Kathmandu Medical College Public Limited

25/09/2026

World Pharmacists Day 2026 💊

Celebrating the dedicated pharmacists who ensure safe medicines, informed choices, and better patient care every day.

20/09/2026

सानेपामा केएमसीको निःशुल्क स्वास्थ्य शिविर, ११२७ जनाले लिए सेवा

ललितपुर — काठमाडौं मेडिकल कलेज (केएमसी)को विशेष प्राविधिक सहयोगमा ललितपुरको सानेपामा आयोजित बृहत् निःशुल्क स्वास्थ्य शिविरमा १ हजार १२७ जनाले सेवा लिएका छन्।
रेडियन्ट बहुउद्देश्यीय सहकारी संस्थाको मुख्य आयोजनामा आइतबार बिहान ९ बजेदेखि दिउँसो ४ बजेसम्म रेडियन्ट रिडर्स एकेडेमीको प्राङ्गणमा शिविर सञ्चालन गरिएको हो। केएमसीका विशेषज्ञ चिकित्सकसहित २९ जनाको टोलीले जनरल मेडिसिन, स्त्रीरोग, जनरल सर्जरी, हाडजोर्नी तथा नसा रोग, नाक, कान तथा घाँटी, बालरोग, आँखा र दन्तरोगसम्बन्धी स्वास्थ्य परीक्षण तथा उपचार गरेको थियो।
शिविरमा जनरल मेडिसिनतर्फ १६९, स्त्रीरोगतर्फ ६६, जनरल सर्जरीतर्फ ४१, हाडजोर्नी तथा नसा रोगतर्फ ८३, नाक, कान तथा घाँटीतर्फ १०१, बालरोगतर्फ ५२, आँखातर्फ १९६ र दन्तरोगतर्फ ९६ जनाले सेवा लिए। दन्तरोगतर्फ ६ जनाको दाँत निकालिएको थियो।
त्यस्तै, ८४ जनाको इसिजी र १०२ जनाको भिडियो एक्स–रे गरिएको थियो। प्रयोगशालातर्फ हेमोग्लोबिन (एचबी), सुगर, युरिया, युरिक एसिड, ब्लड ग्रुप, युरिन आरई, प्रेग्नेन्सी टेस्टलगायत परीक्षणबाट १३९ जनाले निःशुल्क सेवा लिएका थिए।
शिविरबाट थप उपचार आवश्यक देखिएका १९ जनालाई काठमाडौं मेडिकल कलेजमा उपचारका लागि सिफारिस गरिएको छ। केएमसीले शिविरमा सहभागी भई थप परीक्षण वा उपचार आवश्यक पर्ने सेवाग्राहीलाई दुवाकोटस्थित अस्पतालमा असोज महिनाभर ५० प्रतिशत र त्यसपछि २५ प्रतिशत छुट दिने जनाएको छ। शिविरमा उपस्थित सबैलाई यो सुविधा उपलब्ध गराइने र रेडियन्ट बहुउद्देश्यीय सहकारीसँग संस्थागत समन्वयपछि सहकारीका सदस्यलाई थप विशेष सुविधा उपलब्ध गराउने जनाएको छ।
केएमसीका शिविर संयोजक मदन श्रेष्ठले शिविर व्यवस्थित र योजनाबद्ध रूपमा सम्पन्न भएको बताए। उनले आयोजक रेडियन्ट बहुउद्देश्यीय सहकारी संस्थालाई धन्यवाद दिए।
सहकारीका व्यवस्थापक खगेन्द्र ढुंगानाले संस्थाको सामाजिक उत्तरदायित्वअन्तर्गत शिविर आयोजना गरिएको बताए। उनले केएमसीका चिकित्सकसहितको टोलीले निःशुल्क स्वास्थ्य सेवा दिएकोमा धन्यवाद व्यक्त गरे।
शिविरमा रेडियन्ट बहुउद्देश्यीय सहकारीका शेयर सदस्य, स्थानीयवासी तथा रेडियन्ट रिडर्स एकेडेमीका विद्यार्थी सहभागी थिए। एकेडेमीका शिक्षक तथा शिक्षिका, लायन्स क्लब अफ काठमाडौं निर्वाना र लियोका सदस्य स्वयंसेवकका रूपमा खटिएका थिए। ग्लोबल कन्सल्ट प्रालि र लायन्स क्लब अफ काठमाडौं क्यापिटल सिटीले सहआयोजकका रूपमा सहयोग गरेका थिए।

19/09/2026

सर्वस्व गुमाएकी विष्णुकुमारी निःशुल्क मिर्गौला प्रत्यारोपणपछि पूर्ण स्वस्थ भई डिस्चार्ज

