УИХ-ын гишүүн, Гавьяат эмч Буланы Бейсен

  • Home
  • Mongolia
  • Ul'gey
  • УИХ-ын гишүүн, Гавьяат эмч Буланы Бейсен

УИХ-ын гишүүн, Гавьяат эмч Буланы Бейсен Хүнд сэтгэл байвал зүтгэл гардаг, зүтгэл байвал заава?

Булан овогт Бейсен нь 1963 онд Ногооннуур сум (одоогийн Бугат сум Улаан толгой баг).
• 1972 онд Цагааннуурын дамжлага баазын 8 жилийн дунд сургуульд орж
• 1980 онд 8-р анги төгссөн.
• 1980-1982 онд Өлгий хотын 10 жилийн 1-р дунд сургуулийн 10-р ангийг онц дүнтэй төгсөж АУДэС-д элссэн
• 1982-1988 онд АУДэС-ийн эмчилгээний факультетийг мэс заслын чиглэлээр онц дүнтэй төгсөж ирээд Ногооннуур сумын сум дундын эмнэлэгт мэс засалын эмчээр ажилласан.
1989 оноос Аймгийн нэгдсэн эмнэлэгийн бөөрний мэс засалын эмчээр ажиллаж байгаад 1991 оноос мэс засалын эмчээр ажилласан. 1995-1998 онд мэс засалын тасгийн эрхлэгчээр 1998-2004 он хүртэл мэс засалын эмчээр 2004-2012 он хүртэл мэс засалын тасгийн эрхлэгч бөгөөд зөвлөх эмчээр
2012 оноос одоо хүртэл Нэгдсэн эмнэлэгийн даргаар ажиллаж байна.
Мэс засалын эмчээр ажиллах хугацаанд мэс засалын зөвлөх эмч Н.Есей наркозын эмч Х.Аятханы хамт мэс засалын эмчилгээний 3-р шатлалын эмнэлэгт хийгдэх элэг цөс, Ходоод гэдэс, Бамбай булчирхай, Түрүү булчирхай, Бөөр, Давсагны хагалгаануудыг аймагт хийдэг болж өвчтөнүүдийн Улаанбаатар хот руу явах чирэгдэл багассан.
Б.Бейсен нь үүний зэрэгцээ ЭХО-ийн аппарыг чадамгай эзэмшиж олон зуун хүнийг үзэн оношлогоо хийсэн. Аймгийн бамбай булчирхайн өвчлөлийн түвшинд судалгаа хийж аймгийн дундажийг тогтоосон.
Одоо бамбай булчирхайн бэрсүүт хэлбэрийн мэс засалын эмчилгээ сэдвээр доктарантуурын сэдэв авч ажиллаж байна.
Суралцсан курс сургууль
1. 1988 онд АУДэСийн эмчилгээний факультетийг мэс засалын чиглэлээр
2. 1989 онд Урологи их эмч 45 хоногийн дагалдан курс
3. 1990 онд 45 хоногийн хүүхдийн мэс засалын дагалдан курс
4. 1993-1994 онд мэс засалын 1 жилийн резидентурт суралцсан
5. 1995 онд Дэлхийн эрүүл мэндийн шугамаар ЭХО-ийн эмчийн курс
6. 1996 онд Булчирхайн эмчийн курс
7. 2002 онд Турк улсын Стамбул хотод мэс засал ба шашны 3 сарын курс
8. 2003 онд Турк улсын Анкара Палатлы хотод мэс засалын 3 сарын дээшлүүлэх курс
9. 2007 онд Турк улсын Анкара хотын эмч нарыг сургах дадлагжуулах эмчилгээний дурангийн мэс засалын эмчийн 3 сарын курс тус тус төгссөн.
10. 2015 онд Хятадын Бээжин хотод бөөрний дурангийн мэс засалын курс тус тус төгссөн. АУ-ын магистар Клиникийн профессор цолтой, докторант
11. Орос, Турк хэлтэй
Сонгуулт ажил
2004-2008 онд Бугат сумаас АИТХ-ын төлөөлөгчөөр
2008-2012 онд Ногооннуур сумаас АИТХ-ын төлөөлөгчөөр мөн тэргүүлэгчээр
2012-2016 онд Бугат сумаас АИТХ-ын төлөөлөгчөөр сонгогдон улмаар АИТХ-ын тэргүүлэгчээр сонгогдон ажиллаж байна.
2015 оноос Дэлхийн Казахийн уламжлалт эмчилгээний 1-р орлогч даргаар сонгогдон ажиллаж байна.
Монголын мэс засалч эмч нар ба Урологи эмч нарын нийгэмлэгийн тэргүүлэгч гишүүн.
Авсан гавьяа шагнал
1. ЭМЯамны хүндэт жуух бичиг
2. МХЗЭ-ийн хөдөлмөрийн алдар Алт, Хүрэл медиалаар 1985 он
3. ЭМТэргүүний ажилтан цол тэмдэгээр 2002 он
4. Хөдөлмөрийн алдар алтан медиалаар 2010 он
5. Монголын мэс засалын алдар алтан медиалаар шагнагдсан
6. Алтан гадас одонгоор 2009 он
7. Аймгийн шилдэг их эмчээр 2001 он
8. Аймгийн хөдөлмөрийн аврага их эмчээр 2006 он
9. Монголын шилдэг их эмч /Отгондалайн нэрэмжит шагнал 1998 он/
10. Аймгийн эрүүл мэндийн салбарын шилдэг менежрээр шалгарсан 2015 он

