17/03/2026
I dag er sosialarbeidardagen🥳
Sosionomar, vernepleiarar, barnevernspedagogar og sosialpedagogar jobbar kvar dag for at menneske skal kjenne seg ivaretatt🫶
– Når du er sjuk eller skada, påverkar dette meir enn berre kroppen. Det påverkar mange sider i livet – som familie, jobben og kvardagen, seier Astrid Kinn Bjørnøy, klinisk sosionom ved Haugesund sjukehus.
– Vi skal vere brubyggar ut til livet – enten dei treng hjelp frå private eller offentlege instansar, seier Linn Halle Brandsø, sosionom ved Haugesund sjukehus.
Arbeidet deira gjer ein forskjell for pasientar og pårørande. Både for livet på sjukehuset, utanfor og for helsa i seg sjølv – fordi pasientane blir mindre stressa og kan lettare ta innover seg informasjon.
Sosionomane på Haugesund og Stord sjukehus seier dei har ein givande jobb og at pasientar og pårørande er kjempetakknemlege for hjelpa dei får.
I dag vil vi gi dei ein ekstra takk💙
