PROBIO

PROBIO ကြီးထွားကျန်းမာ PROBIO ပါ

မွေးမြူရေးကြက်တွေမှာ ဝမ်းရောဂါဖြစ်စေတဲ့ အကြောင်းအရင်းများယခုအပတ်မှာတော့ မြန်မာနိုင်ငံအတွင်း ကြက်မွေးမြူရေးလုပ်ငန်းရှင်တွ...
04/09/2026

မွေးမြူရေးကြက်တွေမှာ ဝမ်းရောဂါဖြစ်စေတဲ့ အကြောင်းအရင်းများ

ယခုအပတ်မှာတော့ မြန်မာနိုင်ငံအတွင်း ကြက်မွေးမြူရေးလုပ်ငန်းရှင်တွေအတွက် မွေးမြူရေးကြက်တွေမှာ ဝမ်းရောဂါဖြစ်ရတဲ့ အကြာင်းအရင်းတွေနဲ့ပတ်သက်ပြီး ဝေမျှပေးချင်ပါတယ်။ ယခုလိုမိုးရာသီကာလနှင့် မိုးနှောင်းပိုင်းကာလတွေမှာ မွေးမြူရေးလုပ်ငန်းရှင်အများစုဟာ မိမိမွေးမြူတဲ့ကြက်တွေမှာ ဝမ်းရောဂါဖြစ်တာကို အများစုရင်ဆိုင်နေရပါတယ်။

(၁) တိရစ္ဆာန်အစာမှာ မှိုဆိပ်ပါဝင်မှုများခြင်း

ယခုလိုမိုးရာသီကာလမှာ မှိုတွေဟာ တိရစ္ဆာန်အစာကုန်ကြမ်းများဖြစ်တဲ့ ဂျုံ၊ ပြောင်းနှင့် မုယောစပါးအပြင် အဆင်သင့် စားသုံးနိုင်တဲ့ ကြက်စာ (Finished feed) တွေမှာလည်း လုံလောက်တဲ့အပူချိန်နှင့် စိုထိုင်းစရရှိနေလျှင် မှိုဆိပ်များကို ထုတ်လုပ်လေ့ရှိပါတယ်။ တိရစ္ဆာန်အစာကုန်ကြမ်းများတွင် အများဆုံးတွေ့ရတတ်တဲ့ မှိုဆိပ်အမျိုးစားအချို့မှာ Aflatoxins၊ Altenaria mycotoxins၊ Ergot alkaloids၊ Fumonisins ၊ Ochratoxins နှင့် Trichothecenes A & B တို့ပဲဖြစ်ပါတယ်။ ယခုလို မှိုဆိပ် (Mycotoxins) တွေပါရှိနေတဲ့ ကြက်စာကို စားသုံးမိတဲ့အခါ ကြက်တွေမှာ အူလမ်းကြောင်းကျန်းမာရေး ထိခိုက်တာကြောင့် ဝမ်းရောဂါအတွေ့ရများရခြင်းပဲဖြစ်ပါတယ်။

(၂) ကြက်ခြံကို လွဲမှားစွာ စီမံခန့်ခွဲမှု

မိမိကြက်ခြံအတွင်း အပူချိန်နှင့် စိုထိုင်းစမြင့်မားလာတဲ့အခါ ကြက်များအပူဒဏ်သင့်ပြီး ကြက်သောက်ရေကို လိုအပ်သည်ထက်ပိုသောက်သုံးတာကြောင့် တစ်ခါတစ်ရံ ဝမ်းပျော့တာကိုတွေ့ရတတ်ပါတယ်။ အပူဒဏ်သင့်တဲ့ ကြက်များမှာ အူလမ်းကြောင်း၏ ပုံမှန်လုပ်ငန်းဆောင်တာများ လုပ်ဆောင်မှုအားနည်းလာကာ နောက်ဆက်တွဲအနေနှင့် ဝမ်းရောဂါအဖြစ်များလာတာတွေ့ရတတ်ပါတယ်။ ဒါ့အပြင်ယခုလို မိုးရာသီကာလမှာ ကြက်သောက်ရေမှာ ရောဂါဖြစ်စေနိုင်တဲ့ပိုးမွှားများ ပိုမိုပေါက်ဖွားနိုင်တာကြောင့် မွေးမြူတဲ့ကြက်များမှာ ဝမ်းရောဂါဖြစ်တာကို ပိုမိုတွေ့ရတတ်ပါတယ်။

(၃) ဝမ်းရောဂါကိုဖြစ်စေတဲ့ရောဂါပိုးများ

ယခုလိုမိုးရာသီကာလမှာ မွေးမြူရေးလုပ်ငန်းရှင်အများစုဟာ မိမိမွေးမြူထားတဲ့ ကြက်တွေမှာ သွေးဝမ်းရောဂါ (coccidiosis) အဖြစ်များတာ တွေ့ရတတ်ပါတယ်။ ၎င်းရောဂါဟာ ကြက်တွေရဲ့အူလမ်းကြောင်း ကို ပျက်စီးစေတဲ့ အူတွင်းကပ်ပါးပိုး (protozoan parasite) ကြောင့်ဖြစ်ပွားရခြင်းပဲဖြစ်ပါတယ်။ ယခုလို မိုးရာသီကာလမှာ ကြက်ခြံအခင်းစိုစွတ်မှုကြောင့် တစ်ကောင် သွေးဝမ်းရောဂါခံစားရလျှင် ကြက်တစ်အုပ်စုလုံး ရောဂါအလွယ်တကူ ကူးစက်နိုင်ပါတယ်။

နိုင်ငံတစ်ကာမွေးမြူရေးလုပ်ငန်းရှင်များအနေဖြင့် မွေးမြူရေးကြက်တွေမှာ ဝမ်းရောဂါမဖြစ်အောင် ကြိုတင်ကာကွယ်ရန်နှင့် ဝမ်းရောဂါကြောင့်ပျက်ဆီးသွားသော အကျိုးပြုဘက်တီးရီးယား နေရာတွင် အစားထိုးနိုင်ရန် လက်ခံအသုံးပြုနေတဲ့ ပစ္စည်းမှာ Probiotics ပဲဖြစ်ပါတယ်။ ၎င်းအကျိုးပြုပိုးတွေပါဝင်တဲ့ Probio-P ကိုကြက်သောက်ရေ (သို့) ကြက်စာတွင်ထည့်စပ်တိုက်ကျွေးခြင်းဖြင့် အူလမ်းကြောင်းကျန်းမာရေးကို ပြန်လည်ထိန်းညှိနိုင်ပါတယ်။

_______

𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11L
Xwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


ကြက်လည်လိမ်ရောဂါ (Newcastle Disease)ဒေါက်တာညွန့်ရွှေ (မွေးမြူ/ဆေးကု)ကြက်လည်လိမ်ရောဂါ (Newcastle disease) သည် နှစ်ပေါင်းမ...
02/09/2026

ကြက်လည်လိမ်ရောဂါ (Newcastle Disease)

ဒေါက်တာညွန့်ရွှေ (မွေးမြူ/ဆေးကု)

ကြက်လည်လိမ်ရောဂါ (Newcastle disease) သည် နှစ်ပေါင်းမြောက်များစွာကတည်းက ဖြစ်ပွားခဲ့ပြီး ယနေ့အထိ ကြက်မွေးမြူရေးလောကကို ခြိမ်းခြောက်လျှက်ရှိသည်။ မြန်မာသာမက ကမ္ဘာ့နိုင်ငံအများစုတွင်လည်း အိမ်မွေးကြက်များနှင့် ကြက်ငှက်မျိုးနွယ်စုအတွင်း အလွန်ကူးစက်တတ်သော ရောဂါဖြစ်သည်။ ဤရောဂါဖြစ်ပွားစေသော ဗိုင်းရပ်မျိုးစိတ်သည် ပြင်းထန်ပြီး လူသို့ပင် ကူးစက်တတ်သေးသည်။ ကြက်များတွင် ဖြစ်ပွားနှုန်းများသကဲ့သို့ သေနှုန်းလည်း မြင့်မားစေသည်။ ဤရောဂါသည် မွေးမြူသူတို့အတွက် စီးပွားရေးအရ လွန်စွာပျက်စီးဆုံးစေပြီး ဖွံ့ဖြိုးဆဲနိုင်ငံများ၏ အားကိုးအားထားရသော အသား (animal protein) ထုတ်လုပ်မှုကို ထိခိုက်စေပါသည်။ ထို့ကြောင့် ကြက်လည်လိမ်ရောဂါသည် အထူးအလေးထားရန် လိုအပ်သော ရောဂါတစ်ခုအဖြစ် မှတ်ယူစေချင်ပါသည်။

