What are the opening hours?

Monday 07:00 - 09:00 Tuesday 07:00 - 09:00 Wednesday 07:00 - 21:00 Thursday 07:00 - 09:00 Friday 07:00 - 09:00 Sunday 07:00 - 09:00

https://www.facebook.com/104414838524025/

Dr Amrit Bhusal, Kathmandu (2026)

09/07/2026

दुर्घटनापछि न्यायिक प्रक्रिया, स्वास्थ्यकर्मीको सुरक्षा, बिरामी तथा आफन्तको पीडा, र स्वास्थ्य प्रणालीप्रतिको सामूहिक जिम्मेवारीबारे सोच्न प्रेरित गर्ने सन्देश सहित समाजमा चेतना भर्ने उद्देश्यले लिखित Lekhanath Baral को यो कथा पढौं..
मनन गरौं ।

कथा ..

जब अन्तिम डाक्टर पनि गए…

जिल्ला अस्पतालको आकस्मिक कक्षमा बिहानको शान्त वातावरण थियो। अचानक एम्बुलेन्सको साइरन बज्यो।

“डाक्टर साब! छिटो आउनुस्… बिरामीको अवस्था गम्भीर छ!”

बाटोको किनारमा हिँडिरहेका ३५ वर्षीय युवकलाई मदिराको नशामा रहेको ट्रक चालकले ठक्कर दिएको थियो। टाउकोमा गम्भीर चोट थियो।

चिकित्सकहरूको टोली तुरुन्तै उपचारमा जुट्यो। सीमित उपकरण, सीमित रगत, सीमित जनशक्ति—तर प्रयास असीमित थियो।

एक घण्टा…

दुई घण्टा…

तीन घण्टा…

अन्ततः मनिटरको रेखा सीधा भयो।

“हामीले सक्दो प्रयास गर्‍यौं… तर उहाँलाई बचाउन सकिएन।”

यो वाक्य सकिन नपाउँदै अस्पतालको गेटबाहिर भीड जम्मा भइसकेको थियो।

“ज्यानमारा डाक्टर!”

“यिनलाई जेल हाल!”

“डाक्टर होइन, हत्यारा हुन्!”

कसैले पनि मदिरा पिएर ट्रक चलाउने चालकको नाम लिएन। कसैले पनि दुर्घटनाको कारणबारे प्रश्न गरेन।

भीड आकस्मिक कक्षभित्र पस्यो।

एक चिकित्सकलाई थप्पड हानियो।

अर्कोको सेतो कोट च्यातियो।

नर्सहरू रोइरहेका थिए।

प्रहरी मौन थियो।

त्यो रात अस्पतालका सबै चिकित्सकहरू एउटै कोठामा बसे।

सबैको अनुहारमा निराशा थियो।

वरिष्ठ चिकित्सकले बिस्तारै भने,

“हामीले कम तलबमा पनि देशका लागि सेवा गर्‍यौं। परिवारभन्दा अस्पताललाई प्राथमिकता दियौं। तर आज हामी अपराधी बन्यौं।”

अर्को चिकित्सक बोले,

“बिरामी बच्यो भने भगवान्, नमरे डाक्टर हत्यारा—यही हो हाम्रो परिचय?”

अन्तिम निर्णय भयो।

“अब पुग्यो।”

केही सातापछि सबै चिकित्सकहरूले राजीनामा दिए।

कोही साउदी गए।

कोही कतार।

कोही यूएई।

त्यहाँ उनीहरूलाई सुरक्षा थियो, सम्मान थियो, र आफ्नो सीपको उचित मूल्य पनि।

…

जिल्ला अस्पताल भने उहीँ थियो।

भवन उस्तै।

शय्या उस्तै।

औषधि केही थिए।

तर उपचार गर्ने हातहरू थिएनन्।

सरकारले पटक–पटक चिकित्सक पठाउन खोज्यो।

तर कसैले जान मानेन।

सबैले एउटै प्रश्न सोधे—

“त्यहाँ हाम्रो सुरक्षा हुन्छ?”

