ကျန်းမာသုခ အထူးကုဆေးခန်း

07/09/2026

ခါးနာပေါင်တန်းနာ (Sciatica) ဘာ‌ကြောင့်ဖြစ်တာလဲ ❓❓❓

👉ခါးအောက်ပိုင်းကနေ စတင်ပြီး တင်ပါး၊ ပေါင်နောက်ဘက်နဲ့ ခြေသလုံးအထိ အပ်နဲ့ထိုးသလို သို့မဟုတ် စူးစူးရှရှ တန်းပြီး နာကျင်နေခြင်း။

👉ထိုင်တဲ့အခါ၊ မတ်တပ်ရပ်တဲ့အခါ၊ လမ်းလျှောက်တဲ့အခါ ဒါမှမဟုတ် ရုတ်တရက် လှည့်လိုက်တဲ့အခါ နာကျင်ကိုက်ခဲမှု ပိုဆိုးခြင်း။

👉ချောင်းဆိုးခြင်း၊ နှာချေခြင်း သို့မဟုတ် ဝမ်းညှစ်လိုက်တဲ့အခါ နာကျင်မှု ပိုတိုးလာတတ်ခြင်း။

👉နာကျင်တဲ့ ခြေထောက်တစ်ဖက်တည်းမှာပဲ ထုံကျင်နေတာ၊ အနေရခက်တာ၊ ခြေထောက် သို့မဟုတ် ခြေဖဝါးမှာ အားမရှိတော့ဘဲ လေးပင်နေသလို ခံစားရခြင်း၊ ခြေထောက်ကြွက်သားတွေ အားနည်းသွားခြင်း။

ဒီလက္ခဏာတွေကတော့ လူအများစုမှာ အဖြစ်များတဲ့ ခါးကြောညပ်ခြင်း (သို့မဟုတ်) ဆိုင်ယာတစ်အာရုံကြော ဖိမိခြင်း (Sciatica / ခါးနာပေါင်တန်းနာ) ရဲ့ ပုံစံလက္ခဏာတွေဖြစ်ပါတယ်။

🧑‍⚕️ခန္ဓာကိုယ်ရဲ့ အကြီးဆုံးအာရုံကြောဖြစ်တဲ့ Sciatic Nerve ဟာ ခါးအောက်ပိုင်းကနေ စတင်ပြီး တင်ပါးနဲ့ ခြေထောက်နှစ်ဖက်ဆီ ဆင်းသွားပါတယ်။ ဒီအာရုံကြောလမ်းကြောင်းမှာ
♦️ခါးရိုးဆစ်များကျွံခြင်း (Herniated Disc)
♦️ခါးရိုးဆစ် ရောင်ရမ်းဟောင်းနွမ်းခြင်း (Degenerative Disc Disease)
♦️ခါးရိုးဆစ် လမ်းကြောင်း ကျဉ်းသွားခြင်း (Spinal Stenosis)
♦️တင်ပါးဆုံတွင်းရှိ ကြွက်သားများ တင်းလွန်းခြင်း (Piriformis Syndrome)
တစ်ခုခုကြောင့် ဆိုင်ယာတစ် အာရုံကြောကိုဖိမိပြီး အခုလို စူးရှပြီး ပေါင်တန်းနာတဲ့ဝေဒနာ ခံစားရခြင်းဖြစ်ပါတယ်။
#ကျန်းမာသုခအထူးကုဆေးခန်းနှင့်တိုင်ပင်ပါ

02/09/2026

🩺 အဆစ်အမြစ်နာလို့ စိတ်ညစ်နေပါသလား?

