Дотрын эмч - жирэмсний Д.Гэрэлмаа

24/04/2026

World Health Organization (WHO)
Дэлхийн Эрүүл Мэндийн Байгууллагын (ДЭМБ) хамгийн сүүлийн үеийн зөвлөмжийн дагуу хэвийн явцтай жирэмслэлтийн үед хамгийн багадаа 1 удаа, харин жирэмсний хяналтын нийт хугацаанд 3-4 удаа ЭХО оношилгоонд орохыг зөвлөдөг.
​ДЭМБ-ын удирдамжид заасан үндсэн хугацаануудыг доор дэлгэрэнгүй тайлбарлав:
​🩺 ДЭМБ-ын удирдамжаар ЭХО-д үзүүлэх хугацаа:
​Жирэмсний эрт үе (24 долоо хоногоос өмнө):
​ДЭМБ-аас жирэмсэн эх бүрийг жирэмсний 24 долоо хоногоос өмнө (ихэвчлэн 11-13 долоо хоногтойд) дор хаяж нэг удаа ЭХО-д үзүүлэхийг зөвлөдөг.
​Зорилго: Жирэмсний хугацааг нарийн тогтоох, олон төрөлт (ихэр) эсэхийг мэдэх, ургийн гаж хөгжлийг эрт илрүүлэх.
​Ургийн бүтцийн ЭХО (18-24 долоо хоног):
​Энэ хугацаанд ургийн эрхтэн тогтолцооны хөгжлийг нарийвчлан шалгана.
​Зорилго: Зүрх, тархи, нуруу нугасны хөгжил болон ихэсийн байрлалыг хянах.
​Жирэмсний хожуу үе (32-36 долоо хоног):
​Хэдийгээр ДЭМБ хэвийн жирэмслэлтэд заавал 3 дахь ЭХО-г шаарддаггүй ч, олон улсын практикт ургийн өсөлт, усны хэмжээ, байрлалыг шалгах зорилгоор энэ үед үзэхийг зөвлөдөг.
​📌 Монгол улсын ЭМЯ-ны стандартаар:
​Монгол улсын жирэмсний хяналтын заавраар хэвийн явцтай жирэмсэн эхийг 3 удаа ЭХО оношилгоонд заавал хамруулахаар заасан байдаг:
​11-13 долоо хоногтойд: Эрт үеийн оношилгоо.
​18-22 долоо хоногтойд: Ургийн бүтцийн оношилгоо.
​32-36 долоо хоногтойд: Төрөхийн өмнөх хяналт

👇
​⚠️ АНХААРАХ ЗҮЙЛС БОЛОН ЗӨВЛӨМЖ 🚨
​Жирэмсний хяналтын явцад дараах тохиолдолд товлосон хугацааг хүлээлгүйгээр яаралтай эмчид хандаж, ЭХО оношилгоо хийлгэх шаардлагатайг анхаарна уу:
​🩸 Үтрээнээс цус эсвэл цусархаг зүйл гарах: Энэ нь ямар ч үед тохиолдсон яаралтай тусламж авах дохио юм.
​⚡ Хэвлийгээр хүчтэй базлах, өвдөх: Умай агших эсвэл бусад эрсдэлт хүчин зүйлээс шалтгаалж болзошгүй.
​💧 Ургийн ус хугацаанаас өмнө гарах: Ус гарах эсвэл нэвчих шинж тэмдэг илэрвэл хойшлуулж болохгүй.
​👣 Ургийн хөдөлгөөн цөөрөх эсвэл мэдрэгдэхгүй болох: Жирэмсний хожуу хугацаанд хүүхдийн хөдөлгөөнийг хянах нь маш чухал.
​🤒 Халуурах, толгой хүчтэй өвдөх, хараа бүрэлзэх: Энэ нь даралт ихсэх болон бусад жирэмсний хүндрэлийн шинж байж болно.
​💡 ЭЭЖҮҮДДЭЭ ӨГӨХ ЗӨВЛӨГӨӨ ✨
​📅 Хяналтаа бүү таслаарай: ДЭМБ-аас зөвлөсөн болон эмчийн товлосон хугацаанд үзлэгтээ тогтмол хамрагдах нь эх, ургийн эрүүл мэндийн баталгаа юм.
​🧘 Сэтгэл санаагаа тайван байлга: ЭХО оношилгоо нь бүрэн аюулгүй арга тул айж сандрах хэрэггүй. Энэ бол бяцхан үртэйгээ уулзах хамгийн нандин мөч билээ.
​📑 Шинжилгээний бичгээ хадгал: ЭХО-д харуулах бүртээ өмнөх хариунуудаа эмчдээ үзүүлж, өсөлтийг нь харьцуулж хянуулаарай.

