02/07/2026
Намайг Кадай гэдэг. Би Ховд аймгийн уугуул.
Ховд аймаг тарвасаараа алдартай гэдгийг та бүхэн маань мэдэх байх. Хүүхэд насны маань бүх дурсамж тарвастай холбоотой өнгөрсөн. Өвөөгөөс маань эхлээд 50-аад жил манайх тарвас тариалж байгаа. Би ч аавтайгаа цуг хичээлийн амралтаасаа эхэлж газраа хагалж бэлдэж, зунжингаа хар халуунд шумуултай уралдан хөдөлмөрлөж амтат тарвасаа ургуулж авдаг байв. Тарвасаа услах, зэрлэг түүх гэх мэт мөн ч их ажилтай ч энэ их хөдөлмөрч байдлыг үе залгамжлан хийж яваадаа баяртай байдаг.
Өөрсдөө ч иднэ, бөөндөж орлого ч олдог байв. Харин сүүлийн жилүүдэд тасралтгүй Улаанбаатар хотод борлуулж байна.
Манай хадмын талынхан анх Ховд аймагт тарвас тариалж эхэлсэн хүмүүс байдаг. Тэд 80-аад жилийн түүхтэй тариалж байна.
Тиймээс цаашдаа бид Ховд нутгийн тарвасаа Монголдоо бренд болгож таниулах хүсэлтэй байгаа.
Энэ жил Ховдын тарвас маань 7-сарын 20-с болц гүйцэж та бүхний гарт хүргэгдэх болно. Ховдын тарвас маань болц гүйцэх хүртэл Узбекистан, Казахстан улсын тарвасыг та бүхэндээ хүргэх болно.
Тарвас бол миний уг үндсээр нь мэдэх, тарьж ургуулан гаргаж чадах зүйл. Та бүхэн маань өргөнөөр худалдан авалт хийгээрэй. Баярлалаа🍉❤️
