Алтанзул - Хөхүүл хөхний арчилгаа

19/07/2026

Хүүхдийг соосогт заавал дасгах хэрэгтэй юу?!.
1. 🧠 Хүүхдэдээ соосог, угж өгөхийн өмнө “Хүүхэд хөхөө хөхөх үед хүүхдийн аманд юу болдгийг ээж, аавууд хамгийн түрүүнд ойлгох хэрэгтэй байдаг.
- Хөх нь маш зөөлөн, хэлний хөдөлгөөнөөр хэлбэрээ өөрчилдөг, сунадаг, амны гүнд хүрдэг.
- Харин соосог болон угж нь хатуу, тогтмол хэлбэртэй, сунадаггүй, амны бүтэц бүрт өөрчлөгдөж чаддаггүй. Тиймээс ямар ч соосог, угжны толгой хөхийг бүрэн дуурайж чаддаггүй.
2. 🔍Ихэнх хүмүүс соосгийг хөөрхөн харагдаж байна уу, нэртэй брэндийнхүү гэж харж авдаг. Гэтэл соосог нь хүмүүсийн боддогоос ч илүү чухал зүйл байдаг.
Нярай хүүхэд сорох төрөлхийн хоёр хэрэгцээтэй байдаг. Нэг нь сүүгээ уух буюу хооллохын тулд нөгөө нь тайвшрах, унтах, өөрийгөө зохицуулах, өвдөлтийг багасгахын тулд. Соосогны үндсэн үүрэг нь тайвшрахын тулд сорох хэрэгцээг нь хангах байдаг.
3. 🤔Хөхүүл хөхний арчилгааны мэргэжилтэн болон хөхөөр хооллолтын сургагч багшийн өнцгөөс авч үзэхэд ээжийн бодлыг хүндэтгэх боловч ямар соосог авах вэ гэхээс илүү миний хүүхдэд соосог үнэхээр хэрэгтэй юу, хүүхдийг тайвшруулах өөр аргууд бий юу гэдгийг бодолцож үзэх хэрэгтэй гэж үздэг.
🇺🇳Дэлхийн Эрүүл Мэндийн байгууллагаас соосгийг зөвлөхгүй байх уриалга гаргасан байдаг. Учир нь нярай хөхөө хөхөх дадалд суралцаж эхлэж байхад нь соосгийг хэт эрт буюу дөнгөж төрсний дараах эхний өдрүүдэд хөхүүлснээр хөхөө хөхөхгүй болох өндөр эрсдэлтэй гэж үзсэн байна. Угж мөн адил.

14/07/2026

За наадмаар яаралтай 2 дуудлага авч 5 хоногтой, 1 сар 5 хоногтой 2 хүүд мөөмийг нь сайхан амлуулж өглөө.
Хөхөнд сүү орохгүй болохоор нь угжсан гэх юм.
- Эхний 2 өдөр ангир уураг маш бага хэмжээгээр заавал гарч байдаг тул зүгээр л зөв амлуулаад л хөхүүлээд бай.
- Хөхүүлэх тусам шилжилтийн болон байнгын сүү хурдан орноо.
- Аль болох угжихгүй, соосог хөхүүлэхгүй байхгүй бол маш хурдан хөхөө хөхөж чадахгүй болчихдог оо!

08/07/2026

🤔 "Төрөхдөө бэлд л гээд байхаас биш төрсний дараа хөх ёстой хэцүү шүү гэж хүмүүс яагаад хэлдэггүй юм бол" гэж олон ээж хэлдэг.
🤱 Дөнгөж төрсөн ээж тасагтаа ороод хөхөө хэрхэн арчилж ангир уургаа гаргаж, хөхөндөө сүү оруулах;
👩‍⚕️ Хөхөө хүүхдэдээ хэрхэн зөв амлуулж, хөхнийхөө толгойгоо хагалахгүй байх;
☝️ Хөхөнд сүү орох үед хөхөө зангируулахгүйгээр хэрхэн арчилах болон цаашид хэрхэн сайн сүүтэй болох зэрэг төрсний дараа ээжүүдэд тохиолддог тулгамдсан асуудлын талаар практик зөвлөгөөг өгч дадлагажуулалт хийнэ.
🪴 Хөхний сүү оролтын 2-р үед хөх зангирах эрсдэл хамгийн өндөр байдаг тул хугацаа алдахгүй тусламж, үйлчилгээг авах нь чухал байдаг.

07/07/2026

☔️ Таны энэ зөвлөгөөг уг нь төрөхөөсөө өмнө авах ёстой байсан байна шдээ гэж олон хөөрхөн ээжүүд хэлдэг юм. 🤱 Дөнгөж төрсөн ээж хөхөө хэрхэн арчилж ангир уургаараа хүүхдээ хооллох талаар;
🤔 Хөхөө хүүхдэдээ хэрхэн зөв амлуулж, хөхнийхөө толгойг хагалахгүй байх арга;
👂🤲🤝 Хөхөө хэрхэн шалгаж, мэдэрч, сонсож, хөхтэйгээ ярилцаж, хөхний өвдөлтгүй арчилгааг үргэлжлүүлэн хийж сүү сайтай байх тухай;
☝️ Олон янзын үнэтэй саалтуур, угж, соосог үнэхээр хэрэгтэй юу 😇🧐 ?
🧠 Хөхүүл хөх, хөхөөр хооллолттой холбоотой бусад хэрэгцээтэй практик мэдээллийг өгч, хөхний загвар дээр дадлага хийлгэж хөхний толгойн үзлэгийг хийж зөвлөгөө өгнө.

