Nawa Upakar Nepal Sudhar Kendra, Kathmandu (2026)

12/08/2026

Just for today, August ~12
Enough! (अब पुग्यो!)
"मन भित्र बारम्बार यस्तो आवाज गुन्जिरहन्छ "अब पुग्यो अब धेरै भयो" र तब उनिहरु आफ्नो रोग सँग लड्न को लागि पहिलो र सबै भन्दा कठिन पाइला चाल्न को लागि तैयार हुने गर्दछ।"
Basic Text, p. 80
------------------=----------------
के साच्चै नै हामी लाई पुगेको हो ? यो एक महर्वपूर्ण प्रश्न हो जुन आँफै सँग त्यो बेला सोध्नु पर्छ जब हामी एन.ए को पहिलो पाइला चाल्न तैयार हुन्छौ। यो कुराले केही फरक पार्दैन कि हामी एन.ए मा आउँदा हाम्रो परिवार टुटेको होस् या नहोस्, हामी सँग रोजगार होस् या नहोस, अथवा जीवनको सम्पूर्णताको आभास दिलाउने त्यो तमाम बाहिरी लक्षण होस् या नहोस। सम्पूर्ण रुपमा यो महत्व राखदछ कि हामी सबै भावनात्मक र आध्यात्मिकता को सबै भन्दा तल्लो स्तर सम्म पुगिसकेका छौ जस्ले हामीलाई फेरी सक्रिय दुर्व्यसन मा फर्कन को लागि असम्भव बनाउने गर्दछ। यदी यस्तो हुन्छ भने हामी नशा त्याग्न को लागि कुनै पनि हद सम्म जानको लागि ईमान्दार भएर तैयार हुने गर्दछौ।
जब हामी आफ्नो शाक्तिहिनता को अवलोकन गर्दछौ तब हामी आफुलाई एक साधारण प्रश्न गर्ने गर्दछौ, के म कुनै पनि रुपमा नशा लाई नियन्त्रण गर्न सक्छु ? मेरो नशा लिने कारणले कुन कुन घटना भयो, जुन मैले घटोस भनेर चाहना नै गरेको थिएन ? मेरो जीवन कसरी अस्त व्यस्त भयो ? के म ईमान्दार भएर स्विकार गर्छु कि म साच्चै दुर्व्यसनी हो भनेर ?
यदी यो प्रश्न हरुको को जवाब ले हामीलाई एन.ए को ढोका सम्म पुराउद्छ भने, तब हामी सक्रिय दुर्व्यसन बाट मुक्त एक नयाँ जीवन जिउन को लागि पाइला अगाडि बढाउन तयार छौ। यदी साच्चै नै हामीलाई पुगेको हो भने हामी आफ्नो सुधार को लागि कुनै हद सम्म पनि जान इच्छुक हुने गर्दछौ।
-----------------=-----------------
आजको निम्ती मात्र - म यो स्विकार गर्दछु कि मलाई पुगिसक्यो। अब म पहिलो पाइला मा काम गर्नको लागि तैयार छु।

11/08/2026

Just for today, August~11

Active listening (सक्रिय सुनाइ)

"सक्रिय सुनाइ ले हामी त्यो कुरा सुन्न सक्तछौ जुन हाम्रो लागि काम गर्दछ।"

Basic Text, pp. 106-107

--------------=--------------

हामी मध्ये धेरै ज्यादै कम सुन्ने क्षमता लिएर एन.ए मा आयौ। तर एउटा दुर्व्यसनी द्वारा अर्को दुर्व्यसनी को मद्घत गर्ने बेजोड चिकीत्सकिय मुल्य को पूर्ण लाभ लिनको लागि हामीले सक्रिय रूपमा सुन्न सिक्नु पर्दछ।

