https://www.facebook.com/357992254072982/

IYSM - International Yoga School of Mongolia, Zaisan, Shine Tuuliin hovoo hothon, Ulaanbaatar (2026)

Q: What is the address?

Zaisan, Shine Tuuliin Hovoo Hothon

01/09/2026

ТӨГСӨГЧДИЙН УУЛЗАЛТ
IYSM- International Yoga School of Mongolia нь төгсөгчидтэйгээ үргэлж холбоотой байж, хамтдаа суралцан хөгжиж, мэдлэг туршлагаа хуваалцдаг идэвхтэй, халуун дулаан community-г бий болгохыг зорьдог билээ.

Энэ удаад зуны дэлгэр сайхан цагийг хамтдаа үр бүтээлтэй өнгөрүүлж, төгсөгчид маань уулзан учирч, мэдлэг мэдээллээ солилцон, бие, сэтгэл, оюуны тэнцвэрээ сэргээх зорилгоор 3 өдрийн Тай Чи СЭВА сургалтыг зохион байгуулж байна.

ТАЙ ЧИ СЭВА — 3 ӨДӨР

9-р сарын 4
06:00–08:00
• Төгсөгчдийн уулзалт, мэдээлэл солилцох
• Тай Чи дасгал
• SOUND HEALING
Эхний өдөр хүрэлцэн ирсэн төгсөгч бүрт IYSM-ээс жижиг гарын бэлэгтэй.

9-р сарын 5
06:00–07:00
• Тай Чи дасгал

9-р сарын 6
06:00–07:00
• Тай Чи дасгал

River Garden хотхоны хөлбөмбөгийн талбай
Багш: Суман Бархас

3 өдрийн турш Инь ба Янгийн тэнцвэрт хөдөлгөөнөөр өглөөгөө эхлүүлж, биеийн алжаалаа тайлан, сэтгэл оюунаа төвлөрүүлж, эрч хүчээ хамтдаа сэргээцгээе.
IYSM-ИЙН НИЙТ ТӨГСӨГЧДӨД ҮНЭ ТӨЛБӨРГҮЙ
Мөн энэ оны сүүлээр IYSM нь төгсөгчидтэйгээ хамтран ажиллах, тэдний оролцоог нэмэгдүүлэх, сургуулийнхаа community-г улам идэвхжүүлэх олон шинэ ажлыг тогтмол зохион байгуулахаар ажиллаж байна. Энэ удаагийн ѳдѳрлѳгѳѳр манай сургуулийн тѳгсѳгч болох Khulan Odonchimeg маань СЭВА ѳдѳрлийн эхний ѳдѳр SOUND MEDITATION хүрэлцэн ирж буй хүмүүсдээ зориулан хийхээр болж байгааг мѳн дуулгахад таатай байна.

Энэхүү 3 өдрийн Тай Чи СЭВА сургалтад оролцох хүсэлтэй төгсөгчид маань коммент хэсэгт “ИРНЭ” гэж бичээрэй.

ХЭРЭВ ТАЙ ЧИ - ийн анхан шатны багшийн сургалт сонирхож байвал. "INFO" гэж бичээрэй. Бид 9 сарын 4-6 хүртэл зарлагдаж буй сургалтын талаархи мэдээлэл илгээх болно.

IYSM – Суралцана. Хөгжинө. Хуваалцана. Хамтдаа.

12/08/2026

MEDITATION RETREAT FOR BUSY PEOPLE
ЗАВГҮЙ ХҮМҮҮСТ ЗОРИУЛСАН БЯСАЛГАЛЫН ЦЭВЭРЛЭГЭЭ 🧘‍♀️✨

Их хотын завгүй амьдрал, ажлын ачаалал, өдөр тутмын стрессээс түрхэн зуур холдож, бие, сэтгэл, оюундаа амралт өгөх 3 өдрийн бясалгалын ретрит биднийг хүлээж байна.

