Dr. Zakirullah Zaki

Dr. Zakirullah Zaki Lecturer at Sheikh Zayed University, currently pursuing a doctorate from the International Islamic University of Malaysia.

۲۰۲۶/جنوري/۸
20/01/2026

۲۰۲۶/جنوري/۸

د غم فلسفه او د زړه روزنه!!!غم د انساني تجربې له هغو ژورو عناصرو څخه دی چې ظاهراً دروند، خو باطناً روزونکی او اصلاح کوون...
28/12/2025

د غم فلسفه او د زړه روزنه!!!

غم د انساني تجربې له هغو ژورو عناصرو څخه دی چې ظاهراً دروند، خو باطناً روزونکی او اصلاح کوونکی دی. د اسلامي فکري میراث له سترو زاهدانو څخه مالک بن دینار رحمه‌الله په دې اړه یوه ژوره او ماناداره خبره لري. نوموړی وایي: عَنْ مَالِكِ بْنِ دِينَارٍ؛ أَنَّهُ قَالَ: الْقَلْبُ إِذَا لَمْ يَكُنْ فِيهِ حُزْنٌ خَرِبَ، كَمَا أَنَّ الْبَيْتَ إِذَا لَمْ يَكُنْ فِيهِ مَنْ يَسْكُنُهُ خَرِبَ.

ژباړه: کله چې د انسان په زړه کې غم نه وي، زړه ورانېږي؛ لکه هغه کور چې اوسېدونکي ونه لري، نو ورو ورو کنډواله کېږي.

دا وینا څرګندوي چې غم یوازې د درد او تکلیف نښه نه ده، بلکې د زړه د بیدارۍ، صفا والي او قوت وسیله ده. ځکه انسان د غم په حال کې له غفلت څخه راویښېږي، الله تعالی ته رجوع کوي، عاجزي خپلوي، او زړه یې له قساوت څخه نرمېږي. همدا روحي نرمښت دی چې د ایمان ژورتیا، د اخلاقو سمون، او د باطني اصلاح لامل ګرځي.

له همدې امله، د غمونو راتګ باید د مایوسۍ سبب ونه ګرځي، بلکې د ځان‌پېژندنې او الله‌پېژندنې یو فرصت وګڼل شي. پر غمونو صبر کول او له الله تعالی څخه د اجر تمه لرل، د مؤمن سلوک او فکري بلوغ څرګندونه ده.

نو، غم که په سمه توګه وپېژندل شي، د زړه د ابادۍ، د روح د تزکیې، او د انسان د معنوي لوړتیا یوه مهمه وسیله ده.
د. م. ذکي.

ښه أخلاق (اخلاقِ حمیده) د نبوي احاديثو په رڼا کې.۱. د اخلاقو مفهوماخلاق هغه باطني صفتونه دي چې د انسان له دننه څخه راټوک...
22/12/2025

ښه أخلاق (اخلاقِ حمیده) د نبوي احاديثو په رڼا کې.
۱. د اخلاقو مفهوم
اخلاق هغه باطني صفتونه دي چې د انسان له دننه څخه راټوکېږي او د هغه په وينا، عمل او چلند کې ښکاره کېږي. که دا صفتونه ښه وي نو اخلاقِ حمیده بلل کېږي، او که بد وي نو اخلاقِ رذیله (بد أخلاقه) ګڼل کېږي.

۱. د بعثت مقصد.
«إِنَّمَا بُعِثْتُ لِأُتَمِّمَ مَكَارِمَ الْأَخْلَاقِ»، ژباړه: زه يوازې د دې لپاره لېږل شوی يم چې ښه اخلاق بشپړ کړم. تشريح:
دا حديث څرګندوي چې اخلاق د اسلام روح دی.
۲. اخلاق او ايمان.
«أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا». ژباړه: تر ټولو کامل مؤمن هغه دی چې اخلاق يې ښه وي.
۳. غوره انسان.
«خَيْرُكُمْ أَحْسَنُكُمْ أَخلَاقاً. ژباړه: په تاسو کې غوره هغه دی چې اخلاق يې ښه وي.

ښه أخلاق (أخلاق حميده). (د قرآن کريم په رڼا کې.۱. د اخلاقو مفهوماخلاق هغه باطني صفتونه دي چې د انسان له دننه څخه راټوک...
22/12/2025

ښه أخلاق (أخلاق حميده).
(د قرآن کريم په رڼا کې.
۱. د اخلاقو مفهوم
اخلاق هغه باطني صفتونه دي چې د انسان له دننه څخه راټوکېږي او د هغه په وينا، عمل او چلند کې ښکاره کېږي. که دا صفتونه ښه وي نو اخلاقِ حمیده بلل کېږي، او که بد وي نو اخلاقِ رذیله ګڼل کېږي.
۱. اخلاقِ حمیده د قرآن کریم په رڼا کې
د رسول الله ﷺ د اخلاقو ستاينه
۱. ﴿وَإِنَّكَ لَعَلَىٰ خُلُقٍ عَظِيمٍ﴾، (سورة القلم، آيت ۴). ژباړه: بېشکه ته (اې محمد ﷺ) د لوړو اخلاقو څښتن يې. تشريح: دا آيت د اخلاقو تر ټولو لوړه نمونه رسول الله ﷺ معرفي کوي، او مسلمانان هڅوي چې خپل اخلاق د هغه ﷺ له سنتو سره سم کړي.
۲. ⁠عدل او احسان د اخلاقو بنسټ.
﴿إِنَّ اللَّهَ يَأْمُرُ بِالْعَدْلِ وَالْإِحْسَانِ﴾، (سورة النحل، آيت ۹۰). ژباړه: بېشکه الله د عدل او احسان حکم کوي. تشريح: عدل او احسان د ټولنيز ادب او انساني اخلاقو اساسي اصول دي چې ټولنه سمه او باعزته ساتي.
۳. بدۍ په نېکۍ دفع کول.
﴿ادْفَعْ بِالَّتِي هِيَ أَحْسَنُ﴾، (سورة فصلت، آيت ۳۴). ژباړه: بدۍ د تر ټولو ښه لارې په وسيله لېرې کړه. تشريح: دا آيت د لوړ اخلاقي ادب ښوونه کوي، چې انسان بايد غوسه، کينه او بدله پرېږدي.

Address

Kula Lumpur, IIUM
Kuala Lumpur
53100

Website

Alerts

Be the first to know and let us send you an email when Dr. Zakirullah Zaki posts news and promotions. Your email address will not be used for any other purpose, and you can unsubscribe at any time.

Shortcuts

Share

Category