​МЭБЭНСХ 🏥
​📌 Хэрэгтэй мэдээлэл бол Save хийж аваарай.
📢 Бусад ээжүүддээ Share хийж түгээгээрэй! ✨
✅ Илүү их мэдээлэл авахыг хүсвэл манай хуудсыг Follow хийхээ мартав аа! 🙌

​⚠️ ​Зөвлөмж: ЭХО оношилгоо нь дууны долгионоор ажилладаг тул эх болон урагт ямар нэгэн цацрагийн хор нөлөөгүй, аюулгүй арга юм. ✨
​МЭБЭНСХ 🏥
​📌 Хэрэгтэй мэдээлэл бол Save хийж аваарай.
📢 Бусад ээжүүддээ Share хийж түгээгээрэй!
✅ Илүү их мэдээлэл авахыг хүсвэл манай хуудсыг Follow хийгээрэй.

​ #Анхааруулга #ЭрүүлМэнд #Жирэмслэлт #ЭХО #ЭэжүүдэдЗөвлөгөө #УргийнХөгжил

Монголын Эх Барих Эмэгтэйчүүд,Нярай Судлалын Холбоо

20/04/2026

▶️ #ДэлхийнЭлэгнийӨдөр
⚕️Энэ өдөр бол хүний биеийн хамгийн шаргуу ажилладаг эрхтнүүдийн нэг болох #Элэг-ийг "ойлгох-таних" өдөр юм. Элэг нь биеийн хамгийн том дотор эрхтэн бөгөөд хоол хүнсийг энерги болгон хувиргах, биед шаардлагатай амин дэмийг хадгалах, халдвартай тэмцэх, хорт бодисыг биеэс гадагшлуулах зэрэг өдөр бүр 500 гаруй төрлийн амин чухал үүргийг гүйцэтгэдэг.
Элэг маш их ачаалалтай ажилладаг тул элгээ хамгаалах нь таны ерөнхий эрүүл мэнд, сайн сайхан байдалд өргөн хүрээний ач тустай. Энэ жилийн хувьд дэлхий нийтээрээ "Тууштай дадал - Эрүүл элэг" уриатайгаар тэмдэглэж байгаа бөгөөд амьдралын хэв маягийн жижиг боловч тогтвортой өөрчлөлт, сонголтууд нь элэгний эрүүл мэндэд чухал гэдгийг сануулж байна. Зөв хооллох, идэвхтэй хөдөлгөөнтэй байх, согтууруулах ундааг хязгаарлах, жингээ хэвийн хэмжээнд барих зэрэг нь элгээ хамгаалж, урт хугацааны эрүүл мэндээ дэмжихэд тусална.
Насанд хүрэгчдийн дундах элэгний өвчлөлийн 90 орчим хувь нь урьдчилан сэргийлэх боломжтой байдаг ч аутоиммун болон удамшлын шалтгаант элэгний эмгэгтэй олон мянган хүн бий. Эдгээр нь урьдчилан сэргийлэх боломжгүй ч элэгний эрүүл мэндээ хамгаалах, сайжруулах алхмуудыг зөв, тууштай хэрэгжүүлсэнээр эерэг үр дүнд хүрэх боломжтой юм.
Ийм төрлийн өвчнүүдийн нэг бол #жирэмснийхолестаз буюу юм. Энэ нь зөвхөн жирэмсний үед тохиолддог удамшлын ба дааврын шалтгаант эмгэг бөгөөд зөв оношилж, хянаснаар урагт үүсэх эрсдлээс сэргийлэх боломжтой. Миний бие энэ өвчнийг таниулах, зөв оношлох, хянах хүрээнд анхны эмнэлзүйн удирдамжийг боловсруулан удахгүй батлагдахыг хүлээж буй... 🙂
Элэгний эрүүл мэндийн талаарх дэлгэрэнгүй мэдээллийг авахыг хүсвэл доорх линкээр ороорой. Миний мэдээлэл авдаг эх сурвалжуудын нэг: https://ow.ly/bHry50YMiaS
#элэгнийэрүүлмэнд #Элэг