📍 Улаанбаатар хотоос холгүй, цэвэр агаарт, Найрамдал зусланд байрлах Натурмед Сэргээн Засах Төвийн тав тухтай орчинд зохион байгуулагдана.

РЕТРИТИЙН ХӨТӨЛБӨРТ

🧘‍♀️ Бясалгал ба энергийн цэвэрлэгээ

Идэвхтэй бясалгалын олон төрлийн арга техникээр дамжуулан дотоод энергиэ цэвэрлэж, тэнцвэржүүлэн, эерэг энергиэр өөрийгөө цэнэглэх практикууд хийнэ.

Meditation for Busy People

Завгүй амьдралын хэв маягтай хүмүүст зориулсан бясалгалын тусгай хөтөлбөр.

Та өдөр тутмын амьдралдаа:

• 10–20 минутын дотор
• хаана ч, хэзээ ч
• бие даан хийх боломжтой

бясалгалын энгийн бөгөөд үр дүнтэй арга техникүүдийг сурна.

Эдгээр аргыг өдөр тутамдаа хэвшүүлснээр стрессээ бууруулж, мэдрэлийн системээ тайвшруулж, оюун санаагаа амраах дадлыг бий болгоход тань тусална.

ТӨЛБӨРТ:

• Бясалгал болон энерги цэвэрлэх хичээлүүд
• Эрүүл, зөв хооллолт
• 3 хоногийн байр
• Ретритийн бусад хөтөлбөрүүд багтсан.

📅 Хугацаа: 2026.08.21 – 2026.08.23
📍 Хаяг: Натурмед Сэргээн Засах Төв, Найрамдал

Баасан гаргийн 14:00-15:00 хүлээж авна. 15:00 ‘’Тавтай морил’’ эхний цугларалт
Ням гаргийн 15:00-16:00 төгсөлт 16:00-17:00 гэрийн зүг хөдөлнө.

📞 Утас: 99215469

Хүний тоо хязгаартай.
Өдөр тутмын хурдаас түрхэн зуур холдож, өөртөө цаг гарган, биеэ амрааж, оюунаа тайвшруулж, сэтгэлээ сэргээх 3 өдрийг өөртөө зориулаарай.

10/08/2026

ТАЙ ЧИ -ийн АНХАН ШАТНЫ БАГШИЙН СУРГАЛТ

АНУ-ын Тай Чи холбооны багш Суман Бархас-ын удирдлага дор Тай Чи-гийн анхан шатны багшийн сургалт зохион байгуулагдана.

Тай Чи гэж юу вэ?
Тай Чи нь Хятадын уламжлалт хөдөлгөөнт бясалгалын нэг хэлбэр бөгөөд удаан, зөөлөн хөдөлгөөн, зөв амьсгал, төвлөрөл, биеийн тэнцвэрийг хослуулан бие, сэтгэлийн уялдаа холбоог дэмждэг.

Тогтмол дадлага хийснээр:

🌿 Биеийн тэнцвэр, зохицуулалтыг дэмжинэ
🧘 Төвлөрөл, тайвшралыг нэмэгдүүлнэ
💪 Уян хатан байдал, хөдөлгөөний чанарыг сайжруулахад тусална
🌬️ Амьсгал болон хөдөлгөөний уялдааг хөгжүүлнэ
☯️ Бие, сэтгэл, оюуны нэгдлийг дэмжинэ

СУРГАЛТЫН БАГШ — СУМАН БАРХАС

Суман Бархас нь Yang Style Tai Chi-г 20 гаруй жил тасралтгүй судалж, дадлагажуулж, багшилж байна.