👉အဆစ်အမြစ်တွေ ကိုက်ခဲနာကျင်နေလို့ နေ့စဉ်လုပ်ငန်းဆောင်တာတွေ ထိခိုက်နေပါသလား။
👉ဆေးထိုး၊ ဆေးသောက်ရတာ များလာလို့ စိတ်ပင်ပန်းနေပြီလား။
👉ခွဲစိတ်ရမှာကိုရော စိုးရိမ်ပူပန်နေပါသလား။

#ကျန်းမာသုခအထူးကုဆေးခန်းနှင့်တိုင်ပင်ပါ။

ကျန်းမာသုခဆေးခန်းတွင် ဝါရင့် ဆရာဝန်ကြီးများ၊ ကျွမ်းကျင် physiotherapist များမှ physiotherapy ကုထုံးများကို ခေတ်မီစက်ကိရိယာများဖြင့်လူနာတစ်ဦးစီအခြေအနေပေါ်မူတည်ပြီး ကုသမှုပေးနေပါသည်။
နာကျင်မှုအမြန်ဆုံးသက်သာပျောက်ကင်းဖို့ အခုပဲဆက်သွယ်လိုက်ပါ။

ကျန်းမာသုခ အထူးကုဆေးခန်း
အမှတ်(၆၈)၊လေးထောင့်ကန်လမ်းမကြီး၊သင်္ဃန်းကျွန်းမြို့နယ်၊ ရန်ကုန်မြို့။ (ဘ၀မြင့်မှတ်တိုင်အနီး)
Ph : 09-444144417

02/09/2026

ဖြေကြည့်ပါဦးနော် 👇

❓လူ့ခန္ဓာကိုယ်တွင် အကြီးဆုံးနှင့် အရှည်ဆုံး အာရုံကြောမှာ အောက်ပါတို့အနက်မှ မည်သည်နည်း။
(၁) Vagus nerve (ဗေးဂပ်စ် အာရုံကြော)
(၂) Sciatic nerve (ဆိုင်ယာတစ် အာရုံကြော)
(၃) Optic nerve (အမြင်အာရုံကြော)
(၄) Phrenic nerve (ဖရီနစ် အာရုံကြော)

27/08/2026

⛹️အားကစားသမားများ အားကစားပြုလုပ်စဉ်နှင့် လေ့ကျင့်ခန်းလုပ်နေစဉ် ကြွက်သားပြဲခြင်း / တင်းခြင်း၊ အရွတ်စုတ်ပြဲခြင်း၊ အရွတ်ကြောယောင်ခြင်း၊ အဆစ်လွဲခြင်း စသည့် ထိခိုက်ဒဏ်ရာများရတတ်ပါသည်။

🏋️ဒဏ်ရာအသေးစားများအတွက် အနားယူခြင်း၊ ရေခဲကပ်ခြင်း၊ ပတ်တီးစည်းထားခြင်းတို့ဖြင့်သက်သာနိုင်သော်လည်း ဒဏ်ရာပြင်းထန်ပါက ကျွမ်းကျင်ဆရာဝန်များနှင့် ပြန်လည်သန်စွမ်းရေး ကုထုံးပညာရှင်များထံတွင် စနစ်တကျ ကုသမှုခံယူရန် လိုအပ်ပါသည်။

🚴စနစ်တကျ ကုသမှု မခံယူမိပါကရေရှည်မှာ မိမိချစ်တဲ့ အားကစားလှုပ်ရှားမှုတွေကို လုံးဝဆက်မလုပ်နိုင်တော့တဲ့အထိ ဆိုးကျိုးတွေ ဖြစ်လာနိုင်ပါတယ်။

🧑‍⚕️ကျန်းမာသုခဆေးခန်းတွင်အားကစားလုပ်ရင်း ဖြစ်ပေါ်လာတဲ့ ဒဏ်ရာတွေ၊ ကြွက်သားနာကျင်မှုတွေ၊ အဆစ်အမြစ်ပြဿနာတွေကို တစ်ဦးချင်းဆီ အတွက်ရောဂါပေါ် မူတည်ပြီး ထိရောက်စွာ ကုသပေးနေသည့်အတွက် သင့်ရဲ့ လှုပ်ရှားနိုင်စွမ်းကို အမြန်ဆုံး ပြန်လည်ရရှိနိုင်အောင် ကူညီပေးနေပါတယ်။

