Нийслэлийн Өргөө амаржих газар

Нийслэлийн Өргөө амаржих газар Contact information, map and directions, contact form, opening hours, services, ratings, photos, videos and announcements from Нийслэлийн Өргөө амаржих газар, Hospital, https://goo. gl/maps/PhRrWciaa6kgw9xFA, Ulaanbaatar.

Таныг дараах нээлттэй ажлын байранд урьж байна.- Асрагч- Яаралтай түргэн тусламжийн эмч- Яаралтай тусламжийн сувилагч- Э...
24/08/2026

Таныг дараах нээлттэй ажлын байранд урьж байна.
- Асрагч
- Яаралтай түргэн тусламжийн эмч
- Яаралтай тусламжийн сувилагч
- Эм зүйч
- Эрүүл мэндийн эдийн засагч
Холбоо барих утас:
8014- 8478

Таныг ажилд урьж байна
20/08/2026

Таныг ажилд урьж байна

Хүүхдийг зөв үмхүүлэх аргачлал (3 алхам):Алхам 1 (Нүүрийг чиглүүлэх): Хүүхдийн хамрыг хөхний толгойн харалдаа байрлуулж,...
20/08/2026

Хүүхдийг зөв үмхүүлэх аргачлал (3 алхам):
Алхам 1 (Нүүрийг чиглүүлэх): Хүүхдийн хамрыг хөхний толгойн харалдаа байрлуулж, биеийг өөр рүүгээ бүрэн наана.
Алхам 2 (Амыг том нээлгэх): Хөхний товчоор дээд уруулыг шүргэж, эвшээх мэт том ангайлгана.
Алхам 3 (Гүн үмхүүлэх): Доод эрүүг эхэлж тулж, зөвхөн товч бус нөсөөт хэсгийг (ареол) доороос нь гүн үмхүүлнэ.
Хөхүүлэлтийн түгээмэл 4 байрлал:
Хэвтээ байрлал: Шөнийн цагаар амрах болон кесар хагалгааны дараа тухтай.
Бүүвэйн байрлал: Тохойн нугалаасанд толгойг түшсэн сонгодог байрлал.
Суганы байрлал: Сүүний гарц ихтэй үед болон ихэр хүүхдэд тохиромжтой.
Эгц түшсэн байрлал: Хахах, гулгих хандлагатай нярайд нэн тустай.
Хөхний толгой хагарахаас сэргийлэх, эмчлэх:
Зориулалтын түрхлэг: Цэвэршүүлсэн ланолин суурьтай тос түрхэх (угааж арилгах шаардлагагүй).
Байгалийн тос: Хөхүүлсний дараа хэдэн дусал эхийн сүү эсвэл цэвэр кокосын тосоор тослох.
Агаарын угаалга: Хөхүүлсний дараа 10–15 минут ил байлгаж агаарт хатаах.
Алтан дүрэм / Зөвлөмж: Хөхүүлэх явцад ээжид өвдөлт мэдрэгдэх ёсгүй бөгөөд өвдөж байвал зөөлөн салгаж дахин үмхүүлэх зөвлөгөөг багтаасан

13/08/2026

Эрүүл мэндийн даатгалаар тусламж, үйлчилгээ авсан иргэд e-Mongolia аппликейшн ашиглан үйлчилгээ авсан талаарх мэдээллээ хялбар, шуурхай авах боломжтой.Үүний тулд e-Mongolia аппликейшнийг нээнэ.
Нүүр хуудасны хайлтын хэсэгт “Эрүүл мэндийн даатгал” гэж бичээд,
“Эрүүл мэндийн даатгалаар хөнгөлөлт авсан тусламж үйлчилгээний мэдээлэл” үйлчилгээг сонгоно.Үйлчилгээний мэдээллийн хэсэгт орж,
“Үйлчилгээ авах” товчийг дарна.
Үйлчилгээ авсан он болон шаардлагатай мэдээллээ оруулж,
“Үргэлжлүүлэх” товчийг сонгоно.Ингэснээр таны эрүүл мэндийн даатгалаар авсан тусламж, үйлчилгээний мэдээлэл дэлгэцэнд харагдана.
Энэхүү мэдээллийг шаардлагатай тохиолдолд цахимаар илгээх болон харуулах боломжтой.Эрүүл мэндийн даатгалаар тусламж, үйлчилгээ авсан иргэд дээрх мэдээллээ эмнэлгийн зогсоолын ажилтанд үзүүлснээр, холбогдох журамд заасан нөхцөл хангагдсан тохиолдолд эхний 2 цагийн зогсоолын төлбөрөөс чөлөөлөгдөнө.