04/07/2026

Зарим эх нярайн хувьд хөхөөр хооллолт нь хөхөө #зөв #арчилж, зөв #амлуулсан байхад 🤗 ямар ч хүндрэлгүй байж болдог бол зарим эх, нярайд 🤔 жаахан хүндрэлтэй байх тохиолдол гардаг.
☝️Тиймээс ээж өөрийн мэдрэмждээ итгэж хугацаа алдахгүйгээр мэргэжлийн зөвлөгөө тусламжийг авах нь хамгийн чухал байдаг аа 🙇‍♀️.
#хөхүүлхөх #хөхүүлхөхнийөвдөлтгүйарчилгаа #хөхнийзангиралгаргах #зөвамлуулах #хөхнийсургалт #нярайгхөхөөрхооллох #горьдсонхөх

26/06/2026

🖲️Хэд хоногийн өмнө соосог болон угжнаас болж хөхөө хөхөхгүй болсон яг адилхан 2 тохиолдлын дуудлага дараалан ирэв.

🤱Төрөөд 4 хонож байгаа, давтан төрөгч 32 настай Д ээжийн “Хоёр хөх хатуурч, өөрөө сааж, сувилагчаар базуулж, шахуулсан ч суллаж чадахгүй байх шиг байна, төмөр зүүсэн юм шиг л хүнд мэдрэгдээд байна. Хүү 2 дахь өдрийн оройноос гэдийгээд хөхөө хөхөхгүй болсон, танд туслах боломж байна уу” гэсэн дуудлагыг хүлээн авч үйлчлэхээр очсон юм🏃‍♀️.

📢Олон ээжид соосогны талаар мэдээлэл өгөх зорилгоор Д ээжийн зөвшөөрснөөр энэхүү тохиолдлыг пост болгон хүргэж байна.

🧐Нөхцөл байдал: Ээж төрсний дараа хүүхдээ сайн амлуулж, хөхүүлж байсан. Анхны хүүхдэдээ соосог хөхүүлж байсан тул энэ удаа хөхүүлэхэд зүгээр л байх гэж бодоод төрсний дараах 2 дахь өдрийн өглөөнөөс соосгийг олон удаа, 1 удаа хөхүүлэхдээ нилээн удаан хөхүүлсэн байсан. Тэр оройноос нярай хөхөө хөхөхгүй гэдийж, хүчтэй уйлдаг болсон байв. Хүүхэд хөхөхгүй байгаа тул хөхөнд сүү хуримтлагдаж хөх хатуурч, зангирсан байв. Нярай аманд нь орсон хөхний толгойг мэдрэхгүй, хөхөхгүй уйлах боловч соосог болон гарын хурууг сайн хөхөж байв.

👩‍🍳Үзүүлсэн үйлчилгээ: Хөхөнд “Шидэт Күчү күчү” өвдөлтгүй арчилгаа хийсний дараа хөхний дүүрэлт, зангирал багасч зөөлөрсөн. Нярайн хатуу соосог хөхөх дадлыг зөөлөн хөхний толгой хөхөх дадал руу шилжүүлэх хөхүүлэлтийн дасгалуудыг олон удаа хийсний үр дүнд хөхийг дахин амлуулж, амжилттай хөхүүлж чадсан. Хөхүүл эхэд хөхөө өөрөө хэрхэн зөв шалгаж арчилах, гараар болон саалтуураар хэрхэн зөв саах аргыг зааж зөвлөгөө өгөв. Үйлчилгээ нийт 2 цаг гаруй үргэлжилсэн.

🤔Д ээжийн хувьд хүүхдийн хөхүүлэлт сайн тогтоогүй, хөхний сүү тогтворжоогүй байсан ба ❌хүүхдээ өлсөөд уйлах үед мөөмийг нь биш соосгийг өгөөд байсан нь 👶🧠🔄хүүхдийн хөхөө хөхөх дадлыг нь өөрчилж хөхний толгойны төөрөгдөл (ni**le confusion)-д хүргэж соосогны буруу хэрэглээг үүсгэсэн байна. Угжаар хооллолт бол үүнтэй яг адилхан байдаг.

☔️Тиймээс ээжүүд хөхөөр хооллох зорилготой л бол хүүхдэдээ анхнаасаа угж, соосгийг өгөх гэж яарах биш хөхийг зөв амлуулан хөхүүлэх нь хамгийн чухал байдаг.

🌞Хэрэв хүүхэд тайван, хөхөө сайн хөхдөг, хөхүүлэлт хэвийн байгаа бол соосог хэрэглэхгүй байсан ч бүрэн хэвийн байдаг.

Send a message to learn more

28/05/2026

Нярайн анхны дархлаа 💧💧💧

#ангир уураг #дөнгөж төрсний дараа хөхөө хэрхэн арчилах #ангир уургаар хооллох #зөв амлуулах

22/05/2026

Хүүхэд яагаад ойр ойрхон хөхөөд байдаг юм бол гэж бодож байсан уу? 👀

19/05/2026

Хөхний сүүний найрлаганы тухай 1 дүгээр хэсэгт ярьсан. 2-р хэсэгт маш чухал бүрэлдэхүүний талаар Байгалмаа эмч маань ярих болно. 😊



Цаашдаа илүү олон сонирхолтой мэдээлэлтэй уулзацгаая 😎😎😎