Мөнхийн Тун ХХК ∞

09/07/2026

Үндэсний их баяр наадмын мэнд хүргэе!

Хүчит бөх нь хүчтэй, хурдан морь нь цовоо, мэргэн харваач нь ончтой байж, айл бүхэн аз жаргал, амжилт бүтээлээр дүүрэн сайхан наадахыг хүсэн ерөөе.

25/06/2026

МОНОС эмийн үйлдвэрийн ургамлын гаралтай эмийн шинэ үйлдвэрийн нээлтийн арга хэмжээнд баяр хүргэж, цаашдын үйл ажиллагаанд нь өндөр амжилт хүсэн ерөөе.

Монголын эм үйлдвэрлэлийн салбарын хамтын хөгжил улам бүр бэхжиж, инновац, дэвшилтэт технологи, олон улсын өрсөлдөх чадвар цаашид улам бүр өсөн нэмэгдэнэ гэдэгт итгэлтэй байна.

Хүндэтгэсэн,
Мөнхийн Тун ХХК

06/05/2026

https://www.facebook.com/share/1GrLP4W5M9/?mibextid=wwXIfr

27/04/2026

Булган аймгийн Хутаг-Өндөр сумын Ерөнхий боловсролын сургуулийн 9–11 дүгээр ангийн хими, биологийн чиглэлээр гүнзгийрүүлэн судалж буй сурагчид “МЭРГЭЖЛЭЭ КРАШЛАЯ” сэдэвт дадлага ажлын хүрээнд “Мөнхийн тун” ХХК болон “МДМ Ампул Фарм” ХХК-ийн үйл ажиллагаатай танилцлаа.

Танилцах аялалд тус сургуулийн захирал Э.Ариунаа тэргүүтэй багш нарын төлөөлөл оролцсон бөгөөд сурагчид эмийн үйлдвэрийн үйлдвэрлэлийн үйл явц, чанарын хяналт, аюулгүй ажиллагааны зарчимтай танилцаж, салбарын онцлог, мэргэжлийн шаардлагын талаар ойлголт авч, сурагчдын ирээдүйн мэргэжил сонголтод чиглэсэн, мэдлэг ойлголтыг тэлсэн үр өгөөжтэй уулзалт, танилцах аялал боллоо.

Мөн энэ үеэр Эрүүл мэндийн салбарын гавьяат ажилтан Ц.Алтанцэцэг сурагчдыг хүлээн авч, өөрийн олон жилийн ажлын туршлагаас хуваалцан, мэргэжлээ зөв сонгох, тууштай хөгжих, эх орныхоо хөгжилд бодит хувь нэмэр оруулах талаар үнэтэй зөвлөгөө өгч, сонирхолтой ярилцлага өрнүүллээ.

Энэхүү арга хэмжээг зохион байгуулж, сурагчдыг туршлага судлах аялалд хамруулсан сургуулийн удирдлага, багш нарт талархал илэрхийлье.
Ирээдүй болсон хүүхэд, залуус та бүхэн мэргэжилдээ эзэн болж, хариуцлагатай иргэн болон төлөвшиж, Монгол Улсын хөгжилд бодит хувь нэмэр оруулахыг хүсэн ерөөе.

Enkhzaya Bayaraa
#мөнхийнтун #ЕБС

23/04/2026

Европын сэргээн босголт, хөгжлийн банк (European Bank for Reconstruction and Development, EBRD)-ны төлөөлөгчид Мөнхийн тун ХХК болон МДМ Ампул Фарм ХХК-д зочлон, үйлдвэрийн үйл ажиллагаатай танилцаж, цаашдын хамтын ажиллагааны талаар албан уулзалт зохион байгууллаа.
Уулзалтад Европын сэргээн босголт, хөгжлийн банкны Худалдаа, үйлчилгээний салбарын Төв Азийн бүсийг хариуцсан дарга ноён Алмаз Тойгонбаев тэргүүтэй тус банкны Дэд захирал С.Баасансүрэн, Банкир Н.Нинжин, Банкир С.Мөнхтулга, Шинжээч Б.Бас-Оргил, Шинжээч Б.Золзаяа нар оролцлоо.
Уулзалтын үеэр ноён Алмаз Тойгонбаев Мөнхийн тун ХХК-ийн хэрэгжүүлсэн тарилгын эмийн үйлдвэрийн төслийн бүтээн байгуулалт, технологийн дэвшилтэт шийдлийг өндрөөр үнэлж, цаашид санхүүжилт, зөвлөх үйлчилгээ болон бусад чиглэлээр хамтран ажиллах боломжийг судалж, хөгжүүлэх сонирхлоо илэрхийлэв.

Бидний үйл ажиллагааг дэмжин хамтран ажиллаж буйд талархал илэрхийлье.

Enkhzaya Bayaraa Baasansuren Sunduijav Altantsetseg Tsevegjamts

23/04/2026

Мөнхийн Тун” ХХК нь “Тунфарм” эмнэлгийн хэрэгслийн үйлдвэр нь үйл ажиллагаандаа “ISO 13485:2016 Эмнэлгийн хэрэгслийн чанарын менежментийн тогтолцооны стандар”-тыг амжилттай нэвтрүүлж, “МонСертф” тохирлын үнэлгээний байгууллагаас албан ёсны гэрчилгээгээ гардан авлаа. Энэхүү баталгаажуулалт нь манай үйлдвэрийн үйл ажиллагаа болон эмнэлгийн хэрэгслийн бүтээгдэхүүний чанар, аюулгүй байдал, зохицуулалтын шаардлагыг олон улсын түвшинд ханган ажиллах чадамжтайг бататгасан чухал алхам юм.

Бид цаашид бүтээгдэхүүний чанар, аюулгүй байдлыг эрхэмлэн, олон улсын стандартад нийцсэн үйлдвэрлэлийг тогтвортой хөгжүүлэхийн төлөө тууштай ажиллах болно. Энэхүү амжилтыг бүтээлцсэн нийт хамт олон, үе үеийн хамтарч ажилласан байгууллагууддаа талархал илэрхийлье.

#монсерт #мөнхийнтун

20/04/2026

14/04/2026

ИННОВАЦИАР ТЭРГҮҮЛЖ, ЧАНАРААР ТАНИГДАНА 🇲🇳🇰🇷

Монгол–Солонгосын хамтарсан тарилгын эмийн үйлдвэрийн бүтээгдэхүүнүүд МУ-ын Эмийн бүртгэлд албан ёсоор бүртгэгдэж, зах зээлд борлуулагдаж эхэллээ.

Дэвшилтэт технологийг туршлагатай мэргэжилтнүүдийн ур чадвартай хослуулан, олон улсын стандартын дагуу чанартай, аюулгүй тарилгын эм үйлдвэрлэж эрүүл мэндийн салбарын хөгжилд бодит хувь нэмэр оруулах зорилготой манай хамт олон та бүхэнтэй хамтран ажиллахад бэлэн байна.

📞 70118686, 98000027
📧 [email protected]

📌 29-1, Да Хүрээ гудамж, Шархад, Баянзүрх дүүрэг, 38-р хороо, Улаанбаатар хот, Монгол Улс, 13280

#ШинэБүтээгдэхүүн #ЭрүүлМэнд #ЧанарСтандарт #БидБэлэн