हाम्रो लागि सक्रिय सुनाइ को के अर्थ हुन्छ ? यसको अर्थ यो हो कि बैठक मा स्पिकर हरुले सेयर गरिरहदा उसले के सेयर गरिरहेछ ध्यान दिने गर्दछौ। जब कुनै स्पिकर ले बैठक मा आफ्नो अनुभव आशा र शक्ति बाडिरहेको हुन्छ तब हामी त्यो समय मा आफ्नो मत र बिचार लाई बैठक समापन नहुन्जेल सम्म एक तर्फ थन्काएर राखौ। बैठकको समाप्ति पछी हामीले बैठक मा जे पनि सुन्यौ त्यस मध्ये कुन बिचार लाई अपनाउने हो र कुन लाई अझ बुझ्न जरुरी छ, त्यसलाई छान्छौ।

स्पोन्सोरसिप मा पनि हामी ध्यानपुर्वक सुन्ने क्षमता लाई प्रयोग मा ल्याउन सक्छौ। एन.ए मा आउने नव आगन्तुक हरु पनि आफ्नो आफ्नो जीवन मा भएको जीवन मा घटेको कुनै खास घटना को बारेमा प्राय हामी सँग चर्चा गर्ने गर्दछ। जबकी हाम्रो लागि त्यो घटना को शायद त्यती महत्वपूर्ण हुने गर्दैन तर त्यो नव आगन्तुक को लागि त्यो महत्वपूर्ण हुने गर्दछ। जो सँग जीवन लाई जीवन को शर्त अनुसार जिउने थोरै मात्र हुने गर्दछ। हामीले उनिहरुको कुरा ध्यानपुर्वक सुन्दा, हाम्रो स्पोंसी को जीवन मा त्यो घटना बाट उत्पन्न भएको भावना लाई समानुभुती दिनको लागि मद्घत गर्ने गर्दछ। र यसरी समझदारिको बिकास भएपछी हामी राम्रो तरिका ले बुझ्दछौ कि हामीले उनिहरु सँग के सेयर गर्नु पर्दछ भनेर।

दुर्व्यसन को कारण ले भएको एक्लोपना ले गर्दा हामीले सक्रिय रुपमा सुन्ने क्षमता गुमाइसकेका थियौ। तर आज सक्रिय भएर सुन्ने यो क्षमता ले हामीलाई सक्रिय भएर हाम्रो सुधार सँगै बाधेर राख्न मा मद्घत गर्ने गर्दछ। सक्रिय सुनाइ को कारणले गर्दा नै हामी एन.ए मा प्राप्त हुने त्यो सबै कुरा हरु पाउदछौ जुन अरु सँग पूर्ण तवरले त्यो प्रेम र हेरचाह लाई पूर्ण तवरले अरुलाई बाड्दछौ जुन हामीले पायौ।

-------------=-------------

आजको निम्ती मात्र - म सक्रिय भएर सुन्ने प्रयास गर्ने छु। जब अरुले म सँग आफ्नो अनुभव बाड्दछ वा म उनिहरु सँग आफ्नो अनुभव बाड्दछु तब म सक्रिय सुनाइ को अभ्यास गर्ने छु।

10/08/2026

Just for today, August~10

Regular prayer and meditation (नियमित प्रार्थना र ध्यान)

"हामी मध्ये धेरै प्रार्थना तब गर्ने गर्छ जब हामी दु:ख मा हुन्छौ। तर हामीले यो बुझ्नु पर्दछ कि यदी हामी नियमित रुपमा प्रार्थना गर्छौ भने हामीलाई त्यती छिट्टै र त्यती दुखित हुँदैनौ जती पहिला हुने गर्थ्यौ।"

Basic Text, p. 45

---------------=--------------

नियमित प्रार्थना र ध्यान हाम्रो जीवन जिउने नयाँ स्वरुप मा दुई महत्वपूर्ण तत्व हो। हामो सक्रिय दुर्व्यसन हाम्रो नराम्रो व्यवहार भन्दा धेरी बढी थियो, जसलाई हामी केवल आफ्नो इच्छा शक्ति ले मात्रा त्यग्न सक्ने अवस्था मा थिएनौ। हाम्रो दुर्व्यसन एक नकरात्मक सोच ले भरिएको यस्तो खोक्रो बनाउने खाल को निर्भरता थियो जस्ले हाम्रो सबै सकरात्मक उर्जाहरुलाई चुसी सकेको थियो। त्यो निर्भरता यती बढी थियो कि कुनै उच्च शक्ति प्रती कुनै प्रकारको विश्वास स्थापित गर्न बाट हामीलाई बारम्बार रोकी रहन्थ्यो।

