Frekhaug Senter

09/10/2026

🎄 Hald av fredag 27. november – då blir det julegateopning på Frekhaug senter!

I år ønskjer vi å kombinere julegateopninga med ein utandørs julemarknad. Vi håpar å samle små og store til ein triveleg ettermiddag med julestemning og lokalt fellesskap! ✨

Dette er tidene vi planlegg:

🛍️ Julemarknad kl. 15.30–20.00
🌟 Julegateopning og markering kl. 17.00–19.00

Har du lyst til å vere med på marknaden?

Lagar du handverk, julepynt, gåver eller noko godt å ete? Eller har du andre varer som passar på ein julemarknad? Då vil vi gjerne høyre frå deg!

💬 Send ein e-post til [email protected], eller legg att ein kommentar i innlegget her, og fortel kort kva du ønskjer å tilby. Dette er ei uforpliktande interessemelding – sjølve påmeldinga kjem seinare.

Vi legg til rette med innleigde telt og bord. Nærare informasjon om pris, påmelding og praktiske detaljar kjem innan eit par veker. Vi kjem òg tilbake med meir om programmet for julegateopninga.

📅 Set av fredag 27. november 2026, og følg sida vår for oppdateringar!

Del gjerne innlegget, og tips nokon du meiner burde vere med på marknaden. Vi vil gjerne nå ut til heile området vårt (og gjerne andre delar av Alver kommune)! ❤️

Foto frå julemarknad 2025 Foto

15/09/2026

😃🤩🥰

28/07/2026

Avisa Nordhordland har slått seg ned på Frekhaug Senter i dag.
Vi veit alle at dette senteret ikkje er under tak 😀🌧️⛈️🌦️

Litt regn stoppar ikkje avisa, og vi har tatt utekontoret med til Frekhaug senter!

Dagens spørsmål: Kva er idrettslaget Kvernbit kalla opp etter?
Skriv svaret i kommentarfeltet eller send det til oss på e-post.

13/06/2026

🌿 Takk for ein flott torgdag på Frekhaug! 🌿

Det er lenge sidan det har vore torgdag her på Frekhaug, og det var veldig kjekt å sjå torget fyllast med folk, boder, musikk og liv igjen.

Når ein berre ser føre seg ein full torgplass med telt og boder i teorien, er det ikkje alltid så lett å vite heilt nøyaktig korleis alt skal bli. Men jammen gjekk det fint! Det vart plass til alle marknadsbodene, og det vart god plass på sjølve torget til både publikum, handel og gode møte.

Og det beste av alt: det vart sol! ☀️

Vi treng slike møteplassar. Vi treng at torget vert teke i bruk. Ein torgplass blir først levande når folk kjem, stoppar opp, handlar, pratar, lyttar og deltek.

Tusen takk til alle utstillarane som kom, rigga opp, selde varer, smilte til folk og var med på å skape liv på torget. Vi trur dei fleste påmelde var til stades, sjølv om vi veit at nokon mangla. Vi håpar de som var her, koste dykk i sola – og at det vart litt sal også.

Takk også til alle som tok turen innom marknaden. Det betyr mykje for både små og store utstillarar at folk kjem, ser, handlar og slår av ein prat.

“Scenen er din” var også eit nytt konsept for oss. Som arrangør veit ein ikkje heilt kva som kjem når scena vert opna på denne måten – og nettopp det er noko av poenget. Vi ønskjer at scena skal vere ein stad der musikkrefter i nærmiljøet kan prøve seg, vise seg fram og kjenne at det finst ein plass for dei.

🎶I dag er vi særleg imponerte dei unge, der nokon lagar sin eigen musikk og går opp på scena som om dette er noko dei har gjort heile livet. Det står det respekt av!

Så her er oppmodinga vår vidare: Ta torget i bruk. Ta scena i bruk.
Har du noko du vil dele, spele, synge, selje, vise fram eller skape – så håpar vi dette berre er starten.

Tusen takk til alle som bidrog til ein kjekk og levande torgdag. Vi sjåast💚

10/06/2026

Velkommen til Glødebutikken på Torgdag i Frekhaug Senter