✅ ရောဂါဖြစ်စေသောပိုး (အန္တရာယ်အဆင့်လိုက်)

၁။ 𝐕𝐞𝐥𝐨𝐠𝐞𝐧𝐢𝐜 𝐕𝐢𝐬𝐜𝐞𝐫𝐨𝐭𝐫𝐨𝐩𝐢𝐜 𝐬𝐭𝐫𝐚𝐢𝐧။ ။ ဤမျိုးစိတ်သည် ကြက်အမြောက်အများကို သေစေနိုင်သော ဗိုင်းရပ်ပိုးမျိုးစိတ်ဖြစ်သည်။ ကြက်တို့၏ အူလမ်းကြောင်းကို ပျက်စီးစေပြီး ဖြစ်ပွားသောကြက်အားလုံး (100 %) သေဆုံးနိုင်သော အပြင်းစားရောဂါပိုးဖြစ်သည်။

၂။ 𝐕𝐞𝐥𝐨𝐠𝐞𝐧𝐢𝐜 𝐍𝐞𝐮𝐫𝐨𝐭𝐫𝐨𝐩𝐢𝐜 𝐬𝐭𝐫𝐚𝐢𝐧။ ။ ဤပိုးမျိုးစိတ်သည်လည်း အလားတူ (100%) ဖြစ်ပွားသည့် ကြက်တိုင်းသေနိုင်သော ရောဂါပိုးမျိုးစိတ်ဖြစ်သည်။ အသက်ရှူလမ်းကြောင်းနှင့် အာရုံကြောစနစ်တို့ကို တိုက်ခိုက်ဖျက်စီးသည်။

၃။ 𝐌𝐞𝐬𝐨𝐠𝐞𝐧𝐢𝐜 𝐬𝐭𝐫𝐚𝐢𝐧။ ။ ဤရောဂါပိုးမျိုးစိတ်သည် အသက်ရှူလမ်းကြောင်းနှင့် အာရုံကြောစနစ်ကို တိုက်ခိုက်သည့်ပိုးဖြစ်သည်။ သို့သော် အထက်ပါမျိုးစိတ်များလောက်မပြင်းထန်ပါ။ အရွယ်ရောက်ပြီးကြက်များတွင် သေနူန်းနည်းပြီး ကြက်ငယ်များတွင်မူ (50%) အထိ သေနှုန်းမြင့်မားစေသည့် မျိုးစိတ်ဖြစ်သည်။

၄။ 𝐥𝐞𝐧𝐭𝐨𝐠𝐞𝐧𝐢𝐜 𝐬𝐭𝐫𝐚𝐢𝐧 ။ ။ ဤရောဂါပိုးမျိုးစိတ်သည် အသက်အရွယ်မရွေး ကြက်တို့၏ အသက်ရှူလမ်းကြောင်းသာ တွယ်ကပ်တတ်ပြီး အသေအပျောက်ဖြစ်အောင် တိုက်ခိုက်ခြင်းမရှိသောမျိုးစိတ်ဖြစ်သည်။

၅။ 𝐥𝐞𝐧𝐭𝐨𝐠𝐞𝐧𝐢𝐜 𝐚𝐬𝐲𝐦𝐩𝐭𝐨𝐦𝐚𝐭𝐢𝐜 𝐬𝐭𝐫𝐚𝐢𝐧 ။ ။ ဤရောဂါပိုးမျိုးစိတ်သည် ကြက်တို့တွင် တွေ့ရသော်လည်း မည်သည့်ရောဂါမျှ မပေးသကဲ့သို့ မည်သည့်ရောဂါလက္ခဏာမှ မပေါ်စေနိုင်ပါ။ ကြက်ချေးနှင့် တောဘဲ (wild duck) တို့မှ ရှာဖွေတွေ့ရှိသည့် မျိုးစိတ်ဖြစ်သည်။ ဤမျိုးစိတ်သည် သိပ်အရေးမပါသောမျိုးစိတ်ဟု ဆိုနိုင်ပါသည်။

ကုသမှု (Treatment)

ဗိုင်းရပ်စ်ကြောင့်ဖြစ်၍ သီးသန့်ကုသဆေး မရှိပါ။ နောက်ဆက်တွဲဘက်တီးရီးယားရောဂါများ မဝင်ရောက်စေရန် ပဋိဇီဝဆေး (Antibiotics) ၄-၅ ရက် တိုက်ကျွေးရန် အရေးကြီးပါသည်။

✅ ကာကွယ်ကုသခြင်း (Prevention is CRITICAL) - စနစ်တကျ ကာကွယ်ဆေးထိုးနှံခြင်း (Vaccination)

၁) ဒေသနှင့် မွေးမြူမှုစနစ်နှင့် ကိုက်ညီသော ကာကွယ်ဆေးကို ရွေးချယ်ပါ။ (Lasota, VG/GA စသည့် ထိရောက်မှုရှိသော မျိုးကွဲများ) ပုံမှန်အချိန်ဇယားအတိုင်း အကြိမ်ကြိမ်ထိုးပါ။ (ဥပမာ - ကြက်ငယ်အရွယ်မှ စတင်ပြီး ၁ လ/၄၅ ရက်/၂ လ တစ်ကြိမ်)

၂) ကာကွယ်ဆေးထိုးပြီးနောက် အသက်ရှူလမ်းကြောင်း ပြဿနာမဖြစ်စေရန် ကြိုတင်စီမံပါ။

၃) ကာကွယ်ဆေးအာနိသင် ကောင်းမကောင်း သိရန် Antibody Titer Test ဓာတ်ခွဲစစ်ဆေးမှု ပြုလုပ်ပါ။

၄) ကြက်များ ကျန်းမာနေမှသာ ကာကွယ်ဆေးထိုးပါ။

၅) အေးသောအချိန် (နံနက်စောစော) တွင် ထိုး/တိုက်ပါ။

၆) အဝင်အထွက်လူများ၊ ပစ္စည်းများကို ထိန်းချုပ်ပါ။

၇) ခြံအတွင်း သန့်ရှင်းမှုနှင့် လေဝင်လေထွက်ကောင်းအောင် ဆောင်ရွက်ပါ။

✅ သတိပေးချက် - ဤရောဂါဖြစ်ပွားလျှင် သေနှုန်းမြင့်မားခြင်း၊ ထုတ်လုပ်မှု လုံးဝကျဆင်းခြင်း၊ စီးပွားရေးအလွန်ထိခိုက်ခြင်းတို့ကို မလွဲမသွေခံစားရမည်။ ဥကြက်မများ ဥဉနည်းခြင်း၊ ဥပျော့ခြင်း၊ ဥပုံသဏ္ဌာန် မမှန်ခြင်းတို့ဖြစ်၍ ဝင်ငွေကြီးစွာ ဆုံးရှုံးစေပါသည်။ အသားကြက်များ အစာစားနည်း၊ ကြီးထွားနှုန်းကျခြင်း၊ အသားအရည်အသွေးညံ့ခြင်းတို့ ဖြစ်စေပါသည်။

ဒေါက်တာညွန့်ရွှေ (မွေးမြူ/ဆေးကု)

Reference:

- Newcastle by Meulemans,F Rauw & Th van den Berg, Manual of Poultry Diseases.
- Review on economic importance and current diagnostic technique of Newcastle disease in poultry.
- Newcastle disease Technico Economical booklet, ceva.