हाम्रो सुधार को सुरुवाती दिन बाट नै हाम्रो उच्च शक्ति हाम्रो लागि त्यो शक्ति बन्यो जस्ले हामी लाई मुक्ति दिलायो। पहिला, यसैले हाम्रो नशा प्रयोग गर्नु पर्ने हाम्रो बाध्यता बाट हामीलाई छुटकारा दिलायो। भलै हामीलाई यो थाहा थियो नशा सेवन ले हाम्रो मृत्‍यु हुन सक्छ भनेर। फेरी यसले हामीलाई आफ्नो रोग को अझै अधिक गहिरो लक्षण हरु बाट मुक्ति दिलायो। हाम्रो उच्च शक्ति ले नै हामी आँफैलाई जान्न र बुझ्न को लागि मार्गदर्शन, शक्ति र हिम्मत दियो, जसको कारण ले हामी अरु सामु मुख खोल्न सकौ र पहिलो पटक स्विकार गर्न सकौ कि हामी को हौ र कस्तो प्रकारको जीवन जिइ रहेछौ भनेर। ताकी हामी त्यो पुरानो चारित्रिक दोष हरु बाट छुटकारा पाउन सुरु गर्न सकौ जो हाम्रो तमाम समस्या हरु को जड हो र अन्तमा त्यो गल्ती र नोक्सानी हरु को क्षतिपूर्ति दिन सकौ जुन हामीले गरेका थियौ।

उच्च शक्ति सँग को त्यो पहिलो संपर्क, र त्यो पहिलो स्वतन्त्रता को त्यो पहिलो अनुभव अब पूर्ण रुपले एक भरिपूर्ण र स्वतन्त्र जीवन को रुपमा बिकसित भएको छ। हामी नियमित प्रार्थना र ध्यान द्वारा आफ्नो उच्च शक्ति सँग आफ्नो सचेत संपर्क लाई कायम गरेर र अझ प्रगाढ बनाउदै लगेर त्यो स्वतन्त्रता लाई कायम राख्दछौ।

---------------=---------------

आजको निम्ती मात्र -म आफ्नो जीवन को नयाँ स्वरुप मा नियमित प्रार्थना र ध्यान लाई सामेल गराउने प्रण गर्नेछु।

09/08/2026

Just for today, August~9

The Power of love (प्रेम को शक्ति)

"हामी यो देख्न सुरु गर्दछौ कि ईश्वर को प्रेम हरेक समय र हरेक स्थान मा उपस्थित छ, मात्र हाम्रो स्विकार को प्रतिक्षा मा छ।"

Basic Text, p. 47

----------------=----------------

"ईश्वर को प्रेम" परिवर्तन गरिदिने एउटा यस्तो शक्ति हो जसले हाम्रो सुधार लाई गती दिने गर्दछ। त्यही प्रेम को कारणले नै हामी हिनभावना तथा धेरै नशा प्रयोग गरेको कारणले हुने हताशा र निराशा को दुष्चक्र बाट छुटकारा प्राप्त गर्न सक्छौ। त्यही प्रेम को कारणले गर्दा हामी एक समय को ऊद्देश्य विहिन जीवन मा जिउनु को कारण र ऊद्देश्य महसुस गर्न सक्छौ। त्यही प्रेम को कारण हामी जीवन को नयाँ बाटो एन.ए को बाटो मा हिडन लागि मार्ग दर्शन र शक्ति प्राप्त गर्छौ। त्यही प्रेम को कारणले हामीले अरु चिज हरुलाई अर्कै दृष्‍टिकोण ले हेर्ने गर्दछौ मानौ हामी ले नयाँ आँखा प्राप्त गरेका छौ।

