25/08/2026
🏠 АХМАД НАСТАН ТА ӨДӨР БҮР ХӨДӨЛЖ, ИДЭВХГҮЙ БАЙДЛААС СЭРГИЙЛЭЭРЭЙ
Нас ахих тусам удаан хугацаагаар суух, хэвтэх, хөдөлгөөн багасах нь булчингийн хүч болон биеийн үйл ажиллагааг сулруулах эрсдэлтэй. Харин гэртээ байхдаа ч өөрийн биеийн байдалд тохирсон энгийн дасгалыг тогтмол хийх боломжтой.
Японы National Center for Geriatrics and Gerontology-ийн Inactivity Prevention Pack* гарын авлагад өдөрт нийт 40–60 минутын хөдөлгөөнийг ойролцоогоор 3 хувааж, сунгалт, булчин чангалах, тэнцвэр болон бүх биеийн дасгалыг хослуулан хийхийг зөвлөжээ. Дасгалын хугацаа, давтамжийг тухайн хүний биеийн байдалд тохируулж болно.
Ямар дасгал хийж болох вэ?
• Өгзөг, гуяны арын булчин сунгах
• Гуяны урд хэсэг, ташааны булчин сунгах
• Мөрний хөдөлгөөний дасгал
• Их бие эргүүлэх
• Өвдөг тэнийлгэх, нугалах
• Гуя өргөх
• Шилбэний булчин сунгах
• Хөлөө хажуу болон арагш өргөх
• Өлмий дээрээ өргөгдөх
• Тэнцвэрийн дасгал
• Бүх биеийн сунгалт
• Суулт зэрэг дасгалыг өөрийн чадварт тохируулан сонгож болно.
Дасгал хийхдээ аюулгүй байдлаа нэгдүгээрт тавиарай. Өвдөлт, таагүй мэдрэмж гарвал дасгалаа зогсооно. Ядарвал завсарлаж, аажуухан хийнэ. Амьсгалаа түгжихгүй, хэвийн амьсгална. Бие тавгүй үед амарч, дасгал хийхгүй. Түшиж дасгал хийхдээ дугуйтай сандал бус, хөдөлгөөнгүй бат бөх сандал эсвэл ширээ ашиглаарай.
🌿 Хөдөлгөөн бол зөвхөн дасгал биш — бие даасан байдлаа хадгалах өдөр тутмын дадал юм.
Өдөр бүр тогтсон цагт дасгал хийж хэвшээрэй. Дуртай дуу, хөгжмөө сонсонгоо хөдөлбөл дасгалаа тогтмол хийхэд ч урамтай.
Өнөөдөр хөдөл — Маргаашийн эрүүл мэндийг бүтээ!
Насжилт судлал, настны эмгэг судлалын нийгэмлэг