_______

𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11L
Xwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


စီးပွားဖြစ်ဝက်မွေးမြူရေးနှင့် ဇီဝလုံခြုံမှု ဇီဝလုံခြုံမှု (Biosecurity) ဆိုတာကို မွေးမြူရေးသမားအများစု ရင်း...
28/08/2026

စီးပွားဖြစ်ဝက်မွေးမြူရေးနှင့် ဇီဝလုံခြုံမှု

ဇီဝလုံခြုံမှု (Biosecurity) ဆိုတာကို မွေးမြူရေးသမားအများစု ရင်းနှီးပြီးသားဖြစ်ပါတယ်။ မွေးမြူရေးလုပ်ငန်း စတင်လုပ်ကိုင်မည်ဆိုလျှင် ဇီဝလုံခြုံမှု (Biosecurity) ဟာ မရှိမဖြစ်စတင်လုပ်ဆောင်ရမည့် လုံခြုံရေးနည်းစနစ်ပဲဖြစ်ပါတယ်။ တစ်ခါတစ်ရံမှာ မွေးမြူရေးသမားများအနေဖြင့် မိမိတို့လုပ်ငန်းမှ အကျိုးအမြတ် ရလဒ်များ ကောင်းမွန်လာလျှင် Biosecurity ကိုဆက်လက်၍ အလေးထားလုပ်ဆောင်ရမှာကို မေ့လျော့နေတက်ကြပါတယ်။

ဇီဝလုံခြုံမှုဟာ မွေးမြူရေးခြံအတွင်းသို့ ရောဂါဝင်ရောက်လာခြင်းနှင့် ခြံအတွင်းရှိရောဂါပိုးများပြင်ပသို့ ကူးစက်ပျံ့နှံ့ခြင်းတို့ကို ကာကွယ်နိုင်ရန် အဓိကနေရာမှာ ပါဝင်ပါတယ်။ ရောဂါပိုးမွှားများ မွေးမြူရေးခြံသို့ ဝင်ရောက်လာနိုင်တဲ့ လမ်းကြောင်းများထဲမှ အဓိကကျတဲ့ လမ်းကြောင်းတွေမှာ-
• ခြံအတွင်းသို့ ဝင်ထွက်သွားလာသူများ၏ အဝတ်အထည်အသုံးအဆောင်များမှ တစ်ဆင့် ကူးစက်ခြင်း
• ခြံအတွင်းသို့ ဝင်ရောက်လာသော မော်တော်ယာဉ်များမှ တစ်ဆင့်ကူးစက်ခြင်း
• ရောဂါပိုးပျံ့နှံ့နေသောခြံတစ်ခြံမှ နောက်တစ်ခြံသို့ ကူးစက်ခြင်း
• ခြံအတွင်းအသုံးအဆောင်ပစ္စည်းများကို စနစ်တကျ သန့်ရှင်းမှု မလုပ်ဆောင်ခြင်းကြောင့် ကူးစက်ခြင်း
• ခြံအတွင်းနှင့် အစာသိုလှောင်ထားရှိသည့် နေရာများသို့ ရောဂါပိုးသယ်ဆောင်လာနိုင်သည့် အင်းဆက်ပိုးမွှားများ ဝင်ရောက်နိုင်ခြင်းကြောင့် ကူးစက်ပျံ့နှံ့ခြင်း
• ရောဂါပိုးပျံ့နှံ့နေသောအစာနှင့်ရေတို့ကို တိုက်ကျွေးမိရာမှ တစ်ဆင့် ကူးစက်နိုင်ခြင်း
• တစ်ချိူ့သော ရောဂါပိုးများသည် လေထဲမှ တစ်ဆင့်ကူးစက်နိုင်ခြင်း တို့ပဲဖြစ်ပါတယ်။

ကူးစက်ရောဂါပိုး သယ်ဆောင်လာနိုင်တဲ့ လူများမှာ ခြံအတွင်း အလုပ်သမားများ၊ တိရစ္ဆာန်ဆရာဝန်များ၊ သယ်ယူပို့ဆောင်ရေးသမားများ၊ ဝန်ဆောင်မှုပေးရန်ခြံအတွင်းသို့ လာရောက်တတ်တဲ့ company ဝန်ထမ်းများ ပါဝင်ပါတယ်။ အခြေခံဇီဝလုံခြုံရေးအနေဖြင့် ခြံအဝင်အထွက် နေရာများမှာ ပိုးသတ်ဆေးကန်၊ ထုံးကန် ထားရှိရမှာဖြစ်ပါတယ်။ မွေးမြူရေးခြံအတွင်းသို့ အကြောင်းအမျိူးမျိူးကြောင့် ဝင်ရောက်လာတဲ့ မော်တော်ယာဉ်များကို ပိုးသတ်ဆေးဖြန်းပြီးမှ ဝင်ရောက်စေပြီး အသုံးပြုပြီးသော အသုံးအဆောင်ပစ္စည်းများကိုလည်း စနစ်တကျပိုးသတ်ထားရမှာဖြစ်ပါတယ်။ ခြံသန့်ရှင်းရေးလုပ်ရာမှာလည်း အညစ်အကြေးများ ကျန်ရှိစေခြင်းမရှိအောင် စနစ်တကျလုပ်ဆောင်ရပါမယ်။ All-In & All-Out စနစ်ကျင့်သုံးခြင်းဖြင့် ဝက်ခြံနှင့် အသုံးအဆောင်ပစ္စည်းများ ပိုးသတ်သန့်စင်ရန် အချိန်အလုံအလောက်ရရှိစေရန်လည်း လိုအပ်ပါတယ်။

ဇီဝလုံခြုံမှုနည်းစနစ်ဟာ ခဏတာအသုံးချနိုင်သည့် စနစ်တစ်ခု မဟုတ်ပဲ ရေရှည်ကျင့်သုံးသွားမှသာလျှင် မိမိတို့၏ မွေးမြူရေးလုပ်ငန်းတိုင်းအတွက် ကောင်းမွန်သော အကျိူးရလာဒ်များ ရရှိလာမှာဖြစ်ပါတယ်။ ရောဂါမဖြစ်ပွားမှီ ကြိုတင်ကာကွယ်တဲ့ နည်းစနစ်ဟာ ရောဂါဖြစ်ပွားပြီးမှ ကုသတဲ့ နည်းစနစ်ထက် ပိုမို အကျိူးသက်ရောက်မှုရှိတာကြောင့် မွေးမြူရေးခြံတိုင်း မရှိမဖြစ်လုပ်ဆောင်ရမည်မှာ ဇီဝလုံခြုံရေး ဆောင်ရွက်ချက်ပဲဖြစ်ပါတယ်။ မြန်မာနိုင်ငံရှိ စီးပွားဖြစ်ဝက်မွေးမြူရေးလုပ်ငန်းရှင်များအားလုံး မိမိခြံ၏ ဇီဝလုံခြုံရေးကို အထူးဂရုစိုက်ခြင်းဖြင့် ကူးစက်ရောဂါများကို ကာကွယ်နိုင်ကြပါစေကြောင်း ဆုတောင်းပေးလိုက်ရပါတယ်။

Source: The Pig Site

_______

𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11L
Xwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


ဝက်ငယ်များတွင် ဝမ်းရောဂါအဓိကဖြစ်ပွားစေသောအကြောင်းအရင်းများယခုအပတ်မှာတော့ စီးပွားဖြစ်ဝက်မွေးမြူရေးမှာ ဝက်ငယ်လေးများသေဆုံး...
26/08/2026