जसो हामी जीवन को परिक्षण प्रेम को दृष्‍टि बाट गर्दछौ तब हामीले जे प्राप्त गर्दछौ त्यो आँफैमा एक चमात्कारिक खोज हुने गर्दछ। हामी यो पाउदछौ कि जुन प्रेम पूर्ण ईश्वर अहिले चिनेका छौ त्यो त सधैं हामी सँगै नै थियो र सधैं हामीलाई प्रेम गर्ने गर्दथ्यो। हामी त्यो समय स्मरण गर्दछौ जब हामीले कुनै उच्च शक्ति सँग मद्घत को लागि प्रार्थना गरेको थियौ र हामीलाई मद्घत प्राप्त भएको थियो। हामी त्यो क्षण लाई पनि सम्झन्छौ जब हामीले ईश्वर को मद्घत को कामना गरेकै थिएनौ तर हामीलाई त्यो प्राप्त भएको थियो। हामी अब यो महसुस गर्न थालेका छौ कि त्यो प्रेम पूर्ण उच्च शक्ति ले हामीलाई हरेक समय हाम्रो हेरचाह गरेको थियो। हाम्रो जीवन लाई तब सम्म बचाई राख्यो कि जब सम्म हामी त्यो प्रेम लाई स्विकार गर्न को लागि योग्य भएनौ।

प्रेम को शक्ति सधैं नै हाम्रो साथ थियो। आज, हामी लामो समय सम्म जिवित रहन सकेको मा त्यो ईश्वर प्रती कृतज्ञता व्यक्त गर्दछौ जस्ले गर्दा हामी ले चेतना को स्तरमा आफ्नो संसार र आफ्नो जीवन मा त्यो प्रेम को अस्तित्व को दर्शन र बोध गर्न पायौ।

----------------=---------------

आजको निम्ती मात्र - म आफ्नो जीवन मा उच्च शक्ति को प्रेम लाई स्विकार गर्ने छु। म आफ्नो त्यो उच्च शक्ति को मार्गदर्शन र शक्ति प्रती सचेत छु। अज म स्व्यम आफ्नो लागि त्यो शक्ति लाई स्विकार गर्ने छु।

08/08/2026

Just for today, August~8

Responsible recovery (जिम्मेवारी साहितको सुधार)

"...हामी आफ्नो समस्या को लागि आफ्नो जिम्मेवारी स्विकार गर्ने छु र यो बुझ्ने छौ कि त्यस्को समाधान को लागि पनि उती नै जिम्मेवार छौ।"

Basic Text, p. 97

---------------=---------------

हामी मध्ये धेरै जो आफ्नो व्यक्तिगत जिम्मेवारी लाई अरुको माथि थोपर्ने बानी भएको छ, यहाँ सुधार मा आउँदा बखत पनि त्यस्तै खालको बानी देखाउने कोशीश गर्दछौ। तर हामी चाँडै नै यो थाहा पाउदछौ कि यसले काम गर्दैन भनेर।

जस्तो कि, हामी आफ्नो जीवन मा केही परिवर्तन ल्याउने बारेमा सोची रहेका छौ, त्यसैले हामी स्पोन्सर सँग कुरा गर्दछौ र के गर्ने भनेर सल्लाह र सुझाव लिने गर्दछौ। तर वास्तविकता यो हो कि दिशा निर्देशन पाउने आड मा हामी स्पोन्सर लाई यो भन्ने गर्छौ कि हाम्रो जीवन को बारेमा निर्णय गर्ने जिम्मेवारी तपाईंले नै लिनुहोस्। अथवा हुन सक्छ कि बैठक मा हाम्रो कुनै साथी सँग द्वन्द भएको होस र त्यसैले त्यो साथीको सबै भन्दा मिल्ने साथीको माध्यम बाट हामी उ सामु यो भनाउन चाहन्छौ उस्ले हाम्रो तर्फ बाट माफी माग्दिनु। शायद केही महिना अगाडि कैयौ पटक हामीले हाम्रो साथी को कांध मा आफ्नो सेवा सम्बन्धी जिम्मेवारी को बोझ थोपर्ने काम गरेका होला । शायद यो पनि हुन सक्छ कि हामी आँफै ले आफ्नो व्यक्तिगत सुची लाई आँफै ले विश्लेशण् गर्ने जिम्मेवारी लिनु को साटो आफ्नो कुनै साथीलाई हाम्रो व्यवहार को बारेमा समिक्षा गर्न र हाम्रो कमजोरी बताउन लगायौ।

