Ид шидийн орон Хөвсгөл

02/06/2026

"MAGIC" англи хэлний клубыхан маань амжилттай төгсөж, батламжаа авлаа.

Цагийг ягштал баримталж, хичээлээ хичээнгүйлэн идэвхтэй заасан Byambanaran Terbish багшдаа маш их баярлалаа😊

Өнгөрсөн 2 сар гаруй хугацаа хүүхдүүдэд маань өөртөө итгэх итгэл, аливаад хандах хандлага, бусдаас ирэх магтаал сайшаал гээд ихээхэн зүйлийг өгсөн гэнэ шүү☺️

Хамтдаа хичээн суралцсан багш, сурагчдадаа баярлалаа😊

02/06/2026

ОУХЭХ өдрийг тохиолдуулан гэрээр хамгийн олон гадаад болон монгол хэл дээрх ном авч уншсан 2 хөөрхөн охиноо манай номын сангийн зүгээс урамшууллаа. 🥰👏📚
Цаашдынх нь сурлага, ном унших үйлсэд амжилт хүсье.

31/05/2026

Ид шидийн орон Хөвсгөл төв, Хөвсгөл аймгийн Мөрөн хотын Засаг даргын Тамгын газар хамтарсан "IELTS -2026" хөтөлбөрийн танхимын 8 сарын сургалт дуусаж, төгсөлтийн уулзалтаа хийлээ.

2025 оны 10 сарын 1- 2026 оны 05 сарын 31 хүртэл 8 сарын хугацаанд тогтвортой, тууштай, маш өндөр үр дүнтэйгээр, ахисан дунд, академик түвшин хүртэл суралцсан хүүхдүүд маань өнөөдөр аав, ээжүүддээ сурсан мэдсэн зүйлээсээ хуваалцлаа.
Энэ 8 сарын хугацаанд хүүхдүүд маань зөвхөн англи хэлд суралцсангүй.
Асуудлыг задлан шинжилж, нэгтгэн дүгнэж, үнэлэхээс эхлээд сэтгэлзүйгээ удирдах, холын зорилгодоо тогтвортой, тэнцвэртэй, тууштай байх гээд хувь хүний чухал ур чадваруудад бас суралцжээ.

Манай танхимын хөтөлбөрийн багш М.Эрдэнэчимэг.
Улаанбаатар хотоос Хөвсгөлийн зорин ирж өөрийн англи хэл зааж арга зүйгээр 8 сарын хугацаанд итгэмээргүй үр дүн, өгөөж өгөөд өнөөдөр буцав.
Багш маань өөрөө 40 насандаа бие дааж англи хэл сураад, Австралийн ЗГ тэтгэлгээр Австралид магистр хамгаалж байсан.

Даван туулах, асуудал шийдэх сэтгэлзүйн боловсрол өндөртэй, маш их ном уншдаг, жинхэнэ оюун санааны хүн.
Тэр их өгөөж, эрдмээсээ Хөвсгөлийн хүүхдүүдэд өгч, энэ хөтөлбөрийн цөмийг босголцож өгсөн Эрдэнэчимэг багшдаа маш их баярлалаа. 😍😍

Хөтөлбөрийг санхүүжүүлж, санаа зовохгүйгээр төслөө хэрэгжүүлэх бүх нөхцөлийг бүрдүүлдэг Мөрөн сумын Засаг дарга Хадбаатарын Тайванбаяр, санхүү албаны дарга Пүрэвжавын Одончимэг нартаа баярлалаа.
Жинхэнэ баттай ар тал байж чаддаг, жинхэнн ид шидтэй ах эгч нар шүү дээ.

Бидний ургац арвин байна гэдэгт итгэлтэй байгаа.
Одоо хүүхдүүд маань түвшин ахиулах хөтөлбөрөө дуусгасан, PRE IELTS болон IELTS -н бэлтгэл хөтөлбөр ирэх 7 хоногоос эхэлнэ.