सरकारसँग उत्तर थिएन।

…

एक वर्षपछि वर्षायाम आयो।

गाउँभरि तीव्र झाडापखालाको प्रकोप फैलियो।

त्यही गाउँका एक बालक गम्भीर रूपमा बिरामी परे। शरीरमा पानीको कमी भइसकेको थियो।

आमाले छोरालाई काखमा बोकेर त्यही जिल्ला अस्पताल पुगिन्।

“डाक्टर साब… मेरो छोरालाई बचाइदिनुस्…”

तर त्यहाँ कुनै डाक्टर थिएन।

कुर्सी खाली थियो।

स्टेथोस्कोप धुलोले ढाकिएको थियो।

वार्ड सुनसान थियो।

बालकलाई अर्को शहर लैजान खोजियो।

तर बाटोमै उसको सास रोकियो।

यसपटक फेरि भीड जम्मा भयो।

तर यसपटक नाराको स्वर फरक थियो।

“डाक्टर नभएको अस्पताल किन बनाएको?”

“सरकार मुर्दाबाद!”

“अस्पतालमा आगो लगाइदेऊ!”

केही क्षणमै अस्पताल आगोको मुस्लोमा परिणत भयो।

भवन जलिरह्यो।

झ्यालहरू फुटिरहे।

कागजहरू खरानी बनिरहे।

धुवाँ आकाशतिर उठिरह्यो।

त्यही धुवाँभित्र एउटा मौन प्रश्न पनि उठिरहेको थियो—

पहिलो आगो अस्पतालमा लागेको थिएन।

पहिलो आगो त त्यो दिन लागेको थियो, जब आफ्नो कर्तव्य निभाइरहेका चिकित्सकको आत्मसम्मान भीडले जलाइदिएको थियो।

जब सम्मान मर्छ, सेवा पनि मर्छ।

जब सेवा मर्छ, अस्पताल खाली हुन्छ।

जब अस्पताल खाली हुन्छ, उपचारको अभावले बिरामी मर्छ।

र अन्त्यमा…

समाजले आफ्नै हातले अस्पताल होइन,

आफ्नो भविष्य जलाउँछ।

चिकित्सकको सुरक्षा भनेको चिकित्सकको मात्र सुरक्षा होइन—त्यो प्रत्येक बिरामीको जीवनको सुरक्षा हो।

12/05/2026

SEE रिजल्ट जीवनको अन्तिम नतिजा होइन !

असफलताले केही समय चिन्ता हुन्छ, तनाव हुन सक्छ, तर सही व्यवहार, माया र समर्थनले हामी बच्चालाई अझ बलियो बनाउन सक्छौं।
यस्तो बेलामा अभिभावकको भूमिका अत्यन्त महत्वपूर्ण हुन्छ।
यदि आफ्नो बच्चाले SEE मा फेल भए भने के गर्नुपर्छ र के गर्नुहुँदैन — उनीहरूको मानसिक स्वास्थ्य जोगाउन:
गर्नुपर्ने कुराहरू :

१. उनीहरूको भावना स्वीकार गर्नुहोस् – दुःख, निराशा वा डर व्यक्त गर्न दिनुहोस्। बिना रोकटोक सुन्नुहोस्।
२. सकारात्मक कुरा गर्नुहोस् – “यो अन्त होइन”, “फेरि प्रयास गर्न सकिन्छ” भन्नुहोस्। नतिजाभन्दा प्रयासलाई महत्व दिनुहोस्।
३. समर्थन गर्नुहोस्, तुलना नगर्नुहोस् – हरेक बच्चाको क्षमता फरक हुन्छ। उनीहरूको रुचि र बलियो पक्ष पत्ता लगाउन मद्दत गर्नुहोस्।
तुलना नगर्नुहोस्।
४. नयाँ बाटो खोज्नुहोस् – रिटेस्ट, प्राविधिक शिक्षा, व्यावसायिक तालिम, कला, खेलकुद वा अन्य करियर विकल्पहरूबारे छलफल गर्नुहोस्।
कम तनावपूर्ण वातावरण बनाउनुहोस् – बाहिर घुम्न, खेलकुद, संगीत, कला वा साथीहरूसँग समय बिताउन प्रोत्साहन दिनुहोस्।

५. आवश्यक परे विशेषज्ञ सहयोग लिनुहोस् – लामो समयसम्म चिन्ता, निद्रा नलाग्ने, डर वा अपराधबोध भए काउन्सेलर वा मनोचिकित्सकसँग परामर्श गर्नुहोस्।