सुधार एउटा यस्तो प्रक्रिया हो जसको लागि हामीले मिहेनत गर्नु पर्दछ। यो हामीलाई चांदी को थालमा सजिएर पेश हुने गर्दैन। न कि हामी आफ्नो स्पोन्सर वा आफ्नो साथी सँग त्यो कार्य प्रती उत्तरदायी हुने आशा गर्न सक्छौ जुन कार्य हामी आँफैले गर्न पर्ने हुन्छ। हामी आँफै निर्णय गरेर, आफ्नै काम गरेर आफ्नो पाइला हरुमा आँफै नै काम गरेर मात्र हामी सूध्रन्छौ। आफ्नो लागि आँफै गरेर मात्र हामी त्यस बाट पुरुस्कार पाउन सक्छौ।

---------------=--------------

आजको निम्ती मात्र - म आफ्नो जीवन र आफ्नो सुधार को जिम्मेवारी आँफै ले नै लिने छु।

07/08/2026

Just for today, August~7

The gratitude list (कृतज्ञता को सुची)

"हामी त्यो कुराहरुमा ध्यान केन्द्रित गर्ने गर्दछौ जुन हाम्रो हिसाबले ठीक तरिकाले चली रहेको छैन र आफ्नो जीवन को तमाम सुन्दरता लाई वेवास्ता गर्दछौ।"

Basic Text, p. 80

------------------=-----------------

जब सबै कुराहरु सही तरिकाले चली रहेको छ भने कृतज्ञ हुनु अधिक सजिलो हुने गर्दछ। यदी हाम्रो कार्यक्षेत्र मा हाम्रो पदोन्नति हुन्छ त हामी कृतज्ञ हुने गर्दछौ। जब हाम्रो विवाह हुन्छ तब हामी कृतज्ञ हुने गर्दछौ। जब कसैले हामीलाई कुनै सुन्दर उपहार दिएर या हामीले नमाग्दा पनि हामी लाई सहयोग गरेर अचानक हामीलाई चकित तुल्याउदछ त हामी उनिहरु प्रती कृतज्ञ हुने गर्दछौ। तर जब हामी हाम्रो काम बाट निकालिन्छौ वा हाम्रो सम्बन्ध बिच्छेद हुन्छ अथवा हामी निराश हुन्छौ तब त्यो सबै कृतज्ञता हरु अचानक हराएर जाने गर्दछ। तब हामी आफुलाई यस्तो कुरामा धेरै हद सम्म अल्झाउछौ जुन गलत छ। जब कि बाँकी कुरा हरु राम्रै चलीरहेको हुन्छ ।

यहाँ हामी कृतज्ञता को सुचि को प्रयोग गर्न सक्छौ। हामी कापी कलम लिएर बस्दछौ र तिनिहरुको सुची बनाउदछौ, जो प्रती हामी कृतज्ञ छौ। हामी सबै को जीवन मा यस्तो व्यक्तिहरु छ जसले हाम्रो जीवन को उतार चढाव को समय मा हामीलाई सहारा दिएको थियो। हामी ति तमाम आध्यात्मिक सम्पत्ति हरुको सुची बनाउदछौ, जुन हामीले प्राप्त गरेका छौ । किन कि हामीले बुझेका छौ कि तिनको बिना हामी अहिले को सुन्दर अवस्था पाउन सक्तैनौ। र यसरी अन्तमा तर सबै भन्दा महत्वपूर्ण कुरा हामी आफ्नो सुधार को सुची मा लेख्ने गर्दछौ। जे पनि हामी सँग छ र जसको लागि हामी कृतज्ञ छौ त्यो सबै हाम्रो सुची मा आउने गर्दछ।

