30/06/2026
ЖИЛТНИЙ МЭДЭХЭД ИЛҮҮДЭХГҮЙ ЗАН ҮЙЛЭЭС
Монголчууд одон зурхайн ухаанд тулгуурлан арван хоёр жилийн харш цээрлэх зүйлсийг засаж өдөр тутмын амьдралдаа өргөнөөр ашиглаж ирсэн сайхан уламжлалт ёсон бий.
Энэчлэн арван хоёр жилийн хориглох зан үйл болбоос,
1. хулгана өдөр нь хулгана шүдгүй тул зурхай үзвээс үл мэдэх буюу зурхай төөрөх.
2. Yxэр өдөр нь үхэр дээрээ шүдгүй тул нэр өгвөөс удах үгүй гэм болно.
3. Бар өдөр нь бар гүрээ хүзүүндээ яс үгүй тул тэнгэр лусыг тахин үйлдвээс хэрэг бүтэхгүй.
4. Туулай өдөр нь туулай уруул сэтэрхий тул үс угааж хумс авбаас ядуурна.
5. Луу өдөр нь луу дүлий тул гашуудан уйлбаас үргэлжлэн тасрах үгүй учраас өлзий бус болно.
6. Могой өдөр нь могой хөлгүй учир замд гарвал удахын шалтгаантай.
7. Морь өдөр нь морь цөсгүй тул шинээр байшин барьвал бусдын эдлэн болно.
8. Хонь өдөр нь хонь ойрын шимийн нүдгүй тул эм найруулах болон ууваас алсдаа хор болно.
9. Бичин өдөр нь бич орон байрандаа оршдоггүй тул ширээ засах, ширээнд суувал удах үгүй бууна.
10. Тахиа өдөр нь тахиа билиггүй тул хүү, охин учирваас үр үл болно.
11. Нохой өдөр нь нохой өвчүү дутуу тул бусдын малд мал өгөх нүүдэл хийвээс өлзий бус болно.
12. Гахай өдөр нь гахайн доод уруул богино учир бэр авах өгөхийг тэвч.
