23/09/2024
Цөсний талаар таны мэдэхгүй баримтууд :
1. Цөсний хүүдийг мэс залын аргаар авахуулсны дараа ЦӨС -гүй болдог уу?
- ҮГҮЙ . Цөс нь цөсний хүүдийнээс үүсдэггүй. Харин элэгнээс хоногт 500-1000 мл цөс үүсч байдаг. Ийнхүү үүссэн цөс элгэн дундуур явах олон жижиг нарийн цөсний судлуудаар дамжин цөсний хүүдийд хуримтлагдана. Ходоодноос ходоодны хүчил, нойр булчирхайгаас фермент ялгарч мөн л хоол боловсруулахад оролцоно.
2. Цөсний хүүдийн үүрэг ба бүтэц
- Цөсний хүүдий нь цөсийг хадгалах үүрэгтэй ба ба элэгний доод гадаргууд байрладаг дунджаар 7-10 см урт, 3-5 см өргөн, 30-50 мл эзэлхүүнтэй лийр хэлбэртэй эрхтэн юм. Мөн цөс нь нарийн гэдсэнд байгаа хоолтой орж ирсэн бактерийг устгах үүрэгтэй.
3. Цөсний найрлага
- Цөсний найрлага : 80% нь цөсний хүчил , 16 % лицетин болон фосфолипид , 4% нь холестролын хольмог байдаг. Элгэнд үүсэх цөсний РН нь саармаг эсвэл шүлтлэг байдаг хэдий ч уураг ихтэй хоол хүнс буюу махан хоол хүнс их хэрэглэвэл илүү хүчиллэг болж өөрчлөгддөг.
4. Цөсний хүүдийн онцлог
- Өлөн үед ялгарсан цөсний 80% нь цөсний хүүдийд хадгалагдана. Цөсний хүүдий нь маш сайн шимэх чадвартай учир төдий хэмжээний нөөцлөлт хадгалалт хийх чадвартай юм. Нэгж тайлбайд оногдох шимэх чадвараараа цөснөөс илүү гарах эрхтэн хүний биед үгүй. Тиймээс цөсөнд агуулагдах натри , хлор , усыг маш хурдан хугацаанд шимэгдүүлж цөсийг 10 дахин өтгөрүүлж концентрацийг нь ч өөрчилдөг. Өглөө өлөн гарах нь эрүүл мэндэд муу байдаг нь ийм учиртай.
5. Цөсний хүүдийг мэс залын аргаар авснаар ЦӨС бусад эрхтэнд нөлөөлөх байдал.
- Гэдсэнд хоол орж ирснээр чацархайн мэдрэлийн үйл ажиллагааны нөлөөгөөр цөсний хүүдий нь тодорхой давтамжтайгаар агшин цөсөө нарийн гэдэс рүү ялгаруулна. Ийнхүү нэгэнт идэвхжсэн цөсний хүүдий 30-40 мин дотор нийт цөснийхөө 50-70% -г гадагшлуулна. Дараагийн 60-90 минутанд цөс хүүдийд дахин дүүрнэ. Ингээд дараагийн хоолыг боловсруулахад оролцотлоо хүүдийд хуримтлагдана. Иймээс монголчууд хоол идсэний дараа хэвтэх, суухыг цээрэлдэг байсан нь ийм учиртай ажээ.
Ийнхүү цөсийг хадгалах үүрэгтэй хүүдийг мэс заслын аргаар авсны дараа цөс байнга нарийн гэдэс рүү хаялдаг болох ба химийн найрлагаараа хүчил учир зэргэлдээх эрхтэн болох нойр булчирхайг гэмтээж байнга цочроодог болдог байна .
Цөс болон цөсний хүүдий нь хүний биед ямар чухал ач холбогдолтой болохыг та бүхэн дээрхи мэдээллээс харлаа. Тиймээс улиралд 1 удаа дотрын эмчид үзүүлэн ЭХО оношилгоо хийлгэж хоол болосруулах эрхтэн тогтолцооны үйл ажиллагаа байнга хянаж байх нь ЦӨСний чулуу үүсэхээс цаашлаад цөсний хүүдийгээ авахуулахаас сэргийлнэ.
Мэдээллийг бэлтгэсэн эмч : Б.Энх-Анун 🩺
Мдээллийн эх сурвал : medwave.mn ;
