K.Gulhi Health Center

01/09/2026

މި މަރުކަޒުގެ 25 ވަނަ އަހަރީ ދުވަހާ ގުޅުގުވައިގެން މި މަރުކަޒުގެ ޑްރެސިންގް ރޫމް އަދި މެޑިކަލް ސްޓޯރ ޒަމާނީ ފެންފަރަށް ތަރައްޤީ ކުރުމަށް ކުރެވޭ މަަސައްކަތުގެ ތެރެއިން ބަރަކާ ޗެރިޓީ މޯލްޑިވްސް ގެ ދީލަތި އެހީ އާއެކު މި މަރުކަޒުގެ ޑްރެސިންގް ރޫމް އަދި މެޑިކަލް ސްޓޯރ ރޫމްގެ އިންޓީރިއާ އާއި އެތަންތަނަށް ބޭނުންވާ ކަބަޑް ސެޓްތައް ވަނީ ޒަމާނީ ފެންވަރަށް ތަރައްޤީ ކޮށްދެއްވާފައެވެ. ބަރަކާ ޗެރިޓީ މޯލްޑިވްސް ގެ ފަރާތުން މި މަރުކަޒަށް އަބަދުވެސް ވެދެއްވާ އެހީތެރިކަމަށްޓަކައި އެފަރާތްތައް މި މަރުކަޒުގެ ނަމުގައި ވަރަށް ޚާއްސަ ޝުކުރުދަންނަވަން.
އަދި މި މަސައްކަތް ކޮށްދެއްވުމުގައި މިނިސްޓްރީ އޮފް ހެލްތުން ވެދެއްވި އެހީތެރިކަމާއި އަދި ހުރާ ދާއިރާގެ އިއްޒަތްތެރި މެމްބަރ ޑރ. އަނާރާ ނައިމް ވެދެއްވި އެހީތެރިކަމާއި އެއްބާރުލުން ފާހަގަކޮށް އެފަރާތްތަކަށް ވަރަށް އިހްލާސްތެރި ޝުކުރެއްދަންނަވަން..
Ministry of Health
Barakah Charity Maldives
Anara Naeem

01/09/2026

30/08/2026

ކ. ގުޅީ ޞިއްޙީ މަރުކަޒުގެ 25 ވަނަ އަހަރީ ދުވަހުގެ މުނާސަބަތުގައި، 28 އޮގަސްޓު ވީ ހުކުރުދުވަހު ބޭއްވުނު ކުޑަކުދިންގެ ހަވީރުގެ ތެރެއިން...
ގިނަ އަދަދެއްގެ ކުޑަކުދިން ބައިވެރިވި މި ހަވީރުގައި، ތަފާތު ކުޅިވަރުތަކާއި ހަރަކާތްތަކުގެ އިތުރުން ހަދިޔާ ބެހުން ކުރިއަށްދިޔައެވެ. މި ހަރަކާތުގެ ތެރެއިން ކުޑަކުދިންގެ މޫނުމަތިން ފެނިގެންދިޔަ ހިނިތުންވުމާއި އުފާވެރިކަމަކީ ނުހަނު ހިތްގައިމު މަންޒަރެކެވެ.

މި ޚާއްޞަ ހަވީރު ކާމިޔާބުކަމާއެކު ކުރިއަށް ގެންދިއުމަށް އެކި ގޮތްގޮތުން އެހީތެރިވެދެއްވި ހުރިހާ ފަރާތްތަކަށް އިޚްލާޞްތެރިކަމާއެކު ޝުކުރު ދަންނަވަމެވެ. ވޭތުވެދިޔަ 25 އަހަރު ދުވަހު މި މަރުކަޒުން މުޖުތަމަޢަށް ފޯރުކޮށްދީފައިވާ ޚިދުމަތްތަކަކީ، ދުޅަހެޔޮ އަދި އުފާވެރި ޖީލެއް ބިނާކުރުމަށް އެޅުނު މުހިންމު ފިޔަވަޅެކެވެ.

Ministry of Health
Gulhee School
Royal Spikers
Association For Gulhi Development

27/08/2026

Celebrating 25 years of care, compassion, and commitment at K. Gulhi Health Centre!

As part of this special milestone, we invite our little ones to join us for a fun-filled Kids Evening! A time for laughter, joy, games, and beautiful memories as we celebrate this remarkable journey together.

25 years of serving our community, and many more memories to create!

25/08/2026

ކ. ގުޅީ ޞިއްޙީ މަރުކަޒަށް 25 އަހަރު ފުރުމުގެ ރިހިޔޫބީލް މުނާސަބަތާ ގުޅުވައިގެން، ރަށުގެ އިސްރަށްވެހިންގެ އަގުވަޒަންކުރުމުގެ ގޮތުން ޚާއްޞަ ހަރަކާތެއް ވަނީ ކުރިއަށް ގެންގޮސްފައެވެ. އެގޮތުން، އިސްރަށްވެހިންގެ ޙާލުއަޙުވާލު ބަލައިލުމަށް އެ ބޭފުޅުންގެ އަރިހަށް ޒިޔާރަތްކޮށް، ހަދިޔާ ދިނުމުގެ އިތުރުން ލޭގެ ޕްރެޝަރާއި ހަކުރު ޗެކްކޮށްދިނުމުގެ ޚިދުމަތް ވަނީ ފޯރުކޮށްދެވިފައެވެ.