Эмнэлгийн ажилчдын баярын мэндчилгээЭрхэм хүндэт эмч, сувилагч, эх баригч, эмнэлгийн мэргэжилтэн, асрагч, үйлчилгээний б...
07/08/2026

Эмнэлгийн ажилчдын баярын мэндчилгээ

Эрхэм хүндэт эмч, сувилагч, эх баригч, эмнэлгийн мэргэжилтэн, асрагч, үйлчилгээний болон нийт ажилтан, албан хаагчид аа!

Та бүхэндээ Эмнэлгийн ажилчдын баярын өдрийн халуун мэндийг хүргэж, эрүүл энх, аз жаргал, сайн сайхан бүхнийг хүсэн ерөөе.

Эх хүн, нярай хүүхдийн эрүүл мэндийг хамгаалах ариун үйлсэд тангараг өргөн, мэдлэг ур чадвар, хүнлэг энэрэнгүй сэтгэл, хариуцлага зүтгэлээ зориулан ажиллаж буй та бүхний хөдөлмөр бол олон мянган гэр бүлийн аз жаргал, итгэл найдварын эхлэл билээ.

Нийслэлийн Өргөө амаржих газрын хамт олон та бүхэн өдөр бүр шинэ амьдралын эхлэлийг угтан авч, ээжүүдэд итгэл, нярай хүүхдүүдэд аюулгүй орчин, гэр бүлүүдэд аз жаргал бэлэглэсээр ирсэн нь манай байгууллагын хамгийн үнэт бахархал юм.

Эмнэлгийн хөгжил дэвшил, тусламж үйлчилгээний чанар, аюулгүй байдлыг тасралтгүй сайжруулж, эх хүүхдийн эрүүл мэндийн төлөө сэтгэл зүрхээ зориулан ажиллаж буй нийт хамт олондоо гүн талархал илэрхийлье.

Та бүхний хүнлэг энэрэнгүй сэтгэл, мэргэжлийн өндөр ур чадвар, хамтын хүч хөдөлмөр улам бүр өөдрөг амжилт, бүтээлээр дүүрэн байх болтугай.

Эмнэлгийн ажилчдын баярын мэндийг дахин өргөн дэвшүүлж, эрүүл энх, элбэг дэлбэг, ажил үйлс нь үргэлж өөдрөг байхын өлзийтэй ерөөлийг өргөн дэвшүүлье.

Нийслэлийн Өргөө амаржих газар
"Эрүүл эх – Эрүүл үрс – Аз жаргалтай гэр бүл" 🌸

Эмнэлгийн ажилчдын баярыг тохиолдуулан төрийн болон салбарын шагналаар шагнагдсан ажилтнуудад хүндэтгэл үзүүллээЭмнэлгий...
07/08/2026

Эмнэлгийн ажилчдын баярыг тохиолдуулан төрийн болон салбарын шагналаар шагнагдсан ажилтнуудад хүндэтгэл үзүүллээ

Эмнэлгийн ажилчдын баярын өдрийг тохиолдуулан эх, нярайн эрүүл мэндийг хамгаалах үйлсэд олон жил үр бүтээлтэй, идэвх зүтгэлтэй ажиллаж, салбарын хөгжилд үнэтэй хувь нэмэр оруулсан Нийслэлийн Өргөө амаржих газрын нэр бүхий ажилтнууд төрийн болон салбарын дээд шагналаар шагнагдлаа.

