Paropakar Maternity and Women's Hospital

04/08/2026

विश्व स्तनपान सप्ताह २०८३ को अवसरमा आज यस अस्पतालमा सुत्केरी महिला तथा बिरामी कुरुवाहरु बीच हाजिरी जवाफ प्रतियोगिता गरी मनाइयो ।

30/07/2026

24/07/2026

यस अस्पतालमा कार्यरत कर्मचारीहरु श्री राजु बज्राचार्य ज्यू तथा श्री सत्य बहादुर पुन ज्यू आफ्नो उमेर हदको कारणले सेवाबाट अवकाश प्राप्त गर्नुभएको छ । यसै सन्दर्भमा अस्पतालको तर्फ बाट आगामी दिनको लागि शुभकामना सहित मायाको चिनो र सम्झना पत्र प्रदान गरि बिदाई गरियो ।

13/07/2026

26/06/2026

यस परोपकार प्रसूति तथा स्त्रीरोग अस्पताल र काठमाडौं इन्स्टिच्युट अफ चाइल्ड हेल्थ (KIOCH) बीच नवजात शिशुलाई समयमै, गुणस्तरीय तथा विशिष्टीकृत स्वास्थ्य सेवा उपलब्ध गराउने उद्देश्यले मिति २०८३/०३/११ गते सहकार्य सम्झौता सम्पन्न भएको छ। सम्झौतामा काठमाडौं इन्स्टिच्युट अफ चाइल्ड हेल्थका अध्यक्ष एवं कार्यकारी निर्देशक डा. भगवान कोइराला तथा परोपकार प्रसूति तथा स्त्रीरोग अस्पतालका निर्देशक डा. श्रीप्रसाद अधिकारीले हस्ताक्षर गर्नुभएको हो।
परोपकार प्रसूति तथा स्त्रीरोग अस्पतालमा दैनिक करिब ६०–७० जना महिलाले प्रसूति सेवा लिने तथा अस्पतालमा जन्मिएका नवजात शिशुमध्ये दैनिक ७–१० जनासम्मलाई NICU तथा SCBU मा भर्ना गरी उपचार गर्नुपर्ने अवस्था रहन्छ। हाल अस्पतालले ४० शैयाको NICU/SCBU, ६ शैयाको Kangaroo Mother Care (KMC) र ६ शैयाको Observation Unit सहित कुल ५२ शैयाबाट नवजात शिशु उपचार सेवा प्रदान गर्दै आएको छ।
शैया अभाव तथा Pediatric Surgery, Cardiology Consultation लगायत यस अस्पतालमा उपलब्ध नभएका विशिष्टीकृत सेवाका लागि नवजात शिशुहरूलाई हालसम्म मुख्यतः कान्ती बाल अस्पताल तथा अन्य त्रिभुवन शिक्षण अस्पताल (लगायत) मा रेफर गर्दै आइएको छ। तर, सरकारी अस्पतालहरूमा शैयाको अभाव तथा सेवाको चापका कारण समयमै भर्ना हुन नसक्दा कतिपय अवस्थामा नवजात शिशुहरूलाई निजी अस्पतालमा उपचार गराउनुपर्ने बाध्यता पनि देखिएको छ।
यही अवस्थालाई मध्यनजर गर्दै गरिएको यस सहकार्यबाट नवजात शिशुहरूले आवश्यक विशिष्टीकृत सेवा समयमै प्राप्त गर्ने, उपचारमा हुने ढिलाइ न्यूनीकरण हुने तथा अभिभावकमाथिको आर्थिक भार समेत कम हुने अपेक्षा गरिएको छ।
यस सहकार्यबाट अपेक्षित उपलब्धिहरू:
• सरकारी अस्पताल सो सरह नै सहुलियत दर, गुणस्तरीय सेवा प्रदान गर्न सहज हुने।
• नवजात शिशुहरुको मुटु लगायत जटिल प्रकारका शल्यक्रिया सम्बन्धि समयमा नै सेवा उपलब्ध गराउन सहजीकरण हुने।
• सम्भव भएसम्म शैया सुनिश्चितता हुने हुँदा बिरामीको Follow-up समेत गर्न सहज हुने।
• विपन्न वर्गको पहिचान गरी सो वर्गको उपचारमा थप सहजीकरण हुने।
• यस अस्पतालमा आवश्यक थप NICU/SCBU/KMC बेड र Pediatric Surgery तथा Pediatric Subspecialty सेवा विस्तार नहुन्जेलका लागि यो सम्झौता लागू हुने छ।
यस सहकार्यले नवजात शिशु स्वास्थ्य सेवाको गुणस्तर अभिवृद्धि गर्दै मातृ तथा शिशु स्वास्थ्य सेवामा थप प्रभावकारी समन्वय र सहज पहुँच सुनिश्चित गर्ने विश्वास लिइएको छ।