15/03/2026

ICP-ийн судалгаа олон улсад улам л нарийн түвшинд хийгдсээр байна. Энэ чиглэлийн жинхэнэ экспертүүдийн хийсэн судалгаагаар бол ICP нь зөвхөн эхийн элэгний үйл ажиллагааны түр зуурын хямрал биш, харин "урт хугацааны асуудал" буюу дараагийн үеийнхний бодисын солилцооны хэв шинжийг өөрчилдөг болохыг энэхүү судалгааны үр дүнгүүд харуулж байна.
Өөрөөр хэлбэл: Эхийн цусан дахь цөсний хүчлийн түвшин өндөр байх нь хүүхдийн гэдэсний микробиомыг болон бодисын солилцоог "эмзэг" болгож улмаар хүүхэд хэвийн хооллолттой, эрүүл харагдах боловч, ирээдүйд "Өрнөдийн хоолны дэглэм" (өөх тос, чихэр ихтэй) идэж эхлэхэд бусад хүүхдээс илүү амархан таргалах, чихрийн шижин тусах эрсдэлтэй болох, мөн өөх тосыг боловсруулахдаа тааруу нэгэн болох гэнэ. Иймээс бид ICP-тэй эхээс төрсөн хүүхдүүдийг ч бас үргэлжлүүлэн хянах шаардлагатай болох нь...

Children of mothers with intrahepatic cholestasis of pregnancy (ICP) are more likely to develop metabolic disease later in life. Using a mouse model of gesta...

11/03/2026

🧘‍♀️ 🤰Жирэмсний үед хийж болох аюулгүй дасгалууд

Жирэмсэн үед хамгийн гол нь "биеийн халууныг хэт өсгөхгүй" байх, мөн "амьсгаадахгүй" (ярьж чадахуйц хэмжээний ачаалал) хэмжээнд дасгал хийх нь чухал.

👫Алхалт (Хамгийн аюулгүй):

Өдөрт 20–30 минут цэвэр агаарт тайван алхах. Энэ нь зүрх судасны үйл ажиллагааг дэмжиж, хавагнахаас сэргийлнэ.

🧘Жирэмсний Иог (Prenatal Yoga):

Уян хатан байдлыг нэмэгдүүлж, зөв амьсгалж сурахад тусална. (Төрөх үед амьсгалаа удирдах нь маш чухал байдаг).

Анхаар: Гэдэс шахах эсвэл нуруугаараа удаан хэвтэх байрлалаас зайлсхий.

🏊‍♀️🩱Усан сэлэлт:

Ус нь биеийн жинг хөнгөвчилж, үе мөчний ачааллыг багасгадаг. Нурууны өвдөлттэй ээжүүдэд хамгийн тохиромжтой.

🧍‍♀️Кегелийн дасгал (Аарцгийн ёроолын булчин):

Төрөх үед болон төрсний дараах нөхөн сэргээлтэд хамгийн чухал дасгал. Шээс задгайрах болон бусад асуудлаас сэргийлнэ.

🚫 Зайлсхийх хөдөлгөөнүүд⛔️
Унах эрсдэлтэй спорт: Морин уралдаан, цана, дугуй (2-р триместерээс хойш тэнцвэр алдагдах магадлал ихэсдэг).

Гэдэсний таталт: Гэдэсний булчин чангалах хүнд дасгалууд.

Хэт халуун орчин: Халуун иог (Hot Yoga) эсвэл саун.