नगर्नुहोस् :

१. गाली वा तुलना नगर्नुहोस् – “अरूले पास गरे, तिमी किन गर्न सकेनौ?” जस्ता शब्दहरूले गहिरो मानसिक चोट पुर्‍याउँछन्।
२. सजाय वा उपेक्षा नगर्नुहोस् – कुटपिट, मोबाइल खोस्ने, मौन रहने वा एक्लो पार्ने काम नगर्नुहोस्।
३. तुरुन्तै पढाइको दबाब नदिनुहोस् – रिजल्ट आएपछि तुरुन्तै पढाइको दबाब दिनुले मनोवैज्ञानिक हानि पुर्‍याउँछ।
४. दोष लगाएर अपराधबोध नगराउनुहोस – “तिमीले गर्दा परिवारको इज्जत गयो” भन्नुले अपराधबोध र लाज बढाउँछ।
५. अभिभावकले आफूलाई धेरै दोष नदिनुहोस् – तपाईंको अत्यधिक अपराधबोधले घरको वातावरण तनावपूर्ण बनाउँछ।

महत्वपूर्ण सन्देश:
असफलता भनेको एउटा चरण मात्र हो, अन्त होइन।
माया, धैर्य, विश्वास र सही मार्गदर्शनले बच्चालाई मानसिक आघातबाट जोगाउन सक्छ।

सधैं सम्झनुहोस् — कुनै पनि नतिजाभन्दा बच्चाको मानसिक स्वास्थ्य र आत्मविश्वास धेरै महत्वपूर्ण छ।
Stay positive, stay healthy

30/04/2026

Remember the Date: Friday & Saturday.
8 AM - 6 PM
National Academy Hall, Kamaladi

31/03/2026

The Campaign Begins.

19/03/2026

कर्णाली र सुदूरपश्चिम प्रदेशका पहाडी र हिमाली क्षेत्रमा सर्तकताको लागी जनहितमा जारी अनुरोध ।

27/02/2026

"दक्ष जनशक्ति, दिगो सेवा: स्वास्थ्य सुरक्षामा हाम्रो दृढ प्रतिबद्धता"
२९ औँ स्वास्थ्य सेवा दिवसको अवसरमा सबै स्वास्थ्यकर्मीहरू, चिकित्सकहरू, नर्सहरू, स्वास्थ्य स्वयंसेविका तथा स्वास्थ्य क्षेत्रमा समर्पित सम्पूर्ण व्यक्तित्वहरूलाई हार्दिक शुभकामना!

सबैलाई निरोगी, स्वस्थ र खुसी जीवनको कामना गर्दछु ।
आउनुहोस्, मिलेर निरोगी नेपाल निर्माणमा सबैले योगदान गरौं ।

24/01/2026

बहुमत सधैं सत्य हुँदैन — यो कुरा इतिहासले बारम्बार सिद्ध गरेको छ।
स्वार्थ, पैसा, प्रचार, डर वा भीडको मनोविज्ञानले गर्दा धेरैजसोले गधालाई गाई नै भन्न थाल्छन्।
तर एउटा इमानदार, साहसी व्यक्तिले मात्रै पनि 'यो त गधा नै हो' भनेर बोलेको हुन्छ — र गधा गधा नै रहन्छ।
सत्य बहुमतको मतमा होइन, तथ्य, विवेक र नैतिकतामा निर्भर हुन्छ।
आगामी निर्वाचन हाम्रो लागि मात्र एउटा मतदान होइन — यो हाम्रो देशको भविष्यको परीक्षा हो।
हामीले यो परीक्षामा भीड हेरेर, ट्रेन्ड हेरेर, पैसाको प्रभावमा, जात/क्षेत्र/धर्मको नाममा वा सामाजिक सञ्जालको 'भाइरल' प्रचारमा फस्नु हुँदैन।

मत दिनुअघि सोधौं आफैंलाई यी प्रश्नहरू:

१. यो उम्मेदवार/दलले विगतमा के-के वास्तविक काम गरे?
२. के ती कामले मेरो गाउँ/शहर/परिवारको जीवन सुधार्‍यो?
३. उनीहरूको निष्ठा र इमान्दारिता को प्रमाण के छ?
४. भ्रष्टाचार, ढोंग वा स्वार्थका काण्डहरूबाट मुक्त छन् कि छैनन्?
५. उनीहरूले समर्पण देखाएका छन् कि केवल सत्ताको लागि सौदाबाजी गरेका छन्?
६. मेरो मतले आफ्नो बच्चाको भविष्य लाई उज्यालो बनाउँछ कि अँध्यारोमा धकेल्छ?