हामी निश्चित तवरले यो पाउदछौ कि हाम्रो जीवन म सैयो पटक यस्तो कुराहरु भएको छ जो हामीलाई कृतज्ञ हुन प्रेरित गर्ने गर्दछ। यहाँ सम्म कि हामीहरु मध्ये उनिहरु जो आफ्नो तमाम भौतिक सम्पत्ति सकाइ सकेका छन - एक आध्यत्मिक किसिमको ईश्वरीय कृपा लाई अनुभव गर्ने गर्दछन र जो प्रती हामी कृतज्ञ हुने गर्दछौ। एउटा आध्यात्मिक चेतना को जागरण नै सबै भन्दा मुल्यवान उपहार हो जसलाई एक दुर्व्यसनी ले प्राप्त गर्न सक्दछ।

----------------=---------------

आजको निम्ती मात्र - म दुबै प्रकारको भौतिक र अध्यातमिक कुराहरुको एक हस्त लिखित सुची बनाउने छु, जो प्रती म कृतज्ञ छु।

06/08/2026

Just for today, August~6

The joy within (आनन्द आफुभित्र नै हुन्छ)

"आफ्नो सुधार को सुरुवात नै हामीले यो बुझ्यौ कि आनन्द बहिरी कुनै भौतिक बस्तु हरु बाट प्राप्त हुने गर्दैन, यो त हामी भित्रै बाट फुटने गर्दछ।"

Basic Text, p. 103

-----------------=------------------

हामी मध्ये धेरै एन.ए मा आफ्नो आफ्नो रोग को कारणले ग्रषित भएर आएका थियौ। हामीले आफ्नो सबै कुराहरु दुर्व्यसन को कारणले गुमाएका थियौ। जब हामी एकपटक नशा बाट टाढा भयौ तब हामी आफ्नो तमाम शक्ति आफ्नो भौतिक सम्पत्ति फेरी हासिल गर्न को लागि लगायौ। यसले हामी फेरी पहिला को अपेक्षा आफ्नो जीवन मा अझ बढी असन्तोष को अनुभव गर्न थाल्यौ।

अरु सदस्य हरुले यो भावनात्मक पिडा बाट बच्न को लागी भौतिक बस्तुहरुको सहारा लिने कोशीश गरे। हाम्रो सम्भावित प्रेमिकाले ले हाम्रो प्रस्ताव अस्विकार गरिदियो ? जाउ बजार मा गएर केही किनमेल गरौ। यदी हाम्रो प्यारो कुकुर को मृत्‍यु भयो ? तब हामी बजार घुम्न निस्कौ। वास्तवमा समस्या यो हो कि भावनात्मक सन्तुष्टी खरिद गर्न सकिदैन, यहाँ सम्म कि सजिलो किस्ता बन्दी मा पनि खरिद गर्न सकिदैन।

भौतिक बस्तु हरुमा वास्तवमा आँफैमा कुनै खराबी हुने गर्दैन। त्यसले जीवन लाई धेरै सुविधाजनक वा धेरै बिलासिपूर्ण बनाउने गर्दछ तर त्यसले हामीलाई ठीक पार्ने गर्दैन। त्यसो भए साँचो आनन्द कहाँ पाउन सकिन्छ ? हामीलाई थाहा छ, यस्को जवाब हामी भित्र नै छ।

हामी आनद कतिबेला पाउदछौ ? जब कुनै पुरस्कार को आशा नराखी हामी आफुलाई अरुको सेवा मा लगाउदछौ, तब प्राप्त हुन्छ। हामी केवल एन.ए मा आफ्नो साथी हरु माझ मात्र होइन, आफ्नो परिवार, आफ्नो नातेदार र आफ्नो आफ्नो समुदाय को बिचमा पनि साँचो स्नेह पाउन सक्छौ। र आफ्नो उच्च शक्ति सँगको आफ्नो सचेत संपर्क मा हामीले आनन्द को निश्चित श्रोत पाएका छौ। भित्री शान्ती, दिशा को निश्चित ज्ञान र भावनात्मक सूरक्षा बहिरी भौतिक बस्तुहरु बाट होइन अपितु यो हाम्रो मन भित्र बाट फुटने गर्दछ।

----------------=---------------

आजको निम्ती मात्र - साँचो आनद किन्न सकिदैन। म साँचो आनन्द लाई कार्य सेवा मा, फेलोसिप मा र आफ्नो उच्च शक्ति मा खोज्ने छु। त्यसलाई म आफु भित्र नै खोज्ने छु।

05/08/2026

The current generation is susceptible to gaming addictions, particularly if children exclusively use phones or engage in gaming. This can manifest as a reluctance to attend school, dropping out, or social isolation. These are fundamental indicators of addiction, and therefore, vigilance and awareness are crucial.

