10/05/2026
𝙈𝙊𝘿𝙀𝙍𝘿𝘼𝘼𝙂
Vandaag vieren we samen met onze bewoners Moederdag en zetten we alle dames in het zonnetje. Hieronder een mooi oud gedicht uit Venlo over Moederdag.
Maak er een fijne Moederdag van vandaag!!
Aldere minse wie ik die hebbe gen moder mièr
Toch zal òs mam noeëts miér oèt mien laeve gaon
Umdet ik idder jaor opniej óche Moderdaàg vier
Want zónder óch had ózze Jan neet bestaon
Zaoterdigs in de kuùp woorte duchtig geschroeb
En dan roeëd gleuiend op de kanapee geschraveld
Mam zag: ‘Kom dich ens heej, miene kleine knoep’
En kroop lekker taege eur aan, neet mièr gewazeld
De luch van zeip die naeve mien neusgaetjes kruup
Ut deurde dan ouk neet lang of mien loèke vele dich
Mam zag: ‘Wat zeen ik dao, dien hertje sluùp’
En droog mich de trap nao baove, hièl veurzichtig
Ik kreeg un kruutske in naam van ózze-leeven-hiër
Maar ièrs nag un leedje zinge veur ut slaope
Mam zóng: ‘Ach vader lief, toe drink niet meer..’
En effe later góng miene druimwaereld aope
Boète speule, vettig make waas ut leefst wat ik deej
Wies ut dónker waas, d’r woord met taegezin gestop
Mam zag: ‘Kóm dich maar ens gauw heej vetkedee’
En woord in de paolingstein met ièskald water aafgesop
Sóms woort ik veur straf hièl vruùg nao bed gesteurd
Zonder te aete, ik schrieëwde wie ün jòngk verkske
Mam zag: ‘Miene jòng, zörg det ‘t noeëts mièr gebeurt’
En kreeg un lekkere dieke bóttram met werm melkske
Ut laeve Velt neet altièd met, soms is d’r vuùl verdreet
Niks en nemus begriep dan diene ergste dreufenis
Mam zag: ‘Kóm ens heej, zoeë erg is ut ouk weer neet’
En knoèvelt net zoeë lang wies tot ut euver is
Aldere minse wie ik die hebbe gen moder mièr
Toch zal ós mam noeëts mièr oèt mien laeve gaon
Umdet ik idder jaor opniej óche Moderdaàg vier
Want zónder óch had de leefde noeëts bestaon....... óche Jan
🟠🔵