Үсрэх, цогих: Сагсан бөмбөг, волейбол зэрэг биеийн контакттай спортууд.

Энэ мэдээлэл хэн нэгэнд хэрэгтэй санагдвал цааш түгээгээрэй.
Доорх зурагт жирэмсний 3, 3 сараар хийж болох иогийн байрлалуудыг харуулсан 🌞
#жирэмснийдотрынэмч #жирэмсэнүеийнэлэгнийөвчин #Жирэмсэн

11/03/2026

.

🫁Уушгинд mucociliary escalator буюу цэр гадагшлуулах дотоод цэвэрлэгээний механизм байдаг. Эдгээр нь сормуус мэт хэлбэртэй жижиг бүтэцүүд (cilia) бөгөөд уушгинд орсон тоос тоосонцор, бохирдуулагч болон цэр салстыг байнга хоолой руу чиглүүлэн "шүүрдэж" байдаг. Тэндээсээ тэдгээр нь залгигдах эсвэл ханиалгалтаар гадагшилдаг. Энэ бол маш ухаалаг систем бөгөөд чимээгүй явагддаг процесс юм. Гэвч тамхидалт, агаарын бохирдол, халдвар эсвэл хоол хүнснээс үүдэлтэй үрэвсэл нь энэ механизмыг удаашруулж, бүр зогсооход хүргэдэг.

❇️ Сайн мэдээ гэвэл:
Уушги бол маш хурдан нөхөн төлжих чадвартай эрхтэн юм. Тохиромжтой нөхцөлд уушги биеийн бусад аль ч эрхтнээс хурдан өөрийгөө эргэн сэргээж эхэлдэг. Тамхи татдаг байсан хүмүүс тамхинаас гарснаас хойш хэдхэн долоо хоногийн дотор уушги нь нөхөн төлжиж эхэлдэг байна. Нөгөөх жижиг "сормууснууд" дахин ургаж эхэлнэ гэсэн үг. Тиймээс тамхичид тамхиа хаясаны дараа ханиалгаад байсан, тэгээд эргэж орсон гэх өгүүлэмж хэлдэг байх нь. Ер нь бие махбодь өөрөө өөрийгөө эдгээхийг хүсдэг, ердөө л түүнд саад болж буй зүйлийг холдуулж, зөв дэмжлэг үзүүлэхэд хангалттай.

🧬🩻🩺Үүнд юу тусалдаг вэ?
🧘🏻‍♀️Гүнзгий амьсгалах дасгал: Энэ бол зүгээр нэг "тренд" биш, уушгины бодит арчилгаа юм. Уруулаа цорвойлгож амьсгалах болон өрцний амьсгал нь хүний өнгөц амьсгалаар хүрч чаддаггүй уушгины гүн хэсгүүдийг тэлж өгдөг. Уушгины доод хэсэгт удаан хугацаагаар хуримтлагдсан агаар нь үрэвсэл, халдвар үүсгэх таатай нөхцөл болдог. Өглөө, оройдоо 10 удаа гүнзгий амьсгал авахад ямар ч зардал гарахгүй бөгөөд энэ нь ямар ч нэмэлт бүтээгдэхүүнээс илүү үр дүнтэй.

👨‍🔬Уураар утлага хийх: Уур нь уушгинд өтгөрч тогтсон цэр салстыг шингэлэхэд тусалдаг. Хэдийгээр энэ нь түр зуурынх боловч "сормууснууд" (cilia) салстыг цэвэрлэхэд хангалттай дэмжлэг болдог. Ууранд эвкалиптын тос эсвэл ганга өвс нэмбэл үрэвслийн эсрэг болон салст шингэлэх үйлчилгээ үзүүлдэг.

🫚🍵Үрэвслийн эсрэг хоол хүнс: Куркума (турмерик), цагаан гаа, навчит ногоо, нэрс зэрэг нь амьсгалын замыг нарийсгаж, салст ихээр ялгаруулдаг системийн үрэвслийг бууруулдаг. Сүүн бүтээгдэхүүн нь зарим мэдрэг хүмүүст цэр салстыг ихэсгэдэг бол боловсруулсан хүнс нь уушгины эдийг гэмтээх, үрэвслийг улам өдөөдөг байна.

