20/01/2024
ILIMI BA,A KARYARSA, KUL HAATU BURHANUKUM INKUNTUM SADIQIN.
Allah ya kara Kare gaskiya a duk inda take.
Mu Leƙa Mu Gano
Fatawar Maulana Prof. MAQARI...
Bayan da na ga faifan na yawo, a matsayina na ɗalibin ilimi sai na duƙufa binciken gano haƙiƙanin fatawar. Shin son zuciya ne ko kuwa baje Kolin ilimi ne?
Sai na samu ilimi ne tsagwaro, amma yana da ɗan nisa. Ga abin da na gani:
(كَالْمَرْأَةِ لَا تَجِدُ مَنْ يَسُدُّ رَمَقَهَا إلَّا لِمَنْ يَزْنِي بِهَا) سَحْنُونَ: وَأَمَّا الْمَرْأَةُ تَخَافُ عَلَى نَفْسِهَا الْهَلَاكَ مِنْ الْجُوعِ وَلَا تَجِدُ مَنْ يَسُدُّ رَمَقَهَا إلَّا لِمَنْ يَطْلُبُ مِنْهَا الزِّنَا فَإِنَّهُ يُسَوَّغُ لَهَا ذَلِكَ لِلْخَوْفِ عَلَى نَفْسِهَا وَيَصِيرُ حَالُهَا حَالَ الْمُكْرَهِ بِتَخْوِيفِ الْقَتْلِ
"K**ar mace ce wadda take jin tsoron rasa ranta saboda yunwa. Sannan ba ta samu wanda zai katange mata wannan buƙatar tata ba, don kar ta halaka, sai dai wanda kawai ya zaɓi ya yi zina da ita sannan ya biya mata buƙatarta, to wannan kam ya halatta gare ta don kawai tsoron rasa rai amma fa. Sai hukuncinta ya zamo kamar wanda aka tilasta ta hanyar barazanar kisa." Imam Sahunun.
Mai neman wannan zance ya leƙa a littafin
تاج الاكليل لمختصر خليل)5/313)
كتاب الطلاق""ألباب الثانى: فى أركان الطلاق"
Ashe Alƙur'ani da ya ba matafiyin da yunwa take neman kashe shi damar cin mushe(matattar dabba) har ma ya yi guzurin da zai raka shi inda jama'a suke, hakan na nufin an buɗe ƙofa a yi ta cin mushe(haram). A wannan gaɓar ma akwai malaman da suke ganin idan mutum ya kuskura yana jin yunwa ya ƙi cin mushe ya ƙi shan wani abin sha har ya mutu, to wuta zai shiga don shi ya kashe kansa.
Ashe da aka halasta mai tsananin buƙata ya shiga gona ko lambu ya ci abin da ke a lambun ba tare da ya yi guzuri ba, nan ma wata ƙofar ce ta sata aka buɗe?
Shahararren Hadisin nan na mutanen da kogon dutse ya rufe da su, inda kowa ya yi tawassali da aikin alkairinsa sannan Allah ya kuɓutar da su. Ɗaya daga cikinsu wanda 'yar uwarsa take ta zuwa neman taimakonsa, shi kuma ya nace ba zai taimake ta a banza ba, sai dai idan ta ba shi kanta sannan, ƙarshe da ta rasa zabi ta bayar da kanta gare shi...(zuwa ƙarshe). Da ma labarin don mu ji mu yi ta mamaki babu wani darasi da za mu koya ciki?
Yadda mutane s**a kalli maganar can a matsayin baƙuwa nan za ka gane akwai aiki ja na neman ilimi musamman gare mu matasa. Yanzu ɗauki misali da ni rabon da in tsuguna gaban malami har na manta. Maganar in saka Uniform in tafi Islamiyya duk da ban girmi litattafan da ake koyarwa ba, tuni na ɗauki hakan matsayin ƙauyanci. Amma yau ni ne nake sanya baki a mas'alar ilimi. Allah mun tuba.
Ba za a rasa sharrin Social media ba. Don masu cewa bai kamata a yada fatawar ba duk da sun yadda gaskiya ce, to sun manta malamin a masallaci ne yake karatunsa tare da masu sha'awar halartar wurin kawai. Waɗanda idan sun ji zancen da ya yi ya rikitar da su, suna da damar neman ƙarin bayani daga gare shi kai tsaye.? To ni fa da nake bibiya ta Social media. Misali kamar mutumin da yake bin jam'in sallah ne amma yana a gida, kawai yana amfani da sautin bututu ne. Idan kayan sauti ya ɗauke ya zai iya kammala sallarsa? Wallahi na gane ba a neman ilimi ta hanyar sauraren audio ko kallon video, sai dai ƙila ana iya ƙara ilimi kawai. Saboda za ka ji maganar da ta yi maka nauyin fahimta, amma ba ka da wani tsani da zai sadar da kai ga mai karatun b***e ka nemi ƙarin bayani. Ihunka banza ke nan! Ƙila shi mai da'awa yana yin karatun gwargwadon fahimtar mutanen da ke gabansa, ba mutanen da ke bibiya daga nesa ba. Yanzu idan ɗalibin firamare ya kamo lecture da ake haskawa Live ta ɗaliban jami'a don Allah me zai hana ya ƙaryata abin da ake faɗa masu na ilimi? Me kuma zai fahimta?
Allah ya jiƙan mazan jiya Sheikh Ja'afar Mahmud Adam ya ce, "Idan Allah ya tashi jarabta ka, sai ya yo ka malami a ƙasar Hausa." Kai ba ka tsira daga malaman ba, marasa ilimin ma ba ka tsira daga gare su ba.
Abin da yake ban mamaki a ƙasar Hausa mun yarda dukkan mai sana'a ko aiki yana iya yin kuskure a aikin sa, amma ban da malami.
Allah ka datar da mu.
Hasali ma babu kuskure a maganar prof. Sai dai neman ina da kuskure kawai daga jahilai.
Kuma abin mamaki shine, yawan cin masu kifar malam da muguwar fahimta babu wanda zai iya kawo wani abu na hujja akan abinda yake fada, sai dai kame - kame kawai.
Dan haka shawara ta a nan Itace abar masu ilimin da maganar ilimin su kawai.
Professor ikon Allah, kaga tasu, taka tayi wuyar gani.
©©© Auwal Ahmed Tsandon Dandela
✍️✍️✍️✍️✍️✍️✍️✍️✍️ 19/01/2024