#ကျန်းမာသုခအထူးကုဆေးခန်းနှင့်တိုင်ပင်ပါ
ကျန်းမာသုခ အထူးကုဆေးခန်း
အမှတ်(၆၈)၊လေးထောင့်ကန်လမ်းမကြီး၊သင်္ဃန်းကျွန်းမြို့နယ်၊ ရန်ကုန်မြို့။ (ဘ၀မြင့်မှတ်တိုင်အနီး)
Ph : 09-444144417

22/08/2026

🧑‍💻ခါးနာဝေဒနာ ခံစားနေရသူတွေအနေနဲ့ ရုံးထိုင်အလုပ်လိုမျိုး အထိုင်များတဲ့ အလုပ်မျိုးလုပ်ရတဲ့အခါ ခါးနာသက်သာစေဖို့နဲ့ ရောဂါအခြေအနေ ပိုဆိုးမသွားအောင် အထူးဂရုစိုက်ဖို့ လိုအပ်ပါတယ်။

🔸အခြေအနေပိုမိုဆိုးရွားမသွားစေရန် လိုက်နာသင့်သည့်အချက်များ-
၁။ ထိုင်သည့်အခါ နာရီဝက်မှ တစ်နာရီခြား တစ်ကြိမ်ထိုင်ရာမှထပြီး အနည်းဆုံး (၁-၂) မိနစ်ခန့် လမ်းလျှောက်ပေးပါ သို့မဟုတ် လွယ်ကူသော ခါးဆန့်လေ့ကျင့်ခန်းများ ပြုလုပ်ပါ။
၂။ ထိုင်နေရင်းဖြင့်ပင် ခါးကို ဘယ်ညာ အသာအယာ လှည့်ပေးခြင်း၊ ပခုံးကို နောက်သို့ လှည့်ပေးခြင်း၊ လက်ကိုအထက်သို့ ဆန့်တန်းခြင်းတို့ ပြုလုပ်ပေးခြင်းဖြင့် ကြွက်သားတင်းမာမှုကို သက်သာစေနိုင်ပါတယ်။
၃။ ကြာကြာထိုင်ရသည့်အခါ ထိုင်ခုံနှင့် ခါးကြားတွင် ခေါင်းအုံးအသေးတစ်ခုထားပြီးခါးရိုး၏ မူလကွေးညွှတ်မှုကို ထောက်ပံ့ထားပါ။
#ကျန်းမာသုခအထူးကုဆေးခန်းနှင့်တိုင်ပင်ပါ

19/08/2026

ခါးနာနေရင်စက်ဘီးစီးလို့ရလား❓❓❓

👉ရပါတယ်။ ဒါပေမဲ့ ခါးနာတဲ့ အနေအထားနဲ့ စက်ဘီးအမျိုးအစားအပေါ် မူတည်ပြီး ဂရုစိုက်ဖို့ လိုပါတယ်။

🚴ရှေ့ကို အလွန်အမင်း ကိုင်းစီးရတဲ့ စက်ဘီးတွေ ထက် ကိုယ်ထည်မတ်မတ်နဲ့ စီးရတဲ့ စက်ဘီးတွေက ခါးအတွက် ပိုသင့်တော်ပါတယ်။
🚵ထိုင်ခုံနိမ့်လွန်းရင် ခြေထောက်နဲ့ နင်းတဲ့အခါ ခါးကိုပါ တွန်းအားဖြစ်စေပြီး ပိုနာစေနိုင်လို့ ခြေထောက် အပြည့်ဆန့်လို့ရတဲ့ အမြင့်မှာ ထားရပါမယ်။