ဝက်ငယ်များတွင် ဝမ်းရောဂါအဓိကဖြစ်ပွားစေသောအကြောင်းအရင်းများ

ယခုအပတ်မှာတော့ စီးပွားဖြစ်ဝက်မွေးမြူရေးမှာ ဝက်ငယ်လေးများသေဆုံးရတဲ့ အကြောင်းအရင်းနှင့် ပတ်သက်ပြီးတော့ ဝေမျှပေးလိုက်ပါတယ်။ ဝက်မွေးမြူရေးမှာ ဝက်ငယ်လေးများအဓိက သေဆုံးရတဲ့အကြောင်းအရင်းများအနက် ဝမ်းရောဂါကြောင့် သေဆုံးရတာဟာလည်း အတွေ့ရများသလို၊ အသက်မသေဆုံးသော်လည်း နောက်ပိုင်း ကြီးထွားနှုန်း ထိခိုက်တာကလည်းအတွေ့ရများပါတယ်။
ဝက်ငယ်လေးများမှာ အဓိက ဝမ်းရောဂါဖြစ်ပွားရတာဟာ အူလမ်းကြောင်းတစ်လျှောက်မှာ ရောဂါဖြစ်စေတဲ့ ပိုးမွှားများ ဝင်ရောက်နေရာယူသွားတာကြောင့်ပဲဖြစ်ပါတယ်။ ဝက်ငယ်လေးများတွင်အဓိက တွေ့ရတဲ့ ဝမ်းရောဂါများမှာ Collibacillosis, Hypoglycemia, Clostridium Enteritis နှင့် Swine Dysentery စသည်တို့ဖြစ်ပါတယ်။

(၁) Colibacillosis

ပုံမှန်အားဖြင့် Collibacillosis ရောဂါဟာ ဝက်ငယ်များအသက် (၁-၄) ရက်အတွင်းဖြစ်ပွားတတ်တာတွေ့ရပါတယ်။ အသက်(၂) ပတ်အရွယ်တွင်ဖြစ်ပွားလျှင် ပိုမိုပြင်းထန်တာတွေ့ရပါတယ်။ ၎င်းရောဂါဟာ မိုးရာသီတွင်အဖြစ်များတာတွေ့ရပါတယ်။ ဝက်ငယ်‌လေးများဝမ်းသွားလျှင် အဝါရောင်ဖျော့ဖျော့ဖြစ်နေတာကို တွေ့ရတတ်ပါတယ်။ နောက်ပိုင်းဝမ်းသွားများပြီးလျှင် ခန္ဓာကိုယ် ရေဓာတ်လျော့နည်းကာ အသက်သေဆုံးတဲ့အထိဖြစ်တာတွေ့ရပါတယ်။

(၂) Hypoglycemia

ဝက်ငယ်လေးများ မွေးကင်းစမှ (၃) ရက်အတွင်းဖြစ်ပွားတာတွေ့ရပါတယ်။ ဒါ့ကြောင့် တစ်သားထဲပေါက်တဲ့ ဝက်ပေါက်အုပ်စုအတွင်း (၅%) မှ (၁၅%) အထိဖြစ်ပွားနိုင်တာတွေ့ရပါတယ်။ ဝက်ငယ်လေးများတွင် အထက်ပါရောဂါဖြစ်ပွားလျှင်သေနှုန်းမြင့်မားတာတွေ့ရပါတယ်။ ဝက်ငယ်လေးများတွင် ရောဂါလက္ခဏာများအနေဖြင့် ထိုင်းမှိုင်ခြင်း၊ အားနည်းခြင်း၊ ကိုယ်အပူချိန်ကျဆင်းခြင်း စသည့်လက္ခဏာများတွေ့ရပြီး မကြာခင် သေဆုံးတာတွေ့ရပါတယ်။

(၃) Clostridium Enteritis

Clostridium Enteritis ရောဂါဟာ ဝက်ငယ်လေးများတွင် အသက်တစ်ပတ်အတွင်းဖြစ်ပွားတာကို တွေ့ရပါတယ်။ ၎င်းရောဂါဟာ ကူးစက်မှုမြန်ဆန်သော ရောဂါဖြစ်ပါတယ်။ အတွေ့ရများတဲ့ရောဂါလက္ခဏာများအနေဖြင့် အော့အန်ခြင်း၊ ဝမ်းပျော့သွားခြင်း၊ ပိန်ခြုံး၍အမွှေးများ ကြမ်းခြင်း စသည့်လက္ခဏာများတွေ့ရတတ်ပါတယ်။

(၄) Swine Dysentry

ဝက်ငယ်လေးများ အသက်(၁) ပတ်အတွင်းဖြစ်ပွားတာတွေ့ရပါတယ်။ သေဆုံးနှုန်း နည်းသော်လည်း ကြီးထွားနှုန်းကို အဟန့်အတားဖြစ်စေတာကိုတွေ့ရပါတယ်။ ၎င်းရောဂါကြောင့်ဖြစ်ပွားလျှင် ဝက်ငယ်လေးများ၏ ဝမ်းသည်အရည်ဖြစ်၍ သွေးနှင့်ချွေးများ ပါဝင်နေတာကိုတွေ့ရပါတယ်။
ဒါ့ကြောင့်မွေးမြူရေးလုပ်ငန်းရှင်များအနေဖြင့် မိမိမွေးမြူတဲ့ ဝက်ခြံမှာ ဝက်ငယ်လေးများ ဝမ်းရောဂါဖြစ်ပွားတာကိုလျှော့ချ နိုင်ဖို့ဆိုရင် ဇီဝလုံခြုံမှုကို အလေးထားဆောင်ရွက်ရမှာဖြစ်ပါတယ်။ ဝက်ငယ်လေးတွေကို ကျွေးတဲ့ အစာနှင့်သောက်ရေဟာလည်သန့်ရှင်းမှုရှိရမှာဖြစ်ပါတယ်။ ဝက်ငယ်လေးတွေမှာ ဝမ်းရောဂါဖြစ်ပွားပြီး ရေဓါတ်လျော့နည်းပါက ဓာတ်ဆား၍ရည်နှင့် ဂလူးကို့စ် အရည်ကို တိုက်ကျွေးနိုင်ပါတယ်။

Source: The Pig Site
-----------
𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11L
Xwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


စီးပွားဖြစ် မွေးမြူရေးကြက်တွေမှာတွေ့ရတဲ့ ကြက်ဝမ်းကျရောဂါအကြောင်းသိကောင်းစရာယခုအပတ်မှာတော့ မွေးမြူရေးလုပ်ငန်းရှင်တွေအတွက်...
21/08/2026

စီးပွားဖြစ် မွေးမြူရေးကြက်တွေမှာတွေ့ရတဲ့ ကြက်ဝမ်းကျရောဂါအကြောင်းသိကောင်းစရာ

ယခုအပတ်မှာတော့ မွေးမြူရေးလုပ်ငန်းရှင်တွေအတွက် စီးပွားဖြစ် မွေးမြူရေးကြက်တွေမှာတွေ့ရတဲ့ ရောဂါတစ်ခုဖြစ်တဲ့ ကြက်ဝမ်းကျရောဂါအကြောင်းကို ဖော်ပြပေးလိုက်ပါတယ်‌။

ကြက်ဝမ်းကျရောဂါ (Fowl Cholera) ဟာ Pasteurella multocida လို့ခေါ်တဲ့ ဘက်တီးရီးယားပိုးကြောင့် ဖြစ်ပွားတဲ့ ရောဂါတစ်မျိုးပဲဖြစ်ပါတယ်။ ဗိုင်းရပ်စ်ပိုးလောက် မပြင်းထန်ပေမဲ့လည်း ကြက်များတွင် ရောဂါဖြစ်ပွားနှုန်း (morbidity) နှင့် သေဆုံးနှုန်း (mortality) မြင့်မားစေနိုင်တဲ့ရောဂါပိုးဖြစ်ပါတယ်။

