01/09/2026
भोटेकोशी बाढीपीडितका लागि धनगढी नेत्रालय आँखा अस्पतालको रु २ लाख ३१ हजार १५५ सहयोग
भोटेकोशी बाढीबाट प्रभावित परिवारहरूको राहत तथा पुनर्स्थापनाका लागि धनगढी नेत्रालय आँखा अस्पतालले रु २ लाख १ हजार १५५ तथा अस्पतालमा कार्यरत सम्पूर्ण कर्मचारीहरूको एक दिन बराबरको तलब तथा सुविधाबाट संकलित रु ३० हजार गरी जम्मा रु २ लाख ३१ हजार १५५ सहयोग गरेको छ ।
उक्त सहयोग रकम नेपाल सरकारको "प्रधानमन्त्री दैवी प्रकोप उद्धार कोष" अन्तर्गत लक्ष्मी सनराइज बैंकमा रहेको आधिकारिक खातामा जम्मा गरिएको हो ।
प्राकृतिक विपद्का कारण प्रभावित परिवारहरूको पीडा र कठिनाइमा साथ दिन ऐक्यबद्धता उद्देश्यले गरिएको यस सहयोगले राहत तथा पुनर्स्थापनाका कार्यमा थोरै भए पनि योगदान पुग्ने विश्वास धनगढी नेत्रालय आँखा अस्पतालले लिएको छ ।