🇲🇳 ҮНДЭСНИЙ ИХ БАЯР НААДМЫН МЭНД ХҮРГЭЕ! 🇲🇳Их Монгол Улсынхаа гал голомтыг сахин суугаа эрх чөлөөт Монгол Улсынхаа нийт ...
10/07/2026

🇲🇳 ҮНДЭСНИЙ ИХ БАЯР НААДМЫН МЭНД ХҮРГЭЕ! 🇲🇳

Их Монгол Улсынхаа гал голомтыг сахин суугаа эрх чөлөөт Монгол Улсынхаа нийт ард иргэд, дэлхийн өнцөг булан бүрд ажиллаж, амьдарч буй элэг нэгт Монголчууд Та бүхэндээ

Тулгар төрийн 2235,
Их Монгол Улс байгуулагдсаны 820 жил Үндэсний эрх чөлөө, тусгаар тогтнолоо сэргээн мандуулсны 115 жил,
Ардын хувьсгалын 105 жил,
Ардчилсан хувьсгалын 36 жилийн ойн

Үндэсний их баяр наадмын халуун мэндийг өргөн дэвшүүлье! 🇲🇳

УИХ-ын гишүүн Б.Бейсен

08/07/2026

🌸 Баян-Өлгий аймгийн I, II зэргийн “Алдарт эх” одонгоор шагнагдсан эрхэм хүндэт ээжүүддээ чин сэтгэлийн халуун баяр хүргэе.

УИХ-ын чуулган болон албан ажлын хуваарийн улмаас биечлэн хүрэлцэн ирж, баярыг тань хуваалцах боломжгүй болсондоо хүлцэл өчье.

Гэсэн ч та бүхэндээ хүндэтгэлийн цэцэг илгээж, эх хүний ариун хайр, үр хүүхдээ өсгөн хүмүүжүүлсэн үнэтэй хөдөлмөр, гэр бүл, нийгмийн хөгжилд оруулж буй эрхэм хувь нэмрийг тань гүнээ хүндэтгэн, чин сэтгэлийн мэндчилгээ дэвшүүлж байна.

Та бүхэндээ эрүүл энх, аз жаргал, элбэг дэлбэг амьдрал, гэр бүлдээ баяр баясгалан дүүрэн, үр хүүхдийнхээ хайр хүндэтгэлийг үргэлж хүртэж явахын өлзийтэй сайхан ерөөлийг өргөн дэвшүүлье.

Хүндэтгэсэн,
УИХ-ын гишүүн Б. Бейсен

02/07/2026

Л.Мөнхбаясгалан: Б.Бейсен гишүүн онгоцонд хүний амь аварч УИХ-ын гишүүдийн нэр хүндийг өндөрт өргөсөн

02/07/2026

Байгаль орчин, хүнс, хөдөө аж ахуйн байнгын хорооны даргаар ажиллах хугацаанд хамтарч ажилласан Л.Мөнхбаясгалан гишүүн танд талархал илэрхийлье.