ရောဂါဖြစ်ပွားလျှင် အတွေ့ရအများဆုံးလက္ခဏာများမှာ မျက်လုံးနှင့် နှာခေါင်းမှ အကျိအချွဲများကျခြင်း၊ အစာစားနှုန်းလျော့ကျခြင်း၊ မှိုင်တွေခြင်း နှင့် ဝမ်းသွားတဲ့လက္ခဏာတွေ တွေ့ရတတ်ပါတယ်။ ကြက်ဝမ်းကျရောဂါကြောင့်သေဆုံးသောကြက်များတွင် အဆုတ်ရောင်ခြင်းနှင့် အသည်းတွင်အနာများဖြစ်ခြင်း စသည်လက္ခဏာများကို တွေ့ရနိုင်ပါတယ်။ ကြက်၏အမောက်တွင်အနာများဖြစ်ပေါ်ခြင်း၊ လည်ပျဉ်းများ ရောင်ရမ်းခြင်းတို့ကိုလည်းတွေ့ရနိုင်ပါတယ်။

ဘက်တီးရီးယားပိုးဟာ ဥစားကြက်မများ၏ မမျိုးအိမ်များတွင် ရောဂါဖြစ်ပွားစေသဖြင့် ကြက်ဥနှုန်းကျဆင်းခြင်း၊ ကြက်ဥအရည်အသွေးကျခြင်းတို့ကိုလည်း ဖြစ်ပေါ်စေနိုင်ပါသေးတယ်။

ဇီဝလုံခြုံမှုကို အလေးထားဆောင်ရွက်ခြင်းဟာ ကြက်ဝမ်းကျရောဂါကို ကာကွယ်ဖို့ရန် အကောင်းဆုံးနည်းလမ်းပဲဖြစ်ပါတယ်။ ရောဂါကိုကာကွယ်နိုင်ရန် ကမ္ဘာနိုင်ငံအချို့တွင် အားဖျော့ထားသော ပိုးရှင်ကာကွယ်ဆေးနှင့် ပိုးသေကာကွယ်ဆေးများကို သုံးစွဲလျက်ရှိပါတယ်။ မွေးမြူရေးလုပ်ငန်းရှင်များအနေဖြင့်လည်း ကြက်ဝမ်းကျရောဂါကို အကောင်းဆုံးကာကွယ်နိုင်ကြပါစေကြောင်းဆုတောင်းပေးလိုက်ပါတယ်။

ကျွန်မတို့ MILS ကုမ္ပဏီမှ မြန်မာနိုင်ငံရှိ မွေးမြူရေးလုပ်ငန်းရှင်တွေအတွက် အူလမ်းကြောင်းအားဖြည့်ဆေး (Probio-P) ကိုထုတ်လုပ်ကာ မြန်မာနိုင်ငံအနှံ့ ဖြန့်ဖြူးရောင်းချပေးလျက်ရှိပါတယ်။ Probio-P ကို ဥကြက်မများနှင့် အသားတိုးကြက်များအား ပုံမှန် နေ့စဉ် (သို့မဟုတ်) တစ်ပတ်လျှင် (၄) ကြိမ် တိုက်ကျွေးခြင်းဖြင့် ဥနှုန်း နှင့် အသားတိုးနှုန်း သိသာစွာ တိုးလာမှာဖြစ်ပါတယ်။

Reference: The Poultry Site
----------------
𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11LXwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


မွေးကင်းစကြက်ပေါက်ငယ်များ အတွက် အရေးကြီးတဲ့အနွေးပေးပြုစုစောင့်ရှောက်ခြင်း (အပိုင်း ၃)ဒေါက်တာညွန့်ရွှေ (မွေးမြူ/ဆေးကု)ယနေ...
19/08/2026

မွေးကင်းစကြက်ပေါက်ငယ်များ အတွက် အရေးကြီးတဲ့အနွေးပေးပြုစုစောင့်ရှောက်ခြင်း (အပိုင်း ၃)

ဒေါက်တာညွန့်ရွှေ (မွေးမြူ/ဆေးကု)

ယနေ့မှာတော့ ယခင်အပတ်က ကျန်ရှိနေသေးတဲ့ ဒေါက်တာညွန့်ရွှေ (မွေးမြူ/ဆေးကု) ရဲ့ "မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း" ယခင် အပိုင်း (၂) ရဲ့ အဆက်ကို ဆက်လက်ဝေမျှပေးပါရစေ။

အပိုင်း (၂) ကို ဖတ်ရှုလိုပါက 👇🏻

https://www.facebook.com/100064529238889/posts/1490704016423892/

(၈) ကြက်ပေါက်ငယ်များကို ကျွေးမည့် အစာအနေအထား။

ကြက်ပေါက်ငယ်များ အနွေးပေးခန်းထဲသို့ ရောက်ရောက်ချင်းမှာပင် ၎င်းတို့အတွက် အစာအထောက်အပံ့ပေးနိုင်ဖို့ စီစဥ်သင့်ပါတယ်။ ဒီနေရာမှာ ဖွဲခင်းပေါ် သတင်းစာခင်းပြီး ဖြန့်ဖြူးကျွေးမွေးနိုင်သလို ကျွမ်းကျင်သူများရဲ့အဆိုအရ "စောစောအစာအ‌ထောက်အပံ့ရရှိတဲ့ ကြက်ပေါက်ငယ်ရဲ့အူလမ်းကြောင်းစနစ်က ပိုပြီးဖွံ့ဖြိုးမှုမြန်ဆန်တယ်" ဟူ၍ ဆိုပါတယ်။ အစာကျွေးတဲ့အခါမှာ ကြက်အကောင်ရေအလိုက် အစာကို လုံလောက်စွာထားပေးရမှာဖြစ်ပြီး ကြက်ငယ်ကိုကျွေးတဲ့ အငယ်စာ (𝐏𝐫𝐞𝐬𝐭𝐚𝐫𝐭𝐞𝐫) ဟာဆိုရင် အသားဓါတ် (၂၀-၂၂ %) ခန့် ရှိရပါမယ်။ အသက်(၂) ပတ်အတွင်းရှိ ကြက်ကလေးများရဲ့အစာဟာ (၂) မီလီမီတာ အခဲငယ်လေးများဖြစ်နေရမှာဖြစ်ပြီး၊ ကြက်ကလေးများအနေနဲ့ ပထမအပတ်အတွင်း (၁) ကောင်ကို (၁) ရက်လျှင် ပျမ်းမျှ အစာ (၁၃) ဂရမ် ဝန်းကျင် အထိစားနိုင်ပါတယ်။

(၉) အနွေးပေးရာမှာ စနစ်တကျဖြစ်စေဖို့ ဂရုပြုရန်။

ကြက်ပေါက်ငယ်များကို အနွေးပေးဖို့ရာအတွက် အနွေးပေးကိရိယာအမျိုးမျိုးရှိပါတယ်။ ဥပမာအားဖြင့် မြန်မာနိုင်ငံမှာဆိုရင် မီးသွေးအသုံးပြုကာ ကြက်ပေါက်များကို အနွေး‌ပေးလေ့ရှိပါတယ်။ ဒီနေရာမှာ သတိပြုရမှာကတော့ မီးကိုင်ရုံအတွင်းကို မီးခိုးများစိမ့်ဝင်ခြင်း မရှိ‌စေဖို့ပဲဖြစ်ပါတယ်။ မီးခိုးဟာဆိုရင် ကြက်ကလေးတွေရဲ့ မျက်စိကိုစပ်ကာ မျက်ရည်ကျစေနိုင်ပြီး၊ အနွေးဓာတ် ခံစားရင်း အစာ/ ရေ အထောက်အပံ့ လုံလောက်စွာ ရရှိနိုင်ဖို့အတွက် အစာခွက်၊ ရေခွက်တို့ကို အနွေးပေးကိရိယာနဲ့ အကာ (𝐁𝐫𝐨𝐨𝐝𝐞𝐫 𝐠𝐮𝐚𝐫𝐝) အကြားမှာ လုံလောက်မျှတအောင် ထားရှိပေးထားသင့်ပါတယ်။