काठमाडौं — भदौ १० गते भोटेकोशीमा आएको बाढीबाट सर्वस्व गुमाएकी विष्णुकुमारी डंगोल काठमाडौं मेडिकल कलेज (केएमसी) मा सफलतापूर्वक निःशुल्क मिर्गौला प्रत्यारोपणपछि पूर्ण रूपमा स्वस्थ भई डिस्चार्ज भएकी छन्। उनलाई पति राजकुमारले मिर्गौला दान गरेका हुन् र उनी पनि पत्नीसँगै डिस्चार्ज भएका छन्।
बाढीले घरबार मात्रै होइन, वर्षौंसम्म थोपा–थोपा जोडेर उपचारका लागि जम्मा पारेको पैसासमेत बढीले बगाएपछि जीवन र मृत्युको दोसाँधमा पुगेकी ४१ वर्षीया विष्णुकुमारीको दयनीय अवस्थाबारे सामाजिक सञ्जालमार्फत जानकारी पाएपछि नेपाली कांग्रेसका नेता तथा केएमसीका सञ्चालक डा. सुनीलकुमार शर्माले उनीहरूको सम्पूर्ण उपचार निःशुल्क गरिदिने घोषणा गरेका थिए। साथै, उनले बिरामी तथा मिर्गौला दाताका लागि खानपिनको समेत विशेष व्यवस्था मिलाएका थिए। शर्माको घोषणा लगत्तै केएमसीको विज्ञ चिकित्सक टोलीले विष्णुकुमारीको मिर्गौला प्रत्यारोपण प्रक्रिया अगाडि बढाएको थियो।
मिर्गौला प्रत्यारोपण सफलतापूर्वक सम्पन्न भएपछि पूर्ण रूपमा स्वस्थ भई अस्पतालबाट घर फर्किंदै गर्दा डंगोल दम्पतीले उपचारमा संलग्न ट्रान्सप्लान्ट सर्जन डा. सुरेश महर्जन, डा. विजयमानसिंह कटुवाल , डा. अनील पोख्रेलसहित सम्पूर्ण चिकित्सक टोलीलाई भावुक हुँदै हृदयदेखि नै आभार प्रकट गरेका छन्।
नेता शर्मा र केएमसी अस्पतालबाट प्राप्त यो मानवीय सहयोगबाट भावविह्वल बनेका राजकुमारले यो कठिन घडीमा आफूहरूले वास्तविक जीवनमा भगवान् नै भेटेको अनुभव सुनाए। भक्कानिँदै उनले भने, “हाम्रो सर्वस्व बगायो भन्ने पीडा त छँदै थियो, तर आज भगवान रुपी सुनील सरले हामीलाई नयाँ जीवन दिनुभयो। हामीले संसारमा सत्कर्म गर्ने मानिसहरू अझै जीवित छन् भन्ने महसुस गरेका छौँ। उहाँप्रति हाम्रो कोटी–कोटी नमन छ।”
काठमाडौं मेडिकल कलेज (केएमसी) मा अहिलेसम्म गरिएका सबै मिर्गौला प्रत्यारोपण शतप्रतिशत सफल भएका छन्। विष्णुकुमारी यही अस्पतालमा सफल मिर्गौला प्रत्यारोपण गराउने ८६औँ बिरामी हुन्।
विपद्को समयमा पीडित नागरिकको पीडालाई आफ्नै परिवारको पीडाझैँ आत्मसात् गर्ने नेता शर्माले यसअघि नै बाढीपीडितहरूका लागि आफ्नो अस्पतालका ढोकाहरू निःशुल्क खुला रहने घोषणा गरिसकेका छन्। ‘अब पैसा नभएका कारण कुनै पनि नेपालीले अकालमा ज्यान गुमाउनु नपरोस्’ भन्ने उनको दृढ संकल्प आज विष्णुकुमारीजस्ता सयौँ विपन्न बिरामीहरूका लागि जीवनको ठूलो सहारा बनेको छ।

19/09/2026

सर्वश्व गुमाएकी विष्णुकुमारी निःशुल्क मिर्गौला प्रत्यारोपणपछि पूर्ण स्वस्थ भई डिस्चार्ज

18/09/2026

काठमाडौं मेडिकल कलेज पब्लिक लिमिटेडको १७औँ साधारण सभा सम्पन्न

काठमाडौं मेडिकल कलेज पब्लिक लिमिटेडको १७औँ वार्षिक साधारण सभा सम्पन्न भएको छ। असोज २ गते शुक्रबार केएमसी, दुवाकोटस्थित मल्टिप्रपोज हलमा आयोजित उक्त साधारण सभामा कम्पनीका बहुमत शेयरधनीहरूको उपस्थिति रहेको थियो।
साधारण सभाले सञ्चालक समितिका तर्फबाट कार्यकारी अध्यक्ष सोइना शर्मा द्वारा प्रस्तुत आर्थिक वर्ष २०८२/८३ को वार्षिक प्रतिवेदन सर्वसम्मतिले पारित गरेको छ। सभामा कम्पनीको आर्थिक अवस्था, वार्षिक गतिविधि तथा आगामी कार्ययोजनासँग सम्बन्धित विभिन्न विषयमा विस्तृत छलफल भएको थियो।
सभामा प्रमुख अतिथिका रूपमा नेपाली कांग्रेसका नेता तथा गिरिजाप्रसाद कोइराला फाउन्डेसनका सभापति डा. सुनीलकुमार शर्मा उपस्थित हुनुहुन्थ्यो। त्यसैगरी, विशिष्ट अतिथिका रूपमा सहभागी च्यारिटी इन्टरनेशनल नेपालका अध्यक्ष अर्जुनप्रसाद बास्तोलाले नेपालमा निजी मेडिकल कलेज स्थापना गर्दाका पुराना स्मरणहरू साझा गर्नुभएको थियो भने केएमसीका प्राचार्य प्रा. डा. रतीन्द्रनाथ श्रेष्ठले स्वागत मन्तव्य राख्नुभएको थियो। साधारण सभालाई व्यवस्थित रूपमा सञ्चालन गर्न कम्पनी सचिव योगेन्द्र भट्टराईले सहजीकरण गर्नुभएको थियो।