🫀🏋Дасгал хөдөлгөөн: Кардио дасгал нь уушгийг бүрэн агааржуулах хамгийн шилдэг арга юм. Зүрхний цохилтыг түргэсгэж, эрчимтэй хөдөлснөөр уушгины доод хэсэг дэх хуучирсан агаарыг гадагшлуулж, тунгалгийн системийн урсгалыг идэвхжүүлдэг.

💧Ус уух (Шингэн): Магадгүй хамгийн дутуу үнэлэгддэг зүйл бол ус юм. Шингэрсэн цэр салст хөдөлж чаддаг, харин өтгөн салст гацдаг. Бие махбодь шингэний дутагдалд орсон үед салст өтгөрч, сормууснууд хичнээн хичээсэн ч түүнийг хөдөлгөж чадахаа байдаг.

📜Мөн түүнчлэн уламжлалт жорууд, цагаан гаа, сармис, исгэсэн даршилсан (ферментжүүлсэн) бүтээгдэхүүн, ургамлын холимог зэрэг нь уушгины эдийг хамгаалж, үрэвслийг дарах чадвартай.

Таны уушги таныг төрсөн цагаас эхлэн нэг ч өдөр амралгүй ажиллаж ирсэн. Тэд хэзээ ч юу ч нэхэж байгаагүй. Магадгүй өнөөдөр та тэдэнд хариу тус хүргэх өдөр байх. Тиймээс та өнөөдөр уушгиа баярлуулаарай. Яаж гэдгийг нь ойлгосон гэж найдья.😉

09/03/2026

🤰🌱 Жирэмсний үед илрэх түгээмэл зовиурыг арилгах "Байгалийн аргууд"
Эм уухын оронд дараах аргуудыг туршаад үзээрэй:

🤢Дотор муухайрах (эрт үеийн хордлого)үед:

🫚Цагаан гаа: Цагаан гаатай цай уух эсвэл бага зэрэг зажлах нь дотор муухайралтыг маш сайн намдаадаг. Судалгаагаар цагаан гаа нь дотор муухайралтыг арилгах үр дүнгээрээ зарим нэг эмтэй адил гэж дүгнэгджээ.

Мөн энэ үед бага багаар ойрхон идэх: Ходоод хоосон байх үед хордлого илүү их мэдрэгддэг.

🤤Цээж хорсох үед:

🥛Бүлээн сүү: Бага багаар шимж уух.

Хоолны дараа шууд хэвтэхгүй байх: Дор хаяж 1-2 цаг босоо эсвэл суугаа байх нь хоол боловсруулалтад тустай.

🫄🏻Хавагнах үед:

💧Шингэн сайн уух: Сөрөг сонсогдож магадгүй ч ус сайн уух нь биеэс илүүдэл шингэнийг хөөхөд тусалдаг.

Хөлөө өндөрлөх: Унтахдаа хөл дороо дэр ивж, зүрхний түвшнээс дээш байрлуулах.

🧂❌Давсны хэрэглээг багасгах: Давс нь биед усыг барьдаг.

🤔Нурууны өвдөлтийн үед:

Халуун жин: Өвдөж буй хэсэгт бүлээн (хэт халуун биш) жин тавих.

Жирэмсний бүс: Хэвлийн жинг дэмжих тусгай бүс зүүх

Хэн нэгэнд тустай санагдвал цааш түгээгээрэй 😉

#жирэмснийдотрынэмч #Жирэмсэн #жирэмсэнүеийнэлэгнийөвчин

07/03/2026

❌ Жирэмсний үед зайлсхийх (эсвэл хязгаарлах) хүнс ⛔️🍟🌭
Жирэмсэн үед дархлаа бага зэрэг буурдаг тул хоолны хордлого болон ургийн хөгжилд сөрөг нөлөө үзүүлэх эрсдэлээс сэргийлэх нь чухал. Үүнд:

🥩Түүхий болон дутуу болгосон махан бүтээгдэхүүн: Түүхий мах, цусан ороомог, дутуу шарсан стейк (Листериоз болон Токсоплазмоз гэх мэт нянгийн халдвар авах эрсдэлтэй).