(၁၀) အနွေးပေးခန်း အလင်းရောင်ထိန်းညှိမှု။

ကြက်ပေါက်ငယ်လေးများ အစာ၊ ရေ ကောင်းစွာ စားသောက်နိုင်ရန်အတွက် အလင်းရောင်ပေးထားဖို့ လိုအပ်ပါတယ်။ အလင်းရောင်ဟာဆိုရင် ကြက်ပေါက်ငယ်များရဲ့ အစာစားချင်စိတ်ကို လှုံ့ဆော်ပေးပြီး မီးကိုင်ရုံအတွင်း အမှောင်ရိပ်မကျပဲ နေရာအားလုံး အလင်းရောင်ရရှိစေရေးကို ဆောင်ရွက်ရမှာဖြစ်ပါတယ်။ ဒီနေရာမှာ ကြက်ပေါက်ငယ်များအနေနဲ့ ငယ်ရွယ်စဉ် အလင်းပြင်းအား (ဥပမာ-𝟑𝟎 -𝟒𝟎 𝐥𝐮𝐱) ပိုမိုလိုအပ်သော်လည်း နောက်ပိုင်းမှာ တဖြည်းဖြည်းအလင်းရောင်ကိုလျှော့ချပေး (ဥပမာ-𝟓-𝟏𝟎 𝐥𝐮𝐱) ရမှာဖြစ်ပါတယ်။ ကြက်များအား အလင်းပေးသကဲ့သို့ အမှောင်ရိပ်‌အောက်မှာ အနားယူစေဖို့လိုပါသည်။ ဆိုလိုသည်က အမြဲမပြတ်အလင်းပေးခြင်းကို ရှောင်ရှားဖို့လိုပြီး ထိုအချက်က ကြက်ကလေးတွေရဲ့ အစာစားလိုစိတ်ကို အပူရှိန်ကြောင့် လျော့ကျစေနိုင်တဲ့အတွက်၊ မွေးမြူရေးခြံကိုအ လင်းပေးရာမှာ အလင်းနဲ့အမှောင် တစ်လှည့်စီထားပေးခြင်းက အစာစားနှုန်း၊ အိပ်နှုန်းကို မြှင့်တင်ပေးကာ ကြီးထွားနှုန်းကို ပိုမိုကောင်းမွန်‌စေမှာပဲဖြစ်ပါတယ်။

(၁၁) ကာကွယ်ဆေးတိုက်ကျွေးခြင်း။

ကြက်ကလေးများကို ကာကွယ်ဆေးတိုက်ကျွေးခြင်းသည် ၄င်းတို့ကြီးထွားဖွံ့ဖြိုးရေးအတွက် အလွန်အရေးကြီးတဲ့ အခန်းကဏ္ဍကနေ ပါဝင်ပတ်သက်လျက်ရှိပါတယ်။ ကြက်ပေါက်ငယ်များကို ကာကွယ်ဆေးတိုက်ကျွေးတဲ့အခါ မိမိဒေသမှာ ဖြစ်ပွားတဲ့ ရောဂါပိုးမျိုးစိတ်အလိုက် ကိုက်ညီတဲ့ ကာကွယ်ဆေးကို ရွေးချယ်တိုက်ကျွေးရမှာဖြစ်ပါတယ်။ ကာကွယ်တိုက်ပြီးပါကလည်း ဆေးလုံလောက်အောင်သောက်ရခြင်း ရှိ/မရှိကို ကြက်ပေါက်များရဲ့ နှုတ်သီးဖြဲကာ ကြည့်ခြင်းဖြင့်လည်း ကာကွယ်ဆေးတိုက်ကျွေးမှုအနေအထားကို အကဲခတ်နိုင်ပါတယ်။ ကာကွယ်ဆေးအောင်မှုရှိ/မရှိ စစ်ဆေးပါက နမူနာစစ်ဆေးသော အကောင်ရေသည် ၈၀% ထက်နည်းလျှင် ကာကွယ်ဆေးအား ပြန်လည်တိုက်ကျွေးရမှာဖြစ်ပါတယ်။

ဒေါက်တာညွန့်ရွှေ ( မွေးမြူ/ဆေးကု )

𝐑𝐞𝐟𝐞𝐫𝐞𝐧𝐜𝐞𝐬:
Dr. Yogesh D. Padheriya and Dr. Panna D. Rabari , Instructional Livestock Farm Complex.
College of Veterinary Science & A. H., Navsari Agricultural University, Navsari Senior Research Fellow, Dept. of VPH, College of Veterinary Science, AAU, An.
The seven Basics better brooding, by Jackie Linden.

____

𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11LXwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း (အပိုင်း ၂)ဒေါက်တာညွန့်ရွှေ (မွေးမြူ/ဆေးကု)ယန...
14/08/2026

မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း (အပိုင်း ၂)

ဒေါက်တာညွန့်ရွှေ (မွေးမြူ/ဆေးကု)

ယနေ့မှာတော့ ယခင်တစ်ခေါက်က ကျန်ရှိနေသေးတဲ့ ဒေါက်တာညွန့်ရွှေ (မွေးမြူ/ဆေးကု) ရဲ့ "အနွေးပေးကာလ (𝐁𝐫𝐨𝐨𝐝𝐢𝐧𝐠 𝐏𝐞𝐫𝐢𝐨𝐝) အတွင်း လိုအပ်တဲ့ အဓိက အချက်တချို့" ယခင် အပိုင်း (၁) ၏ အဆက်ကို ဆက်လက်ဝေမျှပေးပါရစေ။

အပိုင်း (၁) ကို ဖတ်ရှုလိုပါက 👇🏻

https://www.facebook.com/100064529238889/posts/1488861136608180/

(၄) မီးကိုင်ခန်းတည်‌ဆောက်ရာမှာ အသုံးပြုရမည့် အခင်း (သို့) ဖွဲခင်း။

မြန်မာနိုင်ငံတွင် ကြက်များကို မီးကိုင်ရာမှာ ဖွဲကို အများဆုံးအသုံးပြု‌လေ့ရှိပါတယ်။ ဒီနေရာမှာ လွှစာ၊ ရွှေဘော်စာတို့ကိုလည်း အခင်းပစ္စည်းအဖြစ်သုံးနိုင်ပြီး ဖုန်မှုန့်၊ စိုစွတ်မှု ကင်းစေဖို့ရာအတွက် ပိုးသတ်ထားဖို့ လိုအပ်ပါတယ်။ ဒါ့အပြင် မီးကိုင်ခန်းအတွင်းသို့ဝင်မည့် ကြက်ကလေးများရဲ့‌အောက်မှာ ဖွဲခင်းပေးထားခြင်းက ၎င်းတို့စွန့်ပစ်မည့် အညစ်အကြေးကို ခြောက်သွေ့စေပြီး မီးကိုင်ခန်းအတွင်းရှိ အစိုဓာတ်ကို လျှော့ချပေးတဲ့အတွက် မှို၊ ဘက်တီးရီးယား ပေါက်ပွားမှု မဖြစ်စေရန် ကာကွယ်ပေးပါတယ်။ ဒါ့အပြင် ဖွဲခင်းမှာ အပူချိန်ထိန်းသိမ်းမှုစွမ်းရည် (𝐈𝐧𝐬𝐮𝐥𝐚𝐭𝐨𝐫) သဘောရှိတဲ့အတွက် အခန်းတွင်းအနွေးဓာတ်ကို ထိန်းသိမ်းပေးပြီး သတိပြုရမည့် အအေးဓာတ်ကြောင့် ကြက်ငယ်များ အူလမ်းကြောင်းပြဿနာပေါ်ပေါက်ကာ ကြီးထွားနှုန်းထိခိုက်စေခြင်းမှလည်း ကာကွယ်ပေးပါတယ်။

