23/07/2026
Мандуулын подкастын зочин клиникийн профессор, их эмч А.Буяндэлгэрийн ярилцлагыг харлаа. Хуваалцмаар мэдээлэл их байна аа. Буяндэлгэр эмч ингэж хэлж байна.
🎈 Би 2015 онд нэлээд жинтэй болсон, сахар ч их өссөн. Интернэт ухсаар байгаад Бернштэйн эмчийг олсон. 90 гаруй насандаа өөд болсон энэ хүн чихрийн шижингийн нэгдүгээр хэлбэрээр 12 насандаа өвдсөн байдаг юм. Тухайн үед ийм оноштой хүн 30 жилээс дээш амьдардаггүй байсан. Чихрийн шижингийн хоёрдугаар хэлбэрийг бүрэн эмчилж болох ёстойг баталсан эмч. Би тэр эмчийн аргаар өөрийгөө эмчилсэн. Эрүүл хооллосон. Хоёрхон сарын дотор миний сахар 7 байснаа 4 болсон. 93 кг-аас 73 кг болсон. Ер нь гурил хор гэдгийг хатуу ойлгочих ёстой юм. Эрүүл хүүхэд арван өдөрт нэг удаа гурил идээд явахад ямар ч асуудалгүй. Байнгын хэрэглээ болгож л болохгүй.
🎈Сахаргүй ундаа гэж байдаг даа. Дотор нь фруктоз хийчихсэн бдг юм. Фруктоз бол зөвхөн элгэнд очиж задардаг сахар. Элгийг өөхлүүлдэг. Элэг гэмтээдэг. Бүр хортой гэсэн үг. Фруктозын сиропыг ресторанууд их хэрэглэдэг. Рестораны хоол гоё амттай байдгийн учир энэ. Дэлгүүрт зардаг кимчи гоё амттай байгаа нь фруктозтай холбоотой. Кимчинд дуртай бол өөрөө хийж ид. Кетчуп, цуунд ч фруктоз бий. Хүн гэдэг биологийн төрөл зүйл өөрсдөд нь байгалиас заяасан хүнсээ идээд эв эрүүл явж байх ёстой юу, эсвэл арилжааны хүнс бүтээгдэхүүнд зориулж өөрийнхөө биед мэс засал хийлгэх ёстой юу гэж Бэрнштейн эмч хэлсэн байдаг. Ид шид чиний биед л бий, эм тарианд байхгүй.
🎈Дөрвөн нас хүртэл хүүхдэд нэг ч грамм чихэр өгч болохгүй гэж АНУ шим тэжээлийн зөвлөмждөө сая онцолчихлоо. Өмнө нь хоёр хүртэл нас гэж байсан юм. Монголчууд хүүхдэдээ бантан өгч хоолонд оруулдаг. Энэ буруу. Бага насны хүүхдэд цардуул, сахар огт өгөх хэрэггүй. Цардуул биед ороод шууд сахар болдог. Хар шөл, шар будаа, хөц будааны зутан гэх мэт олон сонголт бий.
🎈Бэлчээрийн малын маханд бүх төрлийн витамин, хүний биед үйлдвэрлэгддэггүй арван амино хүчил, ер хэрэгтэй бүгд бий.
🎈Байцааны төрлийн бүх ногоо эслэгийн эх үүсвэртэй. Цардуул агуулдаггүй учраас хамгийн бага сахар агуулагддаг. Тийм учраас хоолондоо байцаа хийж байх хэрэгтэй.
🎈Хиймэл хүнснээс татгалз. Нөөшилсөн, даршилсан, боловсруулсан хүнс тэр чигтээ химийн бодис.
🎈Өглөө талх, кофе, өдөр, орой гурил цардуултай хоол идээд тавь жаран жил болчихоор яаж эрүүл байх вэ дээ. Гурилны тухайд бүхэл үрийн байсан ч дотор нь цардуул бий. Цардуулыг нэг зажлаад л сахар болчихдог. Бууз идмээр бол гүзээн бууз байна. Энэ мэтээр гурилыг орлуулах өчнөөн боломж бий.
🎈Хүний биед архи ороод ирэхээр 10 хувь нь амьсгалаар, тодорхой хувь нь шээсээр шүлсээр гадагшилдаг. Үлдсэн 70, 80 хувь нь элгэнд очно. Архи орж ирсэн нь мэдэгддэг хор бол цардуул сахар мэдэгддэггүй хор. Өвчилж байж л хорыг нь мэдэрнэ.
🎈 Чихрийн шижинтэй хүнд илрэх нэг тод шинж нь ойрын ой санамжгүй болдог.
🎈Шведийн ЗГ 2014 онд ард түмэндээ уриалга гаргасан. Уламжлалт загасны мах, амьтны гаралтай өөх тос, цөцгийн тосоо түлхүү хэрэглээч гэсэн. Дараа нь өвчлөл арав дахин багассан. Ковидын үеэр карантилаагүй цор ганц улс шүү дээ, Швед. Бэрнштэйн эмчийн эмчилгээний аргыг Шведээс гадна Австрали гэх мэт хэд хэдэн улс нэвтрүүлсэн.
🎈Үр тариа идэхээр хүчилтөрөгчийн чөлөөт радикал үүсдэг. Тэр нь бидний биеийг гэмтээдэг. Жимс идвэл хүчилтөрөгчийн чөлөөт радикалын аюулыг арилгана гэдэг. Үнэн хэрэгтээ жимс бүр сахартай. Лимонд хүртэл сахарын агууламж бий.
🎈Оземпик айхтар гаж нөлөөтэй. Үүнийг хэрэглэсэн 500 хүн тутмын нэг нь нойр булчирхайн хурц үрэвсэлтэй болсон гэх статистик бий. Үүнээс ч илүү асуудал босч ирэх эрсдэлтэй. Тийм учраас оземпик байгалийн эсрэг, арилжааны бүтээгдэхүүн.
/хуулбар/
Эх сурвалж:
