30/01/2026
#Золбоо #эмчийн #зөвлөгөө
Эстроген болон гистамины харилцан холбоо
Өндөр эстроген ба гистамины түвшин
Эстроген бол эмэгтэйчүүдийн нэг төрлийн даавар гэдгийг бараг хүн бүр мэднэ. Тэгвэл гистамин гэж юу вэ? Биологийн идэвхит бодис – дархлааны системд оролцдог, харшлын урвалын үед ихээр ялгардаг, мэдрэл дамжуулалтад болон хоол боловсруулалтад тодорхой үүрэг гүйцэтгэнэ,
Гистамины түвшин таны эстроген дааварт нөлөөлдөг гэдгийг мэдэх үү?
Энэ нь олон зүйлд нөлөөлдөг:
- Сарын тэмдгийн өмнөх хамшинж - PMS
- Сарын тэмдэг их хэмжээтэй ирэх
- Харшил, арьсны асуудлууд
- Сэтгэл түгших эмгэг болон сэтгэл санааны байдал савлах, ааш зан өөрчлөгдөх
Эстроген хэрхэн гистаминыг ихэсгэж байна вэ?
- Эстроген даавар шигүү мөхлөгт эсийг өдөөдөг –гистамины ялгаралт ихэснэ - дархлааны эсүүд харшлын урвал өрнүүлж эхэлнэ
- Гистамин нь эргээд эстрогений үйлдвэрлэлтийг нэмэгдүүлж, эргэх цикл үүсгэнэ.
- Прогестерон нь шигүү мөхлөгт эсийг тогтворжуулж, гистаминыг эсэргүүцдэг
- Гэвч хэрвээ прогестерон бага байгаад байвал гистамин хяналтгүй ажилладаг
- Үр дүнд нь илүү их харшил, үрэвсэл, даавар хамааралт шинжтэмдэг, зовиурууд үргэлжилнэ.
Яагаад гистамин сарын тэмдэгтэй хамааралтай зовиур, шинж тэмдгүүд үүсгээд байна вэ?
Үүнд тухайлбал: толгой таллаж өвдөх буюу мигрень, гэдэс дүүрэх, цанхайх, сэтгэл түгшилт зэрэг сарын тэмдгийн өмнөх болон сарын тэмдгийн үеийн өөрчлөлтүүд орно.
- Овуляци болохын өмнө, сарын тэмдгийн өмнө үед эстрогений хэмжээ ихэсдэг – энэ нь гистаминыг ихэсгэх хүчин зүйл болно
- Прогестероны хэмжээ сарын тэмдгийн өмнө багасч, ингэснээр шигүү мөхлөгт эсийг тогтворжуулах нөлөө багасдаг
- Энэ нь сарын тэмдэг ирэхийн өмнөх хамшинж, гистамины ихсэлтээс үрэвсэл, харшлын шинжүүд ихсэх нөхцөл болдог.
Гистамины түвшин өндөр байх нь :
Эстроген зохих хэмжээнд байгаагүйгээс гистамин хуримтлагдаж:
- PMS буюу сарын тэмдгийн өмнөх хамшинж, өвдөлттэй ирэх болон их хэмжээтэй ирэх
- Сарын тэмдгийн өмнөх толгойн өвдөлт, мигрень
- Арьсны загатнаа, экзем,
- Улирлын харшил, хамрын салстын үрэвсэл, хамар битүүрэх
- Хоол боловсруулах замын асуудлууд (гэдэс дүүрэх, бөөлжис хүрэх, гүйлгэх гэх мэт)
- Сэтгэл санааны тогтворгүй байдал, зан аашийн өөрчлөлтүүд, түгшимтгий, цочимтгой болох гэх мэт асуудлуудыг үүсгэхэд нөлөөлнө.
Гистамины баланс буюу тэнцвэрт байдалд элэг болон гэдэсний үүрэг
Таны гэдэс болон элэг эстрогеныг болон гистаминыг задлах түлхүүр юм:
Гэдэсний эрүүл мэнд:
- ДАО энзим нь (диамин оксидаза)гэдсэнд гистаминыг задлах ажлыг хийдэг
- Дисбиоз буюу ашигтай болон ашиггүй бактерын тэнцвэр гэдсэнд алдагдах нь гоожимхой гэдэс буюу SIBO үүсэх нөхцөл болдог ба ДАО энзимийн түвшинг бууруулж, эргээд гистамины үл тэвчил буюу intolerance үүсгэх нөхцөл болдог
Элэгний хоргүйжүүлэх үйл явц:
- Элэг нь эстрогенийг 1,2- р үе шатыг хоргүйжүүлэх замаар бодисын солилцоонд оруулдаг
- Элэгний үйл ажиллагаа сул байх, удаашрах нь эстроген хуримтлагдах, илүү их гистаминтай холбоотой асуудлуудыг үүсгэх нөхцөл бонэ болон эстрогены хэмжээ тохирох түвшинд байх үндэс болно.
Эстроген болон гистамин тэнцвэртэй байхад:
- Элэгний үйл ажллагааг дэмжих, хоргүйжүүлэх
- Гэдэсний үйл ажиллагааг дэмжих, ингэснээр ДАО энзимийн түвшин сайн байх
- Шигүү мөхлөгт эсийг тогтворжуулж, гистамин ихэсхээс сэргийлэх
Үүний тулд яах вэ?
- Эмэгтэйчүүдийн эрүүл мэнд –умай, үтрээ, өндгөвчийн эрүүл мэндийг сайн байлгах / эмэгтэйчүүдийн эмчийн тогтмол үзлэг, шинжилгээнд хамрагдах/
- Элэгний үйл ажиллагааг дэмжих – эстроген, гистаминыг зохих түвшинд байлгах нь элэг хоргүйжүүлэх үйл ажиллагааг дэмжихтэй салшгүй холбоотой
- Биеийг тайвшруулах, тогтворжуулах – энэ нь шигүү мөхлөгт эсийг тогтвортой байлгах, гистамин ихсэхээс сэргийлэх үндэс болдог / бясалгал, амьсгалын дасгал хийх г.м/
- Биеийг эрүүлжүүлэх – идэх хоол хоол хүнсэндээ анхаарч, биеийн ерөнхий дархлааг дэмжих / дархлааны эсүүд гэдэснээс маш их хамааралтай байдаг /
Номзүй , судалгааны материал:
- J Allergy Clin Immunol, 2001
- Mol Endocrinol , 2010
- J Endocrinol Invest, 2017
"MedCare Clinic" эмнэлэг
Хаяг: Хан-Уул дүүргийн 18- р хороо, Токио таун 50е байр
Цаг авах утас : 72000070
