19/08/2026
Та байсан бол яах байсан бэ?
Би нөхөртэйгөө суугаад 14 жил болж байна. Бид хоёр 33 настай. Хоёр хүүхэдтэй бага маань 2 настай болохоор декриттэй гэртээ байдаг. Удахгүй ажилдаа орно. Нөхөр бид хоёр хэн хэн нь юм юм үзээгүй байхдаа суусан. Сарын өмнө нөхрөө ажлынхаа хүүхэнтэй 5 сар араар тавьсныг мэдлээ.
Бүх баримтыг нь ухаж олсон. Тэр хүүхэнтэй нь ч уулзсан. Өөрсдөө ч хүлээн зөвшөөрсөн. Нөхөр ганц удаа уучлаа ч би өөрчлөгдөнө гээд гуйгаад байгаа. Бас хүүхдүүдээ бодоод байх юм аа. Би өөрөө галбиртаа анхаардаг. Өөртөө ч арчаатай эмэгтэй гэж өөрийгөө боддог.
Харин явалдсан хүүхэн нь 9 дүү. Хэтэрхий тарган нүүр дүүрэн батгатай сонин хүүхэн байсан. Тэгж бодохоор бүүр гутраад байх юм. Гол гомдоод байгаа юм нь өвөл сурагчийн амралтаар бид гурав хол байхад тэр хүүхэнтэй анх унтсан байсан. Бас хүүхэд өвдөөд эмнэлэгт хэвтэж байхад бас уулзаж унтсан байсан. Өөрийнхөө төрсөн өдрөөр ч бас уулзсан байсан. Бичсэн мэссэж нь хайртай хүсэж байна энэ тэр гэсэн байсан. Тэрийг нь хэлээд хөөсөн ч явахгүй. Зүгээр мэссэж, худлаа тэгэж бичсэн юм. Хайргүй зүгээр л өөр хүүхэнтэй унтаж үзмээр байсан гэж хэлээд байгаа. Бид хоёрын бэлгийн амьдрал бол хэвийн яг өмнөх шигээ л байсан. Надад хэлэхдээ бас л гоё л гэдэг.
Явалдсанийг нь мэдсэнээс хойш өмнөх байснаасаа шаал өөр болсон. Халамжтай гэрийн бүх л ажлыг хийж, хүүхдүүдээ анхаардаг болсон. Орж ирсэн бүх цалингаа бас шилжүүлж, тамхинаас гарна гээд тамхи татахгүй байгаа. Би нөхрхөө үнэхээр л өөрчлөгдөх байх гэж горьдоод байгаа гэх юм уу даа.
Өмнө бол би бүх л юмаа өөрөө хийдэг. Нөхрөө аль чадахаараа л хайрлаж гэртээ ирээд тайван амраг дээ гэж бодож хүндэлдэг байсан. Гэхдээ найзуудтайгаа гарч орно гэхэд нь ууралдаг байсан. Энэ нөхөрт муухай байдаг байсан гэж хэлсэн. Би өөрөө аавгүй өссөн болохоор ч тэр үү цаанаасаа л нөхрөө гарна гэхээр л уур хүрээд байдаг байсан юм.
Бид хоёр эвлэрэх гэж үзсэн. Ярилцахад бага насны трума хоёуланд нь байсан. Гэхдээ яг уулчлаад цуг байя гэхээр би өөрөө тэсдэггүй. Хэрүүл хийгээд, орилж хашхираад, тэр нь байнга бодогдоод үнэхээр хэцүү байх юм. Би яг яах вэ? Яаж энэ бүхий ард гарч, гэр бүлээ бүтэн авч үлдэх вэ? Надад туслаач. /Жич: Захидалын хариу зөвлөгөөг өнөөдөр 15:05 минутаас Салах уу? Байх уу? нэвтрүүлгээр хүргэнэ./