🦪Түүхий загас (Суши): Түүхий загас нь шимэгч хорхой болон нян агуулах магадлалтай.

Мөнгөн усны агууламж өндөр загас: Сэлэм загас, зарим төрлийн туна загас (Мөнгөн ус нь хүүхдийн мэдрэлийн тогтолцооны хөгжилд сөрөг нөлөөтэй).

🍳🥚Түүхий өндөг: Түүхий өндөг агуулсан соус (майонез, тирамису) нь Сальмонеллын халдвар үүсгэж болзошгүй.

🥛🧀Ариутгаагүй сүү, бяслаг: "Зөөлөн" төрлийн ариутгаагүй бяслаг (Brie, Camembert, Feta) нь нян үржих таатай орчин болдог.

☕️Кофейн (Хязгаарлах): Өдөрт 200 мг-аас ихгүй кофейн (ойролцоогоор 1 аяга кофе) хэрэглэхийг зөвлөдөг. Хэт их кофейн нь ургийн жин багасахад нөлөөлдөг.

Хэн нэгэнд хэрэгтэй санагдвал цааш түгээгээрэй 😉

#жирэмсэнээж #жирэмснийдотрынэмч #жирэмсэнүеийнэлэгнийөвчин #Жирэмсэн

05/03/2026

🤰 Жирэмсэн үеийн эмийн хэрэглээ – Гурав, гурван сараар (Триместер)
Бүх эмүүд жирэмсний хугацаанд аюулгүй байдаггүй. Эмийн сонголт нь жирэмсний аль үед (триместер) байгаагаас шууд хамаарна. Ямар ч эм хэрэглэхээсээ өмнө заавал эмчтэй зөвлөлдөөрэй.

🔹 I триместер (0–12 долоо хоног)
⚠️ Хамгийн эмзэг үе: Энэ үед ургийн эрхтэн тогтолцоо бүрэлддэг тул маш болгоомжтой байх шаардлагатай.
✅ Түгээмэл хэрэглэгддэг эмүүд (эмчийн зөвлөгөөгөөр):
🔘Фолийн хүчил – Мэдрэлийн ширхэгийн гажиг үүсэхээс сэргийлнэ.
🔘Витамин B6 – Дотор муухайрах, бөөлжих үед хэрэглэнэ.
🔘Доксиламин + Витамин B6 – Жирэмсний эрт үеийн хордлого ихтэй үед.
🔘Парацетамол (Ацетаминофен) – Өвдөлт намдаах, халуун бууруулах.
🔘Антацид (Ходоодны хүчил саармагжуулах) – Цээж хорсох үед.

🚫 Эмчийн жоргүйгээр эм хэрэглэхээс татгалзах.

🔹 II триместер (13–27 долоо хоног)
❇️Харьцангуй аюулгүй үе: Ургийн үндсэн эрхтнүүд бүрэлдэж дууссан байдаг.
✅Түгээмэл хэрэглэдэг эмүүд:
🔘Төмөр + Фолийн хүчил
🔘Кальци + Витамин D
🔘Парацетамол
🔘Аюулгүй антибиотикууд (шаардлагатай бол): Амоксициллин, Цефалоспорины бүлэг
🔘PPI – Ходоодны хүчил дарангуйлах эм
🔘Инсулин / Метформин – Жирэмсний чихрийн шижингийн үед (эмчийн хяналтад).

🔹 III триместер (28 долоо хоногоос төрөх хүртэл)
🤱 Эх болон ургийн аюулгүй байдал нэн чухал:
✅Түгээмэл хэрэглэдэг эмүүд:
🔘Төмөр, Кальци, Витамин D
🔘Парацетамол
🔘Метилдопа – Артерийн даралт ихсэх үед.
🔘Дексаметазон – Дутуу төрөх эрсдэлтэй үед ургийн уушгины гүйцэд хөгжлийг дэмжих зорилгоор.

