05/03/2022
रुद्राक्ष महिमा
सर्वप्रथम कुनै भाडोमा पानी राख्नुहोस् र त्यस पानी भएको भाडोमा एक रुद्राक्ष राख्नुहोस् ।
त्यसपछि रुद्राक्ष आफै घडीको दिशामा घुम्न थाल्दछ र यदि हलचल नगरि रुद्राक्ष सिधै डुब्छ भने उक्त रुद्राक्ष नक्कली रहेको बुझ्नुपर्छ । रुद्राक्षको यस बिशेषताले पानीको गुणस्तरता पनि जाच्न मिल्दछ । जब रुद्राक्षलाई पानीमा राखिन्छ यो उत्तरबाट दक्षिण दिशामा घुम्दछ भने उक्त पानी पिउन लायक हुन्छ र यदि पानीले असर गर्नेछ भने यो उत्तरतर्फ अर्थात् घडीको उल्टो दिशा तर्फ घुम्न थाल्छ ।
रुद्राक्षको लौकिक जीवनमा अझै धेरै उपयोगी हुनुको साथै सामान्य मानिसहरुको लागि पनि यो निकै लाभ दायक रहेको छ । नकारात्मक ऊर्जाबाट वच्नको लागि र सधै उन्नतिको बिषयमा पनि रुद्राक्षले महत्वपूर्ण भूमिका निभाउन सक्छ ।
ज्योतिष शास्त्र अनुसार अशुभ ग्रह तथा प्रतिकूल ग्रह योगबाट बच्नको लागि शान्ति, दान, कवच धारण, रत्न धारण एवम् रुद्राक्ष धारण गर्नु शुभ मानिन्छ ।
कुन ग्रहमा कस्तो रुद्राक्ष धारण गर्ने त ?
सूर्यको लागि एकमुखे रुद्राक्ष, चन्द्रमाको लागि दुईमुखे रुद्राक्ष, मंगल ग्रहको लागि तीनमुखे एघारमुखे रुद्राक्ष, बुधको चारमुखे रुद्राक्ष धारण, बृहस्पति ग्रहको लागि पाँचमुखे रुद्राक्ष, शुक्र ग्रहको लागि छमुखे रुद्राक्ष, शनि ग्रहको लागि सातमुखे रुद्राक्ष, राहु ग्रहको लागि आठमुखे रुद्राक्ष, केतु ग्रहको लागि नौमुखे रुद्राक्ष धारण गर्नु लाभदायक हुन्छ ।
अशुभ योगका बेला यस्ता रुद्राक्ष, धारण गर्दा लाभदायक हुन्छ ।
कालसर्प दोषको निवृत्तिको लागी आठ या नौमुखे रुद्राक्ष धारण गर्नु लाभदायक हुन्छ ।
शकट योगको लागी दुई या दशमुखे रुद्राक्ष धारण गर्नु लाभदायक हुन्छ ।
केमद्रुम योगको लागी दुईमुखे रुद्राक्ष सेतो धागोमा बाँधेर सोमबार धारण गर्नुहोस् ।
सूर्य ग्रहण योगको लागि एकमुखे, आठमुखे या नौमुखे रुद्राक्ष रातो धागोमा बाँधेर आइतबार लगाउनुहोस् ।
चन्द्र ग्रहण योगको लागि दुईमुखे, आठमुखे, या नौमुखे रुद्राक्ष सेतो धागोमा बाँधेर लगाउनुहोस् ।
मंगल दोषको लागी एघारमुखे रुद्राक्ष रातो धागोमा बाँधेर मंगलबारका दिन लगाउनुहोस् ।
