12/07/2026
📢 आदरणीय सेवाग्राहि तथा शुभेच्छुकहरूमा महत्वपूर्ण सूचना !!!
प्रिय सेवाग्राहि ,परिवारजन तथा शुभेच्छुक ज्यू,
हामि छिट्टै ठुलो ठाउ ,परिस्कृत सेवा र केन्द्रीय ब्यबस्थापन मार्फत फर्कदैछौ।
पछिल्लो करिब ६ महिनादेखि बिरामीहरूको सुविधा, पर्याप्त पार्किङ, फराकिलो प्रतीक्षालय, सहज पहुँच तथा भविष्यमा थप विशेषज्ञ सेवा विस्तार गर्न मिल्ने उपयुक्त स्थानको खोजी हामी निरन्तर गर्दै आएका थियौं। यस क्रममा सम्बन्धित प्रशासन तथा जनस्वास्थ्य कार्यालयबाट प्राप्त सुझाव र मार्गदर्शनलाई समेत आत्मसात् गर्दै
भरतपुर महानगरपालिका–४, त्रिचोकस्थित करिब २ कठ्ठा क्षेत्रफलमा नयाँ तथा थप व्यवस्थित स्थान अन्तिम रूपमा छनोट गरिएको जानकारी गराउन पाउँदा हामी खुशी छौं।
हाल आवश्यक कानुनी तथा प्रशासनिक प्रक्रिया पूरा गर्ने क्रममा केही समयका लागि हाम्रो नियमित सेवा प्रभावित भएको छ। यसबाट तपाईंहरूमा परेको असुविधाप्रति हामी हृदयदेखि नै क्षमाप्रार्थी छौं।
हामी तपाईंहरूको उपचारको निरन्तरताप्रति पूर्ण रूपमा चिन्तित छौं। त्यसैले यस संक्रमणकाल (Transit Period) मा बाथरोग विशेषज्ञको नियमित फलोअप वा परामर्श आवश्यक पर्ने बिरामीहरूले कृपया आफ्नो File मा अन्कित काठमाडौंस्थित National Centre for Rheumatic Diseases (NCRD) मा सम्पर्क गरी आफ्नो उपचारलाई निरन्तरता दिनुहुन अनुरोध गर्दछौं। उपचार बीचमै नरोकिनुहोस्, औषधि चिकित्सकको सल्लाहबिना बन्द नगर्नुहोस्।
हामी चाँडै नै अझ राम्रो पूर्वाधार र गुणस्तरीय सेवासहित पुनः तपाईंहरूको सेवामा उपस्थित हुनेछौं।
हामीले केहि प्राबिधिक र प्रशासनिक अस्पस्टता र कमजोरि लाइ सच्याउदै सधैंझैँ कानूनबमोजिम, मापदण्डअनुसार र बिरामी केन्द्रित सेवा प्रदान गर्ने प्रतिबद्धता दोहोर्याउँछौं।
नेशनल बाथरोग सेन्टर चितवनको स्थापना नै चितवन र आसपासका बाथरोगका बिरामीहरूले पटक–पटक काठमाडौं धाउन नपरोस्, उपचार निरन्तर र सहज रूपमा आफ्नै घर नजिकै उपलब्ध होस् भन्ने उद्देश्यले गरिएको थियो। तपाईंहरूकै विश्वास र अनुरोधका कारण हामीले काठमाडौंका विशेषज्ञ चिकित्सकहरूको सेवा चितवनमै उपलब्ध गराउँदै आएका छौ|
तपाईंहरूको विश्वास नै हाम्रो सबैभन्दा ठूलो प्रेरणा हो। केही समयको धैर्य र साथले हामी अझ राम्रो, सुरक्षित र व्यवस्थित स्वास्थ्य सेवासहित पुनः तपाईंहरूमाझ आउनेछौं।
छिट्टै फेरि भेट्ने वाचा सहित।
नेशनल बाथरोग सेन्टर चितवन
प्रस्तावित नयाँ स्थान: भरतपुर–४, त्रिचोक