(၅) အနွေးပေးခန်း၏ စနစ်တကျအပူချိန်ထိန်းညှိမှု။

ကြက်ကလေးတွေဟာ ဖောက်စက်မှာ အပူချိန် ၃၆.၇°C တွင်ပေါက်လာရပြီး အနွေးပေးခန်းထဲ ရောက်လာတဲ့အခါ ၎င်းတို့ရဲ့အရွယ်အလိုက် ထိုအပူချိန်မှ တဖြည်းဖြည်း လျှော့ချပြီး အနွေးပေးရပါတယ်။ ဥပမာ-အပူချိန်နည်းလွန်းပါက ကြက်ကလေးများ အအေးမိတတ်ပြီး သဘာဝအားဖြင့် ကြက်ကလေးများဟာ (𝐇𝐨𝐦𝐞𝐨𝐭𝐡𝐞𝐫𝐦𝐢𝐜 𝐀𝐧𝐢𝐦𝐚𝐥) သွေးနွေးသတ္တဝါ များ ဖြစ်ကြပါတယ်။ ဥပမာ - ပေါက်ကာစ ကြက်ကလေးတွေမှာဆိုရင် အပူချိန် ၄၀°C ဟာ သင့်တော်အပ်စပ်တဲ့ အနေအထားမှာရှိပြီး အရွယ်ရောက်ပြီး ကြက်များမှာဆိုရင် ၄၁°C ဖြစ်ပါတယ်။ ဒါကြောင့် ကြက်‌မွေးမြူရေးလုပ်ငန်းတွေမှာ နားလည်တတ်ကျွမ်းသူများက ကူညီပြီး အပူအအေးထိန်း ပေးဖို့လိုအပ်ပါသည်။ ဒီနေရာမှာ ကြက်များမီးဝိုင်းအတွင်း အပူအအေးမျှတမှုရှိ/မရှိကို ၎င်းတို့ရဲ့ အမူအရာကို အကဲဖြတ်ခြင်းအားဖြင့်လည်း သိရှိနိုင်ပါတယ်။

(၆) အနွေးပေးရာမှာ ပတ်ဝန်းကျင် စိုထိုင်းဆကို ဂရုပြုရန်။

ကြက်ကလေးများကို အနွေးပေးရာမှာ အပူချိန်က အရေးကြီးသကဲ့သို့ စိုထိုင်းဆ(𝐑𝐞𝐥𝐚𝐭𝐢𝐯𝐞 𝐡𝐮𝐦𝐢𝐝𝐢𝐭𝐲) သည်လည်း အရေးကြီးပါတယ်။ ဒါကြောင့်လည်း "စိုထိုင်းဆကို ထည့်မတွက်ပဲ အပူချိန်ညှိခြင်းသည် အကျိူးမရှိ" ဟု မွေးမြူရေးပညာရှင်များက ဆိုထားတာရှိပါတယ်။ ကြက်ကလေးများအတွက် သင့်တော်တဲ့ စိုထိုင်းဆမှာ ၄၀-၆၀% ဖြစ်ပြီး၊ စိုထိုင်းဆနှင့် အပူချိန် ၂ မျိုးလုံး များလျှင် ကြက်ကလေး၏ အသက်အန္တရာယ်ကို ထိခိုက်စေနိုင်တာကိုလည်း မမေ့လျော့ထားဖို့ လိုအပ်ပါတယ်။

(၇) သန့်ရှင်းတဲ့ကြည်လင်တဲ့ ရေအထောက်အပံ့ရရှိစေမှု။

ကြက်ကလေးများ အနွေးပေးခြံရောက်လျှင်ရောက်ချင်း သောက်ရေရှိနိုင်ရန် စီစဉ်ပေးရမှာဖြစ်ပါတယ်။ အဆိုပါရေဟာ ကြည်လင်သန့်ရှင်းပြီး ပိုးမွှားနှင့် ဘေးဖြစ်စေသော သတ္တုဓာတ်များမပါစေဖို့ ဂရုပြုရမှာဖြစ်ပြီး ၄င်းတို့အတွက် သောက်ရေခွက် အလုံအလောက်ရှိရမှာဖြစ်ပါတယ်။ အနွေးပေးစတွင် သန့်ရှင်းတဲ့သောက်ရေနဲ့အတူ 𝐄𝐥𝐞𝐜𝐭𝐫𝐨𝐥𝐲𝐭𝐞 , 𝐯𝐢𝐭𝐚𝐦𝐢𝐧 𝐂, 𝐠𝐥𝐮𝐜𝐨𝐬𝐞, 𝐀𝐦𝐢𝐧𝐨 𝐜𝐨𝐦𝐩𝐨𝐮𝐧𝐝, 𝐏𝐫𝐨𝐛𝐢𝐨𝐭𝐢𝐜𝐬 တို့ စတာတွေကိုပါ တိုက်ပေးသင့်ပါတယ်။ ပေါက်ကာစ ကြက်ပေါက်ငယ်များမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များကို တိုက်ကျွေးခြင်းမှာ အချို့သောအနေအထားရပ်တွေမှာ ဆေးနဲ့ဓာတ်မတည့်မှုကိုဖြစ်စေပြီး သွေးဝမ်းသွားခြင်း၊ ပြင်းထန်အဆင့်မှာ အသက်အန္တရာယ်ကို ထိခိုက်စေနိုင်ပါတယ်။ ဒီနေရာမှာ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကိုအစားထိုးအသုံးပြုခြင်းက ကြက်ပေါက်ငယ်များမှာ ရောဂါ ဖြစ်စေတဲ့ပိုးများကိုလည်း လျှော့ချပေးခြင်း၊ အစာ‌ခြေဖျက်မှုနှင့် စုပ်ယူမှုကောင်းခြင်း၊ အူလမ်းကြောင်းအတွင်းမှ ကိုယ်ခံအား ထုတ်လုပ်စနစ် (𝐠𝐮𝐭-𝐚𝐬𝐬𝐨𝐜𝐢𝐚𝐭𝐞𝐝 𝐢𝐦𝐦𝐮𝐧𝐞 𝐬𝐲𝐬𝐭𝐞𝐦) ကောင်းစေခြင်းတို့ကို ဖြစ်စေနိုင်ပါသည်။ အသက် ၁ ပတ်အတွင်း ကြက်ပေါက်ငယ်တစ်ကောင်လျှင် တစ်ရက်ကို ပျမ်းမျှ ရေ ၂၄ စီစီ သောက်နိုင်ပါတယ်။

နောက်အပတ်တွင် ဒေါက်တာညွန့်‌ရွှေ၏ ရေးသားချက်များမှ ထုတ်နုတ်ရန် ကျန်ရှိနေသေးတဲ့ "ဒေါက်တာညွှန့်ရွှေ၏ မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း (အပိုင်း ၃)" ကို ဆက်လက်ဝေမျှပေးသွားမှာဖြစ်ပါတယ်။
____

𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11L
Xwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း (အပိုင်း ၁)ဒေါက်တာညွန့်ရွှေ (မွေးမြူ/ဆေးကု)ဥမ...
12/08/2026

မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း (အပိုင်း ၁)

ဒေါက်တာညွန့်ရွှေ (မွေးမြူ/ဆေးကု)