Италиас Namu Doł багш маань ирж байгаа. Зуны туршид танхимаар хичээллээд 8 сарын сүүлээр шалгалтаа өгнө.
Энэ бүх урт хугацааны аялалд тууштай байж, зорилгынхоо төлөө хичээж байгаа хөөрхөн хүүхдүүддээ баярлалаа.

Бүгдэд нь амжилт хүсье. 😍😍

#ХүүхэдБүхэнИнээнэ
#ИдШидийгБүтээнэ

31/05/2026

Эрсдэлгүй Хөвсгөлийг хамтдаа.👍 Ид шидийн орон Хөвсгөл

30/05/2026

Манай волеболлын талбайн тор ер нь тэснэ гэж үгүй.

Байсгээд солино, удалгүй навсайж орхидог.
Энэ асуудлыг хэрхэн шийдэхээ бодож олсон ээлжийн харуул Ц. Батсүх ахын маань бүтээл. 🤩🤩

Ид шидийн оронд дандаа Ид шидтэй хүмүүс ажилладгийг мэдэх байх тиймээ 😅😍😍

Үнэхээр чанартай, бат бөх, бас төрийн далбааны өнгөтэй, чамин тортой боллоо, хүүхдүүд маань. 😍

Батсүх ахдаа баярлалаа. 😍

30/05/2026

Ид шидийн орон Хөвсгөл төв, Хөвсгөл аймгийн Мөрөн хотын Засаг даргын Тамгын газар
хамтарсан IELTS -2026 хөтөлбөрийн суралцагч, Авьяас сургуулийн 11а ангийн сурагч А.Сод - Эрдэнэ 5 сарын 23-нд IELTS-н шалгалтаа өгч 7 оноо авлаа.

Бүтэн 7 сар онлайнаар суралцаж, тууштай хөдөлмөрлөсний эцэст шалгалтаа амжилттай өглөө.

Хэрвээ та бүхэн санаж байгаа бол манай хөтөлбөрийн ахисан шатны онлайн ангийг нэхэж байгаад нээлгэж байсан хүү.
Анх хүүхдийн тоо гүйцэхгүй байсан тул онлайн анги нээхгүй гэж байтал Содоо маань орж ирээд тулгаж нэхсээр, нэмэлт элсэлт зарлуулж, 10 хүүхэдтэй ангиа нээж байлаа.
https://www.facebook.com/share/p/1CqdXrsiMr/

Өөрийн гэсэн зорилготой, түүндээ тууштай Содоодоо ирээдүйд нь сайн сайхныг хүсье.
Хүссэн зорилгодоо хүрээрэй.

Хөтөлбөрийн санхүүжүүлэгч Мөрөн сумын ЗДТГ, Засаг дарга Хадбаатарын Тайванбаяр танд баярлалаа.

Бидний хамтын зорилгын үр шим эхнээсээ гарч, 2 дахь 7 оноотой суралцагчтай боллоо. 😍😍

29/05/2026

Бийрийн бичлэгийн сургалтын 2 дахь элсэлт амжилттай төгслөө.

Шалгалт, хонхны баяр, сонгон, дугуйлан гээд олон зүйлийн хажуугаар сургалтдаа идэвхтэй хамрагдсан хүүхдүүддээ маш их баярлалаа☺️ Та нар мундаг шүү❤️

Бидний 1 сарын хугацаанд сурч мэдсэн зүйлс, ахиц, өөрчлөлтийг харьцуулсан зургаас сонирхоорой😊

26/05/2026

📢 Боксын нэмэлт элсэлтийн бүртгэл нээлттэй болсон шүү😊

Эцэг эх, асран хамгаалагч нар маань өдөр бүр 10:00-18:00 цагийн хооронд хүүхдийн цээж зураг, сургалтын төлбөрөө авч ирээд анкет бөглөж бүртгүүлэх юм шүү.

Доорх постероос нас, хичээллэх хуваарийг хараарай.

Боксын сургалтын НЭМЭЛТ ЭЛСЭЛТ зарлагдлаа.