УИХ-ын Нэгдсэн Чуулганы Хуралдаан.
2026.07.02 Пүрэв гариг

01/07/2026
25/06/2026
24/06/2026

Малчны тухай хуулийн хэрэгжилтийг дүгнэх, хууль тогтоомжийг хэрэгжүүлэх чиг үүрэг бүхий байгууллага, түүний удирдах албан тушаалтны үйл ажиллагаанд хяналт тавих, үнэлэх сэдэвт ерөнхий хяналтын сонсгол.

Байгаль орчин, хүнс, хөдөө аж ахуйн байнгын хороо
2026.06.24 Лхагва гариг

23/06/2026

Тендер шалгаруулалтаар хэрэгжүүлэхээр болсон ч олон жил ашиглалтад ороогүй барилга байгууламжууд Баян-Өлгий аймагт цөөнгүй байна. Тухайлбал, Ногооннуур сумын Соёл, спортын төвийн барилгын ажил өнөөдөр 7–8 дахь жилдээ үргэлжилж байна. Мөн Хотгорын уурхайн эмнэлгийн барилга анх 400 сая төгрөгийн төсөвтэй эхэлсэн боловч өртөг нь өссөөр 2 тэрбум төгрөгөөс давсан байна.

Ийм төрлийн төсөл, барилгын ажлуудын хэрэгжилтэд хяналт тавьж, хариуцлага тооцож ажиллахгүй бол улсын төсөвт ихээхэн дарамт учруулж байна.

Мөн Өлгий сумын үерийн хамгаалалтын байгууламжийн асуудал анхаарал татаж байна. Энэхүү төслийн анхны төсөв 12 тэрбум төгрөг байсан бол өнөөдөр 30 тэрбум төгрөгт хүрээд байна.

Нөгөө талаар эрүүл мэндийн салбар санхүүгийн болон өр, зээлийн хүндрэлтэй нөхцөлд ажиллаж байна. Эрүүл мэндийн тусламж, үйлчилгээний чанар, хүртээмжийг хадгалахын тулд энэ салбарын төсвийг бууруулахгүй байх нь чухал гэж үзэж байна.

Хүний хөгжил, нийгмийн бодлогын байнгын хорооны хуралдаанаар
2026.06.23

19/06/2026

Эмнэлгийн тусламж үйлчилгээний тухай хууль/Шинэчилсэн найруулга/-ийн төслийг дэмжиж байгаа, маш чухал хууль.
Гэхдээ учир дутагдалтай юм байгаа.

Одоогийн нөхцөл байдлаас харахад эрүүл мэндийн байгууллагуудын тусламж, үйлчилгээний хүртээмж, чанарт тулгамдсан асуудлууд үүсээд байна. Иргэд шаардлагатай эмнэлгийн тусламж үйлчилгээг цаг тухайд нь авах боломж хязгаарлагдаж, зарим тохиолдолд 1–6 сар хүртэл хугацаанд дугаарлан хүлээх нөхцөл байдал үүсэж байна. Мөн эм, эмнэлгийн хэрэгслийн хангамжийн асуудал, гадаад улсад эмчлүүлэх иргэдийн тоо нэмэгдэж байгаа нь салбарын өмнө тулгамдсан сорилт болж байна. Иймд Эрүүл мэндийн яам, Эрүүл мэндийн хөгжлийн төв болон эмнэлгийн байгууллагуудын удирдлагын түвшинд нөхцөл байдалд бодит үнэлгээ, дүгнэлт хийж, шаардлагатай арга хэмжээг шуурхай хэрэгжүүлэх шаардлагатай байна. Түүнчлэн эмч, эмнэлгийн мэргэжилтэн, ажилтнуудын мэдлэг, ур чадвар, мэргэжлийн чадавхыг тасралтгүй хөгжүүлэх, хүний нөөцийн тогтвортой байдлыг хангахад онцгой анхаарах нь зүйтэй.

УИХ-ын Нэгдсэн Чуулганы Хуралдаан.
2026.06.19 Баасан гариг

Address

Ul'gey

Website

Alerts

Be the first to know and let us send you an email when УИХ-ын гишүүн, Гавьяат эмч Буланы Бейсен posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to УИХ-ын гишүүн, Гавьяат эмч Буланы Бейсен:

Shortcuts

Share

Category