ဥမှပေါက်ပြီးကာစ ရက်အနည်းငယ်အတွင်းဟာဆိုရင် ကြက်ပေါက်ငယ်များရဲ့ ကောင်းမွန်စွာ ကြီးထွားဖွံ့ဖြိုးရေးအတွက် အရေးအပါဆုံး အချိန်ကာလအပိုင်းအခြားလို့ ဆိုရမှာဖြစ်ပါတယ်။ ကြက်ပေါက်ကလေးများသည် ဥ‌မှပေါက်ပြီးကာစအချိန်မှာ အစစအရာရာအဆင်သင့် ပြီးပြည့်စုံသော်လည်း ၎င်းတို့ရဲ့ ကိုယ်အပူချိန်ထိန်းညှိနိုင်မှု၊ အစာခြေအဖွဲ့အစည်းနဲ့ ကိုယ်ခံစွမ်းအားစံနစ်တို့ ကောင်းစွာမလုပ်မလုပ်နိုင်သေးပါ။ ဒါကြောင့် ကြက်ပေါက်ငယ်တစ်ကောင်ကို ဥမှပေါက်ဖွားလာစအရွယ်မှာ အထူးဂရုစိုက်ပြုစုရမည်ဖြစ်ပြီး ထိုမှသာလျှင် ဇီဝကမ္မဖြစ်စဉ်အားလုံး ကောင်းမွန်စွာလည်ပတ်နိုင်မည်ဖြစ်ကာ ကြီးထွားဖွံ့ဖြိုးရေးအတွက် များစွာအထောက်အကူဖြစ်စေပါတယ်။ ပြုစုနေစဉ်အတွင်း လိုအပ်တဲ့ အနွေးဓာတ်အထောက်ပံ့လည်း ပေးရတာကြောင့် အဆိုပါကာလကို အနွေးပေးကာလ (𝐛𝐫𝐨𝐨𝐝𝐢𝐧𝐠 𝐩𝐞𝐫𝐢𝐨𝐝) လို့ခေါ်ပါတယ်။ အနွေးပေးကာလဟာဆိုရင် ကြက်တစ်ကောင်ရဲ့ အရေးအကြီးဆုံးကာလလို့ ဆိုရမှာဖြစ်ပြီး အဆိုပါကာလကို ကျော်လွန်ပြီးပါက အသားစားကြက်မွေးမြူထုတ်လုပ်ခြင်းရဲ့ တစ်ဝက်ခန့် အောင်မြင်တယ်လို့ဆိုရမှာဖြစ်ပါတယ်။

ဆက်လက်ပြီး အနွေးပေးကာလ (𝐛𝐫𝐨𝐨𝐝𝐢𝐧𝐠 𝐩𝐞𝐫𝐢𝐨𝐝) အတွင်း လိုအပ်တဲ့ အဓိက အချက်တချို့ကိုလည်း ဆက်လက်ဝေမျှပေးလိုက်ရပါတယ်။

(၁) ဥမှပေါက်ပွားကာစ ကြက်‌ပေါက်ငယ်များကို ပြုစုမည့် အဆောက်အဦး (မီးကိုင်ရုံ) အနေအထား။

အဆောက်အဦး (မီးကိုင်ရုံ) ကိုဆောက်လုပ်ရာမှ ကြက်ပေါက်ငယ်များ လေဒဏ်၊ မိုးဒဏ်၊ နေပူဒဏ် ခံနိုင်အောင် အဓိကဦးစားပေး ဆောက်လုပ်ရမှာဖြစ်ပြီး နေပူသက်သာစေဖို့ရာအတွက် အရှေ့နဲ့ အနောက်ကို ဦးတည်ပြီးဆောက်လုပ်ရပါမယ်။ ဒါ့အပြင် အခြားသောမွေးမြူရေးခြံများနှင့်လည်း အနည်းဆုံး ၅၀ ပေအကွာမှာ ရှိနေစေဖို့လိုအပ်ပါတယ်။

(၂) ကြက်‌ပေါက်ငယ်များကို ပြုစုမည့် အဆောက်အဦး (မီးကိုင်ရုံ) ကို လိုက်ကာတပ်ဆင်ခြင်း။

ကြက်ပေါက်ငယ်များကို ပြုစုမည့် အဆောက်အဦး (မီးကိုင်ရုံ) ထဲမထည့်မီ အပူအအေးထိန်းသိမ်းကာကွယ်နိုင်ရန်အတွက် လိုက်ကာတပ်ဆင်ရပါမယ်။ သဘာဝအားဖြင့် ကြက်ကလေးများ အညစ်အကြေးစွန့်တဲ့အခါ မစင်မှာ အစိုဓါတ်ပါဝင်ခြင်း၊ မကြေညက်တဲ့ အစာများမှ အမိုးနီးယား ( 𝐍𝐇𝟑 ) ဓါတ်ငွေ့ထွက်ခြင်း၊ အနွေးပေးရာမှာ အသုံးပြုတဲ့မီးသွေးကနေမှ 𝐂𝐎, 𝐂𝐎𝟐 ဓါတ်ငွေ့ထွက်ခြင်း စတာတွေဖြစ်တတ်ပါတယ်။

ဒါကြောင့် လိုက်ကာတပ်ဆင်ရာမှာ လိုက်ကာကို အလုံပိတ်ထားခြင်းကို ရှောင်ကြဉ်ရမှာဖြစ်ပြီး ကြက်ကလေးများ လေစိမ်း (𝐝𝐫𝐚𝐟𝐭 𝐚𝐢𝐫) အတိုက်မခံရစေဖို့နဲ့ မလိုအပ်တဲ့ လေပူများ၊ အနံ့အသက်၊ ဓာတ်ငွေ့ များကို အပြင်ကိုထုတ်ပယ်နိုင်ရန် လိုက်ကာကို အောက်ခြေအလုံပိတ်ထားပြီး အပေါ်ထိပ်ပိုင်းကို ၆ လက်မချန်ကာ တပ်ဆင်ရမှာဖြစ်ပါတယ်။

(၃) ပတ်ဝန်းကျင်သန့်ရှင်းရေးကို ဂရုစိုက်ရန်။

‌မွေးမြူရေးကြက်များကျန်းမာသန်စွမ်းစေရန်အတွက် ၎င်းတို့ကိုထားရှိသည့် ပတ်ဝန်းကျင် သန့်ရှင်းစင်ကြယ်မှုရှိဖို့ အရေးကြီးပါတယ်။ ဒါကြောင့် ကြက်ပေါက်ငယ်များ မီးကိုင်ခန်းထဲသို့မရောက်ခင် ၂ ပတ်ခန့်ကြိုတင်၍ ခြံ၊ အစာခွက်/ရေခွက်၊ အနွေးပေး ကိရိယာ၊ အသုံးအဆောင်အားလုံးနှင့် မီးကိုင်ရုံ စတာတွေအားလုံးကို သန့်စင်ပိုးသတ် ထားရမှာဖြစ်ပါတယ်။ သန့်ရှင်းမှုဆိုင်ရာအစီမံကောင်းများလည်း ထားရှိဖို့လိုအပ်ပြီး မီးကိုင်ခန်းကိုအသုံးပြုရာမှာ ကြက်တစ်သုတ်နဲ့ တစ်သုတ်အကြား အနည်းဆုံး (၂) ပတ် ခြားထားရပါမယ်။

နောက်အခေါက်များမှာ ဒေါက်တာညွန့်‌ရွှေ၏ ရေးသားချက်များမှထုတ်နုတ်ရန် ကျန်ရှိနေသေးတဲ့ "ဒေါက်တာညွန့်ရွှေ၏ မွေးကင်းစကြက်ပေါက်ငယ်များ အတွက် အရေးကြီးတဲ့ အနွေးပေးပြုစုစောင့်ရှောက်ခြင်း (အပိုင်း ၂)" ကို ဆက်လက်ဝေမျှပေးသွားမှာဖြစ်ပါတယ်။
____

𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည်ရုံးချုပ်
09259061312
09440008164

အောက်မြန်မာပြည်ရုံးချုပ်
09770916892
09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Facebook: https://www.facebook.com/share/18fKARm67Z
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11L
Xwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw
Website: www.milsciences.com
E-mail: [email protected]


Address

#165 Aung Zay Ya (1) Street, Japan Road, Level 1, Insein Township
Yangon
11012

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:30

Telephone

+959447043463

Website

Alerts

Be the first to know and let us send you an email when PROBIO posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to PROBIO:

Shortcuts

Share

Category