18/12/2025
1. Сүүгээр ариулах дом🥛🥛🥛
Сүү хамгийн ариун зүйлд тооцогддог.
• Хэрэглэх нь: Өглөөний наранд шинэ саасан сүүгээр хүүхдийн дух, алга, цээжин дээр нь гурван удаа түрхэж, “Сүү шиг цагаан заяатай, сүүн мэт ариун амьдралтай яваарай” гэж ерөөдөг.
• Утга учир: Сүү нь амьдралын эх булаг, буян заяаны билэгдэл учир хүүхдийг муу нүд, муу үг, муу энергиэс цэвэрлэнэ гэж үздэг. (Шинэхэн саасан сүү олдохгүй бол үнээний цэвэр хольцгүй энгийн сүүгээр домноно. Хөхний сүү бол бүр сайн)
2. Галын дөлөөр ариулах🔥🔥🔥
Гал бол гэрийн голомт, амьдралын халуун илчийн билэгдэл.
• Хэрэглэх нь: Орой унтахын өмнө эсвэл өвчин эмгэг ойртсон гэж үзвэл гэрийн голомтын дөлөн дээгүүр хүүхдийн өмсдөг жижиг хувцсыг гурвантаа эргүүлж, дараа нь хүүхдэд нь өмсүүлдэг.
• Утга учир: “Галын дөл муу муухайг шатааж, зөвхөн ариун гэрлийг буюу өөрийн цэвэр гэрлэн бүрхүүлийг үлдээдэг”. (Плиткатай айлууд плитка асааж домноно)
3. Усны дом💧💧💧
Ус нь бүхнийг ариусгах хүчтэй гэж үздэг.
• Хэрэглэх нь: Цэвэр булаг уснаас авчирч, усаа сайхан ерөөгөөд ерөөсөн усаа хүүхдийн дух, ар нуруу, алган дээр нь түрхээд, үлдсэнийг нь гэрийн үүдэнд цацдаг.
• Утга учир: Ус энерги мэдээлэл өөртөө шингээж түгээдэг гэж үздэг тул усаа ерөөж ерөөсөн усаар гэнэтийн осол, саадаас хамгаална. (Ус нь аль болох цэвэр ариун, байгалийн ус байх!)
4. Хөх толбо хамгаалах 🌠🌠🌠
Монгол хүүхдүүдийн ихэнх нь нуруу, өгзөг орчимдоо хөх толботой төрдөг. Үүнийг тэнгэрийн тамга гэж үздэг.
• Арга: Эцэг эх хүүхдийнхээ хөх толбыг илж, “Тэнгэрийн тамга нь хамгаалж, тэнгэрийн ивээл нь ивээлдээ авч хайрлаарай” гэж шивнэдэг.
• Утга учир: Энэ бол хүүхдийг төрмөл заяагаар нь муу муухайгаас хамгаалах.
5. Өвс ургамлаар хамгаалах 🌿🌿🌿
• Арга: Арц, ганга гал дээр уугиулж, утааг нь хүүхдийн толгой, гар, хөл рүү нь тойруулан домноно. Зарим нь хүүхдийн дээлний энгэрт жижигхэн сармис зүүж өгдөг.
• Утга учир: Үнэр утаа нь муу хий, муу сүнсийг үргээж, өвчин зовлонгоос хамгаална гэж үздэг.(Үнэрт ургамал нь сөрөг мэдээллийг зайлуулах чадвартай. Арц ганга олдохгүй арга ядсан үед хурц үнэртэй нян, вирус устгах чадалтай ногоо бж болно. Жиш: Сармис, сонгино, халуун чинжүү г,м)