🇲🇳 Монгол Улсын Засгийн газрын шагнал "Эрүүлийг хамгаалахын тэргүүний ажилтан" хүндэт тэмдгээр:
Л.Мядагмаа – Эх барих, эмэгтэйчүүдийн их эмч
Г.Насанжаргал – Эх барих, эмэгтэйчүүдийн их эмч
Д.Сүглэгмаа – Асрагч
Д.Адъяасүрэн – Лаборант
Д.Нандин-Эрдэнэ – Эх баригч

📜 Эрүүл мэндийн яамны "Жуух бичиг"-ээр:
Б.Жаргалсайхан – Эх барих, эмэгтэйчүүдийн их эмч
Б.Батболд – Мужаан
С.Дорж – Сантехникч
Г.Гантуул – Сувилагч

⭐ Монгол Улсын төрийн дээд шагнал "Алтан гадас" одон-гоор:
Бат-Очирын Цэндсүрэн – Нярайн тасгийн асрагч

Эдгээр эрхэм хамт олондоо чин сэтгэлийн халуун баяр хүргэж, эрүүл мэндийн салбарын хөгжил, эх хүүхдийн эрүүл мэндийг хамгаалах ариун үйлсэд оруулсан үнэтэй хувь нэмрийг нь өндрөөр үнэлж байна.

Та бүхний хүнлэг энэрэнгүй сэтгэл, мэргэжлийн ур чадвар, хариуцлага, зүтгэл нь олон мянган эх, нярайн аз жаргалтай амьдралын эхлэл болсоор байх болтугай.

💐 Шагнал хүртсэн нийт ажилтнууддаа халуун баяр хүргэж, эрүүл энх, аз жаргал, ажил үйлсийн өндөр амжилтыг хүсэн ерөөе!

Нийслэлийн Өргөө амаржих газар
"Эрүүл эх – Эрүүл үрс – Аз жаргалтай гэр бүл"

Таныг дараах ажлын байруудад ажилд урьж байна
07/08/2026

Таныг дараах ажлын байруудад ажилд урьж байна

“Эхийн сүүгээр хооллолтыг дэмжих өдөр”-ийг амжилттай зохион байгууллааНийслэлийн өргөө амаржих газар 2026 оны 8 дугаар с...
07/08/2026

“Эхийн сүүгээр хооллолтыг дэмжих өдөр”-ийг амжилттай зохион байгууллаа

Нийслэлийн өргөө амаржих газар 2026 оны 8 дугаар сарын 1–7-ны өдрүүдэд “Эхийн сүүгээр хооллолтыг дэмжих өдөр”-ийг тохиолдуулан эх, нярайн эрүүл мэндийг хамгаалах, хөхөөр хооллолтыг дэмжих, зөв дадал хэвшлийг төлөвшүүлэхэд чиглэсэн олон талт сургалт, мэдээллийн үйл ажиллагааг амжилттай зохион байгууллаа.

Арга хэмжээний хүрээнд эмч, сувилагч, эмнэлгийн ажилтнууд, төрсөн эхчүүд болон гэр бүлийн гишүүдийг хамруулан хөхөөр хооллолтын ач холбогдол, зөв арга техник, хөхний арчилгаа, төрсний дараах асаргаа, эхийн сүүний гарцыг сайжруулах арга зам, сэтгэлзүйн дэмжлэг зэрэг сэдвээр сургалт, зөвлөгөө өгч, гарын авлага, танилцуулга материалаар ханган ажиллав.

Нээлтийн үйл ажиллагааг Монгол Улсын Гавьяат эмч А.Оюунцэцэг удирдан явуулж, эхийн сүүгээр хооллолтын ач холбогдол, хүүхдийн өсөлт хөгжилд үзүүлэх эерэг нөлөөллийн талаар мэдээлэл хүргэлээ.

Түүнчлэн Хөхний арчилгаа ба төрсний дараах асаргаа сэдвээр төрөх төрсний дараах тасгийнхан сургалт орлоо.

Мөн Байер компанийн эмч төлөөлөгч Ч.Одончимэг эхийн сүүний гарцыг нэмэгдүүлэх арга, хөхний зөв арчилгааны талаар зөвлөгөө өгсөн бол төрөх, төрсний дараах тасгийн эмч, сувилагчид төрсний дараах асаргааны талаарх практик мэдээллийг хүргэлээ.