* 2005 онд Tai Chi: Moving for Better Balance хөтөлбөрийн Master Instructor & Trainer-аар сертификат авсан.
* АНУ-ын Oregon мужийн Public Health Division-ийн хүрээнд 300 гаруй Тай Чи багшийг бэлтгэн сургасан.
* Colorado, Florida, Nebraska мужуудад мөн багш бэлтгэх сургалт явуулсан.
* American Physical Therapy Association-ийн 2012 оны үндэсний хурлын урилгатай илтгэгч.
* Tai Chi for Arthritis, Tai Chi for Diabetes болон Qigong-ийн багшийн сертификаттай.
* E-RYT500 Yoga Teacher & Trainer, мөн Professional Yoga Therapist.

📅 СУРГАЛТЫН ХУВААРЬ

9-р сарын 4, 5, 6
⏰ 06:00–13:00

📞 Бүртгэл, мэдээлэл: 8008-5227

08/08/2026

Хөдөлгөөнөөр сүнсээ тэлэх ухаан.
Иогийн Жинхэнэ Нууц.

Хүмүүс иогийг бие уян хатан болгодог, стресс багасгадаг, булчин сулладаг энгийн дасгал хөдөлгөөн гэж ойлгодог.
Гэвч энэ нь зөвхөн өнгөц ойлголт юм.

Иогийн жинхэнэ зорилго нь хүн төрөлхтний дотоод хүчийг нээж, сүнсний түгжээ, айдас, уур, гомдол, удам дамжсан энергийн хүнд давхаргыг арилгаж, хүнийг өөрийн дотоод хүч рүү нь буцаан хөтлөхөд оршдог. Иог бол биеийн дасгал эсвэл спорт биш сүнсний замыг цэвэрлэж, хүнийг өөрийн жинхэнэ мөн чанартай нь холбодог эртний ухаан юм.

Хүн амьдралын явцад олон давхар дарамт, айдас, сэтгэлийн хүнд шаналлыг биеийн булчин, ялангуяа аарцаг, нуруу, хэвлий, мөрний орчимд шингээн хуримтлуулж эхэлдэг. Эдгээр хуримтлагдсан энерги нь хүний амьдралын урсгалыг хааж, амьдралд урам зориггүй, ядруу, түгжээтэй мэдрэмж төрүүлдэг. Иогийн хөдөлгөөн бүр эдгээр хатуурсан түгжрэлд хүрч, энергийн бөглөрлийг зөөлөн уусган суллаж, амьдралын хүчийг дахин урсгадаг. Иймээс иогийн нэг сунгалт ,нэг амьсгал бүр нь өнгөрсөн шарх, гомдол, айдас,хүнд давхаргыг биеэс суллаж гаргаж цэвэрлэж байдаг нууц эмчилгээ юм.

Иогийн гол түлхүүр нь амьсгал.
Амьсгал тогтвортой, гүн, уужуу болох үед хүний бодлын дуу чимээ намжиж, амьдралд яг юу хэрэгтэйгээ, ямар зам сонгохоо, юунаас татгалзах ёстойгоо илүү тод мэдэрдэг. Амьсгал бүр хүнийг өөрийн гүн төв рүү, зүрхний дотоод дулаан руу, амьдралын үнэн зөн рүү холбож өгдөг. Ийм төлөвт хүн амьдралаа илүү зөөлөн, илүү тодорсон, илүү баттай мэдэрч эхэлдэг.

Иог бол хүнийг гадаад ертөнцөөс таслаад, өөрийн дотоод орон зайтай нь холбодог хаалга. Иогийн мат дээр хөлөө тавих мөчид гадна амьдралын хурц, ширүүн долгион алга болж, хүн өөрийн сэтгэл, бие, амьсгал, сүнсээ жинхэнэ утгаар нь сонсож эхэлдэг. Хүн өдөр тутмын амьдралдаа ийм байдлаар төвлөрөх чадвар олж авбал амьдралын бүх салбарт харилцаа, ажил, бүтээлч байдал, мөнгөний урсгал, зорилго бүгд өөрөө тэгширч эхэлнэ.