05/08/2026

Just for today, August~5

The shape of our thoughts (हाम्रो बिचारहरुको आकार)

"हाम्रो आध्यात्मिक आदर्श अनुसार आफ्नो बिचारहरुलाई एक आकार दिन सक्यौ भने हामी जे बन्न चाहन्छौ त्यसको लागि एकदम स्वतन्त्र हुने गर्दछौ।"

Basic Text, p. 101

-----------------=-----------------

दुर्व्यसन ले आफ्नै तरिकाले हाम्रो सोच हरुलाई एउटा आकार दिने गर्दछ। त्यो आकार चाहे जे जस्तो भएको होस् त्यो हाम्रो लागि एक दुर्घटना नै सिद्ध भयो। जब हाम्रो रोग ले हामीलाई पूर्ण रुपले ग्रष्त बनायो, नशा प्रयोग गर्ने हाम्रो एकहोरोपना, जुनुन् र हाम्रो बानी ले हाम्रो कर्म र हाम्रो जीवन को वास्तविक बनोट लाई नै परिवर्तन गरिदियो।

हाम्रो कार्यक्रम को प्रत्येक आध्यात्मिक आदर्श ले हाम्रो त्यो सोच को बिकार लाई सुल्झाउने गर्दछ जुन हाम्रो सक्रिय दुर्व्यसन को समयमा विकसित भएको थियो। नकार्नु को स्थान मा स्वीकार्नु, गुपचुप पना को स्थान मा इमान्दारिता, एक्लोपना को स्थान मा फेलोसिप को साथ र हताशा को स्थान मा एक प्रेम पूर्ण उच्च शक्ति माथि को आशा ले आफ्नो ठाउँ लिने गर्दछ। हामी आफ्नो सुधार मा जुन आध्यात्मिक आदर्श पाउदछौ त्यसले हाम्रो सोच र हाम्रो जीवन लाई फेरी प्राकृतिक अवस्था मा बहाल गर्ने गर्दछ।

र त्यो "प्राकृतिक अवस्था" के हो ? यो त्यो अवस्था हो जो वास्तवमा हामी आफ्नो लागि खोजी रहेका थियौ। त्यो हाम्रो सर्वोच्च सपना को छाया हो। हामी यसलाई कसरी चिनौ ? किन भने सुधार मा हाम्रो सोच हरुलाई त्यो आध्यात्मिक आदर्श ले एक आकार प्रदान गरिरहेको छ, जसलाई हामीले एन.ए मा ईश्वर भनेर सम्झन्छौ, सँग बढीरहेको आफ्नो सम्बन्ध को कारण बुझेका हौ।

अब दुर्व्यसन ले हाम्रो सोच लाई आकार दिने गर्दैन। आज हाम्रो जीवन हाम्रो सुधार र हाम्रो उच्च शक्ति को कृपाले फली फुलिरहेको छ।

---------------=---------------

आजको निम्ती मात्र - म आध्यत्मिक आदर्श लाई आफ्नो सोच हरुलाई आकार दिन को लागि अवसर प्रदान गर्ने छु। त्यही स्वरुप मा म आफ्नो उच्च शक्ति को आभास गर्नेछु।

04/08/2026

Just for today, August~4

When is a secret not a secret? (रहस्य कती बेला रहस्य रहदैन ?)

"दुर्व्यसनी हरु रहस्यमय जीवन जिउने गर्दछन। तर आफुलाई ति तमाम रहस्य बाट मुक्त गर्न र आफ्नो त्यो अतित को बोझ लाई आरुसँग बाडनाले धेरै सन्तोष प्राप्त हुने गर्दछ।"

Basic Text, p. 33

------------------=-----------------

हामीले अरु बाट यो सुन्ने गर्दछौ कि "हामी त्यसरी नै रोगी छौ जस्तो हाम्रो रहस्य छ।" हामी हाम्रो रहस्य मा त्यस्तो के लुकाउदछौ ? र किन ?