Нярайн сувилагч Ж.Байгалмаа эхчүүдэд хөхөө зөв амлуулах техник, байрлалын талаар сургалт зохион байгуулж, нярайн тасгийн эмч, сувилагчид “Хөхөөр хооллох 10 алхам” сэдэвт гарын авлага, зөвлөмжийг танилцуулсан юм.

Түүнчлэн нярайн эмч Я.Гэрэлтуяа, нярайн арга зүйч О.Туяацэцэг нар эхийн сүүгээр хооллохын эх, нярайд үзүүлэх эрүүл мэндийн ач холбогдлын талаар мэдээлэл өгч, сэтгэл зүйч Э.Төгөлдөр эхийн тайван, эерэг сэтгэлзүй нь сүүний ялгаралт, хөхөөр хооллолтын амжилтад хэрхэн нөлөөлдөг талаар зөвлөгөө өглөө.

Энэхүү арга хэмжээ нь эхчүүдийг хүүхдээ төрсөн даруйд нь хөхүүлэх, эхийн сүүгээр дагнан хооллох зөв дадлыг төлөвшүүлэх, гэр бүлийн оролцоог нэмэгдүүлэх, улмаар эх, нярайн эрүүл мэндийг дэмжихэд чухал хувь нэмэр оруулсан үр дүнтэй үйл ажиллагаа боллоо.

Нийслэлийн өргөө амаржих газар цаашид эх, хүүхдийн эрүүл мэндийг хамгаалах, хөхөөр хооллолтыг дэмжих сургалт, сурталчилгааны ажлыг тогтмол зохион байгуулж, эхчүүдэд нотолгоонд суурилсан зөвлөгөө, дэмжлэгийг тасралтгүй хүргэн ажиллах болно.

Я.Гэрэлтуяа Нярайн эмч, О.Туяацэцэг Нярайн арга зүйч нар тус арга хэмжээг амжилттай зохион байгууллаа.

🤱 ДЭЛХИЙН ХӨХӨӨР ХООЛЛОЛТЫН ДОЛОО ХОНОГ“Хөхөөр хооллолт – Амьдралын эрүүл эхлэл.Үр дүнтэй арга хэмжээг тогтвортой хэрэгж...
05/08/2026

🤱 ДЭЛХИЙН ХӨХӨӨР ХООЛЛОЛТЫН ДОЛОО ХОНОГ
“Хөхөөр хооллолт – Амьдралын эрүүл эхлэл.
Үр дүнтэй арга хэмжээг тогтвортой хэрэгжүүлье”

ХӨХНИЙ ХОРТ ХАВДАР ГЭЖ ЮУ ВЭ?
Эмэгтэйчүүдэд тохиолдох хавдруудын дотор эхний хоёрдугаар байранд “Хөхний хорт хавдар” ордог байна. Ихэвчлэн 50-иас дээш насныханд тохиолдоно. Хэрэв таны хөх бэрсүү ихтэй болох мөн хэвийн бус өөрчлөлт гарвал эмчид яаралтай үзүүлэх хэрэгтэй.

ХӨХНИЙ ХОРТ ХАВДАР ҮҮСЭХ ШАЛТГААН ЮУ ВЭ?
- Нас
- Гэр бүлийн түүх
- Хэрэв та хөхний хорт хавдрын урьтал өвчтэй бол
- ХҮҮХЭДГҮЙ ЭСВЭЛ ТА АНХНЫ ХҮҮХДЭЭ 30-ААС ДЭЭШ НАСАНД ТӨРҮҮЛСЭН БОЛ
- ХҮҮХДЭЭ ХӨХҮҮЛЖ БАЙГААГҮЙ БОЛ
- Сарын тэмдэг наснаасаа эрт ирсэн бол
- Цээжиндээ туяа (рентген туяа, туяа эмчилгээ гэх мэт) авч байсан бол
- 55 наснаас хойш цэвэршилт явагдсан бол.
- Дааврын эмчилгээ олон жил хийлгэж байсан бол (50-аас дээш насны эмэгтэйчүүд)
- Архи хэтрүүлэн хэрэглэх зэрэг нь хавдрын шалтгаан болдог.