Иогийн хамгийн гүн утга нь хүний сүнсийг өсгөх. Хүн иог хийсний дараа гэнэт амар тайван, хүчтэй, уужуу, тодорхой байдалд орж, амьдралынхаа дараагийн алхмыг зөв мэдэрдэг. Заримд нь зүүдний өнгө тодорч, заримд нь дотоод дуу хүчтэй сонсогдож, заримд нь амьдралд тохиох давхцлууд ихэсдэг. Энэ бол сүнс тэлж, энергийн давтамж өсөж байгаа илрэл. Иог бол хөдөлгөөнөөр хийгддэг сүнсний сэргэлт. Хүн иог хийх болгонд өөртөө би гэрэл, би хүч, би замаа мэднэ” гэдгийг сануулж байдаг. Тиймээс иогийн үнэн зорилго бол сүнсний хаалгыг нээж, хүнийг өөрийн дээд замтай нь холбох явдал юм.

Бие хөдөлвөл сүнс тэлнэ.
Сүнс тэлбэл амьдрал урсана.

07/08/2026

ИОГИЙН БАГШИЙН СУУРЬ МЭДЛЭГ ОЛГОХ 200 ЦАГ СУРГАЛТ #ОНЛАЙН ангийн төгсөгчдийн сэтгэгдэлээс хүргэж байна.

🪷Сургалт эхлэхэд 3️⃣ хоног үлдлээ. Та амжиж бүртгүүлээрэй.
🗓️2026.08.10 - 2026.10.21 хүртэл
Даваа-Баасан гарагт өглөөний 06:00-09:00

☎️8008-5227;

05/08/2026

Иог миний амьдралд

“Та өөрийгөө юу гэж харна, түүгээрээ амьдарна” гэдэг үгсээр энэхүү эссэгээ эхлэе гэж бодож байна. Хүний амьдрал гэдэг бидний алган дээр зурагдсан зурлага шиг ил тод харагдаад л тэрнийгээ хүссэн үедээ өөрчилж зурж болдог бол хүссэнээрээ сайхан амьдрах байсандаа гэж хүн болгон боддог байх. Гэхдээ зарим нь үгүй ч байж магадгүй л дээ . Би бол тэгж л боддог байсан . Яагаад боломжгүй гэж…

Магадгүй энэ бодол иогоор илүү хичээллэж , илүү мэдэх хүсэлтэй ойртуулсан ч байж болно шүү дээ. Сүүлийн нэгээс хоёр жилийн
хугацаанд миний хувьд сэтгэл зүй болоод бие махбодийн их өөрчлөлтөнд орсон хүндхэн жилүүд болж өнгөрсөн юм. Хүссэнээрээ сайхан амьдрах өнөөх бодол чинь боломжгүй болоод ирсэнтэй л холбоотой юм шиг байгаа юм л даа. Тэгээд өөрийгөө санаандгүй байдлаар ядаж турах нь чухал гэсэн бодлоос буцаад иог хийхээр боллоо. Гэтэл яг үнэндээ нөгөө хүссэнээр болж өгөхгүй байгаа биеэ биш доторх жинхэнэ хүнээ, өөрийнхөө сэтгэл зүйг , сэтгэл зүрхээ тордож хайрлах нь чухал гэдгээ ойлгож авсан юм. Ингээд удаачгүй багшийн сургалтанд сууж өглөө болгон
тогтсон цагт босоод аль хэдийн хоёр сарын хугацааг өнгөрүүлчихэж…

Хамгийн гайхалтай нь эндээс би өөрийнхөө тэр хүссэн хүнээ, амьдралаа хажуугийн хэн нэгнээс хүсээд яваад байсан нь тодорхой болсон. Өөрөөсөө л эхлэх ёстой гэсэн жижигхэн бодол маань илүү том болж
хувирсан. Бид нар бүгд л өөрийгөө хайрлая , сэтгэл зүрх, оюун бодлоо эмчлэх ёстой гэдгээ маш сайн мэддэг хэрнээ эцэстээ юунаас эхлэхээ нэг бол хэтэрхий амин хувиа бодсон бодолдоо автчихсан явж байдаг юм
байна лээ. Зүгээр л бүх зүйлээс маш их юм хүсдэг хүсэл шуналдаа өөрийгөө ороочихсон нэг мэдэхэд хүн болгонд ингэж их сэтгэл гаргаж байхад яагаад би биш гэсэн аминчхан бодолдоо төөрсөн нь тэр.