17/09/2026

रोटर्याक्ट क्लब अफ काठमाडौं मेडिकल कलेजको पहलमा त्रिशूलीमा राहत र स्वास्थ्य शिविर

काठमाडौं — रोटर्याक्ट क्लब अफ काठमाडौं मेडिकल कलेजको आयोजनामा तथा लियो क्लब अफ केएमसी भक्तपुर, लियो क्लब अफ काठमाडौं मेडिकल कलेज बेड भ्यास र लियो क्लब अफ ड्रीमल्यान्डको सहकार्यमा नुवाकोटको त्रिशूलीस्थित होल्डिङ सेन्टरमा राहत वितरण तथा स्वास्थ्य शिविर सञ्चालन गरिएको छ।
समुदायमा पुगेर आवश्यक राहत तथा स्वास्थ्य सेवा उपलब्ध गराउने उद्देश्यले आयोजित शिविरमा सहभागी टोलीले लामो र चुनौतीपूर्ण यात्रा तय गरेर होल्डिङ सेन्टर पुगेको थियो। काठमाडौं मेडिकल कलेजबाट त्रिशूली पुग्न करिब ७–८ घण्टाको यात्रा गर्नुपरे पनि समुदायका नागरिकलाई आवश्यक सहयोग र स्वास्थ्य सेवा प्रदान गर्न पाउँदा यात्राका कठिनाइ सार्थक भएको सहभागीहरूले बताएका छन्।
राहत वितरणसँगै स्वास्थ्य शिविरमार्फत समुदायका नागरिकलाई आवश्यक स्वास्थ्य सेवा उपलब्ध गराइएको थियो। विपद्का कारण प्रभावित तथा असहज अवस्थामा रहेका नागरिकसम्म प्रत्यक्ष पुगेर सहयोग गर्ने उद्देश्यले गरिएको यो पहलले सेवा सहज अवस्थामा मात्रै नभई चुनौतीपूर्ण परिस्थितिमा पनि निरन्तर अघि बढाउनुपर्ने सन्देश दिएको छ।
अभियान सफल बनाउन सहयोग गर्ने, साथ दिने, राहतका लागि दान गर्ने, लामो यात्रा तय गरेर प्रत्यक्ष सहभागी हुने तथा प्रत्यक्ष–अप्रत्यक्ष रूपमा निरन्तर खटिने सम्पूर्ण व्यक्ति तथा संस्थाप्रति आयोजकले आभार व्यक्त गरेको छ।
मानवीय सेवाका लागि सामूहिक प्रयास आवश्यक रहेको जनाउँदै आयोजकले समुदायको आवश्यकतामा हातेमालो गर्दै यस्ता सेवामूलक गतिविधिलाई निरन्तरता दिने जनाएको छ। मानवताको सेवाका लागि एकजुट हुँदा दूरी र चुनौतीले सेवाको यात्रालाई रोक्न नसक्ने सन्देशसमेत यस अभियानले दिएको छ।

14/09/2026

हरितालिका तीजको पावन अवसरमा सम्पूर्ण नेपाली दिदीबहिनी तथा आमाहरूमा सुख, शान्ति, समृद्धि एवं सुस्वास्थ्यको हार्दिक मंगलमय शुभकामना!

11/09/2026

आफ्नो खुसीभन्दा सन्तानको खुसी रोज्ने हरेक बुबाप्रति सम्मान।
कुशे औँसी तथा बुबाको मुख हेर्ने दिनको हार्दिक शुभकामना!

11/09/2026

समाचारका लागि हार्दिक धन्यवाद !

काठमाडाैं । काठमाडौं मेडिकल कलेज (केएमसी), सिनामंगलमा जन्मिएको पाँच दिनमै नवजात शिशुको सफल शल्यक्रिया गरिएको छ। .....

10/09/2026

समाचार प्रकाशन तथा प्रसारणमार्फत जनसमक्ष पुर्‍याइदिनुभएकोमा स्वास्थ्यखबरप्रति हार्दिक आभार तथा धन्यवाद! 🙏❤️

केएमसीका सञ्चालक तथा पूर्वसांसद् डा.सुनीलकुमार शर्मा स्वास्थ्य उपचारलाई आम नागरिकको पहुँचमा पुर्‍याउने अभिया.....