Vipassana.Nepal

09/06/2026

06/06/2026

🙏 धम्म निभा विपश्यना केन्द्र - निर्माण सम्बन्धी जानकारी 🙏

पहिलो चरण(हालको अवस्था) सम्पन्न:
अस्थायी संरचना टेन्ट सहित १० जना पुरुष साधक क्षमता भएको २ वटा डर्मिटरी, ३ ट्वाइलेट, २ बाथरुम, १ सहायक आचार्य निवास, १ धम्म हल, १ डाइनिङ हल निर्माण गरी प्रत्येक महिना शिविर लगाउँदै आएका छौं। हालसम्म १४ वटा शिविर सम्पन्न भइसकेको छ। जुन र जुलाईको शिविर पनि यीनै संरचनामा हुनेछ।

दोस्रो चरण: केन्द्रलाई स्थायी बनाउन निम्न निर्माण कार्य बाँकी छ:

✅ धम्म हल फिनिसिङ + साउन्ड सिस्टम: ∼१२.५ लाख
✅ ४ वटा डर्मिटरी फिनिसिङ: ∼९ लाख
✅ २० ट्वाइलेट + २० बाथरुम फिनिसिङ: ∼१६ लाख
✅ ७० सेट बेडिङ व्यवस्था: ∼३.५ लाख
✅ पुरुष सहायक आचार्य निवास २ जना: ∼३.५ लाख
✅ महिला सहायक आचार्य निवास १ जना: ∼३ लाख

कुल अनुमानित लागत: ∼५२.५ लाख

दोस्रो चरणका कार्य सम्पन्न गरी _अगस्ट ८, २०२६_ देखि महिला तथा पुरुष दुवैको शिविर लगाउने योजना रहेको छ।

नोट: दान गर्नको लागि U Ba Khin को परम्परामा श्री सत्यनारायण गोयन्काद्वारा सिकाइने विधिमा कम्तीमा १ वटा १० दिवसीय शिविर पूरा बसेको हुनुपर्छ।

दान गर्न इच्छुक पुराना साधक-साधिकाले तल उल्लिखित बैंकको खाता अथवा QR code प्रयोग गर्न सक्नुहुनेछ।

बैंक विवरण:
Bank Name: LUMBINI BIKAS BANK LIMITED
A/C Name: DHAMMANIBHA VIPASSANA CENTRE
A/C No: 03600120191377000001
Branch: KANTIPATH

सम्पर्क:
नेपाल विपश्यना केन्द्र, नगर कार्यालय
ज्योतिभवन, कान्तिपथ
फोन: ०१-५३१५६५६

सबैको मंगल होस् 🙏

02/06/2026

🧘‍♀️🧘‍♂️ ८ देखि १२ वर्षका नानीबाबुहरूका लागि एक दिवसीय बाल आनापान ध्यान शिविर🧘‍♂️🧘‍♀️

मिति: शनिबार, २३ जेष्ठ २०८३ | 6 June 2026
समय: बिहान ९:०० बजे नाम दर्ता | ९:३५ बजे शिविर सुरु | ३:३० बजे समापन
📍 स्थान: ज्योति भवन, जमल | नेपाल विपश्यना केन्द्र, नगर कार्यालय

📞 सम्पर्क: ०१-५३५०५८१

👉 ध्यान बस्न सजिलो हुने खुकुलो खालको लुगा लगाइदिनुहोला
👉 बिहानको खाना/नास्ता खुवाएर पठाउनुहोला

आनापानबारे बुझ्न यो लिंक हेर्नुहोस्: https://www.children.dhamma.org/en/

सबैको मंगल होस् 🙏

01/06/2026

नख्खु कारागार विपश्यना केन्द्र, "धम्मासय"

विपश्यना शिविर संख्या ४१

मिति: २०८३ जेठ १३ देखि २४ गते (27th May to 7th June 2026)
संचालन आचार्य: धर्म राज शाक्य (SAT)

कुल ४३ जना सहभागी भएर शिविर सुरु भएको छ।

सहभागी विवरण:
📍 ३ वटा कारागारबाट: ४० जना
- विद्यार्थी: ३१ जना (नयाँ: १२, पुराना: १९)
- धम्म सेवक: ९ जना

📍 बाहिरबाट: ३ जना
- धर्मश्रृंगबाट सेवक: १ जना
- नेपाल प्रहरी: १ जना
- संचालन आचार्य: १ जना

कारागार अनुसार:
केन्द्रीय कारागार: २६, नख्खु: १०, डिल्लीबजार: ४

सबैको मंगल होस्। 🙏
#विपश्यना #नख्खुकारागार #धम्मासय

29/05/2026

स्या थेत्जीबाट ध्यान सिक्न आएका व्यक्तिहरूमध्ये एक जना बौद्ध विद्वान पनि थिए—धेरै पढे-लेखेका। दुर्भाग्यवश, उनी आफ्नो अनुभवभन्दा विपश्यनाको सिद्धान्तमै बढी रुचि राखेजस्तो देखिन्थ्यो। यद्यपि, उनले आफ्नो दश-दिने शिविर सफलतापूर्वक पूरा गरे र आफूले हासिल गरेको कुराप्रति सन्तुष्ट हुँदै फर्किए।