Яг одоо байгаагаар нь хүлээж авч чадахгүй, байгаа бүхэндээ талархах сэтгэлгүй, бүх юмыг өөрийнхөө хүссэнээр байлгах гэсэн тийм шунал хүсэл битүүхэн байснаа ойлгож авсан. Эцэстээ иог миний харах өнцгийг өөрчилсөн. Жишээ нь: дасгал хөдөлгөөнийг зүгээр л хурдан хийгээд турах хэрэгсэл биш урт хугацаандаа таны биеийг эрүүлжүүлж насан туршийн сэтгэл ханамжийг бий болгоно гэж итгэж өдөр өдрөөр өөрт гарч байгаа жижигхэн өөрчлөлтийг хайрлаж сайхан өнцгөөс харж эхлэхэд нэг ч гэсэн сэтгэлийн чулууг чинь хөнгөлнө. Би гэхэд л өглөө болгон босоод ганцхан дасгалаас гадна хүнд амьсгал, хооллолт, дотроо бодох бодол, хүлээж авах өнцөг тань хүртэл ямар чухал вэ? гэдгийг бага багаар ойлгох гээд явж байна.

Хүн болгон заавал жаргалтай эсвэл зовлонтой амьдрахдаа биш яг одоо таньд юу тохиолдож байна түүнийгээ л одоогоор нь мэдрэх хүлээж авах явдал юм. Тэр амьдралаа, тэр сэтгэлийн шархаа, тэр нулимсаа, тэр гомдол гунигаа, тэр инээд баярыг, тэр бие махбодио, тэр бүх зүйлийг гоё сайхан болгох гэж хүчлэхгүйгээр хүлээж авах нь л чухал байж. Бүх юм цаг хугацаатай та бид юмсыг яаж хүлээж авна тэр хэрээр бүх зүйл өөрчлөгдөж байгаа юм. Иог миний амьдралд илүү тайван, гүн гүнзгий, байгаагаараа тийм л утга учиртай нөлөөлж эхэлсэнд баяртай байна. Энэ мэдрэмжийг ганцаарахнаа бус олон хүнд түгээх юмсан гэсэн бяцхан мөрөөдөл надад бий.

Ингээд эссенийхээ төгсгөлд 1893 онд Чикаго хотод болсон “Дэлхийн шашны парламент” нэртэй чуулганд Энэтхэгээс Хинду шашны хуварга ирж илтгэл тавьснаар иогийн орчин үеийн түүхийг эхлүүлсэн хэмээн үздэг ШИНЭ үеийн хөдөлгөөний анхдагчдийн нэг болох Свами Вивеканандагийн “Хүн бүрийн хувь заяа нь өөрийнх нь гарт бий…’’ хэмээх үгээр дуусгаж байна.

01/08/2026

YOGA TEACHER TRAINING ONLINE COURSE 200-HOURS
2026.08.10-нд эхлэх Олон улсад багшлах эрхтэй, Иогийн багшийн суурь мэдлэг олгох 200 цагийн #ОНЛАЙН хөтөлбөртөө та бүхнийг урьж байна.

Манай сургалт нь эртний уламжлалт иогийн мэдлэгийг орчин үеийн арга барилтай хавсарсан өргөн хүрээний программаар явагдана.

Дэлхийн хаанаас ч эх орондоо байгаа мэт суралцах боломжийг бид бүрэн хангасан.