⚠️ လုံးဝ (လုံးဝ) မစီးသင့်တဲ့အချိန်
ခါးက ရုတ်တရက် လှုပ်ရှားမှုမှားပြီး ဆတ်ခနဲ အကြောညှပ်နာနေချိန် သို့မဟုတ် ဒဏ်ရာရုတ်တရက်ရထားတဲ့ အချိန်မျိုးမှာတော့ စက်ဘီးစီးတာကို လုံးဝရပ်နားပြီး သေချာအနားယူပေးဖို့ လိုအပ်ပါတယ်။
ဒါ့အပြင် သင့်ရဲ့ ခါးနာတဲ့ ဝေဒနာက ဆိုးရွားနေရင် ဒါမှမဟုတ် ခါးရိုးဆစ်ပြား ကျွံတာ (Herniated Disc) လိုမျိုး ကျန်းမာရေးအခြေအနေရှိရင် စက်ဘီးမစီးခင် ဆရာဝန်နဲ့ အရင်တိုင်ပင်ဆွေးနွေးဖို့လိုအပ်ပါတယ်။
#ကျန်းမာသုခအထူးကုဆေးခန်း

17/08/2026

💥 နေ့စဉ်ဘဝမှာ ကျောပိုးအိတ်၊ ဈေးဝယ်အိတ် ဒါမှမဟုတ် လေးလံတဲ့ပစ္စည်းတွေကို ကောက်ကိုင်တဲ့အခါ အလေ့အကျင့်မှားတစ်ခုကြောင့် ခါးနာတာ၊ ခါးဆစ်ရိုးထိခိုက်တာတွေ ဖြစ်တတ်ပါတယ်။

🙅 အိတ်တွေကို ကောက်ကိုင်တဲ့အခါ ခါးကို ကိုင်းပြီး မခြင်းကို လုံးဝမလုပ်ရပါဘူး။

🛡️ ခါးမနာဘဲ အိတ်ကို ဘယ်လို မ, မလဲ?
- မြေပြင်ပေါ်ကပစ္စည်းကို ယူတော့မယ်ဆိုရင် ခါးကိုမကိုင်းဘဲ ဒူးကို အရင်ကွေးချပါ။
- မတ်မတ်ရပ်တဲ့အနေအထား (သို့မဟုတ်) ခါးမတ်တဲ့ အနေအထားကို ထိန်းထားပါ။
- ပစ္စည်းကို ကိုယ်နဲ့အနီးဆုံးမှာ ကပ်ပြီးမှ အားယူပြီး မပါ။
- ခါးအင်အားနဲ့ မ, မဘဲ သင့်ခြေထောက်ရဲ့ ကြွက်သားအင်အားကို အသုံးပြုပြီး မထူပါ။

14/08/2026

🏌️Golfer's Elbow ဆိုတာ ဘာလဲ❓

👉​Golfer's Elbow (Medial Epicondylitis) ဆိုသည်မှာ တံတောင်ဆစ်၏ အတွင်းဘက်ခြမ်းတွင် ရှိသော အရွတ်များ ရောင်ရမ်းပျက်စီးခြင်း ဖြစ်ပါတယ်။ တံတောင်ဆစ်၏ အတွင်းဘက်ရှိ အရိုးစွန်းနေရာသို့ လက်ဖဝါးနှင့် လက်ချောင်းများကို ကွေးစေသော ကြွက်သားအရွတ်များ လာရောက်ချိတ်ဆက်ထားပြီး၊ ထိုအရွတ်များ အလွန်အကျွံ အသုံးပြုရခြင်းကြောင့် သို့မဟုတ် ထိခိုက်မိခြင်းကြောင့် ဖြစ်ပေါ်လာရခြင်း ဖြစ်ပါတယ်။

