09/08/2026
ဆံပင်တွေမရှိတော့ရင်ချစ်ဦးမှာလား?
ဝနေရင်ကောချစ်ကြဦးမှာလား?
ကိုယ့်အပေါ် ဘယ်အခြေအနေအချိန်အခါမှာမဆို အမြဲ ချစ်ပေးနေတဲ့ မေတ္တာစစ်တွေ ရှိနေမှန်း ကျမအတွက်သိခွင့်ရလိုက်တဲ့ နှစ်က 2022 ပါ။
ဘဝမှာ အစစ်နဲ့အတု ကို ကိုယ့်ဘဝရဲ့လောကဓံတခုခုဖြစ်လာတဲ့ ကြုံလာတဲ့ အခါမှသာသိနိုင်တာမျိုးပါ။
ငယ်ငယ်ကကြည့်ဘူးတဲ့ ဖာတစ်လုံးခေါင်း
ကျားရုပ်ရှင်ထဲက ရူးချင်ယောင်ဆောင်တဲ့ မင်းသား ဘုရင်ကြီးလို အတုနဲ့အစစ် သိသိသာသာ သိခွင့်ရခဲ့သလိုပေါ့။
အရမ်းအားရှိခဲ့ရပါတယ်။
ကျေးဇူးအများကြီးတင်ပါတယ်။
အားပေးကြ ကူညီကြ ဝိုင်းဝန်းကြပါတယ်။
ပို့သပေးကြတဲ့မေတ္တာတွေကြောင့်
အခုလို နေပြန်ကောင်း ကျန်းမာ ပြီး
ဒေါင်ဒေါင်မြည်စိတ်စွမ်းအားနဲ့
ကင်ဆာရောဂါဆိုတဲ့ လောကဓံကြီးကို ကျော်နိုင်ခဲ့တာပါ။
အဲ့ဒီအချိန်တွေတုန်းက နောက်နေ့ ဆေးသွင်းရတော့မယ်ဆို ဒီနေ့လိုက သူတော်ကောင်းတို့ရဲ့မေတ္တာကိုခံယူပါ၏ ဆုတောင်းပေးကြပါဦးဆိုပြီး ဆုတောင်းမေတ္တာတွေကို ခံယူခဲ့ရပါတယ်။
အားရှိအောင် အစားအစာအဟာရတွေပို့ပေးကြ ကျွေးမွေးကြ
အားပေးကြ ဖက်ထားပေးကြ နှစ်သိမ့်ကြ ဖုန်းတွေမပြတ်ဆက်ပေးကြ
fb ကနေ အထူးဆုတောင်းပေးကြသူတွေ ကျမမှာအများကြီးရရှိခဲ့ရတယ်။
စိတ်ကောက်နေကြတဲ့ သူငယ်ချင်းတွေ ပြန်ခေါ်ကြ ဆုတောင်းကြ စည်းစည်းလုံးလုံးချစ်ခင်ကြရတယ်။
မဟိုမုန်းတွေ အများကြီး ထွက်လာလို့ ကျမစိတ်တွေအရင်ကထက်စာရင်နူးည့ံလာတယ်။
ကင်ဆာလေးကိုကျေးဇူးတင်ရပါတယ်။
အသက်နဲ့ ခန္ဓာကိုယ်အလှကိုလဲခဲ့လိုက်ရပါတယ်။
အသက်ရှင်နေရင် အချိန်မရွေးပြန်ပိန်အောင်လုပ်လို့ရနေပါတယ်။
လူတွေမှာ မိမိဖြစ်ချင်တာကို ဖြစ်စေတဲ့ စိတ်စွမ်းအားကိုပိုင်ဆိုင်ထားသရွေ့ မိမိဖြစ်ချင်တာကိုကြိုးစားခွင့် ဖြစ်ခွင့် လုပ်ခွင့်ရှိပါသေးတယ်။
ပုံထဲကထက်စာရင်အခုပို ပြီးဆံပင်တွေပေါက်လာပါပြီ
ကျန်းမာရေးလဲ ပုံမှန်လုနီးပါး ဖြစ်နေပါပြီ။
အရမ်းကောင်းကောင်း recovery မဖြစ်သေးပေမယ့်
အစထဲက healthy ဖြစ်သူမို့ ကုသရလွယ်သလို
ဆေးကုနေရတဲ့အချိန်တွေမှာတောင်ကျန်းမာမှန်းသိသာနေပါတယ်။
ဘာရောဂါမှအခံမရှိထားသူမို့ ဆေးကုသရလွယ်ကူမြန်ဆန်ပါတယ်။
ကင်ဆာဟာ စိတ်နဲ့ကုသရတာပါ။
လောကဓံဆိုတာစိတ်နဲ့ဖြတ်ကျော်ရတာပါ။
စိတ်သာရှင်စောဘုရားဟော တဲ့။
အများနဲ့မတူတဲ့ လောကဓံတွေကို စိတ်အေးအေးနဲ့ဖြတ်ကျော်ခဲ့တာ စိတ်တခုထဲပါပဲ။