?
🔸 Иогийн хичээллэлт, мэдлэгээ гүнзгийрүүлэн илүү боловсронгүй болгох
🔸Өөрийн амьдралын хэв маягт эрүүл, эерэг, сайн сайхан зүйлсийг бий болгохыг хүсэгч
🔸 Цаашлаад бусдад иог заах хүсэлтэй иогийн талаар судлахыг хүссэн ямар ч түвшний хэн бүхэнд нээлттэй.
Манай сургууль Олон Улсын түвшин, Yoga Alliance байгууллагын стандартын дагуу Гадаад болон Монголын арвин туршлагатай 10 гаран багш нарын мэдлэг, туршлагад суурилсан сургалт, хөтөлбөрөө хэрэгжүүлдэг.

✅ 100% ОНЛАЙН АНГИ
▪️ХЭЗЭЭ: 2026.08.10 - 2026.10.21 хүртэл Даваа, Мягмар, Лхагва, Пүрэв, Баасан гараг бүр өглөө 06:00-09:00 цагийн хооронд онлайнаар хичээллэнэ. 3н сар үргэлжлэх гайхамшигтай иогийн аялалд тавтай морилно уу.

🔔Сургалтад сууснаар авах Сертификат: “All types - Yoga teacher” Yoga Alliance RYT200 from IYSM
Хэрэв та бүртгүүлэхийг хүсвэл:
1. Овог
2. Нэр
3. Холбоо барих утас
4. E-mail
5. Facebook account хаягаа үлдээнэ үү.
💡Бүртгүүлсэн сурагчдад дэлгэрэнгүй заавар өгөх болно.
Холбоо барих: 8008-5227

25/07/2026

НУРУУНЫ ИОГИЙН БАГШ БЭЛТГЭХ ХӨТӨЛБӨР 25 ЦАГ 100% ОНЛАЙН

✅Энэхүү сургалтын гол зорилго нь:
Нурууны ѳвдѳлт түүнээс урьдчилан сэргийлэх иогийн дасгал арга техникүүд, түүнийг эмчилгээний иогтой хослуулан хэрэглэх аргачлалыг суралцагч нарт таниулахад оршино. Үүний тулд нурууны доод үеийн ѳвдѳлт, ташаа, өвдөгний үеийн ѳвдѳлт зэрэг асуудлууд үүсдэг гол шалтгаануудыг анатомитой холбогдуулан дэлгэрэнгүй тайлбартайгаар мэргэжлийн физик терапист багш нар заах юм. Энэхүү Олон Улсын Сертификаттай 25 цагийн сургалт нь онол, практикт тулгуурлан явагдах болно.

:
✅Иог ба орчин үеийн ортопедийн эмчилгээний талаархи танилцуулга
✅Ерѳнхий анатоми болон нуруунд хамааралтай анатомийн хичээл
✅Нурууны зѳв байрлал болон эмгэг судлалын анатоми
✅Нурууны эмгэг судлал
✅Нурууны ѳвдѳлтийн талаарх дэлгэрэнгүй мэдээлэл
✅Нурууны байрлалыг тодорхойлох арга техник
✅Хамгийн түгээмэл тохиолддог асуудлууд болон түүнд зориулагдсан асана дасгал
✅Аюулгүй байдал болон тайлбарууд
Олон улсын иогийн эмчилгээ хийх эрхтэй, Иога Терапист (C-IAYT), Намасте Иог Хаус Шала-н үүсгэн байгуулагч, 10-аад жил иогийн эмчилгээгээр сколиосисыг эмчилж байгаа туршлагатай багшийн хөтөлбөрөөр
🧘‍♀️E-RYT500, E-RYT200, IAYT зэрэгтэй,
🧘‍♂️Хүний их эмч мэргэжилтэй, E-RYT500, E-RYT200, YACEP зэрэгтэй нар удирдан явуулна.
🗓Хугацаа:
08 сарын 27,28,29,30-нд 10:00-16:00
📞8008-5227;