केही महिनापछि ती व्यक्ति स्या थेत्जीलाई भेट्न आए र सम्मानपूर्वक उनका अगाडि एक-दुई किताब राखे। “गुरुज्यू,” उनले भने, “मैले कसरी ध्यान गर्ने भन्ने विषयमा एउटा पुस्तक लेखेको छु, र यो पुस्तक मैले तपाईंलाई आफ्ना गुरुका रूपमा समर्पण गरेको छु।” स्या थेत्जीले सोध्नुभयो, “के यहाँ ल्याएका यी प्रतिहरू मात्रै मलाई समर्पित हुन्?” “ओ होइन, गुरुज्यू! सबै प्रतिमा समर्पण लेखिएको छ।”

“हुन्छ, यदि सबैलाई नै मलाई समर्पित गर्न चाहन्छौ भने, आफ्ना सबै पुस्तक यहाँ ल्याऊ।” विद्वान खुसी हुँदै राजी भए, सायद स्या थेत्जीले उनको कृतिलाई आशिर्वाद दिने कुनै विधि गर्नुहुन्छ भन्ने सोचे। केही दिनपछि उनी गाडीभरि पुस्तक बोक्दै फर्किए। “के यी नै तिम्रो पुस्तकका सबै प्रति हुन्?” स्या थेत्जीले सोध्नुभयो। “हो, गुरुज्यू,” ती व्यक्ति गर्वका साथ बोले।

“राम्रै भयो,” स्या थेत्जीले भन्नुभयो, “पराल नलागेको त्यो बाँझो खेततिर ती पुस्तकहरू राख।” विद्वानले गुरुज्यूले भनेझैं गरे, पुस्तकहरू राम्रोसँग थुपारेर राखे। “अब,” गुरुले भन्नुभयो, “भान्साबाट मट्टितेलको बोतल र केही सलाइ ल्याऊ।” “मट्टितेल, गुरुज्यू? सलाइ?” ती व्यक्ति हैरान परे। यस विधिमा यसको के प्रयोजन होला?

“हो, मट्टितेल र सलाइ।” फेरि पनि विद्वानले अलिक अनिच्छापूर्वक आदेश मान्दै ती वस्तुहरू ल्याए। जब उनी बोतल र सलाइसहित फर्किए, स्या थेत्जीले भन्नुभयो, “राम्रो! अब पुस्तकहरूमा मट्टितेल छर र आगो लगाऊ।” अब विद्वानले आफूलाई रोक्न सकेनन्। “के, गुरुज्यू! तपाईं मजाक गर्दै हुनुहुन्छ होला! यो पुस्तक लेख्न मैले कति महिनासम्म मेहनत गरेको छु।”

स्या थेत्जीले जवाफ दिनुभयो, “त्यो समय ध्यानमै बिताएको भए राम्रो हुन्थ्यो। तपाईंले आफैँ गहिरो ध्यान नगरेसम्म कसरी अरूलाई ध्यानको व्याख्या गर्न सक्नुहुन्छ? र यदि तपाईंले आफैँ राम्रोसँग बुझेको भए तापनि, अरूले पुस्तक पढेर ध्यान सिक्लान् भन्ने कसरी अपेक्षा गर्न सक्नुहुन्छ? तिनीहरू त बालबालिकाले आगोसँग खेल्दा जस्तै आफैं जलेरै मान्नेछन्। त्यसैले यी पुस्तकहरू जलेको नै राम्रो!”

Source
https://www.vridhamma.org/node/2482

28/05/2026

नमस्कार 🙏

नख्खु कारागार विपश्यना केन्द्र 'धम्मासय'मा ४१औं १० दिवसीय विपश्यना शिविर

पुरुष कैदीबन्दीहरूका लागि जेठ १३ गते (27th May, 2026) देखि नख्खु कारागार विपश्यना केन्द्र "धम्मासय"मा सुरु भएको १० दिवसीय शिविरमा सहभागी भई दान पारमी बढाउने सु-अवसर रहेको जानकारी गराउँदछौं।

प्रत्येक दिनको खानाको लागि खर्चहरू लगभग निम्नानुसार छन्:

बिहानको जलपान – रु. ३,२००/-
दिउँसोको भोजन – रु. ७,०००/-
साँझको नास्ता – रु. १,८००/-

एक दिनको खानाको लागि सम्पूर्ण खर्च: रु. १२,०००/-

यो शिविरमा सेवा दिन इच्छुक सेवकले पनि सम्पर्क गर्न सक्नुहुनेछ।

आगामी शिविर असार ४ गते, (June 18th, 2026) पुरुषहरूका लागि हुनेछ। उक्त शिविरमा सेवा दिन चाहने इच्छुक साधकहरूले सम्पर्क गर्नुहोला।

दान गर्नको लागि संलग्न QR कोड प्रयोग गर्नुहोस्।

नोट:
1. पूज्य गुरुजी श्री सत्यनारायण गोयन्काज्यूद्वारा निर्धारित नियमअनुसार नख्खु कारागार विपश्यना केन्द्र "धम्मासय"को निर्माण, मर्मत, शिविर खर्च लगायतका सम्पूर्ण खर्चहरू अन्य कुनै विपश्यना केन्द्रमा प्राप्त दानबाट नभई पुराना साधक/साधिकाहरूबाट यही केन्द्रका लागि छुट्टै संकलित स्वेच्छिक दानबाट हुँदै आएको छ।
2. दान गर्नको लागि "सयाजी ऊ बा खिनको परम्परामा श्री सत्यनारायण गोयन्काद्वारा प्रशिक्षित" विधिमा कम्तीमा एउटा १० दिवसीय शिविर पूरा बसेको हुनुपर्छ।

थप जानकारीको लागि सुशील साहलाई 9813282200 मा सम्पर्क गर्न नहिचकिचाउनुहोला।

भवतु सब्ब मङ्गलम्!
🙏🙏🙏