मतदान भनेको भावनाको होइन, विवेकको कुरा हो।
एउटा गलत मतले ५ वर्षसम्म गलत नेतृत्व आउँछ — जसले हाम्रो शिक्षा, स्वास्थ्य, रोजगारी, शान्ति र समृद्धिलाई खोसेर लैजान सक्छ।
एउटा सही मतले इमानदार, समर्पित र योग्य व्यक्तिलाई जिताउँछ — जसले देशलाई साँच्चै अगाडि बढाउँछ।

भीडको होइन, विवेकको पक्षमा उभिनुहोस्।

स्वार्थी बहुमतको होइन, सत्यको पक्षमा मत दिनुहोस्।

किनकि लोकतन्त्र तब बलियो हुन्छ जब मतदाता सुसूचित, जागरूक र निडर हुन्छन्।

आफ्नो विवेक जागृत राखौं।

इमान्दारिता, समर्पण र विगतको योगदान हेरेर मात्र मत खसालौं।

यो हाम्रो साझा जिम्मेवारी हो — नेपालको उज्ज्वल भविष्य निर्माण गर्ने जिम्मेवारी।

जागौं, सोचौं, र सही छनोट गरौ !
जय देश !
जय विवेकपूर्ण मतदान !

23/01/2026

तपाई हाम्रो जीवन पनि ज्ञानको संगीत बन्दै जाओस्।

शुभ सरस्वती पूजा !

21/01/2026

दलले त हरेक ५ वर्षमा "नयाँ लुगा" फेर्छ, तर असल मान्छेले देशको अबस्था फेर्छ।
• चुनावमा उम्मेदवार छनोट गर्दा दलको झण्डा मात्र हेरेर होइन ।
व्यक्तिको गुणस्तर हेर्ने हो भने देशले राम्रो प्रतिनिधि पाउँछ !

छनोट कसरी गर्ने ?

√ विगतको "ट्र्याक रेकर्ड" जाँच्नुहोस् - के गरे ?
• विकासका काम, जनतासँग बस्ने कि फोटो मात्र खिच्ने ?
• भ्रष्टाचार/ठगीका केस छन् कि "सफा इमेज" छ ?
• स्थानीय कि पर्यटक उम्मेदवार?
•आफ्नो क्षेत्रका समस्या बुझ्छन् कि चुनाव आएपछि मात्र "हजुर भन्दै घर" आउँछन् ?

√ चरित्र र इमानदारी हेर्नुहोस्
• बोल्ने र गर्न सकिने एजेण्डा हुन्छन् कि "प्रतिबद्धता" मात्र फेसबुक स्टाटस वा फगत चुनाबी गफ हुन ?
√ क्षमता र समर्पण
• योजना छ कि आफु जितेर आएपछि मात्रै सबै ठीक हुन्छ" भन्ने सपना मात्र?
अब :
भोट कसरी हाल्ने ?
पार्टी होइन, व्यक्ति हेरेर।
"यो त मेरो चिनजान हो" भनेर होइन, " यस्ले काम गर्छ" भनेर।
अतः
फागुन २१: सोचेर भोट हालौं— नत्र फेरि ५ वर्ष "अर्को पटक राम्रो आउँछ नि" भनेर कुर्दै बस्नु सिवाय केही हुँदैन ।

21/12/2025

सहीका लागी खाने तेल गलतका लागी तोरीका फूल !

Dr Amrit Bhusal

09/07/2026

12/05/2026

30/04/2026

31/03/2026

19/03/2026

27/02/2026

24/01/2026

23/01/2026

21/01/2026

21/12/2025

Address

Opening Hours

Telephone

Website

Alerts

Contact The Practice

Shortcuts

Share

Category

Listing takedown request

Monday	07:00 - 09:00
Tuesday	07:00 - 09:00
Wednesday	07:00 - 21:00
Thursday	07:00 - 09:00
Friday	07:00 - 09:00
Sunday	07:00 - 09:00