👉​ဂေါ့ဖ် (Golf) ကစားသူများတွင် အဖြစ်များသောကြောင့် ထိုသို့ အမည်ပေးထားသော်လည်း ဂေါ့ဖ်မကစားသူများတွင်လည်း လက်ကောက်ဝတ်နှင့် လက်ကို အဓိကထား အသုံးပြုရသည့် အလုပ်များကြောင့် ဖြစ်ပွားနိုင်ပါတယ် (ဥပမာ- တင်းနစ်ရိုက်ခြင်း၊ လက်သမားလုပ်ငန်းလုပ်ကိုင်ခြင်း၊ လေးလံသောပစ္စည်းများ မခြင်း၊ ကွန်ပျူတာစာရိုက်ခြင်း)

🔸ရောဂါလက္ခဏာများ
-တံတောင်ဆစ်အတွင်းဘက်နာကျင်ခြင်း။ -တံတောင်ဆစ်၏ အတွင်းဘက်အရိုးအဖုနားတွင် နာကျင်ကိုက်ခဲခြင်းနှင့် ဖိမိပါက နာကျင်ခြင်း။
-တံတောင်ဆစ်မှသည် လက်ဖျံနှင့် လက်ချောင်းများဆီသို့ နာကျင်မှု ပျံ့နှံ့သွားခြင်း။
-လက်သီးတင်းတင်းဆုပ်သည့်အခါ သို့မဟုတ် လက်ကောက်ဝတ်ကို အားစိုက်၍ ကွေးသည့်အခါ ပို၍နာကျင်ခြင်း။
-ပစ္စည်းတစ်ခုခုကို ဆုပ်ကိုင်ရာတွင် လက်အားစိုက်၍မရဘဲ အားနည်းနေခြင်း။
-လက်ဖျံကြွက်သားများ တောင့်တင်းခြင်း။

#ကျန်းမာသုခအထူးကုဆေးခန်းနှင့်တိုင်ပင်ပါ

11/08/2026

"လည်ပင်းနာပြီး လက်ပါကျင်နေပါသလား၊ ခါးနာပြီး ခြေထောက်ဘက်ကို တောက်လျှောက် ကိုက်ခဲနေပါသလား❓"

👉ကျောရိုးဆစ်ပြဿနာများ၊ အကြောညှပ်ခြင်းနှင့် နာကျင်ကိုက်ခဲမှုဝေဒနာများကို ခွဲစိတ်စရာမလိုဘဲ သက်သာပျောက်ကင်းစေရန်အတွက် ကျန်းမာသုခဆေးခန်းတွင် Cervical Traction (လည်ပင်းကြောဆွဲကုထုံး) နှင့် Lumbar Traction (ခါးရိုးကြောဆွဲကုထုံး) ကုသမှုများကို ကျွမ်းကျင်အထူးကုဆရာဝန်များ၏ လမ်းညွှန်မှုဖြင့် စနစ်တကျ ကုသမှုပေးနေပါပြီ။

✨Traction ကုထုံးသည် ကျောရိုးဆစ်များကြားရှိ ဖိအားများကို ထိရောက်စွာ လျော့ကျစေပြီး ညှပ်နေသော အာရုံကြောများကို သက်သာစေသည်။ တင်းမာနေသော ကြွက်သားများကို ပြေလျော့စေပြီး သွေးလှည့်ပတ်မှု ကောင်းမွန်စေပါသည်။

📢Traction ကုထုံးဖြင့် လည်ပင်း၊ ခါးနှင့် ကျောရိုးနာကျင်ကိုက်ခဲမှုများကိုကုသမှုခံယူရန် အခုပဲ ဆက်သွယ်လိုက်ပါ။..........
ကျန်းမာသုခ အထူးကုဆေးခန်း
အမှတ်(၆၈)၊လေးထောင့်ကန်လမ်းမကြီး၊သင်္ဃန်းကျွန်းမြို့နယ်၊ ရန်ကုန်မြို့။ (ဘ၀မြင့်မှတ်တိုင်အနီး)
☎️09-444144417

09/08/2026