့်တယ်။ "ဒီအခြေအနေမှာ ကျမ လုပ်ပိုင်ခွင့်နဲ့ ဆုံးဖြတ်ဖို့ မဟုတ်တောင် တခြားဘာတွေ လုပ်နိုင်သေးလဲ" ဆိုတဲ့ မေးခွန်းပါ။

QC ပညာရှင်တော်တော်များများက ဒီနေရာမှာ ရပ်နေကြတယ်။ "ကျမ Release ဖြစ်ဖြစ်/ Hold ဖြစ်ဖြစ် ဆုံးဖြတ်ဖို့ ခွင့်မရှိဘူး" ဆိုပြီး ကိစ္စပြီးသွားသလို ထင်ကြတယ်။ ဒါပေမယ့် ဆုံးဖြတ်ဖို့ ခွင့်မရှိတာက ဘာမှ မလုပ်နိုင်ဘူးလို့ မဆိုလိုပါဘူး။

မိတ်ဆွေက ပစ္စည်းကို release လုပ်/မလုပ် ဆုံးဖြတ်ဖို့ ဝင်မပါရဘူးရင်တောင် ဒီပစ္စည်းနဲ့ ပတ်သက်လို့ ဘယ်လို မှတ်တမ်းတင်မလဲ၊ ဘာတွေ စုစည်းမလဲ၊ ဘယ်လို တင်ပြမလဲဆိုတာတွေက မိတ်ဆွေ ၁၀၀% ထိန်းချုပ်လို့ရတဲ့ ကိစ္စတွေပါ။..
အပြည့်အစုံကို Viber Community မှာဆက်ဖတ်ဖို့ ဖိတ်ခေါ်ပါတယ်။
https://invite.viber.com/?g2=AQAN0TMVdLzkyFMKxGBn3caFZTP7YSXqe8p78%2BeviuZY7imCSf4%2FojTXM27yiUQ1

14/05/2026

မေးခွန်း ၂ - တကယ့် Risk က ဘာလဲ၊ ဘယ်ဖက်ကို မှားရင် ပိုဆိုးမလဲ။

ဒုတိယ မေးခွန်းက ပိုခက်တယ်။
QC ပညာရှင်တော်တော်များများက Risk ဆိုတာကို တစ်ဖက်တည်းကသာ မြင်ကြတယ်။ Spec ထဲ မဝင်တဲ့ Batch ကို Release လုပ်လို့ ဖြစ်လာမယ့် Risk တွေက Customer Complaint, Recall, နာမည်ပျက်တာ။

ဒါပေမယ့် Risk က နှစ်ဖက်ရှိပါတယ်။ Hold ထားလို့ ဖြစ်လာမယ့် Risk လည်း ရှိတယ်။ ထုတ်ကုန် ပျက်စီးနိုင်တယ်။ ဖောက်သည်ဆီကို ပစ္စည်း နောက်ကျရောက်ရင် နောက်တစ်ခါ Order မလာတော့ဘူး။ Production Schedule တစ်ခုလုံး ပျက်နိုင်တယ်။

မိတ်ဆွေက ဒီနှစ်ဖက်စလုံးကို ချိန်တွက်တတ်ဖို့ လိုတယ်။..
အပြည့်အစုံကို Viber Community မှာဆက်ဖတ်ဖို့ ဖိတ်ခေါ်ပါတယ်။
https://invite.viber.com/?g2=AQAN0TMVdLzkyFMKxGBn3caFZTP7YSXqe8p78%2BeviuZY7imCSf4%2FojTXM27yiUQ1

Global Food Safety Institute

24/05/2026

22/05/2026

21/05/2026

20/05/2026

20/05/2026

18/05/2026

18/05/2026

16/05/2026

15/05/2026

14/05/2026

Address

Opening Hours

Website

Alerts

Contact The Practice

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00