🚫 Анхааруулга: Жирэмсний сүүлийн шатанд Стероид бус үрэвслийн эсрэг эмүүд (Ибупрофен, Диклофенак) хэрэглэхээс зайлсхий. Эдгээр нь ургийн зүрх судас болон төрөх үйл явцад сөргөөр нөлөөлж болзошгүй.

Хэн нэгэнд хэрэгтэй санагдвал цааш түгээгээрэй 😉

#жирэмсэнүеийнэлэгнийөвчин #жирэмсэнүеийнэмийнхэрэглээ #жирэмснийэрүүлмэнд #жирэмснийдотрынэмч

01/03/2026

Өнөөдөр буюу 2026 оны 2-р сарын 28-ны өдөр бол Элэгний ховор өвчлөлтэй тэмцэх дэлхийн өдөр юм. 🤍
Элэгний өвчлөлүүд тэр бүр нүдэнд харагдаад байдаггүй ч дэлхий даяар олон мянган хүмүүс болон тэдний гэр бүлийн амьдралд гүн гүнзгий нөлөө үзүүлсээр байна.
Жирэмсэн үед тохиолддог элэгний ховор эмгэгүүдийн нэг бол Жирэмсэн үеийн элгэн доторх цөс зогсонгишил буюу ICP (Intrahepatic Cholestasis of Pregnancy) юм. ICP нь элэгний үйл ажиллагааны хямрал бөгөөд бие загатнах, цусан дахь цөсний хүчил ихсэх, хэрэв зохих ёсоор хянахгүй бол урагт эрсдэл учруулах аюултай байдаг. Төрсний дараа шинж тэмдгүүд ихэвчлэн арилдаг ч зөв мэдээлэл, тусламж үйлчилгээ авч чадахгүй байгаа гэр бүлүүдийн хувьд энэ нь маш түгшүүртэй бөгөөд хүнд сорилт болдог.
Дэлхий дахинд ICP Support, ICP Care зэрэр байгууллагууд нь энэхүү оноштой тулгарсан гэр бүлүүдэд зохистой мэдээлэл боловсрол олгох, судалгааны санхүүжилт болон дэмжлэг үзүүлэх чиглэлээр тасралтгүй ажиллаж байна.

ICP-ийн үед анхаарах гол зүйлс:
* Шинж тэмдэг: Алга болон хөлийн ул ихээр загатнах (ихэвчлэн шөнө ихэсдэг).
* Оношилгоо: Цусны ийлдэс дэх цөсний хүчлийн хэмжээг (TSBA) тодорхойлох.
* Мэдээлэлтэй байх: Хэрэв танд болон таны ойр дотны хүнд ийм шинж тэмдэг илэрвэл заавал мэргэжлийн эмчид хандаж, элэгний үйл ажиллагааны шинжилгээ (LFT) өгөхийг зөвлөж байна.
#жирэмсэнүеийнэлэгнийөвчин #загатналт

Today, Feb 28, 2026 is Rare Liver Disease Awareness Day 🤍

Liver diseases may not always be visible, but they deeply impact the lives of individuals and families around the world.

One rare liver condition that affects pregnancy is Intrahepatic Cholestasis of Pregnancy (ICP). ICP is a liver disorder that can cause intense itching, elevated bile acids, and increased risks for baby if not properly monitored. While symptoms often resolve after delivery, the experience can be frightening and overwhelming without the right information and care.

ICP Care continues to provide education, research funding, and support to families facing this diagnosis.

Today we stand with everyone impacted by rare liver diseases and we keep advocating for better recognition, research, and care.

Learn more https://icpcare.org

24/01/2026

Peripartum cardiomyopathy is a life-threatening cardiomyopathy characterised by acute or slowly progressing left ventricular dysfunction. It is a disease with considerable maternal and neonatal morbidity and mortality.

A recent Lancet Seminar summarises current knowledge on pathophysiology, diagnostic approaches, medical management, and outcome.. Read via the link in comments 💬

👇 Figure: Multiple hit model.