🤱 ХӨХӨӨ ХЭРХЭН ЗӨВ АМЛУУЛАХ ВЭ?💚 Хүүхдийг зөв амлуулах нь хөхний сүү хангалттай ялгарах, нярай хангалттай сүү авах, ээжи...
04/08/2026

🤱 ХӨХӨӨ ХЭРХЭН ЗӨВ АМЛУУЛАХ ВЭ?
💚 Хүүхдийг зөв амлуулах нь хөхний сүү хангалттай ялгарах, нярай хангалттай сүү авах, ээжийн хөх өвдөхөөс сэргийлэх хамгийн чухал алхам юм.
✅ Зөв амлуулж байгаа шинж

👶 Хүүхдийн ам том ангайсан байх
👄 Хөхний толгойгоос гадна ареолын (хөхний хүрээний) ихэнх хэсгийг амандаа авсан байх
🤍 Хүүхдийн эрүү хөхөнд хүрсэн байх
💋 Доод уруул нь гадагш дэлгэсэн байх
🥛 Хүүхэд залгих чимээтэйгээр жигд хөхөх
😊 Ээжид хүчтэй өвдөлт мэдрэгдэхгүй байх

🤱 Зөв амлуулах байрлал

✔️ Хүүхдийн толгой, мөр, бие нэг шулуун байх
✔️ Хүүхэд эх рүүгээ бүх биеэрээ харсан байх
✔️ Хамар нь хөхний толгойн түвшинд байрласан байх
✔️ Хүүхдийг зөвхөн толгойноос нь бус нуруу, мөрөөр нь бүхэлд нь дэмжих
✔️ Ээж мөрөө суллаж, тухтай байрлалд суух эсвэл хэвтэх

💡 Зөвлөгөө: Хүүхдийг хөх рүү татах биш, хүүхдээ өөртөө ойртуулж амлуулаарай.

⚠️ Буруу амлуулсны шинж

🔸 Хөхний толгой хүчтэй өвдөх эсвэл хагарах
🔸 Хүүхэд байнга хөхөө тавих
🔸 Шажигнах, агаар сорох мэт чимээ гарах
🔸 Хүүхэд удаан хөхөөд ч тайвшрахгүй байх
🔸 Хөхүүлсний дараа хөх хэт дүүрэн хэвээр үлдэх

🍼 Хүүхдээ хэр олон удаа хөхүүлэх вэ?

⏰ Хүүхдээ хүссэн үед нь (on demand) хөхүүлээрэй.
✔️ Өдөрт дунджаар 8–12 удаа
✔️ Шөнийн хөхүүлгийг алгасахгүй байх
✔️ Нэг хөхийг хангалттай сулласны дараа нөгөө хөхийг санал болгох

🚨 Хэзээ мэргэжлийн зөвлөгөө авах вэ?

🔴 Хүүхэд хөхөө сайн хөхөж чадахгүй байх
🔴 Хөхний толгой хагарч, хүчтэй өвдөх
🔴 Хүүхдийн жин нэмэгдэхгүй байх
🔴 Хөх улайж, халуурч өвдөх
🔴 Хүүхэд шингэн алдалтын шинжтэй болох (живхний шээс цөөрөх, ам хатах)

💚 Зөвлөгөө

Хүүхдээ төрсний дараах эхний 1 цагийн дотор амлуулахыг хичээгээрэй. Арьс-арьсны шууд хүрэлцээ нь хөхний сүү ялгаралтыг дэмжиж, эх хүүхдийн холбоог бэхжүүлдэг. Хэрэв хөхүүлэхэд хүндрэл гарвал эмч, эх баригч эсвэл сувилагчаас эрт зөвлөгөө авах нь хамгийн зөв шийдэл юм.

Нийслэлийн Өргөө амаржих газар
☎️ 7700-0101

Address

Https://goo. Gl/maps/PhRrWciaa6kgw9xFA
Ulaanbaatar
15160

Telephone

+97677000101

Website

Alerts

Be the first to know and let us send you an email when Нийслэлийн Өргөө амаржих газар posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Нийслэлийн Өргөө амаржих газар:

Shortcuts

Share

Category