हामी त्यो कुराहरुलाई रहस्य बनाएर लुकाउने गर्दछौ, जसलाई अरु सामु भन्न पनि लाज हुने गर्दछ। हामी त्यो कुराहरु सँग यसकारण टासी रहन्छौ किन भने हामी त्यसलाई छाड्न चाहन्नौ तर यदी यही कारणले हामीलाई बेइज्जती हुन परिरहेछ भने के हामी ति कुराहरु बाट छुटकारा प्राप्त गरेर आफ्नो लागि एक सहज जीवन व्यतित गर्न सक्तैनौ ?

हामी मध्ये केही यसकारण केही कुराहरुमा टासी रहन्छन कि कुनै पनि कारणले गर्दा त्यो कुरा हरु हाम्रो लागि बेइज्जती को कारण नबनोस। यो होइन कि हामी त्यो कुराहरु बाट छुटकारा पाउन चाहदैनौ, हामी चाहन्छौ तर हामी यो विश्वास गर्न सकिरहेका हुँदैनौ कि हामी छुटकारा पाउन सक्छौ भनेर। यही कुरा हरुले हामीलाई लामो समय देखी सताइराखेको छ र हामीले पनि धेरै पटक यो बाट छुटकारा पाउने कोशीस गरेका थियौ, अब हामी कुनै आश पनि बाँकी छैन। अझै पनि हामी बेइज्जती महसुस गर्दछौ र अझ पनि रहस्य नै बनाएर राख्छौ ।

हामीलाई यो याद रहन जरुरी छ कि हामी को हौ- हामी सुधार मा आएका दुर्व्यसनी हौ। हामी त्यो हौ जसले यती धेरै लामो समय सम्म नशा प्रयोग गरेको कुरा एउटा रहस्य बनाएर लुकाउने प्रयास गर्यौ। अब हामी आफ्नो नशा प्रयोग गर्ने जूनुन र विवशता लाई आफु बाट मुक्त गरिसकेका छौ। यधापी हामी मध्ये धेरै त अन्तिम सम्म नशा सेवन गरिरहयो तर पनि हामी जसरी पनि सुधार मा आउन नै चाहन्थ्यौ। अब हामीसँग त्यो पिडा लाई अझ सहने खुबी रहेन जुन हामीले नशा सेवन गरेको कारणले पाएका थियौ। जब हामीले आफ्नो शाक्तिहिनता लाई स्विकार गर्यौ र अरुलाई मद्घत माग्यौ, तब हामी बाट यो रहस्य को बोझ हट्यो।

कुनै पनि किसिमको कुनै पनि रहस्य, जुन हाम्रो लागि बोझ बनेको छ, तब यही सिद्दान्त लागु हुने गर्दछ। हो हामी त्यसरी नै बिरामी छौ, जसरी हाम्रो तमाम रहस्य। जब हाम्रो रहस्य रहस्य रहदैन तब मात्र हामी त्यो कुराहरु बाट छुटकारा प्राप्त गरेर राहत महसुस गर्न सक्छौ। जसको कारणले हामीले बेइज्जती महसुस गर्नु पर्दथ्यो।

---------------=---------------

आजको निम्ती मात्र - मेरो रहस्य ले तब सम्म मलाई रोगी बनाइ रहन्छ जब सम्म त्यो रहस्य नै बनी रहन्छ। आज, म आफ्नो स्पोन्सर सँग आफ्नो रहस्य को बारेमा कुरा गर्ने छु।

Nawa Upakar Nepal Sudhar Kendra

12/08/2026

11/08/2026

10/08/2026

09/08/2026

08/08/2026

07/08/2026

06/08/2026

05/08/2026

05/08/2026

04/08/2026

Address

Telephone

Website

Alerts

Contact The Practice

Shortcuts

Share

Category

Listing takedown request