މި ހަރަކާތަކީ ގުޅީގެ ކުރިއެރުމާއި ތަރައްޤީއަށްޓަކައި އިސްރަށްވެހިން ވެދެއްވާފައިވާ މަތިވެރި ޤުރުބާނީތަކާއި އަގުހުރި ޚިދުމަތްތައް ފާހަގަކޮށް، އެ ބޭފުޅުންނަށް އޮތް ލޯތްބާއި ޤަދަރާއި އިޙުތިރާމް ހާމަކުރުމުގެ ގޮތުން ކުރިއަށް ގެންދިޔަ ހަރަކާތެކެވެ.

ފާއިތުވި 25 އަހަރުގެ ޚިދުމަތުގެ ދަތުރު ފާހަގަކުރަމުންދާއިރު، އަޅުގަނޑުމެންގެ އެންމެ ބޮޑު މަޤްޞަދަކީ އޯގާތެރިކަމާއެކު މުޖުތަމަޢުގެ ގުޅުން ބަދަހިކޮށް، މިއަދުގެ ޖީލަށްޓަކައި ބުރަ މަސައްކަތްތަކެއް ކޮށްދެއްވި އަގުހުރި ފަރާތްތަކުގެ ހަނދާންތައް އައުކުރުމެވެ.

މި މުހިންމު ހަރަކާތް ކާމިޔާބުކަމާއެކު ކުރިއަށް ގެންދިއުމުގައި އެކި ގޮތްގޮތުން އެހީތެރިވެދެއްވި އެންމެހައި ފަރާތްތަކަށް އިޚްލާޞްތެރިކަމާއެކު ޝުކުރު ދަންނަވަމެވެ.

Ministry of Health
Anara Naeem

23/08/2026

ކ. ގުޅީ ޞިއްޙީ މަރުކަޒުގެ 25 ވަނަ އަހަރީ ދުވަހުގެ މުނާސަބަތުގައި ކުރިއަށްގެންދިޔަ ހަރަކާތްތަކުގެ ތެރެއިން، މަރުކަޒުގެ ނަރުހުން ވަނީ ގުޅީ ސްކޫލްގެ ކީ-ސްޓޭޖް 1 ގެ ދަރިވަރުންނަށް އަމާޒުކޮށްގެން، ޞިއްޙީ ހޭލުންތެރިކުރުވުމުގެ ޝައުގުވެރި ސެޝަނެއް ކުރިއަށް ގެންގޮސްފައެވެ.
އުޖާލާ މުސްތަޤުބަލަކަށްޓަކައި، ތުއްތު ކުދިންގެ މެދުގައި ޞިއްޙީ ރަނގަޅު އާދަތައް އަށަގަންނުވައި ބާރުވެރިކުރުވުމަކީ ވަރަށް މުހިއްމު ކަމެކެވެ.
Gulhee School
Ministry of Health

21/08/2026

From a small heart comes a big act of kindness. ❤️ Thank you, Aishath Amra Yameen, for giving this wonderful gift to K. Gulhi Health Centre in celebrating our 25th Anniversary. May your kindness continue to inspire others!

20/08/2026

20/08/2026

ޚިދުމަތުގައި 25 އަހަރު..
ކ. ގުޅީ ޞިއްޙީ މަރުކަޒުގެ 25 ވަނަ އަހަރީ ދުވަސް އަޅުގަނޑުމެން ފާހަގަކުރަނީ ފަޚުރުވެރިކަމާއެކުގައެވެ. ފާއިތުވި 25 އަހަރު ތެރޭގައި، މި މަރުކަޒުން ވަނީ މުޖުތަމަޢަށް ޚިދުމަތްކުރުމުގައްޔާއި، ދުޅަހެޔޮ ދިރިއުޅުމަކަށް ބާރުއެޅުމުގައްޔާއި، އަދި ރައްޔިތުންގެ ޙަޔާތުގެ ކޮންމެ މަރުޙަލާއެއްގައިވެސް އެހީތެރިކަން ފޯރުކޮށްދިނުމުގައި ނަމޫނާދައްކާފައެވެ.

މި ތާރީޚީ ދުވަހަކީ މި ދިގު ދަތުރުގެ އެކި މަރުޙަލާތަކުގައި ބައިވެރިވި އެންމެހައި ފަރާތްތަކުގެ ހިއްސާ ހިމެނޭ އުފާވެރި މުނާސަބަތެކެވެ. މީގެ ތެރޭގައި ކުރީގެ އަދި މިހާރުގެ މުވައްޒަފުންނާއި، އެކި ގޮތްގޮތުން އެހީތެރިކަން ފޯރުކޮށްދެއްވި ފަރާތްތަކާއި، ބައިވެރިން އަދި އެންމެ ޚާއްޞަކޮށް މި ރަށުގެ ލޮބުވެތި ރައްޔިތުން ހިމެނެއެވެ.

އަޅުގަނޑުމެންގެ މި ފަޚުރުވެރި ދަތުރުގެ އަގުވަޒަންކޮށް، ހޯދާފައިވާ ކާމިޔާބީތައް ފާހަގަކުރަމުން، އެންމެން ގުޅިގެން ދުޅަހެޔޮ މުސްތަޤުބަލެއް ބިނާކުރުމުގައި ދެމިތިބުމުގެ އަޒުމް އާކުރަމެވެ.

K. Gulhi Health Centre proudly celebrates 25 years of serving and caring..

For 25 years, we have proudly served our community with care, compassion, and commitment. This milestone belongs to everyone who has been part of our journey.

Celebrating our past, cherishing the present, and building a healthier future together.
18th August 2026.
Ministry of Health