02/10/2026
हार्दिक श्रद्धाञ्जली
वरिष्ठ शल्य चिकित्सक प्रा. डा. सुदीपकुमार भट्टाचार्य
(१९९२–२०८३)
उहाँले नेपाल सरकारको छात्रवृत्तिमा सन् १९६० मा बेलायत गई अध्ययन गरी नेपाल फर्किएर देशमा सेवा गर्नुभएको थियो। उहाँले आफ्नो जीवनको तीन दशकभन्दा बढी समय चिकित्सक, शल्य चिकित्सक तथा प्रशासकका रूपमा वीर अस्पतालमा समर्पित गर्नुभयो।
राष्ट्रिय चिकित्सा विज्ञान प्रतिष्ठान (NAMS) को स्थापनाकालदेखि नै उहाँ चिकित्सा शिक्षा र प्रशिक्षणमा सक्रिय रहनुभयो। उहाँले वीर अस्पतालमा शिक्षकका रूपमा सेवा गर्दै धेरै चिकित्सक तथा विद्यार्थीलाई ज्ञान, सीप र मार्गदर्शन प्रदान गर्नुभयो।
वीर अस्पताल विकास बोर्डको अध्यक्षका रूपमा समेत उहाँले नेतृत्वदायी भूमिका निर्वाह गर्नुभयो र विभिन्न विधाका वरिष्ठ चिकित्सकहरू सम्मिलित समितिमार्फत वीर अस्पतालमा बहुविशेषज्ञ चिकित्सा शिक्षा कार्यक्रमको विकासमा महत्वपूर्ण योगदान पुर्याउनुभयो। उहाँले लामो समयसम्म शल्य चिकित्साका प्राध्यापकका रूपमा रही विद्यार्थी तथा चिकित्सकहरूलाई शिक्षण–प्रशिक्षण प्रदान गर्नुभयो।
उहाँले वि.सं. २०४७/११/२४ देखि २०४९/११/२८ सम्म वीर अस्पतालको निर्देशकका रूपमा समेत सेवा गर्नुभएको थियो।
न्याम्स, वीर अस्पताल, स्वास्थ्य सेवा, शल्यचिकित्सा तथा चिकित्सा शिक्षाको क्षेत्रमा उहाँले पुर्याउनुभएको अतुलनीय योगदान सधैं स्मरणीय रहनेछ। उहाँको योगदान र आदर्श भावी पुस्ताका लागि सदैव प्रेरणाको स्रोत बनिरहनेछ।
भावपूर्ण श्रद्धाञ्जली। 🙏🙏🙏