09/07/2026

ТАЙ ЧИ (太极拳) – БИЕ, АМЬСГАЛ, ОЮУНЫГ НЭГТГЭХ ЭРТНИЙ УРЛАГ

Тай Чи (Tai Chi Chuan) нь эртний Хятадын дотоод тулааны урлагаас үүсэлтэй бөгөөд өнөө үед бие, амьсгал, оюун санааг тэнцвэржүүлэх хөдөлгөөнт бясалгалын нэгэн хэлбэр хэмээн өргөнөөр танигдсан байдаг.

Түүний үндэс нь Даоист гүн ухаан, Инь–Ян (эсрэг тэсрэг хүчний тэнцвэр) болон Чи (амин энерги)-ийн ойлголт дээр суурилдаг. Тай Чигийн хөдөлгөөнүүд нь удаан, зөөлөн, тасралтгүй урсгалтай бөгөөд амьсгал, төвлөрөл, биеийн хөдөлгөөнийг нэгэн хэмнэлд нэгтгэдэг.

Тай Чигийн үндсэн зарчмууд:
• Хүчээр бус, зөөлөн бөгөөд ухаалаг хөдөлгөөнөөр биеийг удирдах
• Амьсгал ба хөдөлгөөнийг уялдуулах
• Биеийн төв (Дан Тянь)-ээс хөдөлгөөнийг эхлүүлэх
• Дотоод тайван байдал, тэнцвэрийг хөгжүүлэх

Орчин үеийн судалгаагаар Тай Чи нь:
• Тэнцвэр болон зохицуулалтыг сайжруулах
• Үений уян хатан байдал, булчингийн хүчийг дэмжих
• Стресс, түгшүүрийг бууруулах
• Анхаарал төвлөрөл, сэтгэл санааны тогтвортой байдлыг дэмжихэд тустай болохыг харуулжээ.

Иогтой харьцуулбал Тай Чи нь амьсгал, хөдөлгөөн, дотоод энергийн урсгалд төвлөрдөг гэдгээрээ төстэй боловч, тасралтгүй урсгалтай дараалсан хөдөлгөөнөөр илэрхийлэгддэг онцлогтой.

Өнөөдөр Тай Чиг дэлхийн олон оронд бүх насны хүмүүс эрүүл мэндээ дэмжих, хөдөлгөөний чанараа сайжруулах, дотоод амар амгаланг хөгжүүлэх зорилгоор тогтмол дадал болгон хийдэг болсон байна

ТАЙ ЧИ-ийн СУРГАЛТ ТУН УДАХГҮЙ.....

08/07/2026

ИОГИЙН БАГШ БЭЛТГЭХ 200 ЦАГ хөтөлбөрийн #58дахь удаагийн #ТАНХИМ-ын анги маань амжилттай төгсөж ёслол төгөлдөр сертификатаа гардан авлаа 👏

Сэтгэл зүрхээ зориулан мэдлэг туршлагаа хуваалцсан хүндэт багш нартаа гүнээ талархал илэрхийлье. 🙏🙏🙏

🏅Хичээнгүйлэн суралцсан шинэхэн багш нарын минь цаашдын Иогийн зам мөр нь дардан байж, сурсан зүйлсээ илүү дэлгэрүүлэн суралцан хөгжүүлж, бусдад аз жаргал, гэрэл гэгээг түгээж байхыг хүсэн ерөөе!

Иогийн ач тус улам бүр түгэн дэлгэрч байх болтугай 🙏

IYSM - International Yoga School of Mongolia

01/09/2026

12/08/2026

10/08/2026

08/08/2026

07/08/2026

05/08/2026

01/08/2026

25/07/2026

09/07/2026

08/07/2026

Address

Telephone

Website

Alerts

Contact The Practice

Shortcuts

Share

Category

Listing takedown request