Нас: 10-15
Бүртгүүлээд шууд сургалтдаа хамрагдаж болно.

☝️Бүртгүүлэх:
-2026.04 сарыг дуустал өдөр бүр 10:00-18:00 цагийн хооронд эцэг эх, асран хамгаалагч нар маань Ид шидийн орон Хөвсгөл төвд ирж гэрээ хийж бүртгүүлнэ.

☝️Бүртгүүлэхээр ирэхдээ:
-Хүүхдийн 1% цээж зурагтай ирэхийг анхаарна уу!
Төлбөр буюу дараах зүйлсийг авчирна.
-1кг хуванцар сав / цэвэрлэх, хийг нь гаргах, бөглөөг нь салгаад тусд нь авч ирэх/
- 500гр варианы шил 2ш/тагтай,цэвэрлэсэн байх/

Доорх постероос сургалтын өдөр, цаг, ээлжийг хараарай.

22/05/2026

22/05/2026

"Шидэт Урц" ТББ, Ид шидийн орон Хөвсгөл төв 2025 оны санхүүгийн тайландаа гүйцэтгэлийн аудитаа хийлгэж, "ЗӨРЧИЛГҮЙ" дүгнэлт авлаа.

"ИХЭР МӨРӨН АУДИТ" ХХК, аудитор Ц.Мөнхтуяа болон тус компанийн гүйцэтгэх захирал Б.Мядагмаа нар санхүүгийн аудитыг гүйцэтгэж, "Шидэт Урц" ТББ-ын УЗ гишүүн Нямцэрэн, гүйцэтгэх захирал Энхжаргал, нягтлан Маралмаа нарт дүгнэлтийг танилцуулж, зөвлөмж өглөө.

Манай ТББ-ын тухайд "Ид шидийн орон Хөвсгөл" төвөөр дамжуулан Аймгийн ЗДТГ болон Мөрөн сумын ЗДТГ, мөн хувийн хэвшил, ААН, хувь хүмүүсийн дэмжлэг, санхүүжилтээр хүүхэд хөгжил, хамгааллын сургалт, төсөл хөтөлбөр хэрэгжүүлдэг тул санхүүгийн сахилга батыг чанд сахиж, бидэнд итгэдэг дэмжигч, хандивлагчдынхаа итгэлийг алдахгүй ажиллах нь хамгийн чухал үнэ цэн байдаг.

Тиймээс аудитын дүгнэлттэй танилцаж, жижиг алдаа зөрчлүүдийг арилгах, цаашид улам сайжруулах тал дээр анхаарч ажиллах болноо.

ИХЭР МӨРӨН АУДИТ" ХХК, аудитор Ц.Мөнхтуяа болон тус компанийн гүйцэтгэх захирал Б.Мядагмаа нарт талархал илэрхийлье.

Мөн манайд 150.000 төгрөгийн хандив илгээсэн аудитор Ц. Мөнхтуяа эгчдээ баярлалаа. 😍😍
Биднийг дэмждэг энэ олон хүмүүсийн итгэлээр ид шид үргэлж бүтсээр байх болно.

Шидэт Урц ТББ, Ид шидийн орон Хөвсгөл төвийн нягтлан Маралмаадаа мөн талархал илэрхийлье. 😍😍
Үүрэгт ажлаа үргэлж хамгийн
сайнаар, хууль дүрэм журмын хүрээнд нягт нямбай гүйцэтгэж, аудитын байгууллагаар ЗӨРЧИЛГҮЙ шалгуулсанд баярлалаа.

Бид 2026 онд зөвлөмжийн дагуу улам сайжруулж, цаашид санхүүгийн өндөр сахилга бат бүхий, эрсдэлгүй НҮТББ-ын сайн загварыг бий болгоно гэдэгтээ итгэлтэй байна.

Үргэлж дэмжиж тусалж ирсэн ид шидтэй ах нгч нартаа баярлалаа. 😍😍