Манай эмнэлэг нь 2016 онд байгуулагдсан Уламжлалт Анагаах Ухааны нарийн мэргэжлийн эмнэлэг бөгөөд амбулатори болон хэвтэн эмчлүүлэх тасгаар үйл ажиллагаа явуулдаг.
Манай эмнэлэг ургамал, эрдэс бодис, мал амьтны гаралтай эмийн түүхий эдээр уламжлалт эмийн үйлдвэрийн технологи, стандарт шаардлагыг хангасан чанартай эмээр үйлчилж байна. Мөн бариа засал, хануур, хатгуур, самнуур, зүү төөнө, гүрэм тарнийн засал, сэтгэл засал зэрэг УАУ-ны 50 гаруй төрлийн эмчилгээ, орчин үеийн физик эмчилгээтэй хослуулан хийж архаг болон хурц явцтай өвчин эмгэгүүдийг эмчлэхээс гадна өвчнөөс урьдчилан сэргийлэхийн тулд сахих явдал мөр, идээ ундааг хэрхэн зөв зохистой тохируулах талаар Уламжлалт Анагаах Ухааны эрүүл мэндийн боловсролыг хэвтэн эмчлүүлэгчдэд болон ард түмэнд олон нийтийн мэдээллийн хэрэгслийг ашиглан тасралтгүй явуулан Уламжлалт Анагаах Ухааны эмчилгээ үйлчилгээг бүрэн цогцоор нь хүргэж байна.
Хэвтэн эмчлүүлэх тасаг нь 522 метр кв ашигтай талбай бүхий эрүүл ахуйн шаардлага бүрэн хангасан 4 давхар өөрийн байртай ба анагаах ухааны өндөр мэдлэг, боловсролтой, эрдмийн зэрэг цолтой эмч мэргэжилтнүүд ажилладаг ба эмчилгээг эмчлэгч эмч нар гардан хийдэг онцлог давуу талуудтай.
МАНАЙ ЭМНЭЛЭГТ:
• Хий, Шар, Бадган 3 гэмийн өвчин
• Дотор, 5 цул 6 сав эрхтний өвчин
• Халуун өвчин, халдварт өвчин
• Нүд, чих, хамар, ам, мэдрэхүйн 5 эрхтний өвчин
• Мэдрэл, сэтгэц, сэтгэл хямралын өвчин
• Эрэгтэйчүүд, эмэгтэйчүүд бэлгэсийн өвчин
• Нялхас болон хүүхдийн өвчин
• Арьсны өвчин, харшил, хэсэг бусаг өвчин
• Дотоод шүүрэл, хордлого, хор харших өвчин
• Хавдар, бэтэг, элдэв ярын өвчин
• Эмэгтэйчүүд, жирэмслэлт, төрөх үеийн өвчин
• Бэртэл гэмтэл үе мөчний үрэвсэлт өвчин
• Хөгшид настныг тэгшитгэх, дархлаажуулалт, чийрэгжүүлэлт, урт наслуулах, шимжүүлэх, төлжүүлэх эмчилгээнүүдийг мэргэжлийн өндөр түвшинд оношлон эмчилж байна.
